Anudeep

కన్నడ పరిశ్రమ ప్యాన్ ఇండియా స్థాయిలో దుమ్ము లేపుతోంది. కేజీఎఫ్, కాంతార లాంటి చిత్రాల రికార్డు స్థాయి వసూళ్లను రాబట్టాయి. కంటెంట్ ఉన్న చిత్రాలతో ఆకట్టుకొంటున్న కన్నడ సినీ పరిశ్రమ మరో ప్యాన్ ఇండియా సినిమాతో ప్రేక్షకుల ముందుకు వస్తోంది. సెన్సేషనల్ స్టార్ ఉపేంద్ర నటించిన క‌బ్జ‌ చిత్రం రిలీజ్‌కు ముస్తాబవుతోంది. ఆర్ చంద్రూ దర్శకత్వం వహించిన ఈ సినిమా ప్రమోషన్స్ వేగం పుంజుకున్నాయి.

ఈ చిత్రానికి కేజీఎఫ్ ఫేమ్ రవి బసూర్ సంగీతం అందిస్తున్నారు. మ్యూజిక్ ప్రధానంగా సాగే ఈ చిత్రంలో బ్యాక్ గ్రౌండ్ స్కోర్ కీలకంగా ఉంటుందని సినీ వర్గాలు చెబుతున్నాయి. ఈ సినిమా మ్యూజిక్ హక్కులు 3 కోట్ల రూపాయలకు అమ్ముడుపోవడం దక్షిణాదిలో చర్చనీయాంశమైంది. ఉపేంద్ర తనదైన మార్క్ సబ్జెక్ట్‌తో పాన్ ఇండియా ప్రేక్షకుల ముందుకు వస్తున్నారు. కె.జి.యఫ్ తరహాలో రా అండ్ రస్టిక్ రోల్‌లో ఉపేంద్ర కనిపించబోతున్నారు. ఈ చిత్రం లో కిచ్చ సుదీప్, శివరాజ్ కుమార్ కీలకపాత్రల్లో నటించారు.

1947 నుంచి 1984 కాలంలో న‌డిచే క‌థే క‌బ్జ‌. ఒక స్వాతంత్య్ర స‌మ‌ర యోధుడు కొడుకు.. బ్రిటీష్ పాలనలో వైమానిక దళాధిపతి అయిన ఉపేంద్ర, అనివార్య పరిస్థితుల కారణంగా మాఫియా వ‌రల్డ్‌లో ఎలా చిక్కుకున్నాడు. త‌ర్వాత ఏ రేంజ్‌కు చేరుకున్నాడ‌నే క‌థాంశంతో ఈ సినిమాను తెర‌కెక్కించారు. ఈ చిత్రం మార్చి 17న రిలీజ్ కానుంది. అయితే తాజాగా ఈ చిత్రానికి సంబంధించిన రివ్యూ ఒకటి వైరల్ గా మారింది. దుబాయ్ లో ఉంటూ ఇండియన్ సినిమాలకు ఫస్ట్ రివ్యూ ఇచ్చే సినీ క్రిటిక్, ఓవర్సీస్ సెన్సార్ బోర్డు సభ్యుడిగా చెప్పుకునే ఉమైర్ సంధు క‌బ్జ‌ మూవీ రివ్యూ చెప్పేసారు.

” క‌బ్జ‌ మూవీ కన్నడ ఇండస్ట్రీ లో ఖచ్చితంగా సెన్సేషన్ క్రియేట్ చేస్తుంది. ఈ చిత్రం కోసం ప్రతి నటుడు ఎంతో కష్టపడ్డాడు. ఉపేంద్ర, కిచ్చ సుదీప్, శివ రాజ్ కుమార్ అద్భుతంగా నటించారు. ఈ చిత్రం సూపర్ హిట్ అవుతుంది.” అని ఉమైర్ సంధు ట్వీట్ చేసారు. క‌బ్జ‌ మూవీ రిలీజ్‌కు ముందే రికార్డు స్థాయిలో బిజినెస్ నమోదైంది. ఈ సినిమా హిందీ హక్కులు భారీ ధరకు అమ్ముడుపోవడం మరో రికార్డుగా మారింది. మరో వైపు ఈ సినిమా తెలుగు హ‌క్కుల‌ను ప్ర‌ముఖ హీరో నితిన్ ఫ్యాన్సీ రేటుకి సొంతం చేసుకున్నారు.

ఇంతకుముందు విడుదలైన కబ్జా సినిమా టీజర్‌, ట్రైలర్ కు మంచి రెస్పాన్స్ వచ్చింది. సుదీప్, శ్రీయ సరన్, కబీర్ సింగ్, నవాబ్ షా, మురళీ శర్మ తదితరులు నటించిన ఈ సినిమాపై భారీ అంచనాలు నెలకొన్నాయి. ఇక మరో వైపు హిందీ హక్కులు రికార్డు ధరకు అమ్ముడుపోవడంతో తెలుగు, తమిళ, మలయాళ హక్కులకు భారీ డిమాండ్ ఏర్పడిందని సమాచారం.

టాలీవుడ్ టాప్ డైరెక్టర్ ఎస్ఎస్ రాజమౌళి బాహుబలి చిత్రం తో తెలుగు చలనచిత్ర గొప్పదనాన్ని ప్రపంచవ్యాప్తంగా తెలియజేశాడు. మొన్నటి వరకు కొన్ని దేశాల్లో మాత్రమే వినిపించిన ఆయన పేరు.. ఆస్కార్ దెబ్బతో ప్రపంచ వ్యాప్తంగా మార్మోగిపోతోంది. ఆర్ఆర్ఆర్ చిత్రానికి గాను ఆయన ఆస్కార్ గెలవడం తో ఆయనకు ఇప్పుడు ప్రపంచ వ్యాప్తంగా ఫ్యాన్స్ ఏర్పడ్డారు.

దర్శకుడిగా రాజమౌళి 20 ఏళ్ళ ప్రస్థానాన్ని పూర్తి చేసుకున్నాడు. ఆయన అన్నీ కమర్షియల్ సినిమాలే తీస్తుంటారు. కానీ ప్రజల నాడిని కరెక్టుగా పట్టుకుంటారు. అలాగే తన సినిమాని ఎలా మార్కెట్ చేసుకోవాలో జక్కన్నకు తెలిసినంతగా మరే ఫిలింమేకర్‌కి తెలియదు. ఎంతో ప్రతిష్టాత్మకంగా తెరకెక్కించిన ‘ఆర్ఆర్ఆర్’ మూవీని ఇండియా తరపున జ్యూరీ టీమ్ ఆస్కార్స్‌కి పంపలేదు.. దీంతో ప్రమోషన్స్‌ని పర్సనల్‌గా తీసుకుని, ఖర్చుకి ఏమాత్రం వెనుకాడకుండా.. ఆస్కార్ అనే అసాధ్యాన్ని సుసాధ్యం చేసి చూపించారు జక్కన్న.

బెస్ట్ ఒరిజినల్ స్కోర్ కేటగిరిలో ఆస్కార్ అవార్డు లభించడంతో కీరవాణి లిరిసిస్ట్ చంద్రబోస్ అవార్డు అందుకున్నారు. అవార్డు అందుకున్న తర్వాత ఆదివారం రాత్రి జరిగిన వేడుక అనంతరం ఆర్ఆర్ఆర్ టీమ్ మొత్తం పార్టీ చేసుకుంది. ఈ పార్టీలో రాజమౌళి, కీరవాణి, చంద్రబోస్, జూనియర్ ఎన్టీఆర్, రామ్ చరణ్, శోభు యార్లగడ్డ, వారాహి సాయి కొర్రపాటి సహా వారి మిత్రులు చాలా మంది పాల్గొన్నారు. అయితే ఆ పార్టీ జరిగిన ఇంటిని రాజమౌళి అద్దెకు తీసుకున్నారన్న వార్త ప్రస్తుతం వైరల్ గా మారింది.

ఆర్ఆర్ఆర్ ఆస్కార్ ప్రమోషన్స్ కోసం కుటుంబంతో కలిసి అన్నేసి రోజులు హోటల్‌లో ఉండాలంటే కష్టం కాబట్టి లాస్ ఏంజెల్స్‌లో ఓ ఇంటిని రెంట్‌కి తీసుకున్నారట రాజమౌళి. ఆర్ఆర్ఆర్ ఆస్కార్ సెలబ్రేషన్స్ కూడా ఆ ఇంట్లోనే గ్రాండ్‌గా జరుపుకున్నారని తెలుస్తోంది. అంతే కాకుండా రాజమౌళి ఇప్పటికే హాలీవుడ్ రేంజ్లో ఫేమస్ అయిపోయారు. ఈ నేపథ్యంలోనే తాను చేయబోతున్న తర్వాతి సినిమాలను హాలీవుడ్ రేంజ్ లో ప్లాన్ చేస్తున్నారు.

అలాగే రాజమౌళి తన అప్‌కమింగ్ మూవీ.. సూపర్ స్టార్ మహేష్ బాబుతో చేయబోయే సినిమాను ఆఫ్రికన్ ఫారెస్ట్ బ్యాక్‌డ్రాప్‌లో అడ్వెంచరస్ ఫిల్మ్‌గా రూపొందించనున్నారు. ఈ క్రమంలోనే ఆయన గత ఆరు నెలల్లో అమెరికాకు చాలాసార్లు వెళ్లాల్సి వచ్చింది. అయితే వెళ్లిన ప్రతిసారి స్టేయింగ్ కోసం చాలా ఖర్చు చేయాల్సి ఉంటుంది. ఈ నేపథ్యంలోనే రాజమౌళి లాస్ ఏంజిల్స్‌లో ఒక ఇంటిని అద్దెకు తీసుకున్నాడని తెలుస్తోంది.

‘వీర సింహ రెడ్డి’ సినిమాతో.. మాస్ నాడి బాగా పట్టిన గోపీచంద్ మలినేని బాలయ్యని మాస్ ఆఫ్ గాడ్‌గా చూపించి మసాలా ప్రియులకు మాస్‍ బిరియానీ రుచి చూపించారు. తన అభిమాన హీరోని.. ప్రేక్షకులకు ఎలా చూపిస్తే నచ్చుతుందో అలా చూపించాడు స్క్రీన్‌పై. తాను ఫ్యాక్షనిజం బాట పట్టి తన చుట్టూ ఉన్న వాళ్లని దారి మళ్లించి మార్పుకి శ్రీకారం చుట్టడం బాలయ్య ఫ్యాక్షన్ సినిమాల ఫార్ములా. ఈ చిత్రం లో కూడా అదే చేసారు గోపీచంద్ మలినేని.

సంక్రాంతి కానుకగా విడుదల అయిన ఈ చిత్రం హిట్ టాక్ ని సొంతం చేసుకుంది. మైత్రీ మూవీ మేకర్స్ పతాకంపై నిర్మాతలు నవీన్ యెర్నేని, వై రవిశంకర్ నిర్మించిన ఈ చిత్రం రికార్డ్ బ్రేకింగ్ కలెక్షన్స్‌తో దుమ్ము లేపింది. ఫ్యాక్షన్ నేపథ్యంలో సిస్టర్ సెంటిమెంట్‌ తో వచ్చిన ఈ చిత్రం లో వరలక్ష్మి శరత్ కుమార్ బాలయ్య కి చెల్లిగా నటించింది. శృతి హాసన్, హానీ రోజ్ బాలయ్యకి జంటగా నటించారు.

అయితే ఈ చిత్రం లోని ఒక సీన్ లో వీరసింహ రెడ్డి, అతడి కుమారుడు జై చాలా సంవత్సరాలకి కలుస్తారు. ఈ నేపథ్యం లో వారిద్దరిని కలిపి ఫోటో తీస్తుంది హనీ రోజ్. ఆ టైం లో ఎక్కువ లైటింగ్ ఉన్నా కూడా సప్తగిరి రెండు ఫోన్స్ లో ఫ్లాష్ ఆన్ చేసి పెడతాడు. దీంతో ఈ సీన్ ని చూసిన నెటిజన్లు ఫన్నీ కామెంట్స్ చేస్తున్నారు. ఎండలో ఇలా ఫ్లాష్ ఆన్ చేసి ఫోటోలు తియ్యాలని తెలియలేదండి అంటూ కామెంట్స్ పెడుతున్నారు.

ఇక గతం లో బాలకృష్ణ సప్తగిరి గురించి మాట్లాడుతూ..”సప్తగిరి టైమింగ్ బాగుంటుంది. ఆయనను చూసి నేను కామెడీ టైమింగ్ నేర్చుకోవాలనిపిస్తుంది. నేను అనసూయమ్మ గారి అల్లుడు, మంగమ్మ గారి మనవడు సినిమా చేసినా.. కామెడీ టైమింగ్ రాలేదు. సప్తగిరి కామెడీ టైమింగ్ నేను నేర్చుకోవాలి.” అని బాలయ్య సప్తగిరి నటనని వీర సింహ రెడ్డి సక్సెస్ మీట్ లో మెచ్చుకున్నారు.

హీరో కావాల‌న్న త‌న చిర‌కాల వాంఛ‌ను ‘ది లెజెండ్’ సినిమాతో తీర్చుకున్నాడు శ‌ర‌వ‌ణ స్టోర్స్ అధినేత శ‌ర‌వ‌ణ‌న్‌. ఐదు ప‌దుల వ‌య‌సులో హీరోగా ఎంట్రీ ఇచ్చి సంచ‌ల‌నం సృష్టించాడు. ఈ ఒక్క సినిమాతో శ‌ర‌వ‌ణ స్టోర్స్ శ‌ర‌వ‌ణ‌న్ కాస్త లెజెండ్ శ‌ర‌వ‌ణ‌న్‌గా మారిపోయాడు. రూ.60 కోట్ల రూపాయల బ‌డ్జెట్‌తో పాన్ ఇండియా సినిమాగా తెర‌కెక్కిన ‘ది లెజెండ్’ సినిమా బాక్సాఫీస్ వ‌ద్ద బోల్తా కొట్టింది. ఈ చిత్రం శ‌ర‌వ‌ణ‌న్‌కు భారీ న‌ష్టాల‌ను తీసుకొచ్చింది.

లెజెండ్ చిత్రాన్ని ఉన్నత నిర్మాణ విలువలతో లెజెండ్ మూవీ తెరకెక్కించారు. తమిళ్, తెలుగు, హిందీ, మలయాళ, కన్నడ భాషల్లో లెజెండ్ చిత్రాన్ని విడుదల చేశారు. బడ్జెట్ లో పదో వంతు కూడా లెజెండ్ వసూలు చేయలేకపోయింది. వేల కోట్ల ఆస్తి కలిగిన అరుళ్ తన సొంత బ్యానర్ లో నిర్మించి విడుదల చేశారు. అయితే శరవణన్ మరో చిత్రాన్ని చేయనున్నట్లు కోలీవుడ్ టాక్. యాక్షన్ రొమాంటిక్ ఎంటర్టైనర్ జోన‌ర్‌లో శ‌ర‌వ‌ణ‌న్ త‌న రెండో సినిమా చేయనున్నట్లు సమాచారం.

అయితే తాజాగా శరవణన్ ఒక ఫోటో షూట్ చేసాడు. ప్రస్తుతం ఆ ఫొటోస్ వైరల్ గా మారాయి. తన రెండో చిత్రం కోసం ఆయన ఈ మేక్ఓవర్ చేసినట్లు తెలుస్తోంది. ది లెజెండ్’ సినిమాలో ఉన్న లుక్‌కు, ప్రస్తుతం ఉన్న లుక్‌కు ఏ మాత్రం పొంతన లేదు. పైగా గతంలో కంటే స్టైలిష్‌గా కనిపిస్తున్నారు శరవణన్. డ్రెస్సింగ్ స్టైల్‌ కూడా మార్చడంతో ఇప్పుడు కాస్త బెటర్ లుక్‌తో కనిపిస్తున్నారు శరవణన్. ఆయన లుక్ చూసి జనాలు సైతం ఆశ్చర్యపోతున్నారు.

ఇక శరవణన్ తన తదుపరి ప్రాజెక్ట్ త్వరలో ప్రకటించే అవకాశం ఉంది. 20 ఏళ్ల కుర్రాడిలా మారిపోయిన అరుళ్ తన తర్వాత చిత్రం లో 11 మంది హీరోయిన్లతో ఆడిపాడనున్నట్లు తెలుస్తోంది. అయితే ఇదొక లవ్ స్టోరీ అని కూడా వార్తలు వస్తున్నాయి. ఈ చిత్రం తో అయినా హిట్ కొట్టాలని అరుళ్ ప్రయత్నిస్తున్నారు.