Anudeep

స్టార్ బ్యూటీ సాయి పల్లవి హీరోయిన్ గా నటించిన ఫిమేల్ సెంట్రిక్ సినిమా “గార్గి”. తెలుగు, తమిళ్, కన్నడ భాషల్లో విడుదల అయిన ఈ సినిమాకి గౌతమ్ రామచంద్రన్ దర్శకత్వం వహించారు.
తమిళ్ లో స్టార్ హీరో సూర్య మరియు తెలుగులో రానా దగ్గుబాటి ఈ సినిమాని సమర్పించారు.

ఒక సస్పెన్స్ థ్రిల్లర్ గా ఈ చిత్రం తెరకెక్కింది. టీజర్ మరియు ట్రైలర్ తోనే ప్రేక్షకులను బాగా అలరించిన ఈ చిత్రం బాక్సాఫీస్ వద్ద మంచి టాక్ నే తెచ్చుకుంది.

అయితే సినిమా ప్రెసెంటేషన్, కథ, కథనం వేరు. సినిమాకు పేరు పెట్టడం వేరు. అది దర్శక నిర్మాతల అవగాహన, అధ్యయనానికి అద్దం పడుతుంది. అసలు టైటిల్ చూడగానే సినిమా జోనర్ ఏంటో తెలిసేలా ఉండాలి. అలాంటిదే సాయి పల్లవి నటించిన ‘గార్గి’ చిత్రం.

అసలు గార్గి అంటే ఎవరు..? ఆ పేరు కి అర్థం ఏంటి..?? అనేవి ఇప్పడు చూద్దాం. గార్గి అనే పేరు మనకు పురాణాల్లో కనిపిస్తుంది. గార్గా మహర్షి వంశీయుల్లో వాచక్ను అనే మహర్షి కుమార్తె పేరు గార్గి. ఆమెను గార్గి వాచక్నవి అని పిలుస్తారు

మహిళలకు పురాణం పఠనం, వేద పఠనం నిషిద్దమైన రోజుల్లో ఈమె అన్ని వేదాలను, ఉపనిషత్తులను అవపోశన పట్టేది. ఈమెను వేద సాహిత్యంలో గొప్ప సహజ తత్వవేత్తగా గౌరవిస్తారు.బ్రహ్మ విద్యా జ్ఞానం ఉన్న వ్యక్తి విదేహ రాజు జనకుడు నిర్వహించిన బ్రహ్మయజ్ఞంలో ఆమె ఆత్మ సమస్యపై గందరగోళ ప్రశ్నలతో యాజ్ఞవల్క్య ఋషిని సవాలు చేసింది.

ఆమె ఋగ్వేదంలో అనేక శ్లోకాలను వ్రాసినట్లు కూడా చెబుతారు. జీవితాంతం బ్రహ్మచారిగా ఉండిపోయింది. చిన్నప్పటి నుండి ఆమె వేద గ్రంధాల పట్ల అమితమైన ఆసక్తిని కనబరిచింది. మరియు తత్వశాస్త్ర రంగాలలో చాలా ప్రావీణ్యం సంపాదించింది. ఆమె వేద కాలంలో వేదాలు మరియు ఉపనిషత్తులలో అత్యంత జ్ఞానాన్ని పొందింది. ఇతర తత్వవేత్తలతో మేధో చర్చలు నిర్వహించింది.

‘గార్గి’ చిత్రంలోని కథానాయికది ఇలాంటి పాత్రే. జీవిత సారాన్ని అర్థం చేసుకుంటూ, నిరంతరం తనని తాను మధించుకుంటూ, నిజం వైపు ప్రయాణిస్తూ..ఓడిపోతూ, గెలుస్తూ, న్యాయం వైపు నిలబడే పాత్ర. అందుకే గార్గి చిత్ర దర్శకుడు గౌతమ్ రామచంద్రన్ ఈ పేరును ఎంచుకున్నారు.

దసరా కానుకగా మెగాస్టార్ చిరంజీవి హీరోగా నటించిన గాడ్ ఫాదర్ సినిమా విడుదల అయింది. ఈ సినిమా మంచి విజయం సాధించింది. ఈ సినిమాలో నయనతార చిరంజీవికి సోదరి పాత్రలో నటించింది.

మొదట ఈ సినిమాలో హీరోయిన్ గా కాజల్ అగర్వాల్ అనుకున్నారు. కానీ ఆ తర్వాత లూసిఫర్ మాదిరిగానే హీరోయిన్ లేకుండా తెరకెక్కించాలని నిర్ణయించుకున్నారు. అలా హీరోయిన్ లేనప్పటికీ ఈ సినిమా సూపర్ హిట్ టాక్ ను సొంతం చేసుకుంది.

ఈయన తరహాలో హీరోయిన్ లేకుండా నటించిన హీరోలు ఎవరున్నారో మీరు ఓ లుక్కేయండి..

#1 చిరంజీవి

మెగాస్టార్ చిరంజీవి సినిమా అంటే ముందుగా అభిమానులకు పాటలు గుర్తుకు వస్తాయి. ముఖ్యంగా హీరోయిన్స్‌తో ఆయన వేసే స్టెప్పుల కోసమే సినిమాలకు వెళ్లే అభిమానులున్నారంటే అతిశయోక్తి కాదు. ఈ యేడాది విడుదలైన ‘ఆచార్య’లో చిరంజీవి సరసన ఏ హీరోయిన్ నటించకపోవడం చెప్పుకోవాల్సిన అంశం. ఇక ఆచార్య సినిమాలో చిరంజీవి సరసన కాజల్ నటిస్తోందని చెప్పారు. కానీ కథలో హీరోయిన్ పాత్ర పంటి కింద రాయిలా ఉంటుందనే భావనతో ఈ సినిమాలో కథానాయిక లేకుండానే నటించారు చిరంజీవి. ఈ చిత్రం బాక్సాఫీస్ దగ్గర డిజాస్టర్‌గా నిలిచింది.’గాడ్ ఫాదర్’ చిత్రం మాత్రం సూపర్ హిట్ టాక్ తెచ్చుకుంది.

#2 బాలకృష్ణ

బాలకృష్ణ కూడా ఆయన టైటిల్ రోల్లో యాక్ట్ చేసిన ‘‘వేములవాడ భీమకవి’’ అనే మూవీలో కథానాయక లేకుండానే ఒంటరిగానే నటించి మెప్పించారు. ఆ తర్వాత ‘ శ్రీ తిరుపతి వేంకటేశ్వర స్వామి కళ్యాణం’ లో నారదుడు పాత్రలో కథానాయిక లేకుండా నటించారు. గతేడాది చివర్లో బాలకృష్ణ నటించిన బ్లాక్ బస్టర్ మూవీ ‘అఖండ’ మూవీలో టైటిల్ పాత్రధారికి కథానాయిక లేదు.

#3 నాగార్జున

నాగార్జున కూడా ‘శిరిడిసాయి’, ‘గగనం’ వంటి సినిమాల్లో కథానాయికగా లేకుండానే నటించి మెప్పించడం విశేషం. ఆ తర్వాత కూడా రాజు గారి గది 2’, ’ఆఫీసర్’ వంటి సినిమాల్లో కూడా కథానాయికగా లేకుండా సింగిల్‌గానే నటించి మెప్పించారు.

#4 వెంకటేష్

వెంకటేష్ కూడా ఈనాడు సినిమాలో హీరోయిన్ లేకుండా సింగిల్‌గానే నటించారు. ఇదే సినిమాలో కమల్ హాసన్ కూడా కథానాయిక పాత్ర లేకుండానే చేయడం విశేషం.

#5 కమల్ హాసన్

కమల్ హాసన్ హీరోగా విజయ్ సేతుపతి, ఫహద్ ఫాజిల్ ముఖ్యపాత్రల్లో సూర్య ప్రత్యేక అతిథి పాత్రలో నటించిన మూవీ ‘విక్రమ్’. ఈ సినిమాలో కమల్ హాసన్ హీరోగా నటించారు. కానీ కమల్ హాసన్ కి జోడిగా హీరోయిన్ లేదు. అయినప్పటికీ ఈ సినిమా విజయం సాధించింది.

#6 కార్తీ

కార్తీ హీరోగా నటించిన ఖైదీ సినిమా సూపర్ హిట్ అయింది. ఈ సినిమాలో కూడా హీరోయిన్ లేకుండానే నటించాడు కార్తీ. అయినప్పటికీ ఈ సినిమా మంచి విజయం సాధించింది.

#7 పవన్ కళ్యాణ్

image sourced from: ragalahari

పవన్ కళ్యాణ్ హీరోగా నటించిన “బంగారం” చిత్రంలో “పవన్ కళ్యాణ్” జోడిగా హీరోయిన్ క్యారెక్టర్ లేదు. మీరా చోప్రా ఫ్రెండ్ గా నటిస్తుంది. సినిమా క్లైమాక్స్ లో “త్రిష” గెస్ట్ రోల్ లో చేసారు.

#8 మోహన్ బాబు

మోహన్ బాబు కూడా హీరోగా ప్రమోషన్ పొందిన కొన్ని సినిమాల్లో హీరోయిన్ లేకుండా సింగిల్‌గా నటించి వావ్ అనిపించాడు.

#9 కృష్ణ

హీరో సూపర్ స్టార్ కృష్ణ కెరీర్ పీక్స్‌లో ఉండగానే’ఈనాడు’‘రాజకీయ చదరంగం’ వంటి సినిమాల్లో కథానాయిక, డ్యూయట్స్ లేకుండా నటించి మెప్పించడం విశేషం.

#10 కృష్ణంరాజు

కృష్ణంరాజు కూడా హీరోగా స్టార్ డమ్ వున్నపుడే ‘టూటౌన్ రౌడి’, గ్యాంగ్ మాస్టర్’ వంటి కొన్ని సినిమాల్లో హీరోయిన్ లేకుండానే నటించి మెప్పించారు.

ఏమైనా ఎఫుడు హీరోయిన్స్‌తో యుగళ గీతాలు పాడుకుంటూ టైమ్ పాస్ చేసే హీరోలు… గ్లామర్ మీద ఆధారపడకుండా కథా బలంతో సక్సెస్ అందుకోవచ్చని ఆయా సినిమాలతో ప్రూవ్ చేసారు.

మలయాళ హీరో దుల్కర్ సల్మాన్, బాలీవుడ్ భామ మృణాల్ ఠాకూర్ హీరో, హీరోయిన్లుగా.. హను రాఘవపూడి దర్శకత్వంలో వచ్చిన ప్రేమ కావ్యం ‘సీతా రామం’. ప్రముఖ నిర్మాత అశ్విని దత్ నిర్మాణ సారధ్యంలో ‘వైజయంతి మూవీస్’ బ్యానర్ లో వచ్చిన ఈ చిత్రం ఆర్మీ బ్యాక్ డ్రాప్ లో వచ్చింది.

ఈ సెన్సిటివ్, ఫీల్ గుడ్ లవ్ స్టోరీకి మంచి ఆదరణ లభించింది. సోషల్ మీడియాలో కూడా సినిమా నచ్చిన వాళ్ళు బాగా ప్రమోట్ చేస్తున్నారు. సినిమాకు లాభాలు కూడా భారీగానే వచ్చాయి.

సినిమా కథ బాగుండటం ఒకటి అయితే సీతకు, రామ్ కు మధ్య జరిగిన సంభాషణలు సినిమాకు మరింత ప్లస్ అయింది. వారిద్దరి మధ్య జరిగిన ఉత్తరాల సంభాషణలు సినిమాను మరో రేంజ్ కు తీసుకువెళ్ళాయి.

ఈ సినిమాలో హీరోయిన్ అందం అందరినీ మంత్రముగ్ధులను చేసింది. తెరపై ఆమె ప్లేస్సెంట్ లుక్స్ సినిమాకు బాగా ప్లస్ అయ్యాయి. అంతే కాకుండా మరో అమ్మాయి కూడా అందరి దృష్టిని ఆకర్షించింది. ఆమె హీరోయిన్ స్నేహితురాలు రేఖ. ఆ నటి పేరు రుక్మిణి విజయ్ కుమార్. ఈమెది హైదరాబాద్. ఈమె భరత నాట్యాకారిణి. ఈమె నటనతో పాటు డాన్స్ కొరియోగ్రాఫర్ గా కూడా చేస్తున్నారు.

‘ఆనంద తాండవం’ చిత్రం తో తెరపై కనిపించిన ఆమె ఇప్పటివరకు ఎన్నో సినిమాల్లో నటించారు. కానీ సీతారామం చిత్రం ద్వారా ఆమెకు గుర్తింపు లభించింది. ఆనందతాండవం అనే సినిమాలో రొమాంటిక్ పాత్ర చేసి ఆకట్టుకుంది రుక్మిణి విజయ్ కుమార్. తర్వాత సౌందర్య రజనీకాంత్ దర్శకత్వం లో రజనీకాంత్ హీరోగా, దీపికా పదుకొనె హీరోయిన్ గా వచ్చిన కొచ్చాడియాన్ సినిమాలో రుక్మిణి రజని కాంత్ కి చెల్లెలు గా నటించింది. తర్వాత యాక్షన్ కింగ్ అర్జున్ సరసన హీరోయిన్ గా చేసింది.

అంతే కాకుండా అనేక డాన్స్ ఆల్బమ్స్ కొరియోగ్రఫీ చేసి యూట్యూబ్ లో అప్లోడ్ చేస్తూ ఉంటారు ఈమె. సోషల్ మీడియా వేదికగా డాన్స్ నేర్చుకోవాలనుకునే వారికి ఆమె సింపుల్ చిట్కాలు చెప్తూ ఆమె బాగా పాపులర్ అయ్యారు.

ప్రతి సినిమాలో హీరో పక్కన హీరోయిన్ కచ్చితంగా ఉంటారు. కొన్ని సినిమాల్లో హీరోయిన్ కు ఎక్కువ ప్రాధాన్యత ఉంటుంది కొన్ని సినిమాల్లో అంత పెద్దగా ప్రాధాన్యత ఉండదు. కొన్ని సినిమాల్లో హీరోయిన్ కొంచెం సేపు ఉన్నా కానీ వారి పాత్ర లు ప్రేక్షకులకి అలా గుర్తుండిపోతాయి. ఆ సినిమా గురించి చెప్పగానే ఆ హీరోయిన్ చెప్పిన మాటలే గుర్తు వస్తాయి.

అలా తమ పాత్రల పేరుతోనే ఫేమస్ అయినా హీరోయిన్లు ఎవరో ఇప్పుడు చూద్దాం..

#1 పండు

కృష్ణ వంశి దర్శకత్వం లో వచ్చిన ‘నిన్నే పెళ్లాడతా’ మూవీ గురించి ప్రత్యేకంగా చెప్పాల్సిన అవసరం లేదు. నాగార్జున, టబు ప్రధాన పాత్రల్లో వచ్చిన ఈ మూవీ సూపర్ హిట్ అయింది. ఈ మూవీ లో పండు ప్రేక్షకులకి ఇప్పటికి ఫేవరేట్.

#2 జెస్సి

గౌతమ్ మీనన్ తెరకెక్కించిన ఏమాయ చేసావే మూవీ లో సమంత, నాగ చైతన్య జంటగా నటించారు. ఇప్పటికి జెస్సి పేరు చెబితే సామ్ నే గుర్తొస్తుంది.

#3 భానుమతి

“భానుమతి.. ఒక్కటే పీస్.. హైబ్రిడ్ పిల్ల..” అంటూ ఫిదా మూవీ లో డైలాగ్ వినగానే గుర్తొచ్చేది సాయి పల్లవి. ఈ పాత్రతో ప్రేక్షకుల మనసులో మంచి స్థానం సంపాదించింది సాయి పల్లవి.

#4 హాసిని

ఈ పేరు వినగానే మనకి గుర్తొచ్చేది జెనీలియా. ఈ మూవీ ని ఎప్పుడు చూసిన హాసిని మనల్ని అంత ఈజీ గా వదిలిపెట్టదు.

#5 భ్రమరాంబ

రారండోయ్ వేడుక చూద్దాం మూవీ లో తన పెంకి తనం తో, మొండి తనం తో తనను ప్రేమించిన వాళ్ళని ఇబ్బంది పెట్టె పాత్రలో రకుల్ జీవించేసింది.

#6 హనీ

“హనీ ఇస్ ది బెస్ట్..” అంటూ మెహ్రీన్ మనల్ని ముప్పతిప్పలు పెడుతుంది ఎఫ్ 2 మూవీ లో.

#7 సీత

హను రాఘవపూడి దర్శకత్వం లో వచ్చిన సీతారామం చిత్రం ఎంత అంద్భుతం గా ఉంటుందో మనం చెప్పక్కర్లేదు. ఈ మూవీ లో సీతా పాత్రని అంత ఈజీ గా మర్చిపోలేం.

#8 చిట్టి

జాతి రత్నాలు మూవీ లో హీరోలు ముగ్గురితో పాటు మనల్ని ఎంతో అలరించింది చిట్టి. ఈ పేరు చెప్తే మనకి ఆ కోర్ట్ లో సీన్ లు గుర్తొచ్చి నవ్వులు రావాల్సిందే.

#9 రూప

శేఖర్ కమ్ముల తెరకెక్కించిన మరో దృశ్య కావ్యం ‘ఆనంద్’. ఈ చిత్రం లో ఆత్మాభిమానం గల అమ్మాయిగా కమలిని ముఖేర్జీ నటన మనల్ని మెప్పిస్తుంది.

#10 మధు

ఖుషి మూవీ తో పవన్ కళ్యాణ్ ని ఎంత క్రేజ్ వచ్చిందో అంతే క్రేజ్ మధు కి కూడా వచ్చింది. ఆ పాత్రలో నటించి అందర్నీ మెప్పించింది భూమిక.

#11 ప్రీతి

అర్జున్ రెడ్డి సినిమా తర్వాత హీరోయిన్ షాలిని పాండే ఈ పేరుతో చాలా ఫేమస్ అయిపోయారు.

#12 బేబమ్మ

తన తొలి చిత్రం తోనే అందర్నీ తన వైపుకు తిప్పుకుంది బేబమ్మ. ఆ తర్వాత వరుస హిట్స్ తో స్టార్ హీరోయిన్ గా మారింది మన క్రితి శెట్టి.