Mohana Priya

విజయ్ దేవరకొండ హీరోగా పూరి జగన్నాధ్ దర్శకత్వంలో వస్తున్న సినిమా లైగర్. ఈ సినిమా విజయ్ దేవరకొండ మొదటి పాన్ ఇండియన్ సినిమా. అంతకుముందు విజయ్ దేవరకొండ హీరోగా నటించిన డియర్ కామ్రేడ్, అలాగే వరల్డ్ ఫేమస్ లవర్ సినిమాలు తెలుగుతో పాటు తమిళం, మలయాళం, కన్నడ భాషల్లో కూడా విడుదల అయ్యాయి. కానీ ఈ సినిమా మాత్రం పూర్తి స్థాయి పాన్ ఇండియన్ సినిమా గా రూపొందుతోంది. ఈ సినిమాతో అనన్య పాండే హీరోయిన్ గా తెలుగు ఇండస్ట్రీకి పరిచయం అవుతున్నారు. పూరి కనెక్ట్స్ బ్యానర్ పై పూరి జగన్నాధ్, చార్మి, ధర్మ ప్రొడక్షన్స్ బ్యానర్ పై బాలీవుడ్ నిర్మాత కరణ్ జోహార్ ఈ సినిమాని నిర్మిస్తున్నారు.

బాక్సింగ్ నేపథ్యంలో ఈ సినిమా సాగుతుంది. ఈ సినిమా కోసం విజయ్ దేవరకొండ చాలా కఠినమైన ట్రైనింగ్ తీసుకున్నారు. దాదాపు గత రెండు సంవత్సరాలుగా ఈ సినిమా కోసమే శ్రమిస్తున్నారు. ఇప్పటి వరకు అసలు మన తెలుగు తెరపై చూడని ఒక రకమైన యాక్షన్ సన్నివేశాలు ఈ సినిమాలో ఉండబోతున్నాయని సినిమా బృందం చాలా నమ్మకంగా చెప్పింది. అయితే మళ్ళీ లాక్ డౌన్ తర్వాత ఈ సినిమా షూటింగ్ మొదలుయ్యింది. ఈ సందర్భంగా విజయ్ దేవరకొండ తన సోషల్ మీడియా అకౌంట్ లో ఒక ఫోటో పోస్ట్ చేశారు. అందులో విజయ్ దేవరకొండ డిఫరెంట్ హెయిర్ స్టైల్ తో ఉన్నారు. ప్రస్తుతం ఈ ఫోటో, అలాగే ఈ పిక్చర్ మీద వస్తున్న మీమ్స్ సోషల్ మీడియాలో వైరల్ అవుతున్నాయి.

#1

#2#3#4#5#6#7#8#9#10#11#12#13#14#15

సమంత, నాగ చైతన్య గురించి ప్రస్తుతం ఎన్నో పుకార్లు వస్తున్నాయి. వారు ఇద్దరూ విడిపోబోతున్నారు అంటూ వార్తలు వస్తున్నాయి. సమంత కూడా తన సోషల్ మీడియా హ్యాండిల్స్ లో ఇంటి పేరు తీసేయడం, ఈ విషయంపై ఇంటర్వ్యూలో అడిగినా కూడా, “నేను సమయం వచ్చినప్పుడు మాత్రమే ఇలాంటి వాటికి స్పందిస్తాను” అని చెప్పడం, ఇంకా చర్చలకు దారి తీస్తున్నాయి. సమంత గత కొంత కాలం నుండి టూర్ లో ఉన్నారు. కానీ ఇప్పుడు ఒక్క రోజు కోసం హైదరాబాద్ కి వచ్చారు.

సమంత, నాగ చైతన్య విడాకుల వరకు వెళ్లారు అని, ఆ కౌన్సిలింగ్ కోసమే సమంత హైదరాబాద్ కి వచ్చారు అనే వార్త గట్టిగా వినిపిస్తోంది. అయితే వీరిద్దరి విడాకులకి సంబంధించిన కౌన్సిలింగ్ పూర్తయినట్లు వార్తలు వస్తున్నాయి. నాగార్జున వీరిద్దరిని ఎంత కన్విన్స్ చేయడానికి ట్రై చేసినా కూడా ఫలితం లేదు అని సమాచారం. దాంతో ఇద్దరూ మ్యూచువల్ గా విడాకులు తీసుకోబోతున్నారట. విడాకుల తర్వాత సమంత ముంబైకి షిఫ్ట్ అవుతున్నట్టు వార్తలు వస్తున్నాయి. తన బాలీవుడ్ కెరియర్ పై సమంత ఫోకస్ పెట్టనున్నారట.

ఈ విషయంపై శ్రీ రెడ్డి సోషల్ మీడియా వేదికగా స్పందించారు. తన ట్విట్టర్ ఖాతాలో ఈ విధంగా రాశారు. “వారిద్దరిపై ఇలాంటి పుకార్లను పుట్టించకండి. చై సామ్ బెస్ట్ కపుల్స్ లో ఒకరు. వాళ్లు చాలా క్యూట్, స్వీట్” అని శ్రీ రెడ్డి రాశారు. అంతే కాకుండా నాగ చైతన్య, సమంత పెళ్లి వీడియోని కూడా యాడ్ చేశారు. ఏది ఏమైనా కానీ ఈ విషయంపై అక్కినేని ఫ్యామిలీ అసలు స్పందించకపోవడం వల్ల చర్చలు ఇంకా పెరుగుతున్నాయి.

https://twitter.com/MsSriReddy/status/1437646480655802370

సాయి ధరమ్ తేజ్ కి సంబంధించిన సంఘటన గురించి, ఆయనని కాపాడిన యువకులు మహమ్మద్ ఆసిఫ్, మహమ్మద్ అబ్దుల్ ఫర్హాన్ స్పందించారు. వారిద్దరికీ మెగా ఫ్యామిలీ డబ్బులు ఇచ్చింది, బైక్ ఇచ్చింది అంటూ పుకార్లు వస్తున్నాయి. కానీ వారిద్దరూ అలాంటివన్నీ అసత్యం అని చెప్పారు. అసలు వారికి కాపాడేటప్పుడు అతను సాయి ధరమ్ తేజ్ అని తెలియదు అని సమయం కి ఇచ్చిన ఇంటర్వ్యూలో చెప్పారు. మహమ్మద్ ఆసిఫ్ ఒక పెయింటర్. సాయి ధరమ్ తేజ్ కి యాక్సిడెంట్ అయినప్పుడు మొహమ్మద్ ఆసిఫ్ అక్కడే ఉన్నారు.

బైక్ పై నుండి పడిపోయిన సాయి ధరమ్ తేజ్ ని తన స్నేహితుడు మొహమ్మద్ అబ్దుల్ ఫర్హాన్ సహాయంతో పక్క తీసుకు వచ్చి నీళ్లు తాగించే ప్రయత్నం చేశాడు. ఈ విషయంపై ఆసిఫ్ మాట్లాడుతూ అతను మెగా ఫ్యామిలీకి చెందిన అతను అని తెలియదు అని, కేవలం సాటి మనిషిగానే  సహాయం చేశాము అని చెప్తున్నారు. ఇదే విషయంపై రెండో వ్యక్తి మొహమ్మద్ అబ్దుల్ ఫర్హాన్ కూడా మాట్లాడారు. అతను హైదరాబాద్ లోని నిజాం పేట్ లో ఉన్న సిఎంఆర్ షాపింగ్ మాల్ లో పార్కింగ్ విభాగంలో పనిచేస్తారు.

image source : Samayam

సాయి ధరమ్ తేజ్ కి యాక్సిడెంట్ అయినప్పుడు మొదట చూసింది ఇతనే. ప్రమాదం జరిగిన వెంటనే 108కి కాల్ చేసి పోలీసులకు సమాచారం అందించారు. కొంత దూరం అంబులెన్స్ వెనకాల వెళ్లారు. సాయి ధరమ్ తేజ్ కుటుంబ సభ్యులకు ఈ సమాచారాన్ని ఇవ్వడానికి ప్రయత్నించారు. కానీ సాయి ధరమ్ తేజ్ ఫోన్ ఐ ఫోన్ అవ్వడంతో, అందులోనూ దానికి లాక్ ఉండడంతో వారు సాయి ధరమ్ తేజ్ కుటుంబానికి సమాచారాన్ని అందించలేకపోయారు.

image source : Samayam

సాయి ధరమ్ తేజ్ పర్స్ లో చూస్తే కేవలం డబ్బులు మాత్రమే కనిపించాయి. ఆ డబ్బులని కూడా మళ్ళీ తిరిగి పర్స్ లో పెట్టేసి, పోలీసులకి, 108 కి కాల్ చేశారు. ఫర్హాన్ మాట్లాడుతూ తాము ఆర్థికంగా వెనుకబడి ఉన్నప్పటికీ కూడా ప్రతిఫలం ఏమీ ఆశించడం లేదు అని, సాయి ధరమ్ తేజ్ కోలుకుంటే అది మాత్రం చాలు అని, ఇప్పటివరకు అసలు మెగా ఫ్యామిలీ నుండి వారికి ఒక్క ఫోన్ కూడా రాలేదు అని, దయచేసి ఇలాంటి తప్పుడు ప్రచారాలు చేయొద్దు అని చెప్పారు.

watch video :