Harika

విజయ్ దేవరకొండ హీరోగా నటించిన ఫ్యామిలీ స్టార్ సినిమా ఇప్పుడు అమెజాన్ ప్రైమ్ లో విడుదల అయ్యింది. సినిమాలో కొన్ని సీన్స్ మీద చాలా కామెంట్స్ వచ్చాయి. అందులోనూ మిడిల్ క్లాస్ పేరుతో చూపించిన సీన్స్ మీద అయితే ఇంకా కామెంట్స్ వచ్చాయి. సాధారణంగా ఏ మిడిల్ క్లాస్ ఇంట్లో కూడా చేయని పనులు ఈ సినిమాలో మిడిల్ క్లాస్ వాళ్ళు చేస్తారు అన్నట్టు చూపించారు. దాంతో ఈ విషయం మీద సినిమా చూసిన వాళ్ళందరూ కూడా తమ అభిప్రాయాన్ని వ్యక్తం చేశారు. ముఖ్యంగా ఈ సినిమాలో హీరో మూడు చుక్కలతో దోస వేస్తాడు. అది కూడా చిన్నపిల్లలకి అలా దోస వేసి ఇస్తాడు.

అలా ఎక్కడా జరగదు అంటూ కామెంట్స్ చేస్తున్నారు. అయితే ఈ సినిమాలో ఇంకొక విషయం మీద కూడా కామెంట్స్ చేస్తున్నారు. అదేంటంటే, హీరో పెద్దన్నయ్య సివిల్స్ కి ప్రిపేర్ అవుతూ ఉంటాడు. సరైన జాబ్ ఉండదు. కానీ అతనికి పెళ్లి అయ్యి, ముగ్గురు పిల్లలు ఉంటారు. హీరో చిన్నన్నయ్య వ్యాపారం కోసం తిరుగుతూ ఉంటాడు. అతనికి కూడా సరైన జాబ్ ఉండదు. కానీ అతనికి పెళ్లి అయ్యి ఇద్దరు పిల్లలు ఉంటారు. హీరో ఇద్దరు అన్నలకి ఆదాయం ఉండదు. దాంతో కుటుంబ బాధ్యత అంతా కూడా హీరో తీసుకుంటాడు. కుటుంబంలో సంపాదించే వ్యక్తి కేవలం హీరో మాత్రమే.

నెలకి లక్ష రూపాయలు సంపాదిస్తూ ఉంటాడు. ఇంట్లో ఖర్చులకి ఆ డబ్బులు సరిపోవు. అప్పులు కూడా ఉంటాయి. సాధారణంగా, ఏ అబ్బాయి అయినా సెటిల్ అవ్వకుండా పెళ్లి చేసుకోడు. ఏ ఇంట్లో అయినా సరే, ఒక అమ్మాయిని ఇవ్వాలి అంటే ఒక అబ్బాయికి సరైన ఉద్యోగం ఉండాలి. లేకపోతే అమ్మాయిని ఇవ్వరు. అలాంటిది అసలు ఉద్యోగాలు లేని ఇద్దరు అన్నలు పెళ్లిళ్లు చేసుకొని పిల్లలు కంటారు. దాంతో, అసలు సెటిల్ అవ్వని వాళ్ళకి పిల్లని ఎలా ఇచ్చారు? వాళ్లకి పెళ్లిళ్లు ఎలా జరిగాయి? అంటూ కామెంట్స్ చేస్తున్నారు.

ALSO READ : ఇంటర్ ఫలితాల గురించి ఈ పిల్లవాడు చెప్పిన వీడియో చూశారా..? ఇంత చిన్న వయసులో ఇన్ని తెలివితేటలు వచ్చాయా..?

మెగాస్టార్ చిరంజీవి గురించి ప్రత్యేకంగా చెప్పాల్సిన అవసరం లేదు. ఎలాంటి సినీ నేపథ్యం లేనప్పటికీ, నటుడుగా అంచెలంచెలుగా ఎదిగి మెగాస్టార్ గా మారారు. చిరంజీవి కెరీర్‌లో నటించిన సినిమాలలో సూపర్ హిట్లు, బ్లాక్ బస్టర్స్‌తో పాటు ఇండస్ట్రీ హిట్లు ఉన్నాయి.

ఎన్టీఆర్ఈ, ఎఎన్నార్, కృష్ణ, శోభన్ బాబు, కృష్ణంరాజు జనరేషన్ల తరువాతి తరంలో అత్యధిక ఇండస్ట్రీ హిట్స్ సాధించిన రికార్డ్ చిరంజీవిదే. అయితే విజయాలతో పాటు చిరంజీవి కెరీర్ లో ఆ స్థాయిలో డిజాస్టర్ సినిమాలు ఉన్నాయి. ఇప్పటి వరకు చిరంజీవి కెరీర్ లోనే భారీ డిజాస్టర్ అయిన సినిమాలు ఏమిటో ఇప్పుడు చూద్దాం..  1. ఆచార్య:

కొరటాల శివ దర్శకత్వంలో చిరంజీవి, రామ్ చరణ్ కలిసి నటించిన మూవీ ఆచార్య. భారీ అంచనాల మధ్య రిలీజ్ అయిన ఈ మూవీ బాక్సాఫీస్ దగ్గర డిజాస్టర్ గా నిలిచింది. చిరంజీవి కెరీర్ లోనే భారీ ఫ్లాప్ గా మిగిలింది. 2.  సైరా నరసింహారెడ్డి:

మెగాస్టార్ చిరంజీవి ప్రధాన పాత్రలో నటించిన సైరా నరసింహారెడ్డి మూవీని ఆయన కుమారుడు రామ్ చరణ్ నిర్మించారు. ఈ మూవీ ప్లాప్ అవడంతో దాదాపు 30 కోట్ల రూపాయల నష్టం వచ్చిందంట. 3 .శంకర్ దాదా జిందాబాద్:

బాలీవుడ్ లో హిట్ అయిన ‘లగేరహో మున్నాభాయ్’ మూవీని తెలుగులో చిరంజీవి హీరోగా ‘శంకర్ దాదా జిందాబాద్’ గా ప్రభుదేవా దర్శకత్వంలో రీమేక్ చేశారు. కానీ ఈ  సినిమా బాక్సాఫీస్ వద్ద డిజాస్టర్‌గా నిలిచింది.
4. మృగరాజు:

మెగాస్టార్ చిరంజీవి, సిమ్రాన్ హీరోహీరోయిన్లుగా నటించిన మృగరాజు సినిమాకి గుణశేఖర్ దర్శకత్వం వహించారు. ఈ మూవీ కూడా బాక్సాఫీస్ వద్ద డిజాస్టర్‌గా నిలిచింది.
5. అంజి:

కోడిరామకృష్ణ దర్శకత్వంలో మెగాస్టార్ చిరంజీవి హీరోగా తెరకెక్కిన సినిమా అంజి. ఈ చిత్రాన్నినిర్మాత  శ్యామ్ ప్రసాద్ నిర్మించారు. ఈ చిత్రం డిజాస్టర్‌గా నిలిచింది. ఈ మూవీలో మహేష్ బాబు భార్య నమ్రత శిరోద్కర్ హీరోయిన్ గా నటించారు.
6. బిగ్‌బాస్ :

మెగాస్టార్ చిరంజీవి, రోజా హీరోహీరోయిన్లుగా నటించిన ఈ చిత్రాన్ని దర్శకుడు విజయ బాపినీడు తెరకెక్కించారు. ఈ సినిమా బాక్సాఫీస్ వద్ద డిజాస్టర్‌గా నిలిచింది.7. రిక్షావోడు:

మెగాస్టార్ చిరంజీవి హీరోగా, నగ్మా, సౌందర్య హీరోయిన్లుగా నటించిన మూవీ రిక్షావోడు. ఈ సినిమాకి  కోడి రామకృష్ణ దర్శకత్వం వహించారు. ఈ మూవీ డిజాస్టర్‌గా నిలిచింది.
8.రాజా విక్రమార్క:

మెగాస్టార్ చిరంజీవి హీరోగా రవిరాజ పినిశెట్టి దర్శకత్వం వహించిన సినిమా ‘రాజా విక్రమార్క’. ఈ చిత్రంలో అమల, రాధిక హీరోయిన్లుగా నటించారు. ఈ మూవీ కూడా డిజాస్టర్‌గా నిలిచింది.

9. త్రినేత్రుడు:

చిరంజీవి హీరోగా కోదండరామిరెడ్డి దర్శకత్వంలో వచ్చిన మూవీ ‘తినేత్రుడు’. ఈ చిత్రాన్ని మెగా బ్రదర్ నాగబాబు నిర్మించారు. ఇది చిరంజీవి 100వ సినిమా బాక్సాఫీస్ దగ్గర నిరాశపరిచింది.
10. జేబు దొంగ:

చిరంజీవి, కోదండరామిరెడ్డి కాంబినేషన్ లో వచ్చిన సినిమా ‘జేబు దొంగ’. ఈ సినిమా బాక్సాఫీస్ వద్ద డిజాస్టర్‌గా నిలిచింది.11. లంకేశ్వరుడు:

మెగాస్టార్ చిరంజీవి హీరోగా దాసరి నారాయణ రావు దర్శకత్వంలో తెరకెక్కిన లంకేశ్వరుడు మూవీ భారీ అంచనాల మధ్య బాక్సాఫీస్ వద్ద డిజాస్టర్‌గా నిలిచింది.12. రుద్రనేత్ర:

మెగాస్టార్ చిరంజీవి, దర్శకేంద్రుడు రాఘవేంద్రరావు కాంబినేషన్ లో వచ్చిన చిత్రం ‘రుద్రనేత్ర’. ఈ మూవీలో మెగాస్టార్ జేమ్స్‌బాండ్ పాత్రలో నటించారు. ఈ మూవీ బాక్సాఫీస్ దగ్గర నిరాశ పరిచింది.
Also Read: BHOLAA SHANKAR REVIEW : “చిరంజీవి” కి మరొక హిట్ పడినట్టేనా..? స్టోరీ, రివ్యూ & రేటింగ్.!

పండు పండు పండు ఎర్ర పండు ఆపిల్ దాని పేరు.. ఈ సాంగ్ విన్నవాళ్ళేవరికైనా ఆపిల్ పండు లాంటి ఆ సినిమా హీరోయిన్ గుర్తొస్తుంది. నిజంగానే ఆపిల్ పండు కి పోటీ వచ్చేలా ఉంటుంది ఆమె అందం. ఆమె మరెవరో కాదు అందాల తార నగ్మా. 90వ దశకం లో స్టార్ హీరోయిన్ గా వెలిగిన ఈమె చిరంజీవి, బాలకృష్ణ, నాగార్జున, వెంకటేష్ వంటి అగ్ర హీరోల పక్కన నటించింది.

అటుపై బాలీవుడ్ లో కూడా అగ్ర నటులైన అమితాబచ్చన్, సల్మాన్ ఖాన్, షారుక్ ఖాన్ లతో నటించి అక్కడ కూడా స్టార్ డం ని తెచ్చుకుంది. ఇక భాష సినిమాలో రజనీకాంత్ సరసన నటించిన ఈమె ఆ సినిమాలో తన అందంతో పాటు అభినయంతో కుర్ర కారు మనసుల్లో గుబులు పుట్టించేది. సినిమాల్లో ఎక్కువగా ఫ్యామిలీ రోల్స్ లో మెప్పించిన ఈమె నిజ జీవితంలో మాత్రం పెళ్లి చేసుకోకుండా సింగల్ గానే ఉండిపోయింది.

స్టార్ క్రికెటర్ సౌరవ్ గంగూలీ తోను, మరో ముగ్గురు స్టార్ హీరోలతోనూ ఎఫైర్లు నడిపిన ఈ భామ ఇప్పటికీ సింగిల్ గానే ఉండటం విశేషం. సినిమాలలో కెరియర్ పీక్స్ లో ఉండగానే రాజకీయాలలో అడుగుపెట్టింది. కాంగ్రెస్ పార్టీ తరఫున మీరట్ లో ఎంపీగా పోటీ చేసింది. అయితే ఇప్పుడు ఈమె విశేషాలు ఎందుకంటారా.. తాజాగా ఆమె ఫోటోలు కొన్ని సోషల్ మీడియాలో ప్రత్యక్షమయ్యాయి.

ఆ ఫోటోలు చూసిన నగ్మా డై హార్ట్ ఫ్యాన్స్ తెగ ఫీల్ అయిపోతున్నారు. ఈమెనా మా కలల రాకుమారి? ఇలా తయారయింది ఏంటి అంటూ గుండెలు బాధేసుకుంటున్నారు. అంతగా లావైపోయి గుర్తుపట్టలేనంతగా మారిపోయింది నగ్మా. సుమన్ హీరోగా తెరకెక్కిన పెద్దింటి అల్లుడు సినిమా ద్వారా తెలుగులోకి ఎంట్రీ ఇచ్చిన నగ్మా కి ఘరానా మొగుడు సినిమా ఆమెని ఓవర్ నైట్ స్టార్ ని చేసేసింది.

సాధారణంగా సినీ తారలకు అభిమానులు ఎక్కువ మంది ఉంటారు. వారి సినిమాలు రిలీజ్ అయిన సమయంలో ఫ్యాన్స్ చేసే హడవుడి మామూలుగా ఉండదు. అయితే వీరిలో కొంత మంది ఫ్యాన్స్ అయితే ఆరాధిస్తు ఉంటారు.

ఎలా ఆరాధిస్తారు అంటే తమ అభిమాన స్టార్స్ కు ఏకంగా గుడి కట్టే అంతా. అయితే ఎక్కువగా హీరోయిన్లకు గుడులు కడుతుంటారు. ఈ రకంగా అభిమానించడంలో తమిళ అభిమానులు ముందు ఉంటారు. ఈ మధ్య  ఇది తెలుగు ఫాన్స్ కి కూడా పాకింది. తాజాగా సమంతకి ఓ అభిమాని గుడి కట్టాడు. మరి అలా ఇదివరకు ఏ హీరోయిన్స్ కి గుడి కట్టారో చూద్దాం..
1. ఖుష్బూ:

విక్టరీ వెంకటేష్ హీరోగా పరిచయం అయిన కలియుగ పాండవులు సినిమా ద్వారా కుష్బూ హీరోయిన్ గా తెలుగు ఇండస్ట్రీకి పరిచయం అయింది. తర్వాత ఆమె తెలుగు, తమిళంలో చాలా సినిమాలు చేసింది. ఆమె యాక్టింగ్ కి ఫిదా తమిళ ఫ్యాన్స్ ఆమెకి మధురైలో గుడి కట్టారు.
2. నమిత:

సొంతం మూవీతో టాలీవుడ్ లో అడుగుపెట్టిన నమిత తర్వాత తెలుగుతో పాటుగా కోలీవుడ్ లో అనేక చిత్రాలలో నటించారు. ఆమె నటనను మెచ్చిన తమిళ ప్రజలు నమితకు గుడి కట్టారు. ఇప్పటికి కూడా అక్కడ ఆమెకి అభిమాన సంఘాలు ఉన్నాయి.
3. పూజా ఉమా శంకర్:

పూజా ఉమా శంకర్ శ్రీలంకలోని  కొలంబోకు నటి. ఆమె ఎక్కువగా తమిళ సినిమాల్లో నటించింది. ఈమె యాక్టింగ్ నచ్చిన అభిమానులు కొలంబోలో పూజా ఉమా శంకర్ కు గుడి కట్టారు.4. నగ్మా:

నగ్మా  భోజ్‌పురీ సినిమాల పోస్ట‌ర్ గ‌ర్ల్‌గా పాపులర్ అయింది. ఆమె తెలుగు, త‌మిళం, హిందీ సినిమాలలో న‌టించి ప్ర‌ముఖ న‌టిగా గుర్తింపు తెచ్చుకున్నారు. 90 లలో నగ్మా కున్న క్రేజ్ అంత ఇంతాకాదు.  తెలుగులో అగ్రహీరోల అందరితో నగ్మా నటించింది. ఆమె నటనకు ముగ్దులైన తమిళ ఫ్యాన్స్ ఆమెకు అక్కడ పలు చోట్ల గుడులు కట్టారు.
5. నయనతార:

సౌత్ ఇండియన్ లేడీ సూపర్ స్టార్ గా పేరుగాంచిన హీరోయిన్ నయనతార. ఎన్నో సినిమాల్లో నటించి ఆకట్టుకుంది. తన అందం, నటనతో కోట్లాది మంది ఫ్యాన్స్ సంపాదించుకుంది. ఈమె అభినయానికి ఫిదా అయిన తమిళ ఫాన్స్ ఆమెకు గుడి కట్టాలని అనుకున్నారు. కానీ ఆమె అందుకు నిరాకరించింది.
6. కాజల్ అగర్వాల్:

తెలుగు స్టార్ హీరోయిన్ కాజల్ అగర్వాల్ కు గుడికట్టాలని ఆమె అభిమానులు భావిస్తే కాజల్ వద్దని వారిని రిక్వెస్ట్ చేసిందంట.

7.హన్సిక:
దేశముదురు మూవీతో తెలుగు ఆడియెన్స్ ని పలకరించింది హన్సిక. తమిళంలో ఆమెకు భారీ సంఖ్యలో ఫ్యాన్స్  ఉన్నారు. కొందరు అభిమానులు చెన్నైలో హన్సిక కు గుడిని కట్టారు.
8. నిధి అగర్వాల్:

ఇస్మార్ట్ శంకర్ మూవీతో పాపులర్ అయిన హీరోయిన్ నిధి అగర్వాల్. ఆమె కోలీవుడ్ లో పలు సినిమాలలో నటించింది. ‘ఈశ్వరన్’ మూవీలో నిధి నటనకు ఫిదా అయిన తమిళ తంబీలు చెన్నైలో నిధి అగర్వాల్ కి గుడి కట్టి, ఆమెకు పాలాభిషేకాలు చేశారు. అప్పట్లో ఆ ఫోటోలు వైరల్ అయ్యాయి.
9. సమంత:

ఇటీవల ఒక అభిమాని హీరోయిన్ సమంతకు గుడి కడుతున్నాడు. ఆమె పై ఉన్న అభిమానంతో బాపట్ల జిల్లాలోని  ఆలపాడు గ్రామానికి చెందిన సందీప్‌ తన ఇంట్లోనే గుడి కట్టాలని నిర్ణయించుకున్నాడు. సమంత పుట్టినరోజున ఈ గుడి ప్రారంభిస్తున్నాడని తెలుస్తోంది.
Also Read: MAHESH BABU: మహేష్ నిజం సినిమాలోని ఈ బాల నటుడు ఎవరో తెలిస్తే షాక్ అవాల్సిందే?

మలయాళం సినిమాలు తెలుగులోకి డబ్బింగ్ అవడం సహజమే. ఇటీవల అలా మలయాళంలో సూపర్ హిట్ అయ్యి, తెలుగులోకి డబ్ అయ్యి ఇక్కడ కూడా సూపర్ హిట్ అయిన సినిమా ప్రేమలు. హైదరాబాద్ కి వచ్చిన యువతీ యువకుల మధ్య ఈ కథ నడుస్తుంది. చిన్న కథని చాలా బాగా చూపించారు. ముఖ్యంగా యూత్ కి చాలా కనెక్ట్ అయ్యే కథ ఇది. ఈ సినిమాకి రెండవ భాగం కూడా ఉంటుంది అని ఇటీవల ప్రకటించారు. అయితే ప్రేమలు సినిమాలో హీరో పాత్ర సినిమాకి హైలైట్ గా నిలిచింది. హీరో పోషించిన సచిన్ పాత్ర, అతను మాట్లాడే డైలాగ్స్ చాలా కామెడీగా అనిపించాయి.

సచిన్ పాత్రకి తెలుగులో డబ్బింగ్ చెప్పిన వ్యక్తికి క్రెడిట్ ఇవ్వాల్సిందే. ఆ వ్యక్తి పేరు దుర్గా అభిషేక్. సినిమా చూస్తున్నంత సేపు కూడా ఇది డబ్బింగ్ సినిమాని గుర్తు రాకుండా సచిన్ పాత్రకి దుర్గా అభిషేక్ చెప్పారు. ఇందుకు సంబంధించిన వీడియోని కూడా దుర్గా అభిషేక్ తన సోషల్ మీడియా అకౌంట్స్ లో షేర్ చేశారు. ఈ పాత్ర ప్రేక్షకులకు ఇంత చేరు అవ్వడానికి డబ్బింగ్ చాలా ముఖ్య కారణం. దుర్గా అభిషేక్ ఇప్పటి వరకు దాదాపు 300 పైన ప్రాజెక్ట్స్ కి డబ్బింగ్ చెప్పారు. ప్రేమలు సినిమా దుర్గా అభిషేక్ కి చాలా మంచి పేరు తీసుకొచ్చింది.

అయితే ప్రేమలు హీరో నాస్లెన్ కె. గఫూర్ నటించిన నైమర్ అనే సినిమా కూడా తెలుగులో డబ్ అయ్యి ఓటీటీలో విడుదల అయ్యింది. ఈ సినిమాలో కూడా నాస్లెన్ కె. గఫూర్ పాత్రకి దుర్గా అభిషేక్ డబ్బింగ్ చెప్పినట్టు ఆ సినిమా చూస్తే తెలుస్తోంది. దుర్గా అభిషేక్ నటుడు కూడా. ప్రేమలు సినిమా డబ్బింగ్ వీడియో దుర్గా అభిషేక్ ఇంస్టాగ్రామ్ లో షేర్ చేశారు. ఇది చూసిన వాళ్ళు దుర్గా అభిషేక్ హీరో పాత్రకి డబ్బింగ్ చెప్పడం కోసం ఎంత కష్టపడ్డారు అనేది అర్థం చేసుకుంటున్నారు. ప్రేమలు హీరో పాత్ర మనకి అంత కనెక్ట్ అవ్వడానికి కారణం తన డబ్బింగ్ అంటూ అభినందిస్తున్నారు.

watch video :

View this post on Instagram

A post shared by Durga Abhishek (@durgaabhishekk)

ALSO READ : రాఖీ లో అంత మంచి పాత్రలో నటించిన తర్వాత కూడా మంజూష సినిమాలకు ఎందుకు దూరంగా ఉన్నారు..? కారణం ఇదేనా..?

అయ్యా డైరెక్టర్ గారూ, హీరో గారూ,

నమస్కారం. మీరు చేసిన ఫ్యామిలీ స్టార్ సినిమా ఇటీవల చూశా. సినిమా ట్రైలర్ చూస్తే ఏదో చెప్పాలి అనుకుంటున్నారు అనిపించింది. కానీ మిడిల్ క్లాస్ పేరుతో మీరు ట్రైలర్ లో చూపించిన విషయాలే కాస్త కొత్తగా అనిపించాయి. సరేలే. ట్రైలర్ చూసి సినిమా గురించి ఏం అనుకుంటాం. సినిమా విడుదల అయ్యాక అసలు మీరు ఏం చూపించారు చూద్దాం అనుకున్నా. రెస్పాన్స్ చూశాక ఓటీటీలోకి వచ్చినప్పుడు చూద్దాంలే అనుకున్నా. ఇప్పుడు అమెజాన్ ప్రైమ్ లో ఈ సినిమా చూశా. నేను కూడా ఒక మిడిల్ క్లాస్ కుటుంబంలో పెరిగిన వాడిని. నాకు కూడా కుటుంబం ఉంది. కానీ మేము ఎప్పుడూ ఇలాంటి పనులు చేయలేదు. మేమే కాదు. మిడిల్ క్లాస్ వాళ్ళు ఎవరూ కూడా ఇలాంటి పనులు చేయరు.

మా ఇంట్లో ఒకవేళ దోస పిండి తక్కువగా ఉంటే, లేదా తినే పిల్లలు ఎక్కువగా ఉంటే, మా అమ్మ నాన్నలు వాళ్లు పస్తులు ఉండి అయినా సరే మా కడుపు నిండా తిండి పెడతారు. అంతే కానీ అంత పిసినారితనంగా మూడు చుక్కలతో దోస అయితే వేసి పెట్టలేదు. తిండికి కూడా దిక్కులేని అంత దీనస్థితిలో మిడిల్ క్లాస్ వాళ్ళు ఉండరు. అంత మిడిల్ క్లాస్ వాళ్ళు అయినప్పుడు, చుట్టుపక్కల ఉన్న కిరాణా కొట్టులో సరుకులు తెచ్చుకోకుండా, విజేత సూపర్ మార్కెట్ లో సరుకులు ఎందుకు తెచ్చుకున్నారో నాకైతే అర్థం కాలేదు. ఎంత మిడిల్ క్లాస్ వాడైనా, పిల్లలు అది కావాలి ఇది కావాలి అని మారం చేస్తూ ఉంటే, ఏదో ఒకటి చెప్పి వాళ్ళని ఆపుతారు కానీ, కొనుక్కునే వాళ్ళ దగ్గరికి వెళ్లి కొనుక్కోవద్దు అని చెప్పరు.

మీ ఇంటి పైన రెంట్ ఉండే అమ్మాయి ఫుడ్ ఆర్డర్ పెట్టుకోవద్దు అని చెప్పడం ఏంటి? మీ ఇంట్లో పిల్లలకు చెప్పుకోలేని వాళ్ళు, బయట వాళ్లకి ఎందుకు చెప్తున్నారు? కేవలం మిడిల్ క్లాస్ వాళ్ళ ఇళ్ళల్లో మాత్రమే కాదు. డబ్బున్న వాళ్ళ ఇళ్లల్లో కూడా కుటుంబం అంతా కలిసి ఉండే వాళ్ళు ఉంటారు. హీరో అన్న ఒకే ఒక మాటకి, హీరో వాళ్ళ అన్న బాధపడి తాగుడు అలవాటు చేసుకుంటాడా? సివిల్స్ కి ప్రిపేర్ అయ్యే వ్యక్తి మెదడు మరీ ఇంత బలహీనంగా ఉంటుందా? ఇంటర్వ్యూ కూడా చేయకుండా ఏ కంపెనీలో ఉద్యోగం ఇస్తారో మాకు కూడా కాస్త చెప్పండి. ఎందుకంటే, జాబ్ మారాలి అంటే ఇంటర్వ్యూల కోసం వెతికి వెతికి అలసిపోతున్నాం. ఎప్పుడో క్యాంపస్ ఏదో జరిగినప్పుడు వచ్చి జాబ్ ఇస్తానంటే హీరో రిజెక్ట్ చేయడం బానే ఉంది.

మళ్లీ మూడు, నాలుగు సంవత్సరాలు తర్వాత అంతమంది కొత్త టాలెంట్స్ వచ్చిన తర్వాత హీరోకి ఏ భరోసా మీద జాబ్ ఇచ్చారు? ఇస్తే ఇచ్చారు. కనీసం ఒక ఇంటర్వ్యూ లేదు. సరే అది కూడా లేదు అనుకుందాం. మరీ రెండు సంవత్సరాల శాలరీ అడ్వాన్స్ ఇవ్వడం ఏంటయ్యా. సినిమా అంటే లాజిక్స్ ఉండాలి అని అనుకోవట్లేదు. కానీ, మిడిల్ క్లాస్ పేరుతో మీరు చూపించిన పనులు నవ్వు తెప్పించాయి. మిడిల్ క్లాస్ అంటే కటిక దరిద్రం కాదు. పొదుపుకి, పిసినారితనానికి తేడా ఉంటుంది. సినిమాలో మీరు చూపించింది పొదుపు అయితే కాదు. మామూలుగా మేము ఎక్కడికైనా వెళ్లాలి అంటే, ఒక ఆటోలో నలుగురు కంటే ఎక్కువ కూర్చుంటే, ఆటో డ్రైవర్ ఒప్పుకోడు. తనకి లోడ్ ఎక్కువ అయిపోతుంది అని, నడపడం కష్టంగా ఉంటుంది అని చెప్తాడు.

మేం కూడా అర్థం చేసుకొని రెండు ఆటోలు మాట్లాడుకుంటాం. అలాంటిది, మీ సినిమాలో హీరో ముగ్గురు ఆడవాళ్ళని, ఐదు మంది పిల్లలని ఒకటే ఆటోలో తీసుకొస్తాడు. ఎలా సాధ్యం? సరే తీసుకొస్తే తీసుకొచ్చాడు. ఆడవాళ్ళతో తప్పుగా ఎలా ప్రవర్తించకూడదు అనేది చూపిస్తాను అని చెప్తాడు. కానీ హీరో మాత్రం అలాంటి మాటలు అవతలి పక్క ఉన్న వ్యక్తితో మాట్లాడుతాడు. ఇది చూసి పిల్లలు తప్పుగా అర్థం చేసుకోరా? హీరో చెప్పే విలువలు ఈ సీన్ లో ఎక్కడ ఉన్నాయి? మీరు మిడిల్ క్లాస్ మీద సినిమా తీయాలి అనుకుంటే మిడిల్ క్లాస్ వాళ్ల గురించి తెలుసుకొని సినిమా తీయండి. అంతే కానీ ఇలాంటి సినిమాలు తీసి, దానికి మిడిల్ క్లాస్, ఫ్యామిలీ ఇలాంటి పేర్లు మాత్రం పెట్టకండి.

ఇట్లు,
ఒక సగటు మిడిల్ క్లాస్ వ్యక్తి.

ALSO READ : రాఖీ లో అంత మంచి పాత్రలో నటించిన తర్వాత కూడా మంజూష సినిమాలకు ఎందుకు దూరంగా ఉన్నారు..? కారణం ఇదేనా..?