Filmy Adda

మాస్ కా దాస్ విశ్వక్ సేన్ హీరోగా నటించిన గ్యాంగ్స్ ఆఫ్ గోదావరి సినిమా రేపు విడుదలకి సిద్ధం అవుతోంది. నేహా శెట్టి హీరోయిన్ గా నటించిన ఈ సినిమాలో, అంజలి మరొక ముఖ్య పాత్రలో నటించారు. కృష్ణ చైతన్య ఈ సినిమాకి దర్శకత్వం వహించారు. సూర్యదేవర నాగ వంశీ ఈ సినిమాని నిర్మించారు. యువన్ శంకర్ రాజా ఈ సినిమాకి సంగీత దర్శకత్వం వహించారు. ఈ సినిమా బృందం అంతా కూడా ఇప్పుడు ప్రమోషన్స్ పనిలో బిజీగా ఉన్నారు.

ఈ సినిమా ప్రీ రిలీజ్ ఈవెంట్ ఇటీవల ఘనంగా జరిగింది. అయితే సినిమా సెన్సార్ టాక్ బయటికి వచ్చింది. సెన్సార్ బృందం సినిమా చూశాక సినిమా బృందాన్ని చాలా మెచ్చుకున్నట్టు సమాచారం. సినిమా ట్రైలర్ చూస్తే ఇది ఒక 80స్ కాలంలో సాగే సినిమా అని తెలుస్తోంది. సినిమా అంతా కూడా చాలా బాగా తీశారు అని క్లైమాక్స్ చాలా బాగుంది అని సెన్సార్ బృందం మెచ్చుకున్నారట. సినిమాకి రెండవ భాగం ఉంటుంది అని ఇప్పటికే సినిమా బృందం చెప్పారు. దానికి సంబంధించిన ఒక సీన్ క్లైమాక్స్ లో చూపిస్తారు. దానికి వివరణ రెండవ భాగంలో ఇస్తారు. దాంతో ఇప్పుడు ఈ సినిమా గురించి అందరూ ఆసక్తిగా ఎదురుచూస్తున్నారు.

60 ఏళ్ల వయసు దాటినప్పటికీ కుర్ర హీరోలకి గట్టి పోటీ ఇస్తున్న సీనియర్ నటుడు బాలకృష్ణ. ఇండస్ట్రీ హిట్లు కొడుతూ ఇప్పటికీ మంచి ఊపు మీద ఉన్నారు. ఈయన సినిమాలకి ప్రత్యేకమైన ఫ్యాన్ బేస్ ఉంటుంది. ఒక్కసారి బాలయ్య సినిమా వస్తుందని టాక్ వినిపిస్తే చాలు ఆ తర్వాత వచ్చే ప్రతి చిన్న అప్డేట్ కోసం ఎదురు చూస్తూ ఉంటారు అభిమానులు.

అలాగే హీరోయిన్స్ సైతం ఆయన పక్కన నటించాలని స్టార్ డం ని సొంతం చేసుకోవాలని కలలు కంటూ ఉంటారు. అయితే ఒక హీరోయిన్ మాత్రం బాలయ్య సినిమాలో ఛాన్స్ వస్తే చేయను అంటూ చెప్పిందంట ఇంతకీ ఆమె ఎవరు.. ఆమె రిజెక్ట్ చేసిన సినిమా ఏంటో ఇప్పుడు చూద్దాం. గతంలో బాలయ్య బాబు హీరోగా ముత్యాల సుబ్బయ్య దర్శకత్వంలో వచ్చిన కృష్ణ బాబు సినిమాలో హీరోయిన్ గా మొదట సాక్షి శివానంద్ ని తీసుకోవాలి అనుకున్నారట. అందుకోసం ఆమెను సంప్రదిస్తే సింపుల్ గా రిజెక్ట్ చేసింది ఈ అమ్మడు.

ఆ తర్వాత ఈ ఆఫర్ రాశిని వరించింది. అయితే ఈ సినిమా డిజాస్టర్ ని సొంతం చేసుకుంది. ఆమె ఎందుకు రిజెక్ట్ చేసింది అనే విషయాన్ని పక్కన పెడితే సాక్షి శివానంద్ ఒక డిజాస్టర్ నుంచి తప్పించుకుందని చెప్పవచ్చు. ఇక ప్రస్తుత విషయానికి వస్తే ప్రస్తుతం నందమూరి బాలకృష్ణ బాబి దర్శకత్వంలో యాక్షన్ ఎంటర్టైనర్ సినిమా ఒకటి చేస్తున్నారు. ఎన్.బి.కె 109 వర్కింగ్ టైటిల్ తో ఈ సినిమా నిర్మాణం జరుగుతుంది.

ఈ సినిమా తరువాత బాలయ్య బోయపాటి శ్రీను సినిమా అఖండ టు సెట్స్ మీద కి వెళ్తున్నట్లు సమాచారం. గీత ఆర్ట్స్ బ్యానర్ పై అల్లు అరవింద్ నిర్మించే అవకాశాలు ఉన్నాయని టాక్ వినిపిస్తోంది. ఈ సినిమాలో బాలయ్య ని ఢీ కొట్టే విలన్ పాత్రలో బాలీవుడ్ నటుడు సంజయ్ దత్ నటించబోతున్నట్లు సమాచారం. ఇప్పటికే కధ విని ఇంప్రెస్ అయిన సంజు ఈ మూవీలో యాక్ట్ చేయడానికి ఒప్పుకున్నట్లు సమాచారం.

పాటలు లేకుండా ఈ ప్రపంచాన్ని ఊహించడం చాలా కష్టం. ఒక రోజులో ఒక మనిషి ఎన్ని సార్లు పాటలు వింటాడో కూడా చెప్పలేం. పాటలు పాడుతాడు కూడా. ఇండస్ట్రీలో సింగర్స్ కి కొదవ లేదు. ఒక సంవత్సరంలో సినిమా ఇండస్ట్రీకి ఎంతో మంది సింగర్స్ కూడా పరిచయం అవుతూ ఉంటారు. వారిలో కొంత మంది గొంతులు మాత్రమే ప్రేక్షకులకి మనసులో నిలిచిపోయేలాగా ఉంటాయి. ఎన్ని సంవత్సరాలు అయినా వాళ్ల పాటలు వింటూనే ఉంటారు. వాళ్లకి సంవత్సరాలు పెరిగే కొద్దీ అభిమానులు పెరుగుతూనే ఉంటారు. చిన్నపిల్లల నుండి వృద్ధుల వరకు అందరూ వారికి అభిమానులుగా ఉంటారు. అంటే వారు అంత బాగా పాడుతారు.

వారి గాత్రంతో అంత మంది అభిమానులను సంపాదించుకున్నారు. భాషకి పరిమితం అవ్వకుండా అన్ని భాషల్లో వారు పాడుతూ ఉంటారు. అలా భారతదేశ వ్యాప్తంగా గుర్తింపు సంపాదించుకున్నారు. ఈ పైన ఫోటోలో ఉన్న చిన్నపిల్ల కూడా ఇప్పుడు భారతదేశ వ్యాప్తంగా గర్వపడే సింగర్ అయ్యారు. శ్రేయ ఘోషల్ తెలియని వారు ఉండరు. ఎన్నో వేల పాటలు పాడారు. ఎన్నో వందల అవార్డులు గెలుచుకున్నారు. ఎన్నో కోట్ల మంది అభిమానులను సంపాదించుకున్నారు. బాలీవుడ్ సినిమా వస్తోంది అంటే అందులో శ్రేయ ఘోషల్ పాట ఉండాల్సిందే.

ఇప్పుడు టాలీవుడ్ లో కూడా ఏదైనా ఒక మంచి పాట పాడాలి అనుకుంటే అందుకోసం శ్రేయ ఘోషల్ ని తీసుకుంటారు. శ్రేయ ఘోషల్ గాత్రం వల్ల ఆ పాటలకు ఇంకా అందం వస్తుంది. శ్రేయ ఘోషల్ పాటలకు ఎంత అభిమానులు ఉన్నారో చెప్పడానికి ఇప్పుడు విడుదలైన పుష్ప సినిమాలోని పాట ఉదాహరణ. పుష్ప 2 సినిమాలోని కపుల్ సాంగ్ తెలుగుతో పాటు, తమిళ్, కన్నడ, మలయాళం, హిందీ, ఇవన్నీ మాత్రమే కాకుండా బెంగాలీలో కూడా శ్రేయ ఘోషల్ పాడారు. శ్రేయ ఘోషల్ మాతృభాష బెంగాలీ. అలాంటప్పుడు బెంగాలీలో శ్రేయ ఘోషల్ పాట లేకుండా ఎలా ఉంటుంది.

పైన ఉన్న ఫోటో శ్రేయ ఘోషల్ చిన్న వయసులో ఉన్నప్పుడు ఒక రియాలిటీ షోలో పాల్గొన్నప్పటిది. దేవదాస్ సినిమాతో శ్రేయ ఘోషల్ సినిమా ఇండస్ట్రీలో అడుగు పెట్టారు. అప్పటి నుండి వెనక్కి తిరిగి చూసుకో లేదు. ఎన్ని కోట్ల మంది అభిమానులను సంపాదించుకొని మెలోడీ క్వీన్ గా గుర్తింపు తెచ్చుకున్నారు శ్రేయ ఘోషల్. యంగ్ యాక్టర్ నుండి సీనియర్ యాక్టర్ సినిమాల్లో ఏ హీరోయిన్ కి అయినా సూట్ అయ్యేలాగా శ్రేయ ఘోషల్ పాడతారు. అందుకే ఇంత మంది శ్రేయ ఘోషల్ కి అభిమానులు అయ్యారు.

సినిమా బడ్జెట్ ఒక్కొక్కసారి తక్కువగా ఉన్నా కూడా, వచ్చే కలెక్షన్స్ చాలా ఎక్కువగా ఉన్న సినిమాలు చాలా ఉన్నాయి. చిన్న బడ్జెట్ సినిమాలు వస్తాయి. కానీ పెట్టిన బడ్జెట్ కంటే ఎంతో ఎక్కువ లాభాలు ఆ సినిమాలు చేస్తాయి. అందుకు కారణం, వాటిల్లో ఉన్న కంటెంట్. చాలా సినిమాలు అలాగే చేశాయి. ఈ సినిమా కూడా అలాగే 25 కోట్లు పెట్టి తీశారు. కానీ దాదాపు 359 కోట్లు ఈ సినిమా వసూలు చేసింది. భారతదేశమంతా గర్వపడేలా ఈ సినిమా చేసింది. ఈ సినిమా నేషనల్ అవార్డులు కూడా తెలుసుకుంది. ఊరి (URI) సినిమా తక్కువ బడ్జెట్ తో తీసిన సినిమాగా విడుదల అయ్యి, తర్వాత సెన్సేషన్ క్రియేట్ చేసింది.

విక్కీ కౌశల్, యామి గౌతమ్ నటించిన ఈ సినిమాకి ఆదిత్య ధర్ దర్శకత్వం వహించారు. రోనీ స్క్రూవాలా ఈ సినిమాని నిర్మించారు. సినిమా మొత్తం ఐదు చాప్టర్లుగా నడుస్తుంది. దేశభక్తి మీద, నిజ జీవితంలో జరిగిన ఒక సంఘటన మీద ఈ సినిమా రూపొందించారు. ఈ సినిమాలో ఎమోషన్స్ చాలా ఎక్కువగా ఉండేలా చూసుకున్నారు. సైనికులు తమ కుటుంబాన్ని విడిచి వెళ్లి దేశం కోసం ఎంత పోరాడుతారు అనేది ఈ సినిమాలో చూపించారు. ఈ సినిమాలో నటీనటుల నటనకి చాలా ప్రశంసలు వచ్చాయి. బెస్ట్ డైరెక్టర్, బెస్ట్ యాక్టర్, బెస్ట్ ఆడియోగ్రఫీ, బెస్ట్ మ్యూజిక్ డైరెక్టర్-బ్యాక్ గ్రౌండ్ స్కోర్ విభాగాల్లో ఈ సినిమా నాలుగు నేషనల్ అవార్డులను అందుకుంది.

అలాగే ఆ సంవత్సరం వచ్చిన ప్రతి సినిమా ఈవెంట్ లో ఒక్క అవార్డు అయినా ఈ సినిమా అందుకుంది. విక్కీ కౌశల్ ని స్టార్ హీరో చేసింది ఈ సినిమా. 2019 లో వచ్చిన ఈ సినిమా ఇప్పటికి కూడా బాలీవుడ్ లో వచ్చిన బెస్ట్ సినిమాల్లో ఒకటిగా చెప్పుకుంటారు. దేశభక్తి నేపథ్యంలో వచ్చిన సినిమాలు అంటేనే అందరికీ అదొక రకమైన ఆసక్తి ఉంటుంది. దేశం అంటే ఎంత గౌరవిస్తారు అనేది ఈ సినిమాల్లో చూపిస్తారు. ఈ సినిమాలో ఈ విషయాన్ని చాలా బాగా చూపించడంతో అందరూ ప్రశంసించారు.

కాన్సెప్ట్ ఓరియంటెడ్ సినిమాలకి మలయాళం సినిమా ఇండస్ట్రీ పెట్టింది పేరు అని అంటూ ఉంటారు. మలయాళం సినిమా ఇండస్ట్రీలో చాలా మంచి సినిమాలు వస్తూ ఉంటాయి. 2020 నుండి మలయాళం సినిమాలు తెలుగులో కూడా విడుదల అవ్వడం మొదలు అయ్యాయి. లాక్ డౌన్ సమయంలో చాలా మంది మలయాళం కంటెంట్ చూశారు. దాంతో వాళ్లు ఎంత మంచి కంటెంట్ తీస్తున్నారు అని అందరూ మెచ్చుకోవడం మొదలు పెట్టారు. మిగిలిన ఇండస్ట్రీ వాళ్ళకి కూడా మలయాళం సినిమా ఇండస్ట్రీ అంటే ఎంతో గౌరవం ఉంటుంది. అలాంటి మలయాళం సినిమా ఇండస్ట్రీ నుంచి వచ్చిన మరొక ఆణిముత్యం ఈ సినిమా.

ఫహద్ ఫాజిల్ హీరోగా నటించిన ఈ సినిమా పేరు ట్రాన్స్. అన్వర్ రషీద్ ఎంట‌ర్‌టైన్‌మెంట్ బ్యానర్‌పై అన్వర్ రషీద్ నిర్మించిన ఈ సినిమాకి అన్వర్ రషీద్ దర్శకత్వం వహించారు. ఇంక ఈ సినిమా కథ విషయానికి వస్తే, విజ్జు ప్రసాద్ (ఫహద్ ఫాజిల్) ఒక మోటివేషనల్ స్పీకర్ గా పని చేస్తూ ఉంటాడు. చిన్నప్పుడే తన ఇంట్లో అప్పుల బాధ వలన తన తల్లి తుది శ్వాస విడుస్తుంది. దాంతో అప్పటి నుండి తన తమ్ముడిని విజ్జు చూసుకుంటూ ఉంటాడు. విజ్జు తమ్ముడికి మానసికంగా సమస్య ఉండడంతో తన తమ్ముడిని బాగు చేసుకోవాలి అని విజ్జు అనుకుంటాడు. అయితే తన అన్న అంత కష్టపడటం ఇష్టం లేక విజ్జు తన ప్రాణాలు తీసుకుంటాడు. ఆ తర్వాత ఏం జరిగింది అనేది సినిమా కథ. ఈ సినిమాలో నజ్రియా నజీమ్ కూడా ఒక పాత్ర పోషించారు.

సినిమా కథ ఆసక్తికరంగా సాగుతుంది. 2020 లో ఫిబ్రవరి 20వ తేదీన ఈ సినిమా మలయాళం లో విడుదల అయ్యింది. 2021 ఆగస్టు 7వ తేదీన ఆహాలో ఈ సినిమా తెలుగులో విడుదల అయ్యింది. లాక్ డౌన్ లో ఈ సినిమా మలయాళం లో విడుదల అయిన కారణంగా ఆశించిన కలెక్షన్స్ రాలేదు. కానీ సినిమాలో ఫహద్ ఫాజిల్ నటనకు మంచి మార్కులు పడ్డాయి. తన ఫిల్మోగ్రఫీలో మరొక గుర్తుంచుకునే పర్ఫార్మెన్స్ ని ఈ సినిమాలో ఫహద్ ఫాజిల్ చేశారు. మలయాళం సినిమాలు తెలుగు వాళ్ళు చూస్తున్న కొత్తల్లో ఈ సినిమా విడుదల అయ్యింది. ఒకరకంగా చెప్పాలి అంటే పుష్ప కంటే ముందే ఫహద్ ఫాజిల్ ఈ సినిమా ద్వారా తెలుగు ప్రేక్షకులకు పరిచయం అయ్యారు. ఈ సినిమా తర్వాత పుష్ప సినిమాతో డైరెక్ట్ తెలుగు సినిమాలో నటించారు.

సినీ ఇండస్ట్రీ లో హిట్ లు ప్లాపులు సదరు హీరో, డైరెక్టర్ల భవితవ్యాన్ని నిర్ణయిస్తాయి. కొందరు ఒకటి రెండు సినిమాలకే అజ్ఞాతంలోకి వెళ్ళిపోతారు. కానీ మరికొందరు హిట్లు ప్లాపులతో సంబంధం లేకుండా వరుస సినిమాలు చేసుకుంటూ పోతారు. ఆ కోవలోకే చెందుతారు యంగ్ హీరో ఆది సాయి కుమార్.

డైలాగ్ కింగ్ సాయి కుమార్ నట వారసుడిగా ఇండస్ట్రీలో అడుగుపెట్టిన ఆది సాయి కుమార్ తన కంటూ ప్రత్యేక గుర్తింపు తెచ్చుకున్నాడు. తన నటన తో, డైలాగ్ డెలివరీ తో ఎందరో అభిమానుల్ని గెలుచుకున్నారు. మొదట్లో మంచి కథల్నే ఎంచుకున్న ఆది తర్వాత కథల ఎంపికలో తడబడ్డాడు.

మొదటి సినిమా ప్రేమ కావాలి తో అందర్నీ తనవైపుకు తిప్పుకున్నారు ఆది. ఈ సినిమాకు విమర్శకుల నుంచి మంచి ప్రశంసలు వచ్చాయి. మరో యంగ్ హ్యాండ్సమ్ హీరో ఇండస్ట్రీ కి దొరికాడు అనుకున్నారు. కానీ తర్వాత వచ్చిన లవ్లీ, సుకుమారుడు వంటి చిత్రాలతో లవర్ బాయ్ ఇమేజ్ను సొంతం చేసుకున్నారు. కానీ ఆ తరువాత అన్ని ప్లాప్ లే వెక్కిరించాయి. వాటిలో ప్యార్ మే పడిపోయానే, గాలిపటం, రఫ్, చుట్టాలబ్బాయి, నెక్స్ట్ నువ్వే, బుర్రకథ, జోడి, గోల్డ్ ఫిష్, శశి, తీస్మార్ ఖాన్ వంటి సినిమాలున్నాయి. మధ్యలో మల్టీస్టారర్ మూవీస్ కూడా చేసాడు ఆది . విభిన్న కథలను ఎంచుకున్నారు, నటనలో వైవిధ్యం చూపినా ఆదిని ప్లాప్ లు వదల్లేదు. అవన్నీ కాదని ఆదికి సినిమా అవకాశాలు వస్తూనే ఉన్నాయ్. ఆదితో సినిమాలు చేయడానికి నిర్మాతలు ఎప్పుడూ సిద్ధంగానే ఉంటారు.

ఈ ఏడాది ఇప్పటికే బ్లాక్, తీస్ మార్ ఖాన్, అతిథి దేవోభవ, క్రేజీ ఫెలో లాంటి సినిమాలతో వచ్చాడు ఆది. ఈయనకు ఇన్ని అవకాశాలు ఎలా వస్తున్నాయి అని లెక్కలు వేసుకుంటే.. దాని వెనుక ఉన్న లాజిక్స్ చాలా ఆసక్తికరంగా ఉన్నాయి.

ఆది సాయికుమార్ తో సినిమా చేయాలంటే కనీసం రూ. రెండు కోట్ల బడ్జెట్ ఉంటే సరిపోతుంది. అతడితో సినిమా చేసే ఏ దర్శకుడైన కూడా పక్కా కమర్షియల్ ఫార్మేట్ లో చేస్తూ వస్తున్నాడు. ఇదే ఆది సినిమాలకు వర్కౌట్ అవుతోంది.

ఆది ప్రతి సినిమాను అమెజాన్ ప్రైమ్ వీడియో మంచి రేటు ఇచ్చి కొనుక్కుంటుంది. అతడి చాలా సినిమాలు అమెజాన్ ప్రైమ్ లో కనీసం కోటి రూపాయల కంటే ఎక్కువ బిజినెస్ చేశాయి. ఇదిలా ఉంటే హిందీ మార్కెట్ ఆదికి చాలా ప్లస్ అవుతుంది. మన దగ్గర ఇమేజ్ ఎలా ఉన్నా కూడా హిందీలో మాత్రం ఆది సినిమాలకు డిమాండ్ చాలా ఉంది.యూ ట్యూబ్ లో ఆది సాయికుమార్ హిందీ డబ్బింగ్ సినిమాలకు అదిరిపోయే డిమాండ్ ఉంది. ఆదిహిందీ డబ్బింగ్ చిత్రాలకు యూట్యూబ్‌లో వందల మిలియన్ల వ్యూస్ వస్తున్నాయి.

ఇలా ఎలా చూసుకున్నా కూడా.. సినిమా మీద నిర్మాతలు పెట్టిన బడ్జెట్ విడుదలకు ముందే వర్కౌట్ అవుతుంది. ముఖ్యంగా డాన్సుల్లో ఈజ్, డైలాగ్ డెలివరీ వంటివి ఆది సాయికుమార్‌కు కలిసొచ్చే అంశాలు. అందుకే నిర్మాతలు ఆది తో సినిమాలు చేయడానికీ క్యూ కడుతున్నారు.

అందుకే ఆయన సినిమాలు థియేటర్స్ లో పెద్దగా వర్కౌట్ అవ్వకపోయినా.. శాటిలైట్, ఓటిటి, డిజిటల్ రైట్స్, హిందీ డబ్బింగ్ రైట్స్ రూపంలో నిర్మాతలు బయటపడిపోతున్నారు. మిగిలిన ఏ హీరోలకు లేని అడ్వాంటేజ్ ఆదికి ఉంది కాబట్టే వీలైనంత తక్కువ బడ్జెట్ లో ఇతడితో సినిమాలు చేసి లాభాలు తెచ్చుకుంటున్నారు నిర్మాతలు.