Mythology

శ్రావణ మాసం అనగానే ముందు గుర్తొచ్చే స్త్రీలు పాటించే నోములు, పూజలే. మహాలక్ష్మి దేవి కి అత్యంత ప్రీతిపాత్రమైన ఈ మాసం లో వారు తమ సౌభాగ్యం కోసం నోములు, వ్రతాలూ చేసుకుంటూ ఉంటారు. అయితే.. ఈ మాసం శివుడికి, నారాయణుడికి కూడా అత్యంత ప్రీతికరమైన మాసమంతా. ఈ మాసం గురించి మరిన్ని విశేషమైన విషయాలను ఇప్పుడు తెలుసుకుందాం.

చాంద్రమానం ప్రకారం వచ్చే ఐదవ మాసాన్ని శ్రావణ మాసం అంటాం. కలియుగ దైవం వేంకటేశ్వరుని జన్మ నక్షత్రమైన “శ్రవణ” నక్షత్రం పేరు మీదుగా వచ్చే ఈ శ్రావణ మాసం లో పూజలు విశేష ఫలితాలను ఇస్తాయి. మంగళ వారాలు గౌరీ పూజకు, శుక్ర వారాలు లక్ష్మి అమ్మవారి పూజకు, శనివారం వేంకటేశ్వరుని పూజకు అనుకూలమైనవి. మహిళలకు సౌభాగ్యాలను ఇచ్చే వ్రతాలు ఎక్కువ గా చేసుకునే మాసం కాబట్టి ఈ మాసాన్ని సౌభాగ్య మాసం అని పీల్చుకుంటూ ఉంటాం.

మహిళలు ఎక్కువ గా ఆచరించే వ్రతాలలో మంగళ గౌరీ వ్రతం ఎంతో ప్రాముఖ్యత కలిగి ఉంది. కొత్త గా పెళ్లి అయిన ముత్తైదువులు ఐదేళ్ల పాటు ఈ వ్రతాన్ని ఆచరిస్తారు. నెలలో అన్ని మంగళవారాలు ఈ నోమును చేయడం తో పాటు.. శ్రావణ మాసం లో వచ్చే రెండవ శుక్రవారం రోజున వరలక్ష్మి వ్రతాన్ని కూడా ఆచరిస్తారు. శ్రావణ మాసం లో పౌర్ణమి కి ముందు వచ్చే శుక్రవారం రోజు ఈ వ్రతాన్ని చేస్తారు. అలాగే శ్రావణ మాసం లో అనేక పండగలు కూడా వస్తాయి.

నాగుల చవితి:

మన రాష్ట్రము లో చాలా ప్రాంతాలలో ఈ నాగుల చవితి ని వేడుకగా జరుపుతారు. ఆరోజు ఉదయాన్నే పుట్ట వద్దకు వెళ్లి పాలు పోసి, నాగేంద్ర స్వామిని పూజిస్తారు.ఆ రోజు అంతా ఉపవాసం ఉంటారు.

రాఖి పౌర్ణమి:

సోదర, సోదరిల బంధాన్ని మరింత పటిష్టం చేసుకోవాలని గుర్తు చేసే పండగ రాఖి పండగ. ఈరోజున సోదరుల సుఖ సంతోషాలను కోరుకుంటూ చెల్లెల్లు, అక్కలు తమ సోదరులకు రాఖీలను కడతారు. ఆ తరువాత మిఠాయి తినిపించి ఆశీర్వాదం తీసుకుంటారు. సోదరులు తమ సోదరికి ఏదైనా చిరు కానుకలు ఇవ్వడం ఎప్పటినుంచో ఆనవాయితీ గా వస్తోంది.

కృష్ణాష్టమి:

శ్రావణ మాసం లో వచ్చే అష్టమి తిథిని కూడా మనం వేడుకగా జరుపుకుంటాం. ఎందుకంటే.. ఈ రోజు శ్రీమన్నారాయణుడి ఎనిమిదవ అవతారమైన శ్రీ కృష్ణుని జన్మదినం కాబట్టి. పగటి సమయం లో ఉపవాసం చేస్తూ.. సాయంత్ర సమయం లో ఆ కృష్ణ పరమాత్మకు పాలు, పెరుగు, మీగడ, వెన్న లను నైవేద్యం గా సమర్పిస్తారు.

పొలాల అమావాస్య:

ఈ పండుగ సందర్భం గా వృషభాలను పూజిస్తారు. ఆ తరువాత కాల గమనం లో ఈ పర్వదినం పోలేరమ్మ ను పూజించే పర్వదినం గా మార్పు చెందింది. ఈ పూజ చేసుకోవడం వలన పిల్లలకు అకాలమృత్యువు తప్పిపోతుందని చెబుతుంటారు.

హయగ్రీవ జయంతి:

శ్రీ మహా విష్ణువు వేదాలను రక్షించడం కోసమే హయగ్రీవ రూపాన్ని ధరించడాన్ని చెబుతుంటారు. శ్రీ మహా విష్ణువు ఈ అవతారం ఎత్తిన రోజునే హయగ్రీవ జయంతి గా చెప్పుకుంటుంటారు. ఈరోజున శనగలు, గుగ్గిళ్ళతో చేసిన నైవేద్యాన్ని హయగ్రీవుడికి అర్పిస్తారు.

కామిక ఏకాదశి:

ఈరోజున ఏకాదశి వ్రత నియమాలను, ఉపవాసాన్ని పాటిస్తారు. అలాగే నవనీతాన్ని దానం చేస్తే మంచి ఫలితాలు ఉంటాయని చెబుతుంటారు.

పుత్రదా ఏకాదశి:

ఈ ఏకాదశి కే లలిత ఏకాదశి అని మరో పేరు ఉంది. పుత్ర సంతానం కోరుకునే మహిళలు ఈరోజు ఏకాదశి వ్రతాన్ని ఆచరించడం వలన ఫలితాలు ఉంటాయి.

మన హిందూ పంచాంగం ప్రకారం శ్రావణమాసంలో వచ్చే పౌర్ణమి రోజున రాఖీ పౌర్ణిమ జరుపుకుంటారు. ఈ సంవత్సరం ఈ తిధి రెండు రోజులు రావడంతో చాలా ప్రదేశాల్లో ఈ పండుగను 30న జరుపుకుంటే మరికొన్ని చోట్ల 31న జరుపుకున్నారు. ఈ పవిత్రమైన పర్వదినాన సోదరి తన సోదరుల క్షేమంగా ఉండాలని, అన్ని విషయాల్లో విజయం సాధించాలని ఆకాంక్షిస్తూ వారి కుడి చేతి మణికట్టుకు రాఖీ కడతారు.

అలాగే అన్నదమ్ములు తమ అక్కాచెల్లెళ్లకు మంచి బహుమతులు ఇచ్చి వారు జీవితంలో ఎల్లవేళలా ఆనందంగా ఉండాలి అని ఆశీర్వదిస్తారు.

Also Read:   సీనియర్ ఎన్టీఆర్ నుండి తారక్ వరకు…ఈ 12 మంది టాలీవుడ్ జంటల “పెళ్లిపత్రికలు” ఓ లుక్ వేయండి.!

మామూలుగా రాఖీ పండుగ రోజున రక్షాబంధన్ కట్టడం వరకు మాత్రమే చాలామందికి తెలిసిన విషయం. అయితే ఈ పండుగ పూర్తయిన తరువాత చేతికి కట్టిన రాఖిని సోదరుడు ఏ సమయంలో తీయాలి ……ఎప్పుడు తీయాలి ఎన్ని రోజులపాటు …….అలాగే చేతికి ఉంచుకోవాలి……ఇలాంటి విషయాలపై చాలామందికి అవగాహన లేదు. రాఖీ చేతికి కట్టడానికి మంచి సమయం , విధి విధానాల అవసరం ఎంత ఉంటుందో అలాగే చేతికి కట్టిన రాఖీ తీయడానికి కూడా నిర్దేశిత సమయం పాటించవలసిన కొన్ని పద్ధతులు ఉన్నాయి. మరి ఆ విశేషాలేంటో ఇప్పుడు తెలుసుకుందాం

మన గ్రంథాల ప్రకారం చాలా వరకు రాఖీ కట్టించుకోవడానికి నిర్దిష్ట సమయం అంటూ పాటించాల్సిన అవసరం లేదు. అది వారి వీలును బట్టి పరిస్థితిని బట్టి రాఖీ పౌర్ణమి రోజు ఉదయం నుంచి సాయంత్రం లోపు ఎప్పుడైనా కట్టవచ్చు. కానీ కొన్ని ప్రదేశాల్లో మాత్రం కట్టిన రాఖీని విప్పడానికి ఎన్నో నియమ నిబంధనలు ఉన్నాయి. మహారాష్ట్రలో రక్షాబంధన్ రోజు నుంచి 15 రోజులపాటు సోదరుడు తన చేతి కి కట్టించుకున్న రాఖీని ధరించి తీరాలి. ఆ తరువాత మహారాష్ట్రీయులు పోలా అనే పండుగను జరుపుకుంటారు. మరియు అదే శుభసమయానికి మరాఠీ రైతులు లార్డ్ మార్బోట్ దేవ్ ను ,ఎద్దులను ప్రార్థిస్తారు.

కొన్ని ప్రదేశాల్లో రాఖీని వారం రోజులపాటు ఉంచుకొని తర్వాత మంచి సమయం చూసి తీసేస్తారు. మరికొందరైతే తమ వీలుని పట్టి ఎన్ని రోజులు కుదిరితే అన్ని రోజులు లేదా వచ్చే సంవత్సరం వరకు తమ సోదరి గుర్తుగా రాఖీని అలాగే చేతికి ధరించి ఉంటారు. మరికొన్ని ప్రదేశాలలో సోదరుడికి రాఖీ కట్టేంతవరకు సోదరి ఉపవాసాన్ని పాటిస్తుంది. ఇలా వివిధ ప్రాంతాల్లో వివిధ పద్ధతుల్లో జరుపుకున్నప్పటికీ రాఖీ పండుగ ముఖ్య ఉద్దేశం మాత్రం అన్నా చెల్లెలు మధ్య ప్రేమ మరియు అనుబంధం.
Also Read: బాలయ్యకి చెల్లెలి పాత్ర ఇచ్చారని కన్నీరు పెట్టుకున్న నటి లయ.. ఎందుకో తెలుసా??

ఈ సంవత్సరం అధిక మాసం రావడంతో చాలా పండుగలు కాస్త ఆలస్యంగా మొదలవుతున్నాయి. ప్రతి ఏడాది శ్రావణ మాసంలో పౌర్ణమి రోజున రాఖీ పండుగను సంతోషంగా జరుపుకుంటారు. సోదర సోదరీమణుల ప్రేమ, అనురాగాలకు ప్రతీకగా రాఖీ పండుగ లేదా రక్షా బంధన్ ను జరుపుకుంటారు.

అయితే ఈసారి ఈ పౌర్ణమి తిథి రెండు రోజులు ఉండడంతో ఏ రోజు రక్షా బంధన్ పండుగను జరుపుకోవాలనే విషయంలో ప్రజలలో గందరగోళం ఏర్పడింది. కొందరు రాఖీ పండగ  ఆగస్టు 30న అని చెబుతుండగా, కొందరు ఆగస్టు 31న రాఖీ పండగ జరుపుకోవాలని చెబుతున్నారు. మరి ఏ రోజు రాఖీ కట్టడానికి మంచిదో ఇప్పుడు చూద్దాం..
సోదర సోదరీమణుల ప్రేమ, అనుబంధానికి గుర్తుగా రక్షా బంధన్ పండుగను జరుపుకుంటారు. రాఖీ పౌర్ణమి నాడు అక్కాచెల్లెల్లు తమ అన్నదమ్ములకు రాఖీ కట్టి, వారి ఆశీర్వాదం తీసుకుంటారు. అయితే ఈ ఏడాది వచ్చిన పౌర్ణమి తిథి ఆగస్ట్ 30వ తారీఖు 10 గంటల 58 నిముషాల నుండి 31 వ తారీఖు ఉదయం 7 గంటల 5 నిముషాల వరకు ఉంది.. రాఖీని మంచి ముహూర్తంలో కట్టడం వల్ల సోదరుడికి మంచి జరుగుతుందని, భద్రకాలంలో రాఖీని అస్సలు కట్టకూడదని చెబుతున్నారు.
భద్రకాలంలో రాఖీ కడితే ఆ సోదరుడు అనేక సమస్యలను ఎదుర్కోవాల్సి వస్తుందని పండితులు చెబుతున్నారు. శాస్త్రాల ప్రకారం, భద్రకాలంలో సోదరుల చేతికి సోదరీమణులు రాఖీ కట్టకూడదని, భద్ర కాలం పూర్తి అయిన తర్వాతే రాఖీ కట్టాలని అంటున్నారు. భద్ర కాలం ఆగస్టు 30 బుధవారం ఉదయం 10:58 గంటలకు మొదలై రాత్రి 9:01 వరకు ఉంటుంది. అందువల్ల ఈ సమయంలో సోదరులకు రాఖీ కట్టడం మంచిది కాదని పండితులు సూచిస్తున్నారు.
రాఖీ పండుగను రాత్రి9:02 గంటల నుంచి 12 వరకు జరుపుకోవచ్చని అంటున్నారు. అదే సమయంలో ఆగస్ట్ 31 రాఖీ కట్టేందుకు శుభ ముహూర్తమని పలువురు పండితులు చెబుతున్నారు. ఆగస్ట్ 31రోజు ఉదయం 5 గంటల 58 నిముషాల నుండి 7 గంటల 5 నిముషాల వరకు రాఖీ కట్టవచ్చని చెబుతున్నారు.

Also Read: బ్రహ్మ ముందే తలరాతని వ్రాసేసారు కదా..? మరి ఎందుకు పూజలు చెయ్యడం..?

మన తలరాతని బ్రహ్మ వ్రాసారు అన్న సంగతి అందరికి తెలిసిందే. అయితే బ్రహ్మ రాసిన తలరాతని ఎవరూ తప్పించలేరు కదా..? అలాంటప్పుడు మనం పూజ ఎందుకు చేయాలి..?, మంచి పనులు ఎందుకు చేయాలి…? ఇలాంటి అనుమానాలు మనలో చాలా కలుగుతూ ఉంటాయి. ఎప్పుడైనా మీరు కూడా అనుకున్నారా బ్రహ్మ తలరాత రాసేశారు కదా మనం పూజలు చేయడం వల్ల ఫలితం ఏమిటి అని…? అయితే తల రాత రాసిన బ్రహ్మ అందులో ఒక మాట రాశాడట.

అదేంటంటే నేను రాసిన రాతను నేను కూడా తప్పించలేను. కానీ మీరు మీ ఉపవాసాలతో, మీ ఆలోచనలతో మార్చుకోవచ్చు అని అన్నారట. అర్చనలు, ఉపవాసాలు, కర్మకాండ ద్వారా మీ విధిని మీరు చేతుల్లో పెడుతున్నాను అని అన్నారట. ఉదాహరణకి బ్రహ్మ తలరాతని రాసేటప్పుడు ఒక వ్యక్తి యొక్క ఆయుష్షును వందేళ్లు రాస్తే చేసే పుణ్య పాపాలుని బట్టి అవి మారుతూ ఉంటాయి.

దీనితో ఆయువు తగ్గచ్చు పెరగొచ్చు కూడా. అయితే మన యొక్క ఆయువునే మార్చుకునే శక్తి కర్మకాండ ద్వారా చేసుకోమని బ్రహ్మ అన్నారు. అలానే పురాణాలని శ్రద్ధగా వింటే ఒక్కొక్క అక్షరం మన పాపాలను తొలగిస్తుంది. అయితే ఒక కథ కూడా ఉంది ఆ కధని చూస్తే మీకు దీనికి సంబంధించి వివరాలు క్లుప్తంగా తెలుస్తాయి. పూర్వం విభుముఖుడు అనే రాజు ఉండేవాడు. అయితే ఆ రాజు యాభై ఏళ్ళకి మరణ గండం వుంది.

Also Read:   ఎవరు ఈ చక్రవర్తి “బింబిసార”..? ఆయన జీవితం వెనక ఉన్న రహస్యం ఏంటి..?

దానిని తప్పించుకోవాలని ఒక గురువుని ఆశ్రయించి, గురువు చెప్పినట్టు అర్చన, మృత్యుంజయ జపం చేసి ఆఖరికి బ్రతికాడు. ఇది చూసి జ్యోతిష్యులు ఆశ్చర్యపోయారు. అయితే అప్పుడు వశిష్ట మహర్షి ఇలా అన్నారు.. ఇతనికి జాతక రీత్యా చావు ఉన్నప్పటికి మృత్యుంజయ మంత్రాన్ని ఉపాసనగా పొంది జపం చేసి దాని ఫలితం వలన మృత్యుగండం నుంచి బయట పడ్డాడని అన్నారట.

అందుకనే బ్రహ్మ రాసిన రాత మార్చుకోవడానికి మనం ఇలా పురాణాలను శ్రద్దగా వినడం, మంత్రాలను చదవడం వంటివి చేస్తే వాటిని మార్చుకోచ్చు. అందుకనే మనం పుణ్యం చేసుకోవాలి. ఆ పుణ్యం వలన రాత మార్చుకుని సుఖంగా బ్రతకచ్చు. అలా బ్రతికిన వారూ వున్నారు.

Also Read:  పూజ చేసేటప్పుడు ఆవలింతలు రావడం దేనికి సంకేతమో తెలుసా? ఏమైనా కీడు జరుగుతుందా?

శ్రావణమాసంలో ఆడవాళ్లు ఆచరించే సంప్రదాయాల్లో ముఖ్యమైనది వరలక్ష్మీ వ్రతం. సుఖ సౌభాగ్యాల కోసం ఆడవారు ఈ వ్రతాన్ని చేస్తారు. ఈ వ్రతం చేయడం వల్ల ధన లాభం కలగడంతో పాటు, ఇంట్లో కూడా సుఖసంతోషాలు వర్ధిల్లుతాయి అని నమ్ముతారు.

శ్రావణమాసంలో వచ్చే మొదటి శుక్రవారం ఆడవారు వరలక్ష్మి వ్రతం చేసుకుంటారు. ఒకవేళ అప్పుడు కుదరకపోతే రెండవ శుక్రవారం రోజు కానీ, నాలుగవ శుక్రవారం రోజు కానీ లేదా శ్రావణమాసంలో వచ్చే ఏదో ఒక శుక్రవారంలో ఈ వ్రతాన్ని జరుపుకుంటారు.

అత్యంత నియామనిష్ఠలతో లక్ష్మీదేవిని పూజించి, ముత్తైదువులకి తాంబూలాన్ని ఇస్తారు. వరలక్ష్మీ వ్రతాన్ని ఎంతో నిష్టగా, అంకితభావంతో జరుపుకుంటారు. అయితే వరలక్ష్మీ వ్రతం చేసే సమయంలో కొన్ని పొరపాట్లు మాత్రం అస్సలు చేయకూడదు. ఇలా చేయడం వలన దరిద్రం వాటిల్లుతుంది అని చెప్తారు. అవి ఏంటంటే.

# వరలక్ష్మి వ్రతం రోజు సూర్యోదయానికి ముందుగా తప్పకుండా నిద్రలేవాలి. ఒకవేళ సూర్యోదయం తర్వాత నిద్ర లేస్తే ఫలితం ఉండదు.

# వరలక్ష్మీ వ్రతం మొదలుపెట్టేముందు పసుపు గణపతిని పూజించి ఆ తర్వాత లక్ష్మీదేవికి పూజ చేయాలి. ఏ దేవుని పూజ అయినా ముందు గణపతి పూజతోనే మొదలు పెట్టాలి కాబట్టి ఈ పూజ కూడా అలాగే చేయాలి.

# వరలక్ష్మీ వ్రతం చేసుకునే సమయంలో కుటుంబ సభ్యులు అందరూ కూడా వ్రతంలో పాల్గొని లక్ష్మీదేవిని పూజించాలి.

# స్టీలు రాగి లేదా వెండి ప్లేట్ లో కలశాన్ని ఏర్పాటు చేసి పూజ చేయాలి.

# వ్రతం చేసేటప్పుడు ఆ చేసే మనిషి సౌమ్యంగా, శాంతంగా వ్రతాన్ని చేయాలి. కోపోద్రిక్తులు అయి ఉన్నప్పుడు వ్రతం చేస్తే ఫలితం ఉండదు.

# అంతే కాకుండా ఆరోజు మాంసాహారాన్ని అస్సలు ముట్టకూడదు.

ఎట్టి పరిస్థితుల్లోనూ వరలక్ష్మి వ్రతం చేసేటప్పుడు ఈ నియమాలు కచ్చితంగా పాటించాలి.

ALSO READ : “చంద్రయాన్-3” సక్సెస్ వెనుక ఉన్న రియల్ హీరోలు వీరే..! ఎవరెవరు ఏ పదవిలో ఉన్నారు అంటే..?

ప్రస్తుతం అందరికి తెలిసిన పురాణాల ప్రకారం పార్వతి పరమేశ్వరులకు గణేశుడు, కుమార స్వామి మాత్రమే సంతానంగా ఉన్నారు అని అనుకుంటూ ఉన్నాం. కానీ, పార్వతి పరమేశ్వరులకు ముగ్గురు కుమార్తెలు ఉన్నారు. వారి గురించి చాలా మందికి తెలియదు. వారు ఎవరు..? వారి గురించి పద్మ పురాణంలో ఏమి చెప్పబడింది అనేది ఈ ఆర్టికల్ లో తెలుసుకుందాం. శివ పార్వతులకు ఉన్న ముగ్గురు కుమార్తెలు చాలా మందికి తెలియదు.

కానీ ఇప్పటికీ భారతదేశంలోని కొన్ని ప్రాంతాల్లో పూజించబడుతున్నారు. ఈ కుమార్తెల గురించి శివ పురాణంలో , పద్మ పురాణంలో పేర్కొనబడింది. అశోకసుందరి, జ్యోతి మరియు వాసుకి లేదా మానస పేర్లతో వీరు పిలవబడుచున్నారు. అయితే.. శివపార్వతులు మరియు గణేశ, కుమార స్వామిల మాదిరిగా వీరికి అత్యంత ప్రజాదరణ కలగలేదు. కారణం.. వీరి గురించి చాలా మందికి తెలియకపోవడమే.

అశోకసుందరి శివుని మొదటి కుమార్తె, ఆమె పార్వతీ దేవిచే సృష్టించబడింది. ఆమె గురించి మీరు ‘పద్మ పురాణం’లో వివరంగా చదువుకోవచ్చు. పార్వతీదేవి తన ఒంటరితనాన్ని తగ్గించడానికి అశోకసుందరిని సృష్టించిందని మతపరమైన కథలు సూచిస్తున్నాయి. పార్వతి తన దుఃఖాన్ని పోగొట్టుకున్నందుకు పార్వతి ఆమెకు అశోకసుందరి అని పేరు పెట్టింది. ఆమె శోకాన్ని పోగొడుతుంది మరియు ఎంతో అందంగా ఉంటుంది. అందుకే ఆమెకి అశోక సుందరి అని పేరు.

శివుని రెండవ కుమార్తె జ్యోతి. ఆమె పేరు అక్షరాలా కాంతి అని అర్ధం మరియు ఆమె హిందూ కాంతి దేవతగా ప్రసిద్ధి చెందింది. ఆమె పుట్టుకపై రెండు భిన్నమైన అపోహలు ఉన్నాయి. మొదటి పురాణం శివుడి కుమార్తె జ్యోతి తన తండ్రి కాంతి నుండి ఉద్భవించిందని మరియు ఆమె శివుని దయ యొక్క భౌతిక రూపం అని సూచిస్తుంది, అయితే రెండవ పురాణం ఆమె పార్వతీ దేవి నుదిటి నుండి ఉద్భవించిన మెరుపు నుండి జన్మించిందని చెబుతుంది. జ్యోతిని జ్వాలాముఖి అని కూడా పిలుస్తారు మరియు తమిళనాడులోని అనేక దేవాలయాలలో పూజిస్తారు.

మానస కథ అందరిలో ఆసక్తిని రేకెత్తిస్తుంది. పాముల తల్లి కద్రుడు చెక్కిన విగ్రహాన్ని శివుని వీర్యం తాకినప్పుడు ఆమె జన్మించింది. మానస నిజంగా శివుని కూతురే కానీ ఆమె పార్వతీ దేవి బిడ్డ కాదు. మానస తన తండ్రి, భర్త మరియు ఆమె సవతి తల్లి పార్వతి నుండి తిరస్కరణను ఎదుర్కొన్నందున ఆమె చెడు కోపాన్ని కలిగి ఉందని పురాణ కథలు సూచిస్తున్నాయి.

ఆమె పార్వతీ దేవిని కూడా తన కుమార్తెగా అంగీకరించనందుకు ద్వేషిస్తుంది. బెంగాల్ దేవాలయాలలో మానస దేవిని పూజిస్తారు. ఆమె ప్రతిమ లేకుండా పూజించబడుతుంది, సాధారణంగా, మట్టి పాము చిత్రం లేదా మట్టి కుండ లేదా చెట్టు కొమ్మను మానస దేవిగా పూజిస్తారు. పాము కాటు మరియు మశూచి మరియు చికెన్‌పాక్స్ వంటి అంటు వ్యాధుల నుండి ఆమె రక్షిస్తుందని విశ్వసిస్తారు.