Filmy Adda

నాగార్జున హీరోగా వచ్చిన “సోగ్గాడే చిన్ని నాయనా” సినిమా ఓ రేంజ్ లో హిట్ అయింది. అటు ఫ్యామిలీ ఆడియెన్స్ ని… ఇటు మాస్ ఆడియెన్స్ ని ఆకట్టుకున్న సంగతి తెలిసిందే. అయితే.. ఈ సినిమా పార్ట్ 2 కూడా ఉంటుంది అని అప్పుడే ప్రకటించారు. అప్పటినుంచి సీక్వెల్ ఎలా ఉండబోతోందా? అని అందరిలోనూ ఉత్సుకత నెలకొంది.

ఈ సంక్రాంతికి చాలా పెద్ద సినిమాలు విడుదలకి సిద్ధమయ్యాయి. కానీ పరిస్థితులను దృష్టిలో పెట్టుకొని అన్ని సినిమాలు వెనకడుగు వేశాయి. బంగార్రాజు మాత్రం మొదటి నుండి సంక్రాంతి బరిలోనే ఉంది. ఈ సినిమా బృందం చెప్పినట్టుగానే బంగార్రాజు హిట్ అయింది. ఇందులో నాగ చైతన్య పక్కన క్రితి శెట్టి హీరోయిన్‌గా నటించారు.

ఇటీవల క్రితి హీరోయిన్‌గా నటించిన ఉప్పెన, శ్యామ్ సింగ రాయ్ కూడా హిట్ అయ్యాయి. ఇప్పుడు బంగార్రాజుతో హ్యాట్రిక్ హిట్స్ కొట్టారు క్రితి శెట్టి. క్రితిలాగానే అంతకుముందు కూడా ఇద్దరు హీరోయిన్స్ ఇలాగే హ్యాట్రిక్ హిట్స్ కొట్టారు. వారే అనుపమ పరమేశ్వరన్, సమంత. అనుపమ అ ఆ సినిమా ఇండస్ట్రీలో అడుగు పెట్టారు. ఈ సినిమా హిట్ సాధించింది. తర్వాత వచ్చిన ప్రేమమ్, శతమానం భవతి సినిమాలు కూడా హిట్ అయ్యాయి.

అలాగే ఏ మాయ చేసావే సినిమాతో ఇండస్ట్రీలో అడుగు పెట్టిన సమంత కూడా, తరువాత జూనియర్ ఎన్టీఆర్ తో బృందావనం, మహేష్ బాబుతో దూకుడు సినిమాలతో హ్యాట్రిక్ హిట్స్ సాధించారు. ఇప్పుడు ఈ జాబితాలో క్రితి శెట్టి కూడా చేరారు. ప్రస్తుతం క్రితి సుధీర్ బాబుతో ఆ అమ్మాయి గురించి మీకు చెప్పాలి, నితిన్ తో మాచర్ల నియోజకవర్గం, రామ్ పోతినేనితో ద వారియర్ తో పాటు ఇంకా కొన్ని సినిమాల్లో నటిస్తున్నారు. ఇంకా కొన్ని సినిమాలు డిస్కషన్ దశలో ఉన్నాయి.

నాగార్జున హీరోగా వచ్చిన “సోగ్గాడే చిన్ని నాయనా” సినిమా ఓ రేంజ్ లో హిట్ అయింది. అటు ఫ్యామిలీ ఆడియెన్స్ ని… ఇటు మాస్ ఆడియెన్స్ ని ఆకట్టుకున్న సంగతి తెలిసిందే. అయితే.. ఈ సినిమా పార్ట్ 2 కూడా ఉంటుంది అని అప్పుడే ప్రకటించారు. అప్పటినుంచి సీక్వెల్ ఎలా ఉండబోతోందా? అని అందరిలోనూ ఉత్సుకత నెలకొంది.

ఈ సంక్రాంతికి చాలా పెద్ద సినిమాలు విడుదలకి సిద్ధమయ్యాయి. కానీ పరిస్థితులను దృష్టిలో పెట్టుకొని అన్ని సినిమాలు వెనకడుగు వేశాయి. బంగార్రాజు మాత్రం మొదటి నుండి సంక్రాంతి బరిలోనే ఉంది. ఏ సినిమా విడుదల అయినా కాకపోయినా మా సినిమా మాత్రం కచ్చితంగా సంక్రాంతికే విడుదల అవుతుంది అని సినిమా బృందం చాలా కాన్ఫిడెంట్ గా చెప్పారు.

బంగార్రాజు సినిమా టాక్ మాత్రం నెగిటివ్ గా వస్తోంది. స్టోరీ అంతకు ముందు మనం సోగ్గాడే చిన్ని నాయనాలో చూసినట్టే ఉంది అని అంటున్నారు. కానీ సినిమాకి మాత్రం సూపర్ హిట్ కలెక్షన్స్ వస్తున్నాయి. దాంతో చాలా మంది, “అదేంటి సినిమా చాలా యావరేజ్ గా ఉన్నా కూడా సూపర్ హిట్ అయ్యింది?” అని అనుకుంటున్నారు. బంగార్రాజు సూపర్ హిట్ అవ్వడానికి కారణాలు ఏంటో ఇప్పుడు చూద్దాం.

#1 సినిమాకి మెయిన్ హైలైట్ మాత్రం నాగార్జున. కొద్ది సంవత్సరాల క్రితం వచ్చిన సోగ్గాడే చిన్ని నాయనాలో నాగార్జున నటన చాలా మందికి నచ్చింది. నాగార్జున అంత యాక్టివ్ గా చేసి చాలా సంవత్సరాలు అయ్యింది. దాంతో మళ్లీ బంగార్రాజు పాత్రతో నాగార్జున తెరపై కనిపిస్తే చూడడానికి చాలా మంది ప్రేక్షకులు ఎదురు చూశారు.

#2 బంగార్రాజు విడుదల సమయానికి పెద్ద సినిమాలు ఏవి విడుదల అవ్వలేదు. దాంతో, ఈ విషయం కూడా బంగార్రాజు సినిమా హిట్ అవ్వడానికి కలిసొచ్చింది అని చెప్పాలి.

#3 వెంకీ మామ, లవ్ స్టోరీ సినిమాలతో నాగ చైతన్య ప్రేక్షకులకు ఇంకా దగ్గరయ్యారు. నాగార్జున, నాగ చైతన్య కలిసి నటించడం కూడా ఈ సినిమాపై ఆసక్తి పెరగడానికి ఒక కారణం అయ్యింది.

#4 సినిమా విడుదల అయిన సమయం కూడా హిట్ అవ్వడానికి ముఖ్య పాత్ర పోషించింది. పండగకి విడుదల అవ్వడంతో చాలా మంది ప్రేక్షకులు సినిమా చూడడానికి ఆసక్తి చూపారు.

#5 సోగ్గాడే చిన్ని నాయనా సినిమాకి ముఖ్య బలం అనూప్ రూబెన్స్ అందించిన మ్యూజిక్. ఈ సినిమాకి కూడా అదే రేంజ్ లో మ్యూజిక్ ఇచ్చారు అనూప్ రూబెన్స్. సినిమా విడుదలకు ముందే పాటలు విడుదల అవ్వడం, ఆ పాటలు కూడా హిట్ అవ్వడంతో సినిమాపై అంచనాలు ఇంకా పెరిగాయి.

ఈ కారణాల వల్ల నెగిటివ్ టాక్ తో కూడా బంగార్రాజు సూపర్ హిట్ అయ్యింది.

సినిమాల్లోకి వచ్చే ముందు ఆ రంగానికి చెందిన వాళ్లు అందరూ చాలా కష్టాలు పడతారు. చిన్న చిన్న పాత్రల్లో నటించి లేదా కెమెరా వెనకాల పని చేసి ఇప్పుడు పెద్ద స్థాయికి ఎదిగిన నటులు ఎంతోమంది ఉన్నారు. అయితే, కొంత మంది డైరెక్టర్లు కూడా సినిమాల్లో చిన్న చిన్న పాత్రల్లో కనిపించారు.

ఇక ఇదిలా ఉంటే, రానా దగ్గుబాటి హీరోగా నటించిన లీడర్ సినిమా అందరికీ గుర్తుండే ఉంటుంది. అయితే ఈ సినిమాకు శేఖర్ కమ్ముల దర్శకత్వం వహించారు. ప్రియా ఆనంద్, రిచా గంగోపాధ్యాయ్ రానా సరసన నటించారు. మిక్కీ జే మేయర్ సంగీతం వహించారు.

అయితే 2010 లో వచ్చిన ఈ సినిమాలో నాగ్ అశ్విన్ కూడా ఉన్నారట. అదేంటి నాగ్ అశ్విన్ లీడర్ సినిమాలో ఉన్నారా అని షాక్ అవుతున్నారా..? నాగ్ అశ్విన్ లీడర్ సినిమాకి అసిస్టెంట్ డైరెక్టర్ గా పని చేసిన సంగతి తెలిసిందే. కానీ సినిమాలో కూడా వున్నారు. సినిమా దర్శకుడిగా, స్క్రీన్ రైటర్ గా నాగ్ అశ్విన్ బాగా పాపులర్ అయ్యారు. ఎవడే సుబ్రహ్మణ్యం సినిమాకి మొట్టమొదటి సారి దర్శకత్వం చేశారు నాగ్ అశ్విన్. చిత్ర పరిశ్రమలో సహాయ దర్శకునిగా నాగ్ అశ్విన్ నేను మీకు తెలుసా అనే చిత్రంతో ఇండస్ట్రీ లోకి వచ్చారు.

తర్వాత దర్శకుడు శేఖర్ కమ్ముల దగ్గర లీడర్, లైఫ్ ఈజ్ బ్యూటిఫుల్ చిత్రాలకు సహాయ దర్శకుడిగా పని చేశారు. రచయితగా, దర్శకుడిగా ఎవడే సుబ్రహ్మణ్యం, మహానటి సినిమాలు చేశారు నాగ్ అశ్విన్. మొన్న మొన్న వచ్చిన జాతిరత్నాలు సినిమాకి నిర్మాతగా పని చేశారు నాగ్ అశ్విన్.  అంతే కాకుండా ఇప్పుడు నాగ్ అశ్విన్ ప్రభాస్ హీరోగా నటిస్తున్న సినిమాకి దర్శకత్వం వహిస్తున్నారు. ఈ సినిమా నెక్స్ట్ షెడ్యూల్ దశలో ఉంది. ఇటీవల షూటింగ్ ప్రారంభం అయ్యింది.

కృతి శెట్టి ఇప్పటికి మూడు సినిమాల్లో నటించింది. మూడు సినిమాలు కూడా హిట్ అవ్వడం విశేషం. టాలీవుడ్ లోకి అందాల తార కృతి శెట్టి మెగా హీరో వైష్ణవ్ తేజ్ సరసన ఉప్పెన సినిమాలో నటించి ఎంట్రీ ఇచ్చింది. బేబమ్మ పాత్రలో అదరకొట్టేసిన కృతి శెట్టి ఆ తర్వాత నాని సరసన శ్యామ్ సింగరాయ్ సినిమాలో నటించి తెలుగు ప్రేక్షకులను ఫిదా చేసింది. తాజాగా విడుదలైన బంగార్రాజు సినిమాలో నాగ చైతన్య పక్కన కృతి శెట్టి నటించి మరొక సారి ఈ ముద్దుగుమ్మ అలరించింది.

ఇక ఇదిలా ఉంటే తాజాగా ఆలీతో సరదాగా షో కు ఈమె వచ్చి కొన్ని ఇంట్రెస్టింగ్ విషయాలను షేర్ చేసుకుంది. మరి ఆ ఇంట్రెస్టింగ్ విషయాల గురించి ఇప్పుడు చూసేద్దాం. మొదట యాడ్స్ షూట్స్ చేసేదట కృతి. ఆ తరవాత సినిమాల్లోకి ఎంట్రీ ఇచ్చాను అని చెప్పింది. అదే విధంగా ఉప్పెన సక్సెస్ తనకి చాలా ఆనందం అనిపించింది అని ఆమె అంది.

ఆ సినిమా సక్సెస్ అవ్వడం తో మెగాస్టార్ చిరంజీవి ప్రశంసించారని… ఉప్పెన సినిమా తర్వాత చిరంజీవి తనకి ఒక బహుమతి ఇచ్చారట. స్వయంగా ఆయన చేతుల తో రాసిన ఒక లెటర్, గిఫ్ట్ పంపించారని కృతి శెట్టి చెప్పారు. ఆ లెటర్ లో చిరంజీవి ”యు ఆర్ ఏ బోర్న్ స్టార్” అని రాశారని..

అంత పెద్ద హీరో మెచ్చుకోవడం చాలా ఆనందంగా అనిపించి దానిని ఫ్రేమ్ కట్టించానని చెప్పింది. మెగా పవర్ స్టార్ రామ్ చరణ్ అంటే ఇష్టమని రంగస్థలం లో చరణ్ పాత్ర బాగుందని కృతి శెట్టి చెప్పింది. అవకాశం దొరికితే మెగా పవర్ స్టార్ రామ్ చరణ్ తో నటించాలని ఉందంది.

విజయ్ దేవరకొండ హీరోగా పూరి జగన్నాథ్ దర్శకత్వంలో వస్తున్న సినిమా లైగర్. ఈ సినిమా విజయ్ దేవరకొండ మొదటి పాన్ ఇండియన్ సినిమా. అంతకు ముందు విజయ్ దేవరకొండ హీరోగా నటించిన డియర్ కామ్రేడ్, అలాగే వరల్డ్ ఫేమస్ లవర్ సినిమాలు తెలుగుతో పాటు తమిళం, కన్నడ, మలయాళం భాషల్లో కూడా విడుదలయ్యాయి. కానీ లైగర్ సినిమా మాత్రం పూర్తి స్థాయి పాన్ ఇండియా సినిమాగా రూపొందుతోంది.

పూరి కనెక్ట్స్ బ్యానర్ పై పూరి జగన్నాధ్, చార్మి, ధర్మ ప్రొడక్షన్స్ బ్యానర్ పై బాలీవుడ్ నిర్మాత కరణ్ జోహార్ ఈ సినిమాని నిర్మిస్తున్నారు. ఈ సినిమాలో విజయ్ దేవరకొండ సరసన అనన్య పాండే నటిస్తోంది. ఇదిలా ఉంటే ఈ సినిమా ఆగస్టు 25న విడుదల కానుంది. తాజాగా లైగర్ సినిమా టీం ‘అన్‌స్టాపబుల్‌ విత్‌ ఎన్‌బీకే’ షో కి వచ్చారు. పూరి తో పాటు విజయ్ దేవరకొండ చార్మి కూడా సందడి చేశారు.

ఈ షో లో బాలకృష్ణ విజయ్ దేవరకొండకి సంబంధించిన ఒక వీడియోని ప్లే చేయించారు. అందులో విజయ్ దేవరకొండ బాల నటుడిగా నటించాడు. ఈ వీడియో ప్లే చేసే సరికి పూరి జగన్నాథ్ ఆశ్చర్యపోయారు. విజయ్ ఇలా నటించడం తనకు తెలియదని పూరి చెప్పారు.

అప్పుడు విజయ్ దేవరకొండ ఆ వీడియో పుట్టపర్తి సాయిబాబా పై తీసిన సీరియల్ లోనిది అని చెప్పారు. అయితే అందులో నటించింది నేనే కానీ వాయిస్ నాది కాదు అని ఆ వీడియో వెనుక ఉన్న కధని మొత్తం చెప్పారు విజయ్. సోషల్ మీడియాలో ఈ వీడియో ఇప్పుడు వైరల్ గా మారింది.

View this post on Instagram

A post shared by ahavideoin (@ahavideoin)

ప్రస్తుతం పుష్ప సినిమా థియేటర్లలో విడుదల అయ్యింది. పుష్ప రాజ్ అనే ఒక వ్యక్తి ఒక రోజు వారి కూలీ నుండి ఒక సిండికేట్ స్థాయికి ఎలా ఎదిగాడు? అలా ఎదిగే క్రమంలో అతను ఎదుర్కొన్న సమస్యలు ఏంటి? అనే అంశం చుట్టూ సినిమా మొత్తం తిరుగుతుంది.

దీనికి రెండవ భాగం కూడా ఉంది అనే విషయం తెలిసిందే. ఆ సినిమాకి పుష్ప – ద రూల్ అనే పేరు పెట్టారు. అయితే, పుష్ప సినిమా టాక్ మాత్రం మిక్స్డ్ గానే వస్తోంది. పుష్ప సినిమా థియేటర్లలో నడుస్తుండగానే అమెజాన్ ప్రైమ్ లో విడుదల అయ్యింది. హిందీ వెర్షన్ తో సహా అన్ని భాషల్లో సినిమా అమెజాన్ ప్రైమ్ లో విడుదల అయ్యింది.

పుష్ప సినిమా థియేటర్లలో విడుదల అయినప్పటికంటే, ఇప్పుడే చాలా మంచి టాక్ వస్తోంది. ఎంతో మంది సెలబ్రిటీలు సినిమా చూసి, సినిమా చాలా బాగుంది అని, అల్లు అర్జున్ ఈ సినిమాలో చాలా బాగా నటించారు అని సోషల్ మీడియా ద్వారా పొగుడుతున్నారు. కేవలం తెలుగు సినిమా ఇండస్ట్రీకి సంబంధించిన ప్రముఖులు మాత్రమే కాకుండా, బాలీవుడ్ కి సంబంధించిన ఎంతో మంది పెద్ద పెద్ద సెలబ్రిటీలు కూడా అల్లు అర్జున్ నటనని ప్రశంసించారు. దాంతో పుష్ప రెండవ పార్ట్ విడుదలకి అందరూ ఆసక్తిగా ఎదురు చూస్తున్నారు.

ఈ సినిమాలో అల్లు అర్జున్ ఒక చేయి కొంచెం పైకి ఎత్తి నడుస్తారు. హీరో అలా ఉండటం చాలా అరుదుగా జరుగుతూ ఉంటుంది. ఒక రకంగా చెప్పాలంటే స్టార్ హీరో అయిన అల్లు అర్జున్ పుష్ప సినిమాతో ఒక పెద్ద రిస్క్ తీసుకొని సక్సెస్ అయ్యారు. అయితే పుష్ప కంటే ముందు ఇలాంటి ఒక పాత్ర శ్రీహరి గారు కూడా చేశారు. పృథ్వీ నారాయణ అనే ఒక సినిమాలో శ్రీహరి రెండు పాత్రల్లో నటించారు. అందులో ఒక పాత్ర, పుష్ప రాజ్ ఎలా అయితే ఒక చేయి కొంచెం ఎత్తి నడుస్తూ ఉంటారో, అదే విధంగా పృథ్వీ నారాయణ సినిమాలో రెండు పాత్రల్లో ఒక పాత్ర కూడా అలాగే ఉంటారు. అలా చాలా కాలం క్రితం శ్రీహరి గారు కూడా దాదాపు ఇలాంటి పాత్రే పోషించారు.