Anudeep

హీరో పుట్టిన రోజు అని అతను నటించిన పాత బ్లాక్ బస్టర్ మూవీస్ రీ రిలీజ్ చేయడం ఈ మధ్య కొత్తగా ట్రెండ్ లో ఉంది. అలాగే కొన్ని సినిమాలు థియేటర్లలో చూస్తేనే బావుంటుంది. కానీ పాత సినిమాలు థియేటర్ల లోకి వచ్చేదెలా అని ఫీల్ అవుతారు చాలా మంది. కానీ దీనికి పరిష్కారంగా టాలీవుడ్ లో రీ రిలీజ్ ట్రెండ్ నడుస్తోంది.

తమ అభిమాన హీరోల పుట్టిన రోజులు లేదా, ఒక సినిమా ఇన్ని సంవత్సరాలు పూర్తి చేసుకున్న సందర్భాలను పురస్కరించుకొని వారి బ్లాక్ బస్టర్ చిత్రాలను డిజిటలైజ్ చేసి థియేటర్లలోకి విడుదల చేస్తున్నారు. ఇటీవల మహేష్‌ బాబు పుట్టిన రోజుకి ‘పోకిరి’, పవన్‌ కళ్యాణ్‌ పుట్టిన రోజున ‘తమ్ముడు’, ‘జల్సా’ చిత్రాలు విడుదలై కలెక్షన్ల వర్షం కురిపించాయి.

ఇక మే నెలలో కూడా కొన్ని సూపర్ హిట్ చిత్రాలు థియేటర్లలోకి రానున్నాయి.. ఆ చిత్రాలేవో ఇప్పుడు చూద్దాం..

#1 ఎంఎస్ ధోని: ది అన్‌టోల్డ్ స్టోరీ

భారత క్రికెట్ జట్టు మాజీ కెప్టెన్ మహేంద్రసింగ్ ధోని బయోపిక్‌గా తెరకెక్కిన ఎంఎస్ ధోని చిత్రం 2016‌లో విడుదలైంది. ఈ చిత్రంలో లేట్ సుశాంత్ సింగ్ రాజ్‌పుత్ టైటిల్ రోల్ పోషించిన విషయం తెలిసిందే.

నీరజ్ పాండే దర్శకత్వంలో తెరకెక్కిన ఈ మూవీ ని మే 12న హిందీ, తమిళ్, తెలుగు భాషల్లో రీరిలీజ్‌ చేయనున్నారు.

#2 రెడీ

రామ్ పోతినేని కెరీర్ లో బ్లాక్ బస్టర్ గా నిలిచిన చిత్రం ‘రెడీ’ ఈ సినిమా రీరిలీజ్ కు రెడీ అవుతోంది. మే 15న రామ్ పుట్టిన రోజు జరపుకోబోతున్నారు. ఈ సందర్భంగా ఆయన నటించిన ఈ హిట్ సినిమాను విడుల చేసేందుకు మేకర్స్ ప్లాన్ చేసారు.

2008లో విడుదలైన ఈ సినిమా అప్పట్లో సంచలన విజయాన్ని అందుకుంది. అంతేకాదు, ఈ చిత్రానికి మూడు నంది అవార్డులు దక్కాయి.

#3 సింహాద్రి

జూనియర్ ఎన్టీఆర్ కెరీర్‌లోనే ఆల్ టైమ్ ఇండస్ట్రీ హిట్‌గా నిలిచిన ‘సింహాద్రి’ సినిమా ఆయన పుట్టినరోజు సందర్భంగా మే 20న ప్రపంచ వ్యాప్తంగా భారీ ఎత్తున విడుదల చేయనున్నారు.

#4 ఆది

ఎన్టీఆర్ కెరీర్‌లో ఫ‌స్ట్ బ్లాక్‌బ‌స్ట‌ర్ హిట్‌గా నిలిచిన సినిమా ఆది. ఫ్యాక్ష‌నిజం బ్యాక్‌డ్రాప్‌లో తెర‌కెక్కిన ఈ సినిమాతో ఎన్టీఆర్‌లోని మాస్ యాంగిల్‌ను డిఫ‌రెంట్‌గా చూపించారు. 2002లో ప్రేక్ష‌కుల ముందుకొచ్చిన ఈ సినిమా బాక్సాఫీస్ వ‌ద్ద కాసుల వ‌ర్షాన్ని కురిపించింది.

ఈ మూవీ ని ఎన్టీఆర్ పుట్టిన రోజు సందర్భంగా మే 20న రిలీజ్ చేయనున్నారు.

ఒక సినిమా హిట్ అవ్వాలంటే హీరో హీరోయిన్లతో పాటు ప్రతినాయకుడి పాత్ర కూడా ముఖ్యమే.. ఈ పాత్రలకు సరైన నటుల ఎంపిక లోనే సగం సినిమా విజయం దాగి ఉంటుంది. విలన్ పాత్ర ఎంత బలంగా ఉంటే..హీరోయిజం అంత ఎలివేట్ అవుతుంది. హీరో హీరోయిన్ ఏ విధంగా అయితే ప్రేక్షకులను అలరిస్తారో అదే రేంజ్ లో ప్రతి నాయకుడి పాత్ర కూడా ఉంటుంది.

అయితే సాధారణం గా కమర్షియల్ గా రూపొందించబడిన అన్ని తెలుగు సినిమాలలోను హీరో నే హై లైట్ అవుతుంటారు. జస్ట్ ఫర్ ఏ చేంజ్, కొన్ని సినిమాలలో విలన్లను హీరోల కంటే పవర్ ఫుల్ గా చూపించడం స్టార్ట్ చేస్తున్నారు. అయితే కొందరు హీరోలు విలన్లు గా కూడా నటించి తమలోని అన్ని కోణాలను బయటకు చూపిస్తున్నారు.

ఇప్పుడు అలా హీరోలుగా కంటే విలన్స్ గా ఫేమస్ అయిన హీరోలెవరో చూద్దాం..

#1 జగపతి బాబు

ఈ లిస్ట్ లో మనం ఫస్ట్ చెప్పుకోవాల్సిన పేరు జగపతి బాబు దే. ఫామిలీ హీరోగా ఎన్నో సూపర్ హిట్ చిత్రాల్లో నటించిన ఈయనని ఒక విలన్ గా మనం అస్సలు ఊహించలేము. కానీ లెజెండ్ మూవీ తో జగపతి బాబు తన సెకండ్ ఇన్నింగ్స్ స్టార్ట్ చేసారు.

#2 అర్జున్ సర్జా

పలు చిత్రాల్లో హీరోగా నటించిన అర్జున్ ప్రస్తుతం విలన్ గా చేస్తూ.. మెప్పిస్తున్నారు.

#3 అరవింద స్వామి

90 వ దశకం లో యువతుల డ్రీం బాయ్ అయిన అరవింద స్వామి.. ప్రస్తుతం స్టైలిష్ విలన్ గా నటిస్తున్నారు.

#4 మాధవన్

అప్పట్లో అమ్మాయిల కలల రాకుమారుడైన మాధవన్ ‘సవ్యసాచి’ చిత్రం తో విలన్ గా తన ప్రస్థానం ప్రారంభించారు.

#5 శ్రీకాంత్

కెరీర్ మొదట్లో విలన్ గా చేసిన శ్రీకాంత్ ఆ తర్వాత ఫామిలీ మాన్ ఇమేజ్ తో హిట్స్ కొట్టారు. ఆయన ‘యుద్ధం శరణం’, ‘అఖండ’ చిత్రాల్లో తన విలనిజం తో మెప్పించారు.

#6 ఎస్ జె సూర్య

పలు చిత్రాల్లో హీరోగా నటించిన నటుడు, దర్శకుడు ఎస్ జె సూర్య స్పైడర్ సినిమా తో విలన్ గా మారాడు.

#7 రానా దగ్గుబాటి

లీడర్ సినిమా తో హీరోగా ఎంట్రీ ఇచ్చిన రానా.. బాహుబలి చిత్రం లో విలన్ గా నటించి తన విశ్వరూపాన్ని చూపించాడు.

#8 విజయ్ సేతుపతి

సినిమాల్లో చాలా కస్టపడి హీరోగా ఎదిగిన విజయ్ సేతుపతి ఉప్పెన, మాస్టర్, విక్రమ్ చిత్రాల్లో తన విలనిజం తో భయపెట్టారు.

#9 ఆది పినిశెట్టి

పలు తెలుగు, తమిళ చిత్రాల్లో హీరోగా నటించిన ఆది పినిశెట్టి సరైనోడు చిత్రం తో విలన్ గా ఎంట్రీ ఇచ్చాడు.

#10 కార్తికేయ

పలు సూపర్ హిట్ చిత్రాలతో తెలుగులో మంచి పేరు తెచ్చుకున్న కార్తికేయ..’గ్యాంగ్ లీడర్, వలిమై’ చిత్రాల్లో విలన్ గా నటించి మెప్పించాడు.

#11 నవీన్ చంద్ర

అందాల రాక్షసి చిత్రం తో హీరోగా ఎంట్రీ ఇచ్చిన నవీన్ చంద్ర.. ఆ తర్వాత పలు చిత్రాల్లో నెగటివ్ షేడ్స్ ఉన్న పాత్రల్లో మెప్పించారు.

#12 వినయ్ రాయ్

తెలుగు, మలయాళం, కన్నడ భాషల్లో పలు చిత్రాల్లో హీరోగా నటించిన వినయ్‌ ప్రస్తుతం విలన్‌ పాత్రల్లో మంచి క్రేజ్‌ సంపాదించుకున్నాడు.

రెబల్‌స్టార్ ప్రభాస్ హీరోగా బాలీవుడ్ దర్శకుడు ఓమ్‌ రౌత్ తెరకెక్కించనున్న చిత్రం ఆదిపురుష్‌. మొదటిసారి ప్రభాస్ బాలీవుడ్ లోకి అడుగు పెట్టబోతున్న ప్రాజెక్ట్ ఇది. బాలీవుడ్ డైరెక్టర్ ఓం రౌత్ తెరకెక్కిస్తున్న ఈ సినిమాను టి సిరీస్ సంస్థ 500 కోట్ల భారీ బడ్జెట్ తో నిర్మించింది. ఈ ఏడాది జనవరిలోనే ఈ సినిమా రిలీజ్ అవ్వాల్సి ఉండగా కొన్ని కారణాల వల్ల వాయిదా వేశారు. ఇక ఫైనల్ గా జూన్ 16న ప్రేక్షకుల ముందుకి రానుంది.

రామాయణం నేపథ్యంలో 3డీలో తెరకెక్కబోతున్న ఈ మూవీలో ప్రభాస్ రాముడిగా, కృతిసనన్ సీతగా కనిపించనున్నారు. లక్ష్మణుడి పాత్రలో సన్నీ సింగ్ నటిస్తున్నారు. ఇక రిలీజ్ తేదీ దగ్గర పడుతుండటం తో మేకర్స్ ప్రమోషన్స్ ని వేగవంతం చేస్తున్నారు. ఈ చిత్రం నుంచి వరుస అప్డేట్స్ ఇస్తున్నారు.

అయితే తాజాగా సీతా నవమి సందర్భంగా కృతిసనన్ ఫస్ట్ లుక్ ని రిలీజ్ చేసారు మేకర్స్. రామ్ సీతా రామ్ అంటూ.. బ్యాక్ గ్రౌండ్ మ్యూజిక్ తో.. జానకిగా కృతీ సనన్ నారచీరలతో ఉన్న స్పెషల్ మోషన్ పోస్టర్ మంత్ర ముగ్ధులను చేసింది. జానకి పాత్రలో కృతి సనన్ స్వచ్ఛత, దైవత్వం, ధైర్యం ఉట్టిపడేలా కనిపిస్తోంది. అయితే ఈ మూవీ లో సీత పాత్ర కి ముందుగా కృతిసనన్ ని అనుకోలేదట మేకర్స్.

ఈ మూవీ లో ప్రభాస్ సరసన సీత గా బాలీవుడ్ స్టార్ హీరోయిన్ దీపికా పదుకొనె తీసుకుందాం అనుకున్నారట. కానీ వరుస సినిమాలతో బిజీ గా ఉండటం తో దీపికా ఒప్పుకోలేదట. అంతే కాకుండా ప్రభాస్ ప్రాజెక్ట్ కే లో కూడా దీపికా నే కథానాయిక. ఇక దీపికా తర్వాత అనుష్క శర్మ, కియారా అద్వానీ, కీర్తి సురేష్, పూజ హెగ్డే ల పేర్లను కూడా పరిశీలించారట మేకర్స్. చివరికి ఈ పాత్ర కృతిసనన్ కి చేరింది.

ఇక మరో వైపు ఈ మూవీ టీజర్ రిలీజ్ అయిన తర్వాత చాలా ట్రోల్స్ ఎదుర్కొన్నారు మేకర్స్. ఇప్పుడు మాత్రం వివాదాలకు అతీతంగా అందర్నీ ఆకట్టుకునే ప్రయత్నం చేస్తోంది. టీజర్ రిలీజ్ అయిన తర్వాత ఈ మూవీ గ్రాఫిక్స్ నాసిరకంగా ఉన్నాయంటూ దర్శకుడి పై ఓ రేంజ్ లో ట్రోల్స్ వచ్చాయి. దీంతో చిత్రయూనిట్ దిద్దుబాటు చర్యలు చేపట్టింది. ఆ గ్రాఫిక్స్‌ను, విజువల్స్‌ను కాస్త బెటర్‌ చేసేందుకు ప్రయత్నించింది. అందుకే గత ఏడాది ఎప్పుడో రావాల్సిన ఈ చిత్రం అంతకంతకూ ఆలస్యం అవుతోంది.

స్టార్ హీరోయిన్‌ సమంత నటించిన పీరియాడికల్‌ మూవీ శాకుంతలం. భారీ అంచనాల మధ్య ఏప్రిల్‌14న విడుదలైన ఈ సినిమా బాక్సాఫీస్ దగ్గర ఫెయిల్యూర్‌గా నిలిచింది. గుణశేఖర్ దర్శకత్వంలో వచ్చిన ఈ మూవీ పాన్ ఇండియా సినిమా ప్రేక్షకులను ఏ మాత్రం ఆకట్టుకోలేకపోయింది.

‘గుణ టీం వర్క్స్’ ‘శ్రీ వెంకటేశ్వర క్రియేషన్స్’ బ్యానర్ పై నీలిమ గుణ, దిల్ రాజు కలిసి ఈ సినిమాలో మలయాళ నటుడు దేవ్ మోహన్ ప్రధాన పాత్రలో నటించారు. అలాగే అల్లు అర్జున్ గారాల పట్టి అల్లు అర్హ కూడా ఈ సినిమాలో కీలక పాత్రలో నటించింది. శాకుంతలం సినిమాని భారీ హైప్ తో పాన్ ఇండియా రిలీజ్ చేశారు. ప్రమోషన్స్ కూడా భారీగానే చేశారు. కానీ ఈ సినిమా ప్రేక్షకులని మెప్పించలేక డిజాస్టర్ గా మిగిలింది.

భారీ బడ్జెట్ తో ఈ సినిమాను తెరకెక్కించారు. నిర్మాతల్లో ఒకరైన దిల్ రాజు ఈ సినిమా ఫ్లాప్ అయి పెద్ద షాక్ ఇచ్చిందని స్వయంగా చెప్పారు. దాదాపు ఈ సినిమా వల్ల 30 కోట్లకు పైగా నష్టం వచ్చినట్టు సమాచారం. థియేటర్లలో పెద్దగా ఆకట్టుకోని శాకుంతలం సినిమా ఇప్పుడు ఓటీటీలోకి రానుంది.

సామ్‌ సినిమా డిజిటల్‌ హక్కులను ప్రముఖ ఓటీటీ సంస్థ అమెజాన్‌ ప్రైమ్‌ సొంతం చేసుకుంది. రిలీజ్‌కు ముందు భారీ అంచనాలు ఉండడంతో రూ.20 కోట్లు మరీ శాకుంతలం ఓటీటీ రైట్స్‌ను కొనుగోలు చేశారు. ఫ్లాప్ టాక్ అని రావడంతో థియేటర్స్ కి వెళ్లకుండా ఉన్నవాళ్లు ఇప్పుడు ఓటీటీలో చూడటానికి రెడీ అవుతున్నారు. ఈ సినిమా తెలుగుతో పాటు తమిళ్, మలయాళం, హిందీ, కన్నడ భాషాల్లో స్ట్రీమింగ్ కానుందట.

థియేటర్స్ లో మెప్పించలేకపోయిన శాకుంతలం సినిమా అమరి ఇప్పుడు ఓటీటీలో అయినా మెప్పిస్తుందేమో చూడాలి. ప్రస్తుతం సమంత సిటా డెల్ అనే వెబ్ సిరీస్లో నటించింది ఈ వెబ్ సిరీస్ కూడా అమెజాన్ ప్రైమ్ లోనే స్ట్రీమింగ్ అవుతున్నది. అలాగే విజయ్ దేవరకొండ తో కలిసి ఖుషి చిత్రంలో కూడా నటిస్తోంది.

తెలుగు సినిమా చరిత్రలో నందమూరి, అక్కినేని ఫ్యామిలీలకు ప్రత్యేక స్థానం ఉంటుంది. ఎన్టీఆర్‌, ఏయన్నార్‌లు తెలుగు సినిమా బతికి ఉన్నంత కాలం గుర్తుండి పోతారు. కొన్ని దశాబ్దాల క్రితం తెలుగులో అక్కినేని ఫ్యాన్స్‌ లక్షల్లో ఉండేవారు. ఎయన్నార్‌ మరియు నాగార్జునలకు అభిమానులు జాతీయ స్థాయిలో ఉండేవారు. కానీ ప్రస్తుతం పరిస్థితి అలా లేదు.

అక్కినేని ఫ్యామిలీ ఫ్యాన్స్‌ రోజు రోజుకు తగ్గుతూ వస్తున్నారు. ఈ విషయం అక్కినేని ఫ్యామిలీ కూడా గుర్తించింది. కాని ఏం చేయాలో వారికి కూడా పాలుపోవడం లేదు. ఈ నేపథ్యం లో గతం లో అక్కినేని అభిమానులు ఒక లేఖ రాసారు. ఆ లెటర్‌ అక్కినేని ఫ్యాన్స్‌ పడుతున్న ఇబ్బందులకు అద్దం పట్టే విధంగా ఉంది.

ఆ లెటర్‌లో… “అక్కినేని ఫ్యాన్స్‌ కొన్నాళ్ల క్రితం లక్షల్లో ఉండేవారు, కాని ఇప్పుడు వేలల్లోకి పడిపోయారు. ఇందుకు కారణం తాతగారు ఎయన్నార్‌ లేదా నాన్న గారు నాగార్జున, అన్న గారు నాగచైతన్య లేదా మీరో కాదు. మీ పక్కన ఉండే వర్కర్స్‌. మీరు ఎంతగా అభిమానులను అభిమానిస్తారో మాకు తెలుసు. కాని మీ పక్కన ఉన్న వారు మీకు తెలియకుండానే మీ అభిమానులమైన మమ్మల్ని చాలా ఇబ్బందులు పెడుతున్నారు.

పలు సందర్బాల్లో మీ దగ్గర వర్క్‌ చేసే వారు అక్కినేని ఫ్యాన్స్‌ అంటూ వచ్చిన వారిని చాలా దారుణంగా అవమానించి, బయటకు నెట్టేశారు. మీ పక్కన ఉన్న వారి అభిప్రాయం ప్రకారం తెలుగు రాష్ట్రాల్లో మూడు నాలుగు వేల మంది మాత్రమే అక్కినేని ఫ్యాన్స్‌ ఉన్నారు. అఖిల్‌ సినిమా ఉత్తరాంధ్రలో 100కు పైగా థియేటర్లలో విడుదల చేస్తే, మీకు అత్యంత సన్నిహితంగా ఉండే వ్యక్తి వేరే సినిమా కోసం ‘హలో’ను 50 థియేటర్లలో మాత్రమే విడుదల చేశారు.

అదేంటి అంటే మా ఇష్టం, హైదరాబాద్‌ వారిని అడగండి అంటున్నారు. ఇలాగే పరిస్థితి కొనసాగితే వేలల్లో ఉన్న అక్కినేని అభిమానులు వందల్లోకి వస్తారనే భయంగా ఉంది..” అంటూ వైజాగ్‌ అక్కినేని ఫ్యాన్స్‌ అఖిల్‌ను ఉద్దేశించి లేఖ రాసారు. ఇలా హలో మూవీ ఆడియో ఫంక్షన్ లో అఖిల్ వ్యక్తిగత సిబ్బంది అభిమానులతో వ్యవహరించిన తీరు తో నొచ్చుకున్న అక్కినేని అభిమానులు తమ ఆవేదనను తెలుపుతూ అఖిల్ కి లేఖ రాసారు.

సినిమా ఇండస్ట్రీ లో నెగ్గుకు రావాలి అంటే..ప్రతిభతో పాటు కాస్త అదృష్టం కూడా ఉండాల్సిందే. ఎంతో ప్రతిభతో, వారి స్వయం కృషి తో హీరోలు కానీ, డైరెక్టర్ లు ప్రేక్షకుల మనసుల్లో స్థానం సంపాదించుకుంటారు. అయితే కొన్ని హిట్ లు రాగానే సరైన కథలు ఎంచుకోకుండా సినిమాలు తీస్తూ ఉంటారు.

అసలు అన్యాయం వైపు ఉన్న వ్యక్తుల్ని హీరోలుగా.. వాటిని అడ్డుకున్న వారిని విలన్లుగా చూపించటం ఇప్పటి సినిమాల్లో జరుగుతుంది. అది చూసి ప్రేక్షకులు వారిని అనుకరించటం వంటివి చేయడం మొదలు పెడితే అది చాలా పెద్ద సమస్యగా మారుతుంది. ఇది చాలా మంది హీరోలు, దర్శకులు గుర్తించట్లేదు.

ఒకవైపు అద్భుత చిత్రాలతో తెలుగు చిత్రసీమ ఖ్యాతి ఖండాంతరాలు దాటుతుంటే మరో వైపు ఇటువంటి చిత్రాలు దాన్ని తగ్గిస్తున్నాయి. వాటిలో చాలా వరకు హిట్ టాక్ తెచ్చుకున్నవే..అలాంటి కొన్ని సినిమాలేంటో చూద్దాం.

#1 ఇడియట్

అమ్మాయి మనోభావాలతో సంబంధం లేకుండా కౌగిలించుకో, ముద్దుపెట్టు అని హీరో హీరోయిన్ ను వేధిస్తుంటే అదే ట్రెండ్ అని యూత్ ఫాలో అయిపోతున్నారు.

#2 పోకిరి
ఈ సినిమా ఎంత పెద్ద హిట్టో కొత్తగా చెప్పక్కర్లేదు. ఇది మన యూత్ మీద ఎంతో ప్రభావం చూపించింది .. కృష్ణ మనోహర్ ని చూసి నేర్చుకుందామని ఒకడు కూడా అనుకోడు .. కానీ పండు గాడ్ని చూసి మాత్రం చాలా విధాలుగా చెడిపోయారు యూత్.

#3 చిత్రం
దర్శకుడు ఒక మెసేజ్ ఇద్దామని ట్రై చేస్తే అది చాలా ఎబ్బెట్టుగా మారింది.

#4 ఖతర్నాక్
మనకి విద్య చెప్పే గురువుల్ని గౌరవించేలా రేపటి తరానికి నేర్పించాలి కానీ ఈ సినిమా లో దానికి పూర్తి వ్యతిరేకం గా చూపించారు.

#5 అర్జున్ రెడ్డి
ఈ సినిమా రిలీజ్ అయినపుడు చాలా సెన్సేషన్ క్రియేట్ చేసింది. కానీ ఇందులో హీరో పాత్ర కానీ, హీరోయిన్ తో ప్రవర్తించే విధానం కానీ సరిగా ఉండవు.

#6 నేను లోకల్
ఒక అమ్మాయిని నిజం గా ప్రేమించిన వ్యక్తి తన తండ్రి మాట మేరకు జీవితం లో స్థిర పడ్డాకే వస్తాను అని చెప్పి వెళ్తాడు. అతడు ఈ సినిమాలో విలన్. కానీ ఆ అమ్మాయిని నిత్యం వేధిస్తూ.. ఆమె తండ్రిని కించపరుస్తూ..సరైన చదువు, ఉద్యోగం లేకుండా ఉన్న వాడు హీరో. కానీ ఈ చిత్రం హిట్ అయింది.

#7 హార్ట్ ఎటాక్
ఒక అమ్మాయిని ప్రేమిస్తున్నాను, ఎప్పటికి నీతోనే ఉంటాను అని చెప్పకుండా..హీరో నీ నుంచి ఒక్క ముద్దు ఇస్తే చాలు.. ఇంకేం వద్దు అని చెప్తాడు..ఇదే హీరోయిజం ఈ సినిమాలో.

#8 ఆర్ ఎక్స్ 100
అసలు హీరోని చూసి నచ్చడంతో తన కోసం హీరోయిన్ చేసే దుర్మార్గాలు అన్ని ఈ చిత్రం లో చూపించారు. దీన్ని ప్రేక్షకులు ఏ విధం గా తీసుకున్నారు అన్నది వేరే విషయం.

#9 ఉప్పెన
సరిగా జీవితం అంటే ఏంటో తెలియని ఒక అమ్మాయి.. ఒక పేద వ్యక్తి దగ్గర దొరికిన స్వేచ్చని ప్రేమ అనుకుంటుంది. దాని కోసం ఎన్ని ఆటంకాలు ఎదురైనా అతనితోనే ఉండేందుకు సిద్ధపడుతుంది.

#10 పుష్ప
ఈ చిత్రం లో ఒక నేరస్తుడే హీరో. అతన్ని అడ్డుకొనే పోలీసులు విలన్లు. ఆ హీరో మ్యానరిజాల్ని అనుకరిస్తూ అభిమానిస్తున్నారు ప్రేక్షకులు.

అక్కినేని అఖిల్ హీరో గా నటించిన ‘ఏజెంట్’ చిత్రం ఇటీవలే భారీ అంచనాల నడుమ విడుదలై ఘోరమైన డిజాస్టర్ ఫ్లాప్ గా నిల్చిన సంగతి తెలిసిందే. ‘ఎకె ఎంటర్‌టైన్‌మెంట్స్’, ‘సురేందర్ 2 సినిమా’ బ్యానర్లపై రామబ్రహ్మం సుంకర ఈ చిత్రాన్ని ఎంతో ప్రతిష్టాత్మకంగా నిర్మించారు. ప్రమోషన్లలో భాగంగా విడుదల చేసిన ఫస్ట్ గ్లింప్స్, టీజర్, ట్రైలర్ యూట్యూబ్ లో రికార్డ్ వ్యూస్ నమోదు చేశాయి.

80 కోట్ల రూపాయలకు పైగా ఖర్చు చేసి ఈ సినిమాని తీస్తే మొదటి రోజు వచ్చిన వసూళ్లు కేవలం నాలుగు కోట్ల రూపాయిల షేర్ మాత్రమే. శనివారం మరియు ఆదివారం అయినా డీసెంట్ స్థాయి వసూళ్లను నమోదు చేసుకుంటుంది అని భావిస్తే ఆ రెండు రోజులు ఇంకా దారుణంగా వసూలు చేసింది.

నైజాం లో మొదటి నాలుగు రోజులకు కలిపి కేవలం కోటి 64 లక్షల రూపాయిలు మాత్రమే వసూలు చేసింది. ఇలాంటి యాక్షన్ సినిమాలకు మొదటి రోజే ఈ ప్రాంతం లో 5 కోట్ల రూపాయిల వరకు షేర్ వస్తుంది. కానీ ఈ చిత్రానికి నాలుగు రోజులకు కలిపి అందులో సగం వసూళ్లు కూడా రాలేదు.

ఆ తర్వాత సీడెడ్ లో 81 లక్షలు, ఉత్తరాంధ్ర లో 78 లక్షలు, ఈస్ట్ గోదావరి జిల్లాలో 44 లక్షలు, వెస్ట్ గోదావరి జిల్లాలో 39 లక్షలు, గుంటూరు లో 66 లక్షలు , కృష్ణ జిల్లాలో 33 లక్షలు , నెల్లూరు లో 22 లక్షల రూపాయిల షేర్ ని వసూలు చేసింది. మొత్తం మీద రెండు తెలుగు రాష్ట్రాలకు కలిపి 5 కోట్ల 27 లక్షలు రాగ, ప్రపంచవ్యాప్తంగా అన్నీ ప్రాంతాలకు కలిపి 6 కోట్ల 44 లక్షల రూపాయిల షేర్ ని వసూలు చేసింది.

క్రేజీ కాంబోలో వచ్చిన ‘ఏజెంట్’ మూవీకి అంచనాలకు అనుగుణంగానే ప్రపంచ వ్యాప్తంగా రూ. 36.20 కోట్లు మేర బిజినెస్ జరిగినట్లు ట్రేడ్ వర్గాలు వెల్లడించాయి. ఈ చిత్రం ప్రస్తుతం కమిషన్ బేసిస్ మీదనే నడుస్తుంది, రెంటల్ బేసిస్ మీద నడుస్తున్న థియేటర్స్ లో జీరో షేర్స్ వస్తున్నాయి. 4 రోజులు పూర్తయ్యేసరికి ఈ చిత్రం రూ.6.36 కోట్ల షేర్ ను రాబట్టింది. బ్రేక్ ఈవెన్ కు ఇంకో రూ.28.64 కోట్ల షేర్ ను రాబట్టాలి.