Anudeep

డిఫరెంట్ జానర్ ఎంటర్‌టైనర్‌లకు పేరుగాంచిన నిఖిల్ సిద్ధార్థ్ ఇన్వెస్టిగేటివ్ థ్రిల్లర్ డ్రామా కార్తికేయ 2 తో ఈసారి ఆగస్ట్ 13న ప్రేక్షకుల ముందుకు వచ్చాడు. 2014 సంవత్సరంలో విడుదలైన హిట్ చిత్రం కార్తికేయకు సీక్వెల్ గా రిలీజ్ అయిన ఈ చిత్రానికి చందూ మొండేటి దర్శకత్వం వహించారు .

త్రిల్లింగ్ సీక్వెన్స్ తో, మంచి కథతో ,ఆకట్టుకునే సన్నివేశాలతో ఈ చిత్రం థియేటర్లలో ప్రేక్షకులను కట్టిపడేస్తుంది. నిఖిల్ సిద్ధార్థ యాక్షన్ ఈ చిత్రానికి హైలైట్ గా నిలిచింది.

కార్తికేయ మూవీ అంతా ఒక విలేజ్ లోని కార్తికేయ స్వామి టెంపుల్ చుట్టు ఉన్న మిస్టరీ గురించి కాగా దానికి సీక్వెల్ గా వస్తున్న కార్తికేయ 2 లో హీరో శ్రీకృష్ణుడి కు సంబంధించిన కొని రహస్యాలను ఛేదించడానికి వెళ్తాడు.తాజా నివేదిక ప్రకారం ఈ చిత్ర నిర్మాత అభిషేక్ అగర్వాల్‌కి ZEE5తో మంచి అనుబంధం ఉన్న కారణంగా కార్తికేయ 2′ చిత్రం పోస్ట్ థియేట్రికల్ స్ట్రీమింగ్ ఓటీటీ హక్కులను ZEE5 చేజిక్కించుకుంది.ఇప్పుడు థియేటర్లో నడుస్తున్న ఈ సినిమా నాలుగు వారాల తర్వాత ZEE5 లో స్ట్రీమ్ అవ్వబోతున్నట్లు సమాచారం.

ఈ చిత్రంలో అనుపమ పరమేశ్వరన్ హీరోయిన్ గా నటించగా నిఖిల్ సిద్ధార్థ హీరో క్యారెక్టర్ ప్లే చేశారు. ఈ చిత్రంలో ధన్వంతరి అనే ఒక ముఖ్య పాత్రలో బాలీవుడ్ అగ్ర నటుడు అనుపమ్ ఖేర్ నటిస్తున్నారు.కార్తికేయ 2 ని పీపుల్ మీడియా ఫ్యాక్టరీ మరియు అభిషేక్ అగర్వాల్ ఆర్ట్స్ బ్యాంక్రోల్ చేయగా, కాల భైరవ సంగీతం సమకూర్చారు.హిందీలో డబ్ అయిన ఈ సినిమా నార్త్ బెల్ట్ లో కూడా సందడి చేస్తోంది. రిలీజ్ అయిన రెండు రోజుల లోనే బాక్సాఫీస్ వద్ద రూ.35 లక్షలు వసూలు చేసింది.

యస్ రాజశేఖర్ రెడ్డి దర్శకత్వంలో నితిన్ హీరోగా కృతి శెట్టితో జంట కట్టిన చిత్రం మాచర్ల నియోజకవర్గం. ఈనెల 12న రిలీజ్ అయి ప్రేక్షకులు ముందుకు వచ్చిన ఈ సినిమా అంతంత మాత్రంగానే ఉంది అన్న టాక్ వచ్చింది.

ఫుల్ లెన్త్ మాస్ యాక్షన్ అండ్ లవ్ ఎంటర్టైనర్గా రూపొందించిన ఈ మూవీ అంచనాలకు తగినట్టుగా ప్రేక్షకులను ఆకట్టుకోలేకపోయింది. ఈ చిత్రం ద్వారా ఆయన సక్సెస్ సాధించాలి అని ప్రయత్నించిన నితిన్ ను ఈ మూవీ నిరాశపరిచిందని చెప్పవచ్చు.

ఈ సినిమాలో అవినీతిపరులైన రాజకీయ నాయకుల తో పోరాడే కలెక్టర్ పాత్రలో నటించిన నితిన్ నటన పలువురి ప్రశంసలు అందుకుంది. కానీ కొన్ని కారణాలవల్ల ఈ చిత్రం అనుకున్న సక్సెస్ సాధించలేకపోవడం నితిన్ ఫాన్స్ కు నిరాశ మిగిల్చింది. ఇప్పుడు థియేటర్లలో రిలీజ్ అయిన సినిమాలు వెంటనే ఆన్లైన్ ప్లాట్ ఫామ్ లో కూడా విడుదలై ప్రేక్షకులకు కనువిందు చేస్తున్న విషయం మన అందరికీ తెలిసిందే.  ఈ నేపథ్యంలో మాచర్ల నియోజకవర్గ ఓటీటీ రైట్స్ ను అమెజాన్ సొంతం చేసుకుంది.

మామూలుగా సినిమా హిట్ అయినట్లయితే ఓటీటీ లో కొద్దిగా ఆలస్యంగా రిలీజ్ చేసేవారే, కానీ ఈ చిత్రం విడుదలైన అనంతరం ఫ్లాప్ టాక్ సొంతం చేసుకోవడంతో ఇది త్వరలోనే ఓటీటీ ప్లాట్ఫామ్ అమెజాన్ లో రిలీజ్ అవుతుందని అంచనా. మాచర్ల నియోజకవర్గం విడుదలై నాలుగు వారాలు కూడా కాకముందే అమెజాన్లో ప్రసారం చేయబోతున్నట్లు సమాచారం. మరి రిలీజ్ డేట్ ఎప్పుడు అని వెయిట్ చేస్తున్నారా…ఈ సినిమా అమెజాన్ లో సెప్టెంబర్ 9 నుంచి ప్రసారం కాబోతుంది అని తెలుస్తుంది. కానీ ఇంకా దీనికి ఎటువంటి అధికారిక ప్రకటన లేకపోవడంతో ఈ విషయాన్ని ఎంతవరకు నమ్మవచ్చు అనేదానిమీద ఇంకా క్లారిటీ కలగలేదు.

కొణిదెల కుటుంబం నుంచి తెలుగు సినీ ఇండస్ట్రీలో అడుగుపెట్టిన కొణిదల పవన్ తేజ అందరికీ పరిచయం. ఈ మధ్యనే పవన్ తేజ్ కు యాంకర్ మేఘనతో గురువారం నాడు ఘనంగా నిశ్చితార్థం వేడుక జరిగింది.

‘ఈ కథలో పాత్రలు కల్పితం’ చిత్రం ద్వారా అతని నటన తో హీరోగా అందరినీ ఆకట్టుకున్నాడు పవన్ తేజ్. అదే చిత్రంలో హీరోయిన్ గా యాంకర్ మేఘన నటించారు. ఈ సమయంలోనే వారిద్దరి మధ్య పుట్టిన ప్రేమకు ఇరువైపుల పెద్దలు పచ్చ జెండా ఊపడంతో త్వరలోనే వారు పెళ్లి పీటలెక్కబోతున్నారు.

ఈ క్రమంలో మెగా కుటుంబంలో కాలు పెట్టబోతున్న కొత్త కోడలు మీద ఆసక్తితో ఎందరో మెగా అభిమానులు ఆమెకు సంబంధించిన బ్యాగ్రౌండ్ తెలుసుకోవాలని ఉబలాటపడుతున్నారు. ప్రస్తుతం పవన్ తేజ్ మరియు మేఘన ఎంగేజ్మెంట్ వీడియోలు ఆన్లైన్లో హల్చల్ చేస్తున్నాయి. 2018 లో నవదీప్ హోస్ట్ చేసిన “టాలీవుడ్ స్క్వేర్స్” షోతో బుల్లితెరకు పరిచయం అయ్యారు మేఘన. ప్రస్తుతం ఈటీవీ ప్లస్ లో “రెచ్చిపోదాం బ్రదర్” షో లో యాంకర్ గా చేస్తున్నారు.

“ఈ కథలో పాత్రలు కల్పితం” చిత్రంతో 2021 లో సినీ పరిశ్రమలో తెరంగేట్రం చేసారు మేఘన.మేఘనకు చిన్నతనం నుంచి యాంకరింగ్ అంటే ఉన్న ఇష్టంతో ఆమె చాలా ఈవెంట్లకు యాంకర్ గా వ్యవహరించి మంచి పేరు తెచ్చుకోండి. ఈ క్రమంలో ఆమెతో కలిసి నటించిన పవన్ తేజ్ కు ఆమెకు అభిప్రాయాలు ఏకీభవించడంతో పెళ్లి చేసుకోవాలని నిశ్చయించుకున్నారు.

ఇక మేఘన కుటుంబం విషయానికి వస్తే, ఆమె తండ్రి పోలీస్ డిపార్ట్మెంట్లో మంచి పదవిలో ఉన్నారని సమాచారం. అంతేకాక ఆమె కుటుంబానికి భారీగా కాకినాడలో ఆస్తులు ఉన్నాయని, ఆమె చాలా కోటీశ్వరురాలు అని సమాచారం. ఈ విషయం తెలిసిన వారు “ధనవంతురాలు అయినప్పటికీ మేఘన రియల్ లైఫ్ లో సింప్లిసిటీకి ప్రాధాన్యత ఇవ్వడం హర్షించదగ్గ విషయమని”ఆమెను ప్రశంసిస్తున్నారు.

కానీ ఇంకా వీళ్ళిద్దరి పెళ్లి కి తేదీ కన్ఫర్మ్ కాలేదు. నెట్లో అప్లోడ్ అయిన వీరి నిశ్చితార్థం వీడియోని చూసి ” మీరు పెళ్లి చేసుకొని కలకాలం అన్యోన్యంగా ఉండాలి ” అని నెటిజన్ల వీరిద్దరిని ఆన్లైన్ లో దీవించారు. ఏది ఎలా ఉన్నప్పటికీ మెగా కుటుంబం లాంటి పెద్ద కుటుంబానికి కోడలు అవుతున్న మేఘన పెళ్లి తర్వాత తన కెరీర్ విషయంలో ఎటువంటి నిర్ణయం తీసుకోబోతున్నారు అనేది వేచి చూడాలి.

M.Y.M క్రియేషన్స్ పతాకంపై ఈశ్వర్ బాబు.డి(Eswarbabu Dhulipudi) దర్శకత్వంలో సీనియర్ ప్రొడ్యూసర్ అండ్ డిస్ట్రిబ్యూటర్ ఎం.వై.మహర్షి(M.Y Maharshi) నిర్మించిన చిత్రం …1948 అఖండ భారత్ (1948 Akhanda Bharath). అన్ని భారతీయ, ముఖ్యమైన అంతర్జాతీయ భాషల్లో ఇటీవలే విడుదల అయింది . ఈ చిత్రంలో గాంధీగా రఘనందన్(Raghu Nandhan) నాథురాం గోడ్సే గా డా. ఆర్యవర్ధన్ రాజ్(Arya Vardhan Raaz), సర్ధార్ వల్లభాయ్ పటేల్ గా శరద్ దద్భావల,(Saradh Dadbhvala ), నెహ్రుగా మొహమ్మద్ ఇంతియాజ్(Mohammed Imtiaz), జిన్నాగా జెన్నీ(Jenny), అబ్దుల్ గఫర్ ఖాన్ గా సమ్మెట గాంధీ (Sammeta Gandhi), ప్రధాన పాత్రలు పోషించారు. గాంధీ హత్యోదంపై నిర్మించిన ఈ చిత్రం ఏవిధంగా వుందో చూద్దాం పదండి.

కథ: బ్రిటీష్ పాలకులు భారత దేశానికి స్వాతత్య్రం ప్రకటించిన అనంతరం దేశవిభజన జరిగి… హిందూ, ముస్లింల మధ్య మతకలహాలు జరిగి లక్షలాది మంది ప్రాణాలు కోల్పోయారు. లక్షల మంది పాకిస్తాన్ నుంచి కాందిశీకులుగా భారత దేశానికి వచ్చేశారు. దానికి ప్రతీకారంగా ఇండియాలో ఉన్న ముస్లింల పైనా దాడులు జరిగాయి. ఈ మత కల్లోలాను ఆపి… విభజన సమయంలో పాకిస్తాన్ కి ఇస్తామని హామీ ఇచ్చిన రూ.55 కోట్లు ఇవ్వాలని ఢిల్లీలోని బిర్లా హౌస్ లో గాంధీ నిరాహార దీక్ష ప్రారంభిస్తారు. ఈ నిరాహార దీక్ష …. కొంత మంది హిందూ మహాసభ సభ్యులకు ఎలా ఆగ్రహం కలిగించింది? అందులో ముఖ్య సభ్యులైన వీర సావర్కర్ శిష్యులు నాదూరమ్ గాడ్సే, నారాయణ ఆప్టే అండ్ మిత్ర బృందం గాంధీని చంపడానికి ప్రేరేపించిన అంశాలు ఏవో తెలియాలంటే సినిమా చూడాల్సిందే.

కథ… కథనం విశ్లేషణ: దేశ విభజన వల్ల భారతదేశం భౌగోళకంగా… ఆర్థికంగా… సామాజికంగా…. సాంస్కృతికంగా చిన్నాభిన్నమైనది. అందుకు కారణం అప్పటి బ్రిటీష్ పాలకులు ఓ కారణం కాగా… మరో వైపు అప్పటి కాంగ్రెస్ పార్టీ కి చెందిన నాయకులు. వారితో పాటు అహింసా వాది అయిన జాతిపిత గాంధీ. శాంతి… శాంతి అంటూ ఓ వైపు పాకిస్తాన్ కి వంత పాడటం వల్ల ఆయన ప్రాణాలనే వొదలాల్సి వచ్చిందని గాడ్సే వాదుల వాదన. 1948 అఖండ భారత్ లో రచయిత ఇందులో అదే చూపించారు.

అహింసా వాది, సత్యాగ్రహి అయిన గాంధీ హత్యకు 45 రోజుల ముందు నుంచి జరిగిన పరిణామాలు, ఆయన మరణానంతరం జరిగిన ఇన్వెస్టిగేషన్ అన్నీ ఇంట్రెస్టింగ్ గా వున్నాయి. గాంధీ హత్య కేసులో ఊరి తీయబడ్డ నాధు రామ్ గాడ్సే, నారాయణ అప్టేల మృత దేహాలను దహనం చేసిన ప్లేస్ లో అమర వీరుల స్తూపాలు నిర్మిస్తారని భావించి, ఎవరికీ తెలియకుండా దహనం చేయడం లాంటి భావోద్వేగ అంశాలు ఎంతో హృద్యంగా తెరపై చూపించాడు దర్శకుడు. దేశ విభజన సమయంలో జరిగిన కొన్ని మూలన పడిన సంఘటనలు ఈతరం యువతకి తెలిసేలా వుంది ఈ సినిమా. గో అండ్ వాచ్ ఇట్.

ఈ చిత్రంలో గాంధీ పాత్రలో రఘనందన్ (Raghu Nandhan) బాగా ఆకట్టుకున్నాడు. హావ భావాలు, డైలాగ్ డెలివరీ అన్నీ చక్కగా కుదిరాయి. ఇక కీలక రోల్ నాథురాం గోడ్సే గా డా. ఆర్యవర్ధన్ రాజ్(Arya Vardhan Raaz) అలరించాడు. ఎందుకంటే ఈ పాత్రకి గాంధీ లాగ పెద్దగా రిఫరెన్స్ కూడా మనకి చరిత్రలో కనిపించవు. గాంధీని హత్య చేసిన హంతకుడిలాగే మనం చదవడం కానీ, వినడం కానీ చేశాం. ఇందులో అయితే గాడ్సే ఓ అభ్యుదయ భావాలు వున్న బ్రాహ్మణ యువకునిగా గాడ్సే ఎంత అగ్రెసివ్ గా ఉండేవారో ఆర్య వర్ధన్ రాజ్ బాగా చేసి చూపించారు. క్లైమాక్స్ కోర్ట్ సీన్ లో భావోద్వేగంతో చెప్పిన డైలాగులు చాలా కన్వెన్సింగ్ గా వున్నాయి. నారాయణ అప్టే పాత్రధారి బాగా చేసాడు. సర్ధార్ వల్లభాయ్ పటేల్ గా శరద్ దద్భావల, నెహ్రుగా మొహమ్మద్ ఇంతియాజ్, జిన్నాగా జెన్నీ, అబ్దుల్ గఫర్ ఖాన్ గా సమ్మెట గాంధీ తమ పాత్రలకు న్యాయం చేశారు.

ఆర్య వర్ధన్ రాజ్ ఎంతో రీసెర్చ్ చేసి రాసిన కథ, కథనాలను దర్శకుడు ఈశ్వర్ డి.బాబు తెరమీద బాగా చూపించారు. ప్రజ్వల్ క్రిష్ అందించిన సంగీతం బాగుంది. చంద్రశేఖర్ సినిమాటోగ్రఫీ రిచ్ గా వుంది. 1948 నాటి పరిస్థితులను బాగా చిత్రీకరించారు. అందుకు తగినట్టుగా ఆర్ట్ వర్క్ బాగుంది. నిర్మాత ఎం. వై. మహర్షి ఎక్కడా కాంప్రమైజ్ కాకుండా ఎంతో క్వాలిటీగా సినిమాను నిర్మించారు. ఈతరం యువత తప్పకుండా చూడాల్సిన సినిమా ఇది. గో అండ్ వాచ్.
రేటింగ్: 3