Megha Varna

 కరోనా వైరస్ ప్రపంచవ్యాప్తంగా భయాందోళనలు రేకెత్తిస్తోంది. ఇప్పటికే చైనాలో 400 మందికి పైగా ఈ వైరస్ మహమ్మారికి బలయ్యారు. వేల సంఖ్యలో బాధితులు ఆసుపత్రుల్లో చికిత్స పొందుతున్నారు. ఇటీవలే కేరళ లో కూడా ఈ వ్యాధి ఒకరికి వచ్చింది.ఈ నేప‌థ్యంలో మీడియాలో వ‌రుసగా భ‌యంక‌ర‌మైన వార్త‌లు హ‌ల్‌చ‌ల్ చేస్తున్నాయి.

దీనిపై నాగబాబు తన స్టైల్ లో స్పందించారు. “కరోనా వైరస్ ప్రజల కంటే మీడియాకే వేగంగా వ్యాపిస్తోంది. 90 శాతం మీడియా ఈ భయంకర వైరస్ బారిన పడింది. కానీ, మరణాల గురించి నిర్ధారణ కాలేదు. నిజమైన కరోనా వైరస్‌ నియంత్రణలోకి వస్తుందని భావిస్తున్నాను. అయితే, మీడియాకు పట్టిన వైరస్‌ మాత్రం వదులుతుందన్న ఆశ లేదు” అని మీడియాపై ఫైర్ అయ్యారు.

కొంత మంది మీడియా అంటే నాగ‌బాబుకు ఎందుకంత క‌సి, క‌క్ష అని ఏకిపారేస్తున్నారు. మరికొందరు సూపర్ అదిరింది అంటూ రిప్లైలు ఇస్తున్నారు. ఏది ఏమైనా ఈ కరోనా వ్యాధి త్వరలో నియంత్రణలోకి రావాలని మనం ఆశిద్దాం.

కెట‌ర్ బుమ్రా, హీరోయిన్ అనుప‌మా ప‌ర‌మేశ్వ‌ర‌న్ మ‌ధ్య ఏమి జ‌రుగుతోంది? వీరిద్ద‌రూ ప్రేమ‌లో ఉన్నారా? సోష‌ల్ మీడియాలో కొన్ని రోజుల కిందట ఇదే ట్రేండింగ్ టాపిక్. సోషల్ మీడియాలో బుమ్రా ఫాలో అయ్యే సెలబ్రిటీ అనుపమ ఒక్కరే అంట. అంతేకాదు ఒక‌రు పెట్టే పోస్ట్‌కు మ‌రొక‌రు వెంట‌నే లైక్‌లు కొట్ట‌డం, ఒక‌రి పోస్ట్‌ల‌ను మ‌రొక‌రు షేర్ చేయ‌డం త‌ర‌చుగా చేస్తున్నార‌ట‌. దీంతో వారు కలిసి బయట కనిపించక పోయిన వారిద్దరి మధ్య ఏదో ఉంది అనే ప్రచారం జరుగుతుంది. ఇప్పుడు ఈ సీన్ లోకి దిశా పటాని కూడా ఎంటర్ అయిపొయింది.

న్యూజిలాండ్ తో జరిగిన టీ20 సిరీస్ లో 5-0తో టీమిండియా ఘన విజయం సాధించిన విషయం తెలిసిందే. ఈ సిరీస్ లో పేసర్ జస్‌ప్రీత్ బుమ్రా అద్భుతమైన బౌలింగ్ ప్రదర్శించాడు. చివరి మ్యాచ్‌లో 4 ఓవర్లు వేసి కేవలం 12 పరుగులిచ్చి మూడు వికెట్లు తీశాడు. ఇందులో ఒకటి మెయిడిన్ ఉండటం విశేషం. ఇప్పుడు ఈ విషయంపై దిశా పటాని బుమ్రాపై ప్రశంసల జల్లు కురిపించింది.

తన అప్‌కమింగ్ మూవీ ‘మలంగ్’ప్రమోషన్స్‌లో భాగంగా చివరి టీ20కు ముందు దిశా పటాని. అధికారిక బ్రాడ్‌కాస్టర్ ప్రీ మ్యాచ్ షోలో పాల్గొంది. మ్యాచ్ విన్నింగ్ ప్లేయర్‌ను పిక్ చేయమంటే నేను బుమ్రా పేరే చెబుతా. అతనో అద్భుతమైన ఆటగాడు. కివీస్‌ను బుమ్రా కట్టడి చేయడం, భారత్ గెలవడం గర్వించదగిన విషయం.’అని ఈ బాలీవుడ్ భామ పేర్కొంది.

‘పెళ్లి’ సినిమా తో బాగా గుర్తింపు తెచ్చుకున్న హీరో వడ్డె నవీన్.మనసిచ్చి చూడు’, ‘చాలా బాగుంది’, ‘నా హృదయంలో నిదురించే చెలి’, మా బాలాజీ తదితర చిత్రాలతో తెలుగు ఆడియన్స్ కి బాగా దగ్గర అయ్యాడు. కానీ సడన్ గా కెరీర్ ఆగిపోయింది. సినిమా అవకాశాలు రాకుండా పోయాయి. రామ్ గోపాల్ వర్మ దర్శకత్వంలో ‘అటాక్’ సినిమాతో సెకండ్ ఇన్నింగ్స్ మొదలు పెట్టాడు కానీ అంతగా హిట్ కొట్టలేకపోయాడు. ఇక సినిమాలకు సెలవిచ్చి సొంత వ్యాపార వ్యవహారాలు చూసుకుంటున్నాడు నవీన్.

అయితే ఇంత సడన్ గా అతని గురించి టాపిక్ ఎందుకు వచ్చింది అనుకుంటున్నారా? తాజాగా అతను ఓ ఫంక్షన్ ఫోటోల వల్ల వైరల్ అవుతుండటంతో అభిమానుల్లో మళ్ళీ చర్చ మొదలైంది ఈ ఫోటోలకు వచ్చే రెస్పాన్స్ చూస్తుంటే వడ్డే నవీన్ ఫాలోయింగ్ ఏ రేంజ్‌లో ఉందో అర్థమవుతోంది.

వడ్డే నవీన్ కుమారుడు జిష్ణు పంచెకట్టు వేడుక ఇటీవలే మాదాపూర్ ఆవాస హోటల్‌లో జరిగింది. ఆ వేడుకకు మెగాస్టార్ చిరంజీవితో పాటు ఏపీఐఐసి చైర్మన్ రోజా హాజరయ్యారు. అలాగే శివాజీ రాజా, రాశి, హేమ తదితరులు కూడా పాలు పంచుకున్నారు. ఆ వేడుకకు సంబందించిన ఫోటోలు ఇప్పుడు వైరల్ అవుతున్నాయి.

తెలుగు సినిమా ఆడియన్స్ కి సురేఖ వాణి బాగా పరిచయమే. సైడ్ ఆర్టిస్ట్ గా ఎన్నో సినిమాల్లో హీరో హీరోయిన్లకు తల్లి గా, అక్క గా, అత్తగా నటించి మెప్పించారు. బ్రహ్మానందం తో కలిసి నటించి కామెడీ పండించి అందరిని అలరించారు. కొద్దికాలం క్రితమే ఆమె భర్త సురేష్ తేజ మరణించిన విషయం తెలిసిందే.

సురేఖ కూతురి సుప్రీత సోషల్ మీడియాలో చాలా ఆక్టివ్ గా ఉంటారు. టిక్ టాక్ వీడియోస్ తనకంటూ ఒక క్రేజ్ సంపాదించుకున్నారు. తల్లి లాగే కూతురి కూడా టాలెంటెడ్ అంటూ అంటూ కామెంట్స్ చేస్తున్నారు ఆమె అభిమానులు. కొంతమంది అయితే ఆమె హీరోయిన్ గా వస్తే బాగుండు అని అనుకుంటున్నారు. 19 సంవత్సరాలకి తల్లికి ఎంతో ధైర్యాన్ని ఇచ్చి నేను ఉన్నానమ్మ అంటూ పక్కనే నిల్చుని చాలా సపోర్ట్ చేస్తుంది సుప్రీతా.

సురేఖ కూతురి సుప్రీత ప్రస్తుతం చదువుకుంటుంది. మరోవైపు వెబ్ సీరీస్ లో కూడా నటిస్తోంది. ఆమె చేసిన కొన్ని ఎపిసోడ్స్ యూట్యూబ్ లో ఇప్పటికే రిలీజ్ అయ్యాయి. సమయం ఉన్నప్పుడల్లా తల్లితో టైం స్పెండ్ చేస్తూ అప్పుడప్పుడు వెకేషన్ కి వెళ్తూ ఆ ఫోటోలను ఇంస్టాగ్రామ్ లో పంచుకుంటూ ఉంటారు సుప్రీత. సురేఖ లాగే సుప్రీత కూడా కెరీర్ లో మంచిగా ఎదగాలని ఆశిస్తూ ఆమెకు ఆల్ ది బెస్ట్ చెప్పుకుందాం.

సురేష్, సురేఖ వాణిలకు ఒక్కతే అమ్మాయి కావడంతో తనే కొడుకుగా తన తండ్రికి తలకొరివి కూడా పెట్టింది. ఆ టైంలో సోషల్ మీడియాలో చాలా నెగిటివిటిని ఎదుర్కుంది.మా జీవితాల్లో మేము ఎంత సఫర్ అవుతున్నామో అనేది నీకు తెలీదు అంటూ ఎమోషనల్ మెసేజెస్ కూడా పోస్ట్ చేసింది.

న్యూజిలాండ్ పర్యటనలో తన సత్తా చాటిన రాహుల్ ని మనం ఎంత పొగిడినా తక్కువే అనుకోండి. ఐసీసీ టీ20 ర్యాంకుల్లో టాప్ 2 కి చేరుకున్నాడు. టాప్ ప్లేస్‌లో ఉన్న బాబ‌ర్ ఆజ‌మ్ (పాకిస్థాన్) కంటే త‌ను కేవ‌లం 56 పాయింట్ల వెనుకంజ‌లో ఉన్నాడు. అయితే అంత మంచి దూకుడు మీదున్న రాహుల్ ని న్యూజిలాండ్ తో జరిగే టెస్ట్ మ్యాచ్ లో సెలెక్ట్ చేయలేదు.

భారత టెస్టు జట్టు వివరాలు: విరాట్‌ కోహ్లీ(కెప్టెన్‌), పృథ్వీషా, మయాంక్‌ అగర్వాల్‌, నవదీప్‌ సైని, శుభ్‌మన్‌ గిల్‌, అజింక్య రహానే, హనుమ విహారి, ఛెతేశ్వర్‌ పుజారా, వృద్ధిమాన్‌ సాహా, రిషబ్‌ పంత్‌, రవిచంద్రన్‌ అశ్విన్‌, రవీంద్ర జడేజా, జస్ప్రీత్‌ బుమ్రా, ఉమేశ్‌ యాదవ్‌, మహ్మద్‌ షమీ, ఇషాంత్‌ శర్మ. ఇషాంత్‌ శర్మకు కూడా జట్టులో అవకాశం లభించింది. అంతేకాకుండా యువపేసర్‌ నవదీప్‌ సైని, యువ బ్యాట్స్‌మన్‌ శుభ్‌మన్‌ గిల్‌, పృథ్వీషాకు కూడా జట్టులో చోటు దక్కింది. చివరి టీ20లో గాయపడిన ఓపెనర్‌ రోహిత్‌ శర్మ స్థానంలో వన్డే సిరీస్‌కు మయాంక్‌ అగర్వాల్‌కు అవకాశం ఇచ్చారు.

అయితే రాహుల్ కి మాత్రం నిరాశే మిగిలింది. అలా జరగడానికి కారణాలు ఇవి అయ్యుండచ్చు. గతంలో టెస్ట్ లో ఫామ్ కోల్పోయారు రాహుల్. ఆ తరువాత కోలుకోడానికి చాలా కాలం పట్టింది. దాని ప్రభావం వన్ డే, టీ 20 మీద కూడా పడింది. ఇప్పుడు మంచి ఫామ్ లో ఉన్న అతనికి టెస్ట్ లో ఏదైనా తేడా జరిగితే త్వరలో ఉన్న టీ 20 ప్రపంచ కప్ లో ఇబ్బంది అవుతుంది. అతని ఆత్మవిశ్వాసం దెబ్బతింటుంది అనే ఆలోచనతో రాహుల్ ని తీసుకోలేదు అనుకుంట. పైగా టెస్ట్ లో రాహుల్ యావరేజ్ అంతంత మాత్రంగానే ఉంది.

అది కాక రాహుల్ కి ఇప్పుడు రెస్ట్ అవసరం అని భావించి సెలెక్ట్ చేసుండక పోవచ్చు. కొత్త వాళ్ళకి ఛాన్స్ కూడా ఇవ్వొచ్చు అని అనుకోని ఉంటారు. పైగా మయాంక్‌ అగర్వాల్‌,అజింక్య రహానే గత టెస్ట్ మ్యాచుల్లో తమ సత్తా చాటారు.

సరిలేరు నీకెవ్వరుతో 13ఏళ్ల తరువాత సినిమాలోకి రీ ఎంట్రీ ఇచ్చారు విజయశాంతి. ఇక నుంచి రాములమ్మ పాలిటిక్స్ ను వదిలి సినిమాలో నటిస్తుందని అంతా అనుకున్నారు ఎందుకంటే ఈ సినిమాలో తన నటనతో అందరిని మెప్పించారు కాబట్టి ఇక రాజకీయాలు వదిలేసి సినిమాలు చేస్తారు అనుకున్నారు అభిమానులు. విజయశాంతి తాజాగా చేసిన ట్వీట్ తో సీన్ రివర్స్ అయ్యింది.

ప్రజా జీవన పోరాటంలో నా ప్రయాణం… మళ్లీ మరో సినిమా చేసే సమయం, సందర్భం నాకు కల్పిస్తోందో, లేదో నాకు కూడా తెలియదు.. ఇప్పటికి ఇక సెలవు. మనసు నిండిన మీ ఆదరణకు, నా ప్రాణప్రదమైన అభిమాన సైన్యానికి ఎప్పటికీ నమస్సులు అంటూ రాములమ్మ ట్వీట్ చేసింది. సరిలేరు_మీకెవ్వరు ఇంత గొప్ప విజయాన్ని నాకు అందించిన, నన్ను ఎల్లప్పుడూ ఆదరిస్తూ వస్తున్న ప్రేక్షకులకు, అభిమానులకు మనస్ఫూర్తిగా ధన్యవాదములు. నా నట ప్రస్ధానానికి 1979 కళ్ళుకుల్ ఇరమ్, కిలాడి కృష్ణుడు నుండి నేటి 2020 సరిలేరునీకెవ్వరు వరకు ఆగౌరవాన్ని అందించిన ప్రతి ఒక్కరికి కృతజ్ఞతలు అని పేర్కొన్నారు.

#సరిలేరు_మీకెవ్వరు ఇంత గొప్ప విజయాన్ని నాకు అందించిన, నన్ను ఎల్లప్పుడూ ఆదరిస్తూ వస్తున్న ప్రేక్షకులకు, అభిమానులకు మనస్ఫూర్తిగా ధన్యవాదములు

నా నట ప్రస్ధానానికి 1979 కళ్ళుకుల్ ఇరమ్,కిలాడి కృష్ణుడు నుండి నేటి 2020 సరిలేరునీకెవ్వరు వరకు ఆగౌరవాన్ని అందించిన ప్రతిఒక్కరికి కృతజ్ఞతలు.

— VijayashanthiOfficial (@vijayashanthi_m) February 2, 2020

సడన్‌గా ఆమె అలా అనేసరికి తెలుగు సినీ పరిశ్రమలో చర్చగా మారింది. ఎన్నో అనుమానాలు కూడా వ్యక్తం అవుతున్నాయి ఈ నేపథ్యంలో. సినిమాకి ముందు విజయశాంతి గారు ఓ ఇంటర్వ్యూలో ఇకపై వరస సినిమాలు చేస్తాను. పాత్ర నచ్చితే కచ్చితంగా నటిస్తాను. ఇన్నేళ్లు ఉన్న టెన్షన్ అంతా ఈ ఆర్నెళ్ళ పాటు జరిగిన సరిలేరు నీకెవ్వరు షూటింగ్ ద్వారా తీరిపోయిందని చెప్పారు. మరి ఇప్పుడు సడెన్ గా ఇలా అంటారేంటి?

సరిలేరు నీకెవ్వరూ సినిమాలో విజయశాంతి పాత్రపై ఎన్నో కామెంట్స్ వచ్చాయి. కొందరు బాగుంది అంటే..కొందరు ఆమె స్థాయిలో లేవు అన్నారు. అంతేకాదు విజయశాంతి రెమ్యునరేషన్ గట్టిగానే తీసుకోవడంతో నిర్మాతలు కూడా ఆమెను తీసుకోవడానికి కాస్త భయపడుతున్నారట. దీంతో రాములమ్మ మరోసారి రాజకీయాల్లోనే బెస్ట్ అనుకున్నట్టు ఉంది మరి.

అంతకు ముందు ఆ తరువాత చిత్రంతో తెలుగు తెరకు పరిచయమైనా హైద్రాబాది అమ్మాయి ఈషా రెబ్బ. ఆమే ఎం.బి.ఏ చేశారు. ఫేస్‌బుక్‌లో అమె చిత్రాలు చుసిన ఇంద్రగంటి మోహన కృష్ణ అమెను అంతకు ముందు… ఆ తరువాత… చిత్రంలో నటించటానికి ఎంపిక చేసారు. ఆమె బందిపొటు, అమి తుమి, మయా మాల్, దర్శకుడు,అ! మొదలైన చిత్రాలలో నటించింది.

ఇది ఇలా ఉండగా తెలంగాణ రవాణా శాఖా మంత్రి పువ్వాడ అజయ్, తెలుగు బ్యూటీ ఈషా రెబ్బా బైక్ రైడ్ ఫొటోలు నెట్ ఇంట్లో హల్చల్ చేస్తున్నాయి. వాణా శాఖ ఆధ్వర్యంలో చేపట్టిన రోడ్డు భద్రత వారోత్సవాలు సోమవారం 27వ తేదీ నుండి ఫిబ్రవరి 2వ తేదీ వరకు నిర్వహించారు. అందులో భాగంగా రోడ్డు ప్రమాదాల నివారణ కోసం అవగాహనా కల్పించాలి అని మంత్రి పువ్వాడ అజయ్ హెల్మెట్ పెట్టుకుని బైక్ డ్రైవింగ్ చేశారు. అదే బైక్ లో వెనక సీట్ లో ఈషా రెబ్బ కూర్చోవడం విశేషం.

ఈ కార్యక్రమంలో భుత్వ చీఫ్ సెక్రటరీ సోమేశ్ కుమార్, ప్రిన్సిపాల్ సెక్రటరీ సునీల్ శర్మ, రవాణా శాఖ కమీషనర్ సందీప్ కుమార్ సుల్తానీయ, హైద్రాబాద్ సిటీ పోలీస్ కమీషనర్ అంజనీ కుమార్ తదితరులు పాల్గొన్నారు. నటి ఈషా రెబ్బ ప్రత్యేక ఆకర్షణగా నిలిచారు. ఇక సినిమాల విషయానికి వస్తే ప్రస్తుతం ఈషా రెబ్బా బాలీవుడ్‌లో హర్షవర్ధన్ కపూర్ హీరోగా తెరకెక్కుతున్న ఓ సినిమాలో నటించనుంది.మరి ఈ బ్యూటీకి ఇప్పటికైనా తెలుగులో ఆఫర్లు వస్తాయో లేదో చూడాలి.