Filmy Adda

ఏమాయ చేశావే సినిమాతో టాలీవుడ్ కి పరిచయమైన సమంత.. వరుస సినిమాల్లో నటిస్తూ స్టార్ హీరోయిన్ గా ఎదిగారు. అయితే సమంత తాను మయోసైటిస్ అనే ఒక అరుదైన వ్యాధితో బాధపడుతున్నానని కొద్ది రోజుల క్రితం ప్రకటించింది. దీంతో ఒక్కసారిగా మీడియాలో హడావుడి ప్రారంభమైంది, ఆమె ప్రాణాంతక వ్యాధితో పోరాడుతుందని పెద్ద ఎత్తున కథనాలు వచ్చాయి.

అయితే తన యశోద చిత్ర ప్రమోషన్స్ లో ఆమె తాను ఇప్పట్లో చనిపోయే పరిస్థితి లేదని అది అంత ప్రాణాంతకం అయితే కాదని సమంత చెప్పుకొచ్చింది. కొద్ది రోజులుగా టాలీవుడ్ ఫిలింనగర్ వర్గాల్లో సమంత ఆరోగ్యం మళ్ళీ చెడిపోయిందని ఆమె మళ్ళీ హాస్పిటల్లో జాయిన్ అయిందంటూ ప్రచారం జరుగుతున్న నేపథ్యంలో ఆమె మేనేజర్ అది నిజం కాదని ఆమె బాగానే ఉందని క్లారిటీ ఇచ్చే ప్రయత్నం చేశారు.

స‌మంత ఇప్ప‌టికే అమెరికాలో చికిత్స తీసుకుని వ‌చ్చిన సంగ‌తి తెలిసిందే. అంతే కాకుండా ఆ త‌ర‌వాత కేర‌ళ లోనూ స‌మంత ఆయుర్వేదం తో వైద్యం తీసుకుంది. కాగా ఇప్పుడు సమంత చికిత్స కోసం కొరియాకు వెళ్లింది అంటూ ప్ర‌చారం జ‌రుగుతోంది. దాంతో ఆమె మేనేజ‌ర్ ఈ వార్త‌ల‌పై స్పందించారు. సమంత ప్ర‌స్తుతం ఆరోగ్యంగానే ఉన్నార‌ని ప్ర‌క‌టించాడు. అంతే కాకుండా ఇంట్లో రెస్ట్ తీసుకుంటున్నార‌ని ఎక్క‌డ‌కూ వెళ్ల‌లేద‌ని స్పష్టం చేశారు. ఇలాంటి ఫేక్ న్యూస్ లు స్ప్రెడ్ చెయ్యొద్దని ఆయన కోరారు.

ప్రస్తుతానికి ఆమె అనారోగ్యం నుంచి కోలుకునే దారిలో ఉందని వీలైనంత త్వరలో కోలుకొని పలు సినిమాల్లో భాగమయ్యే అవకాశం ఉందని అంటున్నారు. ఇప్పటికే ఇదే విషయాన్ని ఆమె హీరోయిన్గా నటిస్తున్న ఖుషి సినిమా యూనిట్ కు తెలియజేసిందని, డిసెంబర్ నుంచి షూటింగ్లో తాను పాల్గొంటానని అందుకు తగిన ఏర్పాట్లు కూడా చేసుకోవచ్చని ఆమె ఖుషీ మేకర్స్ కు సందేశం పంపినట్లుగా తెలుస్తోంది.

మెగా కాంపౌండ్ నుంచి వచ్చిన పంజా వైష్ణవ్‌తేజ్ తొలి సినిమా ‘ఉప్పెన’ బ్లాక్ బస్టర్ హిట్ కావడంతో ఆ చిత్ర దర్శకుడు బుచ్చిబాబు పేరు మారుమోగిపోయింది. సుకుమార్ అసిస్టెంట్‌గా.. గురువు తగ్గ శిష్యుడిగా బుచ్చిబాబును మెగా అభిమానులతో పాటు అంతా అభిమానించారు. అయితే ఆ సినిమా తర్వాత బుచ్చిబాబు మరో ప్రాజెక్ట్ అనౌన్స్ చేయడానికి చాలా కాలమే పట్టింది.

ఆయన తన తరవాత సినిమాను జూనియర్ ఎన్టీఆర్‌తో చేయబోతున్నారని వార్త రాగానే నందమూరి అభిమానులు సైతం ఆనందపడ్డారు. ఒక మంచి రూరల్ బ్యాక్ డ్రాప్ స్పోర్ట్స్ డ్రామాని బుచ్చిబాబు అప్పట్లో ఎన్టీఆర్‌కు చెప్పారట. ఆ కథ ఎన్టీఆర్‌కు కూడా బాగా నచ్చేసిందట. కానీ , కొరటాల శివ, ప్రశాంత్ నీల్‌తో వరుస ప్రాజెక్టులు ఒప్పుకోవడంతో ఎన్టీఆర్-బుచ్చిబాబు సినిమా పట్టాలెక్కలేదు.

తాజాగా బుచ్చిబాబు తదుపరి చిత్రం రామ్ చరణ్ తో చేస్తున్నట్లు అధికారిక ప్రకటన వచ్చేసింది. ఎన్టీఆర్ కి చెప్పిన కథతోనే ఇప్పుడు రామ్ చరణ్‌తో బుచ్చిబాబు సినిమా చేస్తున్నారని అంటున్నారు. ఎన్టీఆర్ నచ్చని కథ రామ్ చరణ్‌కు ఎలా నచ్చిందంటూ మరికొందరు విమర్శిస్తున్నారు. కానీ ఎన్టీఆర్‌కు చెప్పిన తరవాతే బుచ్చిబాబుకు రామ్ చరణ్ ఓకే చెప్పారని టాక్. ఈ ఇద్దరి మధ్య ఉన్నస్నేహం కారణంగానే చరణ్‌.. తారక్‌తో మాట్లాడి నిర్ణయం తీసుకున్నాడనే మాట విన్న అభిమానులు కూడా ఆనందపడుతున్నారు.

ఈ చిత్రం శ్రీకాకుళం బ్యాక్‌డ్రాప్‌లో కబడ్డీ నేపథ్యంలో కథ సాగుతుందని సమాచారం. ఈ సినిమా ద్వారా వృద్ధి సినిమాస్ అనే సంస్థ టాలీవుడ్‌లోకి అడుగుపెడుతోంది. వెంకట సతీష్ కిలారు నిర్మాతగా పరిచయమవుతున్నారు. మైత్రీ మూవీ మేకర్స్, సుకుమార్ రైటింగ్స్ సంస్థలు వెంకట సతీష్‌కు సహకారం అందిస్తున్నాయి. ఈ సినిమాకు దేవిశ్రీ ప్రసాద్ సంగీతం సమకూరుస్తారు. ఈ చిత్రం లో హీరోయిన్ గా జాన్వీ కపూర్ ని తీసుకొనే ఆలోచనలో ఉన్నారంట మేకర్స్.

అల్లు అర్జున్,సుకుమార్ కాంబినేషన్‌లో వచ్చిన సినిమా పుష్ప..ఈ సినిమాను గత ఏడాది డిసెంబర్ లో ప్రేక్షకుల ముందుకు తీసుకొచ్చారు. ఈ చిత్రం తో అల్లు అర్జున్ పాన్ ఇండియా స్టార్ గా ఎదిగిపోయారు. బాలీవుడ్ లో కూడా వంద కోట్లకు పైగా వసూలు చేసింది ఈ చిత్రం. దీంతో ఈ చిత్ర రెండో భాగం పై భారీ అంచనాలు ఏర్పడ్డాయి.

ఇటీవలే ఈ సినిమా రెండో పార్ట్ షూటింగ్ ప్రారంభమైనట్లు ఇండస్ట్రీలో వార్తలు వైరల్ అయ్యాయి. పక్కా షెడ్యూల్స్ తో… మొదటి భాగం కంటే మించి సినిమా ఉండే రీతిలో సెకండ్ పార్ట్ షూటింగ్ పగడ్బందీగా కంప్లీట్ చేస్తున్నాడు డైరెక్టర్. ఇదిలా ఉంటే పుష్ప మొదటి భాగంలో ‘ఊ అంటావా మావా..’ స్పెషల్ సాంగ్ ప్రపంచ సినీ రంగాన్ని కుదిపేసిన విషయం తెలిసిందే. ఈ పాటల సమంత వేసిన స్టెప్పులు థియేటర్ లో ప్రేక్షకులను ఎంతగానో అలరించాయి.

అలాగే ఈ రెండో పార్ట్ లో కూడా మంచి స్పెషల్ సాంగ్ ను ప్లాన్ చేసారంట దేవి అండ్ సుకుమార్. దీని కోసం శ్రీదేవి తనయ జాన్వీ కపూర్‌ ని పుష్ప టీం సంప్రదించినట్లు సమాచారం. మొదటి పార్ట్ కి ‘ఊ అంటావా మావా..’ సాంగ్ లో స్పెషల్ స్టెప్పులు వేసిన సమంతకి ప్రపంచవ్యాప్తంగా బీభత్సమైన క్రేజ్ వచ్చింది. దీన్ని దృష్టిలో పెట్టుకుని పుష్ప క్రేజ్ కూడా బేరీజు వేసుకుని జాన్వి కపూర్ …పుష్ప సెకండ్ పార్ట్ లో ఐటెం సాంగ్ కి ఓకే చెప్పినట్లు టాక్ వినిపిస్తోంది.

అంతే కాకుండా జాన్వీ కపూర్‌ ఎప్పటినుంచో తెలుగులో నటించాలని ప్రయత్నాలు చేస్తోంది. ఈ నేపథ్యం లో వచ్చిన ఈ అవకాశానికి ఆమె పాజిటివ్ గానే రియాక్ట్ అయిందని టాక్. మరోవైపు రామ్ చరణ్, బుచ్చిబాబు సానా సినిమాలో కూడా జాన్వీ కపూర్ ఆఫర్ పట్టేసిందని తెలుస్తోంది. ఈ లెక్కన చూస్తే వచ్చే ఏడాది తెలుగు తెరపై జాన్వీ కపూర్ మార్క్ కనిపిస్తుందని చెప్పుకోవచ్చు.

లైగర్ మూవీ హీరో విజయ్ దేవరకొండను ఈడీ అధికారులు ప్రశ్నించారు. లైగర్ విడుదలైన మూడు నెలల తరవాత ఈడీ అధికారులు ఇవాళ హైదరాబాద్లోని కార్యాలయంలో హీరో విజయ్ దేవరకొండను ప్రశ్నించారు. చిత్ర దర్శకుడు, సహ నిర్మాత అయిన పూరీ జగన్నాథ్, నటి, సహ నిర్మాత ఛార్మీ కౌర్ కి ఇటీవల హైదరాబాద్ ఈడీ అధికారులు సమన్లు జారీ చేశారు. వారిద్దరిని విచారించిన తర్వాత విజయ్ ని కూడా విచారించారు అధికారులు.

‘లైగర్’ సినిమా బడ్జెట్, పారితోషికాలు, మరియు ఎవరెవరు పెట్టుబడులు పెట్టారు అనే విషయాల పై ఈడీ విచారిస్తోంది. ఈ సినిమా నిర్మాణం విషయంలో రాజకీయ నేతలు పెట్టుబడులు పెట్టినట్లు చాలా ఆరోపణలు ఉన్నాయి. అంతే కాకుండా లైగర్ సినిమాకి విదేశీయులు కూడా పెట్టుబడులు పెట్టినట్లు వారికి సమాచారం అందిందని వినికిడి. ఈ నేపథ్యం లో హీరో విజయ్ దేవరకొండ ని కూడా అధికారులు విచారించారు.

విచారణ అనంతరం విజయ్ మీడియాతో ముచ్చటించాడు. విజయ్ దేవరకొండ ఈ విషయంపై స్పందిస్తూ.. “మీరు చూపించే ప్రేమ అభిమానం వల్ల వచ్చే పాపులారిటీతో అప్పుడప్పుడు ఇలాంటి సైడ్ ఎఫెక్ట్స్ ను కూడా తెచ్చిపెడుతుంది. బట్ తప్పదు.. ఇది లైఫ్..! ఇదొక ఎక్స్పీరియన్స్ . ఈడీ అధికారులకు ఉన్న కొన్ని డౌట్స్ కు నేను క్లారిఫికేషన్ ఇచ్చాను. నన్ను మళ్ళీ రమ్మని అయితే చెప్పలేదు’ అంటూ విజయ్ చెప్పుకొచ్చాడు.

లైగర్ సినిమా ఫ్లాప్ అయినా కూడా పూరి, విజయ్ మెడకు మాత్రం ఈ చిక్కులు తప్పడం లేదు. విజయ్, పూరిలకు ఈ సినిమా బ్లాక్ బస్టర్ అవ్వడంతో పాటు, పాన్ ఇండియా వైడ్‌గా క్రేజ్ వస్తుందని అంతా అనుకున్నారు. చివరకు లైగర్ దారుణంగా బెడిసి కొట్టేసింది.దీంతో పూరి చేతులో ఇంకో సినిమా లేకుండా పోయింది. విజయ్ కూడా నెక్ట్స్ ప్రాజెక్ట్ త్వరగా పట్టాలెక్కించాలని బాగానే ఆరాటపడుతున్నాడు.