Anudeep

గత వారం రోజులుగా దగ్గు విపరీతంగా సతాయిస్తుందని, అసలే కరోనా కాలం  ఎందుకైనా మంచిది టెస్టు చేయించుకుంటా అని మొన్న మా ఫ్రెండ్ గాంధికి వెళ్లింది. పొద్దున పదింటికి వెళ్లింది సాయంత్రం ఆరింటికి కరోనా లేదంటా అంటూ బయటికి వచ్చింది. అంత టైమ్ పాటు వెయిట్ చేయలేక ఎక్కడ నాకు కరోనా వస్తుందో అని భయం వేసింది.

టెస్టు చేయడానకి ఇంత సేపా, ఒకవేళ కరోనా లక్షణంగా గుర్తిస్తే ఆ వ్యక్తులని ఐసోలేషన్లో పెట్టి రిపోర్టలను మరిన్ని టెస్టుల కోసం పూణె పంపుతున్నారు. ఇక్కడ ఇంత తతంగం ఉంటే,  మరి  ఎయిర్పోర్ట్ లో ఏంటి మామూలుగా టెస్టు చేసి కరోనా లేదని చెప్పి పంపించేశారు అని డౌటొచ్చింది. అదే డౌట్ మీకూ వచ్చిందా.

ఎయిర్పోర్ట్ లో బయటి దేశాలనుండి వచ్చే వారికి చేతిలో ఒక పరికరం పట్టుకుని , దాన్ని వారి చుట్టూ తిప్పి టెస్టు చేసి పంపేస్తున్నారు. దాన్ని ధర్మల్ ఇమోజింగ్ కెమెరాలు అంటారు. ఇది కరోనా లక్షణాలను గుర్తిస్తుందా? అసలు దీని పనేంటో తెలుసా?

సాధారణ కెమెరాలు కాంతిని గ్రహించి మన ఫోటోలని తీస్తాయి. ఈ ధర్మల్ ఇమేజింగ్ కెమెరాలు మన ఉష్ణోగ్రతని గ్రహించి పని చేస్తాయి. ఈ కెమెరాల్లో ఉండే ధర్మామీటర్లు చాల శక్తిమంతమైనవి, సున్నితమైనవి. అవి డిగ్రీలో పదవవంతు ఉష్ణోగ్రతని కూడా కనిపెట్టగలవు. సాధారణంగా మన శరీర ఉష్ణోగ్రత 36-37 డిగ్రీలు ఉంటుంది. అంతకుమించి కొంచెం ఎక్కువ ఉన్నా ఈ ధర్మల్ ఇమేజింగ్ కెమెరా పసిగడుతుంది.

కరోనా లక్షణాల్లో జ్వరం కూడా ఒక లక్షణం కదా. ధర్మల్ ఇమేజింగ్ కెమెరాలు మనిషికి కరోనా సోకిందా లేదా అనేది గుర్తించలేవు. కేవలం మనిషి ఉష్ణోగ్రతని గుర్తిస్తాయి. అందులో ఏమైనా తేడాలుంటే అప్పుడు ఆ వ్యక్తిని ఇతర టెస్టులకోసం హాస్పిటల్ కి పంపిస్తారు. అది ఎయిర్పోర్టులో తొందరగా జరిగే కరోనా టెస్టుల వెనుక ఉన్న అసలు రహస్యం.

పాపులర్ కావడం ఎలా? రెండే మార్గాలు ఒకటి మనకున్న టాలెంట్ పదిమందికి చూపించుకుని , రెండోది కూడా మనకున్న టాలెంటే..కానీ ఆ టాలెంటేంటన్నది ప్రశ్న . ఉప్పల్ బాలు తెలుసు కదా బాగా ఫేమస్ , లోకులు కాకులు ఆంటీ ఇంకా ఫేమస్ , మచ్చ అబ్బో చాలా ఫేమస్ .ఇదొక రకమైన టాలెంట్. జనాల్ని భయపట్టే టాలెంట్, నవ్వించే టాలెంట్. ప్రస్తుతం ఆ కోవలోకే కొత్తగా వచ్చి చేరాడు సునిశిత్.

“శ్రీరామోజు సునిశిత్” పేరెప్పుడు వినలేదే అనుకుంటున్నారా? నిజానికి వన్ నేనొక్కడినేలో వినడం ఏం కర్మ చూసుండేవాళ్లం. ఒక వేళ మహేశ్ బాబు ఈయన నుండి ఆ ప్రాజెక్ట్ లాక్కోకపోయినుంటే. ఏం మాట్లాడుతున్నారు.మేం కాదండీ మాట్లాడేది ఆయనే అంటున్నారు “సుకుమార్ గారు ఫస్ట్ నన్నే తీసుకున్నారు, మహేశ్ తనకి హిట్లు లేవని బాధపడేసరికి ,నన్ను తప్పించారు”అని, కావలంటే ఆ సినిమా ప్రొడక్షన్ హౌజ్ కి వెళ్లి చెక్ చేస్కోండి నా స్టిల్స్ కూడా ఉంటాయని ఏ మాత్రం జంకు లేకుండా చెప్తున్నాడు.

అసలు మనోడు పేరు ఫస్ట్ వెలుగులోకి వచ్చింది యాంకర్ ప్రదీప్ గురించి ఏదో కామెంట్స్ చేసాడని , అబ్బే అప్పుడు జనాలు మనల్ని పట్టించుకోలేదనుకున్నాడో ఏమో? ఏకంగా ప్రిన్స్ పై కామెంట్స్ చేశాడు. అది కూడా చాలలేదు తాజాగా లావణ్య త్రిపాఠిపై కామెంట్స్ చేశాడు. అందాల రాక్షసి సినిమాతో తెలుగు ప్రేక్షకులకు పరిచయం అయిన లావణ్య త్రిపాఠి, తాను ప్రేమించి పెళ్లి చేసుకున్నామని, లావణ్య నాన్నే దగ్గరుండి పెళ్లి జరిపించారని చెప్పుకొచ్చాడు.

హాఠ్, తూట్ అని లావణ్య ఫ్యాన్స్ సునిశిత్ కామెంట్స్ పై మండిపడుతున్నారు. విషయం లావణ్య వరకు చేరిందో లేదో, చేరితే తన రియాక్షన్ ఏంటో? ప్రస్తుతం సోషల్ మీడియా అనే కోతికి దొరికిన కొబ్బరిచిప్ప సునిశిత్ . ఒకవైపు అతన్ని తిడుతూనే,మరోవైపు నవ్వుకుంటూనే అతని వీడియోస్ ని వైరల్ చేస్తున్నారు జనం .ఇలాంటోళ్లని ఎందుకు ఇంటర్వ్యూ చేస్తార్రా అని యూట్యూబ్ ఛానల్స్ పై మండిపడుతున్నారు.

ఇంతకీ ప్రదీప్ విషయంలో చేసిన కామంట్స్ ఏంటంటే పెళ్లిచూపులు అనే ప్రోగ్రామ్ కి యాంకరింగ్ చేసిన ప్రదీప్, అందులో పార్టిసిపేట్ చేసిన జ్ణానేశ్వరి అనే అమ్మాయితో డేటింగ్ చేసి, చివరికి మోసం చేశాడని. ఇదే విషయంపై జ్ణానేశ్వరి స్పందిస్తూ ఇవన్ని ప్రదీప్ పై బురద చల్లే పనిలో భాగం అని తేల్చేసింది.

అసలు విషయం ఏంటంటే అప్పట్లో జ్ణానేశ్వరి కూడా ప్రదీప్ తనని మోసం చేశాడని పోలీసు కంప్లైంట్ ఇచ్చినట్టు ఇదే సోషల్ మీడియలో చదివినట్టు గుర్తు. కొందరు సునిశిత్ కి పిచ్చని అంటుంటే, మరికొందరు యూట్యూబ్ ఛానెల్స్ కి బుర్రలేదు ఎవరిని ఇంటర్వ్యూ చేయాలో తెలీదు అంటున్నారు. ఇంతకీ వీటన్నిటి మధ్య బేజా ఫ్రై అయ్యేది మనకి .

watch video:

ఎట్టెట్టా ఇయర్ ఫోన్స్ కొంటే కారొచ్చిందా? ఇయర్ ఫోన్స్ ధర కనీసం ఒక వెయ్యేసుకున్న లక్షలు విలువ చేసే కారు.. అదృష్టం అంటే వాళ్లదే . మొన్నొకతనికి గూగుల్ పే లో డబ్బులు పంపితే లక్ష రూపాయలొచ్చాయి . మరొకరికి లాటరీ టికెట్లో కోటి తగిలాయి . ఇట్టాంటి అధ్బుతాలన్ని మన జీవితంలో ఎందుకు జరగవు . ఛీ వెధవ జీవితం . అదృష్టం ఎప్పుడూ మన తలుపు తట్టదు. అయిపోయిందా? మీరు బాధ పడడం అయిపోయిందా? టైటిల్ చదివేసి ఓహ్ తెగ బాధపడే కంటే కంప్లీట్ న్యూస్ చదవండి . మీకు కుచ్చుటోపి పెట్టనందుకు మీ  అదృష్టాన్ని మీరే మెచ్చుకుంటారు.

సుధది సికింద్రాబాద్ దగ్గర తుకారంగేట్ . మొన్నీమధ్య హెడ్ సెట్ కొనుక్కుందామని షాప్ క్లూస్ లో ఆర్డర్ పెట్టింది. హెడ్ సెట్ రేటు 500రూపాయలు. హెడ్ సెట్ వచ్చింది. తర్వాత షాప్ క్లూస్ నుండి ఆమెకి ఫోన్ వచ్చింది. ఇయర్ ఫోన్స్ కొన్న వివరాలను చెప్పి, హెడ్ సెట్ కొనుక్కున్నందుకు లక్కీ డిప్లో మీకు కార్ బహుమతిగా వచ్చిందనేది ఆ ఫోన్ సారాంశం.మొదట ఆటపట్టిస్తున్నారనుకున్న సుధ, వరుసగా రెండు రోజుల పాటు కాల్స్ వచ్చేసరికి 12 లక్షల విలువ చేసే కార్ అంటే మాటలా? అప్పుడప్పుడు టివిల్లో చూస్తుంటాం గా, నాకు కూడా అదృష్టం వరించిందేమో అని వాళ్ల మాటలు నమ్మేసింది.

మనోళ్లు తక్కువ తినలేదు.. మీకు కారు కావాలంటే కారు , లేదంటే డబ్బు డిపాజిట్ చేస్తామని నమ్మబలికారు . తనంతట తానే వచ్చిన అదృష్టాన్న ఎందుకు కాళ్ల తన్నుకోవడం అని , ఏం చేయాలి అని అడిగింది. అంతే తంతే బూరల బుట్టెలో పడ్డట్టయింది మన మాయగాళ్ల పరిస్థితి. ముందుగా మీరు రిజిస్ట్రేషన్ చేస్కోవాలన్నారు.

రిజిస్ట్రేషన్ ఫీజు 7500 రూపాయలు, అవి చెల్లిస్తే మీ కార్ లేదంటే డబ్బు మీకు డబ్బుని డిపాజిట్ చేస్తామన్నారు. 7500 రూపాయలు చెల్లించడానికి రెండు బ్యాంక్ అకౌంట్ నంబర్లను కూడా ఇచ్చారు. సుధ వెంటనే 7500రూపాయలని వాళ్ల అకౌంట్లో వేసింది. అక్కడితో ఆగకుండా జిఎస్టీ, ఆర్టీవో, ఇన్సూరెన్స్ అంటూ 68,900 వసూలు చేశారు. కారు అంటే ఆ మాత్రం ఖర్చుంటుంది కదా.

ఫోన్ చేసిన పని అయిపోయింది. ఫోన్ కూడా స్విఛ్చాప్ అయింది. అవ్వలేదు ఫోన్ స్విచ్చాప్ చేశారు. సుధకి ఏ నంబర్లనుండి కాల్ చేశారు, ఆ నంబర్లు స్విఛ్చాప్. ఎన్ని సార్లు ఫోన్ చేసిన రెస్పాన్స్ లేకపోయేసరికి , అప్పుడు అర్దం అయింది తాను మోసపోయానని, చేసేదేం లేక సైబర్ క్రైం పోలీసులని ఆశ్రయించింది.

సుధ ఇచ్చిన ఫోన్ నంబర్లు, బ్యాంక్ అకౌంట్ల ఆధారంగా పోలీసులు కేసు దర్యాప్తు చేస్తున్నారు . ఆ బ్యాంక్ అకౌంట్లు కలకత్తాకి చెందినవి . ఇంకేముంది కథ కలకత్తాకి, సుధ ఇంటికి.సైబర్ నేరాల పట్ల పోలీసులు ఎన్ని రకాలుగా అప్రమత్తం చేసినప్పటికి కొందరు వాళ్ల బుట్టలో పడుతూనే ఉన్నారు,మోసపోతూనే ఉన్నారు. 70,000 పోగొట్టుకుని తను అంత బాధపడుతుంటే మీకు తమాషాగా ఉందా అనిపించొచ్చు .

కానీ ఒక్కసారి ఆలోచించండి 500 రూపాయల హెడ్సెట్ కి ఎవరైనా 12 లక్షల విలువ చేసే కార్ ఇస్తాడా? ఒక వేళ ఇస్తున్నడనుకున్న కంపెనీకి కానీ,సంబంధిత అధికారులకి కాని సంప్రదించి ప్రోసీడ్ అవ్వకుండా ఒక చిన్న ఫోన్ కాల్ ఆధారంగా ఎలా నమ్మేస్తారు . మోసపోయేవాళ్లున్నంత కాలం మోసం చేస్తూనే ఉంటారు.

note: image used is just for reference but not the actual characters.

ఈటీవి , జెమిని ,మాటివి ఇవేవి లేని కాలంలో అంటే కేవలం దూరదర్శన్ మాత్రమే ఉన్న రోజుల్లోనే తను మంచి యాంకర్ . సీరియల్స్ , టెలిఫిల్మ్స్ చేస్తూ నటిగాను గుర్తింపు తెచ్చుకుంది తనే అనితా చౌదరి .ఈ కాలం వాళ్లకి పరిచయం తక్కువే ఉన్నా పేరు చివరన ఉన్న పెద్ద కులం తోక తనను ఏం అందలం ఎక్కించలేదని, ఆనాటి చేదు జ్ణాపకాలను ఇటీవల శేర్ చేస్కుంటూ షాకింగ్ కామెంట్స్ చేశారు.

అనితా చౌదరి అంటే హా సంతోషం సినిమాలో నాగార్జున సిస్టర్ గా నటించింది ఆమె అన్నట్టుగా గుర్తురావొచ్చు కానీ తొంబైల్లో వాళ్లకి మాత్రం తను టాప్ యాంకర్ , మోస్ట్ ఫేవరెట్ సీరియల్ స్టార్. ఒకప్పుడు ఈ టివిలో ప్రసారం అయిన కస్తూరి సీరియల్ అప్పట్లోనే సంచలనం . వరుసగా ఏడు సంవత్సరాలు అనితా చౌదరికి ఉత్తమ నటి అవార్డుని కట్టపెట్టిందంటే మీరే అర్దం చేస్కోండి.

అమృతం ఎంత పెద్ద హిట్టో స్పెషల్ గా చెప్పక్కర్లేదు. అమృతం లో హర్శవర్ధన్ కి జోడిగా సంజూ పాత్రలో అలరించింది.కెరీర్ తొలినాళ్లల్లోనే బ్రహ్మనందంతో పాటుగా యాంకర్ కి చేసే అవకాశం దక్కించుకుంది. నటుడు నరేశ్ తో కౌంట్ డౌన్ అనే కార్యక్రమానికి వ్యాఖ్యాతగా వ్యవహరించారు అనితా చౌదరి.“వాసంతసమీరంలా నునువెచ్చని గ్రీష్మంలా… సాగే జీవనరాగం అణువణువున రుతురాగం” తొంభైల్లో ఈ సీరియల్, ఈ పాట సృష్టించిన సంచలనం అంతా ఇంతా కాదు . రుతురాగాల్లో నటించిన అనిత ఇప్పటి వరకు క్యారెక్టర్ ఆర్టిస్టుగా మప్పైకి పైగా చిత్రాల్లో నటించింది.

సినిమా ఇండస్ట్రీలో కులం కార్డు ఎంతగా పనిచేస్తుందనేది కొత్తగా చెప్పక్కర్లేదు.  కొన్నేళ్లుగా కొన్ని వర్గాల చేతుల్లోనే ఇండస్ట్రీ ఉన్న విషయం అందరికి తెలిసిందే. అందులోనూ లేడి , ఉమన్ కార్డుని కూడా బాగానే వాడేసి ఉంటుంది అనుకుంటాం. కానీ తన కులం కానీ, తన పేరులోని చౌదరి కాని తనకెన్నడూ ఉపయోగపడలేదని, చౌదరిని తీసేయాలని ఉన్నా, అప్పటికే ఇండస్ట్రీలో ఎందరో అనితలు ఉండడంతో అనితా చౌదరిగానే ఉండాల్సి వచ్చిందని, . యాంకరింగ్ చేసే తొలిరోజుల్లో తన పరిస్థితి యాంకర్ కి తక్కువ , ఆఫీస్ బాయ్ కి ఎక్కువ అన్నట్టు ఉండేదని ఆనాటి తన పరిస్థితి వివరించారు . కుక్క చాకీరి చేసానంటూ షాకింగ్ కామెంట్స్ చేశారు.

నిజానికి అనితకి సినిమా అవకాశాలు కూడా వచ్చాయి . ఆనాడు తను ఒప్పుకున్నుంటే హీరోయిన్ గానే తనని వెండి తెరపై చూసేవాళ్లం, ఇవివి,శ్రీకాంత్ కాంభినేషన్లో వచ్చిన తాళి సినిమాలో శ్రీకాంత్ సరసన ముందు అనితనే అడిగారట , కానీ ఆర్నెళ్లు షూటింగ్ రాజమండ్రిలో ఉండడంతో క్యాన్సిల్ చేస్కుందట. సినిమా అవకాశాల్ని వద్దనుకునేవాళ్లని నిన్నే చూస్తున్నా అని ఇవివి ఆశ్చర్యపోతే , నవ్వి ఊరుకుందట. దటీజ్ అనితా చౌదరి.

వైశాలి , చందమామ సినిమాల్లో నటించిన సిందుమీనన్, దివంగత నటుడు శ్రీహరి హీరోగా నటించిన భద్రాచలం సినిమాతో తెలుగు ప్రేక్షకులకు పరిచయం అయిన సంగతి తెలిసిందే . భద్రాచలం సినిమా చేసేటప్పుడు సింధు వయసు పదిహేనేళ్లు . ఆ సినిమాలో పాటలు, శ్రీహరి ఫైట్లు , సింధు అభినయం ప్రేక్షకులను ఆకట్టుకున్నాయి. ఒకప్పుడు తన నటనతో ఆకట్టుకున్న సింధుమీనన్ ఇప్పుడు ఎక్కడ ఉంది, ఎలా ఉంది, ఏం చేస్తుంది తెలుసా?

సింధు బెంగుళూరు లోని ఓ మళయాలీ కుటుంబంలో జన్మించింది. ఆమెకు కార్తీక్ అనే ఒక తమ్ముడు ఉన్నాడు. అతను మొదట్లో కన్నడ మ్యూజిక్ చానల్లో వీజేగా పనిచేసి తరువాత నటుడు అయ్యాడు. సింధు తన మాతృభాషయైన మలయాళమే కాక, తెలుగు, తమిళం, కన్నడ, హిందీ, ఆంగ్ల భాషల్లో మాట్లాడగలదు .

చిన్నతనంలోనే భరత నాట్యం లో శిక్షణ తీసుకుంది సింధు. ఒకసారి భరత నాట్యం పోటీలలో న్యాయనిర్ణేతగా వ్యవహరించిన భాస్కర్ హెగ్డే  కన్నడ దర్శకుడు కె.వి. జయరాం కు పరిచయం చేయడంతో సినిమాల్లోకి వచ్చింది. అలా 1994 లో రష్మి అనే కన్నడ సినిమాలో ఛైల్డ్ ఆర్టిస్ట్ గా నటించింది. 1999 లో 13 సంవత్సరాల వయసులో ప్రేమ ప్రేమ ప్రేమ అనే సినిమాలో కథానాయికగా నటించింది. తరువాత 15 ఏళ్లకే తెలుగు లో భద్రాచలం, తమిళంలో ఉత్తమన్, మలయాళంలో సముత్తిరం అనే సినిమాల్లో నటించింది.

తెలుగులో త్రినేత్రం, సిద్ధం, శ్రీరామచంద్రులు వంటి సినిమాల్లో నటించినప్పటికి  చందమామ, వైశాలి మాత్రమే సింధు కెరీర్లో ఇప్పటికి గుర్తిండిపోయే సినిమాలు. వైశాలి, చందమామ సినిమాలు ఇప్పటికి తెలుగు ప్రేక్షకులని అలరిస్తుంటాయి.  తెలుగుతో పాటు తమిళంలో వరుస సినిమాలలో నటించి ఎంతో గుర్తింపు తెచ్చుకుంది సింధుమీనన్. కెరీర్లో ఆఫర్స్ తగ్గగానే, ఆలస్యం చేయకుండా పెళ్లి చేసుకుని కెరీర్ కి గుడ్ బై చెప్పింది.

లండన్ లో సెటిలైన తెలుగు ఐటీ ఎంప్లాయ్‍ ప్రభుని ప్రేమించి పెళ్లి చేసుకుంది. వీరికి ఇద్దరు పిల్లలు. పాప స్వెత్లానా మరియు ఒక బాబు. ప్రస్తుతం సింధూ తన పిల్లల ఆలనా పాలన చూసుకుంటూ లండన్ లోనే ఫ్యామిలీ లైఫ్ ని ఎంజాయ్ చేస్తుంది. పెళ్లి తర్వాత నటనకు పూర్తిగా గుడ్బై చెప్పిన సింధుకి మళ్లీ నటించాలనే ఆలోచన లేనట్లు సమాచారం. తన నటనతో ఎంతో మంది అభిమానాన్ని పొందిన సింధు ఫ్యామిలీకి సంబంధించిన కొన్ని లేటెస్ట్ బ్యూటిఫుల్ ఫొటోస్ సోషల్ మీడియాలో వైరల్ అవుతున్నాయి. మీరూ ఓ లుక్కేయండి.

సోషల్ మీడియా ఎవరిని ఎప్పుడు ఆకాశానికి ఎత్తేస్తుందో దానికే తెలీదు. సోషల్ మీడియా పుణ్యమాని ఓవర్ నైట్ సెలబ్రిటీలు అయిన వాళ్లు ఎందరో. మెయిన్ స్ట్రీం మీడియా పట్టించుకోని చాలామందిని, చాలా వార్తల్ని సోషల్ మీడియా అందరికి చేరవేస్తుంది. స్టార్లని చేస్తుంది. అలాంటి వాడే శ్రీనివాస గౌడ . ఉసేన్ బోల్టుని మించిన వాడని పొగిడిపొగిడి పేజీల నిండా వార్తలు నింపేసింది. మరిప్పుడు శ్రీనివాస గౌడ ఏం చేస్తున్నడు.

జంట దున్నల్ని పట్టుకుని బురద నీటిలో వాటి వెంట పరుగుపెట్టాలి , అదే కంబాలా. కర్ణాటకకి చెందిన ఈ ప్రత్యేకమైన పోటీలను కర్ణాటక మీడియా తప్ప జాతీయ మీడియా పెద్దగా ఫోకస్ చేయదు.అలాంటిది ఒక వీడియో సోషల్ మీడియాలో వైరలైంది. దాంతో మీడియా కూడా అటు వైపు దృష్టి సారించింది.   అలాంటి పోటీల్లో పాల్గొనే శ్రీనివాస గౌడ పరుగుకి సంబంధించిన వీడియో అది . ప్రపంచ పరుగుల వీరుడు ఉసేన్ బోల్ట్ రికార్డుని తిరగరాసాడనేది సారాంశం . ఉసేన్ బోల్టుని మించినవాడని కొందరు కామెంట్ చేస్తే, మరికొందరు బురదనీళ్లల్లో పరిగెత్తడం, ట్రాక్ పైన పరిగెత్తడం ఒకటి కాదని విమర్శించారు.

సోషల్ మీడియాలో వైరలైన ఆ వీడియో సాయ్ వరకు చేరింది. శ్రీనివాస గౌడకు కోచింగ్ ఇప్పిస్తే ఒలంపిక్స్ లో పతకాలే పతకాలు అంటూ సాయ్ కి రికమెండ్ చేశారు . స్పోర్ట్స్ అథారిటి చైర్మన్ కూడా యాక్సెప్ట్ చేశారు. కానీ శ్రీనివాస గౌడ దానికి ఒప్పుకోలేదు. మీరు విన్నది నిజమే. ఒప్పుకోలేదా అని ఆశ్చర్యపోకండి.నిజానికి ట్రాక్ పై పరుగుకి, కంబాలా పోటీలకి చాలా వ్యత్యాసం ఉంటుంది. దాన్నే శ్రీనివాస గురువులు వివరించారు, వాళ్లు చెప్పేది సమ్మతమే అనిపించి శ్రీనివాస్ కూడా తనకు కంబాలే సరైనది అనుకున్నాడు.

స్పోర్ట్స్ అథారటి నుండి వచ్చిన పిలుపుకి నిర్మొహమాటంగా నో చెప్పేసిన శ్రీనివాస్, తన కంబాలా పోటీలు తన లైఫేంటో తను బతుకుతున్నాడు. అలా కాకుండా ఒక వేళ సాయ్ పిలుపుపై వెళ్లుంటే కంబాలా పోటీల్లో దక్కేంత ప్రచారం , పేరు దక్కకపోయేది. ఎందుకంటే ఈ పోటీలు పూర్తిగా భిన్నమైనవి, ఇక్కడ ఎంతో శిక్షణ ఉంటుంది. కాళ్లకి ఏం లేకుండా పరిగెత్తాలి, ట్రాక్ పై అలాకాదు . ఒకవేళ ఉసేన్ బోల్ట్ నే తీస్కొచ్చి కంబాలా పోటీల్లో పరుగుపెట్టిస్తే బోల్ట్ పరిస్థితి ఇంతే.

ప్రస్తుతం శ్రీనివాస తన పనేంటో తను చూసుకుంటున్నాడు. పోటీలు ఉన్నప్పడు బరిలోకి దిగుతాడు. లేని రోజుల్లో కూలి. సిక్స్ ప్యాక్ మెయింటెయిన్ చేస్తున్నాడంటే మనోడి తినే తిండేంటో అని తెలుసుకోవాలనుందా అదేమంత  ప్రత్యేకమైనది కాదు . కర్ణాటకవాసులు తినే సాధారణ తిండే. సోషల్ మీడియా మాయలో పడి కొట్టుకుపోకుండా తన దారేంటో సరిగ్గా అవలోకనం చేసుకున్న ఏకైక వ్యక్తి శ్రీనివాస్.

నిజానికి ఇలా స్టార్లయిన వాళ్లంతా తర్వాత ఏమయ్యారు, ఏం చేస్తున్నారనేది పెద్ద ప్రశ్నే. ఒక పాట వీడియోతో లైమ్ లైట్లోకి వచ్చిన బేబిని సినిమా పరిశ్రమలో కొందరు పెద్దలు అక్కున చేర్చుకున్నారు. ఆ నాలుగు రోజులు ఎక్కడ చూసినా ఆమె గురించిన వార్తలే.రెండు రోజుల్లో ఆమె వేశధారణ మారిపోయింది. సినిమాల్లో పాడే అవకాశం వచ్చిందంటూ ఊదరగొట్టారు. నిజంగానే ఒక సినిమాలో పాట పాడినట్టున్నారు. కానీ తర్వాత ఏమయ్యారో ఎవరికి తెలీదు. ఎవరూ పట్టించుకోరు. ఒకరి తర్వాత ఒకరుగా వస్తుంటారు . పోతుంటారు.ఇదంతా ఒక ప్రపంచం.

జబర్దస్త్ షో గురించి ప్రత్యేకంగా ఇంట్రడక్షన్ అవసరం లేదు . ఎన్ని నెగటివ్ కామెంట్స్ వచ్చినా ఆ ప్రోగ్రామ్ పంథా దానిదే , ఎన్ని విమర్శలు వచ్చినా పట్టించుకోకుండా షో నిర్వాహకుల మొదలుకొని పార్టిసిపెంట్స్ వరకు తమకు నచ్చినట్టుగానే వ్యవహరిస్తున్నారు .ఈ మధ్యకాలంలో జబర్దస్త్లో ఎన్నో పరిణామాలు చోటుచేసుకున్నాయి. తాజాగా కిర్రాక్ ఆర్పి జబర్దస్త్ గురించి కొన్ని షాకింగ్ కామెంట్స్ చేశారు.

టెలివిజన్ రంగంలో కామెడీ షోల వరకు వస్తే జబర్దస్త్ కి ముందు జబర్దస్త్ కి తర్వాత అనుకునే పరిస్థితి షో స్టార్ట్ అయిన కొత్తలో ఇంతగా సూపర్ హిట్ అవుతుందని ఊహించిఉండరు .అణకువగా ఉండే యాంకరింగ్ రంగానికి గ్లామర్ మెరుపులని తీసుకొచ్చింది జబర్దస్తే . ఈ షోలో అనసూయ,రశ్మిల స్కిన్ షో నెవ్వర్ బిఫోర్,ఎవర్ ఆఫ్టర్ .కామెడీ షో కాస్త బూతుషో గా కామెంట్స్ మూటకట్టుకుంది.ఒకవైపు ఎన్నో విమర్శలు అయినప్పటికి షో టిఆర్పీ రేటింగ్స్ మాత్రం ఎక్కడా తగ్గకుండా ఉన్నాయి.

అయితే సినిమా రంగంలో అవకాశాలు లేని కాలంలో ఎందరో కమెడియన్స్ కి జీవితాన్నిచ్చింది జబర్దస్త్ షో అనేది నిజం . జబర్దస్త్ షో తోనే లైఫ్లో సెటిల్ అయిన కమెడియన్స్ ఎందరో . ఈ షోతోనే లైమ్ లైట్లోకి వచ్చిన కమెడియన్స్ ఉన్నారు. జబర్దస్త్ తో పాటు ఎక్స్ట్రా జబర్దస్త్ అంటూ మరికొంత మంది కమెడియన్స్ ని తీసుకొచ్చి, అటు యాంకర్స్ అనసూయ , రశ్మిలకు ఇద్దరికి ఒక్కో రోజు ఇచ్చి న్యాయం చేసింది. కానీ ఇదే విషయంపై కిర్రాక్ ఆర్పి కామెంట్ చేశారు.

ఖాళీగా కూర్చున్న ఆర్పిని తీసుకొచ్చే షో వాళ్లేం అవకాశాలు ఇవ్వలేదు . మా అవసరం వారికి ఉంది, వారి అవసరం మాకుంది . అంతవరకే, అంతే కాని మాకు అవకాశాలిచ్చి మమ్మల్ని నిలబెట్టింది అనడం సరైనది కాదు. మాకు లైఫ్ ఇచ్చింది అనే పదం చాలా పెద్దది అంటూ ఘాటుగా రెస్పాండ్ అయ్యాడు.

ఇటీవల జబర్దస్త్ షో నుండి బయటికి వచ్చిన ఆర్పి మళ్లీ అటువైపు అడుగు పెట్టనని సీరియస్ గా చెప్పాడు. షో నుండి నాగబాబు బయటికి వచ్చి జబర్దస్త్ ని విమర్శిస్తూ  విడతల వారిగా వీడియోలు పెట్టడం పెద్ద షాకింగ్ . జబర్దస్త్ సీనియర్ కంటెస్టంట్స్ కొందరు , నాగబాబు జీలో అదిరింది షో చేస్తున్న సంగతి తెలిసిందే . ఇదే షోకి ఆర్పి వెళ్లాడు .

కొసమెరుపేంటంటే జబర్దస్త్ ఆర్టిస్టులే చేస్తున్నప్పటికి అదిరింది షోలో అస్సలు పసలేకపోవడం, మరోవైపు పాత స్కిట్లే ప్రదర్శిస్తున్నప్పటికి జబర్దస్త్ సూపర్ డూపర్ గా దూసుకుపోవడం .. అదిరింది కాదు దానికంటే ముందు జబర్దస్త్ పంథాలో వచ్చిన ఎన్నో షోస్ మద్యలోనే మాయమయ్యాయి . అన్నింటిని ధీటుగా తట్టుకుంటూ నిలబడడం మామూలు విషయం కాదు.

ఈ మధ్య కాలంలో ఫేస్ బుక్లో ఒక క్యాంపెయిన్ జరుగుతుంది “దావత్ వితవుట్ దారు” అని . మందు లేకుండ దావత్ ఏంది అని మొదట్లో ఇదేం క్యాంపెయిన్ రా అనిపించింది. కానీ ఆ క్యాంపెయిన్ స్టార్ట్ చేసిన సంధర్బం తెలుసుకుని మొదట బాధేసింది. తర్వాత ఎలా అయినా ఈ సారి దావత్ చేస్కుంటే దారుకి దూరంగా ఉండాల్సిందే అనే నిర్ణయం తీసుకోవాలనిపించింది.

నేడు జరిగే ఎన్నో అనర్దాలకు కారణం మధ్యపానం . మద్యం మత్తులో ఏం చేస్తున్నారో సోయి కూడా ఉండదు. ఎన్నో అత్యాచారాలు, యాక్సిడెంట్లూ వీటన్నింటికి కారణం మద్యమే. మూడేళ్ల క్రితం హైదరాబాద్ లోని పంజాగుట్ట ఫ్లైఓవర్ పై ఒక యాక్సిడెంట్ జరిగింది. ఆ యాక్సిడెంట్లో రమ్య అనే చిన్నారి చనిపోయింది. ఆ యాక్సిడెంట్ జరగడానికి మెయిన్ రీజన్ మధ్యం. మద్యం మత్తులో ఉన్న మైనర్ కుర్రాళ్లు స్పీడ్ గా కారు డ్రైవ్ చేస్కుంటూ వెళ్లి మరో కారుపై పడడంతో రమ్యతో పాటు తన కుటుంబసభ్యులు ముగ్గురు ప్రాణాలు కోల్పోయారు.

నగరం నడిబొడ్డులో జరిగిన ఆ యాక్సిడెంట్ అప్పట్లో సంచలనం సృష్టించింది. ఆ యాక్సిడెంట్ తర్వాత పుట్టిందే “దావత్ వితవుట్ దారు” క్యాంపెయిన్ . సోషల్ మీడియాలో వచ్చిన మరో వార్త చదివాక ఈ క్యాంపెయిన్ ఆవశ్యకత చాలా అవసరం ఉందనిపించింది.

source

దేశంలో అన్ని రాష్ట్రాల కంటే తెలంగాణాలోనే వితంతువుల సంఖ్య అధికం అని , అది కూడా వారి భర్తల చావుకి కారణం మధ్యం అనేది దాని సారాంశం . బంగారు తెలంగాణా వస్తే భవిష్యత్ ఉంటుందనుకుంటే , ఎందరో ఆడబిడ్డలకు జీవితమే లేకుండా పోతోంది. ఒకసారి ఆలోచించండి ఒక ఇంటి పెద్ద , అది కూడా మధ్య తరగతి కి చెందిన కుటుంబ పెద్ద మద్యానికి చనిపోతే ఆ కుటుంబం పరిస్తితి ఏంటి?

source

ఇంట్లో సంపాదించే వాడు లేకపోతే కుటుంబం రోడ్డున పడుతుంది. పిల్లలు చదువులు మానేసి చిన్నా చితకా పనులు చేస్కోవాల్సిన పరిస్థితి. దీని వల్ల క్రైమ్ రేట్ పెరుగుతుంది. కాబట్టి తెలంగాణాలో లిక్కర్ పాలసి పట్ల గవర్నమెంట్ దృష్టి సారించాల్సిన అవసరం ఎంతైనా ఉంది. కాబట్టి ఫ్రెండ్స్ చెప్పండి దావత్ వితవుట్ దారూ.