Sainath Gopi

ఇటీవల కాలంలో ఇన్వెస్టిగేటివ్ క్రైమ్ థ్రిల్లర్ కథలతో తెరకెక్కిన వెబ్ సిరీస్ లు ఎక్కువగా ఓటీటీ ఫ్లాట్ ఫామ్స్ స్ట్రీమింగ్  అవుతున్న విషయం తెలిసిందే. ఈ తరహా స్టోరీలకు ప్రేక్షకుల నుండి ఎక్కువ ఆదరణ లభిస్తోంది. అందువల్ల ఇలాంటి స్టోరీలతో వెబ్ సిరీస్ లు రూపొందుతున్నాయి.

తాజాగా ‘వ్యూహం’ ఇన్వెస్టిగేటివ్ క్రైమ్ థ్రిల్లర్ స్టోరీతో తెరకెక్కిన వెబ్ సిరీస్ ‘అమెజాన్ ప్రైమ్’ లో రిలీజ్ అయ్యింది. ఎనిమిది ఎపిసోడ్స్ గా రూపొందిన ఈ సిరీస్ ఎలా ఉందో ఇప్పుడు చూద్దాం..
తెలుగులో వచ్చిన మరో ఇన్వెస్టిగేటివ్ క్రైమ్ థ్రిల్లర్ వ్యూహం. ఈ వెబ్ సిరీస్ ను సుప్రియ యార్లగడ్డ అన్నపూర్ణ స్టూడియోస్ బ్యానర్ పై నిర్మించారు.  ఈ సిరీస్ డిసెంబర్ 14 నుంచి అమెజాన్ ప్రైమ్ లో స్ట్రీమింగ్ అవుతోంది. చైతన్య కృష్ణ, సాయి సుశాంత్ రెడ్డి, పావని గంగిరెడ్డి, శశాంక్ సిద్ధంశెట్టి, రవీంద్ర విజయ్ ఈ సిరీస్ లో ముఖ్యమైన పాత్రల్లో నటించారు.ఇక ఈ సిరీస్ కథ విషయానికి వస్తే, ఐపీఎస్ పూర్తిచేసిన అర్జున్ రామచంద్ర (సాయి సుశాంత్ రెడ్డి)  కొత్తగా డిపార్ట్మెంట్ లో చేరుతాడు. అతని తల్లి కూడా ఐపీఎస్ ఆఫీసర్, అర్జున్ 10 ఏళ్ళ వయసులో ఉన్నప్పుడు నక్సలైట్ల చేతిలో మరణిస్తుంది. తల్లి మాటలే అర్జున్ ఐపీఎస్ అయ్యేలా చేస్తాయి. అతనికి మైఖేల్ కి సంబంధించిన హిట్ అండ్ రన్ కేసును అప్పగిస్తారు.
అర్జున్ ఆ కేసును లోతుగా దర్యాప్తు చేస్తుండగా, అది హిట్ అండ్ రన్ కేసు కాదని కావాలని చేసినట్టుగా తెలుస్తుంది. అంతేకాకుండా ఆ కేసుకి తన తల్లి మరణానికి సంబంధం ఉన్నట్టుగా తెలుస్తుంది. దాంతో ఆ రెండు కేసులు ఒకదానితో ఒకటి కనెక్ట్ అయిన చిక్కు ముడిని విప్పుతాడు. ఆ తర్వాత ఏం జరుగుతుంది? ఇతర వ్యక్తులతో ముడిపడి ఉన్న మిస్టరీ కేసును అర్జున్ ఎలా సాల్వ్ చేశాడు అనేది మిగిలిన కథ.

Also Read: PINDAM REVIEW : “శ్రీరామ్” నటించిన ఈ సినిమా ఎలా ఉంది..? స్టోరీ, రివ్యూ & రేటింగ్.!

తెలుగు స్టార్ ప్రొడ్యూసర్ అల్లు అరవింద్ బాలీవుడ్ నిర్మాతలతో కలిసి రామాయణం సినిమా తెరకెక్కించనున్న సంగతి తెలిసిందే. ప్రముఖ బాలీవుడ్ దర్శకుడు నితీష్ తివారి ఈ సినిమాను డైరెక్టర్ చేయనున్నారు. ఈ బాలీవుడ్ రామాయణం గురించి ఎప్పటికప్పుడు వార్తలు వస్తూనే ఉంటాయి. ఇప్పుడు తాజాగా మరొక వార్త ఇంటర్నెట్ లో హల్ చల్ చేస్తుంది.

ఈ రామాయణంలో రణబీర్ కపూర్ రాముడుగా సీతగా సాయి పల్లవి నటించనుంది అనే వార్త బయటకు వచ్చింది. అయితే రావణాసురుడి పాత్రలో కేజిఎఫ్ హీరో యష్ నటించినున్నారు. హనుమంతుడి పాత్రలో సన్నీ డియోల్ నటిస్తున్నట్లు కూడా బయటకు వచ్చింది.

ఈ సినిమా కోసం అత్యాధునిక టెక్నాలజీని వాడనున్నారట.ఇప్పటికే శ్రీలంకలో భారీ సెట్లు నిర్మాణం జరుగుతుంది అనే వార్త కూడా బయటకు వచ్చింది. ఆల్రెడీ ఈ సినిమా ప్రీ ప్రొడక్షన్ పనులు మొదలైపోయాయి. ఇటీవల యానిమల్ సినిమాతో సూపర్ హిట్ కొట్టిన రణబీర్ కపూర్ త్వరలో ఒక ప్రతిష్టాత్మకమైన చిత్రంలో నటిస్తున్నట్లు చెప్పుకొచ్చాడు. అది రామాయణమే అంటూ ఊహాగానాలు కూడా మొదలయ్యాయి. ఈ బాలీవుడ్ రామాయణం ఎంతవరకు మెప్పిస్తుందో వేచి చూడాల్సిందే

నాచురల్ స్టార్ నాని తాజాగా హాయ్ నాన్న మూవీతో ప్రేక్షకులు ముందుకు వచ్చారు. ఈ మూవీ డీసెంట్ హిట్ గా నిలిచింది. తండ్రి కూతురు సెంటిమెంట్ తో వచ్చిన ఈ మూవీకి ప్రేక్షకులు ఫిదా అయిపోతున్నారు.ఎంటర్‌టైన్‌మెంట్స్‌ బ్యానర్‌పై మోహన్ చెరుకూరి నిర్మించారు.

ఇందులో మృణాల్ ఠాకూర్ హీరోయిన్‌గా.. బేబీ కియారా ఖన్నా ముఖ్యమైన రోల్ చేసింది. ఈ మూవీకి హేషమ్ అబ్దుల్ వహాబ్ సంగీతాన్ని అందించాడు. జయరాం, అంగద్ బేడీ, నాజర్ కీలక పాత్రల్లో కనిపించారు.

ప్రయోగాలు చేయడంలో నాని ని మించిన హీరో వేరే ఒకరు లేరు. అలాగే కొత్త దర్శకులను పరిచయం చేయాలన్న నాని తర్వాతే ఎవరైనా సరే. అలా కొత్త వాళ్లను నమ్మి సినిమా చేసిన ప్రతిసారి నానికి హిట్టు దక్కింది. అయితే హాయ్ నాన్న మూవీ మంచి కలెక్షన్స్ సాధిస్తుంది. ఒకసారి ఈ మూవీ ఫస్ట్ వీక్ కలెక్షన్స్ వివరాలు పరిశీలిస్తే…

ఈ మూవీకి నైజాంలో రూ. 8.50 కోట్లు, సీడెడ్‌లో రూ. 2.60 కోట్లు, ఆంధ్రప్రదేశ్‌లోని అన్ని ప్రాంతాలు కలిపి రూ. 9 కోట్లకు అమ్ముడుపోయింది. ఇలా ఈ సినిమాకు తెలుగులో రూ. 20.10 కోట్లు ప్రీ రిలీజ్ బిజినెస్ అయింది. కర్నాటక ప్లస్ రెస్టాఫ్ ఇండియాలో రూ. 2 కోట్లకు, ఓవర్సీస్ హక్కులు రూ. 5.50 కోట్లతో కలిపి రూ. 27.60 కోట్లు బిజినెస్ జరిగింది.అయితే తెలుగు రాష్ట్రాల్లో ఈ సినిమాకు బుధవారం రూ. 65 లక్షలు షేర్ మాత్రమే వసూలు అయింది. ప్రపంచ వ్యాప్తంగా రూ. 1 కోటి వరకూ షేర్ వచ్చింది. ఇలా వారం రోజుల్లో ఈ చిత్రం విజయానికి చేరువగా వచ్చేసింది

రణబీర్ కపూర్ నటించిన యానిమల్ సినిమా డిసెంబర్ ఒకటో తారీఖున విడుదలై సంచలన విజయాన్ని నమోదు చేసుకుంది. ఈ సినిమా కలెక్షన్ల సునామీని సృష్టిస్తుంది. రణబీర్ కపూర్ కెరియర్ లోనే ఒక పెద్ద హిట్ గా నిలిచింది.

అయితే యానిమల్ సినిమాని ఎంతగా ఆదరిస్తున్నారో అలాగే కొంతమంది తీవ్రంగా వ్యతిరేకిస్తున్నారు. తాజాగా లోక్ సభ లో ఒక ఎంపీ కూడా యానిమల్ సినిమా పైన మాట్లాడుతూ ఈ మూవీ మేకర్స్ ను తప్పు పట్టారు.

అయితే తాజాగా ఈ సినిమా పైన లోక్సత్తా అధ్యక్షుడు జయప్రకాష్ నారాయణ స్పందించారు. సినిమాల వల్ల ప్రజలందరూ చెడిపోరు, మారిపోరు కానీ చూసేవారి ఆలోచన విధానం పైన మాత్రం తీవ్ర ప్రభావం చూపుతుంది అని అన్నారు. అయితే సినిమాలు తీసే నిర్మాతలకు హీరోలకి దర్శకులకి సమాజం పట్ల బాధ్యత ఉండాలని, చెడు ఆలోచనలు కలగకుండా సినిమాలు తెరకెక్కిస్తే బాగుంటుందని అభిప్రాయపడ్డారు.

సమాజంలో జరిగే తప్పులకు పూర్తి భాద్యత సినిమాలు అనడం లేదు. అలా అనడం కూడా తప్పు. కానీ ఎంటర్టైన్మెంట్ తో పాటు కొంచెం సమాజం పై భాద్యత వహించి సినిమాలు తీస్తే బాగుటుంది. స్వతంత్ర పోరాటంలో అలా సినిమా తీసేవారు. శివ, యానిమల్ లాంటి సినిమాలు చూస్తే.. నాకే ఎదుటవాడిని చంపేయాలనే భావన కలుగుతుంది అని చెప్పుకొచ్చారు

నందమూరి బాలకృష్ణ ఎక్కువగా పౌరాణిక చిత్రాలు చరిత్ర ఆత్మకు చిత్రాలు చేయడానికి ఇష్టపడుతుంటారు.తెలుగు చిత్రసీమలో సాంఘికం, పౌరాణికం, జానపదం, చారిత్రాత్మకం, సైన్స్‌ఫిక్షన్‌, భక్తిరసాత్మకం..ఇలా అన్ని జానర్లలో నటించిన ఏకైక నటుడు నందమూరి బాలకృష్ణ మాత్రమే.

ఆరేళ్లక్రితం ‘గౌతమీపుత్ర శాతకర్ణి’తో బాక్సాఫీస్‌ దగ్గర సంచనలం సృష్టించారాయన. ప్రయోగాల చేయాలన్నా కూడా బాలయ్య పేరే గట్టిగా వినిపిస్తుంది. పౌరాణిక డైలాగులు గుక్క తిప్పుకోకుండా చెప్పడం బాలయ్యకు వెన్నతో పెట్టిన విద్య.

త్వరలో బాలయ్య మరో హిస్టారికల్‌ సబ్జెక్ట్‌తో ప్రేక్షకుల ముందుకు రానున్నట్టు విశ్వసనీయ సమాచారం. శతాబ్దాల క్రితం తెలుగునేలను పాలించిన ఓ మహారాజు కథతో ఈ సినిమా రూపొందనున్నట్టు వినికిడి. ప్రస్తుతం ఆయన కె.ఎస్‌.రవీంద్ర(బాబీ) దర్శకత్వంలో సినిమా చేస్తున్న విషయం తెలిసిందే. ఈ సినిమా తర్వాత బోయపాటి శీను డైరెక్షన్ లో అఖండ2 సినిమాని చేయనున్నారు.

అయితే ఈ చరిత్ర ఆత్మకు చిత్రాన్ని డైరెక్ట్ చేసే డైరెక్టర్ ఎవరు? ఇది ఎప్పుడు పట్టాలెక్కుతుంది? ఇంతకీ తెలుగు నేలను పాలించిన ఆ మహారాజు ఎవరు?అనే పూర్తి వివరాలు తెలియాలంటే మరి కొన్ని రోజులు ఆగాలి. బాలకృష్ణను మరోసారి అటువంటి పాత్రలో చూసేందుకు ఆయన ఫ్యాన్స్ కూడా ఆత్రుతగా ఎదురు చూస్తున్నారు

నందమూరి బాలకృష్ణ అరవై మూడు ఏళ్ల వయసులో యంగ్ హీరోలకు పోటీగా వరుస చిత్రాలలో నటిస్తూ ప్రేక్షకులను అలరిస్తున్నారు. కొన్నేళ్ళ నుండి వరుస పరాజయాలతో ఉన్న బాలయ్య 2021 లో వచ్చిన ‘అఖండ’ తో బ్లాక్ బస్టర్ హిట్ సాధించి, సక్సెస్ ట్రాక్ ను ఎక్కారు.

సంక్రాంతికి రిలీజ్ అయిన ‘వీర సింహారెడ్డి’ సినిమాతో సూపర్ హిట్ అందుకుని బాలకృష్ణ అదే జోష్ లో ముందుకు వెళ్తున్నాడు. ప్రస్తుతం బాలయ్య డైరెక్టర్ అనిల్ రావిపూడి డైరెక్షన్ లో తెరకెక్కుతున్న ‘ఎన్‌బీకే 108’ మూవీ షూటింగ్ లో ఫుల్ బిజీగా ఉన్నాడు.ఇదిలా ఉంటే బాలకృష్ణ తన చిత్రాల విషయంలో ఒక సెంటిమెంట్ ఉంది. అలాగే బాలయ్య ఫ్యాన్స్ కి కూడా బాలకృష్ణ చిత్రాల విషయంలో అనేక సెంటిమెంట్లు ఉన్నాయి. బాలయ్య మూవీ టైటిల్ లో ‘సింహ’ అనే పదం ఉంటే ఆ మూవీ కచ్చితంగా విజయం సాధిస్తుందని సెంటిమెంట్. అలాగే ఆయన ఉపయోగించే విగ్గుల విషయంలోనూ ఫ్యాన్స్ కు సెంటిమెంట్ ఉంది. ఎందుకంటే బాలయ్య సినిమా సినిమాకు ఆయన ఒక్కో గెటప్ లో కనిపిస్తారు. అలా గెటప్ ను బట్టి విగ్గులను ఉపయోగిస్తుంటారు.
వాటితో బాలకృష్ణ లుక్ మారుతుంది. ఇక బాలకృష్ణకు విగ్గు సెట్ అయితే ఆ మూవీ విజయం సాధిస్తుందని ఫ్యాన్స్ నమ్మకం. దానికి కారణం బాలయ్య ప్లాప్ అయినా చిత్రాలలో బాలకృష్ణకు విగ్గు సెట్ కాలేదు. ఇక బాలకృష్ణకు విగ్గు సెట్ అయిన చిత్రాలన్ని విజయం సాధించాయి. దీంతో బాలకృష్ణ కూడా ప్రస్తుతం తన లుక్ గురించి ప్రత్యేకమైన శ్రద్ధను  తీసుకుంటున్నారని సమాచారం. బాలయ్య ట్రెండ్ కు తగ్గట్టుగా తనని తాను మార్చుకుంటూనే ఉన్నాడు.ఇదే కాకుండా బాలకృష్ణ చిత్రాల విషయంలో ఇంకొక సెంటిమెంట్ ఉంది. అది ఏమిటంటే స్టార్ డైరెక్టర్స్ తో చేసిన చిత్రాలన్ని హిట్ అయ్యాయి. అందుకే బాలకృష్ణ స్టార్ డైరెక్టర్స్ తో మూవీ చేయటానికి ఎక్కువ ఇంట్రెస్ట్ కనపరుస్తారు. అలాగే బాలకృష్ణ డ్యూయల్ రోల్ లో నటిస్తే ఆ చిత్రాలు హిట్ అవుతాయని బాలయ్య అభిమానుల నమ్మకం. ఆయన కెరీర్ మొదటి నుండి ఇటీవల వీరసింహారెడ్డి వరకు చాలా సినిమాలు ఈ సెంటిమెంట్ ను నిరూపించాయి. ప్రస్తుతం అనిల్ రావిపూడి తెరకెక్కిస్తున్న బాలయ్య మూవీ పై ఫ్యాన్స్ లో భారీ అంచనాలు ఉన్నాయి.

Also Read: “ఉప్పెన” తో పాటు… “విజయ్ దేవరకొండ” రిజెక్ట్ చేసిన 9 సినిమాలు..!

సినిమాలో కంటెంట్ బాగుంటే అది చిన్న సినిమా అయిన సరే పెద్ద విజయాన్ని అందుకుంటుంది. తెలుగులో ఆ మధ్య చిన్న సినిమాగా రిలీజ్ అయిన బలగం సినిమా ఎంత పెద్ద విజయం సాధించిందో అందరికీ తెలిసిందే. ప్రజలు ఎడ్లబండ్లు, ట్రాక్టర్లపై వెళ్ళి థియేటర్లకు క్యూలు కట్టారు. ఆ మూవీ చూసి, విడిపోయిన ఫ్యామిలీ మెంబర్స్ కలిసిన సంఘటనలు కూడా చూశాం.

అయితే మరాఠీలో వచ్చిన ఒక చిన్న సినిమా ఆ రాష్ట్ర ప్రభుత్వంలో కదలికను తీసుకొచ్చింది. దానికి సంబంధించిన ఒక చట్టాన్ని గవర్నమెంట్ తీసుకువచ్చేలా చేసిన మూవీ ‘సైరత్’. అంతలా ఆ సినిమాలో ఏముందో? ఆ మూవీ కథ ఏమిటో ఇప్పుడు చూద్దాం..
కులాంతర వివాహాల నేపథ్యంలో 2016లో రిలీజ్ అయిన సైరత్ మరాఠీలో సృష్టించిన సంచలనం అంతా ఇంతా కాదు. నాలుగు కోట్లతో తెరకెక్కిన ఈ మూవీ వంద కోట్ల క్లబ్‌లో చేరింది. దాంతో బాలీవుడ్ సైతం నివ్వెరపోయింది. ఈ మూవీ సృష్టించిన సంచలనంతో మరాఠీ ఇండస్ట్రీ వైపుకు దృష్టి సారించడం మొదలుపెట్టారు. మూవీలో ఆకాష్ థోసర్, రింకు రాజ్‌గురు జంటగా నటించగా దర్శకుడు నాగరాజు మంజులే తెరకెక్కించారు. ఈ మూవీని సాంగ్స్  అన్ని సూపర్ హిట్ గా నిలిచాయి. ఈ మూవీని పలు భాషలలో రీమేక్ చేశారు.
ప్రశాంత్ (ఆకాష్ థోసర్) తక్కువ కులానికి చెందిన యువకుడు. అతని తండ్రి మత్స్యకారుడు. ప్రశాంత్ చదువులో రాణిస్తూ, స్థానిక క్రికెట్ జట్టుకు కెప్టెన్‌గా ఉన్నాడు. అర్చన ధనిక, అగ్రవర్ణ భూస్వామి మరియు రాజకీయవేత్త కుమార్తె. వీరిద్దరూ కాలేజీలో చదువుతున్నప్పుడు ప్రేమలో పడతారు. అర్చన తమ్ముడు పుట్టినరోజు వేడుకలో, ప్రశాంత్, అర్చన పెరట్లో కలుసుకుంటారు. అయితే వారిని అర్చన కుటుంబం చూస్తుంది. ఆమె తండ్రి, మిగతా కటుంబసభ్యులు  ప్రశాంత్ ను కొడతారు. పెద్దవాళ్ళు పెళ్లికి అంగీకరంచని గ్రహించి, ప్రశాంత్, అర్చన అక్కడి నుండి సిటీకి పారిపోతారు. ఇద్దరు పెళ్లి చేసుకున్నారా? లైఫ్ లో ఎలా స్థిరపడ్డారు అనేది మిగిలిన కథ.
సైరత్ సినిమా ప్రేరణతో మహారాష్ట్ర గవర్నమెంట్ కులాంతర వివాహాలను ప్రోత్సహించడానికి ఒక చట్టాన్ని తీసుకురావడం మరియు ప్రభుత్వ ప్రోత్సాహకాలను ఇవ్వడానికి సిద్ధం అయ్యింది. కులాంతర వివాహాలు చేసుకున్న వారికి ఆర్థిక పరమైన సమస్యలు తలెత్తకుండా జంటలో ఒకరికి గవర్నమెంట్ జాబ్ కల్పించాలనే ఆలోచన చేసింది.

Also Read: రవితేజ రీమేక్ చేయబోతున్న సినిమా ఇదేనా..? అసలు అంతగా ఏం ఉంది ఇందులో..?