Human angle

సాయంత్రం 6 గంటలకు నేను మా ఇంటి దగ్గరలోని ఒక కూరగాయల షాపుకు వెళ్ళాను. నాకు కావలసిన కూరలు తీసుకుంటుండగా, షుమారు 60 సంవత్సరాల వయసున్న ఒక వ్యక్తి వచ్చి దాదాపు 50 కట్టల పాలకూర తీసుకున్నాడు. అది గమనించిన ఆ షాపు లోని ఆవిడ ఎవరు బాబు నువ్వు, ఇన్ని కట్టలు తీసుకుంటున్నావేంటి అని అడిగింది.

అమ్మా ! నేను ఇక్కడ దగ్గరలో కూలి పని చేసుకునే కార్మికుడ్ని అన్నాడు. ఏ ఊరు మీది అని అడిగింది, కర్ణాటక లోని శివమోగ్గ దగ్గర ఒక చిన్న పల్లెటూరు అన్నాడతను. మీరెంత మంది ఉన్నారు అని అడిగింది, ౩౦౦ మంది ఉన్నాము అన్నాడు. నీకు ఇంకేవైనా కూరలు కావాలా అని అడిగింది ఆవిడ, ఇవి చాలమ్మా, ఇంతకంటే కొనడానికి నా దగ్గర డబ్బు కూడా లేదు అన్నాడు.

చూడు బాబు, మీకు ఏ కూరలు కావాలన్నా తీసుకెళ్ళండి, డబ్బు అక్కర్లేదు, lockdown అయిపోయిన తరువాత అయినా సరే వచ్చి మీకు కావలసినవి తీసుకెళ్ళండి అన్నది ఆవిడ. ఇదంతా గమనిస్తున్న నాకు కళ్ళు చెమ్మగిల్లాయి. ఎంత ఉదార్త హృదయం ఈవిడది అనిపించింది. ఇంతలో మరొక పెద్దావిడ వచ్చింది, ఏం అవ్వా ఎలా ఉన్నావు, మందులు వేసుకున్నావా, అని పలకరించింది ఈవిడ. వేసుకున్నాను తల్లీ, ఇప్పుడు బాగుంది అని చెప్పింది.

ఆ ముసలావిడ కొన్ని కూరలు తీసుకుని, వెళ్ళొస్తాను అనింది, జాగ్రత్త, మరో రెండు రోజులు బయట తిరగకు, మందులేసుకో, అంటూ 100 రూపాయలు ఇచ్చింది ఆ షాప్ ఆవిడ. చాలా సంతోషంగా అనిపించింది నాకు, మీరు నిజంగా చాలా మంచి సేవ చేస్తున్నారు తల్లీ అని చేతులెత్తి దండం పెట్టాను. అయ్యో అలా అనకండి సర్, దేవుడు మనకిచ్చిన దానిలోనే చేతనైన సహాయం చేయడం మన కనీస బాధ్యత అని చెప్పింది.

అమ్మా మీ ఫోటో తీసుకోవచ్చా అని అడిగితే మొదట కాస్త తటపటాయిస్తూనే ఇవేవీ పేరు కోసమో, గొప్ప కోసమో చేసేవి కాదు సర్, నేను అంత గొప్ప దాన్ని కూడా కాదు అని బదులు చెప్పింది. అమ్మా మీ స్వభావం నాకు అర్ధమయ్యింది, కేవలం రెండు అరటి పళ్ళు పంచేసి ఫోటోలు తీసుకుంటూ, అందరికీ చెప్పుకునే మనుషులున్న సమాజంలో మీలాంటి వారు ఎందరికో ఆదర్శనీయులు అన్నాను. ఆవిడ సరే సర్ అని సిగ్గుగానే ఫోటో తీసుకోవడానికి అంగీకరించారు.

ఈ ఫోటోలో ఉన్నది ఆ మాతృమూర్తి, ఈవిడ బెంగళూరు లోని రాజాజీ నగర్ లో ఉంటారట, ఈ తల్లి పేరు మమత, పేరుకు తగ్గట్టు గానే మమతను ఆప్యాయతను పంచుతోంది , పేదల ఆకలి తీర్చడానికి తనవంతు సహాయ సహకారాలు అందిస్తున్న అన్నపూర్ణా స్వరూపిణి . ” దైవం మానుష రూపేణ ” అన్న మహా వాక్యానికి నిలువెత్తు నిదర్శనం ఇటువంటి మహాత్ములే .వాట్సాప్ లో వచ్చిన ఇంగ్లీష్ మెసేజ్ తెలుగులోకి అనువదించాను .

source: whatsapp forward message

ఊరికి వెళ్లడానికి ఎటువంటి రవాణా సదుపాయం లేకపోయినా కాలినడకన, ఖాళీ కడుపులతో ఊరికి చేరిన వలస కూలీలెందరో.. కొందరు మధ్యలోనే ఆగిపోయారు..కాదు ప్రభుత్వాలే ఎక్కడివాళ్లనక్కడ ఆపేశారు..ఎందుకంటే వైరస్ కి మనిషే ప్రధాన వాహకం..అలా మధ్యలోనే ఆగిపోయిన వారికి స్కూళ్లు, ఫంక్షన్ హాల్లే వసతిగా మారాయి..రాష్ట్ర ప్రభుత్వాలే వారికి ఆహార, వసతి కల్పించాయి. అలా ఆగిపోయిన వాళ్లది ఒక్కోక్కరిది ఒక్కో కథ అయితే రాజస్థాన్ లోని వలస కార్మికులది మరో కథ..వాళ్లేం చేసారో తెలిస్తే మెచ్చుకోకుండా ఉండలేం..

ఉత్తర ప్రదేశ్, మధ్య ప్రదేశ్, బిహార్ రాష్ట్రాలకు చెందిన వలస కూలీలు లాక్‌డౌన్ కారణంగా రాజస్థాన్‌ నుంచి సొంతూళ్లకు బయల్దేరారు. కానీ సికార్‌లో వారిని ఆపేశారు అధికారులు, వారందరిని ఓ స్కూల్లో క్వారంటైన్లో ఉంచారు. పనిచేయడం అలవాటైన మనుషులకు ఖాళీగా కూర్చోమంటే కూర్చోలేకపోయారు. ఒకట్రెండు రోజులు గడిచాయి..మూడోరోజు ఆ ఊరి సర్పంచ్ ని పిలిచి వాళ్లేం పని చేయాలనుకుంటున్నారో చెప్పారు..ఇంతకీ వాళ్లు చేయాలనుకున్న పనేంటంటి ఆ స్కూల్ కి పెయింట్స్ వేయాలని అనుకున్నారు. అదే విషయం సర్పంచ్ కి చెప్పారు.

వాళ్లకి బస చేయడానికి ఇచ్చిన స్కూల్ గోడలు పాతబడినట్టుగా గమనించిన వాళ్లు, ఆ గోడలకు పెయింట్ వేస్తామని చెప్పడంతో సర్పంచ్, ఆ గ్రామస్తులు పెయింట్స్ , బ్రష్ లు వారికి సమకూర్చారు. దాంతో మన వాళ్లు ఆ స్కూల్ రూపు రేఖలు మార్చేశారు. దాదాపు తొమ్మిదేళ్లుగా పెయింటింగ్స్ కి నోచుకోని ఆ స్కూల్ ఇప్పుడు ఆ కూలిల పుణ్యమాని  కొత్తదానిలా మెరిసిపోతుంది.

వాళ్లు చేసిన పనికి ఆ గ్రామ సర్పంచ్, గ్రామస్థులు వారికి డబ్బులివ్వబోతే, మాకు ఇన్నాళ్ళూ ఉచితంగా భోజనాలు పెట్టారు. అందుకుగాను మేమూ ఏదో ఒకటి చేయాలనుకున్నాము. పాఠశాల భవనానికి పెయింట్ వేసే అవకాశం లభించింది. మాకు డబ్బులివ్వాల్సిన అవసరం లేదు.అయినా మీరు ఏమైనా ఇవ్వదలచుకుంటే మీ ఊరి ఈ పాఠశాలకే ఇవ్వండి అని , డబ్బును నిరాకరించి వారి పెద్ద మనసు చాటుకున్నరు..

లాక్ డౌన్ కారణంగా ప్రజలు చాలా ఇబ్బందులు ఎదుర్కొంటున్నారు . మరీ ముఖ్యంగా గర్భిణులకు ఇది ఒక రకంగా కష్టకాలమే . మంత్లీ చెకప్ కి వెళ్లడానికి ఇబ్బంది, నెలలు నిండుతూ ప్రసవానికి దగ్గర పడుతుంటే ఒకవైపు డెలివరి గురించి టెన్షన్, మరోవైపు పరిస్థితి ఎలా ఉంటుందో అనే మరో ఇబ్బంది.. ఇలాంటి ఇబ్బందినే ఎదుర్కొంది బెంగుళూర్లో ఒక జంట.. ప్రసవం కోసం ఏడు కిమీ లు నడిచిన ఉపయోగం లేకపోయింది. చివరికి డెంటల్ హాస్పిటల్లో డెలివరి అయింది.

నార్త్ బెంగళూరుకి చెందిన ఒక కార్మికుడు తన భార్య కు నెలలు నిండట తో ప్రసవం చేయించడానికి హాస్పిటల్ కోసం తిరిగాడు.సుమారు ఏడు కిలోమీటర్లు నడిచాడు. ఎక్కడ ఏ హాస్పిటల్ తెరచిలేదు.ఒకవైపు భార్యకు నొప్పులు ఎక్కువ కావడంతో దగ్గరలోని   ఓ డెంటల్ హాస్పిటల్ కి వెళ్లి తన భార్యకి డెలివరి చేయాల్సిందిగా అక్కడ డాక్టర్స్ ని అడిగాడు.ముందు డెలివరి చేయడానికి నిరాకరించిన, గర్భిణి పరిస్థితి గమనించిన అక్కడి మహిళాడాక్టరులు ప్రసవం చేయడానికి అంగీకరించారు.

అప్పటికే ఆమె  పరిస్థితి విషమం గా ఉండడంతో, చేసేదేం లేక ప్రసవం చేయడానికి ప్రయత్నించారు డాక్టర్లు. మొత్తానికి డెలివరి చేసి బిడ్డను బయటకి తీసారు. కాని పాపలో ఎటువంటి చలనం లేదు. దాంతో చనిపోయిందనే నిర్దారణకి వచ్చారు. కనీసం తల్లినైన రక్షించాలని అనుకున్నారు.అప్పటికే తల్లికి తీవ్ర రక్తస్రావం అయి ఉండడంతో ఆమెకి ట్రీట్మెంట్ ఇస్తుంటే ..హఠాత్తుగా పాపలో చలనం వచ్చింది. దాంతో వారి ఆనందానికి అవధులు లేకుండాపోయాయి.

“ఆమె పరిస్థితి చూసి డెలివరి చేయాల్సి వచ్చింది. కానీ మొదట పాపలో కదలిక లేకపోయేసరికి కొంచెం బాధ కలిగింది . పాప చనిపోయిందనుకున్నాం, కాని కాసేపటికి పాపలో కదలిక చూసేసరికి చాలా సంతోషం అనిపించింది” అని డెలివరి చేసిన డాక్టర్  రమ్య అన్నారు. తర్వాత ఇద్దరినీ బెంగళూరు ప్రభుత్వాసుపత్రి కి తరలించారు. ప్రస్తుతం తల్లి , బిడ్డ ఇద్దరూ క్షేమంగా ఉన్నారు.

ఒకవైపు కరోనా గురించి భయంగా ఉన్నా, మరోవైపు  మనుషుల్లో మంచితనం, మానవత్వం చనిపోలేదని అడుగడుగునా నిరూపితమవుతుంటే మనసంతా సంతోషంతో నిండిపోతోంది. ముఖ్యంగా పోలీసులంటే ప్రజలకు ఉన్న భయం, ఖాకీలు అంటే కసాయి వాళ్లే అనే ఆలోచన మారిపోతున్నాయి..ఇప్పుడు ఇదంతా ఎందుకు అంటే డిజిపి సవాంగ్ వీడియో కాన్ఫరెన్స్లో ఒక అమ్మకు సెల్యూట్ చేయడం వైరల్ గా మారింది..ఇంతకీ ఆ అమ్మ ఎవరూ? డిజిపి ఎందుకు సెల్యూట్ చేశారు?

లాక్ డౌన్ నేపధ్యంలో ప్రజల బాగు కోసం పోలీసులు అహర్నిశలు కష్టపడుతున్నారు. పోలీసుల కష్టం చూసి చలించిపోతూ ఎవరికి వారే వారికి తోచిన సాయం చేస్తున్నారు. అలాగే  లోకమణి అనే అమ్మ, ఒకరోజు తనకొచ్చే జీతం డబ్బులు తెచ్చుకోవడానికి వెళ్తూ, వచ్చేటప్పుడు పోలీసులకి రెండు కూల్ డ్రింక్ బాటిల్లు తీసుకొచ్చి, తాగండి బాబూ, మాకోసం కష్టపడుతున్నారు కదా అని ఇచ్చింది.. అమ్మా , మాకొద్దు ఇంటికి తీస్కెల్లండి అంటూ తను తెచ్చిన కూల్ డ్రింక్ బాటిల్స్ కి మరో రెండు బాటిల్స్ ఇచ్చి పంపించారు.

నిజానికి ఆ అమ్మ జీతం మూడువేల రూపాయలు, స్కూల్లో ఆయాగా పనిచేస్తుంది. మనసుంటే మార్గం ఉంటుంది . సాయం చేయడానికి మన దగ్గర వేలకు వేలు డబ్బుండక్కర్లేదు .చేయాలనే ఆలోచన ఉంటే చాలు అని నిరూపించింది. ఈ వీడియో సోషల్ మీడియాలో వైరలైంది. ఈ వీడియో చూసిన ఆంధ్రప్రదేశ్ డిజిపి గౌతమ్ సవాంగ్ . ఆమె ఎవరో తెలుసుకుని ఆమెతో వీడియో కాన్ఫరెన్స్లో మాట్లాడి తనకు సెల్యూట్ చేసి తద్వారా కృతజ్ణతలు తెలిపారు.

సోషల్ మీడియాలో వచ్చే ప్రతి వీడియోని ఒకే గాటన కట్టేయలేం..కొన్ని మనల్ని నవ్విస్తే, కొన్ని చిరాకు తెప్పిస్తాయి..కొన్ని మన మనసు పొరల్ని తడిమి కంటి తడి పెట్టిస్తాయి . పోలీసుల కష్టాన్ని చూసి చలించిపోయిన ఆ అమ్మ, ఆ అమ్మ ప్రేమకి మురిసిపోయిన పోలీసులు.. ఆ అమ్మ ఎవరో తెలుసుకుని మరీ తనకు సెల్యూట్ చేసిన డిజిపి.. నిజంగా ఎవరికి వారే ప్రత్యేకం…ఆ అమ్మకి, డిజిపికి  మా తెలుగు అడ్డా తరపున సెల్యూట్..

watch video:

కరోనా టెస్టింగ్ కిట్ మేడిన్ ఇండియా.. విదేశాల నుండి దిగుమతి అయిన కరోనాతో పాటు కరోనాని టెస్ట్ చేసే టెస్టింగ్ కిట్ ని కూడా విదేశాల నుండే దిగుమతి చేసుకోవాల్సి వచ్చింది. కానీ ఖర్చు అధికం, ఇక్కడ టెస్టు చేయాల్సి కేసులు సంఖ్య పెరిగిపోతోంది . ఇదే కొసాగితే పరిస్థితి మరీ విషమించేలా ఉంది . దాంతో మనమే సొంతంగా ఒక కిట్ తయారు చేస్కోవాలని నిర్ణయించారు. ఆ కిట్ తయారు చేసింది ఎవరో కాదు ఒక మహిళ… పేరు మినాల్ దాఖవే భోస్లే..

మహిళ అని ఎందుకు అంత నొక్కి చెప్తున్నానంటే మన దేశంలో మహిళల పట్ల ఎంత చిన్నచూపో అందరికి తెలిసిందే , వాళ్లకి చదువులెందుకు , ఉద్యోగాలెందుకు అని అన్నీ అడ్డంకులే . కాని ఇప్పుడు  ప్రపంచం మొత్తం వణికిపోతున్న కరోనా టెస్టింగ్ కిట్ కనుగొని గర్వకారంగా నిలవడమే కాదు అలాంటి వాళ్ల నోళ్లు మూయించేలా చేశారు పూణె కి చెందిన మినాల్ దాఖవే భోస్లే .

పూణె లోని మై ల్యాబ్ డిస్కవరి సంస్థ కరోనా కిట్ తయారు చేయడానికి అనుమతి పొందింది. ఈ కిట్ తయారి వైరాలజిస్ట్ మినాల్ దాఖవే బోస్లే ఆధ్వర్యంలో జరిగింది. మరో నెల రోజుల్లో మినాల్ డెలివరి అనగా మన దగ్గర కరోనా కలవరం స్టార్టయింది. నాకెందుకులే నా ఆరోగ్యం ముఖ్యం,  నా కడుపులో బిడ్డ ముఖ్యం అని అనుకోలేదు మినాల్ . సరిగ్గా తన ప్రసవానికి ముందు రోజు కిట్ తయారి పూర్తైంది. తర్వాత డెలివరిలో తను పండంటి బిడ్డకు జన్మనిచ్చారు మినాల్.

కరోనా కిట్ తయారు చేయడానికి మై ల్యాబ్ డిస్కవర సంస్థ అనుమతి పొందగానే పనిలోకి దిగిపోయింది. ఆరు వారాలు శ్రమించి కరోనా కిట్ తయారు చేసి దేశానికి అందించింది. ఇది చవకైనదే కాదు మనకు చాలాతొందరగా రిజల్ట్ ను కూడా అందిస్తుంది.ఇప్పటివరకు మనం దిగుమతి చేసుకుంటున్న కిట్ ధర 4500రూ. అయితే మినాల్ టీం తయారు చేసిన కిట్ రేటు 1200రూ మాత్రమే .సగానికి సగం తక్కువ. రిపోర్ట్ రిజల్ట్ టైం ఇంపోర్టెడ్ కిట్ కి ఏడు గంటలు పడితే, మేడిన్ ఇండియా కిట్ రెండున్నర గంటల్లో రిజల్ట్ వచ్చేస్తుంది.

ఇప్పటివరకు 19 కిట్లను అందించింది ఈ సంస్థ. మరో రెండు మూడు రోజుల్లోనే 150కిట్ల వరకు వివివధ రాష్ట్రాలకు పంపిస్తామని , తర్వాత వెంటనే సెకండ్ బ్యాచ్ కిట్ల తయారి స్టార్ట్ చేస్తామని చెప్పుకొచ్చింది.దీని వలన చాలా తక్కువ టైంలోనే ఎక్కువ మందికి టెస్టులు చేయడానికి వీలవుతుంది .  కరోనా టెస్టులు చేయడం కష్టంగా మారేది .ఇకపై ఈ కిట్ల సాయంతో చాలా తక్కువ సమయంలోనే కరోనా వైరస్ సోకిన వారిని గుర్తించడం సులువవుతుంది. థాంక్యూ మినాల్ దాఖవే .. కంగ్రాట్స్ టు బ్లెస్డ్ విత్ బేబీ గర్ల్ లైక్ యూ…

దేశానికి సేవ చేసే అవకాశం నాకు ఈ విధంగా దక్కింది, అందుకే నా వంతుగా కృషి చేసా. మొత్తం పదిమందిమి ఈ ప్రాజెక్ట్ ని ఆరువారాల్లో పూర్తి చేసాం. మీ వంతుగా మీరు దేశానికి సేవ చేయాలనుంటే జాగ్రత్తలు పాటించండి, వైరస్ వ్యాప్తి చేయకుండా చూడండి అని అన్నారు మినాల్.

అగ్రరాజ్యం చైనా  కరోనా కాటునుండి ఇప్పుడిప్పుడే కోలుకుంటుంది. మరో అగ్రదేశం అమెరికాలో కరోనా కేసులు ఆరులక్షలు దాటాయి. మృతుల సంఖ్య పాతికవేలు దాటింది .  ఇటలీ, స్పెయిన్,జర్మనీ , ప్రాన్స్, యుకె తదితర దేశాలు కరోనా థాటికి అతలాకుతలం అవుతున్నాయి. ఇతర దేశాలతో పోలిస్తే మన దేశంలో కరోనా కొంచెం కంట్రోల్లో ఉంది.అయితే మన దేశంలో కరోనాని కట్టడి చేయడం లో ముఖ్య పాత్ర పోషించింది ముగ్గురు మహిళలు. వారెవరు? ఏం చేశారు? చదవండి.

గత రెండు నెలల నుండి కుటుంబాలను కలవకుండా ఆఫీసులోనే నివాసం ఉంటూ, ప్రతి క్షణం దేశాన్ని,దేశ ప్రజలను కరోనా నుండి ఎలా కాపాడాలి అనే ప్రయత్నంలో తలమునకలై పనిచేస్తున్నారు ప్రీతి సుడాన్, నివేదిత గుప్త, రేణు స్వరూప్.

ప్రీతి సుడాన్

ఆంధ్రప్రదేశ్ క్యాడర్ కు చెందిన ఈ IAS ఆఫీసర్ లండన్ స్కూల్ ఆఫ్ ఎకనామిక్స్ నుండి పీజీ చేసి వరల్డ్ బాంక్ లో కూడా పని చేశారు. ప్రస్తుతం హెల్త్ సెక్రటరిగా పని చేస్తున్న ప్రీతి సుడాన్  కరోనాపై యుద్ధంచేస్తూ ప్రశంసలు పొందుతున్నారు. చైనా లోని వూహాన్ నుండి 645 మంది భారతీయులను స్వదేశానికి తీసుకురావడంలో కీలక భూమిక పోషించారు.

డాక్టర్ నివేదిత గుప్త

డా.నివేదిత గుప్త మాలిక్యులర్ మెడిసిన్ లో పీహెచ్‌డీ చేసి ఇండియన్ కౌన్సిల్ ఆఫ్ మెడికల్ రీసెర్చ్ (ICMR) లో కీలక బాధ్యతలు నిర్వహిస్తున్నారు. గతంలో కూడా డెంగ్యూ, చికెన్ గున్యా, సార్స్, నిఫా వైరస్ లను ఎదుర్కోవడంలో కృషి చేశారు. అప్పుడు ఆమె కృషిని గుర్తించిన ప్రపంచ దేశాలు ప్రశంసించాయి.. ఇప్పుడు కరోనా యుద్ధంలో పరీక్షా పద్ధతులు, గైడ్ లైన్స్ రూపొందించడమే కాకుండా దేశ వ్యాప్తంగా 182 లేబరేటరీలను కొద్ది రోజుల వ్యవధిలో నిర్మించారు. వీటికి అవసరమైన పరికరాలు, ముడి పదార్ధాలు, టెక్నీషియన్ల శిక్షణ మొదలైన వాటిని స్వయంగా పర్యవేక్షిస్తున్నారు.

డాక్టర్ రేణు స్వరూప్

జెనెటిక్స్, ప్లాంట్ బ్రీడింగ్ లో పీహెచ్‌డీ చేసారు రేణు స్వరూప్ .ప్రపంచ ప్రసిద్ధ శాస్త్రవేత్తల్లో ఒకరు. నరేంద్ర మోడీ గారి శాస్త్ర సలహాదారుల కమిటీలో ఉండి సేవలందిస్తున్నారు. కరోనా పై యుద్ధంలో దేశవ్యాప్త పరిశోధనా సంస్థలు, పరిశ్రమలను సమన్వయం చేస్తూ మందులను, వాక్సిన్ ను తయారుచేయడంలో తలమునకలై ఉన్నారు. ఈమె రూపొందించిన బయో టెక్నాలజీ విజన్ డాక్యుమెంట్లు  ఎన్నో ప్రశంసలు పొందాయి.

వీరే కాకుండా ఆంధ్రప్రదేశ్ కు చెందిన మరో ఇద్దరు అధికారులు అత్యంత కీలక పాత్ర పోషిస్తున్నారు. వారిలో మొదటి వ్యక్తి లవ్ అగర్వాల్. ఐఐటి ఢిల్లీలో మెకానికల్ ఇంజనీరింగ్ చదివి,తర్వాత ఐఏఎస్ సాధించిన ఈ 48 ఏళ్ల యోగా నిపుణుడు విశాఖ జిల్లా కలెక్టర్ గా,  ఆంధ్రప్రదేశ్ హెల్త్ కమీషనర్ గా పనిచేశారు. ఇప్పుడు ఢిల్లీలో జాయింట్ సెక్రటరీగా పనిచేస్తు ప్రతి రోజు ప్రెస్ బ్రీఫింగ్ చేయడమే కాదు, అనేక విభిన్న ప్రయోగాలతో ప్రపంచదేశాలకు ఆదర్శమవుతున్నారు. మొబైల్ ఫోన్ల కరోనా కాలర్ ట్యూన్, కంటైన్మెంట్ స్ట్రాటజీ, సోషల్ డిస్టెన్సింగ్ నార్మ్స్, క్లస్టర్ ఔట్ బ్రేక్ స్ట్రాటజీలు లవ్ అగర్వాల్  రూపొందించినవే.

రెండో వ్యక్తి డాక్టర్ జితేంద్ శర్మ. సత్య సాయి బాబాకు అత్యంత విశ్వాసపాత్రుడు, పుట్టపర్తి సూపర్ స్పెషాలిటీ హాస్పిటల్ డైరెక్టర్ గా పని చేసిన ఈయన , తర్వాత ఏపీ మెడ్ టెక్ ఎం.డీ గా, కలాం ఇన్స్టిట్యూట్ ఆఫ్ హెల్త్ కేర్ టెక్నాలజీ అధిపతిగా  నియమించబడ్డారు.  కేవలం యాభై నిముషాలలో కరోనాను నిర్ధారించేలా రాపిడ్ టెస్ట్ కిట్స్ ను తయారుచేయించడంలో కీలకపాత్ర పోషిస్తున్నారు..