తెలుగు ఇండస్ట్రీలో సెన్సేషనల్ హీరోగా గాంచిన విజయ్ దేవరకొండ హీరోగా కెరిర్ ప్రారంభించి ఇప్పటికి 7 ఏళ్ళు కావస్తోంది. విజయ్ దేవరకొండ మూవీ విజయం సాధించి 3 సంవత్సరాలు పైనే అవుతుంది.
పెళ్లిచూపులు చిత్రంతో హిట్ అందుకున్న విజయ్ దేవరకొండ ‘అర్జున్ రెడ్డి’ మూవీతో ఓవర్ నైట్ లో స్టార్ హీరోగా మారారు. విజయ్ తన కెరిర్లో ఇప్పటివరకు 10 చిత్రాలను రిజెక్ట్ చేశారు. వాటిలో కొన్ని కథలు నచ్చక, కొన్ని చిత్రాలకు డేట్స్ కుదరక రిజెక్ట్ చేసినట్లుగా తెలుస్తోంది. అయితే రౌడీ హీరో రిజెక్ట్ చేసిన ఆ సినిమాలు ఏమిటో ఇప్పుడు చూద్దాం..
1. అర్జున్ రెడ్డి హిందీ రీమేక్:
తెలుగులో సెన్సేషనల్ హిట్ అయిన ‘అర్జున్ రెడ్డి’ చిత్రాన్ని హిందీలో విజయ్ దేవరకొండతో రీమేక్ చేయాలని దర్శకుడు సందీప్ రెడ్డి వంగా అనుకున్నాడు. ఒకసారి నటించిన మూవీ రీమేక్ లో మళ్లీ నటించలేనని ఆ సినిమాను రిజెక్ట్ చేశాడు. అయితే హిందీలో ‘కబీర్ సింగ్’ గా రీమేక్ చేస్తే ఈ మూవీ అక్కడ కూడా సెన్సేషనల్ హిట్ అయ్యింది.
2. ఆర్ఎక్స్ 100:
కార్తికేయ కెరీర్ ను మలుపు తిప్పిన చిత్రం ఆర్ఎక్స్ 100. అజయ్ భూపతి దర్శకుడిగా మారి తీసిన మొదటి సినిమా ఇది. దర్శకుడు ఈ సినిమా కథ టాలీవుడ్ లో చాలా మంది హీరోలకు చెప్పారు. వారిలో విజయ్ దేవరకొండ ఒకరు. విజయ్ అప్పటికే అర్జున్ రెడ్డి నటించి ఉండడంతో ఈ స్టోరి కూడా అలానే ఉందని రిజెక్ట్ చేసాడు.
3. డియర్ కామ్రేడ్ హిందీ రీమేక్:
తెలుగులో వచ్చిన డియర్ కామ్రేడ్ చిత్రాన్ని బాలీవుడ్ నిర్మాత కరణ్ జోహార్ విజయ్ దేవరకొండ హీరోగా హిందీలో రీమేక్ చేయాలని భావించారు. కానీ విజయ్ దేవరకొండ ఆ మూవీని రిజెక్ట్ చేశాడు. అప్పటికే తెలుగు, తమిళ, కన్నడ, మలయాళ భాషల్లో రిలీజ్ అయిన డియర్ కామ్రేడ్ ప్లాప్ కావడంతో భారీగా నష్టాలను మిగిల్చింది. ఆ కారణంగా హిందీ రీమేక్ కోసం కరణ్ జోహార్ ఎంత అడిగిన విజయ్ మాత్రం నో చెప్పాడు.
4. హీరో:
కోలీవుడ్ దర్శకుడు ఆనంద్ అన్నమలై ‘హీరో ‘ మూవీని తెరకెక్కించాలని భావించి, పూజా కార్యక్రమాలు చేసారు. ఈ చిత్రంలో విజయ్ దేవరకొండ, మాళవిక మోహన్ హీరో హీరోయిన్లు. వారి పై కొరటాల శివ తొలి షాట్‌కు క్లాప్‌ కొట్టారు. అయితే ఆ సమయంలో విజయ్ నటించిన ‘నోటా’ డిజాస్టర్ కావడం విజయ్ ఈ మూవీని మధ్యలోనే ఆపేశాడు.
5. ఇస్మార్ట్ శంకర్:
విజయ్ దేవరకొండ పూరీ జగన్నాథ్ దర్శకత్వంలో ‘లైగర్’ మూవీలో నటించిన విషయం తెలిసిందే. అయితే వీరి కాంబోలో అంతకుముందే ఒక చిత్రాన్ని అనుకున్నారంట. కానీ ఆ మూవీ కథ నచ్చలేదని, విజయ్ దేవరకొండ రిజెక్ట్ చేశాడు. కానీ మూవీ బ్లాక్ బస్టర్ అయ్యింది. ఆ మూవీనే ఇస్మార్ట్ శంకర్.
6. భీష్మ:
ప్లాప్స్ తో ఉన్న హీరో నితిన్ కెరీర్ కు హిట్ ను ఇచ్చిన చిత్రం భీష్మ. 2020లో వెంకీ కుడుముల దర్శకత్వంలో వచ్చిన ఈ మూవీ సెన్సేషనల్ హిట్ గా నిలిచింది. ఈ కథను దర్శకుడు మొదట విజయ్ దేవరకొండకు చెప్పగా, ఈ మూవీ కథ విజయ్ కి అంతగా నచ్చలేదు. తన ఇమేజ్ కు ఈ మూవీ సెట్ కాదని రిజెక్ట్ చేశాడు.
7. కొరటాల శివ సినిమా:
కొరటాల శివ విజయ్ దేవరకొండతో ఒక మూవీని చేయాలని భావించి, కథ చెప్పారంట. విజయ్ దేవరకొండకు కథ నచ్చలేదని ఆ మూవీని రిజెక్ట్ చేశాడు. కొరటాలకు రిజక్ట్ చేయడం అప్పట్లో టాలీవుడ్ లో సంచలనం సృష్టించింది.
8. ఉప్పెన:
2021 లో దర్శకుడు బుచ్చిబాబు తీసిన ‘ఉప్పెన’ సినిమా ఎంత పెద్ద విజయాన్ని సాధించిందో అందరికి తెలిసిందే. అయితే బుచ్చిబాబు ఈ స్టోరీ ముందుగా విజయ్ దేవరకొండకే చెప్పాడు. అయితే అది విజయ్ దేవరకొండ స్టార్ హీరోగా మారక ముందు, బుచ్చిబాబు అసిస్టెంట్ డైరెక్టర్ గా పనిచేస్తున్న సమయంలో ఉప్పెన స్టోరిని విజయ్ కు చెప్పాడు. అయితే జయ్ దేవరకొండ ‘అర్జున్ రెడ్డి’ మూవీతో ఓవర్ నైట్ లో స్టార్ అయ్యాడు. అంత ఇమేజ్ వచ్చిన విజయ్ ని తన కథలో బుచ్చిబాబు ఊహించుకోలేకపోయాడు. ఇటు విజయ్ కూడా ఉప్పెన ను రిజెక్ట్ చేశాడు.
9. కరణ్ జోహార్ హిందీ సినిమా:
ప్రముఖ బాలీవుడ్ నిర్మాత కరణ్ జోహార్ కు విజయ్ దేవరకొండ రెండుసార్లు షాక్ ఇచ్చాడు. అర్జున్ రెడ్డి మూవీ తరువాత విజయ్ క్రేజ్ అమాంతం పెరిగిపోయింది. ఆ సమయంలోనే కరణ్ జోహార్ రౌడీ హీరోను బాలీవుడ్ లో ఇంట్రడ్యూస్ చేయడానికి చాలా ప్రయత్నించాడు.
విజయ్ దేవరకొండ హీరోగా భారీ బడ్జెట్ చిత్రాన్ని నిర్మించడం కోసం అన్ని రెడీ చేసిన తరువాత ఆఖరి నిమిషంలో విజయ్ కథ నచ్చలేదు అంటూ ఆ మూవీ నుండి బయటికి వచ్చేశాడు.
“హైదరాబాద్ లో పెరిగిన అమ్మాయిలని పెళ్ళి చేసుకోవటానికి వెనకాడుతున్నారు. ఎందుకని” అనే ప్రశ్నకు 
నిజానికది అందరమ్మాయిలకూ ఉండాల్సిన నిగ్గు. కానీ చిన్న ఊర్ల పరిమిత ఆలోచనా ధోరణులు, కట్టుబాట్లకు అలవాటు పడిన తల్లిదండ్రులు, వేసుకునే బట్టలు మొదలు స్నేహాలు, ఆశయాల వరకు అన్నిటా పిల్లలకు పరిమితులు విధిస్తూంటారు (కొన్ని తెలిసీ, ఎన్నో తెలియక). అవగాహన విస్తరించుకోనందున వారి పిల్లలకు (అబ్బాయిలకూ) అవసరమైన స్థైర్యం అలవడటం దాదాపు అసాధ్యం. పై చదువులకో, ఉద్యోగానికో వలసెళ్తే తప్ప ఆ పిడివాదపు సంకెళ్ళను తెంచుకోవటం సాధ్యపడదు. అప్పటికీ ఆ సంకెళ్ళను తెంచుకోనివ్వని తల్లిదండ్రులతో నరకయాతన పడే వ్యక్తులు ఎందరో తెలుసు. చిన్న ఊర్లలో అంతా ఇలాగే ఉంటారని కాదు కానీ బహుశా 80% ఇంతే.
ఇలా పెరిగిన అబ్బాయిలు పట్టణాల్లో పెరిగిన అమ్మాయిలను చేసుకోటానికి వెనుకాడటంలో ఆశ్చర్యం లేదు. వెనుకాడటం అంటే నిజానికి జంకటమేగా? చేతిలో చిల్లిగవ్వ లేనివాడు కోటి రుపాయల ఇల్లు కొనటానికి వెనుకాడటంలా, నెదర్లాండ్స్ జట్టు ఆస్ట్రేలియాతో టెస్ట్ మ్యాచ్ ఆడేందుకు వెనుకాడటంలాగానే అవతలి వ్యక్తి వ్యక్తిత్వం నా కంటే వికాసం చెందినదేమోనన్న సందేహంతో వెనుకాడటం ఉన్న మాట. కేవలం ఒక వ్యక్తి పెరిగిన ఊరిని బట్టి వారి వ్యక్తిత్వాన్ని అంచనా వేసి తీర్పునిచ్చే వారికి ఎంత దూరంగా ఉంటే అంత మంచిదని లార్డ్ లబక్‌దాస్ ఎప్పుడో చెప్పారు” అని రాసుకొచ్చారు.
స్మితా సబర్వాల్ 1977 లో పశ్చిమ బెంగాల్‌లోని డార్జిలింగ్‌లో బెంగాలీ ఫ్యామిలిలో ఆర్మీ అధికారి కల్నల్ ప్రణబ్ దాస్, పురబీ దాస్‌లకు జూన్ 19న జన్మించారు. ఆమె సికింద్రాబాద్‌లోని సెయింట్ ఆన్స్ హైస్కూల్‌లో చదువుకున్నారు. ఐసీఎస్ఈ పరీక్షలో స్మితా సబర్వాల్ ఆల్ ఇండియా టాపర్ గా నిలిచారు. హైదరాబాద్‌లోని సెయింట్ ఫ్రాన్సిస్ ఫర్ ఉమెన్ కాలేజ్ నుండి కామర్స్‌లో పట్టా తీసుకున్నారు. 2000లో యూనియన్ పబ్లిక్ సర్వీస్ కమీషన్ పరీక్ష రాసిన ఆమె, ఆల్ ఇండియా స్థాయిలో 4వ ర్యాంక్ సాధించింది. అప్పుడు ఆమె వయసు 22 ఏళ్ళు.
2001లో ముస్సోరీలోని లాల్ బహదూర్ శాస్త్రి నేషనల్ అకాడమీ ఆఫ్ అడ్మినిస్ట్రేషన్‌లో స్మితా సబర్వాల్ అడ్మినిస్ట్రేటివ్ శిక్షణ పూర్తి చేసింది. తన ప్రొబేషన్ టైమ్ లో ఆదిలాబాద్ జిల్లాలో ట్రైనింగ్ పొందారు. ఆ తరువాత చిత్తూరులోని మదనపల్లి సబ్ కలెక్టర్‌గా ఆమె మొదటిసారి బాధ్యతలు స్వీకరించారు. ఆ తర్వాత కడప డిఆర్‌డిఎ ప్రాజెక్టు డైరెక్టర్‌గా గ్రామీణాభివృద్ధి విభాగంలో పనిచేశారు. ఆ తరువాత వరంగల్ మునిసిపల్ కమీషనర్‌గా పనిచేశారు. ఆమె “ఫండ్ యువర్ సిటీ” అనే పథకాన్ని ప్రవేశపెట్టింది.
ట్రాఫిక్ జంక్షన్లు, ఫుట్ ఓవర్‌బ్రిడ్జ్‌లు, బస్-స్టాప్‌లు, పార్కులు వంటి పెద్ద సంఖ్యలో పబ్లిక్ యుటిలిటీలను పబ్లిక్-ప్రైవేట్ భాగస్వామ్యంతో (PPP) క్రియేట్ చేశారు. ఆ తర్వాత విశాఖపట్నంలో వాణిజ్య పన్నుల శాఖ డిప్యూటీ కమిషనర్‌గా పనిచేశారు. 2011 ఏప్రిల్ లో, సబర్వాల్ కరీంనగర్ జిల్లా కలెక్టర్‌గా బాధ్యతలు స్వీకరించారు. అక్కడ ఆమె ఆరోగ్యం మరియు విద్యా రంగంలో చాలా కృషి చేశారు. ప్రజాప్రతినిధుల సహకారంతో కరీంనగర్ సిటీలో విశాలమైన రోడ్లు, ట్రాఫిక్ జంక్షన్లు, బస్టాప్‌లు, మరుగుదొడ్లు మరియు ఇతర ప్రజా ప్రయోజనాల రూపంలో కొత్త రూపురేఖలను సంతరించుకునేలా చేశారు.
2012–2013లో ప్రధానమంత్రి 20 పాయింట్ల కార్యక్రమంలో కరీంనగర్ జిల్లా ఉత్తమ జిల్లాగా అవార్డు పొందింది. 2014 సార్వత్రిక ఎన్నికల టైమ్ లో ఆమె మెదక్ జిల్లా కలెక్టర్‌గా పనిచేశారు. ఆమె కలెక్టర్ గా కరీంనగర్ మరియు మెదక్ జిల్లాలను రాష్ట్రంలోనే అగ్రగామిగా నిలిపింది. ఇది ఇలా ఉంటే, తాజాగా ఆమె పై మాజీ ఐఏఎస్ ఆకునూరి మురళి సంచలన కామెంట్స్ చేశారు. గత ప్రభుత్వంలో చేసే తప్పులు చేసి, ఇప్పుడు కేంద్ర సర్వీసుల్లోకి వెళ్ళడం ఫ్యాషన్ అయ్యిందని, ఆమెని వెళ్ళకుండా చూడాలని ‘దేశం మొత్తంలో హెలికాప్టర్‌లో వెళ్లి పనులను పర్యవేక్షించే ఏకైక ఐఏఎస్ ఆఫీసర్ ఈమెగారు మాత్రమే’ అంటూ పోస్ట్ లో రాసుకొచ్చారు.
జట్టులో ఓపెనర్ల పాత్రకు ఎంత ప్రాధాన్యత ఉందో, అలాగే ఫినీషర్ల పాత్ర కూడా అంతే ముఖ్యం. ఎందుకంటే మ్యాచ్ ప్రారంభంలో ఎంత బాగా ఆడినప్పటికీ, మ్యాచ్ ను విజయవంతంగా ముగించే ఫినిషర్ లేకపోతే అప్పటిదాకా ఎంత స్కోర్ చేసిన వ్యర్థమే అవుతుంది. అలా అని జట్టులో ఫినీషర్లు మాత్రమే ఉన్నా ఎలాంటి ప్రయోజనం ఉండదు.
ధోనీ రిటైర్ అయినప్పటి నుండి భారత జట్టు మంచి ఫినీషర్ కోసం చూస్తోంది. ధోనీ లాగా మ్యాచ్ చివరి వరకు నిలిచి మ్యాచ్ ను గెలిపించగల యువ క్రికెటర్ల పై దృష్టి పెట్టింది. ఇప్పటి వరకు ఐపీఎల్ భారత జట్టుకు ఎందరో మంచి ఆటగాళ్లను ఇచ్చింది. ఈసారి ఐపీఎల్ ద్వారా మంచి ఫినీషర్ లభించినట్టుగా భావిస్తున్నారు. ఐపీఎల్ 16వ సీజన్ లో భాగంగా సోమవారం నాడు కోల్కతా, పంజాబ్ జట్ల మధ్య జరిగిన మ్యాచ్ ఆఖరి బంతి వరకు ఎంతో ఉత్కంఠభరితంగా సాగింది. చివరికి ఈ మ్యాచ్‌లో కోల్కతా జట్టు 5 వికెట్ల తేడాతో పంజాబ్ జట్టు పై గెలిచింది.
మ్యాచ్ లో ముందుగా బ్యాటింగ్ చేసిన పంజాబ్ జట్టు 20 ఓవర్లలో 7 వికెట్లు కోల్పోయి, 179 పరుగులు చేసింది. తర్వాత బ్యాటింగ్‌కు చేసిన కోల్కతా జట్టు ఆఖరి బంతికి గెలుపును సాధించింది. కెప్టెన్ నితీశ్ రాణా 51 పరుగులు, ఆండ్రీ రసెల్ 42 పరుగులు, రింకు సింగ్ 21 పరుగులు చేసి నాటౌట్ గా నిలిచి తమ జట్టును గెలిపించారు. ఇక ఈ మ్యాచ్ లో రింకూ సింగ్ ఫినీషర్ గా ప్రూవ్ చేసుకున్నాడు. రింకూ సింగ్ చివరి బంతికి ఫోర్ కొట్టి కోల్కతా జట్టును గెలిపించాడు. కోల్‌క‌తాకు వ‌రుస‌గా ఇది రెండవ విజయం. దీనితో పాయింట్ల ప‌ట్టిక‌లో 5వ స్ధానానికి కోల్కతా జట్టు చేరుకుంది.
రింకూ సింగ్ అంతకముందు మ్యాచ్ లో కూడా కీలక సమయంలో తన జట్టును ఆదుకున్నాడు. 35 బంతుల్లో 46 పరుగులు చేశాడు. ఈ మ్యాచ్ లో రింకూ సింగ్ ఆడిన ఈ ఇన్నింగ్స్ ఐపీఎల్ హిస్టరీలోనే బెస్ట్ చివరి ఓవర్. 5 బాల్స్ లో 28 పరుగులు చేయాల్సి ఉండగా, ప్ర‌తీ బాల్ ని సిక్స‌ర్‌గా మార్చి గుజ‌రాత్ జట్టు పై కోల్కతా జట్టుకు విజయాన్ని అందించాడు. ఇలా వరుస మ్యాచ్ లలో రింకూ సింగ్ ప్రతిభను చూసినవారు భారత జట్టుకి మరో ధోనీ దొరికేశాడని అభిమానులు సంతోష పడుతున్నారు.
వచ్చే అసెంబ్లీ ఎలెక్షన్స్ లో 175 నియోజకవర్గాల్లో విజయం సాధించడమే లక్ష్యంగా ప్రణాళికలు వేస్తున్న వైసీపీ, తాజగా 11 నియోజకవర్గాల్లో ఇన్‌చార్జులను మార్చింది. కొండెపి- ఆదిమూలపు సురేష్, మంగళగిరి- గంజి చిరంజీవి, ప్రత్తిపాడు- బాలసాని కిరణ్ కుమార్, వేమూరు- వరికూటి అశోక్ బాబు,సంతనూతలపాడు- మేరుగ నాగార్జున, తాడికొండ- మేకతోటి సుచరిత, చిలకలూరిపేట- మల్లెల రాజేశ్ నాయుడు, అద్దంకి- పాణెం హనిమిరెడ్డి, గుంటూరు పశ్చిమ- విడదల రజినీ, గాజువాక- వరికూటి రామచంద్రరావు, రేపల్లె- ఈవూరు గణేష్ లను ఇన్‌చార్జులగా నియమించారు.
యర్రగొండపాలెం నియోజకవర్గానికి ప్రాతినిథ్యం వహిస్తున్న ఆదిమూలపు సురేష్‌ను తాజాగా కొండెపికి ఇన్‌చార్జిగా మార్చడం చర్చకు దారి తీసింది. ఈ నియోజకవర్గంలో ప్రస్తుతం తెలుగుదేశం పార్టీ నాయకుడు డోలా బాలవీరాంజనేయస్వామి స్థానం ఇది. 2014 మరియు 2019 ఎలెక్షన్స్ లో ఇక్కడి నుంచి పోటీ చేసి, విజయం సాధించారు. అందువల్ల వచ్చే ఎన్నికలలో కూడా ఆయనే పోటీ చేసే అవకాశం ఉండవచ్చు.
కొండెపికి ఇన్‌చార్జిగా మార్చడం పై తాజాగా ఆదిమూలపు సురేష్ మాట్లాడారు. నియోజకవర్గ మార్పు విషయంలో పార్టీ నిర్ణయమే పాటిస్తానని, అధిష్టానం ఆదేశాల మేరకు పని చేస్తాన‌ని వెల్లడించారు. పార్టీ నిర్ణయాన్ని శిరసావహిస్తానని, సైనికుడిలా పార్టీ విజయం కోసం పనిచేస్తానని అన్నారు. ముఖ్యమంత్రి జగన్ తమకు కెప్టెన్ అని అన్నారు. కొండెపి నియోజకవర్గంలోని పార్టీ కార్యకర్తలను సమన్వయం చేసుకుంటూ పార్టీని బలోపేతం చేయడానికి కృషి చేస్తామని వెల్లడించారు.