Anudeep

ఇటీవల బోనాల సందర్భం గా మంగ్లీ “చెట్టు కింద కూసున్నవమ్మ” పాట ను ఆలపించిన సంగతి తెలిసిందే. ఈ పాట ఎంత వైరల్ అయిందో.. అంతకంటే ఎక్కువే విమర్శలు వచ్చాయి. అమ్మవారిని తిడుతూ పాడావంటూ చాలా మంది విమర్శించారు. భగవంతుని ప్రార్థనల్లో నిందాస్తుతి ఎప్పటినుంచో ఉన్నదే. ఈ పాట కూడా అదే ధోరణి లో సాగుతుంది. ఐతే.. ఈ పాట విషయమై చాలా విమర్శలు రావడం తో మంగ్లీ చాలా ఎమోషనల్ అయ్యారు.

తాజాగా.. ఈ విమర్శల విషయమై మంగ్లీ స్పందించారు. ఇందుకు సంబంధించి వివరణ ఇస్తూ సోషల్ మీడియా లో పెద్ద పోస్ట్ నే పెట్టింది. విమర్శించే వారు ముందు గ్రామ దేవతలను ఎలా పూజిస్తారో తెలుసుకోవాలని కోరింది. ఈ పాటను జానపద గేయాల రచయితా పాలమూరి రామస్వామిగారు పాతికేళ్ల క్రితమే రాసారని స్పష్టం చేసారు. ఆయన ఆలోచన ప్రకారం.. ఈ పాటలో వచ్చే మోతెవరి అని పదానికి “గ్రామ పెద్ద” అనే అర్ధం వస్తుందని వివరించారు. కానీ.. వాడుక భాషలో ఈ పదం వ్యతిరేక పదం గా వచ్చిందన్నారు. ఈ పాట కోలాట రూపం లో నిందాస్తుతి లో కొనసాగుతుందని.. మాకు తెలిసిన కళాకారులు, పెద్దల సలహాలు తీసుకునే ఈ పాటను చిత్రీకరించామన్నారు.

భక్తి లో వైరి భక్తి, మూఢ భక్తి అంటూ రకరకాలు ఉంటాయి అని… ఈ పాటని కూడా భక్తి భావం లోనే రూపొందించామన్నారు. గ్రామదేవతల ఒగ్గు కధలు, బైండ్లోల్ల ఆచారాల్లో కూడా రకరకాలు ఉన్నాయని వివరించారు. తానేమి పండితుల కుటుంబం నుంచి రాలేదనీ.. తానూ కూడా గిరిజన తండా నుంచి వచ్చిన వ్యక్తిగానే చెప్పుకున్నారు. బోనాలు, బతుకమ్మ పండగల లాగా వారి బంజారా లో సాతి భవాని, తీజ్ పండుగలలో ప్రకృతినే పూజిస్తామని చెప్పుకున్నారు.

మేము గ్రామదేవతలు పూజిస్తాము. కష్టం వచ్చినా.. దుఃఖం వచ్చినా వారినే నమ్ముకుని పూజలు చేస్తాము. గ్రామ దేవతలను మా ఇంట్లోని వ్యక్తులగానే భావిస్తాము. మేము తీసుకునే ఆహారాన్నే గ్రామ దేవతలకు కూడా సమర్పిస్తామని చెప్పుకొచ్చారు. ఆ అమ్మవారి కృప, ఆంజనేయ స్వామి ఆశీస్సులు, మీ అందరి ఆదరాభిమానాలు వలెనే నేను సింగర్ ని అయ్యాను అని భావిస్తాను. అందుకే ఇప్పటికీ నేను పుట్టిన తండాలో ఉన్న మా తాతలకాలం నాటి హనుమంతుని విగ్రహానికి గుడి కట్టించి పూజలు చేస్తున్నామని తెలిపారు. కనీసం ఒక్కరోజు కూడా గుడికి వెళ్లనివారు, బోనాన్ని జరుపుకోని వారు కూడా నా జాతి, నా కులం అంటూ ఈ పాట పై విమర్శలు చేసారని బాధపడ్డారు.

బతుకమ్మ, సమ్మక్క సారక్క, శివరాత్రి, బోనాలు.. ఇలా ఏ పండగ వచ్చినా నేను పాటలు పాడుతున్నానని.. నన్ను మీరు ఆదరిస్తున్నారని గుర్తు చేసుకున్నారు. మీ ఇంటి ఆడబిడ్డగా నాకు మీరు చూపించిన అభిమానానికి ఎప్పటికి రుణపడి ఉంటానన్నారు. ఒక్క రోజులో నేను ఏమి ఫేమస్ అవ్వలేదని.. నా వెనుక నా పదేళ్ల కష్టం ఉందని ఆమె గుర్తు చేసుకున్నారు. కొందరు వారి ఇళ్ళల్లో కూడా తల్లి, చెల్లి ఉందన్న విషయాన్నీ మరిచిపోయి కామెంట్ లు చేసారని బాధపడ్డారు. పాట నేపధ్యం కూడా తెలుసుకోకుండా నిందిస్తున్నారన్నారు. నిందాస్తుతి సాహిత్యాన్ని తెలుసుకుని నిందలు చేస్తే బాగుండేదని అన్నారు.

ఈ వివరణ కూడా నన్ను అభిమానించే వారి మనసుకి కష్టం కల్గించిన వారికోసం, నా మనసుని బాధపెట్టిన వారికోసం పెడుతున్నామన్నారు. ఈ పాట పై విమర్శలు వచ్చిన రోజే మార్చవచ్చని.. కానీ.. ఈ పాట ను రాసిన వృద్ధ రచయితను తక్కువ చేయడం ఇష్టం లేక చేయలేదన్నారు. ఆ పెద్దాయన అనుమతితోనే లిరిక్స్ లో కొన్ని మార్పులు చేశామన్నారు. నన్ను వ్యతిరేకించిన వారిని కూడా నా వారి గా భావించి ఈ నిర్ణయం తీసుకున్నామని మంగ్లీ తన పోస్ట్ లో తెలిపారు.

అమెజాన్ ప్రైమ్ లో “నారప్ప” సినిమా దుమ్ము దులుపుతోంది. లాక్ డౌన్ సమయం లో సినిమా రిలీజ్ లు ఏమి లేకపోవడం తో ఎప్పుడు మంచి సినిమా రిలీజ్ అవుతుందా… హిట్ చేసేద్దాం అన్న హుషారులో ఆడియన్స్ ఉన్నారు. అంచనాలకు మించి రిలీజ్ అయిన “నారప్ప” మూవీ కి ప్రేక్షకులు బ్రహ్మ రధం పట్టేశారు. ఐతే.. సబ్ టైటిల్స్ విషయం లో మాత్రం సరిగ్గా చెక్ చేసుకోలేదని తెలుస్తోంది.

అదేంటో ఈ ఆర్టికల్ లో చూద్దాం. ఈ సినిమాలో పండుస్వామి కారణంగా నారప్ప పెద్ద కొడుకు చనిపోతాడు. అయినా.. సరే నారప్ప తన కోపాన్ని కంట్రోల్ చేస్కునే కుటుంబాన్ని కాపాడుకుంటూ వస్తుంటాడు. ఇక.. రెండో కొడుకు మాత్రం ఆవేశం అణుచుకోక పండుస్వామిని చంపేస్తాడు. దానితో.. పండుస్వామి కొడుకు నారప్ప కుటుంబాన్ని అంతం చేయాలనీ వెంటపడుతుంటాడు. చివరకు.. భూమి వదులుకోవడానికి నారప్ప సిద్ధపడి, పంచాయితీ లో సెటిల్మెంట్ చేసుకునే సమయం లో పండుస్వామి మనుషులు నారప్ప కొడుకు చుట్టుముడతారు.

ఈ సమయం లోనే నారప్ప గా వెంకీ మామ విశ్వరూపం చూపిస్తుంటాడు. కొడుకుని కాపాడుకునే ప్రయత్నం లో నారప్ప ఫైట్ చేస్తుండగానే.. రెండో కొడుకు శీనప్ప పై కత్తి పోటు పడుతుంది… ఆ అబ్బాయి చాలా ఎమోషనల్ గా “నాన్నా” అని పిలుస్తాడు. ఆ సీన్ అంత ఎమోషనల్ గా పండింది. కానీ.. సబ్ టైటిల్స్ లో మాత్రం.. ఆ పిల్లాడు “నాన్నా” అని పిలిచే చోట “ఐ వాంట్ కోకోనట్ స్వీట్” (నాకు కొబ్బరి స్వీట్ కావాలి) అని పడుతుంది. నిజానికి ఈ సబ్ టైటిల్ ఆ తరువాత కోర్ట్ సీన్ వద్ద పడాలి. కానీ, చూసుకోకపొవడం వలన ఇక్కడ కూడా పడింది.

అంత సీరియస్ సీన్ లో ఈ సబ్ టైటిల్ ఏంట్రా బాబు అంటూ ఈ విషయమై సోషల్ మీడియా లో ట్రోల్స్ ట్రెండ్ అవుతున్నాయి. ఒక్కోసారి చిన్న చిన్న పొరపాట్లు జరుగుతూ ఉంటాయి. ఇది కూడా అలాంటిదే. కానీ.. రిలీజ్ చేసే ముందు చూసుకుని ఉండి ఉంటె బాగుండేది.

 

View this post on Instagram

 

A post shared by pilla_bacha_nayala (@pilla_bacha_nayala1)