Filmy Adda

నాగశౌర్య గురించి కొత్తగా పరిచయం చేయక్కర్లేదు. టాలీవుడ్ లో పలు సినిమాలు చేసి ప్రేక్షకులకు దగ్గర అయ్యాడు. టాలీవుడ్ మోస్ట్ ఎలిజిబుల్ బ్యాచిలర్స్ లో ఒకరైన సౌర్య ఒక ఇంటి వాడయ్యాడు. నాగశౌర్య పెళ్లి ఈ నెల 20వ తేదీన అనూష ఎన్ శెట్టి తో లవ్ మ్యారేజ్ చేసుకున్నాడు.

కర్ణాటక లోని ఒక పెద్ద ఇంటీరియర్ కంపెనీకి యజమాని ఆమె. అనూష డిజైన్స్ అనే పేరుతో ఈమె ఇంటీరియర్ కంపెనీని రన్ చేస్తోంది.

ఇంటీరియర్ డిజైనింగ్ సేవలను ఈ కంపెనీ అందిస్తూ ఉంటారు వీళ్ళిద్దరూ కొంత కాలం నుండి కూడా ప్రేమలో ఉన్నారు. ఇప్పుడు వీరు పెళ్లి చేసుకున్నారు. అనూష ఆర్కిటెక్ గా కర్ణాటక స్టేట్ అవార్డుని కూడా సొంతం చేసుకుంది. మొదట శౌర్య, అనూష ఇద్దరూ కూడా మంచి స్నేహితులు.ఆ తర్వాత వీరిద్దరి మధ్య ప్రేమ మొదలైంది. ఇప్పుడు పెళ్లి పీటలు ఎక్కారు. వీళ్ళ పెళ్లి విటల్ మాల్యా రోడ్డులోని జె డబ్ల్యు మారియట్ హోటల్లో జరిగింది. నాగ సౌర్య పెళ్లి భోజనాలకి సంబంధించి ఓ వీడియో ఇప్పుడు సోషల్ మీడియా లో వైరల్ అవుతోంది.

రాచరికపు స్టైల్ లో భోజనాలను సౌర్య పెండ్లికి పెట్టారు. సంప్రదాయం ప్రకారం కంచాల్లో భోజనాలను వడ్డించారు. పన్నెండు రకాల వంటకాలను నాలుగు రకాల స్వీట్స్ ని వడ్డించారట. హైదరాబాద్ లో త్వరలో రిసెప్షన్ చేస్తారు. ఇదిలా ఉంటే సౌర్య ప్రస్తుతం ‘ఫలానా అబ్బాయి ఫలానా అమ్మాయి’, ‘నారి నారి నడుమ మురారి’, ‘పోలీసు వారి హెచ్చరిక’ అనే సినిమాలు చేస్తున్నాడు సౌర్య.

#LetsGoShaan #NagaShaurya #AnushaShetty @IamNagashaurya pic.twitter.com/eQn2hNw4oW

— 𝐕𝐚𝐦𝐬𝐢𝐒𝐡𝐞𝐤𝐚𝐫 (@UrsVamsiShekar) November 20, 2022

⁦@IamNagashaurya⁩ 👌 pic.twitter.com/71NdpGjuAE

— devipriya (@sairaaj44) November 20, 2022

అసలు మంచు విష్ణుకి సుడిగాలి సుధీర్ కి కంపారిజన్ ఏంటి అనుకుంటున్నారా..? లేక ఎందుకు వీళ్ళిద్దరిని పోల్చాల్సి వస్తోంది అని ఆలోచిస్తున్నారా. మరేం లేదు మంచు విష్ణు హీరోగా నటించిన “జిన్నా” మూవీకి , సుధీర్ హీరోగా చేసిన “గాలోడు” సినిమాకి మధ్య జరిగిన చిన్న కంపారిజన్ ఫలితమే ఇది.

సినీ ఇండస్ట్రీ అంటేనే ఒక్కొక్కసారి ఎవరి ఊహకి అందనివి, విచిత్రమైనవి అయిన సంఘటనలు చోటు చేసుకుంటూనే ఉంటాయి. మరి అలాంటి అరుదైన సంఘటన ఇప్పుడు తెలుగు సినీ ఇండస్ట్రీలో చోటుచేసుకుంది. మంచి సాలిడ్ బ్యాక్ గ్రౌండ్ తో ఫిలిం ఇండస్ట్రీ లోకి ఎంటర్ అయిన నట వారసుడు మంచు విష్ణు ఓపక్క…బుల్లితెర మీద కామెడీ ,రియాల్టీ షోలతో పాపులారిటీ తెచ్చుకున్న సుడిగాలి సుధీర్ మరోపక్క.

బుల్లితెర మీద తన కామెడీతో మంచి క్రేజ్ సంపాదించిన సుధీర్ ఆ మధ్య ‘సాఫ్ట్‌వేర్ సుధీర్’ సినిమాతో వెండితెరపై ఎంట్రీ ఇచ్చాడు. ఆ మూవీ తర్వాత కాస్త గ్యాప్ తీసుకొని రీసెంట్ గా ‘గాలోడు’ మూవీతోె మళ్లీ ప్రేక్షకుల ముందుకు వచ్చాడు. అయితే దీనికి మంచు విష్ణు కి సంబంధం ఏమిటి అనుకుంటున్నారా , ఆ విషయానికి వస్తున్నా….

ఈ శుక్రవారం అంటే నవంబర్ 18న ‘గాలోడు’ మూవీ రిలీజ్ అయింది. అందరి అంచనాలను తలకిందులు చేస్తూ రెండు తెలుగు రాష్ట్రాలలో ఎవరూ ఊహించనంత భారీ వసూళ్లను ఈ చిత్రం తొలి రోజే రాబట్టింది. ఆంధ్రాలో 36 లక్షలు సీడెడ్ లో ,18 లక్షలు నైజాంలో, అయితే ఏకంగా 47 లక్షలు బాక్స్ ఆఫీస్ వసూళ్లతో ఇరు తెలుగు రాష్ట్రాలకు కలిపి సుమారు కోటి పైన కలెక్షన్ రాబట్టింది.

రీసెంట్ గా రిలీజ్ అయిన మంచు విష్ణు “జిన్నా” మూవీ వరల్డ్ వైడ్ క్లోసింగ్ గ్రాస్ కలెక్షన్ ఇంచుమించు 70 లక్షలు.
అయితే ‘గాలోడు’కేవలం ఒకే ఒక్క రోజులో కోటి రూపాయల పైనే గ్రాస్ వసూలు చేసింది. అంటే మంచు విష్ణు మూవీ ఆల్ టైం కలెక్షన్స్ …. ఒక చిన్న హీరో సినిమా మొదటి రోజు కలెక్షన్స్ దాటడంతో ఫిలిం ఇండస్ట్రీ అవాక్కయ్యింది.

సింహ, లెజెండ్ తర్వాత బాలకృష్ణ, బోయపాటి శ్రీను కాంబినేషన్‌లో వచ్చిన మూడవ సినిమా అఖండ. దాంతో ప్రేక్షకుల్లో భారీగా అంచనాలు నెలకొన్నాయి. అసలు ముందే రావాల్సిన అఖండ సినిమా కరోనా కారణంగా వాయిదా పడింది. ఈ సినిమాతో వారిద్దరూ హ్యాట్రిక్ విజయం సాధిస్తారేమో అని అందరూ ఎదురుచూశారు. అనుకున్నట్టుగానే సినిమా సూపర్ హిట్ అయ్యింది. గత సంవత్సరం విడుదలైన సినిమాల్లో ఎక్కువ కలెక్షన్స్ వచ్చిన సినిమాల్లో ఒకటిగా అఖండ నిలిచింది.

సినిమాకి ముఖ్య హైలెట్ మాత్రం బాలకృష్ణ. రెండు పాత్రల్లో, అది కూడా ముఖ్యంగా అఖండ పాత్రలో బాలకృష్ణ చాలా పవర్ ఫుల్ పెర్ఫార్మెన్స్ ఇచ్చారు. అఖండ మొదటి షో అయిన తర్వాత నుండే హిట్ టాక్ తెచ్చుకుంది. బాలకృష్ణ – బోయపాటి కాంబినేషన్‌లో వచ్చిన ఈ సినిమాతో వారిద్దరు హ్యాట్రిక్ విజయం సాధించారు అని అంటున్నారు.

అఖండ సినిమాలో మురళీ కృష్ణగా, అఖండగా రెండు పాత్రల్లో నటించారు బాలకృష్ణ. ఈ సినిమాలో ప్రగ్యా జైస్వాల్ హీరోయిన్ గా నటించారు . అఖండ సినిమాకి తమన్ అందించిన మ్యూజిక్, బ్యాక్ గ్రౌండ్ స్కోర్ ఎంత పెద్ద ప్లస్ పాయింట్స్ అయ్యాయో ప్రత్యేకంగా చెప్పాల్సిన అవసరం లేదు. అయితే అఖండ సినిమాలోని ఒక పొరపాటు ప్రస్తుతం వైరల్ అవుతోంది. అదేంటంటే, సినిమాలో హీరోయిన్ పాత్ర పోషించిన ప్రగ్యా జైస్వాల్ జిల్లా కలెక్టర్ గా బాధ్యతలు తీసుకున్న తర్వాత ఒక విషయంపై పోలీస్ ని నంబర్ అడిగి ఆ నంబర్ కి ఒక ఫోటో వాట్సాప్ లో పంపించాను అని చెప్తుంది.

కానీ ఒకసారి సరిగ్గా ఆమె డయల్ చేసిన కీప్యాడ్ గమనిస్తే, అక్కడ పోలీస్ చెప్పిన నంబర్ ఒకటి, ఆమె డయల్ చేసిన నంబర్ ఒకటి ఉంటుంది. అది మాత్రమే కాకుండా “కీప్యాడ్ లో డైరెక్ట్ గా నంబర్ టైప్ చేస్తే వాట్సాప్ కి ఎలా మెసేజ్ వెళుతుంది? ముందు నెంబర్ సేవ్ చేసుకోవాలి కదా? తర్వాత వాట్సప్ ఓపెన్ చేసి ఫోటో పంపించాలి కదా? ఇంత చిన్న లాజిక్ కూడా ఎలా మర్చిపోతున్నారు?” అని ట్రోల్ చేస్తున్నారు.

watch video :

https://www.instagram.com/tv/CZUDAeLv7OJ/?utm_source=ig_web_copy_link

తెలుగు బుల్లితెరపై సందడి చేస్తూ.. ఎనలేని క్రేజ్‌ను సొంతం చేసుకున్న వారిలో జబర్ధస్త్ కమెడియన్ సుడిగాలి సుధీర్ ఒకడు. కామెడీ, యాక్టింగ్, డ్యాన్స్, సాంగ్స్ ఇలా అన్నింట్లోనూ రాణించిన అతడు.. చాలా తక్కువ సమయంలోనే స్టార్‌గా ఎదిగిపోయాడు. దీంతో సినిమాల్లోకి సైతం ఎంట్రీ ఇచ్చి సత్తా చాటుతున్నాడు. జబర్దస్త్ షో ద్వారా పాపులర్ అయిన సుధీర్.. సినిమాల్లో ఫ్రెండ్ కేరెక్టర్లు చేసుకుంటూ.. హీరోగా చేసే స్థాయికి ఎదిగారు.

సాఫ్ట్ వేర్ సుధీర్, త్రీ మంకీస్, వాంటెడ్ పండుగాడ్ వంటి సినిమాల్లో హీరోగా నటించి మెప్పించారు. అయితే తాజాగా సుధీర్ హీరోగా నటించిన గాలోడు చిత్రం విడుదలైంది. ఫన్ అండ్ యాక్షన్ ఎంటర్‌టైనర్‌గా వచ్చిన ‘గాలోడు’ మూవీపై సుడిగాలి సుధీర్ అభిమానులు ఎన్నో అంచనాలు పెట్టుకున్నారు.

అయితే ఈ చిత్రం యావరేజ్ టాక్ నే తెచ్చుకుంటుంది. సాఫ్ట్ వేర్ సుధీర్ చిత్రాన్ని తీసిన డైరెక్టర్ రాజశేఖర్ రెడ్డి పులిచర్లనే దీనికి కూడా డైరెక్టర్. ఆ చిత్రం కూడా సో సో గానే ఉంటుంది. అయితే ఈ సినిమాలో సుధీర్ ఫాన్స్ కి నచ్చే ఎలివేషన్స్ ఉన్నా కథలో కంటెంట్ మిస్ అయ్యింది. దీంతో సుధీర్ ఫాన్స్ నిరాశకు గురయ్యారు.

తనదైన స్కిట్స్‌తో స్మాల్ స్క్రీన్ పై స్టార్ కమెడియన్‌గా ఓ రేంజ్ పాపులారిటీ సంపాదించుకున్నాడ సుధీర్. అతడికి అభిమాన గణం కూడా ఎక్కువగానే ఉంది. అయితే టీవీ ల్లో ఇంత స్టార్ స్టేటస్, పాపులారిటీ ని వదిలి సుధీర్ సినిమాల్లోకి వెళ్లడం వరకు బానే ఉన్నా.. హీరోగా వరుస సినిమాలు చేస్తున్నా.. మంచి కథలు ఎంచుకోవడం లో తడబడుతున్నాడని ఆయన అభిమానులు విచారం వ్యక్తం చేస్తున్నారు. అంతే కాకుండా జబర్దస్త్ ని వీడి వెళ్లడం తో కూడా ఆయన అభిమానులు చాలా నిరాశకు గురయ్యారు. షో లో ఉన్నప్పుడే బావుండేదని.. ఇప్పుడు ఎక్కడ వర్క్ చేస్తున్నాడు.. ఏంటి అనే విషయాలు కూడా తెలియట్లేదని ఆయన అభిమానులు కామెంట్లు చేస్తున్నారు.

ఎంతో మంది తమ కెరీర్ ని చైల్డ్ ఆర్టిస్ట్ గా మొదలుపెడతారు. తర్వాత కొద్ది సంవత్సరాలు బ్రేక్ తీసుకొని మళ్ళీ హీరోగా లేదా హీరోయిన్ గా ఎంట్రీ ఇస్తారు.

అలా మన హీరోయిన్లు కొంత మంది చిన్నప్పుడు సినిమాల్లో నటించి తర్వాత మళ్లీ హీరోయిన్ గా గుర్తింపు సంపాదించుకున్నారు. అలా చైల్డ్ ఆర్టిస్ట్ గా నటించిన హీరోయిన్లు ఎవరో ఇప్పుడు చూద్దాం.

#1 కీర్తి సురేష్

కీర్తి సురేష్ పైలెట్స్ అనే ఒక మలయాళం సినిమాతో, పాటు ఇంకొక రెండు సినిమాల్లో చైల్డ్ ఆర్టిస్ట్ గా నటించారు.

#2  మంజిమా మోహన్

మంజిమా మోహన్ చాలా మలయాళ సినిమాల్లో చైల్డ్ ఆర్టిస్ట్ గా నటించారు. 2015 లో వచ్చిన ఒరు వడక్కన్ సెల్ఫీ అనే మలయాళ సినిమాతో హీరోయిన్ గా కెరీర్ మొదలు పెట్టారు. ఈ సినిమా తెలుగులో మేడ మీద అబ్బాయి పేరుతో రీమేక్ అయ్యింది.

#3 నిత్యా మీనన్

నిత్యా మీనన్ ద మంకీ హూ న్యూ టూ మచ్ అనే సినిమాలో చైల్డ్ ఆర్టిస్ట్ గా నటించారు.

#4 షామిలి

షామిలి తెలుగు, తమిళ్, కన్నడ, మలయాళంలో ఎన్నో సినిమాల్లో, అలాగే హిందీలో కూడా కొన్ని సినిమాల్లో చైల్డ్ ఆర్టిస్ట్ గా నటించారు. ఓయ్ సినిమాతో హీరోయిన్ గా కెరీర్ మొదలు పెట్టారు.

#5 శ్రావ్య

శ్రావ్య, సందడే సందడి సినిమాలో జగపతి బాబు, ఊర్వశి కూతురుగా నటించారు. ఆ తర్వాత లవ్ యూ బంగారం సినిమాలో హీరోయిన్ గా నటించారు.

#6 మంచు లక్ష్మీ ప్రసన్న

మంచు లక్ష్మీ తన తండ్రి మోహన్ బాబు గారు హీరోగా నటించిన పద్మవ్యూహం సినిమాలో ఒక పాత్రలో కనిపిస్తారు.

#7 షాలిని

షాలిని కూడా ఎన్నో సినిమాల్లో చైల్డ్ ఆర్టిస్ట్ గా నటించారు. సఖి సినిమాతో హీరోయిన్ గా కెరీర్ ని మొదలు పెట్టారు.

#8 టబు

టబు, దేవానంద్ గారి హమ్ నౌజవాన్ సినిమాలో ఒక టీనేజర్ గా నటించారు.

#9 కావ్య కళ్యాణ్ రామ్

గంగోత్రి సినిమాతో చాలా ఫేమస్ అయిన కావ్య ఇప్పుడు మసూద సినిమాలో హీరోయిన్ గా నటించారు.

#10 నిత్య శెట్టి

నిత్య శెట్టి దేవుళ్ళు సినిమా చైల్డ్ ఆర్టిస్ట్ గా ఎంతో గుర్తింపు తెచ్చుకున్నారు. తర్వాత ఓ పిట్ట కథ తో పాటు ఇంకా కొన్ని సినిమాల్లో హీరోయిన్ గా నటించారు.

#11 గ్రీష్మ నేత్రిక 

గ్రీష్మ నేత్రిక మల్లీశ్వరి సినిమాలో నరేష్ గారి కూతురు పాత్రలో నటించారు. ఆ తర్వాత ఎన్టీఆర్ మహానాయకుడు సినిమాలో యుక్త వయసులో ఉన్నప్పుడు బసవతారకం గారి పాత్రలో నటించారు.

హీరో పుట్టిన రోజు అని అతను నటించిన పాత బ్లాక్ బస్టర్ మూవీస్ రీ రిలీజ్ చేయడం ఈ మధ్య కొత్తగా ట్రెండ్ లో ఉంది. మామూలుగా పండుగలు అంటే రిలీజ్ అయిన కొత్త సినిమాల సందడి కనిపించేది. కానీ ఈసారి వినాయక చవితికి మాత్రం కొత్త వాటి కన్నా పాత బ్లాక్ బస్టర్ హవానే నడిచింది. పవన్ కళ్యాణ్ పుట్టినరోజు సందర్భంగా వేసిన తమ్ముడు, జల్సా ప్రీమియర్లకు కొత్త సినిమాలు షేక్ అయ్యాయి.

పవర్ స్టార్ పవన్ కళ్యాణ్ జల్సా ఆయన పుట్టిన రోజు సందర్భంగా సెప్టెంబర్ 2న దేశీయ మరియు అంతర్జాతీయ మార్కెట్లలో కొన్ని ఎంపిక చేసిన థియేటర్లలో తిరిగి విడుదల చేయబడింది. చాలా షోలు హౌస్‌ఫుల్‌గా ఉన్నాయి, మరియు పవన్ అభిమానులు ఈ సందర్భంగా సంబరాలు చేసుకుంటున్నారు. సినిమాలో పవన్ ఎంట్రీ సీన్, ఫైట్లు, పాటలపై అభిమానులు బ్రహ్మరథం పట్టిన వీడియోలు సోషల్ మీడియాలో హల్ చల్ చేశాయి.

ఈ రీ రిలీజ్ సినిమాల కోసం ఎప్పుడు ఖాళీగా ఉండే బెంగళూరు తిరుమల థియేటర్ హౌస్ ఫుల్ అవడం, వినాయక చవితి అయినప్పటికీ ఇంట్లో హడావిడిగా పూజలు ముగించుకొని మరి జనాలు సుదర్శన్ 35 ఎంఎంకు పరిగెత్తుకు రావడం అంతా విచిత్రంగా ఉంది అని ప్రస్తుతం టాక్ నడుస్తుంది. గతంలో ఆది, మగధీర, చెన్నకేశవరెడ్డి లాంటి హిట్ సినిమాలు క్రాస్ రోడ్స్ కే పరిమితమైతే ఇప్పుడు రీ రిలీజ్ సినిమాల తాకిడి రెండు తెలుగు రాష్ట్రాలను దాటి ఓవర్సీస్ వరకు చేరుకుంది.

ఈ రకం సినిమాలకు నాంది ఎప్పటినుంచో ఉన్న అవి పూర్తిగా ఊపునందుకుంది మాత్రం ఈ మధ్య రిలీజ్ అయిన ఒక్కడు, పోకిరి సినిమాల తర్వాతే. ఇదే క్రమంలో అక్టోబర్ 23న ప్రభాస్ పుట్టినరోజు సందర్భంగా బిల్లా 4K ప్రింట్ ని రీ రిలీజ్ చేశారు. అంతే కాకుండా ఇటీవల ప్రభాస్ హీరోగా నటించిన వర్షం సినిమా, అలాగే ఇప్పుడు జూనియర్ ఎన్టీఆర్ హీరోగా నటించిన బాద్షా సినిమా కూడా మళ్లీ రిలీజ్ చేశారు.

దీంతో ఫ్యాన్స్ అందరూ సోషల్ మీడియా అంతా, “మా హీరోల సినిమాలు మళ్లీ విడుదల అవుతున్నాయి. ఈ సారి థియేటర్లలో మామూలుగా ఉండదు” అంటూ కామెంట్స్ చేస్తున్నారు. అంతా బాగానే ఉంది కానీ పాపం ఈ రీ రిలీజ్ సినిమాల ప్రభావం ఆల్రెడీ రన్నింగ్ లో ఉన్న కొత్త సినిమాలు మీద భయంకరంగా పడుతుంది. అది మరీ పండగ సెలవులు అయితే ఇంక చెప్పక్కర్లేదు.

ఉదాహరణకు తమ్ముడు,జల్సా రీ రిలీజ్ లేకపోతే బింబిసార, కార్తికేయ 2, సీతారామంలకు మరింత కలెక్షన్స్ ఉండేవి. ఒక ఐమ్యాక్స్ లో తమ్ముడు, జల్సాలకు కలిపి రెండు రోజుల్లో సుమారు 30 దాక షోలు వేశారు అంటే ఈ రీ రిలీజ్ హవా ఎంత స్ట్రాంగ్ గా ఉందో ఊహించండి. ఇప్పుడు కూడా కొత్తగా విడుదలైన సినిమాల మీద అందులోనూ ముఖ్యంగా చిన్న సినిమాల మీద ఈ మళ్లీ రిలీజ్ అయిన సినిమాల ప్రభావం పడుతోంది. ఇదే ట్రెండ్ కంటిన్యూ అయితే మాత్రం మీడియం బడ్జెట్ ఉన్న చిన్న చిత్రాల కు చిక్కులు తప్పవు అని విమర్శకుల అభిప్రాయం. మరి ఈ కొత్త మోజు ఎంత కాలం కొనసాగుతుందో వేచి చూడాలి.

ఇప్పుడు ఉన్న చాలా మంది నటులు, లేదా సినిమా రంగంలో ఉన్నవారు సినిమాల్లోకి రాకముందే పరిచయం ఉండి, స్నేహితులుగా ఉన్న వాళ్లు ఉంటారు. కొంత మంది అనుకొని సినిమాల్లోకి వస్తే, కొంత మంది మాత్రం అనుకోకుండానే సినిమాల్లోకి వస్తారు. సూపర్ స్టార్ నటశేఖర కృష్ణ గారు బుధవారం నాడు అశేష అభిమానుల అశ్రు నయనాల మధ్య భువి నుండి దివికి వెళ్ళిపోయిన సంగతి తెలిసిందే.

అయితే కృష్ణ గారు ఇప్పుడు లేకపోయినా అతని జ్ఞాపకాలు ఫోటోల, చిత్రాల రూపంలో కళ్ల ముందు మెదులాడుతూనే వుంటాయి. అలాంటిదే ఒక ఫోటో ప్రస్తుతం నెట్టింట వైరల్ అవుతోంది. 1958-60 మధ్యఏలూరు లోని డాక్టర్ సి ఆర్ రెడ్డి కాలేజీ సూపర్ స్టార్ కృష్ణ గారు, మరో స్టార్ నటుడు మురళి మోహన్ గారు కలిసి చదువుకున్నారు.

వాళ్ళిద్దరూ చదివిన ఆ బ్యాచ్ ఫోటో ఒకటి వైరల్ గా తిరుగుతోంది. అందులో రెడ్ సర్కిల్ లో కృష్ణ గారు, బ్లూ సర్కిల్ లో మురళీ మోహన్ గారు ఉన్నారు. ఇండస్ట్రీ లోకి రాక ముందే కృష్ణతో మురళీ మోహన్‌కి పరిచయం ఉంది. ఈ విషయాన్ని మురళి మోహన్ చాలా సందర్భాల్లో చెప్పారు. “ఇంటర్మీడియట్ చదివేటప్పుడు సీఆర్ రెడ్డి కాలేజీలో మేమిద్దరం క్లాస్‌మెట్స్. ఇంకా చెప్పాలంటే బెంచ్‌‌మెట్స్‌ కూడా. క్లాస్‌ రూములో ఇద్దరం ఫస్ట్ బెంచ్‌లో కూర్చునే వాళ్లం. అప్పటి నుంచి మా స్నేహంతో పాటు సినిమాలపై ఇంట్రస్ట్‌ పెరిగింది.”

“సినిమా యాక్టర్ అయ్యి.. పడవ లాంటి పెద్ద కారు కొనుగోలు చేయాలని కృష్ణకి అప్పట్లోనే ఆశ ఉండేది. అక్కినేని నాగేశ్వర రావుని చూసిన తర్వాత యాక్టర్ అవ్వాలని కృష్ణ నిర్ణయించుకున్నారు. ఆ తర్వాత రెండేళ్లు శ్రమించి తేనె మనసులు సినిమాతో హీరోగా ఎంట్రీ ఇచ్చారు” అని మురళి మోహన్ గతం లో ఒక ఇంటర్వ్యూ లో చెప్పారు. సినిమా విడుదల అయిన తర్వాత దాన్ని జడ్జ్‌ చేయడంలో ఎవరైనా కృష్ణ తర్వాతే అని మురళీమోహన్‌ కొనియాడారు. మురళి మోహన్ తను స్థాపించిన జయభేరి ప్రొడక్షన్ లో కృష్ణ తో, మహేష్ బాబు తో సినిమాలు చేశారు.

పద్మాలయ స్టూడియో నుంచి జూబ్లీహిల్స్ మహాప్రస్థానం వరకు కృష్ణ అంతిమ యాత్ర సాగింది. ఆ అంతిమ యాత్రలో కాలి నడకన అభిమానులతో కలిసి పాదం కలిపిన మురళీ మోహన్.. మహాప్రస్థానంలో  పాడెని మోసి కృష్ణతో స్నేహ బంధాన్ని చాటుకున్నారు.

టి20 ప్రపంచకప్ 2022ను ముగించుకున్న టీమిండియా న్యూజిలాండ్ తో పరిమిత ఓవర్ల సిరీస్ లకు సిద్ధమైంది. ఇందులో భాగంగా నవంబర్ 18, 20, 22వ తేదీల్లో మూడు టి20ను ఆడనుంది. అనంతరం నవంబర్ 25, 27, 30వ తేదీల్లో మూడు వన్డేలను ఆడనుంది. టి20లకు కెప్టెన్ గా హార్దిక్ పాండ్యా వ్యవహరిస్తున్నాడు. ఇక వన్డేలకు శిఖర్ ధావన్ సారథిగా ఉండనున్నాడు.

అయితే టి20 ప్రపంచకప్ 2022 లో టీమిండియా పేలవ ప్రదర్శన చేసిన సంగతి తెలిసిందే. హాట్ ఫేవరెట్ గా టోర్నీలో ఎంటర్ అయిన భారత్ సెమీస్ తో సరిపెట్టుకుంది. సెమిస్ లో భారత బౌలర్లు చేతులెత్తేశారు. ఈ నేపథ్యం లో ఈ ఏడాది ఆరంభంలో జరిగిన ఐపీఎల్ లో అదరగొట్టిన హర్షల్ పటేల్.. డెత్ ఓవర్స్ స్పెషలిస్టుగా టీమిండియాలోకి వచ్చాడు. అయితే ఈ టోర్నీ లో హర్షల్ తో ఒక్క మ్యాచ్ కూడా ఆడించకపోవటం తో పై విమర్శలు వచ్చాయి.

టి20 వరల్డ్ కప్ లో భాగంగా బీసీసీఐ ఎలెక్టర్లు 15 మంది సభ్యులను ఎంపిక చేయగా, 13 మందికి తుది జట్టులో అవకాశం దక్కింది. కానీ చాహల్, హర్షల్ పటేల్ మాత్రం అటు వరల్డ్ కప్ లో భాగంగా ఒక్క మ్యాచ్లో కూడా తుది జట్టులో అవకాశం దక్కించుకోకపోవడం గమనార్హం. అయితే అశ్విన్ అటు ప్రతి మ్యాచ్ లో విఫలం అవుతున్నప్పటికీ చాహల్ను మాత్రం తుదిజట్టులోకి తీసుకునేందుకు సెలక్టర్లు పెద్దగా మొగ్గు చూపలేదు.

ఈ క్రమంలోనే ఇటీవల ఒక క్రీడా చానల్ తో మాట్లాడిన దినేష్ కార్తీక్ ఆసక్తికర వ్యాఖ్యలు చేశాడు. కోచ్ రాహుల్ ద్రావిడ్, కెప్టెన్ రోహిత్ శర్మ జట్టులో అద్భుతమైన వాతావరణాన్ని కల్పించారు అంటూ చెప్పుకొచ్చాడు. ఇక తుది జట్టులో స్థానం దక్కని వారిద్దరితో కూడా ఎప్పటికప్పుడు మాట్లాడుతూనే ఉండేవారు అంటూ చెప్పుకొచ్చాడు.

“చాహల్, హర్షల్ పటేల్ లు మాత్రమే ఈ టి20 ప్రపంచ కప్ లో ఒక్క మ్యాచ్ కూడా ఆడని భారత ఆటగాళ్లు. అయితే వారేమీ ఆగ్రహానికి గురికాలేదు. నిరుత్సాహపడలేదు. ఎందుకంటే టోర్నీ ప్రారంభానికి ముందే గడ్డు పరిస్థితుల్లో ఆడుతున్నాం అన్న విషయాన్ని కోచ్, కెప్టెన్ వారికి వివరించి చెప్పారు. ఇక చోటు దక్కని వారిలో నెగటివ్ ఆలోచనలకు తావులేకుండా చేశారు” అంటూ దినేష్ కార్తీక్ చెప్పుకొచ్చాడు.