Anudeep

“జాతి రత్నాలు” సినిమా మీలో చాలా మంది చూసే వుంటారు. కొంతమందికి సినిమా బాగా నచ్చేసింది. కొందరు ఈ సినిమా ను అంత గా మెచ్చుకోకపోయినా.. చిట్టిని మాత్రం మెచ్చుకోకుండా ఉండలేకపోతున్నారు. అందులోను.. కోర్ట్ సీన్ లో చిట్టి యాక్టింగ్ హైలైట్. మొత్తానికి జాతి రత్నాలు సినిమా చిట్టి గా నటించిన ఫరియా అబ్దుల్లా కు ఫ్యాన్ ఫాలోయింగ్ గట్టి గానే ఉంది.

ఆకట్టుకునే రూపం, మంచి నటన.. ఇలా చిట్టి పాత్రలో చాలా నే పెర్ఫార్మన్స్ చేసింది ఫరియా. కానీ.. ఇంతలా ఆకట్టుకున్న ఈ ముద్దుగుమ్మ కు మంచి ఆఫర్స్ మాత్రం రాలేదని తెలుస్తోంది. ఏదైనా సినిమా హిట్ అయింది అంటే చాలు.. అవకాశాలు వెల్లువలా వచ్చేస్తూ ఉంటాయి. అలాంటిది.. చిట్టి కి ఇంత పాపులారిటీ వచ్చాక కూడా అంతగా అవకాశాలు రాలేదా? అని ఫాన్స్ కి కూడా డౌట్ వచ్చేస్తుంది.

ఇప్పటి వరకు ఫరియా అబ్దుల్లా ను ఫలానా సినిమాలో తీసుకున్నాం అంటూ చెప్పే వార్తా ఒక్కటి కూడా రాలేదు. ఇంతకీ.. మన చిట్టి కి అవకాశాలు రాకపోవడానికి కారణం ఆమె ఎత్తే అంటూ కొందరు కామెంట్స్ చేస్తున్నారు. ఫరియా అబ్దుల్లా అనుష్క శెట్టి కంటే హైట్ ఉంటారట. అందుకే ఆమెకు అవకాశాలు రావడం లేదు అని కొందరు అంటున్నారు. కానీ, టాలెంట్ కి ఏది అడ్డు రాదు కాబట్టి.. ఆమెకు తొందరలోనే మరిన్ని అవకాశాలు లభించి మనందరినీ ఎంటర్టైన్ చేయాలనీ కోరుకుందాం.

ఇటీవల జీ తెలుగు లో ‘ప్రేమ ఎంత మధురం’ సీరియల్ ప్రసారం అవుతున్న సంగతి తెలిసిందే. ఈ సీరియల్ లో ఆర్య కు తల్లి గా శారదాదేవి పాత్రలో నటి జయలలిత అదరగొడుతున్నారు. జయలలిత సీరియల్స్ లో కంటే సినిమాల్లో ముందు నటించారు. కమలహాసన్ ‘ఇంద్రుడు చంద్రుడు’ సినిమాలో వాంప్ పాత్ర ను పోషించిన జయలలిత బాగా పాపులర్ అయ్యారు.

ఆ తరువాత ఎక్కువ గా అలాంటి పాత్రలు చేస్తూ రావాల్సి వచ్చింది. ఆ తరువాత, కొన్ని క్యారెక్టర్ ఆర్టిస్ట్ గాను, కమెడియన్ రోల్స్ కూడా చేసారు. ఆమె దాదాపు ముప్పై ఏళ్లకు పైగా సినీ ఇండస్ట్రీ లో కొనసాగుతూ వస్తున్నారు.

ఈ ముప్పై ఏళ్ల సినీ ప్రస్థానం లో ఆమె ఎన్నో ఒడిదుడుకలను ఎదుర్కొన్నారు. వీటన్నిటి గురించి.. ఆమె ఇటీవల ఓ ఇంటర్వ్యూ లో చెప్పుకొచ్చారు. తానూ మలయాళం లో కూడా వాంప్ పాత్రలు పోషించినట్లు పేర్కొన్నారు. చివరకు అలాంటి డీగ్రేడ్ సినిమాలు తీసే వినోద్ అనే డైరెక్టర్ నే పెళ్లి చేసుకున్నానని తెలిపారు. “మేమిద్దరం దాదాపు ఏడేళ్లు ప్రేమించుకున్నాం.. ఈ సమయం లో ఆ టైప్ సినిమాలను తీస్తూనే ఉన్నాం.. అతను భక్తి సినిమాలను కూడా తీసేవారు, డీగ్రేడ్ సినిమాలు కూడా తీసేవారు.. డీగ్రేడ్ సినిమాలలో నేను హీరోయిన్ గా ఉండేదాన్ని.. అలా చాలా సినిమాలు చేసాం..”

ఆ టైం లో అనుకోకుండా ఓ ఘటన జరిగింది. క్రాస్ బెల్ట్ మనీ షూటింగ్ వాళ్ళకి, వినోద్ వాళ్లకి ఒకే డేట్ ను షూటింగ్ కోసం ఇచ్చారు. ఆ సమయంలో వాళ్ళ షూటింగ్ కి వెళ్లకుండా వినోద్ షూటింగ్ లోనే పాల్గొన్నాను. ఆ సమయం లో వారు వచ్చి షూటింగ్ జరుగుతున్న చోట గొడవ గొడవ చేసారు. ఆ టైం లో వినోద్ సేవ్ చేసాడు. నన్ను రూమ్ లో పెట్టి లాక్ చేసి.. వాళ్లతో మాట్లాడాడు. ఆ టైం లో హీరో లా కనిపించాడు. దానితో వినోద్ కి బాగా కనెక్ట్ అయిపోయా.. అలా మా మధ్య ప్రేమ మొదలైంది.

” ఏడేళ్ల తరువాత, పెళ్లి చేసుకోవాలంటూ వినోద్ తొందరపెట్టాడు.. అప్పటికి నాకు డౌట్ వస్తూనే ఉంది.. నేను వెళ్తున్న దారి కరెక్టేనా కాదా..? అని.. కానీ వినోద్ తొందరపెట్టడం తో పెళ్లి చేసుకున్నాం. కానీ ఈ పెళ్ళి ఆరు నెలల కాలం కూడా నిలవలేదు. ఏడాదికే ఇద్దరం విడాకులు తీసుకున్నాం. కేవలం, నా ఆస్తిని చూసే పెళ్లి చేసుకున్నాడని అర్ధమైంది.. తన అప్పులు తీర్చుకోవడానికే నన్ను పెళ్లి చేసుకున్నాడు..” అని జయలలిత చెప్పుకొచ్చింది.

“మా పెళ్ళికి ఇంట్లో ఒప్పుకోకపోతే… దాచుకున్న డబ్బులు పెట్టి నగలు,చీర కొనుక్కుని పెళ్లి చేసుకున్నా.. కానీ ఈ పెళ్లి ఏడాదికే పెటాకులైంది” అని జయలలిత ఆవేదన వ్యక్తం చేసారు.

ఇండస్ట్రీ కి వచ్చిన కొత్తల్లోనే దిగ్గజ దర్శకుడు విశ్వనాధ్.. బ్రాహ్మణ అమ్మాయివి అయి ఉండి.. డిగ్రీ చదివి , డాన్సర్ అయి ఉండి సినిమాల్లోకి ఎందుకు వచ్చావ్…? డాన్స్ షో లు ఇవ్వు.. కాదనుకుంటే మంచి అబ్బాయిని చూసి పెళ్లి చేసుకో అంటూ సలహా ఇచ్చారట. కానీ.. సినిమాల పై మక్కువతోనే జయలలిత ఇండస్ట్రీ వైపుకు వచ్చారు. ప్రస్తుతం జయలలిత ఎవరిని పెళ్లి చేసుకోకుండానే ఉంటున్నారు. జయలలిత తో పాటు ఆమె మేనమామ కొడుకు భాస్కర్ కూడా తోడుగా ఉన్నారు.

భాస్కర్ జయలలిత కోసమే పెళ్లి చేసుకోకుండా ఉండిపోయారట. ఆమె అకౌంట్లు, డేట్స్, షెడ్యూల్స్ అన్ని భాస్కర్ చూసుకుంటారట. తన జీవిత విషయాలను పంచుకుంటూ జయలలిత ఆడపిల్లలను సినిమా వైపుకు రావద్దంటూ హెచ్చరిస్తున్నారు. చక్కగా చదువుకుని మంచి అబ్బాయిని చూసి పెళ్లి చేసుకోవాలంటూ సూచన చేస్తున్నారు.

watch video:

లవ్ స్టోరీ సినిమాలోని “సారంగా దారియా” పాట ఎంతగా ఆకట్టుకుందో.. అంత వివాదాస్పదమైంది. ఈ పాట పల్లవి జానపద గీతాలనుంచి తీసుకున్నదన్న సంగతి మనందరికీ తెలిసిందే. ఈ పాట ఒరిజినల్ సాంగ్ ను కోమలి ఆలపించారు. అయితే.. ఈ సాంగ్ పల్లవిని అలానే ఉంచేసి.. మిగతా పాటంతా అశోక్ సుద్దాల సొంతం గా రాసారు. అయితే.. తాను ఒరిజినల్ సింగర్ ని అని.. ఈ పాటను తనచేతే పాడించి ఉంటె బాగుండేదని కోమలి ఆవేదన చెందారు.

దీనితో.. ఈ అంశం వివాదాస్పదమైంది. అయితే.. దర్శకుడు శేఖర్ కమ్ముల విషయం తెలుసుకుని.. కోమలి కి న్యాయం చేస్తామని ఈ వివాదాన్ని ముగించారు. గతం లో వచ్చిన జానపదాలను సినిమాలలో వాడుకోవడం ఎప్పటినుంచో వస్తున్నదే. అయితే.. సారంగదరియా పాట బాగా వివాదాస్పదమైంది. కానీ.. గతం లో అత్తారింటికి దారేది సినిమా లో కూడా ఓ పాటను ఇలాగే పాడు చేసారు.

అత్తారింటికి దారేది సినిమా లో.. “బేట్రాయి స్వామి దేవుడా..” అనే పాట వస్తుంది కదా.. ఈ పాటను పవన్ కళ్యాణ్ గారే పాడారు. ఇందులో పాటను అలానే ఉంచేసి..బాగా పాడారు. కానీ.. ఈ పాటను వాడుకున్న తీరు పైనే అభ్యంతరాలు వ్యక్తం అవుతున్నాయి. ఈ పాట వచ్చే సన్నివేశం లో అందరు స్టెప్పులేస్తూ.. ఏకం గా ఓ క్లబ్ డాన్స్ తరహా పాటను చేసేసారు. వాస్తవానికి ఇది ఓ జానపద భక్తుడు తాను నమ్మిన స్వామిని దశావతారాలను వర్ణిస్తూ పాడిన పాట. ఆ పాట లిరిక్స్ ను మీరు ఇక్కడ చూడవచ్చు..

“బేట్రాయి సామి దేవుడా – నన్నేలినోడ
బేట్రాయి సామి దేవుడా
కాటేమి రాయుడా – కదిరినరసిమ్ముడా
మేటైన వేటుగాడ నిన్నే నమ్మితిరా ||బేట్రాయి||

శాప కడుపు సేరి పుట్టగా – రాకాసిగాని
కోపామునేసి కొట్టగా
ఓపినన్ని నీల్లలోన వలసీ వేగామె తిరిగి
బాపనోల్ల సదువులెల్ల బెమ్మదేవరకిచ్చినోడ ||బేట్రాయి||

తాబేలై తాను పుట్టగా ఆ నీల్లకాడ
దేవాసురులెల్లకూడగా
దోవసూసి కొండకింద దూరగానే సిల్కినపుడు
సావులేని మందులెల్ల దేవర్లకిచ్చినోడ ||బేట్రాయి||

అందగాదనవుదులేవయా – గోపాల గో
విందా రచ్చించా బేగరావయా
పందిలోన సేరి కోర పంటితోనె ఎత్తి భూమి
కిందు మిందు సేసినోద సందమామ నీవె కాద ||బేట్రాయి||

నారసిమ్మ నిన్నె నమ్మితి – నానాటికైన
కోరితి నీ పాదమే గతీ
ఓరి నీవు కంబాన సేరి ప్రహ్లాదు గాచి
కోర మీసవైరిగాని గుండె దొర్లసేసినోడ ||బేట్రాయి||

బుడత బాపనయ్యవైతివి ఆ సక్కురవరితి
నడిగి భూమి నేలుకుంటివే
నిడువు కాల్లోడివై అడుగు నెత్తిపైన బెట్టి
తడవు లేక లోకమెల్ల మెదిమతోటి తొక్కినోడ ||బేట్రాయి||

రెందుపదులు ఒక్కమారుతో ఆ దొరలనెల్ల
సెండాడినావు పరసుతో
సెందకోల బట్టి కోదందరామసామికాడ
బెండు కోల సేసికొనే కొండకాడకేగినోడ ||బేట్రాయి||

రామదేవ రచ్చించరావయా సీతమ్మతల్లి
శ్యామసుందర నిన్ను మెచ్చగా
సామి తండ్రిమాట గాచి ప్రేమ భక్తినాదరించి
ఆమైన లంకనెల్ల దోమగాను సేసినోడ ||బేట్రాయి||

దేవకీదేవి కొడుకుగా ఈ జగములోన
దేవుడై నిలిచినావురా
ఆవూల మేపుకొనీ ఆడోళ్ళాగుడుకొనీ
తావుబాగ సేసుకొనీ తక్కిడి బిక్కిడి సేసినోడ ||బేట్రాయి||

ఏదాలు నమ్మరాదనీ ఆ శాస్త్రాలా
వాదాలూ బాగలేవనీ
బోధనలూ సేసికొనీ బుద్ధులూ సెప్పుకొనీ
నాదావినోదుడైన నల్లనయ్య నీవెకాద ||బేట్రాయి||

కలికి నా దొరవు నీవెగా ఈ జగములోన
పలికినావు బాలసిసువుడా
చిల్లకట్టు పురములోన సిన్నీ గోపాలుడౌర
పిల్లంగోవె సేతబట్టి పేట పేట తిరిగినోడ ||బేట్రాయి ||”

ఈ పాటపై యూట్యూబ్ వీడియోస్ కూడా ఉన్నాయి.. ఈ వీడియోల్లో ఈ పాట రచయితా గా సముద్రాల రాఘవాచార్య పేరు కనిపిస్తోంది. ఈ పాటను ఓ మలయాళీ గాయకుడు పాడిన వీడియో సోషల్ మీడియాలలో వైరల్ అవుతోంది. ఈ పాట గురించి తెలియగానే.. ఇలాంటి పాటని “అత్తారింటికి దారేది” సినిమాలో అలాంటి సన్నివేశం కోసం ఎలా వాడారంటూ నెటిజన్లు ప్రశ్నించారు. ఈ పాటను మీరు కూడా ఇక్కడ వినొచ్చు.

సెలెబ్రెటీలకు ఎంత ఫాలోయింగ్ ఉంటుందో.. సెలెబ్రిటీ కిడ్స్ పై కూడా ఒకలాంటి క్యూరియాసిటీ ఉంటుంది. సెలెబ్రిటీల పిల్లలు ఎలా ఉంటారు..? వారి లైఫ్ స్టయిల్ పైనా.. వారు అభిమానులతో రియాక్ట్ అయ్యే విధానం పైన కూడా చాలామందికి ఆసక్తి ఉంటుంది. సెలెబ్రిటీ కిడ్స్ కి కూడా సోషల్ మీడియా లో కొంత ఫాలోయింగ్ ఉండనే ఉంటుంది. వారు ఫాలోయర్స్ తో మెలిగే విధానాన్ని బట్టి ఆ సంఖ్య పెరుగుతూ ఉంటుంది.

బుల్లితెర రాణి రోజా కు ఎంత ఫాలోయింగ్ ఉందొ ప్రత్యేకం గా చెప్పక్కర్లేదు. రోజా కు ఓ కూతురు, కొడుకు ఉన్నారన్న సంగతి విదితమే. అప్పుడప్పుడు ఈవెంట్ లకు కూడా వీరిద్దరూ హాజరు అవుతూ ఉంటారు. అయితే.. రోజా, ఆమె కూతురు అన్షు ఫోటోలు కూడా సోషల్ మీడియా లో బాగానే వైరల్ అవుతూ ఉంటాయి. అయితే.. అన్షు మాత్రం ఇప్పటివరకు తల్లి చాటు పిల్ల గానే ఉంది..

తాజాగా అన్షు కూడా ఇంస్టాగ్రామ్ లోకి ఎంట్రీ ఇచ్చారు. తక్కువ టైం లోనే ఆమెకు ఫాలోవర్స్ కూడా పెరిగారు. తాజాగా.. ఆమె అభిమానులతో ముచ్చటించడం కోసం చాట్ సెషన్ ను రన్ చేసింది. ఈ టైం లో ఓ కొంటె అభిమాని అన్షు కు ఐ లవ్ యు అని స్పానిష్ భాష లో మెసేజ్ చేసాడు. దానికి అన్షు కూడా స్పానిష్ లాంగ్వేజ్ లోనే ఐ లవ్ యు అని చెప్పేసింది.

ఇంకా.. కొందరు నెటిజన్లు అడిగిన ప్రశ్నలకు కూడా సమాధానాలు ఇచ్చింది. యు ట్యూబ్ ఛానల్ పెట్టె ఉద్దేశ్యం ఉందా అని ఓ నెటిజెన్ అడగ్గా.. “మీరు చెప్పండి.. నాకు అయితే పెట్టాలనే ఉంది..” అంటూ ఫాలోవర్స్ ఒపీనియన్ ను అడిగింది. వ్యాపారం చేసే ఉద్దేశ్యం ఉందా అని అడుగగా..తనకు “anshoe ” పేరిట షూ బిజినెస్ చేయాలని ఉందని చెప్పింది. హీరోయిన్ అవుతారా.. ? అని మరొకరు అడగ్గా.. తనకు తెలియదని, ఇప్పటివరకు అలా ఆలోచించలేదని చెప్పుకొచ్చింది.

ప్రస్తుతం ఎటు చూసినా కరోనా గురించిన చర్చే.. సెకండ్ వేవ్ చాలా వేగం గా వ్యాప్తి చెందుతోంది. దానికితోడు.. గతం లో ఉన్న భయం ఇపుడు చాలా మందిలో లేకపోవడం తో.. బయట విచ్చలవిడిగా తిరుగుతున్న వారు కూడా ఎక్కువ అయ్యారు. సందు దొరికితే.. కాటు వేయడానికి కరోనా కాచుకుని సిద్ధం గా ఉంది.

ఎన్ని జాగ్రత్తలు తీసుకుంటున్నా.. ఏ మాత్రం ఏమరుపాటు గా ఉన్నా కరోనా వచ్చేస్తోంది. సెలెబ్రిటీలు ఎన్ని జాగ్రత్తలు తీసుకుంటారన్న సంగతి మనకి తెలిసిందే. కానీ.. వారిని కూడా కరోనా వదల్లేదు. వారి ఇంటిని కూడా శానిటైజ్ చేయడానికి బోలెడు మంది పని వాళ్ళు కూడా ఉంటారు. సామాన్యులతో పోలిస్తే.. సెలెబ్రెటీలకు కొంత జాగ్రత్త ఎక్కువే ఉంటుంది. కానీ.. సెకండ్ వేవ్ వచ్చాక పాజిటివ్ ల సంఖ్య పెరుగుతోంది. సెకండ్ వేవ్ లో కరోనా బారిన పడ్డ 10 మంది టాలీవుడ్ సెలెబ్రిటీల లిస్ట్ పై ఓ లుక్ వేయండి.

#1 బన్నీ:

స్టైలిష్ స్టార్ అల్లు అర్జున్ కరోనా బారిన పడి .. ఇప్పుడిప్పుడే కోలుకుంటున్నారట. ప్రస్తుతం సెల్ఫ్ ఐసోలేషన్ లోనే ఉన్నారట.

#2 నివేదా:

“వకీల్ సాబ్” సినిమా ప్రమోషన్ టైం లో నివేద కు పాజిటివ్ వచ్చింది. అయితే.. ఆమె త్వరగానే కోలుకుని వకీల్ సాబ్ సినిమా ను థియేటర్ లో కూడా చూసారు.

#3 దిల్ రాజు:

టాలీవుడ్ బడా నిర్మాత దిల్ రాజు కూడా కరోనా బారిన పడ్డారు. హోమ్ ఐసోలేషన్ లోనే ఉండి ట్రీట్మెంట్ తీసుకున్నారు. ప్రస్తుతం ఆయన కరోనా నుంచి కోలుకున్నారు.

#4 బండ్ల గణేష్:

నిర్మాత కమ్ కమెడియన్ అయిన బండ్ల గణేష్ కూడా కరోనా బారిన పడి కోలుకున్నారు. ఆయన రెండు సార్లు కరోనా బారిన పడి కోలుకున్నారు.

#5 పూజ హెగ్డే:

బుట్టబొమ్మ పూజ హెగ్డే కూడా కరోనా బారిన పడి స్వల్ప సమయం లోనే తిరిగి కోలుకున్నారు.

#6 అలియాభట్:

ఆర్ ఆర్ ఆర్ లో నటిస్తున్న అలియా భట్ కూడా కరోనా బారిన పడి.. కొన్ని రోజుల వరకు ట్రీట్ మెంట్ తీసుకుని ఆ తరువాత కోలుకున్నారు.

#7 విజయేంద్ర ప్రసాద్:

ప్రముఖ రచయితా, రాజమౌళి తండ్రి విజయేంద్ర ప్రసాద్ కూడా కరోనా బారిన పడ్డారు.

#8 పవన్ కళ్యాణ్:

పవర్ స్టార్ పవన్ కళ్యాణ్ కూడా ఈ మహమ్మారి బారిన పడ్డారు. ఫామ్ హౌస్ లోనే ఉండి ఆయన ట్రీట్మెంట్ తీసుకున్నారు. చిరు, రామ్ చరణ్ ఆయన కోసం ప్రత్యేకం గా అపోలో వైద్యులతో మాట్లాడి నిపుణులతో చికిత్స చేయించారు.

#9 అల్లు అరవింద్:

నిర్మాత అల్లు అరవింద్ కూడా కరోనా బారిన పడ్డారు. ఈయన వాక్సిన్ వేయించుకున్నప్పటికీ కరోనా తో బాధపడ్డారు. అయితే.. వాక్సిన్ వేయించుకోవడం వలెనే ఈయనకు తొందరగా కోలుకోవడం సాధ్యమైందని తెలిపారు.

#10 రమేష్ వర్మ:

రవితేజ తో “ఖిలాడీ” సినిమా కు దర్శకత్వం వహిస్తున్న రమేష్ వర్మ కూడా ఇటీవల కరోనా బారిన పడ్డారు.