Harika Page 114
Author

Harika

Hi, This is Harika. I have been working as a web content writer in Telugu Adda from the past one year and am experienced in writing articles in cinema, sports, inspiring stories and flash news categories.

Politics

CHILAKALURIPETA MLA: వైసిపి మంత్రి “విడదల రజని” గారి గురించి ఈ విషయాలు తెలుసా.? ఆమె భర్త ఎవరంటే.?

by Harika
written by Harika

ఆంధ్రప్రదేశ్ రాష్ట్ర రాజకీయాల్లో అత్యంత పాపులారిటీ ఉన్న వారిలో మంత్రి విడదల రజని ఒకరు. అత్యంత చిన్న వయసులోనే మంత్రి అయినవారిగా రికార్డు సృష్టించారు. అయితే వైఎస్ఆర్ కాంగ్రెస్ పార్టీలో సీనియర్ నాయకులు అందరిని దాటుకుని తనకంటూ ఒక ప్రత్యేకమైన గుర్తింపు సంపాదించుకున్నారు. అందం అభినయంతో పాటు మంచి వాక్చాతుర్యమున్న నాయకురాలిగా పేరుగాంచారు.

అయితే విడుదల రజనీ రాజకీయ ప్రస్థానం తెలుగుదేశం పార్టీతో మొదలైంది.అక్కడ కూడా తక్కువ సమయంలోనే పార్టీ అధినేత చంద్రబాబునాయుడు దృష్టిని ఆకర్షించారు. ఓ సమావేశంలో తాను చంద్రబాబు నాటిన మొక్కనని,ఆయన కట్టిన హైటెక్ సిటీలో ఉద్యోగం చేసి, అక్కడి నుంచి అమెరికా వెళ్లి ఈ స్థాయికి వచ్చానని చెప్పుకున్నారు.

rajini vidadala husband profession

తర్వాత 2018 ఎన్నికల్లో తెలుగుదేశాన్ని వీడి వైసీపీలో చేరి సీనియర్లు అందరినీ దాటుకుని సీటు సంపాదించి చిలకలూరిపేట ఎమ్మెల్యేగా గెలుపొందారు. తర్వాత జరిగిన మంత్రివర్గ విస్తరణలో మంత్రి పదవి పొంది అతి తక్కువ వయసులోనే మంత్రి అయిన వారిగా పేరుతెచ్చుకున్నారు. అయితే ఒకసారి విడుదల రజనీ ప్రస్థానాన్ని చూస్తే… విడదల రజిని 1990 జూన్ 24న హైదరాబాదులో జన్మించారు. ముదిరాజ్ సామాజిక వర్గానికి చెందిన రజనీ మల్కాజ్‌గిరిలోని సెయింట్ ఆన్స్ మహిళా డిగ్రీ కళాశాలలో 2011లో బీఎస్సీ కంప్యూటర్స్ పూర్తి చేశారు.

rajini vidadala husband profession

అనంతరం ఎంబీఏ కూడా పూర్తి చేశారు. ఓ ఐటీ కంపెనీలో సాఫ్ట్‌వేర్ ఉద్యోగినిగా కొన్నాళ్లు పనిచేసిన రజినికి విడదల కుమారస్వామితో వివాహం జరిగింది. ఈ దంపతులకు ఒక బాబు, ఒక పాప సంతానం. తర్వాత భర్త కుమారస్వామి తో కలిసి అమెరికా వెళ్ళిపోయి అక్కడ ఒక ఐటీ కంపెనీ స్థాపించి అతి తక్కువ కాలంలోనే ఆర్థికంగా బాగా స్థిరపడ్డారు. అయితే సొంత ఊరికి తిరిగివచ్చి రాజకీయాల్లోకి రావాలని ఉద్దేశంతో పలు సేవా సంస్థలు స్థాపించి ప్రజలకు సేవ చేసేవారు.

rajini vidadala husband profession

2019 ఎన్నికల్లో చిలకలూరిపేట నియోజకవర్గం నుంచి వైఎస్సార్‌ కాంగ్రెస్‌ అభ్యర్థిగా పోటీ చేసి టీడీపీ అభ్యర్థి అప్పటి మంత్రి ప్రత్తిపాటి పుల్లారావుపై 8,301 ఓట్ల మెజారిటీతో గెలుపొందారు. చిలకలూరిపేట నియోజకవర్గంలో గెలిచిన తొలి బీసీ మహిళగా చరిత్ర సృష్టించారు. శాసనసభ వేదికగా సీఎం జగన్‌పై ఓ రేంజ్‌లో పొగడ్తలు కురిపించే విడదల రజిని,నిత్యం ప్రజల్లో గుంటూరు తనకంటూ ఒక ప్రత్యేకమైన సోషల్ మీడియా టీం ని ఏర్పాటు చేసుకుని తను చేసే కార్యక్రమాలను వైరల్ చేస్తూ ఉంటారు.

Filmy Adda

చిరంజీవి హనుమాన్ భక్తుడు ఎలా అయ్యారంటే.? పొన్నూరులో ఏడో తరగతి చదువుకునే సమయంలో..!

by Harika
written by Harika

మెగాస్టార్ చిరంజీవి ఆంజనేయ స్వామికి పెద్ద భక్తుడని అందరికీ తెలిసిందే. ఇదే విషయం ఆయన చాలాసార్లు ఇంటర్వ్యూలలో కూడా చెప్పుకొచ్చారు. అయితే ఆయన ఎందుకు హనుమంతుడిని అంతగా అభిమానిస్తారు అనే విషయం ఇప్పటివరకు ఎవరికీ పెద్దగా తెలియదు. అయితే హనుమాన్ ప్రీ రిలీజ్ ఈవెంట్ కి వచ్చిన చిరంజీవి సినిమా గురించి మాట్లాడుతూ అలాగే తన భక్తి గురించి కూడా ఈ విధంగా చెప్పుకొచ్చారు.

చిన్నప్పుడు నాన్నగారు కమ్యూనిస్టు అవటం వలన దేవుడని పెద్దగా ప్రార్థించే వారు కాదు అమ్మ ఒత్తిడి మేరకు తిరుమల తిరుపతి వెంకటేశ్వర స్వామిని అప్పుడప్పుడు దర్శించుకునే వారు. పొన్నూరులో ఏడో తరగతి చదువుకునే సమయంలో ఆంజనేయస్వామి గుడి ఉండేదట. రోజు దండం పెట్టుకొని వచ్చేవాడట చిరంజీవి. ఎనిమిదవ తరగతి బాపట్లలో చదువుకునే సమయంలో కూడా అక్కడ ఆంజనేయస్వామి గుడి ఉండేది ట్యూషన్ కి వెళ్లి వచ్చేటప్పుడు ఆ గుడి వద్ద ప్రసాదం ఇచ్చేవారు.

ఆ ప్రసాదం కోసం వెళ్ళీ వెళ్ళీ ఆంజనేయుడు పై భక్తి ఏర్పడిందని చెప్పుకొచ్చారు చిరంజీవి. మొగల్తూరులో చదువుకునే సమయంలో రోడ్డుపై మిఠాయి కొంటే హనుమంతుడి క్యాలెండర్ బహుమతిగా ఇచ్చారు. ఆ బొమ్మ ఇప్పటికీ ఇంట్లో ఉంది. అలాగే చిరంజీవి పదో తరగతి చదువుకునే సమయంలో తండ్రికి వేరే ఊరికి ట్రాన్స్ఫర్ అయింది. అక్కడికి వెళ్ళటం ఇష్టం లేని తన తండ్రి లాంగ్ లీవ్ పెట్టేసారట ఆ సమయంలో ఆయన బాగా ఒత్తిడికి గురవుతుంటే హనుమాన్ చాలీసా చదవమని చిరంజీవి సలహా ఇచ్చారట.

సంశయిస్తూనే హనుమాన్ చాలీసా చదివిన తన తండ్రికి ఉన్న ఊర్లోనే మళ్లీ జాబ్ ట్రాన్స్ఫర్ అయిందట అప్పటినుంచి తన తండ్రికి కూడా హనుమంతుడి మీద భక్తి ఏర్పడిందని చెప్పుకొచ్చారు చిరంజీవి. అలాగే ఫిల్మ్ ఇన్స్టిట్యూట్ లో చేరాలనుకునే సమయంలో కూడా ఆంజనేయస్వామి బొమ్మ దొరకటం దానిని లాకెట్ గా చేసి మెడలో వేసుకోవడం ఆ తర్వాత అవకాశాలు రావటం ఇలాంటి విషయాలన్నీ చెప్పుకొచ్చారు చిరంజీవి. అలాగే హనుమాన్ మూవీ టైటిల్ కూడా మొదటగా తన నోటి నుంచి వచ్చిందని,నేను ఏదో ఇంటర్వ్యూలో చెప్తే దాన్ని టైటిల్ గా పెట్టుకున్నారు అంటూ చెప్పుకొచ్చారు చిరంజీవి.

హనుమజ్జయంతి రోజున చిరు పోస్ట్ చేసారు…ఈ రోజు హనుమజ్జయంతి. ఆంజనేయస్వామి తో నాకు చాలా అనుబంధం ఉంది…చిన్నప్పటి నుంచి…1962 లో నాకు ఓ లాటరి లో ఈ బొమ్మ వచ్చింది..అప్పటి నుంచి ఇప్పటి దాకా ఆ బొమ్మ నా దగ్గర అలాగే భద్రంగా ఉంది..ఉంది అని చెప్పటం కంటే దాచుకున్నాను అని చెప్పటం కరెక్ట్. కారణం ఏంటో తెలుసా?ఆ రోజు నా చేతిలో ఆ బొమ్మ చూసి మా నాన్న గారు, “ఆ కనుబొమ్మలు, కళ్ళు, ముక్కు అచ్చం నీకు అలానే ఉన్నాయి” అన్నారు. అప్పటి నా ఫోటో..

కొన్ని దశాబ్దాల తరవాత, 2002 లో, బాపుగారు నా ఇంట్లో పెట్టుకునేందుకు నాకు ఇష్టమైన ఆంజనేయస్వామిని చిత్రించి పంపుతాను అన్నారు. నేను అది పాలరాతి మీద reproduce చేయించి పూజ గదిలో పెట్టుకున్నాను. ఈ బొమ్మ నాకు ఇచ్చేటప్పుడు ఆయన ఏమన్నారో తెలుసా …? బాపు గారు చెప్పిన మాట “ఏంటోనండి …బొమ్మని గీస్తుంటే మీ పోలికలే వచ్చాయండి …అలానే ఉంచేసాను …మార్చలేదు ” అన్నారు. చిత్రకారుల ఊహలో స్వామివారి పోలికలు నాకు ఉండటం చిత్రమే. అందరికి హనుమజ్జయంతి శుభాకాంక్షలు.

Filmy Adda

“నా సామి రంగా” మూవీలో ఆ సీన్‌ మార్చారా..? లేకుంటే ఇక్కడ ఫాన్స్ ఒప్పుకోరా.?

by Harika
written by Harika

అక్కినేని నాగార్జున హీరోగా నటిస్తున్న ‘నా సామి రంగా’ మూవీ సంక్రాంతికి రిలీజ్ కాబోతుంది. ఈ చిత్రంలో అల్లరి నరేష్, రాజ్ తరుణ్ కీలక పాత్రలలో నటిస్తున్నారు. ఈ చిత్రానికి విజయ్ బిన్ని దర్శకత్వం వహిస్తున్నాడు.

ఈ మూవీ ‘పొరింజు మరియం జోస్‌’ అనే మలయాళ సూపర్ హిట్ మూవీకి  రీమేక్‌ గా తెరకెక్కుతున్న విషయం తెలిసిందే.  ఈ మూవీ ప్రారంభం కాక ముందు ఈ మూవీ గురించి పెద్ద చర్చే జరిగింది. తాజాగా ఈ మూవీ గురించి చర్చ జరుగుతోంది. అదేమిటో ఇప్పుడు చూద్దాం..
అక్కినేని నాగార్జున, ఆషికా రంగనాథ్ హీరో హీరోయిన్లుగా నటించిన ‘నా సామి రంగా’ జనవరి 14కి రిలీజ్ కానుంది. ఈసారి టాలీవుడ్ బాక్సాఫీస్ దగ్గర పోటీ ఎక్కువగానే ఉంది. గుంటూరు కారం, సైంధవ్, హనుమాన్, సినిమాలతో పాటు  డబ్బింగ్ మూవీ అయలాన్ కూడా రిలీజ్ కానుంది. ఈ ఐదు సినిమాలు ఒకటి, రెండు రోజుల తేడాతో రిలీజ్ కానున్నాయి. ‘నా సామి రంగా’ రీమేక్ మూవీ అనే విషయం తెలిసిందే.
మూడేళ్ళ క్రితం మలయాళంలో రిలీజ్ అయ్యి, సూపర్ హిట్ అయిన పొరింజు మరియం జోస్‌ మూవీని తెలుగులో రీమేక్ చేశారు. అయితే ఈ మూవీ యాంటీ క్లైమాక్స్ మూవీ. నాగార్జున ఇలాంటి స్టోరీని సెలెక్ట్ చేసుకుని రిస్క్ చేస్తున్నారా అనే టాక్ వినిపిస్తోంది. ఈ మూవీ రీమేక్ అని తెలిసిన వెంటనే చాలామంది మలయాళ మూవీని చూశారు. ఇక మలయాళ మూవీ స్టోరీ, కథనం తెలుగుకి వర్కౌట్‌ కాదు. ఎందుకంటే మలయాళ మూవీలో హీరో పాత్ర చనిపోవడంతో సినిమా ముగుస్తుంది.
ఈ చిత్రంలో ఆ సీన్ ను ఏమైనా మార్చరా లేదంటే, తెలుగు ప్రేక్షకులు అలాంటి ముగింపును అంతగా ఇష్టపడరు. అలా వచ్చిన సినిమాలు ఎన్నో ప్లాప్ అయ్యాయి. గతంలో నాగార్జున నటించిన ‘స్నేహమంటే ఇదేరా’ మూవీ కూడా సాడ్‌ ఎండింగ్‌ ఉంటుంది. ఈ చిత్రం బాక్సాఫీస్ దగ్గర ఫ్లాప్ అయ్యింది. ఈ మూవీ అలా కాకూడదని ఫ్యాన్స్ కోరుకుంటున్నారు. అంతేకాకుండా ఇటీవల కాలంలో రిలీజ్ అయిన రీమేక్ సినిమాలు తీవ్రంగా నిరాశపరిచాయి. దాంతో నాగార్జున ఇంత రిస్క్ చేయడం అవసరమా అంటున్నారు.

Also Read: గుంటూరు కారం ఫ్రీ రిలీజ్ ఈవెంట్ ఆగిపోవడానికి కారణం అతనా…!

Mythology

అయోధ్యకు చేరుకున్న రాముని అఖండ జ్యోతి.. దీని ప్రత్యేకతలు తెలిస్తే ఒళ్ళు పులకరిస్తుంది!

by Harika
written by Harika

దేశమంతా ఇప్పుడు అయోధ్య రాముని ప్రాణ ప్రతిష్ట కోసం ఎదురుచూస్తుంది. జనవరి 22 ఎప్పుడు వస్తుందా అంటూ ఎదురుచూస్తున్న సమయం రానే వచ్చింది. మరికొన్ని రోజులలో బాలరాముడి విగ్రహ ప్రాణ ప్రతిష్ట జరగబోతుంది. శ్రీరాముడి అభిషేక సమయంలో ఐదు కేజీల అఖండ జ్యోతిని వెలిగించనున్నారు. కంప్లీట్ గా వెండితో తయారైన అఖండ దీపం అయోధ్యకు చేరుకుంది. దీనికి శ్రీరామ్ అఖండ జ్యోతి అని పేరు పెట్టారు. శైలేంద్ర సోని అనే భక్తుడు ఐదు లక్షల వ్యయంతో దీన్ని తయారు చేయించారు.

ఆఖండ జ్యోతి నిర్మాణంలో 18 గేజ్ వెండి ప్లేట్ ను వాడటం వల్ల ఇది అతి బలంగా ఉంటుంది. ఈనెల 16 నుంచి 22 వరకు అయోధ్య రామ మందిరంలో జరగనున్న రామ్ లల్లా పవిత్రోత్సవంలో శ్రీరామ్ అఖండ జ్యోతిని ఉపయోగించబోతున్నారు. రామ్ లల్లా ప్రాణప్రతిష్ట కార్యక్రమం సందర్భంగా వారం పాటు ప్రత్యేక పూజలు కొనసాగుతాయి. ఈ అఖండ జ్యోతిని ఒకసారి నెయ్యి నింపి వెలిగిస్తే 72 గంటల పాటు వెలుగుతుంది.

ఈ అఖండ జ్యోతి నుంచి వెలువడే పొగ ఆలయ ప్రాంగణంలోకి వెళ్లకుండా తిరిగి అఖండ జ్యోతి లోపలికి వెళ్లే లాగా తయారు చేశారు. ఈ అఖండ జ్యోతి 25 సంవత్సరాల పాటు పాడవకుండా ఉంటుందని చెప్పుకొచ్చారు శైలేంద్ర సోని. అలాగే ఈ దీపాన్ని శ్రీరాముడికి అంకితం చేసేందుకు ఏర్పాట్లు చేస్తున్నట్లు చెప్పుకొచ్చారు రామ మందిర్ ట్రస్ట్ ప్రధాన కార్యదర్శి చంపత్ రాయ్.

రామ్ లల్లా ప్రాణప్రతిష్ట కార్యక్రమం సందర్భంగా ఏడు రోజులపాటు మతపరమైన ఆచారాలు కొనసాగుతాయి. ఈ సందర్భంగా శ్రీరామ అఖండ జ్యోతిని మతపరమైన ఆచారాలలో ఉపయోగిస్తారు. ఈ అఖండ జ్యోతి మాత్రమే కాకుండా అయోధ్యలో రామాలయం నిర్మాణానికి ఇటుకలు దేశం నలుమూలల నుంచి వచ్చాయి అలాగే గంటలు, పళ్లాలు ఇలా ప్రతిదీ వివిధ రాష్ట్రాల నుంచి వచ్చాయి.

Filmy Adda

“గుంటూరు కారం” సినిమా ఫస్ట్ రివ్యూ వచ్చేసింది… ఎవ్వరూ ఊహించని రేటింగ్ ఇచ్చిన ఉమైర్ సంధు!

by Harika
written by Harika

మహేష్ బాబు త్రివిక్రమ్ కాంబినేషన్లో వస్తున్న సినిమా గుంటూరు కారం. సంక్రాంతి కానుకగా జనవరి 12న విడుదలకు సిద్ధంగా ఉంది. మహేష్, త్రివిక్రమ్ కాంబినేషన్ లో వస్తున్న మూడవ సినిమా ఇది. మొదటి సినిమా అతిధి సూపర్ హిట్ కాగా ఖలేజా సినిమా మాత్రం కలెక్షన్ల పరంగా అంతంత మాత్రంగా నిలిచింది. అయితే టీవీలో వస్తే మాత్రం ఈ సినిమాని ఓ రేంజ్ లో ఆదరిస్తున్నారు ప్రేక్షకులు.

ఇక మూడవ సినిమా గా రాబోతున్న గుంటూరు కారం ఎలా ఉండబోతుందో అనేది రేపు 12వ తారీఖున తెలియబోతుంది. అయితే సినిమాకు సంబంధించిన ఫస్ట్ రివ్యూ బయటికి వచ్చింది సినీ క్రిటిక్ ని, సెన్సార్ సభ్యుడిని అని చెప్పుకునే ఉమైర్ సంధు ఈ సినిమాకి ఫస్ట్ రివ్యూ ని ఇచ్చాడు. మాస్ ఆడియన్స్ ని బాగా ఆకట్టుకుంటుందని మహేష్ బాబు నటన ప్రేక్షకులని ఎంతగానో ఆకట్టుకుంటుందని చెప్పుకొచ్చాడు.

మహేష్ బాబు నటన, ఎంటర్టైన్మెంట్ సినిమాలో బాగా వర్క్ అవుట్ అయ్యాయి, మాస్ ఆడియన్స్ ఈ సినిమాని బాగా ఆదరిస్తారు. పండగ సీజన్లో ఈ సినిమా అద్భుతాలు సృష్టిస్తుంది పొటెన్షియాలిటీ ఉన్న కథ అనే సినిమా గురించి గొప్పగా చెప్తూ 3.5/5 రేటింగ్ కూడా ఇచ్చాడు ఉమైర్ సంధు. ఇక్కడ గమనించాల్సిన విషయం ఏమిటంటే చాలా సందర్భాలలో అతను ఇచ్చిన రివ్యూ చాలాసార్లు ఫెయిల్ అయింది.

అంతేకాకుండా ఈ సినిమాకి పోటీగా బరిలో నాగార్జున, వెంకటేష్ సినిమాలు కూడా ఉన్నాయి. పెద్ద హీరో కాకపోయినప్పటికీ హనుమాన్ సినిమా కూడా గట్టి పోటీని ఇస్తుంది అంటున్నారు సినీ క్రిటిక్స్. దానికి తోడు సినిమా ట్రైలర్ చూసిన ప్రేక్షకులు ఇందులో త్రివిక్రమ్ మార్కు ఎక్కడా కనిపించడం లేదు అంటూ పెదవి విరిచిన సంగతి అందరికీ తెలిసిందే. ఏది ఏమైనాపటికి ఈ సినిమా హిట్టు ఫట్టు అనేది మరొక ఐదు రోజుల్లో తెలిసిపోతుంది.

Politics

ఈ ఫోటోకి కాప్షన్ చెప్పండి.? వైరల్ అవుతున్న ఒకప్పటి ఫోటో.!

by Harika
written by Harika

దివంగత ఆంధ్రప్రదేశ్ ముఖ్యమంత్రి రాజశేఖరరెడ్డి కుమార్తె, వైయస్ఆర్ టీపీ అధ్యక్షురాలు, జగన్మోహన్ రెడ్డి సోదరి అయినా షర్మిల ఇటీవలే కాంగ్రెస్ లో చేరిన విషయం తెలిసిందే. రాహుల్ గాంధీ సమక్షంలో పీసీసీ అధ్యక్షుడు మల్లికార్జున ఖర్గే షర్మిల కి కండువా కప్పి పార్టీలోకి ఆహ్వానించారు. అలాగే షర్మిల కూడా తన పార్టీని కాంగ్రెస్ లో విలీనం చేస్తున్నట్లు ప్రకటించింది. అయితే షర్మిల మళ్లీ పాత గూటికే చేరటం కాకతాళీయం అనే చెప్పుకోవచ్చు.

ఎందుకంటే ఒకప్పుడు వైయస్ రాజశేఖర్ రెడ్డి జీవితం మొత్తం కాంగ్రెస్ పార్టీ కోసమే కష్టపడ్డారు. రాజశేఖర్ రెడ్డి మరణం తర్వాత ఆ పార్టీకి దూరమైంది వైయస్సార్ కుటుంబం. ఆపై వైయస్ జగన్ సొంతంగా పార్టీ పెట్టడం ఆ పార్టీకి తల్లి, చెల్లి పూర్తి మద్దతు తెలియజేసి వైయస్ జగన్మోహన్ రెడ్డిని గెలిపించడం కోసం శాయశక్తులా కృషి చేశారు విజయమ్మ, షర్మిల. ప్రజలకి వైయస్ రాజశేఖర్ రెడ్డి మీద ఉన్న గౌరవం వైయస్ జగన్మోహన్ రెడ్డికి విజయాన్నితెచ్చి పెట్టింది.

అయితే ముఖ్యమంత్రి అయిన తర్వాత జగన్ కి తన కుటుంబ సభ్యులతో వచ్చిన కలహాల కారణంగా పార్టీ నుంచి బయటికి వచ్చేసారు విజయమ్మ, షర్మిల తర్వాత షర్మిల వైఎస్ఆర్ టీపి పార్టీని స్థాపించింది. వైసీపీ పార్టీ అధ్యక్షుడు పదవికి రాజీనామా చేసిన విజయమ్మ కూడా రాజశేఖర్ రెడ్డి అభిమానులందరూ తన కూతురికి సపోర్ట్ ఇవ్వాలని చెప్పింది. ఆపై ఇప్పుడు షర్మిల తన పార్టీని కాంగ్రెస్ లో విలీనం చేస్తూ తాను కూడా కాంగ్రెస్ కండువా కప్పుకుంది.

ఈ సందర్భంగా సోషల్ మీడియాలో ఒకప్పటి పాత ఫోటో వైరల్ అవుతుంది. షర్మిల తండ్రి సీఎం రాజశేఖర్ రెడ్డి చనిపోయిన సమయంలో తీవ్ర బాధలో ఉన్న షర్మిలను కాంగ్రెస్ ఆగ్ర నాయకురాలు సోనియా గాంధీ ఓదారుస్తున్న ఫోటో ఒకటి ఇప్పుడు బయటికి వచ్చింది. ఈ ఫోటోలో వైఎస్ భారతి కూడా కనిపిస్తున్నారు. సోషల్ మీడియాలో తెగ వైరల్ అవుతున్న ఈ ఫోటోపై అనేకమంది అనేక రకాల కామెంట్లు చేస్తున్నారు.

Filmy Adda

ఆ రోజుల్లో చిరంజీవి అలా చేసేవారంట.. చిన్నప్పటి జ్ఞాపకాలు చెప్పుకొచ్చిన హనుమాన్ హీరో! 

by Harika
written by Harika

ఇప్పుడు అందరూ హనుమాన్ సినిమా గురించే మాట్లాడుకుంటున్నారు. సంక్రాంతి బరిలో పెద్దపెద్ద సినిమాలు పోటీ పడుతున్నాయి. వాటి మధ్యలో హనుమాన్ సినిమా రిలీజ్ అవుతుంది అంటే వాళ్ళ ధైర్యానికి ఆశ్చర్యపోతున్నారు ప్రేక్షకులు. అయితే ప్రేక్షకుల అంచనాలకు ఏమాత్రం తగ్గకుండా సినిమా ప్రేక్షకులని అలరిస్తుంది అంటున్నారు మూవీ టీం.

ట్రైలర్స్ లో గాని టీజర్ లో గాని పెద్ద సినిమాలకి ఏ మాత్రం తీసిపోకుండా పాజిటివ్ టాక్ ని తెచ్చుకుంది హనుమాన్ సినిమా. అయితే ఈ మధ్యనే జరిగిన హనుమాన్ ప్రి రిలీజ్ ఈవెంట్ లో ముఖ్యఅతిథిగా పాల్గొన్నారు చిరంజీవి. ఈ సందర్భంగా ఈ సినిమా హీరో తేజ మాట్లాడుతూ చిరంజీవితో తనకి ఉన్న చిన్ననాటి అనుబంధాన్ని గుర్తు చేసుకున్నాడు. చూడాలని ఉంది సినిమాతో సినీ కెరియర్ స్టార్ట్ చేసిన తేజ తన మొదటి సినిమా చిరంజీవితోనే కావటం విశేషం.

ఆ తరువాత ఠాగూర్, ఇంద్ర వంటి సినిమాలలో చిరంజీవితో నటించి అతనికి మరింత దగ్గర అయ్యాడు తేజ. ఒక్క చిరంజీవి సినిమాలలోనే కాకుండా మెగా కాంపౌండ్ లో ఉన్న అల్లు అర్జున్, పవన్ కళ్యాణ్ వంటి వారి సినిమాలలో కూడా తేజ నటించడం విశేషం. అందుకే తేజ కి చిరంజీవికి మంచి బాండింగ్ ఏర్పడింది. ఆ అనుబంధంతోనే చిరంజీవి తేజ ప్రతి పుట్టినరోజు ను గుర్తుపెట్టుకుని మరీ తేజకి ఫోన్ చేసి విషెస్ చెప్పి కేక్ కట్ చేయడానికి తన ఇంటికి ఆహ్వానించేవారుట.

చిరంజీవి గారి పుట్టినరోజు ఆగస్టు 22 అయితే తేజ పుట్టినరోజు ఆగస్టు 23 కావటం వలన చిరంజీవికి ఆ డేట్ బాగా గుర్తుండేది. ఆల్మోస్ట్ తేజ చైల్డ్ ఆర్టిస్ట్ గా నటించినంతకాలం చిరంజీవి గారు తేజ బర్త్ డే ని ఈ విధంగానే సెలబ్రేట్ చేసే వారిని ఎంతో ఆనందంగా పాత జ్ఞాపకాలని నెమరు వేసుకున్నాడు తేజ. ఇప్పుడు ఈ స్పీచ్ తెగ వైరల్ అవుతుంది అంతేకాదు హనుమాన్ సినిమా కోసం తేజ సజ్జ ఇచ్చిన స్పీచ్ కూడా తెగ వైరల్ అవుతుంది.

https://www.instagram.com/p/C1wRuOTsOqQ/

Bigg Boss 7 teluguFilmy Adda

బిగ్ బాస్‌కి పంపిస్తానని 2.5 లక్షలు తీసుకొని మోసం చేసారంటూ…బాండ్ పేపర్ షేర్ చేసిన యాంకర్ స్వప్న చౌదరి.!

by Harika
written by Harika

బిగ్ బాస్‌ షోకి ఉన్న క్రేజ్ గురించి అందరికీ తెలిసిందే. బిగ్ బాస్ కి వెళ్ళిన వారికి క్రేజ్, పాపులారిటీ, డబ్బు వస్తాయనే విషయం కూడా తెలిసిందే. చాలామంది ఈ షోలో పాల్గొనడం ద్వారా డబ్బు, ఇమేజ్‌ వస్తుందని కలలు కంటుంటారు. అయితే చాలా తక్కువ మందికి మాత్రమే తాము ఆశించిన ఇమేజ్, డబ్బు వస్తుంది.

ఇక ఈ షోకి వెళ్లి అప్పటివరకు వారికున్న ఇమేజ్‌ని కూడా డ్యామేజ్ చేసుకుని బయటికి వచ్చినవారు ప్రతి సీజన్ లో ఉంటారు. రీసెంట్ గా ముగిసిన 7 సీజన్ ఫైనల్ తరువాత జరిగిన సంఘటన గురించి అందరికీ తెలిసిందే. బిగ్ బాస్‌కి వెళ్లి ఇమేజ్ డ్యామేజ్ చేసుకున్నవారే కాకుండా, ఆ షోకి వెళ్లాలనే కోరికతో డబ్బులిచ్చి మోసపోయిన ఇన్సిడెంట్ తాజాగా వెలుగులోకి వచ్చింది. ఆ వివరాలు ఇప్పుడు చూద్దాం..
బిగ్ బాస్ షోకి ఎంత పాపులారిటీ క్రేజ్ ఉన్నప్పటికీ, షో చుట్టూ అదే స్థాయిలో వివాదాలు చోటుచేసుకుంటున్నాయి.  రీసెంట్ గా బిగ్ బాస్‌ సీజన్ 7 ముగిసిన విషయం తెలిసిందే. గ్రాండ్ ఫినాలే తరువాత చోటు చేసుకున్న ఘటనలు, రన్నర్ పై దాడి, విజేత అరెస్ట్ ఎంత సంచలనం సృష్టించాయో తెలిసిందే. తాజాగా సీజన్ 7లో పాల్గొనాలనే ఆశతో యాంకర్ స్వప్న చౌదరి డబ్బు ఇచ్చియానట్టు, కానీ తనకౌ ఛాన్స్ ఇవ్వలేదని ఓ వీడియోని రిలీజ్ చేసింది. ఆ వీడియోలో ఆమె ” నా పేరు స్వప్న చౌదరి అమ్మినేని, యాంకర్ అండ్ యాక్టర్. మిస్టరీ, నమస్తే సేట్ జీ అనే సినిమాల ద్వారా ఇండస్ట్రీకి రావడం జరిగింది.
కొంతమందికి అయితే నేను తెలుసు యాంకర్ స్వప్న గా, యాక్టర్ స్వప్నగా చాలామందికి తెలుసు. నాకు బిగ్ బాస్‌కి వెళ్లడం అంటే చాలా ఇష్టం. ఎంత ఇష్టం అంటే, నేను నిద్రపోయినప్పుడు కనే కలలో సైతం బిగ్ బాస్ హౌస్‌లో ఉన్నట్టే కలకంటాను. బిగ్ బాస్ సీజన్ 1 నుంచి సీజన్ 7 వరకూ చాలా ఇష్టంగా చూశాను. బిగ్ బాస్ సీజన్ 7లో కంటెస్టెంట్‌గా పంపిస్తానని చెప్పి, నా దగ్గర నుండి రెండు లక్షల యాబై వేలు తీసుకున్నారు. శని, ఆదివారాల్లో వేసుకునే క్యాస్ట్యూమ్స్‌కి డబ్బులు కావాలి అని, తమ్మలి రాజు అనే వ్యక్తి  రెండున్నర లక్షలు తీసుకున్నారు. అందుకు సంబంధించి బాండ్ పేపర్‌పై అగ్రిమెంట్ ఇచ్చారు. గత జూన్ లో డబ్బు ఇచ్చాను.
లాస్ట్ మూమెంట్ వరకు నువ్వు కన్ఫామ్ అన్నారు. కానీ వేరే వాళ్ల నేను ట్రై చేస్తానని చెప్తే, అవసరం లేదు. నేనే పంపిస్తానని అన్నారు. డబ్బు ఎందుకని అడిగితే, పీఆర్ రేటింగ్ పెంచుకోవడం కోసం, కాస్ట్యూమ్స్ కి అని చెప్పాడు. డబ్బు తీసుకోవాడమే కాకుండా, నాతో ఫొటో షూట్ చేయించారు. అందుకు రూ. 25 వేల వరకు ఖర్చు అయ్యింది. జూన్‌లో డబ్బు ఇస్తే, ఇప్పటికి 8 నెలలు అవుతుంది. ఇన్ని రోజులు సైలెంట్‌గా ఉన్నానంటే బిగ్ బాస్ సీజన్ 7లో ఛాన్స్ రాలేదు కదమ్మా, సీజన్ 8లో పంపిస్తానని చెప్పి డబ్బు  ఇవ్వలేదు. కానీ నాకు ఒక అగ్రిమెంట్ అయితే రాసి ఇచ్చారు.
ఇందులో సీజన్ 7 లో పంపలేకపోయాను. డబ్బు మాత్రం డిసెంబర్ వరకు ఇస్తానని రాయడం జరిగింది. ఇందుకోసం ఫ్రెండ్ దగ్గర అప్పు తీసుకుని ఇచ్చాను. జనవరి 6న ఇస్తానని చెప్పాడు. ఆ రోజున కాల్ చేస్తే పోలీస్ స్టేషన్‌లో కంప్లైంట్ ఇస్తావా ఇచ్చుకో.. ప్రెస్ మీట్ పెడతావ పెట్టు అని మాట్లాడాడు. బిగ్ బాస్ మేనేజ్మెంట్ వాళ్లు ఇటువంటి చీడ పురుగుల్ని ఎంకరేజ్ చేయవద్దు. ఇలాంటి వ్యక్తులను గమనించండి. బిగ్ బాస్‌కి పంపిస్తాం అంటూ డబ్బులు తీసుకుని చీట్ చేస్తున్నారు. దయచేసి నాకు సపోర్ట్ చేయండి. సీజన్ 8 లో అయినా నేను వెళ్ళాలి. నా అమౌంట్ నాకు రావాలి” అంటూ స్వప్న చౌదరి తన ఆవేదన వ్యక్తం చేసింది.

Also Read: GUNTUR KAARAM DIALOGUES IN TELUGU, గుంటూరు కారం సినిమా డైలాగ్స్

 

MythologyNews

అయోధ్య రామ మందిరంకి ఆహ్వానం అందుకున్న ఈ ముస్లిం ఎవరు? కానీ ఆయన ఎందుకు రానన్నారు?

by Harika
written by Harika

వేల కోట్ల భారతీయుల చిరకాల ఆకాంక్ష అయోధ్యలో శ్రీరాముని మందిర నిర్మాణం త్వరలో నెరవేరనుంది. జనవరి 22వ తారీఖున అత్యంత వైభవంగా శ్రీరామ మందిర ప్రారంభోత్సవ కార్యక్రమం, శ్రీ రామ పట్టాభిషేకం, విగ్రహ ప్రతిష్ట కార్యక్రమాలు నిర్వహించనున్నారు. ఇప్పటికే ఈ కార్యక్రమానికి సంబంధించి దేశవ్యాప్తంగా ప్రచార కార్యక్రమాలు కూడా జరుగుతున్నాయి.

అలాగే దేశంలో ఉన్న ఎంతోమంది ప్రముఖులకు మందిర ప్రారంభోత్సవానికి ఆహ్వానాలు కూడా అందాయి. మనకు తెలుగు రాష్ట్రాల్లో చాలామంది ప్రముఖులు ఈ కార్యక్రమానికి హాజరుకానున్నారు. అయితే ఇప్పుడు ఈ మందిర ప్రారంభోత్సవానికి ఒక ముస్లిం కరసేవకుడికి ఆహ్వానం అందడం వైరల్ గా మారింది.

man who was invited to ayodhya ram mandir

తనని రామచంద్ర ప్రారంభోత్సవానికి ఆహ్వానించడం పట్ల సంతోషం వ్యక్తం చేశాడు. అయితే తాను జనవరి 22 తారీఖున ఈ కార్యక్రమానికి హాజరు కాలేనని చెప్పాడు.ఇంతకీ ఎవరు ఈ వ్యక్తి…ఇతనికి ఎందుకు ఇంత స్పెషల్ గా ఆహ్వానం అందించారు…ఇప్పుడు ఆ వివరాలు చూద్దాం.. ఉత్తర్‌ప్రదేశ్‌లోని మీర్జాపూర్‌కు చెందిన 70 ఏళ్ల మహ్మద్ హబీబ్‌కు అయోధ్య రామమందిర తీర్థ క్షేత్ర ట్రస్ట్ శ్రీరాముడి అక్షింతలు, ఆహ్వానం పంపించింది. అయితే ఆ ఆహ్వాన పత్రిక అందుకున్న మహ్మద్ హబీబ్ ఆనందానికి అవధులు లేకుండా పోయాయి.

man who was invited to ayodhya ram mandirఒక రైతుగా సాధారణ జీవితం గడుపుతున్న తనకు అయోధ్య నుంచి ఆహ్వానం అందడంతో భావోద్వేగానికి లోనయ్యాడు అతడు. బాబ్రీ మసీద్ కూల్చివేత సమయంలో 1992 డిసెంబర్ 2 వ తేదీ నుంచి 4, 5 రోజుల పాటు అయోధ్యలో ఉన్న మహ్మద్ హబీబ్ తనతో ఉన్న వారితో కలిసి కరసేవకుడిగా కొట్లాడాడు. ఆ సమయంలో మహ్మద్ హబీబ్ చేసిన పోరాటాన్ని గుర్తించిన అయోధ్య రామమందిర తీర్థ క్షేత్ర ట్రస్ట్, శ్రీరాముడి ప్రాణప్రతిష్ఠ కార్యక్రమానికి హాజరు కావాలని అతనికి ఆహ్వానం పంపించింది. హిందువుల ఆలయ ప్రతిష్ట కార్యక్రమానికి ఒక ముస్లిం కి ఆహ్వానం పంపడం పట్ల సర్వత్ర హర్షం వ్యక్తం అవుతుంది. భారతదేశం ఎందుకు మత సామ్రాస్య దేశమో అర్థం అవుతుందంటూ పలువురు కామెంట్లు చేస్తున్నారు

Filmy Adda

హనుమాన్ ఈవెంట్ కి హ్యాండ్ ఇచ్చిన ప్రభాస్.. ఎందుకు మాట తప్పాడో తెలుసా?

by Harika
written by Harika

సంక్రాంతి సినిమా సందర్భంగా విడుదలవుతున్న సినిమాలలో హనుమన్ సినిమా ఒకటి.తేజ సజ్జ హీరోగా ప్రశాంత్ వర్మ దర్శకత్వంలో రూపొందిన హనుమాన్ సినిమా తీవ్ర పోటీ మధ్య విడుదలకు సిద్ధంగా ఉంది. ఈ సందర్భంగా జరిగిన ప్రీ రిలీజ్ ఈవెంట్ కూడా చాలా గ్రాండ్ సక్సెస్ అయింది. అయితే ఒకానొక సందర్భంలో దర్శకుడు ప్రశాంత్ వర్మ ఇంటర్వ్యూ ఇస్తూ ప్రభాస్ అన్న మా సినిమా ప్రమోషన్స్ కి హాజరవుతారని మాటిచ్చారు అన్నాడు. అయితే అందరూ ఈ ఈవెంట్ లో ప్రభాస్ పాల్గొంటాడనే అనుకున్నారు.

అయితే ఈవెంట్లో ఎక్కడా ప్రభాస్ కనిపించకపోవడంతో అందరూ నిరాశకి గురయ్యారు. హాజరు కాకపోవడానికి కారణం ఏమిటా అంటూ ఆరాలు తీయడం మొదలుపెట్టారు. ఇంతకీ విషయం ఏమిటంటే ప్రభాస్ కల్కి సినిమా షూటింగ్ లో పాల్గొంటున్నారు ఈ సినిమా కోసం ప్రభాస్ సీక్రెట్ మేకవర్ లో కనిపించబోతున్నాడు. అందుకుగాను తన హెయిర్ స్టైల్ ఇతర ఆహార్యం పూర్తిగా మార్చి వేయడం జరిగింది. కల్కి సినిమా షూటింగ్ పూర్తి అయ్యేవరకు ప్రభాస్ బయట కార్యక్రమాలకు హాజరు కావద్దని దర్శకుడు నాగ్అశ్విన్ విజ్ఞప్తి చేశాడట.

అందుకే హనుమాన్ సినిమా ప్రమోషన్ లో పాల్గొనలేదు అని తెలుసుకున్న ప్రేక్షకులు ప్రభాస్ ఇచ్చిన మాట మేరకు హనుమాన్ సినిమా ను ఏదో ఒక విధంగా ప్రమోట్ చేస్తాడు అని ఆశగా ఎదురుచూస్తున్నారు. ఇక సినిమా  ప్రి రిలీజ్ ఈవెంట్ లో ముఖ్యఅతిథిగా పాల్గొన్న చిరంజీవి థియేటర్ లు దొరకక బాధపడుతున్న మూవీ టీం కి ధైర్యం చెబుతూ కంటెంట్ బాగుంటే సినిమా హిట్ అవుతుంది అంటూ టీమ్ మెంబర్స్ లో ఉత్సాహాన్ని నింపారు.

ఈ సినిమాకి ఆశించిన స్థాయిలో సింగిల్ స్క్రీన్స్ దొరకకపోయినా మల్టీప్లెక్స్ లలో మాత్రం భారీ సంఖ్యలో స్క్రీన్స్ దక్కాయి. ఈ సినిమాకి పాజిటివ్ టాక్ వచ్చిందంటే మాత్రం సంచలనాలు సృష్టించడం ఖాయం అంటున్నారు సినీ క్రిటిక్స్. భారీ సినిమాల మధ్య విడుదలవుతున్న ఈ సినిమా  భవిష్యత్తు జనవరి 12న తెలిసిపోతుంది.

Newer Posts
Older Posts