Megha Varna Page 210
Author

Megha Varna

News

కరెంటు బిల్ ఎక్కువ రావడానికి కారణం ఇదే..! TSSPDCL క్లారిటీ.!

by Megha Varna
written by Megha Varna

ఇటీవల కాలంలో కరెంటు బిల్లుల మొత్తం ఎక్కువగా వస్తున్నాయి అని ప్రజలు ఆరోపణలు చేస్తున్నారు .కాగా ఈ విషయం ఇప్పుడు అంతటా చర్చనీయాంశం అయింది.అయితే దీనిపై టీఎస్ ఎస్పీడీసీఎల్ రఘుమారెడ్డి క్లారిటీ ఇచ్చారు.దీనికి సంభందించిన పూర్తి వివరాలు ఇప్పుడు చూద్దాం.

representative image

కరోనా వైరస్ కారణంగా ప్రజలంతా ఇళ్లకే పరిమితం కావడం వలనే కరెంటు బిల్లులు ఎక్కువగా వచ్చాయని, అయినా గత సంవత్సరం కంటే ఈ సంవత్సరం విద్యుత్ వాడకం బాగా పెరిగిందని రఘుమారెడ్డి అన్నారు.కరెంటు బిల్లులు ఎక్కువ మొత్తం వచ్చిందని మాకు ప్రజలు ఎక్కువ సంఖ్యలో పిర్యాదు చేసారు.కావున కరెంటు బిల్ చెల్లింపు సమయంలో ఈ నెలలో కొంతమొత్తం, అలాగే వచ్చే నెలలో మిగిలిన మొత్తం చెల్లించేలాగా వినియోగదారులకు అవకాశం కల్పించినట్లు రఘుమారెడ్డి తెలిపారు.

representative image

ఇప్పటిదాకా దాదాపు 58 శాతం మంది మాత్రమే కరెంటు బిల్ చెల్లించారు అని రఘుమారెడ్డి తెలిపారు.అయితే ఈ నేపథ్యంలో మేము బిల్లులు ఏమి పెంచలేదని, ఎంత విద్యుత్ అయితే వాడారో అంతే బిల్లు ఇచ్చామని రఘుమారెడ్డి క్లారిటీ ఇచ్చారు.మాములుగా వేసవికాలంలో విద్యుత్ వినియోగం పెరగడం వలన స్లాబ్ మారి విద్యుత్ బిల్ ఎక్కువగా వస్తుందని స్పష్టం చేసారు రఘుమారెడ్డి.

NewsViral

నెల రోజులుగా ఆహారం పెట్టకుండా చిత్రహింసలు పెట్టి.

by Megha Varna
written by Megha Varna

రాష్ట్రవ్యాప్తంగా  సంచలనం సృష్టించిన దివ్య హత్య కేసును విశాఖపట్నం పోలీసులు  ఛేదించారు.హత్యకు గురైన దివ్య మృతదేహానికి పోస్ట్ మార్టం నిర్వహించారు..పోస్ట్ మార్టం రిపోర్ట్ లో షాకింగ్ విషయాలు వెల్లడయ్యాయి.. దివ్య ఒంటిపై 33చోట్ల గాయాలున్నట్టుగా తెలిసింది.అంతే కాదు తను కొంత కాలంగా ఆహారం తినకపోవడం వల్ల చనిపోయినట్టుగా రిపోర్ట్ లో వెల్లడయింది..అనేక చిత్రహింసలకు గురి అయినట్టుగా పోలీసులు గుర్తించారు..ఈ హత్యకు కారణం విశాఖ అక్కయ్యపాలెం వాసి వసంతగా గుర్తించారు పోలీసులు.

రెండు రోజుల క్రితం అక్కయ్య పాలెంకి చెందిన వసంత నుండి జ్ణానపురం లోని అంతిమయాత్ర వాహనం యజమానికి ఒక ఫోన్ వచ్చింది.. ఒక శవాన్ని శ్మశానికి చేర్చాలని..అసలే రోజులు బాగాలేకపోవడంతో అతడు ముందు ఒప్పుకోలేదు..కానీ ఎంత డబ్బు అయినా ఇస్తాను అనే సరికి ఒప్పుకున్న ఆ వ్యక్తి సరే అని అక్కడికి చేరుకుని శవాన్ని వాహనంలోకి చేరుస్తుంటే బాడిపై ఉన్న దెబ్బలు చూసి, అనుమానం వచ్చి పోలీసులకు ఫోన్ చేశాడు.

representative image

చిత్రహింసలకు గురై మరణించినట్టుగా ప్రాధమికంగా గుర్తించిన పోలీసులు దర్యాప్తు ప్రారంభించారు . అసలు ఎవరు ఆ అమ్మాయి , వసంతకి తనకి ఏంటి పరిచయం అని ఆరాతీశారు పోలీసులు..తూర్పుగోదావరి జిల్లా రావులపాలెంలో ఊబలంకకు చెందిన  ఇరవైఏళ్ల దివ్య తల్లిదండ్రులు చనిపోవడంతో బతుకుదెరువు కోసం విశాఖపట్నం వచ్చింది. అక్కడ వసంత పరిచయంతో ఏదైనా ఉద్యోగం చేసుకుని బతకొచ్చు అనుకుంది.. అప్పటికే అసాంఘిక కార్యకలాపాలకు పాల్పడుతున్న వసంత ,దివ్యను కూడా వ్యబిచార రొంపిలోకి దింపింది..

representative image

కొన్నాళ్లకు దివ్యకు కూడా ఆ జీవితం అలవాటైపోయింది..అందరిని తన అందంతో ఆకట్టుకుంటున్న దివ్య , వసంత కంటే ఎక్కువ సంపాదిస్తుండడంతో వసంతలో అసూయ పెరిగిపోయింది. ఇద్దరి మద్య డబ్బుల విషయంలో గొడవ రావడంతో.. అప్పటికే దివ్య తన అందంతో అందరిని ఆకట్టుకుంటుండడం, బాగా డబ్బు  సంపాదింస్తుడడంతో , ఎలా అయినా దివ్యని మట్టుపెట్టాలనుకుంది.అనుకున్నదే తడవుగా దివ్యను గదిలో బంధించింది.

గత నెల రోజుల నుండి దివ్యకి ఆహారం అందించకుండా చిత్రహింసలకు గురిచేసింది..నెలరోజుల పాటు వసంత పెట్టిన టార్చర్ భరించిన దివ్య చివరికి కన్నుబూసింది.. మొత్తానికి ఆ డ్రైవర్ అనుమానంతో విషయం వెలుగులోకి వచ్చింది. మొదట్లో దివ్య సహజంగా మరణించిందని పోలీసులను నమ్మించడానికి ప్రయత్నించిన వసంత ,ఆఖరికి నిజం ఒప్పుకుంది.. వసంత సోదరి,మరిది కూడా వసంతకు సహకరించారని తేలడంతో ముగ్గురిని అదుపులోకి తీసుకున్నారు పోలీసులు.

 

News

ఏనుగు తిన్నది పైనాఫిల్ కాదట…విచారణలో బయటపడిన మరో కొత్త విషయం.!

by Megha Varna
written by Megha Varna

పటాసులు కూర్చిన పైనాపిల్ తిన్న గర్భస్త ఏనుగు మృతి దేశవ్యప్తంగా సంచలన సృష్టించిన సంగతి తెలిసిందే.. అయితే ఆ ఘటనకు సంబంధించి రోజుకోక కొత్త విషయం వెలుగులోకి వస్తుంది.. నోటిలో పటాకులు పేలి, దవడ భాగం కాలిపోవడంతో పది రోజుల పాటు ఎటువంటి ఆహారం తీసుకోకుండా నీరసించి..చివరకు నీటిలో మునిగి చనిపోయిందని పోస్ట్ మార్టం రిపోర్ట్ లో వెల్లడయింది..తాజాగా ఏనుగు తిన్నది పైనాపిల్ కాదు.. కొబ్బరికాయ అని వెల్లడించారు అటవిశాఖ అధికారి సునీల్ కుమార్.

ఏనుగు మృతిపై కేసు నమోదు చేసి దర్యాప్తు చేస్తున్న పోలీసులు..ముగ్గురు అనుమానితులను గుర్తించారు..వారిలో ఒకరిని అరెస్ట్ చేశారు..అరెస్టు చేసిన నలభైఏళ్ల విల్సన్ ని విచారించగా..అతను  రబ్బరు సేకరిస్తుంటాడని, స్థానికంగా మరొక  ఇద్దరితో కలిసి  పేలుడుపర్దాలు తయారు చేస్తుంటామని చెప్పుకొచ్చాడు. విల్సన్ తో పాటు పేలుడు పదార్దాలు తయారు చేసినవారిని వెతికే  పనిలో ఉన్నారు పోలీసులు.పరారీలో ఉన్న ఇద్దరు నిందితులను త్వరలో పట్టుకుంటామని తెలిపారు.

అడవి పందులు , ఇతర క్రూరమైన అడవి జంతువుల నుంచి తమ పంటలను రక్షించుకునేందుకు స్థానిక  రైతులు  టపాకాయలు తయారు చేసి పండ్లు, జంతువుల కొవ్వులో నింపి ఆ జంతువులకు  ఉచ్చులుగా పెడతారు..అలా ఒక అడవి పంది కోసం ఏర్పాటు చేసిన ఉచ్చులో పొరపాటున ఏనుగు బలి అయిపోయింది.  ఘటనపై పూర్తి విచారణ చేస్తామని, దోషులను కఠినంగా శిక్షిస్తామని కేరళ ముఖ్యమంత్రి విజయన్ ప్రకటించారు.. ఘటన జరిగింది మలప్పురం లో కాదు.. పాలక్కాడ్ లో అని సమాచారం..

Filmy Adda

ఈ బొద్దుగుమ్మ ఎవరో గుర్తుప్పటారా? ఇప్పుడు సన్నగా నాజూకుగా మారింది.!

by Megha Varna
written by Megha Varna

లావుగా ఉన్నవారు వారి మీద ఎన్నో బాడీ షేమింగ్ కామెంట్స్ విన్నతర్వాత ఒక్కసారిగా సన్నాబడాలని దృఢ నిశ్చయంతో ఎంతో కస్టపడి సన్నగా అయినవాళ్లను మనం చూస్తూనే ఉంటాం.అయితే ఒక్కసారి సన్నగా అయినతరువాత వారి ఆనందానికి అవధులు ఉండవు.అప్పుడు నేను అంత లావుగా ఉన్నాను ఇప్పుడు చుడండి ఎంత సన్నగా మారిపోయానో అంటూ సోషల్ మీడియాలో పోస్ట్ లు చెయ్యడం మనం చూస్తూనే ఉంటాం.అయితే సరిగ్గా ఇదే కోవకి చెందుతారు సైఫ్ అలీ ఖాన్ కుమార్తె సారా అలీఖాన్.మొదట్లో 96 కిలోలు ఉండే ఈ బొద్దుగుమ్మ ఇప్పుడు ఎంతో నాజూగ్గా తయారైంది.ఆ వివరాలేంటో ఇప్పుడు చూద్దాం.


లాక్ డౌన్ కారణంగా అందరూ ఇంటికి పరిమితం అయిన విషయం తెలిసిందే.అయితే సారా అలీ ఖాన్ తన లాక్ డౌన్ టైమ్ ను సరదాగా గడుపుతూ సోషల్ మీడియాలో ప్రేక్షకులతో ముచ్చటిస్తూ ఉంది.అయితే తాను లావుగా ఉన్న పాత ఫోటోలను అలాగే తాను ప్రస్తుతం ఎంత సన్నగా అయ్యిందో చూపేలాగా ఒక వీడియో ను రూపాందించి ఇంస్టాగ్రామ్ లో పోస్ట్ చేసారు సారా .కాగా ఆ వీడియో ఇప్పుడు వైరల్ గా మారింది.దీనిపై నెటిజన్లు ప్రశంసల వర్షం కురిపిస్తున్నారు.ఇలా సన్నపడడం అందరి వల్ల సాధ్యం కాదు ఎంతో కఠోర శ్రమ మరియు అంకితభావం కావాలంటూ కామెంట్స్ చేస్తున్నారు.

అయితే సారా అలీఖాన్ బరువు పెరగడానికి గల కారణాలు వివరించారు.కొలొంబియాలో చదువుకునేటప్పుడు దగ్గరలో ఉన్న ఒక పిజ్జా షాప్ లో డైలీ పిజ్జా లు తినేదాన్ని .నేను ఆ షాప్ లో పిజ్జా లను ఎక్కువగా ఇష్టపడ్డాను.ఆ క్రమంలో ప్రతీరోజు పిజ్జా లు తినడం వలన దాదాపు 96 కేజీల బరువు పెరిగిపోయాను అని సారా అన్నారు .దీనికి తోడు నాకు పిసిఓఎస్ సమస్య కూడా ఉంది అందుకే హార్మోనుల సమతౌల్యం వలన కూడా బరువు పెరిగిపోయాను అని సారా తెలిపారు .

అయితే కొలంబియా లో ఉన్నప్పుడే సినిమాలలో నటించాలని ఆసక్తి కలగడంతో సన్నగా అవ్వాలని నిశ్చయించుకొని దానికి తగిన ఆహారం మరియు వ్యాయామం చేశాను అని సారా వెల్లడించారు .పాటలు వింటూ వ్యాయామం చెయ్యడం అలవాటు అని సారా అలీఖాన్ అన్నారు.అయితే లావుగా ఉండడం వలన అందంగా లేకపోవడమే కాకుండా ఎన్నో రకాల అనారోగ్య సమస్యలు కూడా తలెత్తుతాయని సారా అన్నారు.

 

Filmy AddaNewsViral

అభిమానులు అమాయకులు…రాజకీయ లాభం కోసమే ఇలా చేసుంటారు?

by Megha Varna
written by Megha Varna

ఇటీవల కాలంలో మీరా చోప్రా సోషల్ మీడియాలో కొన్ని అసభ్యకరమైన కామెంట్స్ ను ఎదుర్కొంటున్నారు.నేను జూనియర్ ఎన్టీఆర్ అభిమానిని కాదు అని అనడంతో ఈ వివాదం మొదలైంది.ఆ తర్వాత కొంతమంది మీరా చోప్రా పై అసభ్యకర కామెంట్స్ చెయ్యడం.మీరా చోప్రా కూడా పరోక్షంగా కొన్ని ట్వీట్స్ చెయ్యడంతో ఈ వివాదం మరింత ముదిరింది.

twitter/poonamkaurlal

ఇప్పుడు ఈ వివాదంపై పూనమ్ కౌర్ స్పందించారు. “సోషల్ మీడియాలో నటులపై జరుగుతున్న దాడులకు సంభందించిన అకౌంట్ లు నిజమైన అభిమానులవా లేదా రాజకీయ లాభాల కోసం సృష్టించబడిన ఫేక్ అకౌంట్ లా లేదా జెన్యూన్ అకౌంట్ లా అనే విషయం మనకు తెలియదు అని పూనమ్ అన్నారు ….ఏది ఏమైనా అభిమానులు మాత్రం అమాయక ప్రజలు కానీ కొంతమంది రాజకీయ వ్యక్తులే చెడ్డవారు “అంటూ ట్వీట్ చేసారు పూనమ్ కౌర్ .

twitter/poonamkaurlal

అసలు వివాదం ఎలా మొదలైంది:

#askmeera వేదికగా ట్విటర్‌లో అభిమానులతో మాట్లాడారు మీరా.ఇందులో భాగంగా ఓ నెటిజన్‌ ‘ఎన్టీఆర్‌ గురించి ఏమైనా చెప్పండి?’ అని అడిగితే…‘నాకు ఆయన గురించి తెలియదు. ఎందుకంటే నేను ఆయన అభిమానిని కాదు’ అని మీరా సమాధానమిచ్చారు.అయితే ఎన్టీఆర్ ఫ్యాన్ కాదు అని చెప్పినందుకు కొందరు నెటిజెన్స్ అసభ్య పదజాలంతో దూషిస్తున్నారు అంటూ ట్వీట్ చేసారు మీరా చోప్రా.

ఆ ట్వీట్ పై ఎన్టీఆర్ స్పందించాలి అని ఆమె కోరారు. నీ కంటే మహేశ్ బాబునే ఎక్కువగా ఇష్టపడతానని నేను చెప్పడంతో నీ అభిమానులు ఇలా కామెంట్స్ చేస్తున్నారు అంటూ ఆవేదన వ్యక్తం చేసారు మీరా.

source: twitter/meerachopra

మంత్రి కేటీఆర్ కు మీరా చోప్రా ట్వీట్…కేటీఆర్ సార్ రిప్లై:

నన్ను కొంతమంది బెదిరిస్తున్నారని అలాగే నాపై అసభ్య పదజాలంతో సోషల్ మీడియాలో పోస్ట్ చేస్తున్నారని మీరా చోప్రా చెప్తూ అందుకు సంబందించిన స్క్రీన్ షాట్స్ తో తెలంగాణ మంత్రి కేటీఆర్ కు మరియు కవిత లకు ట్వీట్ చేసారు.అయితే దీనికి తెలంగాణ మంత్రి కేటీఆర్ స్పందిస్తూ..

ఈ విషయాన్ని తెలంగాణ డిజిపి మరియు హైదరాబాద్ పోలీస్ ల ద్రుష్టి కి తీసుకువెళ్లి సదరు వ్యక్తులపై కఠిన చర్యలు తీసుకోమని చెప్తాను అని అన్నారు.అయితే తెలంగాణ మంత్రి కేటీఆర్ నుండి రిప్లై రావడంతో మీరా చోప్రా ఆనందం వ్యక్తం చేసారు.మహిళల రక్షణకు   ఇలాంటి చర్యలు తీసుకోవడం చాలా అవసరం అని మీరా చోప్రా అన్నారు.

News

ఇంటిపైకెక్కి క్లాసులు వింటున్న స్టూడెంట్…వైరల్ అవుతున్న ఫోటో వెనకున్న కథ ఇదే.!

by Megha Varna
written by Megha Varna

కరోనా విజృంభణ ప్రారంభానికి ముందే స్కూళ్లకి సెలవులు ప్రకటించి మంచి పని చేశాయి ప్రభుత్వాలు..లేదంటే కరోనా టార్గెట్ చిన్నపిల్లలే కాబట్టి పరిస్థితి మరీ ఘోరంగా ఉండేది..తర్వాత లాక్ డౌన్ ప్రకటించడంతో స్కూళ్లు మూసివేసి సుమారు మూన్నెళ్లు కావొస్తుంది..ఈ నేపధ్యంలో  పాఠశాలలు ఆన్లైన్ క్లాసెస్ నిర్వహిస్తుండడంతో వాటిని అటెండ్ అవ్వడానికి విద్యార్దులు నానాపాట్లు పడుతున్నారు.. సోషల్ మీడియాలో వైరలవుతోన్న ఒక ఫోటో విద్యార్దులు ఎదుర్కొంటున్న సమస్యలకు అద్దం పడుతోంది..ఆన్లైన్ క్లాసులకు అటెండ్ కావాలంటే స్మార్ట్ ఫోన్,  నెట్ స్పీడ్ ముఖ్యం..అందరి విద్యార్దులకు అందుబాటులో ఉంటాయని చెప్పలేము.. ఎవరి ఇబ్బందులు వాళ్లవి…క్లాసులకు అటెండ్ కావల్సిందే అనేది స్కూల్ యాజమాన్యాల ధోరణి..తాజాగా ఒక విద్యార్ధిని ఫోన్లో నెట్ రాకపోవడంతో ఏకంగా ఇల్లు పైకి ఎక్కి కూర్చుని ఆన్లైన్ క్లాసులు వింటున్న ఫోటో ఒకటి సోషల్ మీడియాలో వైరలవుతోంది..ఆ విద్యార్ధిని కేరళకు చెందిన నమితా నారాయణన్ అని సమాచారం..

కేరళ మలప్పురంలోని అరీక్కల్‌కు చెందిన నమితా నారాయణన్‌  బీఏ ఇంగ్లీష్ చదువుతోంది. ఆమె చదువుతున్న కాలేజీ వారు ఆన్‌లైన్‌లో క్లాస్‌లు పెట్టడంతో వాటిని వినడం కోసం ఇంట్లోని పలు ప్రదేశాల్లో కూర్చొని వాటిని అటెండ్ అవ్వడానికి ప్రయత్నించింది. కానీ ఎక్కడా సిగ్నల్ రాకపోవడంతో ఇంటిపైకి ఎక్కింది.. సిగ్నల్ వచ్చింది.. అక్కడే కూర్చుని క్లాసులు వినాలనుకుంది..ఎండలు మండిపోతుండడంతో ఒక గొడుగు సాయంగా వాడుకుంది.

representative image

ఆమె ఇంటిపైన కూర్చుని క్లాసులు వింటున్న టైంలోనే అటువైపు వెళ్లిన ఒక వ్యక్తి నమిత ఫొటోని తీసి సోషల్ మీడియాలో శేర్ చేశాడు.సోషల్ మీడియాలో వైరల్ అయిన ఫొటోని చూసిన నెటిజన్లు.. చదువు కోసం నమిత పడుతున్న కష్టాలను చూసి ప్రశంసల వర్షం కురిపిస్తున్నారు..మరో వైపు ఈ విషయం  ఒక మొబైల్ నెట్ వర్క్ సంస్థ వరకు వెళ్లడంతో ..వాళ్లు నమిత ఇంటికి హైస్పీడ్ ఇంటర్నెట్ కనెక్షన్ ని ఇచ్చారు..

representative image

ఇది కేవలం నమిత సమస్య మాత్రమే కాదు.. ఇంటర్నెట్ మాత్రమే కాదు స్మార్ట్ ఫోన్ లేని తల్లిదండ్రులు కూడా ఉన్నారు..అలాంటి వాళ్లు కొందరు తెలిసిన వాళ్లని క్లాస్ వినడం కోసం స్మార్ట్ ఫోన్ ని కాసేపటికి అప్పుగా అడుగుతుంటే ఆ సౌకర్యం లేని వారు కూడా క్లాసులకు దూరం అవుతున్నారు..అనేక సమస్యలు ఉండడంతో ఆన్లైన్ విద్యపట్ల వ్యతిరేకత వస్తుంది..చూడాలి ఈ సమస్య ఎలా కొలిక్కి వస్తుందో..

Human angleNews

కుటుంబాన్ని పోషించడానకి అరటిపండ్లమ్ముకుంటున్న టీచర్…ఫోన్ పాడైనందుకు ఇలా చేయడం న్యాయమా?

by Megha Varna
written by Megha Varna

కరోనా ధాటికి ప్రపంచవ్యాప్తంగా ఊహించని సంక్షోభం ఏర్పడింది..మనదేశంలో అయితే కరోనా చావుల కంటే ఆకలి చావులు ఎక్కువగా నమోదవుతాయా అన్నట్టుగా భయబ్రాంతులకు గురయ్యేలా చేసింది..ఇప్పటికి చిన్న చిన్న ఉద్యోగాలు చేసుకునే వారందరూ పూట గడవడం కోసం నానాపాట్లు పడుతున్నారు.. విద్యారంగం కూడా అతలాకుతలం అయింది..ప్రభుత్వ టీచర్ల పరిస్థితి కాస్త మెరుగు కానీ ప్రైవేట్ టీచర్ల పరిస్థితి మరీ ఘోరం..

 

ప్రైవేట్ స్కూల్ యాజమాన్యాలు జీతాలు చెల్లించకపోవడంతో ప్రైవేట్ టీచర్లు కూలి పనులు చేస్కుంటూ కుటుంబాన్ని పోషిస్తున్న ఉదంతాలు లెక్కలేనన్ని..తాజాగా నెల్లూరులో ఒక టీచర్ కుటుంబపోషణ కోసం అరటిపండ్లు అమ్ముతూ కనపడ్డారు..నెల్లూరు జిల్లా వేదాయపాళెం నివాసి వెంకటసుబ్బయ్య ఎంఎ పొలిటికల్ సైన్స్, ఎంఏ తెలుగు, బిఇడి చదివారు.. 2008 నుండి ఒక కార్పొరేట్ స్కూల్లో తెలుగు టీచర్ గా పనిచేస్తున్నారు.

లాక్ డౌన్ వేటు మొదట పడింది పాఠశాలల పైనే..దాంతో ఇంట్లోనే ఉంటున్న టీచర్ల చేత విద్యార్దులకు ఆన్లైన్ పాఠాలు బోదించాయి ప్రైవేట్ యాజమాన్యాలు.. వెంకట సుబ్బయ్య కూడా కొద్ది రోజులపాటు ఆన్లైన్ పాఠాలు చెప్పారు..ఇంతలో తన స్మార్ట్ ఫోన్ పాడైంది..మరో వైపు ప్రతి ఏడాది టీచర్లకు  కొత్త విద్యార్దులను చేర్పించాలనే టార్గెట్లుంటాయి.. వెంకటసుబ్బయ్య టార్గెట్ చేరు కోలేకపోయారు.. ఫోన్ పాడై క్లాసులు చెప్పలేకపోయారు, టార్గెట్ చేరుకోలేకపోవడంతో యాజమాన్యం ముఖం చాటేసింది.

representative image

జీతం లేక కుటుంబ పోషణ కష్టమైంది, మరోవైపు పోయినేడాది వెంకట సుబ్బయ్య చిన్న కుమారిడి శస్త్ర చికిత్స జరగడంతో అప్పుల పాలయ్యారు. మూడు లక్షల పైన అప్పు చెల్లించాల్సి ఉంది. చేసేదేం లేక కుటుంబాన్ని పోషించడం కోసం స్నేహితుల దగ్గర అప్పు చేసి ఒక అరటిపండ్ల బండి తీసుకుని , పండ్లు అమ్ముతున్నారు. బతుకునేర్పే గురువు తన బతుకు కోసం అష్టకష్టాలు పడడం చూసి అందరూ  బాధపడుతున్నారు..సోషల్ మీడియాలో వైరలవుతోన్న వెంకటసుబ్బయ్య ఫోటో, కథ నెటిజన్ల చేత కంటతడి పెట్టిస్తున్నది..

News

ఎమెర్జెన్సీ స్టేట్: 20 వేల ట‌న్నుల డీజిల్ లీక్…ఆ నదిని క్లీన్ చేయడానికి 10 ఏళ్ళు పట్టచ్చు.!

by Megha Varna
written by Megha Varna

క‌రోనా మ‌హ‌మ్మారితో ప్రపంచం మొత్తం  అల్ల‌క‌ల్లోలం అవుతుంటే ఒక్కో దేశం ఒక్కో రకంగా కొత్త సమస్యలని ఎదుర్కోవాల్సి వస్తుంది..మొన్నటి వరకు మనకు మిడతల బెడద..ఆ బాధ తెలుగు రాష్ట్రాలకు తీరింది కానీ, దేశాన్ని ఇంకా వదిలిపోలేదు.తాజాగా రష్యాకు పెద్ద విపత్తు వచ్చి పడింది.. ఆయిల్ లీక్ అవడంతో తాగు నీరంతా కలుషితమై ఎమర్జెన్సీ విధించే పరిస్థితి వచ్చింది.

ర‌ష్యాలోని నోరిల‌స్క్ సిటీ స‌మీపంలో ఉన్న ప‌వ‌ర్ ప్లాంట్ లో డీజిల్ ట్యాంక్ నుంచి  లీక్ అయిన  దాదాపు 20 వేల ట‌న్నుల డీజిల్ “అంబ‌ర్న‌యా” న‌దిలోకి చేరింది. అయితే ఆ న‌ది నీరు ప్యాసినో స‌ర‌స్సు ద్వారా మ‌రో న‌దిలోకి క‌లిసి, ఆపై ఆర్కిటిక్ స‌ముద్రంలోకి క‌లుస్తుంది. ఆయిల్ వేగం వ్యాపిస్తూ న‌దీ జ‌లాల‌ను మొత్తం క‌లుషితం చేస్తోంది. దాల్దిక‌న్ న‌దిలోకి కూడా ఆయిల్ వ్యాపించింద‌ని రాయిట‌ర్స్ సంస్థ తన కథనాల్లో తెలిపింది.

క్లీనింగ్ కి పదేళ్లు పట్టొచ్చు..

ఈ న‌దులపై ఆధార‌ప‌డే ఆయా ప్రాంతాల్లో ప్రజలు జీవనం కొనసాగిస్తున్నరు..ఇప్పుడు వారందరి జీవనం ఆగమ్యగోచరం అయ్యే ప్రమాదం ఉంది..ప్రజలతో పాటు ఆ నదుల్లో జీవించే జలచర జీవులు కూడా ఊపిరాడక మరణించే ప్రమాదం కూడా ఉంది.తక్షణమే క్లీనింగ్ చర్యలు చేపట్టాలని ఆదేశించిన ఆ దేశ అద్యక్షుడు పుతిన్, దేశంలో ఎమర్జెన్సీ విధించారు..ఎన్ని చర్యలు తీసుకున్నప్పటికి నదిలోకి వ్యాపించిన, ఇంకా వ్యాపిస్తున్న డీజిల్ ని క్లీన్ చేయడానికి సుమారు పదేళ్ల కాలం పడుతుందని పర్యావరణ నిఫుణులు అంచనా వేస్తున్నారు.దీనికోసం లక్షా 13వేల కోట్ల రూపాయలు ఖర్చు అవుతుందని చెప్తున్నారు.

ఆయిల్ లీకేజికి కారణం ఏంటి?

ప్ర‌పంచంలోనే అతి పెద్ద నికెల్, ప‌ల్లాడియం ఉత్ప‌త్తి కంపెనీ నోరిల‌స్క్ నికెల్ కు చెందిన  ప‌వ‌ర్ ప్లాంట్ లో ఉన్న ఆయిల్ ట్యాంక్ పిల్ల‌ర్ కుంగిపోవ‌డంతో ఈ ఘ‌ట‌న జ‌రిగిట్లు సమాచారం.. ఈ విషయాన్ని ఆ కంపెనీ సిఇవో సెర్గే ప్రకటించారు. అయితే గ‌త శుక్ర‌వారం జరిగిన లీకేజి ఆదివారానికి గానీ అధికారుల‌కు  తెలియలేదు. నిర్ల‌క్ష్యంగా వ్య‌వ‌హ‌రించిన ప‌వ‌ర్ ప్లాంట్ డైరెక్ట‌ర్ వ్యాచెస్ల‌వ్ స్టారోస్టిన్ ను ర‌ష్యా పోలీసులు అరెస్టు చేశారు..

News

బలవంతంగా భార్యతో మద్యం తాగించి బిడ్డ ముందే భర్త నలుగురు స్నేహితులతో..!

by Megha Varna
written by Megha Varna

భరించేవాడు భర్త అంటారు..కానీ అందరూ భర్తలు భరించరు సరికదా బాధలు పెడుతుంటారు..కొందరు కామంతో కళ్లు మూసుకుపోయి..ఒళ్లు తెలియకుండా ప్రవర్తిస్తుంటారనడానికి ఈ ఘటనే ప్రత్యక్ష ఉదాహరణ.. కన్నూమిన్ను ఎరగకుండా కన్న కొడుకు ముందే  కట్టుకున్న భార్యని స్నేహితులతో  కలిసి అత్యాచారం చేసిన ఘటన సంచలనం రేపుతుంది.

representative image

 

కేరళ రాజధాని తిరువనంతపురంలో కడినంకలం ప్రాంతానికి చెందిన వ్యక్తి తన భార్యని, ఏడాదిన్నర వయసు ఉన్న కుమారున్ని తీసుకుని పుత్తుకురుచ్చి బీచ్  కి వెళ్లాడు.. అక్కడ కాసేపు గడిపిన తర్వాత స్నేహితుని ఇంటికి వెళ్దాం అని చెప్పి భార్యని , బిడ్డని బీచ్ దగ్గరలో ఉన్న ఒక ఇంటికి తీసుకుని వెళ్లాడు..తీరా అక్కడ భర్త స్నేహితులు ఐదుగురు ఉండడంతో మొదట కంగారు పడిన మహిళ..ఇంటికి వెళ్లిపోదాం అంటూ వారించింది..

representative image

కానీ పథకం ప్రకారమే అక్కడికి భార్యని వెంటపెట్టుకు వెళ్లిన భర్త బలవంతంగా ఆమెతో మద్యం తాగించి ..కన్న కొడుకు ముందే భార్యపై నలుగురు స్నేహితులతో కలిసి సామూహిక అత్యాచారానికి పాల్పడ్డాడు..అంతటితో ఆగక సిగరెట్లతో ఒంటిపై కాల్చి పైశాచిక ఆనందం పొందారు..ఎలాగోలా అక్కడినుండి తప్పించుకున్న మహిళ సాయం కోసం అర్దిస్తూ రోడ్డుపైకి పరుగు పెట్టింది..అటుగా కారులో వెళ్తున్న ఇద్దరు యువకులు  రోడ్డుపై ఏడుస్తూ కూర్చున్న మహిళను గుర్తించి పోలీస్ స్టేషన్ కి తీసుకెళ్లారు.

representative image

పోలీస్ స్టేషన్ కి చేరుకున్న మహిళ ఇచ్చిన కంప్లైంట్ ఆధారంగా కేసు ఫైల్ చేసారు పోలీసులు..రేప్ కేస్ తో పాటు ఇతరత్రా సెక్షన్లతో పాటు..పిల్లాడి ముందు భార్యని చిత్రహింసలు పెట్టినందుకు గాను పోక్సో(POCSO) యాక్ట్ కింద కేసు నమోదు చేశారు. మహిళ శరీరంతో పాటు ప్రైవేట్ బాగాల్లో కూడా గాయాలున్నట్టు పరీక్షల్లో తేలింది.. భర్తతో కలిపి మొత్తం ఆరుగురిని అదుపులోకి తీసుకున్నారు..మరోవైపు కేరళ మహిళా కమీషన్ కూడా కేసు నమోదు చేసి విచారణ చేపట్టింది.

 

News

FACT CHECK: ఆ ఫొటోలో జయలలిత పక్కనున్నది నిర్మల సీతారామన్ కాదు..! మరెవరో తెలుసా?

by Megha Varna
written by Megha Varna

దివంగత జయలలిత, ఆర్ధిక మంత్రి నిర్మలాసీతారామన్ అంటూ,వారి స్నేహం ఈనాటిది కాదు అంటూ సోషల్ మీడియాలో ఒక ఫోటో వైరలవుతోంది..ఆ ఫోటొలో జయలలిత పక్కన ఉన్న మహిళ పోలికలు కొంచెం నిర్మలా సీతారామన్ లానే ఉన్నాయి.. నిర్మలా సీతారమన్ ది కూడా తమిళనాడే ,రాజకీయ నేపధ్యం కావడంతో నిజమేనేమో అంటూ అందరూ శేర్ చేసారు..నిజానికి ఆ ఫోటోలో ఉన్నది నిర్మలా సీతారామన్ కాదు.. మరెవరు అనేది ప్రశ్న.

నిర్మలా సీతారామన్ కి, జయలలితకి ఇంచుమించు వయసులో పదేళ్లు వ్యత్యాసం..జయలలిత ఫిబ్రవరి 24,1948లో జన్మిస్తే,నిర్మలా సీతారామన్ ఆగస్ట్18,1959లో జన్మించారు.. సోషల్ మీడియాలో వైరలవుతోన్న ఫొటో చూస్తే వారిద్దరూ సమవయస్కుల్లా ఉన్నారు..అసలు ఆ ఫోటోలో ఉన్నది నిర్మలా సీతారామన్ ఏనా, వీరిద్దరికి దోస్తీ ఎక్కడ కుదిరింది అని సెర్చ్ చేస్తే..అందులో ఉన్న మహిళ నిర్మల కాదని తెలిసింది.ఆవిడ తమిళ రచయిత్రి శివశంకరి.. శివశంకరి, జయలలిత స్నేహితులు.

ఐదేళ్ల క్రితం For the love of saree అనే ఒక ఫేస్ బుక్ ఫేజ్ వాళ్లు ఈ ఫోటోని శేర్ చేశారు.. When soft printed silks with a buttery feel were in vogue… Most of our mothers had one.. అంటూ క్యాప్షన్ తో పోస్టు చేయబడిన ఆ పోస్టులో, తమిళ నాడు సిఎం జయలలిత, ప్రముఖ రచయిత్రి శివశంకరి అంటూ..ఆ ఫోటో కింద పేర్లను కూడా మెన్షన్ చేశారు..వారిద్దరివి రకరకాల ఫోటోలు మనకు  జయలలిత ఇమేజ్ గ్యాలరీలో దర్శనం ఇస్తాయి..

మొత్తానికి ఆ ఫోటో లో ఉన్నది నిర్మలా సీతారమన్ కాదు.. నిర్మలా సీతారమన్ అప్పుడెలా ఉన్నారు.. శివశంకరి లేటెస్ట్ పిక్ రెండూ చూసి..మీరు ఒకసారి పోల్చిచూడండి.. ఆ ఫొటోలో ఉన్నది శివశంకరినా, నిర్మలా సీతారామన్ ఆ అనేది..

 

Newer Posts
Older Posts