Anudeep

జబర్దస్త్ లో ప్రతి సారి నాగబాబు , రోజా పగలబడి నవ్వుతుంటారు . కొన్ని సంధర్బాల్లో  అసలు అక్కడ జోకేంటో అర్దం కాక మనం తలలు పట్టుకుంటుంటాం. వాళ్లు మాత్రం హాహాహా అంటూ బ్యాక్ డ్రాప్లో వచ్చే సౌండ్ కి తగ్గట్టు పెద్దగా నవ్వేస్తుండేవారు. జబర్దస్త్ నుండి అదిరింది షో కి వచ్చాక కూడా అదే రిపీట్ చేస్తున్నారు నాగబాబు. కాని ఈ సారి ప్రేక్షకుల,నెటిజన్ల కోపానికి గురి కాక తప్పలేదు.

అందుకే నవ్వాల్సిన చోట నవ్వాలి ఏడవాల్సిన చోట ఏడవాలి. ఏడ్చే దగ్గర నవ్వితే నవ్వుల పాలు కాక తప్పదు. ప్రస్తుతం నాగబాబు పరిస్థితి అదే . ఒకప్పుడు జబర్దస్త్లో అలా పగలబడి నవ్వుతుంటేనే, వాళ్ల నవ్వులపైనే ఎన్నో జోకులేసుకునేవాళ్లు, ట్రోల్స్ వచ్చేవి.ఇప్పుడు తానే మరో ఛానెల్ కి వచ్చి ఒక ప్రోగ్రాం స్టార్ట్ చేశాడు. కనీసం అదైన కామెడీని కామేడిలా చూపించకపోతే ఎలా?

జబర్దస్త్ కి పోటీగా స్టార్ట్ అయిన అదిరింది షో కూడా జబర్దస్త్ పంథాలో పోతూ  , డక్కా మొక్కీలు తింటుంది. అయినప్పటికి షోకి ప్రేక్షకులు కనీసం పాస్ మార్కులు కూడా వేయట్లేదు. ఈ క్రమంలో షోలో ఎన్నో మార్పులు చేశారు. స్కిన్ షో చేయనన్న సమీరను తప్పించి , భానుశ్రిని తీసుకున్నారు. రశ్మి, అనసూయలకి ఏ మాత్రం తగ్గకుండా భానుశ్రీ షోలో ఆడియన్స్ ని ఆకట్టుకోవడానికి ప్రయత్నిస్తుంది.

ఆదివారం ప్రసారం కాబోయే ఎపిసోడ్ కి సంబంధించిన ప్రోమో రిలీజ్ చేసింది అదిరింది టీం. ఈ ప్రోమో లో వచ్చిన జోక్ కి నాగబాబు నవ్వడం ఇప్పుడు వివాదాంశం అయింది . కరోనా ఎఫెక్ట్ కి ప్రపంచమే అల్లకల్లోలం అవుతుంది. రోజురోజుకి మరణాల సంఖ్య పెరుగుతుంది. మనదేశంలో కూడ ఇప్పటికి వందకు పైగా కేసులు నమోదయ్యాయి. ప్రజలు భయాందోళనలతో బతుకుతున్నారు. ఇదిలా ఉంటే అదిరిందిలో సద్దాం టీం కరోనా పైన స్కిట్ ప్రదర్శించారు.

చైనా నుండి హైదరాబాద్ కి కరోనా వచ్చిందట, మన ఊరికి వస్తే అందరూ పడి చస్తారు అని సద్దాం అనగా, అవతల వ్యక్తి అంత పెద్ద ఫిగరా అది అని అంటే,  కరీనా కాదు కరోనా, కరోనా అంటే చైనాది, కరీనా అంటే బాలీవుడ్ ది అని వచ్చే జోక్ కి నాగబాబు పడి పడి నవ్వడం అనేది ఆ ప్రోమో లో ఉందే. దీనికి నాగబాబు నవ్వడం పట్ల నెటిజన్లు ఆగ్రహం వ్యక్తం చేస్తున్నారు

కేవలం ఇది మాత్రమే కాదు కరోనాపై నాగబాబు చేసిన ట్వీట్ పట్ల కూడా వ్యతిరేకత ఎదురవుతోంది. కరోనా ని కావాలనే కొన్ని మతాల వాళ్లు, వాళ్ల దేవుడే ఈ కరోనాని, భూమ్మీదకి పంపించారు. ఈ దేవుళ్లకి కోపం ఎక్కువే సుమీ అని నాగబాబు చేసిన కామెంట్స్ ని కూడా చాలా విమర్శిస్తున్నారు. కరోనా ఎఫెక్ట్ కి ప్రపంచమంతా అల్లకల్లోలం అవుతోంది. ఈ సమయంలో ఎంత సంయమనంతో ఉండాలి. అది వదిలేసి ఈ నెగటివ్ కామెంట్స్ , సీరియస్ ఇష్యూపై జోక్స్ వేయడం ఎంత వరకు సమంజసమో కనీసం ఆలోచించండి.

కరోనా భయం రోజురోజుకి పెరిగిపోతోంది. ఇప్పటికే స్కూల్స్ , కాలేజిలకు సెలవులు ప్రకటించేశారు. థియేటర్లు, షాపింగ్ మాల్స్ మూసేశారు. వ్యాది. చైనా లో పరిస్థితి భయంకరంగా ఉందనేది టివిల్లో చూస్తుంటేనే, వార్తల్లో చదువుతుంటేనే మనకి భయం వేస్తోంది. అలాంటిది కరోనా సోకిందనే కారణం చేత చైనాలో చిక్కుకుపోయిన వాళ్ల పరిస్థితి ఇంకెంత భయంకరంగా ఉంటుందో ఊహించుకోండి. కర్నూలుకి చెందిన జ్యోతిని అడిగితే తెలుస్తుంది.

చైనాలోని వ్యూహాన్లో చిక్కుకుపోయిన జ్యోతి ఎట్టకేలకు  భారత్ చేరుకుంది. చైనా నుండి భారత్ కి రావడం అంత సింపుల్ గా జరిగిపోలేదు. ఎన్నో వ్యయప్రయాసల నడుమ జ్యోతిని ఇండియాకి తీసుకొచ్చారు . రాజధాని ఢిల్లీలో పదిహేను రోజుల పాటు వైధ్యల పరీక్షల అనంతరం కర్నూలుకి తీసుకొచ్చారు.

ఇటీవల సాఫ్ట్వేర్ ఉద్యోగానికి సెలక్ట్ అయిన జ్యోతి ట్రెయినింగ్ నిమిత్తం చైనాకు వెళ్లింది.కరోనా వ్యాప్తితో చైనాలోని వ్యూహాన్లో పరిస్థితి దారుణంగా ఉండడంతో, ఇండియాకి వచ్చేస్తున్నానని కుటుంబానికి కాల్ చేసి చెప్పింది. మరికొద్ది రోజుల్లో పెళ్లి కూడా ఉండడంతో అమ్మాయి వచ్చేస్తుందని జ్యోతి  కుటుంబ సభ్యులు , కాబోయే భర్త అమర్ నాధ్ రెడ్డి సంతోషించారు.

కాని ఇండియా రావడానికి విమానశ్రయానికి చేరుకున్న జ్యోతిని తీసుకెళ్లడానికి ఎయిరిండియా విమానాలు నిరాకరించాయి. ఎయిర్పోర్ట్ లో చెకప్ చేయగా బాడీ టెంపరేచర్ ఎక్కువగా ఉండడంతో కరోనా లక్షణాలున్నట్టుగా గుర్తించారు. చైనా నుండి భారతీయులను తీసుకు రావడానికి వెళ్లిన రెండు ఎయిరిండియా విమానాలు తిరిగి వచ్చేశాయి. మరి కొద్ది గంటల్లో కుటుంబ సభ్యులని కలుస్తాననుకున్న జ్యోతి ఆశలు ఆవిరయ్యాయి.

తనతో ఉన్న వాళ్లు వెళ్లిపోయారు, తాను వెళ్తుందో లేదో తెలియదు. దాంతో బిక్కుబిక్కుమంటూ గడిపిన జ్యోతి , ఒక సెల్ఫి వీడియో చేసి భారత ప్రభుత్వాన్ని రిక్వెస్ట్ చేసింది. కూతురి పరిస్థితి చూసిన జ్యోతి పేరెంట్స్, కాబోయే భర్త అమరనాధ్ రెడ్డి కూడా భారతప్రభుత్వాన్ని రిక్వెస్ట్ చేయడంతో ఎట్టకేలకు అన్నెం జ్యోతిని అందరితో పాటు ఇండియా తీస్కొచ్చారు.

ఇండియా వచ్చిన తర్వాత ఢిల్లీలోని మానేసూర్ లో క్వారెంటైన్ లో పెట్టారు. వైధ్యుల పర్యవేక్షనలో ఉంచారు. మనతో పాటు ఉండే వాళ్లందరూ వెళ్లిపోతున్నారు , తినడానికి ఫూడ్ కూడా సరిగా లేదు.  పచ్చడి, జామ్, బ్రెడ్ ఇలా ఏదుంటే అది  ఉన్నదాంతోనే సరిపెట్టుకునేదాన్ని . అలాంటి పరిస్తితి ఎవరికి రావొద్దు , అసలోస్తానో లేనో అని భయపడ్డానంటూ కన్నీటి పర్యంతమవుతూ చెప్పింది . ప్రత్యక్షంగా అక్కడ పరిస్థితిని వివరిస్తున్న జ్యోతి చెప్పేది వింటుంటే మనకి కూడా కన్నీళ్లొస్తాయి.

ఇటీవల కాలంలో బ్యాంకింగ్ రంగాన్ని కుదిపేసిన అంశం ఎస్ బ్యాంక్ సంక్షోభం . చాలా తక్కువ కాలంలోనే బ్యాంకింగ్ రంగంలో నిలదొక్కుకుని, ఎంత ఫాస్ట్ గా ఎదిగిందో అంతే ఫాస్ట్ గా అధ: పాతాలానికి పడిపోయింది.  ఎస్ బ్యాంక్ ఖాతాదారులను కలవరపెట్టిన ఈ వార్త, ప్రభుత్వ రంగ బ్యాంక్ ఎస్బిఐ ,ఎస్ బ్యాంక్  ని చేపడుతుందని తెలిసి కొంత ఊరట లభించింది.

ఒక సంస్థని బాగుపర్చాలన్నా, పాడుచేయాలన్నా ఆ సంస్థ అధిపతి పైనే ఉంటుంది. ఎస్ బ్యాంక్ అభివృద్దిలో బ్యాంక్ వ్యవస్థాపకుడు, సిఇఎ రాణా కపూర్ పాత్ర ఎంతో ఉంది. ఇటీవల రాణాకపూర్ మనీ లాండరింగ్ కేసులో అరెస్ట్ అయిన విషయం విదితమే .రాణా కపూర్ కి సంబందించి కొన్ని  విషయాలు.

1957 లో ఢిల్లీ జన్మిచిన రాణాకపూర్ చదువంతా ఢిల్లీలోనే జరిగింది. 1973 లో పాఠశాల విద్యను పూర్తి చేసి , 77లో డిగ్రీ పట్టా పుచ్చుకునారు. 1980లో అమెరికాలోని రట్గర్స్ యూనివర్శిటిలో ఎంబిఏ పూర్తి చేశారు. రాణా కుమార్ భార్య బిందూ కపూర్ , వారికి ముగ్గురు కూతుళ్లు రాధా, రాఖీ , రోషిణి . ప్రస్తుతం యెస్ బ్యాంక్ సంక్షోభంలో పోలీసులు వీరిని కూడా విచారిస్తున్నారు. ఎంబిఏ పూర్తైన తర్వాత అమెరికాలోని బారాఖంబా బ్యాంక్లో బ్యాంకర్ గా కెరీర్ ప్రారంభించారు రాణా. అక్కడ పదహారేళ్లు ఉద్యోగం చేశారు. ఆ తర్వాత ఎఎన్ గ్రిండ్లేస్ సంస్తకి మేనేజర్, కంట్రీ హెడ్ గా వ్యవహరించారు.

అసోచామ్ అధ్యక్షుడిగానూ పనిచేశారు రాణా కపూర్. అమెరికానుండి తిరిగొచ్చి సోదరుడు అశోక్ కపూర్, హర్ కిరత్ సింగ్ లతో కలిసి ఇండియా ఫైనాన్స్ సంస్థని ప్రారంబించారు.నెదర్లాండ్స్ కి చెందిన రాబో బ్యాంక్ 75శాతం ఉండగా, ఇండియా ఫైనాన్స్ లో వీళ్ల ముగ్గురి వాటా 25% .ప్రైవేట్ బ్యాంక్ స్టార్ట్ చేయాలనుకుని,  వారి ముగ్గురి వాటాలను అమ్మి బ్యాంక్ స్థాపనకు లైసెన్స్ పొందారు . ఇది బ్యాంక్ ఆవిర్భావం వెనుక ఉన్న స్టోరీ. బ్యాంక్ ప్రారంభించిన సంవత్సరం 2004.భారీ మొండి బాకీల వల్ల బ్యాంక్ దెబ్బ తిన్నది, రాణా కపూర్ మాత్రం లెండర్ ఆఫ్ ది లాస్ట రిసార్ట్ టైటిల్ దక్కించుకున్నారు. బ్యాంక్ ఇచ్చిన లోన్లను బాడ్ లోన్లుగా పక్కకి పెట్టేస్తారు. విజయ్ మాల్యా, రాణాకపూర్ ఇద్దరూ ఎదుర్కొంటున్న కేసులు దాదాపు ఒకటే.

గ్లోబల్ ఫైనాన్షియల్ సర్వీసెస్ సంస్థ నెగటివ్ రిపోర్ట్ ఇవ్వడంతో  రాణా కపూర్ తన కెరీర్లో ఫస్ట్ టైం ప్రతికూలతను ఎదుర్కొన్నారు. యూబిఎస్  రిపోర్ట్ వాస్తవం కాదని, పక్షపాత పూరితం అని రాణా వాదించారు. బ్యాంక్ అభివృధ్దికి రాణా కపూర్ ఎంత కష్టపడ్డప్పటికి ఓడిపోక తప్పలేదు. 2016-17లో ఎస్ బ్యాంక్ మొండీ బాకీలు 6,355 కోట్లు, అదే ఏడాది రాణా కపూర్ బ్యాంక్ నుండి తప్పుకున్నారు. ఈ నాలుగేళ్లల్లో బ్యాంక్ రికవరీ కాలేదు, మొత్తంగా మూతపడే పరిస్థితి వచ్చింది.

ఇప్పుడు ఎస్ బ్యాంక్ ని టేకోవర్ చేయాలని ఎస్ బిఐ కి సూచిస్తుంది ఆర్బీఐ. ఇప్పటికే దేశంలో బ్యాంకుల్లో ఇన్ని అక్రమాలు జరుగుతున్నా ముందు పట్టించుకోని ఆర్బిఐ, ఇప్పుడు ప్రభుత్వరంగ వాణిజ్య సంస్థ ఎస్బిఐ కి అప్పచెప్పడాన్ని కొందరుతప్పుపడుతున్నారు.

కర్ణాటకలో మొట్టమొదటి కరోనా మృతి కేసు నమోదవడంతో దేశ వ్యాప్తంగా కలకలం స్టార్టయింది. ఇప్పటికి కరోనా వైరస్ గురించి ఎన్నో మెసేజ్లు , వార్తలు మీడియాలో , సోషల్ మీడియాలో వస్తున్నాయి. ఏది నిజమో, ఏది ఫేక్ న్యూసో అర్దం కాక జనాలు కన్ఫ్యూజ్ అవుతున్నా పరిస్థితి. ఇదే విషయం పైన ఇన్ఫోసిస్ అధినేత సుధా మూర్తి కర్ణాటక ప్రభుత్వానికి కొన్న సూచనలు చేస్తూ ముఖ్యమంత్రికి ఒక లేఖ రేశారు. ఆ లేఖలో ఏం రాసారో మీరూ చదవండి.

కర్ణాటకకు చెందిన 79 ఏళ్ల సిధ్దికి మొట్టమొదటి కరోనా మృతి కేసు, ఢిల్లీకి చెందిన 60ఏళ్ల మహిళ కూడా కరోనా సోకి చనిపోయిందని సమాచారం. వీటితో వృద్దులే జాగ్రత్తగా ఉండాలనే మెసేజ్ ఒకటి ఫార్వర్డ్ అవతుంది. మొన్నటి వరకు మన దగ్గర ఉష్ణోగ్రతకి కరోనా వైరస్ వ్యాప్తి చెందలేదు అనేది ఒకటి సర్క్యులేట్ అయింది. ఇందులో నిజం లేదనే విషయాన్ని ప్రస్తావించారు సుధా మూర్తి.

సింగపూర్, ఆస్ట్రేలియాల్లో ఏడాది పొడవునా ఎండలు విపరీతంగా ఉంటాయి. అయినప్పటికి ఆయా దేశాల్లో కరోనా కేసులు అధికంగా ఉన్నాయి. దీన్ని బట్టి మన దగ్గర కరోనా వైరస్ వ్యాప్తి చెందదు అనేదాంట్లో నిజం లేదని అన్నారు.

ఎసి వాడే ప్రదేశాల్లో కరోనా వ్యాప్తి చెందేందుకు అవకాశాలున్నాయని, కావున మాల్స్, సినిమాహాల్స్ కొద్ది రోజులు మూసేయాలని సూచించారు. ప్రజలకు అత్యవసరం అయిన పెట్రోల్,నిత్యావసర సరుకులు, మెడిసిన్స్ లాంటి షాపులని అందుబాటులో ఉంచాలని అన్నారు. పిల్లలకు స్కూల్స్ , కాలేజిలకు సెలవులు ఇవ్వడం మంచిదని అన్నారు.

అలాగే కరోనా వ్యాప్తి చెందితే ఏ ఒక్క ప్రైవేటు ఆసుపత్రి కూడా ఆ కేసెస్ ని టేకప్ చేయడానికి ముందుకు రాదని, కాబట్టి ప్రభుత్వం తక్షణమే ఒక ప్రభుత్వాసుపత్రిని ఖాళీ చేసి,500-1000 పడకలు ఏర్పాటు చేయించాలని, అదేవిధంగా ఆక్సిజన్ పైప్ లైన్స్ అందుబాటులో ఉంచాలని సూచించారు. ప్రభుత్వానికి సాయం చేయడానికి ఇన్పోసిస్ సంస్థ ఎల్లప్పుడూ సిద్దంగా ఉంటుందని తన లేఖలో తెలిపారు. సుధామూర్తి చేసిన సూచనలను, ఇన్ఫోసిస్ సాయం తీసుకోవడానికి అంగీకరించారు కర్ణాటక హెల్త్ మినిస్టర్ దేవీ శెట్టి.

కరోనా మృతి కేసు నమోదవడంతో కర్ణాటక ప్రభుత్వం స్కూల్స్ కాలేజిలకు సెలవులు ఇచ్చేసింది. పిల్లలకు పరీక్షలు కూడా మార్చి నెలాఖరున ఉంటాయని ప్రకటించింది. పెళ్లిల్లు, మీటింగులు లాంటి జనసందోహాం ఉండే కార్యక్రమాలని అవాయిడ్ చేయాలని ప్రజలకు సూచించింది. అలాంటి కార్యక్రమాలు ఇప్పట్లో ఏర్పాటు చేయకూడదని ప్రకటించింది.

“అమ్మ” స్టృష్టిలో తీయనైన పదం. అమ్మంటే దేవత, అమ్మ ప్రేమకి మించిన ప్రేమేది ఈ భూమ్మిద లేదు, ఉండదు అని చెప్పుకుంటుంటాం. కానీ  అమ్మల్లో కూడా రాక్షసులుంటారు అని కొన్ని ఘటనలు మనకి కళ్లకి కట్టినట్టు చూపించాయి. ప్రేమించిన వాన్ని దూరం చేసుకోలేక, ప్రియుడికే ఇచ్చి పెళ్లి చేసి కన్న కూతురి గొంతు కోసింది ఓ మహా “తల్లి”. చివరకి కూతురి ప్రాణాలు తీసుకునేందుకు కారణం అయింది .

హైదరాబాద్ నగరంలోని మీర్ పేట అల్మాస్ గూడకి చెందిన అనితకి ఇద్దరు కూతుళ్లు వందన, సంజన. వందన వయసు పంతొమ్మిదేళ్లు . భర్తతో విభేధాలు రావడంతో అనిత ఇద్దరు పిల్లలతో వేరుగా ఉంటుంది. క్యాటరింగ్ రన్ చేస్తూ కుటుంబాన్ని పోషిస్తుంది. ఈ క్రమంలో అనితకి ప్రేమ్ నవీన్ కుమార్ అనే వ్యక్తి పరిచయం అయ్యాడు. పరిచయం ప్రేమగా మారి ఇద్దరి మధ్య శారీరక సంబంధానికి దారి తీసింది.

పెళ్లీడుకి వచ్చిన కూతుళ్లు ఉండడంతో , ఈ వయసులో ప్రేమేంటి,పెళ్లేంటి అని కూతుళ్లు, చుట్టుఉన్నవాళ్లు ఏమంటారో, ఏమనుకుంటారో అని భయపడింది. నవీన్ ని వదిలి ఉండలేక , కూతురికి ఇచ్చి పెళ్లి చేస్తే తనతో పాటే ఉండొచ్చిన ప్లాన్ వేసింది. అంతే పెద్ద కూతురు వందనని పెళ్లికి ఒప్పించింది.

వందనని నవీన్ కి ఇచ్చి పెళ్లి చేసింది. ఇంకేం అల్లుడి హోదాలో ఆ ఇంటికి ఎప్పుడొచ్చినా అడిగేవారుండరు. కాని నవీన్ తనతో కన్నా తన తల్లితో చనువు గా ఉండడాన్ని గమనించిన వందన , ముందు తల్లికి ,భర్తకి నచ్చచెప్పాలని చూసింది. వందన మాట ఖాతరు చేయకుండా నవీన్ అనిత తమ సంబంధాన్ని కంటిన్యూ చేశారు.

ఇది భరించలేక భర్తని తీసుకుని వేరు కాపురం పెట్టాలని ప్రయత్నించింది వందన. అదే విషయం భర్తతో చెప్పింది. వేరు కాపురానికి అనిత అంగీకరించలేదు సరికదా, చచ్చిపోతానని బెదిరించింది. క తల్లి,భర్త చేష్టల్ని చూస్తూ ఏం చేయలేక,మానసికంగా కృంగిపోయిన వందన బలవన్మరణానికి పాల్పడింది. ఇంట్లో ఎవరు లేని సమయంలో ఫ్యాన్ కి ఉరివేసుకుని చనిపోయింది.వందన చెల్లెలు సంజన ఫిర్యాదు చేయడంతో పోలీసులు కేసు నమోదు చేస్తున్నారు.

మన దేశంలో క్రికెట్ కి ఉన్నంత క్రేజ్ మరే ఇతర క్రీడకి ఉండదు. మొన్నటి వరకు పురుషుల క్రికెట్ పట్ల మాత్రమే ఆసక్తి ఉండేది. కాని ఇప్పుడు మహిళా క్రికెట్ ని కూడా అభిమానులు ఆదరిస్తున్నారంటే దానికి కారణం మన వాళ్ల ఆటనే. అందంతోనే కాదు, ఆటలో ప్రతిభతోనూ అందరి మనసులను చూరగొన్నారు మన లేడీ క్రికెటర్స్ . ఒక్కొక్కరికి ఉన్న ఫాలోయింగ్ అంతా ఇంతా కాదు. అయితే 2017 వరకు మహిళా క్రికెట్ గురించి పెద్దగా తెలియదు, కాని ఆ ఏడాది వన్డే వరల్డ్ కప్ ఫైనల్ కి చేరుకోవడంతో అందరి దృష్టిని ఆకర్శించారు .

ఏ విధంగా అయితే మేల్ క్రికెటర్స్ పేరుని గుక్కతిప్పుకోకుండా చెప్పగలరు . మహిళా క్రికెటర్స్ కూడా పేరుపేరునా గుర్తిండిపోయారు. అభిమానులను సంపాదించుకున్నారు. స్మృతి మందనా, శెఫాలి, హర్మాన్ ప్రీత్ , పూనమ్ ఇలా ప్రతి ఒక్కరు తమ ఆటతో గుర్తింపు పొందారు .

కేవలం మన దేశంలోనే కాదు ప్రపంచవ్యాప్తంగా కూడా మహిళా క్రికెట్ కి ఆదరణ తక్కువే. కాని అది ఈ ఏడాది టి20 ప్రపంచకప్ ఫైనల్ మ్యాచ్ ఆ ఆలోచనల్ని పటాపంచలు చేసింది. మహిళా క్రికెట్ కి ఫాలోయింగ్ పెరిగిందనడానికి ప్రత్యక్ష ఉదాహరణ ఫైనల్ కి హాజరయిన క్రికెట్ అభిమానుల సంఖ్యనే 80లక్షలకు పైనే, ఇది కేవలం స్టేడియంలో మనుషుల సంఖ్య, టివిల్లో, మొబైల్ ఫోన్స్ లో చూసిన వారి లెక్క వేరే .

మహిళా దినోత్సవం రోజున ప్రపంచ కప్ ఫైనల్స్ కి చేరుకున్న ఇండియా జట్టు మన వాళ్లల్లో కొత్త ఉత్సాహాన్ని నింపింది. కొత్త వాళ్లు క్రికెట్ వైపు మొగ్గు చూపేలా చేసింది. ఫైనల్స్ లో మన వాళ్లు ఓడిపోవడం నిరాశకి గురి చేసినప్పటికి వాళ్లు అక్కడి వరకు చేరుకున్నదానికి పడిన కష్టాన్నే అందరూ గుర్తించారు. ఈ సంధర్బంగా జట్టు కెప్టెన్  స్మృతి మందన్నా అభిమానులను ఉద్దేశించి ఒక లేఖ రాశారు .

అభిమానులందరికి థాంక్స్ చెప్తూ స్టార్ట్ చేసిన ఆ లేఖలో, ఓడిపోయి నిరాశపర్చినందుకు క్షమించమని కోరింది. ఇంతమంది అభిమానం ఓడిపోయామనే బాధని దూరం చేసిందని, ఇక్కడి వరకు చేరుకోవడంలో మా టీం కృషి ఎంతో ఉందని , వారిని అభినందించింది. మీ అందరి అభిమానంతో మరింత ముందుకు వెళ్లడానికి కృషి చేస్తామని చెప్పుకొచ్చింది.

సోషల్ మీడియా వేధికగా రాసిన ఈ ఓపెన్ లెటర్ ఇప్పుడు వైరల్ టాపిక్ గా మారింది. దీంతో నెటిజన్లు పాజిటివ్ గా రెస్పాండ్ అవుతున్నారు. వి ఆర్ ప్రౌడ్ ఆఫ్ యూ , జీవితంలో అయినా, ఆటలో గెలుపోటములు సహజం సారీ చెప్పొద్దు ,మీరు మీ శక్తికి మించి ఆడారు అంటూ నెటిజన్స్ కామెంట్ చేస్తున్నారు .

“కారవాన్స్” సినిమా షూటింగ్ గ్యాప్లో రిలాక్స్ అవ్వడానికి, ఔట్ డోర్ షూటింగ్ అయితే  హీరోయిన్స్ వారి కాలకృత్యాలు తీర్చుకోవడానికి , బట్టలు మార్చుకోవడానికి,మేకప్ వేసుకోవడానికి అందుబాటులో ఉండేవి. ఒకప్పుడు కారవాన్స్ లేని టైంలో చెట్టు చాటుకి బట్టలు మార్చుకున్న సంఘటనలు కూడా ఆ కాలం హీరోయిన్లు చెప్తుంటారు. మన సౌలభ్యం కోసం వచ్చిన వాటిని దుర్వినియోగం చేస్తే నష్టపోయేది మనమే. ప్రజెంట్ కారవాన్స్ విషయంలో జరుగుతున్న చర్చ అలాంటిదే.

కారవాన్స్ ని అవసరాలకు వాడుకోవాలి తప్ప లగ్జరీలకు కాదని  చిరంజీవి చేసిన కామెంట్స్ ఇప్పుడు హాట్ టాపిక్ గా మారాయి. పదేళ్ల క్రితం శంకర్ దాదా సినిమా షూటింగ్ అప్పుడు నేనే అభిప్రాయపడ్డా నాతో పాటు మిగతా నటులకి కూడా కారవాన్స్ ఉంటే బాగున్ను కదా అని, కానీ ఈ పదేళ్లల్లో పరిశ్రమలో చాలా మార్పులొచ్చాయి. నా వరకు నేను వాష్ రూం కి వెళ్లడానికి,మేకప్ వేసుకోవడానికి తప్ప మరేదానికి కారవాన్ వాడేవాన్ని కాదు, అందరికి వాళ్ల అవసరాల మేరకే కారవాన్స్ ఉండాలని కోరుకున్నా, కాని ప్రజెంట్ షాట్ కి షాట్ కి గ్యాప్లో వెళ్లిపోయి కారవాన్లో కూర్చుంటున్నారు.అది సరైంది కాదని కామెంట్ చేశారు.

Also read: సంచలన కామెంట్స్ చేసిన సీనియర్ నటి కవిత…వీపులు గోకేది వాళ్లే అంట.!

కారవాన్ ని ప్రెస్టేజ్ సింబల్ గా చూస్తున్నారు. చిన్న నటులు స్పాట్లో ఉన్నారు నేను వాళ్లతో కూర్చోవడం ఏంటి అని నామోషి ఫీల్ అవుతున్నారు. కానీ షూటింగ్ స్పాట్లో ఉండడం వలన ఒక ఫ్రెండ్లీ నేచర్ అనేది ఉంటుంది. అలా కాకుండా గ్యాప్ దొరకగానే వెళ్లి వాన్ ఎక్కి కూర్చుంటే అసిస్టంట్లకు యాక్టర్స్ ని పిలుచుకోవడానికే సగం టైం సరిపోతుందని అసహనం వ్యక్తం చేశారు.ఒకప్పుడు షూటింగ్ గ్యాప్లో నెక్స్ట్ సీన్ ప్రాక్టీస్ చేసేవాళ్లం, దీనివల్ల నటీనటులందరి మధ్య ఫ్రెండ్లీ నేచర్ ఉండేదని, కుటుంబ సభ్యుల్లా కలిసిపోవడానికి తోడ్పడేదని ,ప్రెజెంట్ అలా ఎక్కడా కనిపించట్లేదని అన్నారు.

చిన్నా పెద్దా తేడా లేకుండా ప్రతి ఒక్క హీరో ,హీరోయిన్ కి కారావాన్ ఏర్పాటు చేయాల్సిన పరిస్థితి. ఇది నిర్మాతకి ఖర్చుతో కూడుకున్న వ్యవహారం . ఇదే విషయాన్ని చిరంజీవి ప్రస్తావించారు.కానీ ప్రస్తుతం దానిని ఉపయోగించుకోవడం కంటే ఎక్కువగా దుర్వినియోగం చేస్తున్నారని ఆవేదన వ్యక్తం చేసారు.

చిరంజీవి చేసిన వ్యాఖ్యల పట్ల ఇండస్ట్రీలో మరికొందరు రెస్పాండ్ అయ్యారు. ప్రొడ్యూసర్స్ కి బర్డెన్ అని చిరంజీవి గారంటున్నారు, కాని ప్రొడ్యూసర్సే హీరోయిన్ల వీపులు గోకే రకం అని మండిపడ్డారు సీనియర్ నటి కవిత. ఒకసినిమా చేసేటప్పుడు హీరోయిన్ తన కారవాన్ ని వాడుకోనివ్వలేదని, అక్కడే ఉన్న ప్రోడ్యూసర్ నోరు మెదపలేదని తనకి ఎదురైన చేదు అనుభవం చెప్పుకున్నారు.

“కారవాన్” సంస్కృతిపై ఇప్పుడు తెలుగు ఇండస్ట్రీ అంతా  మండిపడుతుంది. కొంత మందికి పెద్ద హీరోలకి సొంతంగా కారవాన్స్ ఉన్నాయి. మిగతావారికి ప్రొడ్యుసరే కారవాన్స్ ఏర్పాటు చేయాలి.చిరంజీవి వ్యాఖ్యలతో తమ్మారెడ్డి భరద్వాజ ఏకీభవిస్తూ “చిరంజీవి చెప్పింది నిజం, షూటింగ్ స్పాట్లో తోటి ఆర్టిస్టులతో సరదాగా మెలిగితే పనులు త్వరగా అవుతయి, షూటింగ్ స్పాట్లో హెల్తీ వాతావరణం ఉంటుందని చెప్పుకొచ్చారు.

నిర్మాత అంబికా కృష్ణ, నటుడు ,నిర్మాత మురళీ మోహన్ కూడా చిరంజీవి చేసిన కామెంట్స్ తో ఏకీభవించారు . చిరంజీవి గారి కామెంట్స్ కి ఒక నిర్మాతగా సంతోషిస్తున్నానని అంబికా కృష్ణ అభిప్రాయపడ్డారు. తన అనుభవంతో చెప్పిన మాటలు అక్షరసత్యాలు. సినిమా ఇండస్ట్రీకి నిర్మాత వెన్నెముక .అటువంటి నిర్మాత బాగుంటేనే ఇండస్ట్రీ బాగుంటుంది. చిరంజీవి గారు నిర్మాతల కష్టం గుర్తించారు కాబట్టి అలా మాట్లాడగలిగారు. అంటూ చిరంజీవి వాక్యల పట్ల ఆనందం వ్యక్తం చేశారు అంబికా కృష్ణ.

చిరంజీవి కామెంట్స్లో  ఇండస్ట్రీలో కారవాన్స్ పై పెద్ద ఎత్తున చర్చ జరుగుతుందని అర్దమవుతోంది, చూడాలి ఈ చర్చ ఎటు దారితీస్తుందో? ఎలాంటి నిర్ణయాలు అమలు చేసేలా చేస్తుందో?

వేణు స్వామి గుర్తున్నారా? ప్రముఖ జ్యోతిష్యుడు . సినిమా వాళ్ల, రాజకీయ నాయకుల భవిష్యత్ చెప్పే గొప్ప జ్యోతిష్యుడు . తాను చెప్పే 100 జాతాకాల్లో 90 ఖచ్చితంగా జరిగితీరుతాయని చెప్తుంటారు. ఇవన్ని ఎవరో చెప్పిన మాటలు కాదండి అతనే స్వయంగా చెప్పారు. ఒక టివి ఛానెల్లో బాబుగోగినేనితో జరిగిన వివాదం తర్వాత కనిపించకుండాపోయిన వేణు స్వామి, మళ్లీ వార్తల్లోకి వచ్చారు .

సామాన్యుల నుండి సెలబ్రిటీల వరకు జ్యోతిష్యాన్ని విశ్వసిస్తుంటారు. ఎలక్షన్స్ అప్పుడైతే వీటికున్న ప్రాముఖ్యత అంతా ఇంతా కాదు . వాళ్లు చెప్పేది నిజమా కాదా , జరుగుతుందా జరగదా అని ఎవరూ ఆలోచించరు. ఎలక్షన్ రిజల్స్ట్ వచ్చాకా ఎవరూ పట్టించుకోను కూడా పట్టించుకోరు. ఎలక్షన్స్ టైంలో, క్రికెట్ మ్యాచ్ లప్పుడు ,సినిమా లకు సంభందించి జ్యోతిష్యాన్ని నమ్ముకునే వాళ్లు,నమ్మేవాళ్లు ఉంటారు. ఇలాంటి జ్యోతిష్యానికి సంబంధించి వివాదస్పద వాఖ్యలు చేసి వేణు స్వామి ఫేమస్ అయ్యారు.

మరికొద్ది రోజుల్లో ఉగాది రాబోతోంది. కొత్త సంవత్సరం తమకెలా ఉండబోతోందో అనే ఆసక్తి అందరిలోనూ ఉంటుంది. అయితే ఎవరికి ఎలా ఉంటుందో కానీ రాశి కన్నా కి మాత్రం సూపర్ గా ఉంటుందని జోస్యం చెప్పారు వేణు స్వామి. కొత్త ప్రాజెక్ట్స్ తో టాప్ హీరోయిన్ స్థానానికి చేరుకుంటుందని అన్నారు.తనునటించే సినిమాలన్ని ఘనవిజయం సాధిస్తాయని చెప్పుకొచ్చారు.

అంతేకాదు ఒక స్టార్ హీరో తీవ్ర అనారోగ్యానికి గురౌతారని, ఒక యంగ్ పొలిటీషయన్ పెద్ద యాక్సిడెంట్ కి గురౌతారని పేర్లు చెప్పకుండా వ్యాఖ్యలు చేశారు. ఈ వాక్యల పట్ల నెటిజన్లు వ్యతిరేక కామెంట్స్ చేస్తున్నారు. పేర్లు చెప్పకుండా జాతకం చెప్పడం ఏంటి, దమ్ముంటే పేర్లు చెప్పాలని, నువ్ చెప్పే జాతకం నిజం అవుతుందా అని కామెంట్స్ చేస్తున్నారు.

ఒక తెలుగు యాంకర్ వైవాహిక జీవితంలో వివాదాలు చోటుచేసుకుంటాయని, భర్త నుండి విడాకులు పొందుతుందని మరో కామెంట్ చేసారు వేణు స్వామి. వేణు స్వామి భార్య కూడా యాంకరే. ఆ యాంకర్ మీ ఆవిడే, నువ్ ఇలా పిచ్చి పిచ్చి జాతకాలు చెప్తే ఆవిడ వదిలేసి పోవడం ఖాయం అని ఫన్నీ కామెంట్స్ చేస్తున్నారు నెటిజన్లు. పబ్లిసిటి కోసమే వేణుస్వామి ఇలాంటి కామెంట్స్ చేస్తుంటారని కొందరు మండిపడుతున్నారు.