Health Adda

మనం తీసుకునే ఆహారం, జీవనశైలి బట్టి మన ఆరోగ్యం ఉంటుంది. ఆరోగ్యం బాగుండాలంటే ఫిజికల్ యాక్టివిటీ చాలా ముఖ్యం. కానీ ఈ మధ్య కాలంలో పిల్లలు వాళ్ల యొక్క సమయాన్ని స్క్రీన్ల ముందు మాత్రమే గడుపుతున్నారు. ఫిజికల్ యాక్టివిటీకి బాగా దూరం అయిపోయారు. ఫిజికల్ యాక్టివిటీ బాగుంటే ఆరోగ్యం కూడా బాగుంటుంది. అలానే మెదడు కూడా చురుగ్గా పనిచేస్తుంది. పీరియడ్స్ కూడా ఫిజికల్ యాక్టివిటీ పైన ఆధారపడి ఉంటాయని వైద్యులు అంటున్నారు. అయితే నెలసరి సమయంలో ఒక్కొక్కరు ఒక్కొక్క సమస్యలతో సతమతమవుతూ ఉంటారు. కడుపునొప్పి, క్రామ్ప్స్, వికారం ఇలా ఒక్కొక్కరిలో ఒక్కో విధంగా సమస్య వస్తుంది.

కొందరిలో అయితే బ్లీడింగ్ నాలుగు రోజులకి ఆగిపోకుండా పది రోజుల వరకు అవుతూ ఉంటుంది. పైగా విపరీతంగా కడుపు నొప్పి చాలామందిలో ఉంటుంది. అయితే ఈ రోజు నెలసరి సమయంలో ఎలాంటి జాగ్రత్తలు తీసుకోవాలి, ఏ పనులు చేయకూడదు అనేది మనం తెలుసుకుందాం.

నెలసరి సమయంలో శుభ్రత అనేది చాలా ముఖ్యం. ప్రతి ఆరు గంటలకి ఒకసారి ప్యాడ్స్ మార్చుకుంటూ ఉండాలి. అలానే వెజైనల్ ఆర్గాన్స్ ని శుభ్రంగా ఉంచుకోవాలి. అదే విధంగా నెలసరి సమయంలో ఎక్కువ ఉప్పగా ఉండే ఆహార పదార్థాలు తీసుకుంటే మంచిది కాదు. దీని వలన బ్లోటింగ్ వంటి సమస్యలు వస్తాయి. అదే విధంగా ఎక్కువ మంచి నీళ్ళు తీసుకుంటూ ఉండాలి లేదు అంటే డీహైడ్రేషన్ సమస్య వచ్చే అవకాశం ఉంటుంది.

అలానే ఒకవేళ మీ పీరియడ్స్ సమయంలో బ్లీడింగ్ చాలా తక్కువగా అవుతుంటే ఐరన్ ఎక్కువగా ఉండే ఆహార పదార్థాలను తీసుకోండి. పాలకూర వంటి ఆహారం ద్వారా మెగ్నీషియం అందుతుంది. అదే విధంగా స్పైసీ ఫుడ్ తీసుకోవడం వల్ల కూడా ఇబ్బందులు వస్తాయి. కాబట్టి డయేరియా, కడుపునొప్పి వంటివి రాకుండా ఉండాలంటే స్పైసి గా ఉంటే ఆహార పదార్థాలు తీసుకోవద్దు. కడుపు నొప్పి బాగా ఉంటే హాట్ కంప్రెసర్ లేదా హాట్ వాటర్ బాటిల్స్ ను ఉపయోగిస్తే తక్షణ రిలీఫ్ ఉంటుంది.

ధూమపానం ఆరోగ్యానికి అస్సలు మంచిది కాదు. ఈ వ్యసనం శారీరక ఆరోగ్యాన్ని మరియు మానసిక ఆరోగ్యాన్ని కూడా ప్రభావితం చేస్తుంది. అయితే ధూమపానం చేయడం మంచిది కాదని.. మానేయమని చాలా మంది సలహాలు ఇస్తూ ఉంటారు. వాళ్లు చెప్పినంత సులభం కాదు స్మోకింగ్ మానేయడం. ఒకసారి ఎవరైనా దానికి అలవాటు పడ్డాక దాని నుండి దూరంగా రావడం చాలా కష్టం అవుతుంది. అందుకనే మానేసే వారు చాలా తక్కువగా ఉంటారు.

సిగరెట్ తాగడం వల్ల క్యాన్సర్, గుండె జబ్బులు తో పాటుగా మరి కొన్ని అనారోగ్య సమస్యలు వచ్చే అవకాశం ఉంటుంది. అయితే స్మోకింగ్ మానేసిన వాళ్లలో చాలా ఇబ్బందులు వస్తాయి. ముఖ్యంగా స్మోకింగ్ మానేసిన తర్వాత బాగా బరువు పెరిగిపోతారు. అయితే ఎందుకు నిజంగా స్మోకింగ్ మానేశాక బరువు పెరిగిపోతారు…? అనే దాని గురించి ఇప్పుడు మనం చూద్దాం.

మామూలుగా సిగరెట్ కి అలవాటు పడిన వాళ్ళు ఒకసారి మానేస్తే అప్పుడు వాళ్ళ యొక్క మెదడు దానికి అంగీకరించదు. నిజంగా బరువు పెరిగిపోవడానికి ప్రధాన కారణం మెదడే. ఒకసారి నికోటిన్ మానేస్తే దాని వల్ల మెదడు అనేక అనారోగ్యకరమైన ఆహారాన్ని తినాలనే కోరికను పెంచుతుంది. ఇది బరువు పెరగడానికి కారణం అవుతుంది. పైగా సిగరెట్లలో వుండే నికోటిన్ ఎక్కువ తిననివ్వదు. ఒకసారి మానేస్తే ఆటోమేటిక్ గా ఆకలి పెరిగిపోతుంది.  దీంతో మామూలుగా కంటే ఎక్కువ తింటారు.

ఈ కారణాల వలన స్మోకింగ్ మానేసిన తర్వాత చాలా మంది బరువు పెరిగిపోతారు. అదే విధంగా సిగరెట్ మానేసిన తర్వాత జీవక్రియ మందగిస్తుంది. దీనితో తక్కువ కేలరీలని మాత్రమే కరిగించగలరు. ఒకవేళ మీరు సిగరెట్లు మానేసి బరువు పెరిగి పోకుండా ఉండాలనుకుంటే ప్రతిరోజు వ్యాయామం పద్ధతుల్ని పాటించండి. రోజులో మీరు కాస్త సమయాన్ని వ్యాయామానికి కేటాయిస్తే తప్పకుండా బరువు తగ్గడానికి అవుతుంది. అలానే ఎక్కువ ఫైబర్ ని ఆహారంలో తీసుకోవడం వల్ల కూడా బరువును మెయింటైన్ చేసుకోవచ్చు. అదే విధంగా మంచి నిద్ర కూడా ఆరోగ్యానికి చాలా మంచిది. సరిగ్గా వేళకు నిద్ర పోవడం వల్ల అనారోగ్యకరమైన ఆహార పదార్థాలు తినాలనే కోరిక తగ్గుతుంది.

ప్రస్తుతం చాలా మందిని వేధిస్తున్న సమస్య అధిక బరువు. బరువు తగ్గడం కోసం రకరకాల ప్రయత్నాలు చేస్తూ ఉంటారు. ఏవేవో డైట్ ప్లాన్స్ ను కూడా ఫాలో అవుతూ ఉంటారు. కానీ, ఇవేమి సహకరించక బరువు తగ్గలేక ఇబ్బంది పడుతూ ఉంటారు. బరువు తగ్గడానికి శరీర తత్వానికి సరిపడే వ్యాయామం చేయాలి. అందుకు తగ్గ డైట్ ను కూడా ఎంచుకోవాలి. అయితే.. ఎంత చేసినా చాలా మంది బరువు తగ్గడం లేదు అంటూ వాపోతుంటారు.

అయితే.. కేవలం డైట్ పాటించడం వల్ల మాత్రమే బరువు తగ్గుతారు అనుకుంటే పొరపాటే. దానికి తగ్గ ఎక్సర్‌సైజ్ లు కూడా చేస్తూ ఉండాలి. మన శరీరం లో ఏ బాడీ పార్ట్ లో ఎక్కువగా ఫాట్ ఉందొ చూసుకుని.. ఆ పార్ట్ లో కొవ్వు కరిగే విధంగా ఎక్సర్‌సైజ్ లు చేసినా మంచి ఫలితం ఉంటుంది. చాలా మందిని వేధించే సమస్య పొట్ట. ఎక్కువ బరువు ఉన్న వారు ముందు తమ పొట్టను తగ్గించుకోవడానికి ప్రయత్నాలు చేస్తూ ఉంటారు.

ఫ్లాట్ స్టమక్ ఉండాలి అని అందరు కోరుకుంటారు. కానీ, దానికోసం చాల కష్టమైన ఆసనాలు వేయాలని భావిస్తూ ఉంటారు. అదంతా అవసరం లేదు. కొన్ని సులువైన ఎక్సర్‌సైజ్ లు కూడా పొట్టను తగ్గిస్తాయి. ఇటీవల ఓ అమ్మాయి జపనీస్ అమ్మాయిలు చేసే టవల్ ఎక్సర్‌సైజ్ ను టిక్ టాక్ లో పోస్ట్ చేసింది. ఇది పది రోజుల్లో క్రమం తప్పకుండ చేస్తే మంచి ఫలితం చూపిస్తోందట..

దీనితో ఈ వీడియో బాగా పాపులర్ అయింది. ప్రస్తుతం ఈ వీడియో సోషల్ మీడియా లో ట్రెండ్ అవుతోంది. కేవలం ఒక టవల్, యోగ మాట్ ఉంటె చాలు ఈ ఎక్సర్‌సైజ్ ను ఎవరైనా చేసేయచ్చు. క్రమం తప్పకుండ చేస్తే మంచి ఫలితం ఉంటుందట. ఈ ఎక్సర్‌సైజ్ ఎలా చేయాలో ఈ కింద వీడియో లో చూసేయండి.

watch video:

https://in.pinterest.com/pin/741616263632146789/

స్మార్ట్ ఫోన్ లు లేని వ్యక్తులు ఇప్పుడు ఎవరు లేరు అనుకుంట. అంతలా స్మార్ట్ ఫోన్ మన నిత్య జీవితంలో భాగమైపోయింది. ఎక్కడకు వెళ్లినా, ఏ పని చేస్తున్నా చేతిలో ఫోన్ మాత్రం ఉండాల్సిందే. చివరకు భోజనం చేస్తున్న టైంలో కూడా చాలా మంది ఫోన్ చూస్తూనే భోజనం చేస్తూ ఉంటారు. ఇక వాష్ రూమ్ కు వెళ్తూ ఫోన్ ను తీసుకుని వెళ్లేవారి సంగతి సరే సరి.

అయితే.. టాయిలెట్ కి వెళ్తూ ఫోన్ ను తీసుకెళ్లడం వలన చాలా ఇబ్బందులు ఎదురవుతాయట. అవేంటో ఇప్పుడు ఓ లుక్ వేద్దాం.

బాక్టీరియా, వైరస్ లు:
మనం ఫోన్ ను బాత్ రూమ్ లోకి తీసుకెళ్లి.. తిరిగి బయటకు వచ్చేటప్పుడు ఫోన్ ని మాత్రం వాష్ చేయలేము. దాని వలన ఫోన్ కు అంటుకుని ఉన్న సూక్ష్మ జీవులు మనకు ఇబ్బందులను కలిగిస్తాయి.

వ్యాధి:
సాధారణం గా ఫోన్ తీసుకెళ్లకుండా వాష్ రూమ్ వెళ్ళినప్పుడు, ఫోన్ తీసుకుని వాష్ రూమ్ కి వెళ్ళినప్పుడు ఒక తేడా ఉంటుంది. ఫోన్ తీసుకెళ్లినప్పుడు మనం అవసరమైన సమయం కంటే ఎక్కువ సేపు వాష్ రూమ్ లోనే గడుపుతాము. ఫలితంగా, పురుష నాళంపైన ఎక్కువ ఒత్తిడి పడుతుంది. దీని వలన మూల శంఖ వ్యాధి వచ్చే అవకాశం ఉంటుంది.

ఇతర సమస్యలు:
ఈ పురుష నాళంపై పడే ఎక్కువ ఒత్తిడి కారణంగా ఇతర జీర్ణశయాంతర సమస్యలు వస్తుంటాయి. ఒకవేళ ఆ సమస్యలు ఇది వరకే వచ్చి ఉంటె.. మరింత ఎక్కువ అయ్యే అవకాశం ఉంటుంది.

టైం వేస్ట్:
స్మార్ట్ ఫోన్ కారణంగా మీరు ఎక్కువ సేపు గడుపుతుంటారు. మీకు తెలియకుండానే మీరు మీ సమయాన్ని వృధా చేసుకుంటారు. చివరకు అదొక వ్యసనంగా తయారవుతుంది.

చివరగా.. చాలా మంది ఫోన్ ను పాడుచేసుకునేది టాయిలెట్ లోనే. పది నిమిషాల భాగ్యం కోసం.. బంగారం లాంటి ఫోన్ ను పాడు చేసుకోవడం ఎంత వరకు కరెక్ట్..? అన్నది అందరు ఆలోచించాల్సిన విషయం.

అమ్మాయిలకు పీరియడ్స్ గురించి ఇప్పటికే ఓ అవగాహన ఉండి ఉంటుంది. ఆ సమయంలో అమ్మాయిలకు రక్తస్రావం అయ్యి ఇబ్బందిగా ఉంటుంది. కనీసం యాభై నుంచి రెండొందల మిల్లీలీటర్ల వరకు రక్తస్రావం అవుతూ ఉంటుంది. పీరియడ్స్ సమయంలో గర్భాశయ గోడలకు ఆనుకుని ఉండే ఎండోమెట్రియం పొర మందం గా పెరిగి గర్భధారణ కు అనుకూలం గా ఉంటుంది.

నెల మధ్యలో విడుదల అయ్యే అండం ఫలదీకరణం చెందితే గర్భం దాలుస్తారు. అలా జరగని పక్షంలో.. ఈ అండంతో పాటు ఎండోమెట్రియం పొర కూడా వ్యర్ధ పదార్ధంగా బయటకు వచ్చేస్తుంది. ఈ వ్యర్ధాలన్నీ రక్తంలో కలిసి బయటకు వచ్చేస్తాయి. ఆ సమయాన్నే మనం రుతుస్రావం అంటుంటాం. ఆ రుతుస్రావం సమయంలో చాలా మంది అమ్మాయిలకు పొత్తి కడుపు వద్ద నొప్పి వస్తూ ఉంటుంది. అయితే.. ఇలా రావడం మంచిదే అని వైద్యులు అంటున్నారు.

దాదాపు 70 నుంచి 80 శాతం మంది మహిళల్లో పీరియడ్స్ సమయంలో పెయిన్స్ వస్తుంటాయట. అయితే.. కొందరు మహిళలలో ఈ నొప్పి తాలూకు లక్షణాలు వేరుగా ఉండే అవకాశం ఉంది. చాలా మంది పీరియడ్స్ టైంలో నొప్పి వస్తే మంచిది కాదు అనే అభిప్రాయంలో ఉంటారు. కానీ తేలికపాటి లేదా కొంచం మితంగా వచ్చే నొప్పులు మేలు చేస్తాయని చెబుతున్నారు.

ఇలా నొప్పి వస్తే.. గర్భాశయం, అండాశయం ఆరోగ్యంగా ఉన్నాయని చెప్పడానికి సంకేతమని అన్నారు. కాబట్టి పీరియడ్స్ టైంలో నొప్పి వస్తే కంగారు పడాల్సిన అవసరం లేదు. ఈ నొప్పి మంచిదేనని సంతోషించాలంటున్నారు. పీరియడ్స్ సమయంలో పుల్లటి ఆహారపదార్ధాలు తీసుకోకూడదని చెప్తుంటారని.. కానీ దీనికి శాస్త్రీయమైన కారణమేమి లేదని వైద్యులు అంటున్నారు. మితంగా నొప్పి కలగడం వల్ల పెద్ద సమస్య ఏమి ఉండదని చెబుతున్నారు. కానీ, నొప్పి విపరీతం అవుతున్నా.. ఇంకేమైనా ఇతర లక్షణాలు కనిపిస్తున్నా వైద్యుడిని సంప్రదించడమే ఉత్తమం.

చాలా మందికి నాన్ వెజ్ ఫుడ్ అనేది ఫేవరెట్ ఫుడ్. ముక్క లేనిదే చాలా మందికి ముద్ద దిగదు. మీరు కూడా ఆ కోవకే చెంది ఉంటె.. ఈ విషయం తప్పకుండ తెలుసుకోవాలి. రోజు చికెన్ తినేవారిలో ఉష్ణోగ్రత పెరిగి రకరకాల మార్పులు వస్తుంటాయట. మనం తీసుకునే ఆహరం లో 36 శాతం కంటే ఎక్కువ ప్రోటీన్లు ఉండకూడదట. ఒకవేళ అలా ఎక్కువ అయితే ఆ ప్రోటీన్లు కొవ్వు గా మారతాయి. దీనివల్ల అధికంగా బరువు పెరిగే అవకాశం ఉంటుంది.

దీనివల్ల గుండె సంబంధిత జబ్బులు వస్తాయి. చికెన్ సరిగ్గా ఉడకకపోతే అందులో ఉండే సాల్మొనెల్లా అనే బాక్టీరియా వైరస్ ల కంటే ఎక్కువ ప్రమాదాన్ని కలుగచేస్తుంది. కోళ్లు బలం గా పెరగడానికి ఫారం లో పెంచే వారు యాంటిబయాటిక్ ఇంజెక్షన్లు ఇస్తూ ఉంటారు. అటువంటి ఆహరం మనం తీసుకోవడం వలన లేని పోనీ ఇబ్బందులు వచ్చే అవకాశం ఉంది.

పండ్ల రకాల్లో అరటిపండుది ప్రత్యేక స్థానం. అరటిపండంటే నచ్చని వారు చాలా అరుదు. సాదరంగా చాలా మంది భోజనం చేసిన తరువాత, బ్రేక్ఫాస్ట్ అయ్యాక తింటూ ఉంటారు. నిమిషాల్లో ఎనర్జీ ని ఇచ్చేయడం, ఎక్కువ పోషకాలను కలిగి ఉండడం అరటిపండు ప్రత్యేకత. అయితే రోజుకు ఓ అరటిపండు తప్పనిసరి గా తింటూ ఉండాలి. అరటిపండు మహిళలకు ఎంతగానో ఉపయోగపడుతుందట.

ప్రతి అమ్మాయి రోజుకు కనీసం ఒక్క అరటిపండును అయినా తినాలట. దేశం లో దాదాపు ఎనభై శాతం మంది మహిళలు రక్త హీనతతో బాధపడుతున్నారని అంచనా. శరీరం లో ఐరన్ కొరత కారణం గా రక్తహీనత ఏర్పడుతుంది. అటువంటి వారు రోజుకో అరటిపండు తినడం ద్వారా రక్తహీనత నుంచి బయటపడచ్చట. అలాగే అరటిపండు శరీరం లోని చెడు కొలెస్టరాల్ ను నియంత్రిస్తుంది. కొవ్వు పెరగకుండా చేసి గుండెను రక్షిస్తుంది. అలాగే ఎముకలను కూడా బలపరుస్తుంది. కాల్షియం లోపం వల్ల వచ్చే ఇబ్బందులను రోజుకో అరటిపండు తినడం ద్వారా ఎదుర్కోవచ్చు. మానసిక ఒత్తిడి కి గురి అవుతున్నవారికి కూడా ఇది ఎంతో మేలు చేస్తుంది. డిప్రెషన్ ను నివారిస్తుంది. అరటిపండు లో ఫైబర్ ఎక్కువ గా ఉంటుంది. ఇది జీర్ణాశయ వ్యవస్థ సక్రమం గా పని చేసేలా చేస్తుంది.

ప్రస్తుతం చాలా మందిని వేధిస్తున్న సమస్య అధిక బరువు. బరువు తగ్గడం కోసం రకరకాల ప్రయత్నాలు చేస్తూ ఉంటారు. ఏవేవో డైట్ ప్లాన్స్ ను కూడా ఫాలో అవుతూ ఉంటారు. కానీ, ఇవేమి సహకరించక బరువు తగ్గలేక ఇబ్బంది పడుతూ ఉంటారు. బరువు తగ్గడానికి శరీర తత్వానికి సరిపడే వ్యాయామం చేయాలి. అందుకు తగ్గ డైట్ ను కూడా ఎంచుకోవాలి.

ఈ రెండింటితో పాటు చిన్న చిన్న చిట్కాలను కూడా పాటిస్తే.. బరువు తగ్గడం పెద్ద కష్టమేమి కాదు. సోంపు అందుకు దోహదం చేస్తుంది. ఇందులో ఉండే ఫైబర్, పోషకాలు కొవ్వు కరిగించడం లో ఎంతగానో శరీరానికి సాయం చేస్తాయి. రోజు ఉదయాన్నే ఒక గ్లాస్ సోంపు నానబెట్టిన నీటిని తీసుకుంటే.. కడుపు నిండిపోయిన భావన వస్తుంది. తద్వారా భోజనం మితం గా తీసుకుంటారు. ఈ నీరు ఉదయాన్నే తాగడం వలన జీవక్రియ పెరిగి మలబద్ధకం సమస్య మాయమవుతుంది. అలాగే భోజనం చేయగానే.. సోంపు తీసుకోవడం వలన మీరు తీసుకున్న ఆహరం త్వరగా జీర్ణమవుతుంది.