Anudeep

టాలీవుడ్‌లో మాచో స్టార్‌గా గుర్తింపు తెచ్చుకున్న హీరో గోపీచంద్. తెలుగులో రెండు దశాబ్దాల సినీ ప్రయాణాన్ని పూర్తి చేసుకున్నాడు. ముత్యాల సుబ్బయ్య దర్శకత్వంలో వచ్చిన తొలి వలపు (2001) చిత్రంతో హీరోగా అరంగేట్రం చేశారు గోపీచంద్.

ఈ సినిమా ఆశించినస్థాయిలో సక్సెస్స్ అవ్వకపోవడంతో జయం, నిజం, వర్షం సినిమాల్లో విలన్ గా చేసి మంచి గుర్తింపు తెచ్చుకున్నాడు. ఆ తర్వాత వచ్చిన యజ్ఞం సినిమాతో హీరోగా వచ్చాడు గోపీచంద్. ఈ సినిమా కమర్షియల్ గా హిట్ అయ్యి ఆయన్ని మళ్లీ హీరోని చేసింది.

అయితే.. జులై 1న విడుదల కానున్న పక్కా కమర్షియల్ సినిమా ప్రమోషన్స్ లో భాగంగా గోపీచంద్ యజ్ఞం సినిమా గురించి ఆసక్తికరమైన వాక్యాలు చేసారు. యజ్ఞం సినిమా 2004లో రవి కుమార్ దర్శకత్వంలో వచ్చింది. అయితే డైరెక్టర్ మొదట ఈ సినిమాకు హీరోగా డార్లింగ్ ప్రభాస్ ని అనుకున్నాడంటా కానీ డైరెక్టర్ కొత్తవాడు కావడంతో ప్రభాస్ ఈ ప్రాజెక్ట్ ని రిజెక్ట్ చేసాడంటా..

Also Read: రామ్ పోతినేని “ది వారియర్” సినిమాకి మొదటిగా అనుకున్న… ఆ “స్టార్ హీరో” ఎవరో తెలుసా..?

అనంతరం డైరెక్టర్ రవి కుమార్ యజ్ఞం స్టోరీని కళ్యాణ్ రామ్ కి వినిపిస్తే.. కొత్త దర్శకుడు అని కాదన్నాడంటా.. ఆ తర్వాత బాబాయ్ పోకూరి బాబూరావు యజ్ఞం మూవీలో హీరోగా నటిస్తావా అని నన్ను అడిగారని ఆయన తెలిపారు. నేను వెంటనే ఒప్పుకున్నానని గోపీచంద్ చెప్పుకొచ్చారు. యజ్ఞం సినిమాలో హీరోగా ఎంపికయ్యే సమయానికి నేను వర్షం, నిజం షూటింగ్ లలో పాల్గొంటున్నానని గోపీచంద్ పేర్కొన్నారు.

ప్రస్తుతం జులై1న విడుదల కానున్న పక్కా కమర్షియల్ సినిమాకు మారుతీ డైరెక్టర్ కాగా, రాశీఖన్నా హీరోయిన్ గా చేసింది. ఆరడుగుల బుల్లెట్ పరాజయం తర్వాత వస్తున్న ఈ సినిమాతో హిట్ కొట్టాలని చూస్తున్నాడు మాచో స్టార్. ఈ చిత్రం తర్వాత లౌక్యం డైరెక్టర్ శ్రీవాస్ తో మరో సినిమా చేయనున్నాడు గోపీచంద్.

Also Read: “పెళ్లి చేసుకున్న వాళ్ళు ఆనందంగా లేకపోవడానికి కారణం నువ్వే..!” అంటూ.. వైరల్ అవుతున్న “సమంత” కామెంట్స్..! (వీడియో)

ఎనర్జిటిక్ స్టార్ రామ్ పోతినేని నటించిన లేటెస్ట్ మూవీ ‘ది వారియర్’. దీనికి తమిళ డైరెక్టర్ లింగుసామి దర్శకత్వం వహించారు. నిన్న ఈ మూవీ ట్రైలర్ రిలీజ్ చేయడంతో మంచి రెస్పాన్స్ వస్తుంది.

అందులో ఆది పినశెట్టి.. మనిషన్నవాడు ఒకటి భయంతో బతకాలా లేదా బలంతో బతకాలా అంటే.. దానికి కౌంటర్ గా రామ్ . . నేను ఈ ఊర్లోకి వచ్చినప్పటి నుంచి నీకు నిద్ర సరిగా పడుతున్నట్టు లేదు కళ్ళు  ఎర్రబడ్డాయి, కళ్ల కింద నల్లగా ఉన్నాయి. స్ట్రాంగ్ స్లీపింగ్ టాబ్లెట్ రాసిస్తా  అంత సెట్ అయిపోద్ది..  అని చెప్పే డైలాగ్స్ అందరిని ఆకట్టుకుంటున్నాయి.

ఈ చిత్రంలో రామ్ సరసన ఉప్పెన ఫేమ్ కృతిశెట్టి ఆర్ జే పాత్రలో నటించింది. తెలుగు, తమిళ భాషల్లో ఏకకాలంలో ఈ చిత్రాన్ని తెరకెక్కించారు. రాక్ స్టార్ దేవి శ్రీ ప్రసాద్ మ్యూజిక్ అందించాడు. ఇటీవల విడుదలైన బుల్లెట్ సాంగ్ కి మంచి రెస్పాన్స్ వచ్చింది. అయితే ఈ సినిమాకు మొదట ఐకాన్ స్టార్ అల్లు అర్జున్ ని అనుకున్నారంటా.. రామ్ పోతినేని, అల్లు అర్జున్ కలిసి సినిమా చేయబోతున్నారని అప్పట్లో వార్తలు కూడా వినిపించాయి. కానీ ఆ తర్వాత బన్నీ ఈ చిత్రం నుంచి ఎందుకు తప్పుకున్నారో కారణం తెలీదు.

ఒకవేళ అల్లు అర్జున్ ఈ మూవీలో చేసుంటే.. పోలీస్ ఆఫీసర్ సత్యగా బన్నీ, గురు (ఆది) క్యారెక్టర్ లో రామ్ కనిపించే వారేమో.. లేదా గతంలో అల్లు అర్జున్ తిరస్కరించిన స్క్రిప్ట్ ను ఇప్పుడు రామ్ అంగీకరించి ఉండొచ్చు. ఇప్పటికే ఈ సినిమా షూటింగ్ పూర్తి చేసుకుంది. షూటింగ్ పూర్తి అవ్వడంతో టీమ్ పోస్ట్ ప్రొడక్షన్ పనులపై ఫోకస్ పెట్టింది. మంచి అంచనాలతో వస్తోన్న ఈ చిత్రాన్ని జులై 14న వరల్డ్ వైడ్ గా విడుదల చేయనున్నారు.

ఫిల్మ్ ఇండస్ట్రీలో హీరోలు, హీరోయిన్లు ఏం మాట్లాడినా అందరికి చేరుతుంది. అందుకే వారి ఆచితూచి మాట్లాడతారు. వివాదాలకు వీలైనంత దూరంగా ఉంటారు. కొన్నిసార్లు వాళ్ళు వివాదాల జోలికి పోకపోయినా, కొన్ని వివాదాలు అనుకోని పరిస్ధితుల్లో వాళ్ళ మెడకు చుట్టుకుంటాయి.

మొన్న సూపర్ స్టార్ మహేష్ బాబు నుంచి నిన్న లేడీ పవర్ స్టార్ సాయి పల్లవి, నేడు ఐకాన్ స్టార్ అల్లు అర్జున్ వరకు అనేక మంది వివాదాల్లో చిక్కుకున్న వాళ్లే. వాళ్లంతా ఎందుకు ట్రోల్ చేయబడ్డారో ఒకసారి చూద్దాం..

#1. మహేష్ బాబు

సౌత్ సూపర్ స్టార్ మహేష్ బాబు.. బాలీవుడ్ నటించే ఆసక్తి లేదు, అందుకే హిందీ సినిమాలు చేయడం ఇష్టం లేదని చేసిన వ్యాఖ్య అప్పట్లో సంచలనం సృష్టించింది. అతను క్లారిటీ ఇచ్చినప్పటికీ, అతను ట్రోలింగ్‌లకు కేంద్రబిందువయ్యాడు. కొందరు నెటిజన్లు మహేష్ కి అహంకారము అని, గర్వం ఎక్కువ అని విమర్శించారు. దీనికి సంబంధించి ఓ వ్యాఖ్య కూడా ఉంది.. ‘దీనినే గర్వం అంటారు, నేను అతని పట్ల నా గౌరవాన్ని కోల్పోయాను. మీకు నచ్చినది చేయండి, అయితే ఇతరులను కించపరచకండి.’

#2. అల్లు అర్జున్

ఐకాన్ స్టార్ అల్లు అర్జున్ అభిమానులకు కొదవే లేదు. అయితే ఇటీవల అతని అనుమతి లేకుండా తీసిన ఓ ఫోటోతో అతను ట్రోల్ కి గురయ్యాడు. నీలిరంగు టీ షర్టు, నల్లటి ప్యాంటులో కనిపించాడు. కొందరు అతనిని బాడీ-షేమ్ చేసారు మరియు ‘వడా పావ్’ అని, ఇంకొన్ని పేర్లతో సోషల్ మీడియాలో ట్రోల్ చేశారు. గతంలో కూడా సౌత్ ఇండియన్ స్టార్స్ కూడా ఇలాగే ఇబ్బంది పడ్డారు.

#3. జూనియర్ ఎన్టీఆర్

ఆర్ఆర్ఆర్ స్టార్ జూనియర్ ఎన్టీఆర్ ఓ సిక్స్ ప్యాక్ ఫోటో సోషల్ మీడియాలో పోస్ట్ చేసినప్పుడు తీవ్రంగా ట్రోల్ చేశారు. అభిమానులు అతని అబ్స్ ఫేక్ అని విమర్శించారు. ‘ఒక నెలలో సిక్స్ ప్యాక్ పొందడానికి, ఈరోజే ఫోటోషాప్ క్రాష్ కోర్సులో చేరండి’ అని వ్యాఖ్యానించారు.

#4. నివిన్ పౌలీ

కనకం కామిని కలహం అనే చిత్రంలో సహ నటుడు గ్రేస్ ఆంటోనీతో కలిసి నటించాడు నివీన్ పౌలీ. ఆ చిత్రంలో నివిన్ శరీరాకృతిని ట్రోల్ చేశారు. చాలామంది నెటిజన్లు బరువు పెరగడంపై ఆయనపై విమర్శలు గుప్పించారు.

#5. సాయి పల్లవి

ఓ యూట్యూబ్ ఛానెల్‌కు ఇచ్చిన ఇంటర్వ్యూలో, సాయి పల్లవి మాట్లాడుతూ, ‘కాశ్మీరీ పండిట్‌లను ఆ సమయంలో ఎలా చంపారో కాశ్మీర్ ఫైల్స్ చూపించాయి. మీరు ఈ అంశాన్ని మతపరమైన వివాదంగా తీసుకుంటే, ఆవులను రవాణా చేస్తున్న ముస్లిం డ్రైవర్‌ను కొట్టి, ‘జై శ్రీరామ్’ అని బలవంతం చేసిన సంఘటన ఇటీవల జరిగింది. అయితే ఈ రెండు సంఘటనల మధ్య తేడా ఎక్కడ ఉంది అనే మాటలు ఆమెను ఇబ్బందుల్లోకి నెట్టింది. సాయి పల్లవి వ్యాఖ్యలు సోషల్ మీడియాలో దారుణంగా ట్రోల్ చేయబడ్డాయి. దీంతో ఆమె తన సోషల్ మీడియా ద్వారా క్లారిటీ ఇవ్వాల్సి వచ్చింది.

#6. సమంత

సమంత ఇటీవల మద్యం కంపెనీకి బ్రాండ్‌గా ఉన్నందుకు ట్రోల్ చేయబడింది. ఆమె తన సోషల్ మీడియా ఖాతాలలో వాణిజ్య ప్రకటనను పంచుకోవడంతో, నెటిజన్లు మద్యాన్ని ప్రచారం చేసినందుకు ఆమెను ట్రోల్ చేశారు. ఆమె వీడియోపై ఒక వ్యాఖ్య ఇలా ఉంది.. ‘మీరు ఈ విషయాలను ప్రోత్సహించకూడదు.’

రొమాంటిక్, యాక్షన్ ఎంటర్టైనర్ గా మహేష్ బాబు మరియు కీర్తి సురేష్ కలిసి నటించిన చిత్రం సర్కారు వారి పాట. ఈ చిత్రానికి గాను పరశురాం దర్శకత్వం వహించారు. ఈ సినిమాకు గాను మైత్రి మూవీ మేకర్స్, GMB ఎంటర్టైన్మెంట్స్, 14 రీల్స్ సంస్థలు నిర్మాణ సారథ్యం వహించారు. మన సర్కారు వారి పాట చిత్రానికి థమన్ సంగీత దర్శకత్వం వహించారు.

థమన్ సంగీత దర్శకత్వం అందించిన ఒక్కో పాటకీ సోషల్ మీడియాలో విపరీతంగా వ్యూస్ వచ్చాయి అని చెప్పవచ్చు. ఒక పాటను మించి ఒక పాట ఎంతో అద్భుతంగా ఉన్నాయి అంటూ ప్రేక్షకుల నుంచి అభిప్రాయం వ్యక్తమయ్యింది. ఒక్కొక్క పాటకి మిలియన్ల సంఖ్యలో వ్యూస్ వచ్చాయంటే ఎంత హిట్ అయ్యాయో వేరే చెప్పవలసిన అవసరం లేదు.

ఇప్పుడు ఈ సర్కారు వారి పాట చిత్రాన్ని అమెజాన్ ప్రైమ్ ద్వారా ప్రేక్షకులకు మరింత దగ్గర చేశారు దర్శక నిర్మాతలు. ఈ చిత్రం అమెజాన్ ప్రైమ్ లో తెలుగుతో పాటు తమిళంలో కూడా డబ్బింగ్ చేసి విడుదల చేశారు. తెలుగులో అంత ఆకట్టుకున్న ఈ చిత్రం సంగీతం, తమిళ్లో వినడానికి అంత వినసొంపుగా లేదు అంటున్నారు అభిమానులు.

మన తెలుగులో ఇంత హిట్ అయిన ఈ సాంగ్స్ తమిళ్ లో వినడానికి అంత బాగోలేదు అని అభిప్రాయాన్ని వ్యక్తం చేస్తున్నారు. ముఖ్యంగా మా మా మహేషా అనే పాట మాత్రం ఏదో ముసలివారితో పాడిచినట్లు ఉంది అని నెటిజన్లు కామెంట్ చేస్తున్నారు. అలాగే డైలాగ్స్ డబ్బింగ్, వారికి ఇచ్చిన వాయిస్ లు కూడా అస్సలు సరిగ్గా లేదు. మన తెలుగులో అంత హిట్ అయిన పాటలని తమిళ్ లో అసలు కొంచెం కూడా జాగ్రత్త తీసుకోకుండా పాడించారు. అంత ఆతృతగా తమిళంలో అమెజాన్ ప్రైమ్ లో విడుదల చేయకపోతే కొంచెం టైం తీసుకొని పర్ఫెక్ట్ గా డబ్ చేసి ఉంటే ఇంకా బాగుండేది. ఎంత పెద్ద హీరో సినిమాని ఈ విధంగా చేసేసారు ఏంటి అని అభిప్రాయం వ్యక్తంచేస్తూ కామెంట్స్ చేస్తున్నారు నెటిజన్లు.

😂 https://t.co/1A8wcnCTB4 pic.twitter.com/3b88lxSo3T

— мυκєѕн ᴳᴼᴬᵀ🐐 (@Being__Mukesh) June 28, 2022

రానా, సాయి పల్లవి ప్రధాన తారాగణంగా రొమాంటిక్ యాక్షన్ చిత్రం తెరకెక్కింది విరాట పర్వం. ఈ చిత్రానికిగాను వేణు ఊడుగుల  దర్శకత్వం వహించారు. ప్రియమణి, నందితా దాస్ మరియు ఇతరులు కీలక పాత్రల్లో నటించారు. ఈ జూన్ 17న విడుదలై బాక్సాఫీసు వద్ద ఆశించిన ఫలితాలను దక్కించుకోలేకపోయింది విరాటపర్వం చిత్రం. దీనితో విడుదలైన నెల రోజులకే  థియేటర్లు ఖాళీగా మారిపోయాయి.

1990 కాలంలో విప్లవ భావాలపై ఆకర్షితురాలై నక్సల్ ఉద్యమంలో చేరిన తూము సరళ జీవిత కథ ఆధారంగా రూపొందింది. ఈ చిత్రంలో సాయి పల్లవి వెన్నెల క్యారెక్టర్ లో నటించారు.  విమర్శకులు, ప్రేక్షకులు సైతం రానా మరియు సాయి పల్లవి నటన ఎంతో అద్భుతంగా ఉంది అంటూ ప్రశంసల వర్షం కురిపించారు. అయితే డైరెక్టర్ సాయి పల్లవి కోసమే ఈ కథనం క్రియేట్ చేసినట్లు ఒకానొక సందర్భంలో వెల్లడించారు.

అయితే ఈ చిత్రానికి గాను హీరోగా ముందుగా  గోపీచంద్ అని అనుకున్నారట  దర్శకుడు. గోపీచంద్ కు ఈ కథ వినిపించగా ఈ చిత్రంలో ఎక్కువగా హీరోయిన్ కే ప్రాధాన్యత ఎక్కువగా ఉంది. అందుకే ఈ చిత్రానికి నేను కరెక్ట్ కాదని నో చెప్పారట గోపీచంద్.

గోపీచంద్ నో చెప్పిన తర్వాత  రానాను సంప్రదించి విరాటపర్వం  చిత్రంలో నటింపజేసేశారు. గతంలో రానాకు కూడా సోషల్ మీడియా ద్వారా ఈ చిత్రంలో నటించవద్దని అభిమానులు కామెంట్స్ ద్వారా తెలియజేశారు.  డిజాస్టర్ గా మిగిలిన ఈ చిత్రంలో గోపీచంద్ నటించినపోవడమే మంచిదని ఆయన అభిమానులు అభిప్రాయం వ్యక్తంచేస్తున్నారు. ఈ జులై 1న నెట్ఫ్లిక్స్  విడుదలయ్యింది విరాటపర్వం చిత్రం. థియేటర్లలో చూడలేకపోయాము అనుకునే ప్రేక్షకులు ఓటీటీ ద్వారా ఈ చిత్రాన్ని వీక్షించవచ్చు.