Harika Page 172
Author

Harika

Hi, This is Harika. I have been working as a web content writer in Telugu Adda from the past one year and am experienced in writing articles in cinema, sports, inspiring stories and flash news categories.

Filmy AddaViral

వెనక్కి తిరిగి నిల్చున్న.. ఈ స్టార్ హీరో ఎవరో గుర్తు పట్టారా..?

by Harika
written by Harika

Tollywood: టాలీవుడ్ యంగ్ హీరో నితిన్ ప్రస్తుతం వక్కంతం వంశీ దర్శకత్వంలో సినిమా చేస్తున్న సంగతి తెలిసిందే.  షూటింగ్ ఇటీవల మారేడుమిల్లి అడవుల్లో ప్రారంభమైంది. ఈ సినిమాలోని నితిన్ మాస్ లుక్ ఫొటోను సోష‌ల్ మీడియాలో షేర్ చేశాడు. ఈ ఫోటో వైరల్ గా మారింది.

ఈ ఏడాది పూజా కార్యక్రమాలతో మొదలైన నితిన్ 32వ సినిమా సినిమా షూటింగ్ ఇటీవల మారేడుమిల్లి అడవుల్లో ప్రారంభమైంది. ఈ షూటింగ్ లో పాల్గొన్న నితిన్, మారేడుమిల్లి ఫారెస్ట్ లొకేషన్‌లో తీసిన ఫోటోను ట్విట్టర్ ద్వారా షేర్ చేశాడు. అయితే ఈ ఫోటోలో నితిన్ గుబురు గడ్డంతో మాస్ లుక్ లో, స్టైలిష్ గాగుల్స్‌తో బ్లాక్ షర్ట్ ధరించి, చెక్క వంతెన పై నడుస్తూ సైడ్ లుక్‌లో కెమెరాకు స్టన్నింగ్ పోజ్ ఇచ్చాడు నితిన్.
nitin-1-telugu-addaహీరో నితిన్ ఒక్క లుక్ తో ఈ సినిమా ఏ రేంజ్ లో ఉంటుందో అని హింట్ ఇచ్చాడని ఇండస్ట్రీలో టాక్. యాక్షన్ ఎంటర్‌టైనర్‌గా రూపొందుతున్న ఈ సినిమా తొలి షెడ్యూల్‌లో హీరో నితిన్‌ పై యాక్షన్ సన్నివేశాలను చిత్రీకరించనున్నారు వంశీ అండ్ టీం. శ్రేష్ట్ మూవీస్ బ్యానర్‌ పై సుధాకర్ రెడ్డి ఈ చిత్రాన్ని నిర్మిస్తున్నారు. ఈ సినిమాలో నితిన్ సరసన పెండ్లిసందడి ఫేమ్ శ్రీలీల కథానాయికగా నటిస్తోంది.
nithin-2 telugu addaమాచర్ల నియోజకవర్గం సినిమా నితిన్‌కి ఆశించిన విజయాన్ని అందించలేకపోయింది. దీంతో నితిన్ ఈసారి మంచి హిట్ కొట్టాలనే పట్టుదలతో ఉన్నాడని ఫ్రెష్ లుక్ తో చెబుతున్నాడు.నితిన్ ఈ చిత్రంలో మాస్ అవతార్‌లో కనిపించబోతున్నాడని అర్థమవుతోంది.అయితే ఈ సినిమాలో ఒక్క ఎపిసోడ్ నే ఇలా కనిపిస్తాడని, సినిమా కథ వేరని సమాచారం. నితిన్‌ ఒక్క సన్నివేశం కోసమే గెడ్డం పెంచాడని టాక్ వినపడుతోంది. కొన్ని రోజులు అడవుల్లో తొలి షెడ్యూలు పూర్తి చేసి, ఆ తరువాత షూటింగ్ ని హైదరాబాద్ కు షిప్ట్ చేస్తారని, ఈ గెటప్, ఈ సీన్ కు, మిగిలిన కథకు ఉన్న సంబంధం ఏమిటో తెలియాల్సి వుంది. ఈ సినిమాకు సంగీతం హారిస్ జ‌యరాజ్ అందిస్తున్నారు.

Politics

తెలంగాణ ఎన్నికల ఎగ్జిట్ పోల్స్ రిజల్ట్స్ అలా రావడానికి చంద్రబాబు అరెస్టే కారణమా….?

by Harika
written by Harika

తెలంగాణలో ఎన్నికల హడావిడి ముగిసింది. ఎన్నికల పూర్తవగానే పలు సంస్థలు తాము నిర్వహించిన సర్వేల ఆధారంగా ఎగ్జిట్ పోల్స్ విడుదల చేశాయి. డిసెంబర్ మూడో తారీఖున జరిగే ఎన్నికల కౌంటింగ్ లో వచ్చే రిజల్ట్స్ తమ సర్వేల కు దగ్గరగా ఉంటాయని చెబుతున్నాయి. అయితే ఒకటి రెండు సర్వేలు తప్ప మిగతావన్నీ కూడా కాంగ్రెస్ కి మెజారిటీ వస్తుందని చెప్పాయి.

తెలంగా ఎన్నికలపై ఇండియా టీవీ- సీఎన్ఎక్స్ నిర్వహించిన ఎగ్జిట్ పోల్స్ లో ఏకంగా 63 నుంచి 79 స్థానాలతో హస్తం పార్టీ జెండా ఎగురవేస్తుందని తేల్చింది. బీఆర్ఎస్- 31 నుంచి 47 స్థానాలకే పరిమితమౌతుందని అభిప్రాయపడింది. మూడోసారి ప్రభుత్వాన్ని ఏర్పాటు చేయడం గగనమేనని స్పష్టం చేసింది.


అయితే ఎగ్జిట్ పోల్స్ అంచనాలను నిజం చేస్తూ ఒకవేళ కాంగ్రెస్ పార్టీ అధికారం చేపడితే బీఆర్ఎస్ ఓటమికి ప్రధాన కారణాలు ఏంటి అంటూ ఇప్పటినుంచి విశ్లేషణ మొదలు పెడుతున్నారు.తెలుగుదేశం పార్టీ అధినేత, ఏపీ ప్రతిపక్ష నాయకుడు చంద్రబాబు నాయుడు అరెస్ట్ వ్యవహారం.. బీఆర్ఎస్ ఓటమికి దారి తీసిందనే అభిప్రాయాలు వ్యక్తమౌతోన్నాయి. ఏపీలో చంద్రబాబు అరెస్ట్ అయితే బీఆర్ఎస్ ఓడిపోవడమేంటీ?, ఏపీ రాజకీయాలు తెలంగాణను ప్రభావితం చేశాయా? అనే ప్రశ్నలకూ సమాధానాలు ఉన్నాయి.

లక్షలాది మంది ఏపీ ఓటర్లు తెలంగాణలో నివసిస్తోన్నారు. గ్రేటర్ హైదరాబాద్, ఖమ్మం వంటి జిల్లాల్లో వారి సంఖ్య అధికం. చాలా నియోజకవర్గాల్లో అభ్యర్థుల గెలుపోటములను తారుమారు చేయగలిగే సంఖ్యలో ఉన్నారు.చంద్రబాబు అరెస్ట్ వ్యవహారంపై బీఆర్ఎస్‌కు చెందిన కొందరు మంత్రులు చేసిన వ్యాఖ్యలు వారిలో ఆగ్రహాన్ని కలిగించాయని చెబుతున్నారు. ప్రభుత్వంపై ఉన్న వ్యతిరేకత దీనికి కారణమని చెప్పుకొస్తున్నారు. అయితే ఈ ఎన్నికల్లో తెలుగుదేశం పార్టీ పోటీ చేయలేదు. ఏ పార్టీకి మద్దతు ప్రకటించలేదు.

కానీ కాంగ్రెస్ పార్టీకి తెలుగుదేశం పార్టీ కార్యకర్తలు పని చేశారన్నది బహిరంగ విషయమే. దానికి కారణం ఒకప్పుడు టిడిపిలో పనిచేసిన రేవంత్ రెడ్డి ఇప్పుడు కాంగ్రెస్ అధ్యక్షుడిగా ఉండడం. రేవంత్ పై ఉన్న అభిమానం తెలుగుదేశం ఓట్లన్నీ కాంగ్రెస్ కి పడేలా చేశాయని అంటున్నారు. ఏది ఏమైనా ఈ సర్వేలు నిజమా కాదా అని తేలాలంటే ఎన్నికల ఫలితాలు వచ్చేవరకు వెయిట్ చేయాలి.

Also Read:బర్రెలక్క భవిష్యత్తు గురించి ఎగ్జిట్ పోల్స్ ఏం చెప్తున్నాయి.? ఎన్ని ఓట్లు రావచ్చు.?

NewsViral

మాయమైన 7 కేజీల బంగారం… డిప్యూటీ మేనేజర్ ఆత్మహ-త్య…!

by Harika
written by Harika

శ్రీకాకుళం జిల్లా గార మండల కేంద్రంలోని స్టేట్‌ బ్యాంక్‌ ఆఫ్‌ ఇండియా బ్రాంచ్‌లో బంగారం మాయమైంది. ఏకంగా ఏడు కిలోల బంగారు ఆభరణాలను మాయం చేసేశారు. అయితే ఈ ఘటన తర్వాత డిప్యూటీ మేనేజర్ స్వప్నప్రియ ఆత్మహత్య కలకలం రేపింది. అయితే బంగారు ఆభరణాలను డిసెంబర్ 8వ తేదీన అందజేస్తామని బ్యాంక్ అధికారులు తెలిపారు.

ఇప్పుడు డిప్యూటీ మేనేజర్ ఆత్మహత్య తర్వాత పోలీసులను ఆశ్రయించారు.గార ఎస్‌బీఐ బ్రాంచిలో ఖాతాదారులు కుదువపెట్టిన ఏడు కిలోల బంగారు ఆభరణాలు మాయమయ్యాయని.. వీటి విలువ రూ.4.07 కోట్ల పైబడి ఉంటుందని ఫిర్యాదు అందజేశారు.

బంగారం మాయం వ్యవహారం రోజుకో మలుపు తిరుగుతోంది. ఈ బంగారం మాయం వెనుక ఇంటి దొంగల పనేనని ఉన్నతాధికారులు పోలీసులకు ఫిర్యాదు చేయడం.. ఈలోపు ఒక మహిళా ఉద్యోగి ఆత్మహ-త్యకు పాల్పడడం సంచలనంగా మారింది.అయితే ఆభరణాలు కుదువపెట్టి రుణాలు తీసుకున్న ఖాతాదారులు డబ్బులు చెల్లించినా వాటిని తిరిగి ఇవ్వకపోవడంతో కొద్దిరోజులుగా అధికారులను ప్రశ్నిస్తున్నారు. ఈ క్రమంలో నగలు గల్లంతయ్యాయనే ప్రచారంతో నవంబరు 27న ఖాతాదారులు ఆందోళనకు దిగారు.శ్రీకాకుళం ప్రాంతీయ అధికారి టీఆర్‌ఎం రాజు బ్యాంకుకు చేరుకుని, ఆడిట్‌ కారణంగా ఆలస్యమవుతోందని.. బంగారం మాయమైందనే వదంతులు నమ్మవద్దని ఖాతాదారులకు చెప్పారు.

డిసెంబరు 8 వరకు వేచి ఉంటే ఆభరణాలకు అప్పగిస్తామని హామీ ఇచ్చారు. ఇంతలో బ్యాంకులో బంగారంపై రుణాలిచ్చే బాధ్యతలు చూసే డిప్యూటీ మేనేజరు ఉరిటి స్వప్నప్రియ నవంబరు 29న ఆత్మహత్యకు పాల్పడ్డారు. ఆమె ఎలుకల మందు తాగి ఆత్మహ-త్యాయత్నానికి పాల్పడ్డారు. చికిత్స పొందుతూ మంగళవారం ఉదయం చనిపోయారు.
మనస్తాపంతో స్వప్నప్రియ ఆత్మహ-త్యకు పాల్పడినట్లు తల్లి శ్రీకాకుళం రెండో పట్టణ పోలీసు స్టేషన్‌లో ఫిర్యాదు చేశారు. ఈ మేరకు కేసు నమోదు చేసి దర్యాప్తు చేస్తున్నారు.


ఈలోపు ఖాతాదారుల్లో అనుమానాలు మరింత ఎక్కువయ్యాయి. దీంతో బ్యాంకు అధికారులు గురువారం పోలీసులను ఆశ్రయించారు. ఈ ఘటనలో తమ ఉద్యోగులపైనే అనుమానం ఉందని బ్యాంకు ప్రాంతీయ అధికారి రాజు, బ్రాంచ్ మేనేజర్ రాధాకృష్ణ పోలీసులకు ఫిర్యాదు చేశారు. రూ.4.07 కోట్ల విలువైన 7 కేజీల ఆభరణాలు కనిపించడంలేదని అందులో పేర్కొన్నారు.దీంతో గార ఎస్‌ఐబీలో రుణాలు తీసుకున్న సుమారు 2400 మంది ఖాతాదారుల్లో ఒక్కసారిగా ఆందోళన మొదలైంది. బంగారం పరిస్థితి ఏంటని ఆవేదన వ్యక్తం చేస్తున్నారు. ఏకంగా ఏడు కేజీల బంగారం కనిపించకుండాపోవడం చర్చనీయాంశమైంది.

 

Also Read:రైలులో మహిళతో వ్యక్తి అనుచిత ప్రవర్తన… ఆ మహిళ ఏం చేసింది అంటే…?

NewsPolitics

TS EXIT POLL RESULTS: బర్రెలక్క భవిష్యత్తు గురించి ఎగ్జిట్ పోల్స్ ఏం చెప్తున్నాయి.? ఎన్ని ఓట్లు రావచ్చు.?

by Harika
written by Harika

కొల్లాపూర్ అసెంబ్లీ నియోజకవర్గం .. దీని గురించి పెద్దగా తెలియని వాళ్లకు కూడా బర్రెలక్క కారణంగా బాగా తెలిసే ఉంటుంది. ఇంతకీ స్వతంత్ర అభ్యర్థిగా పోటీ చేసిన కర్నె శిరీష అలియాస్ బర్రెలక్క.. భవిష్యత్తు ఏమిటి అనే విషయంపై ఎగ్జిట్ పోల్స్ ఏం చెబుతున్నాయో తెలుసా? బర్రెలక్క గెలుపు ఓటముల పై బేరీజు వేస్తూ జరిగిన ఆరా మస్తాన్ సర్వే వివరాలను వెల్లడించింది. ఈ వివరాల ప్రకారం బర్రెలక్కకు 15 వేల ఓట్లు రావచ్చని సర్వే పేర్కొంది.

ఈ డేటా ప్రకారం బర్రెలక్క గెలుస్తుందా లేదా అనేదానికంటే కూడా గట్టి పోటీని ఇస్తుంది అని మాత్రం కచ్చితంగా తెలుస్తుంది. ఈ సర్వే ప్రకారం కాంగ్రెస్ అభ్యర్థి జూపల్లి కృష్ణారావు గెలిచే అవకాశం ఉందని తెలుస్తుంది.
ఇక బర్రెలక్క అలియాస్ కర్నె శిరీష..పెద్దకొత్తపల్లి మండలం మరికల్ గ్రామంలో తన ఓటు హక్కును వినియోగించుకుంది.మర్రికల్ గ్రామంలోని బూత్ నెంబర్ 12 లో బర్రెలక్క ఓటు వేసింది. హైకోర్టు ఆదేశాల మేరకు ఆమెకు ఈసీ సెక్యూరిటీ కూడా ఇచ్చారు.

సెక్యూరిటీతో పోలింగ్ బూత్ వద్దకు వచ్చి తన ఓటు హక్కు వినియోగించుకున్న తర్వాత..బర్రెలక్క మీడియాతో మాట్లాడింది. ప్రతి ఒక్కరూ తప్పకుండా తమ ఓటు హక్కు వినియోగించుకొని.. ప్రజాస్వామ్యాన్ని కాపాడాలి అని ఈ సందర్భంగా ఆమె పిలుపునిచ్చింది. సర్వే విషయం పక్కన పెడితే బర్రెలక్క మాత్రం తన గెలుపు పై కాన్ఫిడెంట్ గా ఉన్నట్టు కనిపిస్తోంది. మరి ఫలితాలు ఎవరి పక్కన ఉంటాయో రిజల్ట్స్ వచ్చాక తెలుస్తుంది..

తెలంగాణ అసెంబ్లీ ఎలెక్షన్ల పై సుమారు 20 దాకా సర్వే సంస్థలు వారు నిర్వహించిన ఎగ్జిట్‌ పోల్స్‌ ను విడుదల చేశారు. అయితే వాటిలో పదిహేనుకు పైగా సర్వేలు ఈ అసెంబ్లీ ఎలెక్షన్స్ లో కాంగ్రెస్ ముందుంజలో ఉన్నట్టుగా వెల్లడించాయి. కొన్ని సంస్థలు మాత్రమే అధికార పార్టీ బీఆర్‌ఎస్‌దే విజయం అని తెలిపాయి. ఎగ్జిట్‌ పోల్స్‌ చాలా వరకు కాంగ్రెస్‌ కంటే బీఆర్‌ఎస్‌ వెనుకబడిందని వెల్లడించడంతో తుది ఫలితాల్లో కూడా ఇదే నిజమయ్యే అవకాశం లేకపోలేదని రాజకీయ పండితులు సైతం అభిప్రాయడుతున్నారు.

Filmy AddaMovie Reviews

DHOOTHA REVIEW: నాగచైతన్య నటించిన “దూత” వెబ్ సిరీస్ ఎలా ఉంది.? స్టోరీ, రివ్యూ & రేటింగ్.!

by Harika
written by Harika

అక్కినేని యువ కథానాయకుడు నాగచైతన్య మొదటిసారి దూతా వెబ్ సిరీస్ తో ఓటిటి లోకి ఎంట్రీ ఇస్తున్నాడు. ఎప్పుడూ వైవిధ్యాన్ని కోరుకునే నాగచైతన్య దూతతో ఒక కొత్త ప్రయోగాన్ని చేశాడని చెప్పాలి. నాగచైతన్యతో మనం, థాంక్యూ మూవీలను తెరకెక్కించిన దర్శకుడు విక్రమ్ కె కుమార్ డైరెక్షన్ లో ఈ దూత వెబ్ సిరీస్ వచ్చింది. అమెజాన్ ప్రైమ్ లో స్టీమ్ అవుతున్న ఈ వెబ్ సిరీస్ ప్రేక్షకులు ఆకట్టుకుందో లేదో చూద్దాం…!

చిత్రం: దూత
నటీనటులు: నాగచైతన్య, ప్రియా భవాని శంకర్, పార్వతి తిరువోతూ, తరుణ్ భాస్కర్, రోహిణి, తనికెళ్ల భరణి తదితరులు.
దర్శకుడు: విక్రమ్ కె కుమార్
నిర్మాత:శరత్ మారార్
సంగీతం: ఇషాన్ చాబ్రా
సినిమాటోగ్రఫీ: మికోలాజ్ సైగులా
విడుదల తేదీ:డిసెంబర్ 1

కథ:
సాగర్ (నాగచైతన్య) మొదట జర్నలిస్టుగా తన ప్రస్థానాన్ని ప్రారంభించి అనంతరం సమాచార్ పత్రికకు చీఫ్ ఎడిటర్ గా ఎదుగుతాడు. దీంతో సాగర్ చాలా ఉప్పొంగిపోతాడు. అయితే తన జీవితంలో వరుస విషాదాలు చోటు చేసుకోవడంతో అతని ఆనందం ఎక్కువ కాలం నిలవదు. అయితే ఆశ్చర్యకరమైన విషయం ఏంటంటే కొన్ని వార్తాపత్రికలు క్లిప్పింగ్ లు ఈ విషాదాలను ముందుగానే అంచనా వేస్తాయి. మరి అది ఎలా సాధ్యమైంది, సాగర్ కి తన ప్రొఫెషన్ లో శత్రువులు ఎవరైనా ఉన్నారా? మరి చివరిగా ఆ వార్తాపత్రికలు వెనుక రహస్యాన్ని సాగర్ ఎలా చేదించగలిగాడు? అనేది దూత వెబ్ సిరీస్ చూసి తెలుసుకోవాలి.

విశ్లేషణ:
దర్శకుడు విక్రమ్ కె కుమార్ సినిమాలు చూస్తే ఒక చిన్న పాయింట్ తీసుకుని దాని చుట్టూరు కథనం అల్లి ప్రేక్షకులను థ్రిల్ చేస్తాడు. దూత కథ ఏమిటనేది అయిదారు ఎపిసోడ్ ల తర్వాత గాని క్లారిటీ రాదు.అప్పటివరకు కథ గురించి ఆలోచించే అవకాశాన్ని ప్రేక్షకులకు డైరెక్టర్ ఇవ్వలేదు. ఏదో ఒక మ్యాజిక్ చేస్తూ ముందుకు వెళ్లాడు. మొదటి ఎపిసోడ్ లో కాసేపటికి కథలోకి వెళ్ళాడు. కళ్ళ ముందు కనిపించే పాత్రలతో ప్రయాణం చేసేలా చేశారు. ఫ్లాష్ బ్యాక్ వచ్చేవరకు ఉత్కంఠను కంటిన్యూ చేశారు. దూతలో దెయ్యం లేదు కానీ కంటికి కనిపించని అతీంద్రియ శక్తి ఉందని చెప్పారు. రెగ్యులర్ హర్రర్ నేపథ్యంలో సంగీతంతో భయపట్టే ప్రయత్నం చేయలేదు కానీ కంటికి కనిపించని పాత్రలను ఫీలయ్యేలా చేశారు.

చిన్న చిన్న చమక్కులతో, మెరుపులతో ఆసక్తి సన్నగిల్లకుండా చూశారు. కొన్ని సీన్లలో విక్రమ్ డీటెయిల్ సామాన్య ప్రేక్షకులను సైతం గమనించేలా ఉంటుంది.ఐదారు ఎపిసోడ్లు వరకు సస్పెన్షన్ మెయింటైన్ చేసి తర్వాత కథను ముగింపు దశకు తీసుకురావడానికి డైరెక్టర్ చాలా స్వేచ్ఛ తీసుకున్నాడు. క్యారెక్టర్ లను కనెక్ట్ చేసిన విధానం కాస్త సినిమాటిక్ టైప్ లో ఉంటుంది. ఒక్కో ఎపిసోడ్ నిడివి 40 నుంచి 50 నిమిషాల మధ్య ఉండడం కూడా కాస్త మైనస్ అని చెప్పాలి. ఈ దూత సీరీస్ చూస్తునంత సేపు విక్రమ్ కుమార్ తీసిన 13B ఛాయలు కనిపిస్తాయి. మీడియాలో అవినీతి కొత్త కాదు కానీ దాన్ని ప్రధాన అంశంగా తీసుకున్న డైరెక్టర్ క్లాస్ పీక లేదు. జర్నలిజం, రాజకీయం, పోలీసు వ్యవస్థల్లో ఉన్న మంచి చెడులను చూపించారు.


ఇక టెక్నికల్ గా చూసుకుంటే దూత ఉన్నత స్థాయిలో ఉంది. సినిమాటోగ్రఫీ టాప్ క్లాస్ లో ఉంది. సంగీతం కూడా కథకి తగ్గట్టుగా ఉంది.నిర్మాణ విలువలు బాగున్నాయి. ఇక నటీనటుల విషయానికొస్తే నాగచైతన్యది పాజిటివ్ రోల్ అని చెప్పలేము, అలాగని నెగిటివ్ కూడా కాదు. గ్రేషేడ్స్ ఉన్నాయి.యాక్టింగ్ స్కోప్ ఎక్కువగా ఉంది. లుక్స్ నుంచి ఎక్స్ప్రెషన్ వరకు చైతన్య ఇంప్రెస్ చేశాడు. పార్వతి నటన ఆకట్టుకుంటుంది, ఎస్పీ క్రాంతి గా ఒదిగిపోయింది. మిగతా పాత్రలు పరిమితమే కానీ ఉన్నంతలో బాగా నటించారు. ఇతర సపోర్టింగ్ ఆర్టిస్టులు కూడా కొన్నిచోట్ల ఆశ్చర్యపరుస్తారు.

రేటింగ్: 3/5

ఫైనల్ గా : దూత మొదలైన 15 నిమిషాల్లో ఆ ప్రపంచంలోకి ప్రేక్షకులు వెళతారు. థ్రిల్లర్ జానర్ ఫిలిమ్స్ ను ఎంజాయ్ చేసే ప్రేక్షకులకు ఇది మంచి ఆప్షన్. నిడివి కాస్త ఎక్కువైనా కూడా డీసెంట్ సూపర్ నేచురల్ థ్రిల్లర్ గా ఆకట్టుకుంటుంది.

 

Watch Trailer:

Filmy Adda

మహేష్ బాబు యానిమల్ సినిమా చేస్తే ఇలాగే ఉంటుందా..?ఈ వీడియో చూశారా..?

by Harika
written by Harika

తెలుగు సెన్సేషనల్ డైరెక్టర్ సందీప్ రెడ్డి వంగా డైరెక్షన్ లో బాలీవుడ్ సూపర్ స్టార్ రణబీర్ కపూర్, రష్మిక మందన జంటగా వస్తున్న చిత్రం యానిమల్.ఈ చిత్రం డిసెంబరు ఒకటో తారీఖున ప్రపంచ వ్యాప్తంగా విడుదల కానుంది. ఇప్పటికే ఈ సినిమా నుండి వచ్చిన ట్రైలర్లు, పాటలు బాగా ఆకట్టుకున్నాయి. అయితే తెలుగులో తాజాగా ఫ్రీ రిలీజ్ ఈవెంట్ జరిగింది.ఈవెంట్ గా చీఫ్ గెస్ట్ లుగా రాజమౌళి, మహేష్ బాబులు హాజరయ్యారు.

యానిమల్ సినిమా కథను డైరెక్టర్ సందీప్ రెడ్డి వంగా ముందుగా మహేష్ బాబుకు చెప్పినట్లు వార్తలు వచ్చాయి. అయితే అది ఈ కథ కాదని వేరే కథ అంటూ డైరెక్టర్ క్లారిటీ ఇచ్చారు. తాజాగా మహేష్ బాబు యానిమల్ సినిమాలో యాక్ట్ చేస్తే ఎలా ఉంటుంది అంటూ ఒకరు డీప్ ఫేక్ వీడియోను సృష్టించి సోషల్ మీడియాలో పెట్టారు.

యానిమల్ ట్రైలర్ ని రణబీర్ కపూర్ స్థానంలో మహేష్ బాబును పెట్టి విడుదల చేస్తారు. ఈ సినిమాలో అనిల్ కుమార్ పాత్రలో ప్రకాష్ రాజుని బాబీ డియోల్ పాత్రలో సోను సూద్ ని రీప్లేస్ చేశారు. అయితే ఈ వీడియో ఇప్పుడు విపరీతమైన క్రేజ్ సంపాదించుకుంది. రెండు రోజుల్లో 40 వేల లైక్స్ వచ్చాయి అంటే ఈ వీడియో ఎంత వైరల్ అయిందో అర్థం చేసుకోవచ్చు.అయితే ఈ వీడియోకి మిశ్రమ స్పందన వచ్చింది. పలువురు రకరకాలుగా కామెంట్లు చేశారు. ఒకరైతే రణబీర్ కపూర్ ల మహేష్ బాబు గడ్డం పెంచలేరని కామెంట్ చేశారు.

మరొకరైతే కేజిఎఫ్ హీరో యాష్ అయితే భలే ఉంటాడు అంటూ కామెంట్ చేశారు. అయితే ఇలాంటి ఎగ్ రైస్ పాత్రను మహేష్ బాబు గతంలో కూడా చేశారు ఈ పాత్రను మహేష్ బాగా చేయగలరు అంటూ పలువురు కామెంట్ చేశారు.అయితే కొందరు ఈ వీడియో ఎడిటింగ్ పైన కూడా నెగటివ్ కామెంట్ లు చేస్తున్నారు.ఇది ఇలా ఉంటే యానిమల్ సినిమాకి తెలుగు రాష్ట్రాల్లో విపరీతంగా క్రేజ్ పెరిగింది. రాజు ఈ సినిమాని భారీ స్థాయిలో రిలీజ్ చేస్తున్నారు. అర్జున్ రెడ్డి సినిమాను మించి యానిమల్ హిట్ అవుతుందని అంచనా వేస్తున్నారు.

Watch Video:

https://www.instagram.com/reel/C0HJNQmPA5q/?utm_source=ig_embed&ig_rid=da3fb802-99b6-432c-b3e8-036471e16f7d

Also Read:రాధ కూతురికి ఎంత కట్నం ఇచ్చారో తెలుసా..?

serials

“కృష్ణ ముకుంద మురారి” సీరియల్ లో కొత్త ట్విస్ట్..! అసలు ఏం జరుగుతోంది..?

by Harika
written by Harika

కృష్ణ ముకుంద మురారి సీరియల్ ప్రజెంట్ ఎపిసోడ్ లో మురారి కి నిద్రలో తన గతానికి సంబంధించిన ఒక విషయం గుర్తొస్తుంది. కృష్ణను తాను ఎంతగా ప్రేమించింది కృష్ణ తనకు ఐ లవ్ యు చెప్పిన సంగతి గుర్తొస్తాయి. కృష్ణ గురించిన ఆలోచనలను ఆమెను పేరును గట్టిగా పిలుస్తూ ఉలిక్కిపడి నిద్ర నుంచి లేస్తాడు.

ఆ పిలుపు విని ముకుంద కంగారుగా అతని బెడ్ రూమ్ లోకి వస్తుంది. మురారికి గతం గుర్తొచ్చిందని కంగారు పడుతుంది. మరోవైపు నిద్రలో తాను ఎవరి పేరు పలకరించాను గుర్తు రాక మురారి సంఘర్షణకి లోను అవుతాడు. తన పేరే పిలిచావని మురారిని నమ్మిస్తుంది ముకుందా.

ఇదివరకు బృందావనంలో ఏ గొడవలు లేకుండా సంతోషంగా ఉన్న ఇంటిని నువ్వే నరకంగా మార్చావని ముకుందపై రేవతి ఫైర్ అవుతుంది. మురారి జీవితాన్ని సర్వనాశనం చేశావని కోప్పడుతుంది. వెంటనే ముకుందా రివర్స్ ఎటాక్ చేస్తుంది. అన్ని నేనే చేసా, మురారి చనిపోయాడని బాడిని నేను ఇంటికి తెచ్చాను అంటూ తాను వేసిన ప్లాన్ మొత్తం రేవతికి చెప్పేస్తుంది.ఇవన్నీ చేసింది నేనే అని మీరు నమ్ముతున్నారు కానీ నేను కాదు చేసింది కృష్ణ. మీ కోడలు చేయలేదని నిరూపించిన తర్వాత నేను మీతో మాట్లాడతానని వెళ్ళిపోతుంది.

కృష్ణని ఇంట్లో నుంచి భవాని పెద్దమ్మ పంపించేస్తుందని మురారి అనుమాన పడతాడు. ఆమె ఇంటికి దూరమైతే తాను బతకగలనా అనుకుంటాడు. అప్పుడే భవాని అక్కడికి వస్తుంది. నీకు గతం గురించి చెప్పొద్దు అనుకున్న కానీ ఇప్పుడు జరుగుతున్న పరిస్థితులు చూసి చెప్పడం తప్ప లేదని మురారితో అంటుంది భవాని. మురారికి పెళ్లైన విషయాన్ని దాచేస్తుంది భవాని. నువ్వు ముకుందా ప్రేమలో ఉన్నావని అబద్ధం ఆడుతుంది. ముక్కుందా నువ్వు ప్రేమించుకున్నారని అంటుంది. కానీ భవాని మాటలను మురారి నమ్మడు.

నువ్వు వేణి మాయలో పడ్డావు, అందుకే మమ్మల్ని మర్చిపోయావు. నీకు ద్రోహం చేసిన వారిని మాటలు నమ్ముతున్నావని మురారి కి క్లాస్ పీకుతుంది భవాని. నువ్వే సర్వస్వని నమ్మి నీకు గతం గుర్తు రావాలని నీకోసం ఆశగా ఎదురు చూస్తున్న ముకుంద పరిస్థితి ఏమిటని నిలదీస్తుంది. నా ఆరోగ్యం బాగుపడాలంటే కృష్ణను కలవడం మానేయమని మురారి కి సలహా ఇస్తుంది.భవాని ఎంత చెప్పినా తన మాటలు మురారి నమ్మడు.తమ పెళ్లి ఫోటో చూస్తూ కృష్ణ ఎమోషనల్ అవుతుంది. మురారి కి గతం గుర్తొస్తూనే అన్ని సమస్యలు సాల్వ్ అవుతాయని అనుకుంటుంది. అనుకోకుండా అక్కడికి ఎంట్రీ ఇచ్చిన ముకుంద కృష్ణ చేతిలో ఉన్న ఫోటో లాక్కుంటుంది.

ఆ ఫోటో చూస్తే కృష్ణ మురారిల బంధం బయటపడే అవకాశం ఉంది కనుక ముకుంద కంగారు పడుతుంది. ఫోటో కాల్చడానికి ప్రయత్నిస్తుంది. కొంచెం కాలిన తర్వాత ఫోటో లాక్కుంటుంది కృష్ణ. నువ్వు ఫోటోలు మాత్రమే కాల్చగలవు కానీ నా మనసులో ఉన్న ముద్రని ఎవరూ చెరపలేరు అంటుంది. మురారి మనసులో తాను మాత్రమే ఉన్నానని చెబుతుంది. తనక గతానికి సంబంధించి ఇంట్లో ఏమైనా ఆధారాలు దొరుకుతాయా అని ఇల్లు మొత్తం వెతుకుతాడు మురారి. కృష్ణ మురారి ఫోటోలు ఒకటి కూడా కనిపించకుండా అన్నీ మాయం చేస్తుంది ముకుందా.

Also Read:ఆర్జీవి కలల రాణి ఇంత పద్ధతిగా మారిపోయింది ఏంటి..? ఎవరో గుర్తు పట్టారా.?

News

ఉత్తరాఖండ్ టన్నెల్ రెస్క్యూ లో ఈ వ్యక్తి గురించి మాట్లాడుకుంటున్నారు..! ఇతను ఎవరంటే..?

by Harika
written by Harika

ఉత్తరాఖండ్ లోని సిల్క్ యార టన్నెల్ ఆపరేషన్ సక్సెస్ అయింది. 17 రోజుల తర్వాత 41 మంది కార్మికుల సొరంగా నుండి బయటకు వచ్చారు. ర్యాట్ హోల్ మైనర్లు అంటే బొగ్గు గనుల్లో సన్నని మార్గాలను తవ్వడంలో నిపుణులు అద్భుతం చేశారు.సోమవారం రాత్రి నుండి మెరుపు వేగంతో తవ్వకాలు చేపట్టిన 12 మంది 57 మీటర్లు డ్రిల్లింగ్ పూర్తి చేసి కూలీలు ఉన్న ప్రాంతానికి చేరుకున్నారు. ఆ తర్వాత గొట్టాన్ని పంపించి అందులో నుంచి కార్మికులను ఒక్కొక్కరిగా బయటకు తీసుకొచ్చారు.

ఈ సిల్క్ యారా సొరంగంలో నవంబర్ 12న కార్మికులు పనులు చేస్తుండగా టన్నెల్ కొంత భాగం ఒక్కసారిగా కప్పు కూలింది. దీంతో 41 మంది కూలీలు అందులో చిక్కుకున్నారు. రెండు కిలోమీటర్లు పొడవైన సొరంగం ముందు భాగంలో 200 మీటర్ ల మూసుకుపోవడంతో బయటకు వచ్చే మార్గం లేకుండా పోయింది.

ఈ కార్మికులను కాపాడేందుకు రెస్క్యూ సిబ్బంది 17 రోజులుగా అలుపెరగని పోరాటం చేశారు. తొలుత సొరంగలోకి రంధ్రం చేసి బయట నుండి తాగునీరు, ఆహారం, ఔషధాలు అన్ని పంపించారు. వారితో మాట్లాడి ధైర్యం చెప్పారు.అయితే ఈ ర్యాట్ హోల్ మైనర్ బృందంలోని మున్నా ఖురేషి అనే వ్యక్తి ఈ ఆపరేషన్ లో హీరోగా నిలిచాడు. 29 ఏళ్ల ఈ రాట్ హోల్ మైనర్ ఢిల్లీలోని ఒక ఇంజనీరింగ్ కంపెనీలో పని చేస్తున్నాడు. ఆ కంపెనీ వాటర్ లైన్స్ లో ఇరుక్కున్న మురికిని తొలగిస్తూ ఉంటుంది. 12 మీటర్ల సొరంగాన్ని తవ్వేందుకు ఒక డజన్ మంది ర్యాట్ హోల్ మైనర్లను ఉత్తరాఖండ్ తీసుకువచ్చారు.

మామూలుగా అయితే ఈ పద్ధతి ని 2014లో బ్యాన్ చేశారు. బొగ్గు తవడంలో ఇది అనుకూలంగా లేదని బ్యాన్ చేశారు.43 మంది కార్మికులు ఇరుక్కున్న సొరంగంలో ఆఖరి అడ్డును తొలగించింది మున్నా ఖురేషినే. ఒక్కసారిగా మున్నా ఖురేషిని చూసిన 41 మంది కార్మికులు అతన్ని హత్తుకుని కృతజ్ఞతలు తెలియజేసినట్లుగా తెలిపాడు. వాళ్లు ఇతనికి బాదం పప్పులు కూడా అందించారట. సొరంగం తవ్విన తర్వాత NDRF బృందాలు వచ్చేంతవరకు కూడా అరగంట పాటు కార్మికులతో కలిసి ఈ మైనర్ బృందం అక్కడే ఉన్నారు.

 

Also Read:ఈ ఫోటోలో ఉన్న ఈ యంగ్ “మెగా హీరో” ని గుర్తు పట్టారా..?

EventsNews

భారతదేశంలోనే పెళ్లి చేసుకోండి అని నరేంద్ర మోడీ ఎందుకు చెప్పారు..? ఇలా చేయడం వల్ల ఏం జరుగుతుంది..?

by Harika
written by Harika

విదేశాలతో పోలిస్తే భారత్ లో జరిగే పెళ్లిళ్లు చాలా ప్రత్యేకంగా ఉంటాయి. విదేశాలలో చాలా సింపుల్ గా పెళ్లి జరిగిపోతుంది. కానీ భారత్ లో అలా కాదు పెళ్లి అనేది లైఫ్ లో ఒక్కసారి వచ్చే ఈవెంట్ కాబట్టి భారీగా ఖర్చు చేస్తారు. లక్ష రూపాయల నుండి కోట్ల రూపాయల వరకు పెళ్లికి ఖర్చు చేసే వారు ఉంటారు. అయితే చాలామంది ధనవంతులు ఇటీవల పెళ్లిళ్ల కోసం భారత్ లో కాకుండా డెస్టినేషన్ వెడ్డింగ్ అంటు విదేశాలకు వెళ్తున్నారు.

తాజాగా నరేంద్ర మోడీ మనకి బాత్ కార్యక్రమంలో డెస్టినేషన్ వెడ్డింగ్స్ పైన ఆందోళన వ్యక్తం చేసి భారత్ లోనే పెళ్లి చేసుకోవాలని విజ్ఞప్తి చేశారు. అసలు మోడీ అలా ఎందుకు చెప్పారో తెలుసుకుందాం…!


మన దేశ రాజధాని ఢిల్లీలోనే పెళ్లిళ్ల సీజన్‌లో నాలుగు లక్షల వివాహాలు జరుగుతున్నాయి. ఈ మొత్తం పెళ్లిళ్లకు అయ్యే ఖర్చు రూ. 1.25 లక్షల కోట్లు ఉంటుందని అంచనా.ఈ పెళ్లిళ్ల కారణంగా మన దేశంలో రూ.1.25 లక్షల కోట్ల వ్యాపారం జరుగుతుంది. వాణిజ్య సంస్థ CAT అంచనాల ప్రకారం.. ఈ ఏడాదిలో ఒక పెళ్లికి రూ.3 లక్షల వ్యయం చొప్పున దాదాపు 7 లక్షల వివాహాలు జరుగుతాయి. అలాగే.. రూ.6 లక్షల ఖర్చు చొప్పున 8 లక్షల వివాహాలు, రూ. 10 లక్షల ఖర్చు చొప్పున 10 లక్షల వివాహాలు జరుగుతాయని చెప్పింది.

అంతేకాదు.. రూ.15 లక్షల ఖర్చు చొప్పున 7 లక్షల వివాహాలు, రూ.25 లక్షలు చొప్పున 50 వేలు, రూ.50 లక్షలు ఖర్చయ్యే ఐదు లక్షల పెళ్లిళ్లు, ఒక 1 కోటి లేదా అంతకంటే ఎక్కువ ఖర్చు వివాహాలు 50 వేలు జరుగుతాయి. ఒకవేళ ఈ పెళ్లిళ్లన్ని భారతదేశం వెలుపల విదేశాల్లో జరిగితే మాత్రం.. ఆ డబ్బంతా విదేశాలకు వెళ్తుంది. దీంతో.. భారత ఆర్థిక వ్యవస్థ బాగా దెబ్బతింటుంది. డెస్టినేషన్ వెడ్డింగ్ వల్ల పెళ్లి ఖర్చులో 50% మాత్రమే భారత్ కి వస్తుంది మిగతాదంతా విదేశాలకు వెళ్ళిపోతుంది. అలాగే పెళ్లి ఈవెంట్ పైన ఎందరో ఆధారపడి జీవిస్తున్నారని వారందరికీ జీవన ఉపాధి కోల్పోతుందని మ్యారేజ్ ఈవెంట్స్ వారు చెబుతున్నారు.

ఇప్పుడు మన భారతదేశంలో ధనవంతుల సంఖ్య వేగంగా పెరుగుతోంది. 2022లో రూ.8 కోట్లు లేదా అంతకంటే ఎక్కువ నికర విలువ కలిగిన సంపన్నుల సంఖ్య 7,97,714కు చేరింది. 2027 నాటికి ఇది 16,57,272కి పెరుగుతుందని అంచనా వేస్తున్నారు. ఈ సంపన్నులందరూ డెస్టినేషన్ వెడ్డింగ్‌పైనే ఎక్కువ మక్కువ చూపుతున్నారని CAT సంస్థ భావిస్తోంది. ఈ సంపన్నులంతా విదేశాలకు వెళ్లి పెళ్లిళ్లు చేసుకుంటే.. భారత్ ఆర్థిక వ్యవస్థ తప్పకుండా దెబ్బతింటుంది. అందుకే.. ప్రధాని మోదీ డెస్టినేషన్ వెడ్డింగ్స్ చేసుకోవద్దని ప్రత్యేకంగా కోరారు.

 

Also Read:ఎన్నికల ఇంక్” గురించి ఈ విషయాలు తెలుసా.? 10 రోజులైనా ఎందుకు మరక పోదు.?

 

Filmy Adda

“హీరోయిన్స్ తో పార్టీలు చేసుకుంటాడు..!” అంటూ… “చిరంజీవి” మీద “మన్సూర్ అలీ ఖాన్” కామెంట్స్..!

by Harika
written by Harika

తమిళ్ లో గత 20 రోజులుగా వార్తల్లో నానుతున్న మన్సూర్ అలీ ఖాన్ త్రిషాల వివాదం రోజురోజుకు మలుపు తిరుగుతూ ఇప్పుడు టాలీవుడ్ ఇండస్ట్రీ పైన పడింది. బురదలో రాయి వేస్తే ఆ బురద మన మీదే పడుతుంది అన్నచందంగా ఇది ఉంది. తాజాగా మన్సూర్ చిరంజీవిపై చేసిన వ్యాఖ్యలు మరోసారి హాట్ టాపిక్ గా మారాయి.

ఇప్పటికే ఈ వివాదంలో త్రిష, ఖుష్బూ చిరంజీవి పైన పరువు నష్టం దావా వేస్తానంటూ ప్రకటించిన మన్సూర్ ఇప్పుడు మెగాస్టార్ చిరంజీవి పైన సంచలన వ్యాఖ్యలు చేస్తూ వార్తల్లో నిలిచాడు.

mansoor ali khan reply to trisha comments

నేను మూడు దశాబ్దాలుగా ఇండస్ట్రీలో ఉన్నానని చిరంజీవితో సినిమాలు చేశానని ఆయన లాంటి స్టార్ నటుడు అసలు వాస్తవాలు ఏంటో తెలుసుకోకుండా నాపై సామాజిక మాధ్యమాల్లో ఇలా వ్యాఖ్యలు చేయడం సరికాదు అని అన్నాడు. నాపై కామెంట్ చేసేటప్పుడు నన్ను అడిగి అసలు జరిగిందేంటో తెలుసుకుని మాట్లాడితే బాగుండేదని ఫైర్ అయ్యాడు.ఇక్కడితో ఆగకుండా చిరంజీవి నాటి కథానాయికలతో మాత్రమే పార్టీలు చేసుకుంటాడని, నన్ను ఎప్పుడు పిలవలేదని సంచలన కామెంట్లు చేశాడు.

the scene which chiranjeevi directed in bigboss movie..!! అది ఆయన ఇష్టమని, చిరంజీవి నిజమేంటో తెలుసుకాకుండా కామెంట్లు చేయడం బాధ అనిపించిందని అందుకే ఆయన పైన 20 కోట్లు, త్రిష, ఖుష్బూలపై చెరో పది కోట్లు పరువు నష్టం దావా వేస్తున్నట్లు ప్రకటించాడు. ఆ డబ్బును తమిళనాడులో ఇటీవల మద్యం తాగి మృతి చెందిన వారి కుటుంబానికి పంచుతానని అన్నాడు. వారిని ఎట్టి పరిస్థితుల్లోనూ వదిలిపెట్టేది లేదన్నాడు. ఇప్పుడు మన్సూర్ చేసిన వ్యాఖ్యలు సోషల్ మీడియాలో ట్రెండింగ్ అయ్యాయి.అయితే త్రిషకి మద్దతుగా తెలుగు, తమిళ ఇండస్ట్రీ నుండి చాలామంది ముందుకు వచ్చారు. వాళ్లందరిని వదిలేసి  ఒక్క చిరంజీవి పైనే ఈ వ్యాఖ్యలు చేయడం చర్చనీయాంశం అయింది. మన్సూర్ అలీ ఖాన్ కావాలనే టార్గెట్ చేస్తున్నాడని చిరంజీవి అభిమానులు అంటున్నారు.

Watch Video:

https://twitter.com/Movies4u_Officl/status/1729369439412326645?ref_src=twsrc%5Etfw%7Ctwcamp%5Etweetembed%7Ctwterm%5E1729369439412326645%7Ctwgr%5E8d2dec95960951ca92bb44176373de7214ef96f7%7Ctwcon%5Es1_&ref_url=https%3A%2F%2Fprathidvani.com%2Fwp-admin%2Fpost.php%3Fpost%3D18025action%3Dedit

Also Read:కార్తీ “ఖైదీ” సినిమాలో ఈ పొరపాటు గమనించారా..? అది కూడా తెలుగులో మాత్రమే..!

Newer Posts
Older Posts