Filmy Adda

తెలుగు సినిమా ఇండస్ట్రీలో పాన్ ఇండియన్ స్టార్ అనే గుర్తింపు తెచ్చుకున్న నటుడు ప్రభాస్. అప్పటి వరకు కేవలం రెండు తెలుగు రాష్ట్రాల్లో మాత్రమే ఉన్న క్రేజ్ బాహుబలి తర్వాత ప్రపంచ వ్యాప్తంగా పెరిగింది. మిర్చి తర్వాత బాహుబలిలో ప్రభాస్ నటించారు.

బాహుబలిలో ప్రభాస్ అసలు అప్పటి వరకు నటించని ఒక పాత్రలో నటించారు. అందుకోసం చాలా కష్టపడ్డారు. అందుకు తగ్గట్టుగా ఫలితం కూడా వచ్చింది. దాంతో ప్రభాస్ నెక్స్ట్ సినిమా ఏంటి అని అందరూ ఎదురు చూశారు.

బాహుబలి తర్వాత వచ్చిన సాహో కూడా ప్రభాస్ కి ఉన్న క్రేజ్ ని దృష్టిలో పెట్టుకొని పాన్ ఇండియన్ సినిమాగా విడుదల చేసారు. కానీ ఈ సినిమా ప్రేక్షకుల అంచ‌నాల‌ని అందుకోలేక‌పోయింది. ఇక ఇదిలా ఉంటే సలార్ సినిమా షూటింగ్‌లో బిజీగా ఉన్నారు ప్రభాస్. అంతే కాకుండా నాగ్ అశ్విన్ దర్శకత్వంలో ప్రాజెక్ట్ కే సినిమాలో కూడా నటిస్తున్నారు. ఇవి మాత్రమే కాకుండా మారుతి దర్శకత్వంలో రాజా డీలక్స్ సినిమాలో కూడా ప్రభాస్ నటిస్తున్నారు. అయితే ప్రభాస్ ఈ సినిమాలన్నీ వరుసగా విడుదల చేయాలని నిర్ణయించుకున్నట్లు సమాచారం.

అందుకే విరామం లేకుండా ఈ మూడు సినిమాల షూటింగ్ వరుసగా చేస్తూనే ఉన్నారు. ఒక సినిమా షూటింగ్ చేస్తూనే మరొక సినిమా షూటింగ్ లో కూడా పాల్గొంటున్నారు. ఈ సినిమాలన్నీ ఎంత తొందరగా వీలైతే అంత తొందరగా విడుదల చేయాలి అనే సినిమా బృందం కూడా భావిస్తున్నారట. ఒకవేళ ఇదే నిజమైతే ఇంకా ప్రభాస్ ఫ్యాన్స్ కి వరుస సినిమాలతో పండగే అని అంటున్నారు. అంతే కాకుండా ప్రభాస్ నటించిన ఆదిపురుష్ సినిమా షూటింగ్ ఇటీవల పూర్తయ్యింది. ఈ సినిమాకి ఓం రౌత్ దర్శకత్వం వహించారు. ఇందులో కృతి సనన్ హీరోయిన్ గా నటించారు.

ప్రభాస్ హీరోగా నటించిన ఆదిపురుష్ సినిమా టీజర్ ఇటీవల విడుదల అయ్యింది. అయోధ్యలో ఈ సినిమా టీజర్ విడుదల చేశారు. తెలుగుతో పాటు, హిందీ, తమిళ్, మలయాళం, కన్నడ భాషల్లో కూడా ఈ టీజర్ విడుదల అయ్యింది. బాహుబలి తర్వాత నుండి ప్రభాస్ నటించిన అన్ని సినిమాలు కూడా తెలుగుతో పాటు మిగిలిన భాషల్లో విడుదల అవుతున్నాయి. ఇప్పుడు ఈ సినిమా కూడా అలాగే విడుదల అవుతోంది.

ఈ సినిమాకి ఓం రౌత్ దర్శకత్వం వహించారు. ఓం రౌత్ అంతకుముందు తానాజీ సినిమాకి దర్శకత్వం వహించారు. ఆ సినిమా హిందీలో చాలా పెద్ద హిట్ అయ్యింది. ఇందులో సీత పాత్రలో కృతి సనన్ నటిస్తున్నారు. లక్ష్మణుడి పాత్రలో సన్నీ సింగ్ నటిస్తున్నారు. టీజర్ లో ప్రభాస్ తో పాటు వీరు కూడా కనిపిస్తున్నారు. రాముడిగా ప్రభాస్ లుక్ చాలా బాగుంది అంటూ ప్రేక్షకులు అభినందిస్తున్నారు.

అయితే ఈ సినిమా విడుదల వాయిదా పడింది అంటూ సినిమా బృందం ఇటీవల ప్రకటించింది. దీని వెనుక కారణం ఏంటి అనేది ఎవరికీ అర్థం కాలేదు. కానీ దీని వెనుక కారణం ఇదే అంటూ ఒక వార్త మాత్రం వైరల్ అవుతోంది. అదేంటంటే సినిమా గ్రాఫిక్స్ విషయంలో ఇంకా కొంచెం జాగ్రత్త తీసుకోవాలి అనే సినిమా బృందం అనుకుంటున్నారు అని, అందుకే మళ్లీ గ్రాఫిక్స్ పని చేయాలి అని సినిమా వాయిదా వేశారు అని అంటున్నారు.

అంతే కాకుండా ఇప్పుడు ఈ గ్రాఫిక్స్ మళ్లీ చేయడానికి దాదాపు 100 కోట్ల వరకు ఖర్చు అవుతుంది అనే వార్తలు కూడా వస్తున్నాయి. కొంత మంది, “సినిమా విడుదల ఆలస్యం అయ్యింది” అని అనుకుంటూ ఉంటే, కొంత మంది మాత్రం, “సినిమా వాయిదా వేయడమే మంచిది అయ్యింది. ఇంకా కొంచెం జాగ్రత్తలు తీసుకుని విడుదల చేయడమే నయం. అప్పుడే హిట్ అవుతుంది” అని అంటున్నారు.

సాధారణంగా తెలుగు సినిమా ఇండస్ట్రీలో తెలుగులో రూపొందించిన సినిమాలకు ఎంత ఆదరణ ఉంటుందో, డబ్బింగ్ సినిమాలకు కూడా అంతే ఆదరణ ఉంటుంది. ఒక సినిమా నచ్చితే ఏ భాష సినిమా అయినా సరే తెలుగు ప్రజలు అలాగే ఆదరిస్తారు. అలా ఎన్నో డబ్బింగ్ సినిమాలు తెలుగులో విడుదల అవుతున్నాయి. బహుశా తెలుగులో విడుదల అయిన అన్ని డబ్బింగ్ సినిమాలు మిగిలిన సినిమా ఇండస్ట్రీల్లో విడుదల అవ్వవు ఏమో అన్నట్టు అనిపిస్తూ ఉంటుంది.

అంతే కాకుండా ఆ సినిమాల్లో నటించిన హీరోలని కూడా మన తెలుగు ప్రజలు తెలుగు హీరోలాగానే అనుకుంటారు. అలా ఎంతో మంది తమిళ్ హీరోలు తెలుగులో ఎంతో గుర్తింపు సంపాదించుకున్నారు. ఇప్పుడు తమిళం మాత్రమే కాకుండా ఇతర భాషలకు చెందిన సినిమాలు కూడా తెలుగులో డబ్ అవుతున్నాయి. అలాగే మన సినిమాలు కూడా వేరే భాషల్లోకి డబ్ అవుతున్నాయి.

అయితే ఇటీవల కన్నడ సినిమాలు కూడా తెలుగులో మంచి గుర్తింపు పొందుతున్నాయి. అలా ఇటీవల విడుదల అయ్యి తెలుగులో కూడా 100 కోట్లు సాధించిన సినిమా కాంతార. ఈ సినిమాలో రిషబ్ శెట్టి హీరోగా నటించారు. ఈ సినిమాలో నటించడం మాత్రమే కాకుండా సినిమాకి దర్శకత్వం కూడా వహించారు. కన్నడలో రూపొందిన ఈ సినిమా సౌత్ ఇండియన్ భాషలతో పాటు హిందీలో కూడా డబ్ అయ్యింది. భారతదేశ వ్యాప్తంగా ఈ సినిమా హిట్ గా నిలిచింది.

అయితే ఈ సినిమా గురించి ఇందులో హీరోగా నటించిన నటుడు, అలాగే ఈ సినిమాకి దర్శకత్వం వహించిన దర్శకుడు రిషబ్ శెట్టి మాట్లాడుతూ సినిమా హిట్ అయినందుకు ఆనందంగా ఉంది అని అన్నారు. కానీ ఒక సినిమా హిట్ అయినంత మాత్రాన తన చుట్టూ ఉన్న వాళ్ళు ఏమీ మారరు అని, తన కుటుంబం తన స్నేహితులు ముందు తనతో ఎలా ఉన్నారో అలాగే ఉన్నారు, అంతే సరదాగా మాట్లాడుతున్నారు అని అంటున్నారు.

ప్రముఖ సినీ నటి సమంత మయోసైటిస్ వ్యాధితో బాధపడుతున్న సంగతి తెలిసిందే. అయితే ఆమెకు మనో ధైర్యాన్ని ఇస్తూ అభిమానులు, సెలెబ్రిటీలు వరుసగా సోషల్ మీడియాలో పోస్ట్‌లు పెడుతున్నారు. ఆమె త్వరగా కోలుకోవాలని ప్రార్థిస్తున్నారు. అయితే తాజాగా ఓ ఇంటర్వ్యూలో తన అనారోగ్యంపై మాట్లాడిన సమంత భావోద్వేగానికి గురయ్యారు.

సమంత తన తాజా చిత్ర యశోద ప్రమోషన్‌లో భాగంగా పాల్గొన్న ఇంటర్వ్యూలో పలు ప్రశ్నలకు సమాధానమిచ్చారు. ‘‘నేను నా పోస్టులో చెప్పినట్టుగా కొన్ని రోజులు మంచిగా ఉంటాయి. కొన్ని రోజులు చెడుగా ఉంటాయి. ఒక్కొక్క రోజైతే ఇంకో అడుగు ముందుకు వేయలేనని అనిపిస్తోంది. కానీ కొన్నిసార్లు తిరిగి చూస్తుంటే ఇన్ని దాటేసి వచ్చానా? అనిపిస్తుంది’’ అని సమంత ఓ ప్రశ్నకు సమాధానంగా చెప్పారు. ఈ సమయంలో ఆమె భావోద్వేగానికి గురై కన్నీరు పెట్టుకున్నారు.

అయితే తన ఆరోగ్య పరిస్థితిని అందరికి చెప్పాల్సిన అవసరం ఆమెకు లేకపోయినా ఎందుకు చెప్పారంటూ యాంకర్ అడగ్గా.. ” నా జీవితం లో ప్రతి విషయం, గురించి నేను అభిమానులతో పంచుకున్నాను. నా బట్టలు, నా జీవన విధానం అన్నిటి గురించి పంచుకున్నాను. అలాగే నా జీవితం గురించి కూడా చెప్పా.. నా అనారోగ్యం గురించి అందరు తెలుసుకోవాలి. నా జీవితం రంగుల మయం గా ఉంది అని నేను వారికి తప్పుడు సమాచారాన్ని ఇవ్వలేను. ప్రతి ఒక్కరి జీవితం లో మంచి రోజులు, చెడు రోజులు ఉంటాయి. సెలెబ్రెటీలకు కూడా కష్టాలు ఉంటాయి అని అందరు తెలుసుకోవాలి అని నేను అనుకున్నాను.” అని సమంత వెల్లడించారు.

మయోసైటిస్ అనే వ్యాధి లక్షణాలు ఎలా ఉంటాయో.. భరించడం ఎంత కష్టమో మనం ఇప్పటికే తెలుసుకున్నాం. కనీసం లేచి నిల్చోవడం, నడవడం కూడా కష్టంగా మారుతుందట. ఎంతో అలసటగా ఉంటుందట. అలా సమంత ఇప్పుడు ఈ వ్యాధి కోసం చికిత్స తీసుకుంటోంది. అయినా కూడా తన యశోద సినిమా కోసం ప్రమోషన్స్ లో చురుగ్గా పాల్గొంటుంది సమంత.

అటు సినిమాలూ చేస్తూ, ఇటు టాక్ షో హోస్ట్ చేస్తూ బిజీగా ఉన్న నటుడు నందమూరి బాలకృష్ణ. ప్రస్తుతం బాలకృష్ణ వీర సింహా రెడ్డి సినిమా షూటింగ్ పనిలో బిజీగా ఉన్నారు. ఈ సినిమాకి గోపీచంద్ మలినేని దర్శకత్వం వహిస్తున్నారు. ఈ సినిమాలో శృతి హాసన్ హీరోయిన్ గా నటిస్తున్నారు. వీరిద్దరూ కలిసి నటించడం ఇదే మొదటిసారి.

ఈ సినిమాలో ఇంకా ఎంతో మంది ప్రముఖ నటీనటులు ముఖ్య పాత్రల్లో నటిస్తున్నారు. కన్నడ స్టార్ హీరో దునియా విజయ్ ఈ సినిమాలో విలన్ పాత్రలో నటిస్తున్నారు. అలాగే వరలక్ష్మి శరత్ కుమార్ కూడా సినిమాలో ఒక పాత్రలో నటిస్తున్నారు. తన పాత్ర ఫ్లాష్ బ్యాక్ ఎపిసోడ్ లో, అలాగే ఇప్పుడు ఉన్న టైంలో కూడా కనిపిస్తుంది అని, అందుకోసం తాను 15 కిలోల బరువు తగ్గాను అని వరలక్ష్మి శరత్ కుమార్ చెప్పారు. ఈ సినిమా టీజర్ విడుదల అయ్యింది. దానికి చాలా మంచి రెస్పాన్స్ వచ్చింది.

అయితే ఈ సినిమా తర్వాత బాలకృష్ణ అనిల్ రావిపూడి దర్శకత్వంలో ఒక సినిమాలో నటిస్తారు అనే సంగతి తెలిసిందే. ఇప్పుడు బాలకృష్ణ మరొక యంగ్ డైరెక్టర్ దర్శకత్వంలో కూడా నటిస్తారు అనే వార్తలు వస్తున్నాయి. కేరాఫ్ కంచరపాలెం, ఉమా మహేశ్వర ఉగ్ర రూపస్య వంటి సినిమాలతో గుర్తింపు సంపాదించుకున్న వెంకటేష్ మహా దర్శకత్వంలో బాలకృష్ణ నటిస్తున్నారు అని ఒక వార్త బయటకు వచ్చింది. వెంకటేష్ మహా బాలకృష్ణని కలిసి స్టోరీ చెప్పడానికి ఆసక్తి చూపుతున్నారు అని అంటున్నారు. ఒకవేళ బాలకృష్ణకు స్టోరీ నచ్చి సినిమా చేస్తే ఈ కాంబినేషన్ నిజంగా ఒక కొత్త కాంబినేషన్ అవుతుంది. ఈ విషయంలో ఎంత వరకు నిజం ఉందో తెలియాలి అంటే అధికారిక ప్రకటన వచ్చేంత వరకు ఆగాల్సిందే.

మనం సినిమా నచ్చితే ఏ భాషలో అయినా సరే ఒకేలాగా ఆదరిస్తాం. అందుకే మన భాషలోని సినిమాలు వేరే భాషల్లోకి, వేరే భాషల సినిమాలు మన భాషలోకి డబ్ చేస్తూ ఉంటారు. తెలుగులోకి డబ్ అయ్యే సినిమాలు ఎక్కువగా తమిళ్ భాష నుంచి అవుతాయి.

అలా తమిళ సినిమాల్లో నటిస్తూ, అవి తెలుగులో కూడా డబ్ చేస్తూ తెలుగులో కూడా స్టార్ హీరో అనే గుర్తింపు సంపాదించుకున్న నటుడు చియాన్ విక్రమ్. విక్రమ్ నటించిన అన్ని సినిమాలు తెలుగులో కచ్చితంగా డబ్ అవుతాయి. ఇటీవల విక్రమ్ హీరోగా నటించిన కోబ్రా, పొన్నియన్ సెల్వన్ సినిమాలు కూడా తెలుగులో డబ్ అయ్యాయి.

అయితే విక్రమ్ కి ఇప్పుడు ఒక అరుదైన గౌరవం లభించింది. విక్రమ్ కి గోల్డెన్ వీసా లభించింది. దుబాయ్ ప్రభుత్వం విక్రమ్ కి గోల్డెన్ వీసా అందించింది. పూర్ణ తన భర్తతో కలిసి విక్రమ్ కి ఈ దుబాయ్ గోల్డెన్ వీసా అందించారు. ఈ ఫోటోని సోషల్ మీడియాలో షేర్ చేశారు. అంతకు ముందు కూడా కొంత మంది భారతీయ నటీనటులకు దుబాయ్ గోల్డెన్ వీసా వచ్చింది. వారిలో ప్రముఖ నటుడు మోహన్ లాల్, మమ్ముట్టి, కమల్ హాసన్, త్రిష, కాజల్, షారుఖ్ ఖాన్ కూడా ఉన్నారు. ఇప్పుడు విక్రమ్ కూడా ఈ జాబితాలో చేరారు. ప్రస్తుతం విక్రమ్ తంగలాన్ అనే సినిమా పనిలో బిజీగా ఉన్నారు. ఈ సినిమాకి సంబంధించిన ప్రోమో ఇటీవల విడుదల చేశారు.

సినీ ఫంక్షన్లలో, ఈవెంట్స్ లో యాంకర్ భానుశ్రీ పని చేస్తున్న విషయం మనకు తెలిసిందే. అలాగే భానుశ్రీ జబర్దస్త్ లో కొన్ని స్కిట్స్ కూడా చేస్తూ అప్పుడప్పుడూ మెరుస్తుంది. అటు వెండితెర నుండి ఇటు బుల్లితెర నుండి కూడా ఈమె తనదైన శైలితో మెప్పిస్తోంది.

సోషల్ మీడియాలో కూడా ఎప్పుడూ యాక్టివ్ గా ఉంటూ ఫాన్స్ ని అలరిస్తుంది యాంకర్ భాను శ్రీ. అయితే మొట్టమొదట ఈమె అవకాశాల కోసం వరంగల్ నుండి హైదరాబాద్ కి ఇంట్లో ఎవరికీ చెప్పకుండా వచ్చేసింది.

కెరీర్ మొదట్లో భానుశ్రీ ఎన్నో ఇబ్బందులు ఎదుర్కోవాల్సి వచ్చింది. సినిమా అవకాశాల కోసం చాలా కష్ట పడింది భానుశ్రీ. కానీ ఆమె జీవితమే మారిపోయింది. భాను శ్రీ జబర్దస్త్ లో కొన్ని స్కిట్స్ చేయడం.. సినీ ఫంక్షన్లలో, ఈవెంట్స్ లో అలరించడం మనం చూస్తూనే ఉంటాం. ఎన్నో కష్టాలు దాటి వచ్చి ఈమె ఇప్పుడు ఈ స్థానం లో వుంది. మొదట్లో సినిమాల కోసం వెతికే సమయంలో డబ్బులు సంపాదించుకోవడానికి ఒక జ్యూస్ సెంటర్ ని నడిపేదట ఈమె.

ఇదిలా ఉంటే తాజాగా భాను శ్రీ ఎమోషనల్ అయ్యిపోయింది. శ్రీ దేవి డ్రామా కంపెనీ ప్రోగ్రాం లో… పాట పాడుతూ ఈమె ఎమోషనల్ అయ్యింది. అక్కడ ఉన్నవారంతా కూడా కంటతడి పెట్టుకున్నారు. ఆమె పాత మీద ఇంద్రజ కూడా పాటలో వున్నా డెప్త్ వాయిస్ లో కనపడింది అని అన్నారు. తాజాగా శ్రీ దేవి డ్రామా కంపెనీ వచ్చిన ప్రోమో లో భాను శ్రీ ఎమోషనల్ అవ్వడాన్ని మనం చూడచ్చు.