gossips

యాంకర్ భాను శ్రీ వివిధ ఛానెల్‌లలో బహుళ కార్యక్రమాలతో చాలా బిజీగా ఉన్నారు. బిగ్ బాస్ పెర్ఫార్మెన్స్ తో ఆమె చాలా మంది అభిమానులను గెలుచుకుంది. అందమైన మరియు ప్రతిభావంతులైన యాంకర్ గా అతి తక్కువ కాలంలో గుర్తింపు తెచ్చుకున్న యాంకర్లలో భానుశ్రీ ఒకరు. భాను శ్రీ త్వరలో పెళ్లి చేసుకోబోతోంది అనే  వార్త గత కొద్ది రోజులుగా సోషల్ మీడియాలో వైరల్ అయింది. తన నటనతో స్టైల్ తో అటు సినిమాల్లోనూ ఇటు బుల్లితెర పైన ఎన్నో అవకాశాలు దక్కించుకుంటూ దూసుకుపోతున్న ఈ ముద్దుగుమ్మ త్వరలో పెళ్లి పీటలు ఎక్కబోతోంది అంట .

భాను శ్రీ కొన్ని టీవీ షోలు మరియు సినిమాల్లో నటించినప్పటికీ రాని పాపులారిటీ బిగ్ బాస్ షో పుణ్యమా అని వచ్చింది. బిగ్ బాస్ లో ఆమె చేసిన కామెంట్స్ ఆమె మిగతా కంటెస్టెంట్స్ తో ప్రవర్తించిన విధానం ఎప్పటికప్పుడు హైలైట్ అవుతూ వచ్చాయి. ఊహించని విధంగా బిగ్ బాస్ భాను శ్రీ కి మంచి గుర్తింపు తీసుకొచ్చింది.

వ్యక్తిగతంగా భాను శ్రీ ఎన్నో కష్టాలు పడి ఇండస్ట్రీలో తనకంటూ ఒక ప్లేస్ సంపాదించుకోగలిగింది. తను ఇండస్ట్రీలో నిలబడడానికి , తన టాలెంట్ ప్రూవ్ చేసుకోవడానికి ఎన్నో కష్టాలు భరించానని ఆమె ఓ ఈవెంట్లో చెప్పుకొచ్చింది. ఇప్పుడు వచ్చిన గుర్తింపుతో తను పడ్డ బాధలను అన్ని మర్చిపోగలుగుతున్నానని కూడా చెప్పింది.

భాను శ్రీ ఎక్కువగా ఈటీవీ ఈవెంట్స్ లో కనిపించి సందడి చేస్తూ ఉంటుంది. ప్రస్తుతం ఒక్కో ఈవెంట్ కి 30 నుంచి 50 వేలు వరకు భాను శ్రీ రెమ్యూనరేషన్ తీసుకుంటున్నట్లు సమాచారం. అయితే భాను తన కెరీర్ మొదలు పెట్టక ముందు నుంచి తన ఫ్రెండ్ ని ప్రేమిస్తుందని… అతన్ని త్వరలో పెళ్లి చేసుకోబోతుందని సోషల్ మీడియాలో ఓ వార్త వైరల్ అయింది.

అంతకుముందు ఇంటర్వ్యూలో భాను మాట్లాడుతూ ,” తన ఫ్రెండ్ తనకు కెరియర్ లో సెటిల్ అవ్వడానికి ఎంతో హెల్ప్ చేశాడని, అతని ఎప్పటికీ తన లైఫ్ లో మర్చిపోలేనని. ఎవరు సాయం చేయని సమయంలో అతను తనకు ఎంతో భరోసా ఇచ్చాడని” చెప్పింది. అంతే అప్పటినుంచి ఆ ఫ్రెండ్ ని భాను పెళ్లి చేసుకోబోతోంది అన్న వార్త సోషల్ మీడియాలో హల్ చల్ చేస్తుంది. మరి ఇందులో వాస్తవం ఎంత ఉంది అనేది ఇంకా పూర్తిగా తెలియలేదు.

ఈమధ్య రీసెంట్ గా జరిగిన బాలీవుడ్ నటుడు సుశాంత్ సింగ్ మరణం తరువాత బాలీవుడ్ లో నెపోటిజం సంచలనాన్ని సృష్టించడం మనందరికీ తెలిసిందే. ఎక్కువగా బాలీవుడ్ లో మాత్రమే వినిపించే ఈ నెపోటిజం అన్న పేరు ఇప్పుడు దక్షిణాదిలో సైతం సందడి చేస్తూ అక్కడక్కడ వినిపిస్తోంది. ఇదిలా ఉన్న నేపథ్యం లో తాజాగా సోషల్ మీడియాలో ఒక నటి చేసిన ట్వీట్ ఈ మధ్య అన్ని సోషల్ మీడియా ప్లాట్ ఫార్మ్స్ లో వైరల్ అయ్యి సందడి చేస్తుంది.

ప్రస్తుతం ఆ నటి చేసిన ట్వీట్ కోలీవుడ్ లో ప్రస్తుతం తీవ్ర చర్చకు దారి తీసి హడావుడి చేస్తోంది. ఆ నటి ట్వీట్ వివరాల్లోకి వెళ్తే “సౌకర్యం ఉన్నవాళ్లు నిచ్చెన ఎక్కేసి సులువైన మార్గంలో పైకి వెళ్లడం చూస్తే చాలా బాగుంటుంది కదా.మరి మిగతావాళ్ల సంగతేంటి” అన్నది దాని సారాంశం. అయితే ఆ ట్వీట్ డైరెక్టర్ శంకర్ కూతురు అతిథి శంకర్ ను టార్గెట్ చేస్తూ పోస్ట్ చేసిందా అని నెటిజెన్స్ కామెంట్స్ చేస్తున్నారు.

ఇటీవలె సినీ ఇండస్ట్రీలో ఎంట్రీ ఇచ్చిన ఈ నటి కోలీవుడ్‌ బంధుప్రీతి (నెపోటిజం) పై మొదట సారి నోరు విప్పారు. అంత ధైర్యం కనబరిచిన ఆ నటి ఎవరో కాదు “మిసాయి మురుకు” అనే కోలీవుడ్‌ సినిమా ద్వారా ఇండస్ట్రీ కి హీరోయిన్ పరిచయమైన ఆత్మిక. తన సినిమా మంచి హిట్ సాధించినప్పటికీ తనకు తగిన గుర్తింపు దక్కలేదు.

మరోపక్క కేవలం ఒకే సినిమా చేసినప్పటికీ అతిథి శంకర్ మాత్రం నటిగా మంచి ఆఫర్లు అందుకోవడమే కాకుండా సింగర్‌గా కూడా రాణించడం విశేషం. అందుకే ఆత్మిక పరోక్షంగా అతిథి శంకర్ ను టార్గెట్ చేసిందంటూ నెటిజెన్స్ అభిప్రాయపడుతున్నారు.

ఒక సీరియస్ ఇష్యూ ని కూడా సరదా చెప్పడం డైరెక్టర్ మారుతీ స్టైల్. ప్రతి రోజు పండగే సినిమా హిట్ తర్వాత శోభన్ సంతోష్ హీరోగా చేసిన మంచిరోజులు వచ్చాయి మూవీ పెద్దగా ప్రేక్షకులను ఆకట్టుకోలేదు.

అందుకే నెక్ట్ ప్రాజెక్ట్ కమర్షియల్ గా ఉండాలి అని పక్కా కమర్షియల్ అనే టైటిల్ పెట్టి హీరో మాచో స్టార్ గోపీచంద్, హీరోయిన్ రాశీఖన్నాతో  సినిమా తీసాడు మారుతీ.  అయితే ఈ సినిమాకు మొదటి హీరోగా మాస్ మహా రాజ్ రవితేజ ను అనుకున్నాడంటా మారుతీ. యూవీ క్రియేషన్స్, జీ2 పిక్చర్స్ దీన్ని ప్రొడ్యూస్ చేస్తున్నట్టు అప్పట్లో వార్తలు కూడా వినిపించాయి.

దీనికి లాయర్ సాబ్ అనే టైటిల్ ని కూడా అనుకున్నారంటా.. ఈ ప్రాజెక్ట్ వదులుకొని రవితేజ రమేష్ వర్మ దర్శకత్వంలో వచ్చిన ఖిలాడి లో నటించాడు. అటు హిందీ, ఇటు తెలుగులోను పెద్దగా వసూళ్లు రాబట్టలేదు ఖిలాడి. రవితేజ మారుతీ ప్రాజెక్ట్ రిజెక్ట్ చేయడానికి కారణం మాత్రం తెలీదు. దీనిపై మారుతీ కానీ, రవితేజ కానీ ఇప్పటి వరకు స్పందించలేదు. 

ప్రస్తుతం రవితేజ రామారావు ఆన్ డ్యూటీ విడుదలకు సిద్ధంగా ఉండగా, ధమాకా, టైగర్ నాగేశ్వరరావు, వాల్తేరు వీరయ్య వంటి సినిమాలతో రవితేజ బిజీగా ఉన్నాడు. ఒక వైపు మారుతీ సినిమాలతో పాటు ఈ మధ్య 3 రోజెస్ అనే ఓ వెబ్ సిరీస్ కి రైటర్ గా కూడా చేసాడు. తర్వాత మారుతీ డార్లింగ్ ప్రభాస్ తో సినిమా చేయనున్నాడని వార్తలు వినిపిస్తున్నాయి.

‘ఊరందరిదీ ఒక దారి అయితే, ఉలిపిరి కట్టది మరో దారి’ అన్నట్టూ.. బయట ఒకటి జరుగుతుంటే.. సోషల్ మీడియాలో ఇంకొకటి చర్చిస్తారు. జరిగిపోయిన విషయాలను తవ్వి తీయడంలో, జరుగబోతున్న విషయాలను ఊహించి రాయడంలో సోషల్ మీడియాలో ఎప్పుడూ కొంతమంది కాచుక్కుర్చుంటారు.

ఓ సినిమాను ఆకాశానికి ఎత్తడంలో, లేదంటే విపరీతమైన నెగిటివిటీ సృష్టించబడంలో సోషల్ మీడియా ఎప్పుడూ ముందుంటుంది. దీనికి మంచి ఉదాహరణ “ఆర్ఆర్ఆర్”. సినిమా విడుదలకు ముందు డైరెక్టర్ రాజమౌళి, రామ్ చరణ్, ఎన్టీఆర్ ఓ రేంజ్ లో ప్రమోషన్స్ చేయడంతో సినిమాకు ఫుల్‌ పాజిటివ్‌ బజ్‌ కనిపించింది. కానీ విడుదలైన తర్వాత కొంతమంది నెగిటివిటీ స్ప్రెడ్ చేయడం ప్రారంభించారు.

పొరుగింటి పుల్లకూర రుచి ఎక్కువ అన్న చందాన ‘కేజీయఫ్‌ 2’ సినిమాను ఆకాశానికెత్తేశారు. మన తెలుగు రచయితలు ఆ స్థాయిలో రాయలేరు, మన వాళ్ళు ఆ రేంజ్ లో తీయలేరు అన్నట్లు కొంతమంది విమర్శడం ప్రారంభించారు. అయితే ఇప్పుడు పరిస్థితి అందుకు భిన్నంగా కనిపిస్తుంది. ‘ఆర్ఆర్‌ఆర్‌’కి సోషల్‌ మీడియాలో ఇప్పుడొస్తున్న పాజిటివ్ టాక్… ‘కేజీయఫ్‌ 2’కి లేదనే చెప్పాలి. మొదట్లో ‘ఆర్‌ఆర్ఆర్‌” సినిమా మీద కోపాన్ని ‘కేజీయఫ్‌ 2’పై ప్రేమగా మలుచుకున్నారు కొంతమంది. ఓటీటీలో సినిమా చూడటానికి అదనంగా డబ్బులు కట్టాలి అని ‘ఆర్‌ఆర్ఆర్‌’, ‘కేజీయఫ్‌ 2’ టీమ్‌లు చెప్పినప్పుడు ఒక్కసారిగా అందరూ షాక్ అయ్యారు.

ఈ నిర్ణయం పై నెటిజన్లు తీవ్రస్థాయిలో విరుచుకుపడ్డారు. అయితే వెంటనే ‘ఆర్‌ఆర్‌ఆర్‌’ టీమ్‌ వెనకడుగు వేసింది. ‘కేజీయఫ్‌ 2’ మాత్రం డబ్బులు కడితేనే స్ట్రీమ్ అయింది. థియేటర్ వసూళ్ల విషయంలో ‘ఆర్‌ఆర్‌ఆర్‌’ (₹1127.65) ₹ను ‘కేజీయఫ్‌ 2’ (₹1129.38) ఎప్పుడో దాటేసింది కానీ సోషల్‌ మీడియాలో మాత్రం ‘ఆర్‌ఆర్‌ఆర్‌’దే ఇప్పటికీ పై చేయి. ఇటీవల సోషల్‌ మీడియాలో, రేటింగ్స్‌ వెబ్‌సైట్స్‌లో, విదేశాల్లో ‘ఆర్‌ఆర్‌ఆర్‌’ హవానే కనిపిస్తోంది. రోటెన్‌ టమోటాస్‌ టాప్‌ మూవీస్‌ 2022 లిస్ట్‌లో అవెంజర్స్‌ ఎండ్‌గేమ్‌ను ‘ఆర్‌ఆర్‌ఆర్‌’ దాటేసింది.

అలాగే ఇటీవల ‘ఆర్ఆర్‌ఆర్‌ ఎన్‌కోర్‌’ పేరుతో ఓవర్సీస్‌లో సినిమా రీ రిలీజ్‌ చేసినప్పుడు కూడా మంచి రెస్పాన్స్‌ వచ్చింది. సోషల్‌ మీడియాలో హాలీవుడ్‌ మరియు ఇంటర్నేషనల్ సెలబ్రిటీలు కూడా సినిమాను పొగుడుతున్నారు. ‘కేజీయఫ్‌ 2’ విషయంలో మాత్రం ఈ స్థాయి ప్రశంసలు కరువయ్యాయనే చెప్పవచ్చు. థియేటర్‌లో ‘కేజీయఫ్‌ 2’ సత్తా చాటినా.. బయట మాత్రం ‘ఆర్‌ఆర్‌ఆర్‌’దే హవా అని అర్థం చేసుకోవచ్చు. నెట్‌ఫ్లిక్స్‌, జీ5 ఓటీటీలలో ‘ఆర్‌ఆర్‌ఆర్‌’ స్ట్రీమ్‌ అవుతుండటంతో ఫుల్‌ స్వింగ్‌లో సోషల్‌ మీడియాలో ప్రచారం చేస్తున్నారు. ఇది కూడా సినిమాకు కొత్త బజ్‌ తీసుకురావడానికి కారణంగా చెప్పొచ్చు.

నాగ చైతన్యతో విడాకుల తర్వాత సమంత జోరు పెంచింది. డైవర్స్ అవ్వగానే కొంత టైం తీసుకున్న సమంత ఇప్పుడు వరుసగా సినిమాలు చేస్తూ బిజీ గా ఉంది. ఏప్రిల్ 28న సమంత నటించిన కన్మణి రాంబో ఖతీజా అనే చిత్రం విడుదలయింది. అలాగే సమంత పాన్ ఇండియా మూవీ యశోద కూడా త్వరలో రిలీజ్ కాబోతోంది. పనిలో పని గా పాన్ ఇండియా స్టార్ గా మారేందుకు మార్గం వేసుకుంటుంది.

ఒక పక్క సౌత్ లో సినిమాలు చేస్తూనే బాలీవుడ్ లో కూడా నటించేందుకు సామ్ రెడీ అవుతోంది. దాంట్లో భాగంగానే సమంత ప్రస్తుతం ముంబైలో ఇల్లు కొని అక్కడే నివాసం ఉంటున్నట్లు తెలుస్తోంది. పైగా బాలీవుడ్ లో కూడా మంచి ఆఫర్స్ వస్తుండడంతో సమంత తన మకాం ముంబైకి మార్చిందట.

సమంత నిత్యం సోషల్ మీడియాలో ఉంటుంది. వాటి ద్వారా తనకు సంబంధినచిన విషయాలను ఎప్పటికప్పుడు అభిమానులతో పంచుకుంటుంది. సమంత తరచుగా తన ఫోటోస్, ఇంటరెస్టింగ్ వీడియోస్ షేర్ చేస్తోంది. జిమ్ వర్కౌట్స్, తన ఇంట్లో ఉన్న పెట్స్ అల్లరిని అభిమానులతో పంచుకుంటోంది. ఇదిలా ఉండగా సమంత తాజాగా ఊహించని షాక్ ఇచ్చింది.

Samantha with Preetham

తన స్టైలిస్ట్ ప్రీతమ్ జుకల్కర్ తో కలసి సామ్ డేట్ నైట్ కి వెళ్ళిన ఫోటోలను సోషల్ మీడియాలో షేర్ చేసింది. ఈ ఫోటోలలో వీరిద్దరితో పాటు సెలబ్రిటీ మేకప్ ఆర్టిస్ట్ సాధన సింగ్ కూడా ఉంది. ఈ ఫోటోలని స్వయంగా సమంత డేట్ నైట్ అంటూ కషన్ పెట్టె సరికి ఫ్యాన్స్ కి ఊహించని షాక్ గా మారింది. సమంత, ప్రీతమ్ లు బెస్ట్ ఫ్రెండ్స్. అయినప్పటికీ చైతుతో బ్రేకప్ సమయంలో ప్రీతమ్ గురించి అనేక రూమర్స్ వినిపించాయి. ఈ రూమర్స్ ని సామ్, ప్రీతమ్ ఇద్దరూ తీవ్రంగా ఖండించారు. ప్రస్తుతం సామ్ ఆ విషయాలన్నీ పక్కన పెట్టి వర్క్ పై ఫోకస్ పెడుతోంది. ఇలా సరదాగా వీరు ముగ్గురూ డేట్ నైట్ కి వెళ్లిన పిక్స్ షేర్ చేశారు. మరి ఫ్యాన్స్ ఎలా రియాక్ట్ అవుతారో చూడాలి.

ఇక సినిమాల విషయానికి వస్తే సమంత నటించిన యశోద చిత్రం ఆగష్టు 12న రిలీజ్ కి రెడీ అవుతోంది. సస్పెన్స్ థ్రిల్లర్ గా ఈ చిత్రం ప్రేక్షకులని అలరించబోతోంది. అలాగే గుణశేఖర్ దర్శకత్వంలో సామ్ ‘శాకుంతలం’ చిత్రంలో కూడా నటించింది. విజువల్ వండర్ గా రాబోతున్న ఈ పౌరాణిక చిత్రంలో సామ్ టైటిల్ రోల్ పోషిస్తోంది.