Megha Varna

మాస్ మహారాజ రవితేజ గురించి ప్రత్యేకంగా చెప్పక్కర్లేదు. టాలీవుడ్ లో ఎన్నో సినిమాల్లో నటించి మంచి పేరుని పొందారు. పైగా ఆడియన్స్ కి కూడా చాలా దగ్గరయ్యారు. క్రాక్ సినిమా మంచి సక్సెస్ అయ్యింది. పైగా రవితేజ కి హేటర్స్ ఎక్కువగా ఉండరు. ఎక్కువ హేటర్స్ లేని హీరోలలో రవితేజ కూడా ఒకరు.

రవితేజ ఖిలాడి, రామారావు ఆన్ డ్యూటీ వంటి సినిమాలతో ఫ్లాపులు అందుకున్నప్పటికీ కూడా ఆయన స్పీడ్ ఏ మాత్రం తగ్గలేదు.

ఇప్పడు రవి తేజ ధమాకా సినిమా విడుదల కావలసి వుంది. ఈ సినిమా కోసం పెద్దగా బజ్ అయితే ఏమి లేదు. ఆశించిన స్థాయిలో ఫలితం వచ్చేలా ఏమి లేదు. తాజాగా ఈ సినిమా పాటలు విడుదలైన విషయం తెలిసిందే. ఈ సినిమాకి పబ్లిసిటీ చేసి ఆ తర్వాత డిసెంబర్ 23న విడుదల అయితే కచ్చితంగా హిట్ అయ్యే అవకాశం ఉంది లేకపోతే ఈ సినిమా కూడా హిట్ అవ్వకపోవచ్చు. పైగా హిట్ 2 కి పోటీగా దీనిని విడుదల చేస్తున్నారు. ఇది ఇలా ఉంటే రవితేజ చిరంజీవి వాల్తేరు వీరయ్య సినిమాలో కూడా నటిస్తున్నారు. ఈ సినిమాకి సంబంధించి షూటింగ్ రామోజీ ఫిలిం సిటీలో జరుగుతోంది. రవితేజ చిరు కాంబినేషన్లో సీన్స్ కూడా పూర్తి చేసుకుంటున్నారు.

అలానే రావణాసుర, ఈగల్ సినిమాలు కూడా షూటింగ్ స్టేజ్ లోనే ఉన్నాయి. రవితేజ టైగర్ నాగేశ్వరరావు సినిమా కూడా ఒప్పుకున్నారు ఈ సినిమా షూటింగ్ కూడా అవుతోంది. ఇవి ఇలా ఉంటే ధమాకా, వాల్తేరు పేరయ్య సినిమాలకి సంబంధించి ఇంటర్వ్యూలు ఇవ్వాల్సి ఉంది. ఈవెంట్లలో కూడా పాల్గొనాల్సి ఉంది. అయితే సినిమా హిట్ అయిన హిట్ కాకపోయినా సరే వరుస సినిమాలతో రవితేజ ఈతరం హీరోల లాగ బిజీ అయిపోయారు. ఈ విషయంలో రవితేజ చేస్తోంది కరెక్ట్ ఏనా..? ఏది ఏమైనా వరుస సినిమాలతో ఏ మాత్రం స్పీడ్ ని తగ్గించేయకుండా జోరుగానే కొనసాగుతున్నారు రవితేజ. మరి రాబోయే సినిమాలతో రవితేజ ఎంత ఇంప్రెస్ చేస్తారనేది చూడాల్సి ఉంది.

ఆహా లో నందమూరి బాలకృష్ణ అన్‌స్టాపబుల్ షో కి హోస్ట్ గా చేస్తున్న సంగతి తెలిసిందే. ఇప్పటికే చాలా మంది సెలెబ్రెటీస్ వచ్చారు. ఇప్పుడు ఈ షో సెకండ్ సీజన్ అవుతోంది. ఈ షో కి చాలా మంది టాలీవుడ్ సెలెబ్రిటీలు వచ్చారు. వాళ్ళతో హోస్ట్ అయిన బాలయ్య ఎన్నో మాట్లాడారు.

ఇదిలా ఉంటే త్వరలో ప్రభాస్ ఈ షో కి వస్తున్నట్టు తెలుస్తోంది. ఈ నెల 11న ప్రభాస్ తన ఫ్రెండ్ హీరో గోపీచంద్‌ తో ఈ షో కి వస్తున్నాడట.

బాలయ్య తో వీళ్లిద్దరు సందడి చేయనున్నారు. ఈ షో న్యూ ఇయర్ నాడు ప్రసారం చేసే అవకాశం ఉన్నట్టు తెలుస్తోంది. ప్రభాస్ గోపి చంద్ ఇద్దరు వర్షం సినిమా చేసారు. విలన్ గా గోపి చంద్ చక్కటి యాక్టింగ్ చేసారు. వర్షం సినిమా తర్వాత గోపీచంద్ మరియు ప్రభాస్ ఇద్దరు కూడా మంచి స్నేహితులుగా ఉన్నారు. చాలా సందర్భాలలో ప్రభాస్ తో ఉన్న స్నేహం గురించి గోపీచంద్ చెబుతూనే వచ్చారు. ఈ షోలో కూడా వాళ్ళిద్దరూ స్నేహం గురించి చెబుతారు ఏమో అనేది చూడాల్సి ఉంది. పైగా బాలయ్య కూడా ప్రభాస్, గోపీచంద్ తో మాట్లాడతారు కాబట్టి మంచిగా ఎంటర్టైన్మెంట్ తో షో ఉండనుంది.

ఇంత గొప్ప ఎంటర్టైన్మెంట్ ని వీళ్ళ ముగ్గురు ఇస్తారు కాబట్టి కొత్త సంవత్సరానికి కానుకగా షో వస్తుందేమో అనేది చూడాల్సి ఉంది. గోపీచంద్ తొలివలపు సినిమాతో తెలుగు ప్రేక్షకులకు పరిచయమైన సంగతి తెలిసిందే. ఆ తర్వాత జయం, వర్షం సినిమాలు మంచి పేరును తీసుకు వచ్చాయి. తర్వాత చాణక్య, సిటీ మార్ ఇలా చాలా సినిమాల్లో గోపీచంద్ నటించారు. ప్రభాస్ క్రేజ్ బాహుబలి తో మాములుగా లేదు. ఇప్పుడు ప్రభాస్ పాన్ ఇండియా హీరోగా ఎదిగిపోయారు. ప్రభాస్ చేతి లో ప్రస్తుతం నాలుగు మూవీస్ వున్నాయి. ఆదిపురుష్, సలార్, ప్రాజెక్ట్ కె సినిమాలతో ప్రభాస్ బిజీగా వున్నారు. అలానే మారుతి దర్శకత్వంలో ఓ మూవీ చేయనున్నారు. ఇక బాలయ్య షో విషయానికి వస్తే.. డిసెంబరు 2న జరిగే ఎపిసోడ్ కి రాఘవేంద్రరావు, అల్లు అరవింద్, సురేష్ బాబు రానున్నారు. రాత్రి 9 గంటలకి ఈ ఎపిసోడ్ ఆహా లో వస్తుంది.

రష్మిక గురించి కొత్తగా చెప్పక్కర్లేదు. టాలీవుడ్ లో ఎన్నో సినిమాలను చేసింది. అలానే రష్మిక మందన్న శాండిల్వుడ్, బాలీవుడ్ లో కూడా నటిస్తోంది. ఆమె తెలుగు వారినే కాకుండా అక్కడ ప్రేక్షకులని కూడా తన నటన తో ఇంప్రెస్ చేసేస్తోది. పైగా ఆమె కి పాపులారిటీ కూడా ఎక్కువ. పుష్ప మొదటి పార్ట్ తో బాగా మెప్పించిన రష్మిక ఇప్పుడు పుష్ప 2 లో కూడా నటించనుంది.

రష్మిక మందన్న తెలుగులో ఛలో సినిమాతో ఎంట్రీ ఇచ్చిన విషయం తెలిసిందే. ఆ తరవాత ఈమె గీతా గోవిందం, డియర్ కామ్రెడ్ ఇలా ఎన్నో మూవీస్ చేసింది.

హిందీ లో మంచి సినిమాలు చేసింది ఈమె. హిందీ లో మిషన్ మజ్ను అనే స్పై థ్రిల్లర్ లో నటిస్తోంది ఈ భామ. అలానే హిందీ లో ఈమె గుడ్ బై సినిమాలో కూడా చేస్తోంది. మిషన్ మజ్ను విషయానికి వస్తే.. ఇది జనవరి 18 నుంచి స్ట్రీమింగ్ కానుంది. నెట్‌ఫ్లిక్స్‌ లో దీన్ని చూడచ్చు. ఇదిలా ఉంటే ప్రస్తుతం రష్మిక ఓ పాట చేసేందుకు రెడీ అయ్యింది. చాలా మంది హీరోయిన్లు గతం లో ఐటమ్ సాంగ్ ని చేయడం మనం చూసాం.

రష్మిక కూడా ఇప్పుడు ఓ పాట ని చెయ్యాలని నిర్ణయం తీసుకుంది. మహేష్, త్రివిక్రమ్ కాంబినేషన్‌ లో వస్తున్న మూవీ లో ఈమె ఐటమ్ సాంగ్ ని చేయడం కోసం సిద్ధం అయ్యినట్టు తెలుస్తోంది. అయితే దానికి ఆమె ఐదు కోట్ల వరకు డిమాండ్ చేసినట్టు తెలుస్తోంది. పైగా ఈ డబ్బులు ఇచ్చేనందుకు నిర్మాతలు కూడా ఒకే అనేసారట. ఇదిలా ఉంటే మహేష్ బాబు నెక్స్ట్ మూవీ ని రాజమౌళి దర్శకత్వంలో చేయనున్నారు. మహేష్ కోసం రాజమౌళి ఏదో పెద్దగానే ప్లాన్ చేస్తున్నారు కూడా.

సాయి కుమార్ గురించి ప్రత్యేకంగా పరిచయం చేయక్కర్లేదు. సాయికుమార్ అందరికీ సుపరిచితమే. చక్కటి డైలాగ్లతో అందరినీ బాగా ఆకట్టుకుంటారు సాయి కుమార్. సాయి కుమార్ లానే సాయి కుమార్ కుమారుడు కూడా ఇండస్ట్రీలోకి వచ్చాడు. పలు సినిమాలలో నటించి తెలుగు ప్రేక్షకులకు దగ్గరయ్యాడు. అయితే చాలా మందికి సాయి కుమార్ కూతురు గురించి తెలియదు.

సాయి కుమార్ కూతురు పేరు జ్యోతిర్మయి. ఈమె ఒక చిల్డ్రన్స్ డాక్టర్. గత సంవత్సరం కొండాపూర్ బొటానికల్ గార్డెన్ రోడ్ లో చిల్డ్రన్స్ క్లినిక్ ని మొదలు పెట్టారు. కేవలం ఏడాదిలోనే ఈమె చక్కటి పేరు ప్రఖ్యాతలని పొందారు.

నిజానికి ఈమె గురించి చాలా విషయాలు చెప్పేందుకు వున్నాయి. గత ఏడాది చిల్డ్రన్స్ క్లినిక్ ని ఈమె అత్యాధునిక సాంకేతిక పరిజ్ఞానం ఉన్న ఎక్విప్‌మెంట్‌తో స్టార్ట్ చేసారు. అప్పటి నుండి కూడా ఈమె ఎంతో పేరుని సంపాదించుకున్నారు. చిన్న పిల్లలకి ఎలాంటి సమస్య వచ్చిన సరే ఈమె వుంది అనే ధైర్యాన్ని ఇచ్చారేమే. ఈమె చేసే సేవ గురించి చాలా మంది చిన్నారుల తల్లిదర్దులు వీడియో రూపం లో షేర్ చేయడం జరిగింది. చెరిష్‌ క్లీనిక్‌ను ప్రారంభించి ఏడాది లో దాదాపు 2500 మంది పిల్లలకి ట్రీట్మెంట్ ని అందించారు. నిజంగా ఇది ఎంతో గొప్ప విషయం.

పైగా ఈమె ట్రీట్మెంట్ చేయడమే కాకుండా పిల్లలకి అనారోగ్య సమస్యలు ఏమి కలగకుండా ఉండాలంటే ఎలాంటి జాగ్రత్తలు తీసుకోవాలి అనే విషయాలని కూడా తల్లిదండ్రులకి చెబుతూ వుంటారు.”నా చెరిష్‌ క్లీనిక్‌ను ప్రారంభించి ఈ ఏడదిలో దాదాపు 2500 మంది పిల్లలకి ట్రీట్మెంట్ ఇచ్చాను” అని ఆమె చెప్పారు. పైగా కొన్ని ఇంటి చిట్కాలను కూడా నేను తల్లిదండ్రులకి చెబుతూ వుంటాను అని ఆమె అన్నారు. పిల్లలకు ఇది హాస్పిటల్‌ అనే భావన లేకుండా ఉంచేందుకు క్లినిక్ ని ఇలా డిజైన్ చేసాము అని కూడా చెప్పారీమె. అన్ని రకాల అంతర్జాతీయ ప్రమాణాలను కూడా ఇక్కడ ఫాలో అవుతారట.

ప్రముఖ నటుడు సూపర్ స్టార్ కృష్ణ గారు ఆరోగ్య సమస్యల కారణంగా ఈ లోకాన్ని విడిచి వెళ్లిపోయారు. గ‌తేడాది కృష్ణ పెద్ద కుమారుడు ర‌మేష్ బాబు అనారోగ్యంతో క‌న్నుమూసిన సంగ‌తి తెలిసిందే. కాగా తాజాగా కృష్ణ మొద‌టి భార్య, మ‌హేశ్ బాబు త‌ల్లి ఇందిరా దేవి సైతం అనారోగ్యంతో క‌న్నుమూశారు.

ఇందిరాదేవి గారు చనిపోయిన కొద్ది రోజులకే కృష్ణ గారు కూడా చివరి శ్వాస విడిచారు. ఇప్పుడు వారి లైఫ్ కు సంబంధించిన ఆసక్తికర విషయాలు బయటకు వస్తున్నాయి.

కృష్ణ విజయ నిర్మల పెళ్లి గురించి కూడా ఇప్పుడు ఓ ఆసక్తికర విషయం బయటకు వచ్చింది. కృష్ణ కి మొదట భార్య అయిన ఇందిరా ఉండగానే విజయ నిర్మల తో రెండో వివాహం చేసుకున్నారు. మరి అసలు ఎందుకు కృష్ణ ఇలా చేసారు..? కారణం ఏమిటి..?, ఈ సంగతి తెలిసిన కుటుంబ సభ్యులు ఏం అన్నారు అనేది కృష్ణ గారి తమ్ముడు శేషగిరి రావు చెప్పారు.

ఈ విషయం తెలిసాక వారి అమ్మ నాగ రత్నమ్మ గారు మాత్రం కోప్పడ్డారట. కానీ ఇందిరా మాత్రం ఏం అనలేదు. కంగారు పడి ఎటువంటి నిర్ణయం తీసుకోలేదు అని శేషగిరి రావు చెప్పారు. ‘సాక్షి’ సినిమా అప్పుడు వీళ్ళ మధ్య ప్రేమ పుట్టిందట. దానితో రహస్యంగా పెళ్లి చేసుకున్నారు. విజయ నిర్మలకి ఇది వరకే వివాహం అయ్యిందిట. నరేష్ కి కూడా ఆమె జన్మనిచ్చారు. అయితే కృష్ణ, విజయ నిర్మలకి మాత్రం ఎవరు పుట్టలేదని కృష్ణ గారి తమ్ముడు శేషగిరి రావు చెప్పారు.

హిట్ మొదటి భాగం అందరికీ నచ్చేసింది. ఈ సినిమా లో విశ్వక్సేన్, రుహాని శర్మ జంటగా నటించారు. అయితే ఒక కేసు ఇన్వెస్టిగేషన్ ఈ సినిమా లో జరుగుతూ ఉంటుంది. ఈ కథ నడుస్తుంది. హిట్ ఫస్ట్ కేస్ 2020 లో రిలీజ్ అయిన సంగతి తెలిసిందే. ఇక ఇప్పుడు సెకండ్ పార్ట్ రానుంది.

ఈ సినిమాకు శైలేష్ కొలను దర్శకత్వం వహిస్తున్నారు. నాని ప్రొడ్యూసర్ గా వ్యవహరిస్తున్నారు. ఈ సినిమా ట్రైలర్ కూడా తాజాగా విడుదలైంది. ప్రస్తుతం ఎక్కడ చూసినా ఈ ట్రైలర్ గురించి మాట్లాడుకుంటున్నారు.

ట్రైలర్ ఇంత బాగుంటే మరి సినిమా ఇంకెంత బాగుంటుందని అంతా అనుకుంటున్నారు. పైగా చాలా మంది ప్రేక్షకులు ఈ సినిమా మీద భారీ ఎక్స్పెక్టేషన్స్ పెట్టుకున్నారు. అయితే అడవి శేషు కి ఈ సినిమా ద్వారా ఎక్కువ రెమ్యునరేషన్ వస్తున్నట్టు తెలుస్తోంది. ఈ సినిమాలో హీరోగా నటిస్తున్న అడవి శేషు కి నాని ఎక్కువ రెమ్యునరేషన్ ని ఇస్తున్నట్లు వార్తలు వస్తున్నాయి.

అయితే ఇక పారితోషం విషయానికి వస్తే…. అడవి శేషు కి హిట్ సినిమా ద్వారా ఐదు కోట్ల నుంచి ఆరు కోట్ల రెమ్యూనిరేషన్ ఇస్తున్నట్లు తెలుస్తోంది. డిసెంబర్ రెండవ తేదీన ఈ సినిమా భారీ స్థాయి లో విడుదల కాబోతోంది. సినిమా అయితే అదిరిపోయేలానే కనపడుతోంది. పైగా ఇప్పటికే ప్రేక్షకులు ఎక్స్పక్టేషన్స్ భారీగా పెట్టుకున్నారు. మరి ఈ సినిమా ప్రేక్షకుల అంచనాల వరకు ఉంటుందా లేదా అనేది చూడాల్సి ఉంది.