kavitha

సిల్క్ స్మిత, ఈ పేరును తెలుగు ఆడియెన్స్ కి పరిచయం చేయవలసిన అవసరం లేదు. ఒకప్పుడు తెలుగు  ఇండస్ట్రీలో ఆమె సంచలనం. అప్పట్లో ప్రతి చిత్రంలోనూ సిల్క్ ప్రత్యేక పాట ఉండాల్సిందే అనే రేంజ్ కి వెళ్ళింది.

ఇటీవల రిలీజ్ అయిన దసరా మూవీలో కనిపించిన సిల్క్ స్మిత పోస్టర్ తో మరోసారి ఆమె లైఫ్ తెరపైకి వచ్చింది. ఈ క్రమంలో తాజాగా సిల్క్ స్మిత లాగే ఉన్న ఓ అమ్మాయి ఫోటో ప్రస్తుతం సోషల్ మీడియాలో వైరల్ గా మారింది. సిల్క్ స్మిత మళ్ళి పుట్టిందేమో అనిపిస్తున్నట్టు ఉన్న ఆమె ఎవరో? ఏమిటో ఇప్పుడు చూద్దాం..
సిల్క్ స్మిత ఎలాంటి సినినేపథ్యం లేకుండా మేకప్ ఆర్టిస్ట్ గా ఇండస్ట్రీకి వచ్చి, స్టార్ గా ఓ వెలుగు వెలిగారు. సిల్క్ స్మిత తన నిషా కళ్లతో ఆడియెన్స్ ని మాయలో పడేసింది. అప్పట్లోనే గ్లామర్ రోల్స్ లో నటించింది. స్టార్ హీరోలు కూడా ఆమె డేట్స్ కోసం వెయిట్ చేసేవారంటే ఆమెకు ఉన్న క్రేజ్ ఎలాంటిదో అర్ధం చేసుకోవచ్చు. ఇప్పటికీ తెలుగు ఆడియెన్స్ మనసుల్లో ఆమె అలాగే ఉండిపోయింది. దశాబ్దం పాటు ఇండస్ట్రీలో వందలాది సినిమాలలో నటించిన ఆమె, చివరకు బలవన్మరణానికి పాల్పడి, కన్నుమూసింది. ఆమె మరణం చాలా మందిని కలిచివేసింది.
అయితే ఆమె మరణించిన తరువాత ఇండస్ట్రీ నుండి ఒక్క హీరో కానీ, డైరెక్టర్స్, నిర్మాతలు ఎవరు వెళ్లలేదు. ఆఖరికి ఆమె కుటుంబసభ్యులు కూడా సిల్క్ స్మితను చూడాటానికి వెళ్లలేదు. దాంతో సిల్క్ స్మితకు అనాథ శవంలా అంతిమ సంస్కారాలు చేశారు. అయితే ఇప్పటికీ ప్రేక్షకుల మనసుల్లో సిల్క్ స్మిత అందాల తారగా నిలిచిపోయింది. ఇటీవల రిలీజ్ అయిన దసరా మూవీలో కనిపించిన సిల్క్ స్మిత పోస్టర్ తో ఆమె జీవితం వార్తల్లో నిలిచింది.
అచ్చం సిల్క్ స్మిత లాగే కనిపిస్తున్న ఒక అమ్మాయి ఫోటో నెట్టింట్లో వైరల్ గా మారడంతో ఆమెను ఫ్యాన్స్ జూనియర్ సిల్క్ స్మిత అని పిలుస్తున్నారు. ఆమె పేరు విష్ణు ప్రియ. ఫేస్ మాత్రమే కాకుండా ఎక్స్‌ప్రెషన్స్‌తో సైతం ఆమె సిల్క్‌ స్మితను గుర్తు చేస్తుంది. అంతే కాకుండా విష్ణుప్రియ సిల్క్ స్మిత సాంగ్స్ కు రీల్స్ చేస్తూ నెట్టింట్లో సందడి చేస్తోంది. విష్ణు ప్రియ జూనియర్ సిల్క్ గా పాపులర్ అయ్యింది.

https://www.instagram.com/p/CrQZhLLgqDQ/?hl=en

Also Read: RR VS RRR … కౌంటర్ అదిరిపోయింది కదా..? అసలు ఏం జరిగిందంటే..??

మలయాళం సినిమాలు చూసేందుకు థియేటర్లకు జనాలు రావట్లేదనే ఆందోళనల మధ్య పెద్దగా ప్రమోషన్ లేకుండా ‘2018’ సినిమా థియేటర్లలో విడుదల అయ్యింది. రిలీజ్ అయిన మొదటి షోతోనే హిట్ టాక్ తెచ్చుకుంది.

సాయంత్రానికి కేరళ మొత్తం థియేటర్లు హౌస్ ఫుల్ షోలతో నిండిపోయింది. జూడ్ ఆంథోనీ జోసెఫ్ తెరకెక్కించిన  ‘2018’ చిత్రం మలయాళ ఇండస్ట్రీ నెలరోజులుగా పడుతున్న ఆందోళనను కేవలం మూడు రోజుల్లోనే పోగొట్టింది. మరి అంతగా ఈ చిత్రంలో ఆకట్టుకున్న విషయం ఏమిటో ఇప్పుడు చూద్దాం..
2018 (అందరూ హీరోలే) ఈ చిత్రం ఎమోషనల్ సర్వైవల్ స్టోరీ. 2018లో కేరళలో వచ్చిన వరదల నేపథ్యంలో ఈ చిత్రాన్ని తెరకెక్కించారు. 2018లో కేరళ చరిత్రలోనే అత్యంత దారుణమైన వరదలు వచ్చాయి. వరదల వల్ల  ప్రత్యక్షంగా బాధలు అనుభవించిన ప్రజలు, దాని బారిన పడిన వారు ఇప్పటికీ ఆ గాయాల భరిస్తున్నారు. కొందరు ప్రాణాలు, మరికొందరు ఇళ్లు, మరికొందరు జీవనోపాధి కోల్పోయారు. అయినా మానవత్వంతో అందరూ కలిసి ఈ కష్టం నుండి బయటపడ్డానికి సహాయం చేయడానికి చేతులు కలిపారు.
ఇదే విషయాన్ని దర్శకుడు జూడ్ ఆంథనీ జోసెఫ్, 2018 లో చూపించే ప్రయత్నం చేసారు.  ఈ మూవీ కథ అరువిక్కుళం అనే గ్రామంలో మొదలవుతుంది. ఫేక్ మెడికల్ సర్టిఫికేట్ చూపించి ఆర్మీని వదిలి, దుబాయ్‌కి వెళ్లి బ్రతకలనుకునే పాత్రలో టొవినో థామస్. లాల్, నారాయణ్, ఆసిఫ్‌లతో జాలర్ల కుటుంబం. ఒక గర్భిణీ స్త్రీ, అంగ వైకల్యం ఉన్న పిల్లల తల్లిదండ్రులు, ఒక అంధుడు ఇలా అనేక పాత్రలు ఉన్నాయి. నెమ్మదిగా, రాష్ట్రంలో వర్షాలు కురుస్తుండటం. కొన్ని గంటల్లో పరిస్థితి వర్షాలతో కేరళ రాష్రం వరదలతో ముంచెత్తడం. ఆ క్రమంలో వరదల్లో చిక్కుకుపోయిన వారిని రక్షించడానికి రెస్క్యూ టీమ్ తో పాటు మత్స్యకారులు సాయం చేయడం, స్థానికులు అందించిన సహాయం, హెలికాప్టర్ రెస్క్యూ, దాదాపు ప్రతిదీ, అప్పటి పరిస్థితులను కళ్ళ ముందుకు తెస్తుంది. ఈ చిత్రంలో టోవినో థామస్, లాల్, ఆసిఫ్ అలీ, ఇంద్రన్స్, నరేన్, కుంచకో బోబన్, అపర్ణ బాలమురళి వంటి స్టార్స్ నటించారు. వారి నటన పై ప్రశంసలు కురుస్తున్నాయి. మే 5 న ఈ మూవీ ప్రేక్షకుల ముందుకు వచ్చింది. మల్టీప్లెక్స్‌లలో తక్కువగా, చిన్న స్క్రీన్‌లలో సినిమా మొదటి షో నుండి ప్రదర్శించడం ప్రారంభమైంది. అయితే మౌత్ టాక్ తో సాయంత్రానికి  మల్టీప్లెక్స్‌లు అన్నిట్లోనూ ఈ మూవీ వేశారు. టిక్కెట్లు దొరక్క తిరిగొచ్చిన వారు కూడా చాలా మంది ఉన్నారు. దీనితో కేరళ అంతటా అదనపు షోలు కూడా వేశారు. వసూళ్ల పరంగా మొత్తం ఓపెనింగ్ వీకెండ్ గ్రాస్ 18 కోట్లకు పైగా ఉంటుంది. 2018 మలయాళం సినిమా అత్యధిక ఓపెనింగ్ కలెక్షన్ చేసిన సినిమాలలో ఒకటిగా నిలిచింది.

Also Read: RRR గురించి ఈ 9 ఆసక్తికరమైన విషయాలు తెలుసా..?

యంగ్ రెబల్ స్టార్ ప్రభాస్ నటిస్తున్న పాన్ ఇండియా చిత్రాల్లో ‘ఆదిపురుష్’ సినిమా కూడా ఒకటి. బాలీవుడ్ దర్శకుడు ఓం రౌత్ ఈ సినిమాని తెరకెక్కించాడు. 600 కోట్ల భారీ బడ్జెట్ తో టి.సిరీస్ సంస్థ ఈ సినిమాని నిర్మిస్తుంది.

ఆదిపురుష్ చిత్రం జూన్ 16న రిలీజ్ కానుంది. ఈ క్రమంలో చిత్ర యూనిట్ ప్రమోషన్లలో భాగంగా రిలీజ్ చేసిన చేసిన టీజర్ కు మిక్స్డ్ రెస్పాన్స్  వచ్చింది. మే 9 న ట్రైలర్ దేశవ్యాప్తంగా రిలీజ్ కానుంది. ఈ రోజు ఫ్యాన్స్ కోసం ట్రైలర్ ప్రీమియర్ స్క్రీనింగ్ చేశారు. మరి ట్రైలర్ రివ్యూ ఎలా ఉందో ఇప్పుడు చూద్దాం..
ప్రభాస్, కృతి సనన్ సీతారా చిత్రం ములుగా నటిస్తున్న ‘ఆదిపురుష్’. భారీ బడ్జెట్ తో ప్రతిష్టాత్మకంగా తెరకెక్కుతోంది. ఈ సినిమా ఇంతకుముందు రిలీజ్ చేసిన టీజర్ వి.ఎఫ్.ఎక్స్ నాసిరకంగా ఉందని, కార్టూన్ మూవీలా ఉందని సోషల్ మీడియాలో నెటిజన్లు ట్రోల్ చేశారు. అయినప్పటికీ ‘ఆదిపురుష్’ టీజర్ ట్రెండ్ అవడమే కాక, యూట్యూబ్ లో వంద మిలియన్లకు పైగా వ్యూస్ తో రికార్డ్స్ క్రియేట్ చేసింది. అయితే ‘ఆదిపురుష్’ పై ట్రోల్స్ రావడం,  ప్రభాస్ లుక్ పై సెటైర్లు రావడం ప్రభాస్ అభిమానులకు అస్సలు నచ్చలేదు అని చెప్పవచ్చు. ఈ క్రమంలో మే 9న సాయంత్రం 5 గంటల 30 నిమిషాలకు థియేటర్లలో, అదే సమయంలో యూట్యూబ్ లో  ‘ఆదిపురుష్’ ట్రైలర్ రిలీజ్ కానుంది. ‘ఆదిపురుష్’ ట్రైలర్ 105 థియేటర్లలో రిలీజ్ కానుందని తెలుస్తుంది. ప్రభాస్ ఫ్యాన్స్ కోసం ఈరోజు హైదరాబాద్ లోని ఏఎంబీ థియేటర్ లో ట్రైలర్ ప్రీమియర్ ను ప్రదర్శించారు. ట్రైలర్ ను చూసిన అభిమానులు సోషల్ మీడియాలో వారి అభిప్రాయాలను తెలుపుతున్నారు.
ఒక ట్విట్టర్ యూజర్ ఇలా ట్వీట్ చేశారు. ట్రైలర్ నిడివి 3 నిమిషాల 22 సెకన్లు. ట్రైలర్ సీతను ఎత్తుకెళ్ళే సన్నివేశంతో మొదలై, రావణుడితో ఆఖరి పోరు వరకు జరిగే సంఘటనలతో కుడి ఉందని తెలిపారు. డీసెంట్ ట్రైలర్, టీజర్ కంటే వీఎఫ్‌ఎక్స్ బెటర్ గా ఉందని ట్వీట్ లో రాసుకొచ్చారు.
‘ఆదిపురుష్’ ట్రైలర్ ను చూసిన మరొక ట్విట్టర్ యూజర్ తన ట్వీట్ లో ” ట్రైలర్ లో 2 నిముషాల 32 సెకండ్ల వద్ద షాట్ గూస్‌బంప్స్ వచ్చేలా ఉందని బెస్ట్ వి.ఎఫ్.ఎక్స్ షాట్” అని రాసుకొచ్చారు. అలాగే మరొక ట్వీట్ లో ట్రైలర్‌ లోని  చివరి షాట్ అందరినీ విస్మయానికి గురి చేస్తుందని తెలిపారు. 
‘ఆదిపురుష్’ ట్రైలర్ ప్రీమియర్ చూసిన వారందరూ ఈ చిత్రం గురించి పాజిటివ్ గా స్పందిస్తున్నారు. చూస్తుంటే ఈ మూవీ పై వచ్చిన నెగటివ్ టాక్ సినిమా విడుదల సమయానికి పూర్తిగా పాజిటివ్ గా మారే అవకాశం కనిపిస్తోంది.

Also Read: రియల్ TO రీల్..! అసలు నిజ జీవితంలో ఈ వ్యక్తి ఎవరో తెలుసా..?

దర్శకుడు వెట్రిమారన్‌ కల్ట్ కంటెంట్ తో సామాజిక అంశాలను వాటి మూలాల్లోకి వెళ్లి స్టోరిని తెర పై అద్భుతంగా ఆవిష్కరించి విజయాన్ని సాధిస్తాడు. వెట్రిమారన్‌ చిత్రాలలో అంతర్లీనంగా సొసైటీలో అణచివేతకు గురి అవుతున్న ఒక వర్గం యొక్క వేదన కనిపిస్తుంది.

ఇటీవల వెట్రిమారన్ డైరెక్షన్ లో తెరకెక్కిన ‘విడుతలై పార్ట్‌-1’. కోలీవుడ్ లో ఈ మూవీ రిలీజ్ అయినప్పటి నుండి ఈ మూవీ కథ, ఈ చిత్రంలోని పాత్రల గురించి అక్కడ పెద్ద ఎత్తున చర్చలు జరుగుతున్నాయి. ఈ మూవీ నిజ జీవిత సంఘటనల ఆధారంగా తెరకెక్కిందని సమాచారం. ఆ వివరాలు ఏమిటో ఇప్పుడు చూద్దాం..
భారత్ లోని గొప్ప డైరెక్టర్ల జాబితాలో వెట్రిమారన్‌ పేరు కూడా ఉంటుంది. ఆయన తీసింది 5 చిత్రాలే అయినా, ప్రతీ చిత్రం ఒక అద్భుతమే. ఆయన చిత్రాలకు అవార్డులు కూడా దాసోహం అవుతుంటాయి. ఇటీవలే ఆయన తెరకెక్కించిన ‘విడుతలై పార్ట్‌-1’ విడుదల అయ్యి, కోలీవుడ్ లో కోట్లు కొల్లగొడుతుంది. ఎక్కడో, ఎప్పుడో విన్న లేదా చూసిన సంఘటలనే వెట్రిమారన్‌ మూవీగా తెరకెక్కిస్తుంటాడు. ఇటీవల రిలీజ్ అయిన ‘విడుదల పార్ట్‌ 1’ కూడా అలాంటి చిత్రమే.
1987 లో తమిళనాడులోని ఒక ప్రాంతంలో జరిగే స్టోరీ ఇది. ప్రభుత్వ నిర్ణయాలను, చర్యలను ప్రజాదళం అనే విప్లవ పార్టీ వ్యతిరేకిస్తూ, ప్రభుత్వ కార్యకలాపాలను అడ్డుకుంటుంది. ఈ క్రమంలో పోలీసులకు మరియు ప్రజాదళం పార్టీకి  మధ్య జరిగే సంఘర్షణ ఈ మూవీ. ఈ మూవీ రిలీజ్ అయిన తరువాత తమిళ నాడులో ఈ సినిమా పై చర్చలు మొదలయ్యాయి. 1980వ దశకంలో తమిళనాడులో ఎక్కువగా వినిపించిన పేరు కవి కు.కళీయపెరుమాళ్. ఈ పాత్రనే ‘విడుతలై పార్ట్‌-1’ చిత్రంలో విజయ్ సేతుపతి చేశారని తెలుస్తోంది.

కళీయపెరుమాళ్ అప్పట్లో కమ్యూనిస్టు పార్టీలో పని చేశారు. ఆ తర్వాత విభేదాలతో ఉద్యమంలో చేరారు. ఉపధ్యాయుడు అయిన పెరుమాళ్ కుల నిర్మూలన పై పోరాడారు. కుల నిర్మూలన, వర్గ విముక్తి కోసం కృషి చేయడం కోసం  ఆయన ఉపాధ్యాయ వృత్తిని వదిలి, పూర్తి స్థాయి రాజకీయ కార్యకలాపాల్లో నిమగ్నమయ్యారు. పెన్నాడంలోని ప్రైవేట్ చక్కెర కర్మాగారంలో పని చేస్తున్న కార్మికుల హక్కుల కోసం కలియ పెరుమాళ్ ఆధ్వర్యంలో భారీ నిరసనలు జరిగాయి. కార్మికులు సమ్మెకు దిగారు.
దీంతో ఫ్యాక్టరీ యాజమాన్యం కలియపెరుమాళ్‌ను చంపేందుకు చాలాసార్లు ప్రయత్నించింది. రాత్రిపూట కలియ పెరుమాళ్ కూలిలను తీసుకెళ్ళి, రైతుల ఆధీనంలో ఉన్న భూముల్లోని వరిపంటను కోసి పేదలకు, పంపిణీ చేసేవాడు. ఈ  ‘పంట ఉద్యమం’ గ్రామీణ ప్రాంతాల్లో అప్పట్లో మార్మోగింది. కలియపెరుమాళ్ సాయుధ పోరాటానికి నాయకత్వం వహించారు. పొన్‌పరప్పికి చెందిన తమిళరసన్‌తో పాటుగా చాలామంది యువకులు కలియపెరుమాళ్ నాయకత్వంలో ఉద్యమంలో పాల్గొన్నారు.
రైలును బాంబుతో పేల్చే సీన్ ‘విడుతలై పార్ట్‌-1’ చిత్రంలో మొదటి సన్నివేశంలో కనిపిస్తుంది. అయితే 1987లో అరియలూరు సమీపంలోని మరుదైయార్త్ వంతెనను బాంబుతో పేల్చివేసిన ఘటన కూడా మూవీలో చూపించిన తరహాలోనే జరుగిందని అంటున్నారు. అప్పుడు వంతెనను పేల్చివేయడంతో, మలైకోట్ ఎక్స్‌ప్రెస్ రైలు కూలి 50 మందికి పైగా చనిపోయారు. ఆ కేసులో తమిళరసన్‌తో పాటు లిబరేషన్ ఆర్మీ మెంబర్స్ కేసు నమోదైంది. అదే ఏడాది సెప్టెంబర్‌లో పొన్‌పరప్పిలోని బ్యాంకులో చోరీకి ప్రయత్నించి తమిళరసన్‌తో పాటు ఐదుగురిని కొట్టి చంపారు.
హత్య కేసులో, కవి కలియపెరుమాళ్ మరియు అతని పెద్ద కుమారుడు వల్లువన్‌కు మరణశిక్ష విధిస్తూ కోర్టు తీర్పు ఇచ్చింది. 1972లో కడలూరు కోర్టు రెండో కుమారుడు చోళ నంబియార్‌తో సహా ఐదుగురికి జీవిత ఖైదు విధించింది. వారు మద్రాసు హైకోర్టును ఆశ్రయించారు. వల్లువన్ మరణశిక్షను జీవిత ఖైదుగా మార్చారు. కలియపెరుమాళ్‌కు విధించిన మరణశిక్షను, ఇతరులకు విధించిన జీవిత ఖైదును హైకోర్టు సమర్థించింది.
అనంతరం కలియపెరుమాళ్ మరణశిక్షను యావజ్జీవ కారాగార శిక్షగా మారుస్తూ రాష్ట్రపతి ఉత్తర్వులు జారీ చేశారు. ఢిల్లీకి చెందిన జర్నలిస్ట్ కాళయపెరుమాళ్ మరియు అతని కుమారులు జైలులో ఉన్నారని తెలుసుకుని, సుప్రీం కోర్టులో కేసు వేశారు. విచారన తర్వాత, 1983లో సుప్రీంకోర్టు  కలియపెరుమాళ్ తో పాటు ఇతరులకు పెరోల్ మంజూరు చేసింది.కొన్నేళ్ళ తర్వాత, సుప్రీం కోర్టు ఆదేశాలతో వారు పూర్తిగా శిక్ష నుండి విముక్తి పొందారు. కలియపెరుమాళ్ మే 16, 2007న మరణించారు.
కవి కలియపెరుమాళ్ రెండవ కుమారుడు చోళ నంబియార్ ‘విడుతలై పార్ట్‌-1’ సినిమా గురించి మాట్లాడుతూ, “తన  తండ్రి ప్రజల కోసం పోరాడారు. ప్రజలు ఆయనకు అండగా నిలిచారు. ఆ విషయాన్ని అలాగే ఈ చిత్రంలో చూపించారు’’ అని చెప్పారు.

Also Read: చివరి శ్వాస వరకు నిన్నే ప్రేమిస్తుంటాను.. అలేఖ్యారెడ్డి పోస్ట్ వైరల్!

నందమూరి తారకరత్న మరణించి రెండు నెలలు అవుతున్నా, ఆయన భార్య అలేఖ్యారెడ్డి ఇప్పటికి తారకరత్న మరణాన్ని జీర్ణించుకోలేకపోతుంది. భర్త జ్ఞాపకాల నుండి బయటికి రాలేకపోతోంది.

తారకరత్న కన్నుమూసిన తర్వాత అలేఖ్యారెడ్డి చాలా ఇబ్బందులను ఎదుర్కొన్నారు. ఆయన మరణం తర్వాత అలేఖ్య రెడ్డి సామాజిక మధ్యమాల్లో చేస్తున్న పోస్ట్ లు వైరల్ గా మారుతున్నాయి. ఈ క్రమంలో అలేఖ్యారెడ్డి తాజాగా  చేసిన పోస్ట్ మరోసారి వైరల్ గా మారింది. అది ఏమిటో ఇప్పుడు చూద్దాం.. ప్రేమ, పెళ్లితో తారకరత్న, అలేఖ్యారెడ్డి జీవితంలో అనేక ఇబ్బందులు ఎదురయ్యాయి. ఇద్దరు కలిసి జీవించడం కోసం  అయిన వారందరికీ దూరమయ్యారు. హృదయంలోని భరించలేనంత బాధను చిరునవ్వుతో దాచేస్తూ ఇద్దరు కొత్త జీవితం మొదలుపెట్టారు. ఈ జంటకి ముగ్గురు పిల్లలు నిషిక, తాన్యారామ్, రేయా. తారకరత్న ఒక వైపు ఇండస్ట్రీలో  కొనసాగుతూ, మరో వైపు రాజకీయాల్లోకి ఎంట్రీ ఇచ్చారు. తారకరత్న ఇప్పుడిప్పుడే తన కుటుంబానికి దగ్గర అవుతున్నారు. ఇలాంటి సమయంలోనే అర్థంతరంగా కన్నుమూశారు.
నందమూరి తారకరత్న మరణించి రెండు నెలలకు పైగా అవుతుంది. యువగళం పాదయాత్రలో గుండెపోటుతో కుప్పకూలిన తారకరత్న, సుమారు 23 రోజుల పాటు మృత్యువుతో పోరాడి ఫిబ్రవరి 18న కన్నుమూశారు. జీవితాంతం తోడుంటాడని భావించిన భర్త హఠాన్మరణంతో ఆయన భార్య అలేక్య రెడ్డి వేదన వర్ణణాతీతం. తన ముగ్గురు పిల్లల కోసం కన్నీళ్లను దిగమింగుకుంటూ జీవిస్తోంది. తన భర్తతో గడిపిన మధుర క్షణాలను తలచుకుంటూ సోషల్ మీడియాలో పోస్ట్ చేస్తోంది.తాజాగా తన ఇంస్టాగ్రామ్ ఖాతాలో  తారకరత్నను తలచుకుంటూ “ఈ జీవితానికి సరిపడా మధురమైన జ్ఞాపకాలను ఇచ్చి వెళ్లావు. ఆ జ్ఞాపకాలతోనే ముందుకు వెళతాను. నా ఆఖరి శ్వాస వరకు కూడా నిన్నే ప్రేమిస్తుంటాను” అని రాసుకొచ్చారు. అలేఖ్యారెడ్డి మరో పోస్ట్ లో తన కుమారుడి ఫోటోతో పాటుగా తారకరత్న చిన్నప్పటి ఫోటోను కూడా షేర్ చేశారు. ఆమె చేసిన పోస్ట్ లను లైక్ చేస్తూ, ఆమెకు ఎప్పుడూ మా సపోర్ట్ ఉంటుందని ఫ్యాన్స్ కామెంట్స్ చేస్తున్నారు.
అలేఖ్యారెడ్డి తన పిల్లలను చూసుకుంటున్నారు. కెరీర్ విషయంలో ఆమె జాగ్రత్తగా ఆలోచించి, నిర్ణయాలు తీసుకుంటున్నారు. ప్రస్తుతం తారకరత్న బిజినెస్ కు సంబంధించిన విషయాలను అలేఖ్యారెడ్డి చూస్తున్నారని  తెలుస్తోంది. అలేఖ్యారెడ్డి ఇటీవల సామాజిక మధ్యమాల్లో యాక్టివ్ అవుతున్నారు. ఆమె ఏ పోస్ట్ పెట్టిన సోషల్ మీడియాలో క్షణాల్లో వైరల్ గా మారుతోంది.

https://www.instagram.com/p/CrLBBj_AII9/

Also Read: “పరశురాం పెట్ల సినిమా” తో పాటు… అనౌన్స్ చేశాక ఆగిపోయిన 6 “నాగ చైతన్య” సినిమాలు.!

జోష్ చిత్రంతో ఇండస్ట్రీలో అడుగు పెట్టిన అక్కినేని నాగచైతన్య నటుడిగా ఒక్కో మెట్టు ఎక్కుతూ ప్రేక్షకులకి  చేరువయ్యాడు. అక్కినేని వారసుడిగా ఎంట్రీ ఇచ్చినప్పటికి తనదైన నటనతో గుర్తింపును, క్రేజ్ ను సొంతం చేసుకున్నాడు.

నాగచైతన్య నటించిన ‘కస్టడీ’ సినిమా మే 12 న విడుదల కానుంది. చై ప్రస్తుతం మూవీ ప్రమోషన్స్ లో బిజీగా ఉన్నాడు. ఈ క్రమంలో తాజాగా ఇచ్చిన ఇంటర్వ్యూలో పరశురామ్ మూవీ గురించి అడుగగా, చైతన్య ఇచ్చిన

జవాబుతో అది ఆగిపోయినట్లు తెలుస్తోంది. ఇప్పటివరకు ప్రకటించి ఆగిపోయిన నాగచైతన్య సినిమాలు ఏమిటో ఇప్పుడు చూద్దాం..
1. గౌరవం:

నాగ చైతన్య, రాధామోహన్ డైరెక్షన్ లో ‘గౌరవం’ అనే సినిమాని ప్రకటించారు. తెలుగు, తమిళం భాషల్లో ఈ సినిమాని విడుదల చేయనున్నట్లు ప్రకటించారు. అయితే ఈ మూవీ ఆగిపోయింది. ఈ సినిమాలో నాగచైతన్య జంటగా  వరలక్ష్మి శరత్ కుమార్ హీరోయిన్ గా తీసుకున్నట్లు అప్పట్లో వార్తలు వినిపించాయి.
  2. హలో బ్రదర్:

నాగ చైతన్య, ఢమరుఖం డైరెక్టర్ శ్రీనివాస్ రెడ్డి దర్శకత్వంలో ‘హలో బ్రదర్’ మూవీ రీమేక్ ని ప్రకటించారు. కానీ ఆ మూవీ మధ్యలోనే ఆగిపోయింది.
3. దుర్గ:

‘హలో బ్రదర్ ‘ రీమేక్ ఆగిపోవడంతో డైరెక్టర్ శ్రీనివాస్ రెడ్డి దర్శకత్వంలో దుర్గ అనే చిత్రాన్ని ప్రకటించారు. ఈ మూవీలో హన్సిక మోత్వాని హీరోయిన్ గా తీసుకున్నారు. ఈ చిత్రానికి సి.కల్యాణ్ నిర్మాత. కానీ ఈ ప్రాజెక్ట్ కూడా ఆగిపోయింది.
4. అదే నువ్వు అదే నేను:

దిల్ రాజు నిర్మాణంలో కొత్త డైరెక్టర్ శశి దర్శకత్వంలో నాగ చైతన్య, రష్మిక మందన్నహీరోహీరోయిన్లుగా   ‘అదే నువ్వు అదే నేను’ అనే సినిమాను ప్రకటించారు. కానీ ఈ చిత్రం కూడా ఆగిపోయింది. రష్మిక నాగ చైతన్యతో నటించడానికి  రెమ్యునరేషన్ ఎక్కువగా డిమాండ్ చేయడం, నాగ చైతన్య కథలో కొన్ని మార్పులు చేయమనడంతో ఈ సినిమా ఆగిపోయిందని అప్పట్లో వార్తలు వచ్చాయి.
5. నాగ చైతన్య – ఇంద్రగంటి చిత్రం :

అక్కినేని నాగ చైతన్య మోహన్ కృష్ణ ఇంద్రగంటి దర్శకత్వంలో ఒక చిత్రం ప్రకటించారు. ఈ చిత్రాన్ని దిల్ రాజు నిర్మించాల్సి ఉంది. కానీ ఈ చిత్రం ప్రకటంతోనే ఆగిపోయింది. దీనికి కారణం ఆ ఏడాది చైతన్య కాల్ షీట్స్ లేకపోవడంతో ఆ స్క్రిప్ట్‌ను పక్కన పెట్టారని సమాచారం.
6. నాగేశ్వరరావు :

నాగ చైతన్య, పరశురామ్ కాంబినేషన్ లో ‘నాగేశ్వరరావు’ అనే సినిమాను ప్రకటించారు. అయితే దర్శకుడు పరశురామ్ ఈ చిత్రాన్ని పక్కన పెట్టి, మహేష్ బాబుతో ‘సర్కారువారి పాట’ మూవీని తీశాడు. ఆ తరువాత నాగ చైతన్యతో మూవీ వస్తుంది అని అనుకున్నారు. కానీ దాని గురించి ఎలాంటి వార్త లేదు. తాజాగా చైతన్య ఇచ్చిన ఇంటర్వ్యూలో ఇదే విషయం అడుగగా ఆ విషయం మాట్లాడుకోవడం టైమ్ వెస్ట్ అని అన్నారు.
Also Read: మన 2 తెలుగు రాష్ట్రాలలో “ఆదిపురుష్” ట్రైలర్ రిలీజ్ అవుతున్న థియేటర్స్ ఇవే..! ట్రైలర్ కే ఇంత భారీగా ప్లాన్ చేశారా..?

పాన్ ఇండియా స్టార్ ప్రభాస్ అభిమానులు ఎప్పుడెప్పుడా అని వెయిట్ చేస్తున్న చిత్రాలలో ‘ఆదిపురుష్’ మూవీ ఒకటి. బాలీవుడ్ దర్శకుడు ఓంరౌత్ తెరకెక్కిస్తున్న ఈ చిత్రంలో ప్రభాస్ తొలిసారిగా శ్రీ రాముడి క్యారెక్టర్ లో నటిస్తున్నాడు.

ఈ చిత్రం పై భారీగా అంచనాలు ఏర్పడ్డాయి. తాజాగా ఆదిపురుష్ ట్రైలర్ మే 9న విడుదల కానుందని ప్రభాస్ తన ఇన్స్టా ఖాతాలో తెలియజేశారు. కొన్ని ఎంపిక చేసిన థియేటర్లలో త్రీడీ ట్రైలర్‌ను ప్రదర్శించనున్నారు. తెలుగు రాష్ట్రాలలో ఏ థియేటర్లలో ‘ఆదిపురుష్’ స్క్రీనింగ్ చేస్తున్నారో ఇప్పుడు చూద్దాం..
1.  నిజాం

నైజాంలో ‘ఆదిపురుష్’  త్రీడీలో ట్రైల‌ర్ స్క్రీనింగ్ అయ్యే జిల్లాలు..1. హైదరాబాద్
2. వరంగల్
3. ఖమ్మం
4. కరీంనగర్
5. నిజామాబాద్
6. మహబూబ్ నగర్
7. నల్గొండ
8. ఆదిలాబాద్
9. రంగారెడ్డి
ఈ జిల్లాల్లో ఏయే థియేటర్స్ లో ‘ఆదిపురుష్’ ట్రైలర్ స్క్రీనింగ్ అవుతుందనేది ఇక్కడ చూడండి.

2. ఆంధ్రప్రదేశ్: 

ఆంధ్రప్రదేశ్ లో ‘ఆదిపురుష్’  త్రీడీలో ట్రైల‌ర్ స్క్రీనింగ్ అయ్యే జిల్లాలు..
1. ఈస్ట్ గోదావరి
2. వెస్ట్ గోదావరి
3. గుంటూరు
4. కృష్ణా
5. నెల్లూరు

ఈ జిల్లాల్లో ఏయే థియేటర్స్ లో ‘ఆదిపురుష్’ ట్రైలర్ స్క్రీనింగ్ అవుతుందనేది ఇక్కడ చూడండి. 3. సీడెడ్:

సీడెడ్ లో ‘ఆదిపురుష్’  త్రీడీలో ట్రైల‌ర్ స్క్రీనింగ్ అయ్యే ప్రాంతాలు..
1. తిరుపతి
2.చిత్తూరు
3. శ్రీ కాళహస్తి
4. కడప
5. ప్రొద్దుటూరు
6. పులివెందుల
7. రాజంపేట
8. అనంతపూర్
9. హిందూపూర్
10. గుంతకల్
11. ధర్మవరం
12. కర్నూల్
13. నంద్యాల
14. ఆదోని
15. ఎమ్మిగనూరు

ఈ ప్రాంతాల్లో ఏయే థియేటర్స్ లో ‘ఆదిపురుష్’ ట్రైలర్ స్క్రీనింగ్ అవుతుందనేది ఇక్కడ చూడండి.

4. ఉత్తరాంధ్ర: 

ఉత్తరాంధ్రలో ‘ఆదిపురుష్’  త్రీడీలో ట్రైల‌ర్ స్క్రీనింగ్ అయ్యే ప్రాంతాలు..
1. విశాఖపట్నం
2. విజయనగరం
3. శ్రీకాకుళం

ఈ ప్రాంతాల్లో ఏయే థియేటర్స్ లో ‘ఆదిపురుష్’ ట్రైలర్ స్క్రీనింగ్ అవుతుందనేది ఇక్కడ చూడండి.
హీరో ప్రభాస్ నటిస్తున్న భారీ బడ్జెట్ తో తెరకెక్కుతున్న పౌరాణిక మూవీ “ఆదిపురుష్” జూన్ 16న రిలీజ్ కానుంది. ఈ క్రమంలో మూవీ ట్రైలర్ ను నభూతో నభవిష్యతి అనేలా రిలీజ్ కు ప్లాన్ చేస్తున్నారు. ఆదిపురుష్ త్రిడీ ట్రైలర్ మే 9న రిలీజ్ కానుంది. ఆ రోజు సాయంత్రం 5:30 నిమిషాలకు అటు థియేటర్స్ లోనూ, ఇటు సోషల్ మీడియా మధ్యమాలలో  రిలీజ్ చేయడానికి సన్నాహాలు చేస్తున్నారు.

Also Read: “ప్రభాస్” ‘ఆదిపురుష్’ మూవీ లో ‘సీత’ పాత్రకి ముందు అనుకున్న హీరోయిన్ ఎవరో తెలుసా..??

సాధారణంగా ప్రతి వారం ఏదో ఒక చిత్రం విడుదల అవుతూనే ఉంటుంది. ఇలా వచ్చిన చిత్రాలలో ఈ మధ్య కొన్ని చిత్రాలు హిట్ అవడం, ఎక్కువ చిత్రాలు ప్లాప్ అవడం జరుగుతోంది. ఏడాదిలో వందల కొద్దీ చిత్రాలు విడుదల అవుతుంటే వేళ్ల పై లెక్కపెట్టే అన్ని చిత్రాలు మాత్రమే విజయాన్ని సాధిస్తున్నాయి.

అయితే దీనికి కారణం ఏమిటి? ఎవరు? అనేది చెప్పడం కష్టమైన విషయమే. రీసెంట్ గా భారీ అంచనాలతో రిలీజ్ అయిన ‘ఏజెంట్’ మూవీ డిజాస్టర్ గా నిలిచింది. ఈ క్రమంలో గతంలో మెగాస్టార్ చిరంజీవి చేసిన కామెంట్స్  వైరల్ అవుతున్నాయి.
అఖిల్ అక్కినేని హీరోగా సురేందర్ రెడ్డి దర్శకత్వంలో తెరకెక్కిన ‘ఏజెంట్’ మూవీ నిరాశపరిచిన విషయం తెలిసిందే. అయితే రిలీజ్ అయిన 4 రోజులకే ఈ చిత్ర నిర్మాత మూవీ ఫెయిల్యూర్ ను ఒప్పుకుంటు, తమ దగ్గర బౌండెడ్ స్క్రిప్ట్ లేకుండానే మూవీ మొదలు పెట్టామని చెప్పారు. ఆయన చేసిన ట్వీట్ సోషల్ మీడియాలో వైరల్ గా మారింది. ఈ క్రమంలో మెగాస్టార్ చిరంజీవి గతంలో దర్శకులకు చేసిన సూచనలు ఇప్పుడు వైరల్ గా మారాయి. చిరంజీవి ఆరోజు  చెప్పిందే ఏజెంట్ మూవీ విషయంలో జరిగిందని నెటిజెన్లు కామెంట్స్ చేస్తున్నారు.
ఇండస్ట్రీలో కూడా ఇదే టాక్ వినిపిస్తోందని సమాచారం. కానీ చిరంజీవి అప్పుడు అలా చెప్పినపుడు ఆయన పై విమర్శలు, ట్రోల్స్ విపరీతంగా చేశారు. ఇప్పుడు ఆయన చెప్పిందే నిజం అని అంటున్నారు. వాల్తేరు వీరయ్య మూవీ సక్సెస్ మీట్ లో మెగాస్టార్ చిరంజీవి మాట్లాడుతూ యంగ్ దర్శకులకు పలు సూచనలు చేశారు. మూవీ షూటింగ్‌ మొదలు పెట్టడానికి ముందే దర్శకులు బౌండెడ్ స్క్రిప్ట్ సిద్ధం చేసుకోవాలని సూచించారు. చిత్రీకరణ మధ్యలో సందర్భానుసారంగా సన్నివేశంలో మార్పులు చేస్తే పర్లేదు.
అయితే అప్పటికప్పుడే సన్నివేశాన్ని రాసుకునే పద్ధతిని పద్దతిని,అప్పుడు కథ రాసుకునే విధానాన్ని మానుకోవాలని  సూచించారు. సిద్ధం చేసుకున్న స్క్రిప్ట్‌ ను దాటి ఒక్క సన్నివేశాన్ని కూడా రూపొందించకుండా ముందుగానే పేపర్ వర్క్ చేసుకోవాలని సూచించారు. ఆ విధనగా నిర్మాతకి డబ్బు ఆదా అయ్యేలా చేయాలని, నిర్మాతలను బతికించాలని, నిర్మాతలు బాగుంటేనే ఇండస్ట్రీలో మరిన్ని చిత్రాలు వస్తాయని, అప్పుడే సినీ పరిశ్రమ బాగుంటుదని మెగాస్టార్ యువ దర్శకులకు గట్టిగానే చెప్పారు. మరి ఇక నుండి అయిన డైరెక్టర్స్ మెగాస్టార్ సూచనలు పాటిస్తారేమో చూడాలి.

Also Read: 2017 లో “అఖిల్” కి… “అక్కినేని అభిమానులు” రాసిన ఈ లెటర్‌ చూసారా..?