Mythology

మానవ ప్రయత్నం ఎంత చేసినప్పటికీ ఇంట్లో గాని, వ్యక్తిలో గాని అభివృద్ధి కనిపించకపోతే కచ్చితంగా మానవతీత శక్తి ఒకటి మనకి అవరోధంగా ఉందని ఆలోచించాలి. మన కష్టానికి దైవానుగ్రహం తోడైతేనే మన అభివృద్ధి బాగుంటుంది. మనం ఎంత ప్రయత్నించినప్పటికీ మన చేతిలో డబ్బులు నిలవక పోవటం, మన కుటుంబంలో శాంతి లేకపోవటం, మన జీవితంలో అభివృద్ధి సాధించలేకపోవడం వంటివి జరుగుతున్నాయంటే కచ్చితంగా ఎక్కడో ఏదో దోషం ఉన్నట్లు లెక్క.

ముందుగా మీ ఇంట్లో వాస్తు దోషాలు ఉన్నాయేమో పరిశీలించండి. మీ ఇంటి టెర్రస్ పై ఈ వస్తువులు ఉంచినట్లయితే లక్ష్మీదేవి ఆగ్రహానికి గురవుతారు. టెర్రస్ పై ఈ వస్తువులు లేకుండా చూడండి. అవేమిటో చూద్దాం. ఇంటి టెర్రర్స్ ఎప్పుడూ పరిశుభ్రంగా ఉండాలి. పరిశుభ్రంగా లేని టెర్రస్ లక్ష్మీదేవికి ఆగ్రహం తెప్పిస్తుంది. టెర్రస్ ఎప్పుడూ మొక్కలు, పచ్చని చెట్లతో కళకళలాడుతూ ఉంటే ఆ ఇల్లు సుఖ సంతోషాలతో నిండి ఉంటుంది.

నీలం పువ్వులు ఉన్న మొక్కలను ఉత్తర దిశలో, పడమర దిశలో తెల్లని పువ్వులతో కూడిన మొక్కలను నాటడం వలన పిల్లలలో సృజనాత్మక శక్తి పెరుగుతుందని పెద్దలు చెప్తారు. అలాగే టెర్రస్ పై వాటర్ ట్యాంక్ ని పెట్టినట్లయితే దానిని నైరుతి దిశలో ఉండేలాగా చూసుకోండి. అలాగే ఎట్టి పరిస్థితులలోనూ టెర్రస్ పై తుప్పు పట్టిన ఇనుము లేదా వెదురు వస్తువులను ఉంచకండి, దీనివల్ల రాహు దోషం పెరుగుతుంది. అలాగే టెర్రస్ లేదా ఇంటి పైకప్పు ఎప్పుడూ శిధిలమై ఉండకూడదు.

వాస్తు విశ్వాసాల ప్రకారం పైకప్పు పగుళ్లు, వర్షాకాలంలో తేమ కారణంగా ఇంట్లో తీవ్రమైన వాస్తు దోషాలు ఏర్పడుటమే కాకుండా లక్ష్మీదేవి ఆగ్రహానికి కూడా గురి కావాల్సి వస్తుంది.అలాగే చీపురు కట్ట ఇంటిపై కప్పు పై ఉంచకూడదు. చీపురు ఇంటి టెర్రస్ పై ఉంటే దొంగతనాల భయం నెలకొంటుంది. జాగ్రత్తలు పాటిస్తూనే లక్ష్మీదేవిని నిత్యం ప్రసన్నం చేసుకున్నట్లయితే లక్ష్మీదేవి అనుగ్రహం తో పాటు జీవితంలో అభివృద్ధి మానసిక ప్రశాంతత కూడా లభిస్తుంది.

హనుమంతుడిని హిందువులు ఎంతో పవిత్రమైన దేవుడిగా ఆరాధిస్తారు.ప్రతి మంగళ, శనివారాలలో అంజనీ పుత్రునికి ప్రత్యేక పూజలు చేస్తారు. అలాగే హనుమాన్ జయంతిని హిందువులు పెద్ద పండుగగా జరుపుకుంటారు. అయితే ఒక సంవత్సరంలో హనుమాన్ జయంతి ని రెండు సార్లు జరుపుకుంటారు. ఇలా రెండు సార్లు జరుపుకోవడానికి కూడా కారణాలు ఉన్నాయి. ఆ కారణాలు ఏంటో ఇప్పుడు తెలుసుకుందాం.

హిందూ పురాణాల ప్రకారం సీతను రావణుడు అపహరించినప్పుడు సీతాదేవి ఆచూకీ కోసం హనుమంతుడు వెతుకుతున్న నేపద్యంలో హనుమంతుడు మంగళవారం తెల్లవారుజామున లంకలో సీతాదేవి ఆచూకీ కనుగొన్నాడు.

ఆ రోజున చైత్రమాసం చిత్త నక్షత్రం పౌర్ణమి . ఆరోజున హనుమంతుడు అశోక నగరాన్ని నాశనం చేయడమే కాకుండా రావణ సైనికులను హతమారుస్తాడు. అలాగే తన తోకతో సగం లంకను దహనం చేస్తాడు. ఆరోజున హనుమంతుని విజయంగా జరుపుకోవాల్సిన రోజని తెలియని వారు ఆ రోజున హనుమాన్ జయంతి అని జరుపుకుంటారు. ఇది ప్రతి ఏటా ఏప్రిల్ లో వస్తుంది. నిజానికి హనుమంతుడి జయంతి వైశాఖ మాసం శుక్ల దశమి రోజున అసలైన జయంతి వేడుకలు నిర్వహించాలి.

ఆరోజు సాధారణంగా ప్రతి సంవత్సరం మే నెల చివరి లో వస్తుంది పూర్వభద్ర పాద నక్షత్రం లో చంద్రుడితో పాటు జన్మించాడు. పరాశరసహిత ప్రకారం ఆ రోజే అసలైన హనుమంతుడి జయంతి. ఇది హనుమంతుడి పై ఉన్న ఏకైక ప్రామాణికమైన పుస్తకం. ఈ పుస్తకం ప్రకారం ప్రతి సంవత్సరం ఒకసారి మాత్రమే అదీ మే చివరి వారంలో హనుమంతుడి జయంతి ఉత్సవాలు జరుపుకోవాలి.

ఆంధ్రప్రదేశ్లో శ్రీశైలంలో ఉన్న శ్రీశైల మల్లికార్జున భ్రమరాంబిక దేవి ఎంతో ప్రసిద్ధి చెందినది. అష్టాదశ పీఠాలలో ఈ శ్రీశైల మల్లికార్జున ఆలయం ఒకటి. అయితే శ్రీశైల మల్లికార్జున భ్రమరాంబికా దేవికి ఛత్రపతి శివాజీకి ఒక ప్రత్యేక సంబంధం ఉంది. ఆ సంబంధం ఏంటో చాలా మందికి తెలియక పోవచ్చు. 1677వ సంవ‌త్స‌రంలో అప్పటి గోల్కొండ సుల్తాన్ అబుల్ హ‌స‌న్ కుతుబ్ షాకు,చత్రపతి శివాజీకి మధ్య ఎంతో మంచి అనుబంధం ఉండేది.

ఈ క్రమంలోనే శివాజీ ఒకసారి శ్రీశైలానికి వచ్చారు.అప్పటికి సుల్తాన్ ఆ స్థానం లో ఉన్నటువంటి మంత్రులు శివాజీకి సాదర ఆహ్వానం పలికారు. చత్రపతి శివాజీ తిరుగు పయనమయ్యే వరకు వారు తన వెంట ఉండి అతనికి అన్ని విషయాలలోనూ సహాయం చేశారు. ఇలా శివాజీ శ్రీశైల భ్రమరాంబిక ఆలయాన్ని సందర్శించినప్పుడు అక్కడ శివాజీ ఆత్మార్పణ చేసుకోవడానికి ప్రయత్నించగా అప్పుడు భ్రమరాంబికా దేవి ప్రత్యక్షమై తనకు ఒక ఖడ్గాన్ని ఇచ్చింది.

ఈ ఖడ్గం ఉన్నంత నీ దగ్గర ఉంటే నీకు విజయం కలుగుతుంది అని అమ్మవారు శివాజీ తో చెప్పింది. చత్రపతి శివాజీ ఆ ఖడ్గాన్ని అందుకున్న తరువాత జరిగిన ప్రతి యుద్ధంలోనూ విజయాన్ని అందుకున్నాడు. దీనంతటికీ కారణం శ్రీశైల భ్రమరాంబికా దేవి అని శివాజీ గట్టిగా నమ్మారు. అక్కడ తన సొంత ఖర్చుతో గుడి కట్టి ఆ ఆలయాన్ని శివాజీ సొంతంగా చూసుకునేవారు. పక్కనే ఉన్న కృష్ణా నది ఒడ్డున స్నానపు ఘాట్లని కూడా ఏర్పాటు చేశారు.

అక్కడ అమ్మవారికి రక్షణ కోసం తన రక్షకబటులను అక్కడ ఉంచి పయనమయ్యారు శివాజీ. ఇప్పటికీ శ్రీశైల బ్రమరాంబిక అమ్మవారి గోపురం మీద శివాజీ అమ్మవారి చేతుల మీదగా కత్తి తీసుకుంటున్నటువంటి బొమ్మలు ఉంటాయి. అదేవిధంగా అక్కడ ఉన్న మ్యూజియంలో కూడా శివాజీ గురించి చాలా విశేషాలు తెలుసుకోవచ్చు. శివాజీ తన యుద్ధంలో విజయానికి కారణం శ్రీశైల అమ్మవారి అని గట్టిగా నమ్ముతూ ఆ గొప్పతనాన్ని అందరికీ చాటేవారు.

అయోధ్య బాలరాముడి విగ్రహాన్ని చూసిన వాళ్ళందరూ అది ఒక రాతి విగ్రహంగా భావించడం లేదు. అందులో ఒక పసి పిల్లవాడు ప్రస్ఫుటంగా కనిపిస్తున్నాడు. చూసిన ప్రతి ఒక్కరూ శిల్పి యొక్క కళా నైపుణ్యాన్ని మెచ్చుకుంటున్నారు. పసి పిల్లవాడు చిరునవ్వుతో అద్భుత నయనాలతో కనిపిస్తున్న బాల రాముడు విగ్రహం ప్రతి ఒక్కరిని ఆకర్షిస్తోంది. ఈ విగ్రహాన్ని మైసూర్ కి చెందిన శిల్పి అరుణ్ యోగిరాజ్ రూపొందించిన విషయం అందరికీ తెలిసిందే.

ఆయన రూపొందించిన విగ్రహానికి కోట్లాదిమంది భక్తులు పూజలు చేస్తున్నారని ఇంతటి అదృష్టం ఎవరికి దక్కుతుందని అంటున్నారు అరుణ్ యోగిరాజ్. తన కొడుకు రూపుదిద్దున బాల విగ్రహాన్ని అయోధ్యలో ప్రతిష్టించడం తమ కుటుంబానికి దక్కిన అదృష్టమని, యోగిరాజ్ తండ్రి ఉండి ఉంటే ఎంతో సంతోషించి ఉండేవారని ఆ తల్లి ఎంతో ఆనందంగా చెప్పుకొచ్చింది. ముఖ్యంగా ఆ విగ్రహం లోని కళ్ళు జీవ కళ ఉట్టి పడుతూ చూసిన ప్రతి ఒక్కరిని ఆకర్షిస్తున్నాయి.

అయితే ఈ కంటికి సంబంధించిన కీలక విషయాన్ని అరుణ్ యోగి రాజ్ వెల్లడించారు. బాల రాముడి దివ్య నేత్రాలను చెక్కిన పనిముట్లను సోషల్ మీడియాలో పంచుకున్నారు. వెండి సుత్తి బంగారు ఊలిని చేత్తో పట్టుకుని చూపిస్తూ వీటితోనే బాలరాముడి విగ్రహానికి దివ్య నేత్రాలను తీర్చిదిద్దానని తెలిపారు. ఈ విగ్రహం చెక్కడానికి ఆరు నెలలు సమయం పట్టిందని ఈ ఆరు నెలలు మౌనముద్ర వహించాను.

Thought of sharing this Silver hammer with the golden chisel using which I carved the divine eyes (Netronmilana )of Ram lalla, Ayodhya pic.twitter.com/95HNiU5mVV

— Arun Yogiraj (@yogiraj_arun) February 10, 2024

బాల రాముడు విగ్రహం చెక్కిన సమయంలో ఆయన కళ్ళ గురించే నాకు కాస్త భయం ఉండేది, అందుకే కళ్ళు బాగున్నాయా అని మా ఫ్రెండ్స్ ని పదేపదే అడిగేవాడిని. ఒక రాయిలో అలా ఒక భావాన్ని తీసుకురావడం అంత సులభమైన విషయం కాదు. అందుకే చిన్నపిల్లలు ఎలా ఉంటారో గమనించి అదే పసితనం రాముడు విగ్రహం లో కనిపించేలాగా చూసుకున్నాను. ఇదంతా ఆ రాముని దయతోనే జరిగింది అంటూ బంగారు ఉలి, వెండి సుత్తి ఫోటోని అరుణ్ యోగిరాజ్ సోషల్ మీడియాలో పోస్ట్ చేయగా అది కాస్త వైరల్ అయింది.

చాణుక్యుడు ఎంతటి మహాజ్ఞానో మనందరికీ తెలిసిందే. ఆయన చెప్పిన నీతి సూత్రాలు, ఆర్థిక సూత్రాలు నేటికీ ఎంతో ఆచరణీయమైనవి. ఆయన రచించిన అర్థశాస్త్రంలో ఎంతో జ్ఞానం మిళితమై ఉంది. ఈయన రచయితగా, సలహాదారునిగా ఎనలేని ఖ్యాతి గడించారు. ఈయన చెప్పిన నీతి వాక్యాలు నేటికీ చిరస్మరణీయాలు. వాటిని తరువాతి తరానికి కూడా అందచేసి.. మంచి భవిష్యత్ ను రూపొందించుకునేలా తోడ్పడాలి. చాణిక్య నీతి ఎన్నో ముఖ్యమైన విషయాలు చెబుతోంది. అలాగే డబ్బు సంపాదన విషయమై కూడా చాణక్య నీతి మనకు చాలా విషయాలను నేర్పిస్తుంది.

తాజాగా.. ఇంట్లో జరిగే సంఘటనల విషయంలో జాగ్రత్త పడాలని చాణుక్యుడు హెచ్చరిస్తున్నాడు. మీ ఇంట్లో ఈ ఐదు సంఘటనలు జరిగాయేమో చెక్ చేసుకోండి. ఒకవేళ జరిగితే మాత్రం అప్రమత్తంగా ఉండండి.

#1.తులసి మొక్క వాడిపోవడం: తులసి మొక్క ఎంతో పవిత్రమైనది. అయితే.. ఇంట్లో ఉండే తులసి మొక్క నెగటివ్ ఎనర్జీని గ్రహించగలుగుతుంది. అందుకే ఇంట్లో ఉన్న తులసి మొక్క వాడిపోతే అది అశుభ సూచకంగా భావించాలి. ఇంట్లో తులసి మొక్క ఎండిపోతే.. ఆర్ధిక సంక్షోభాన్ని ఎదుర్కోవాల్సి వస్తుంది.

#2. తరచూ గాజు పగిలిపోతుండడం :
ఇంట్లోని గాజు వస్తువులు, అద్దం లాంటి వస్తువులు తరచుగా పగిలిపోతున్నాయా..? ఇంట్లో గాజు వస్తువులు పగులుతూ ఉంటె.. అది ఇంట్లో ఆర్ధిక పరిస్థితికి చేటు కలిగిస్తుంది. మరింత పేదరికాన్ని ఎదుర్కోవాల్సి వస్తుంది.

#3. పెద్దలను అవమానించడం: ఇంట్లోని పెద్దలను తరచూ అవమానిస్తున్నారా..? ఇది కావాలని చేయకపోయినా.. అస్సలు మంచిది కాదు. పెద్దల పట్ల గౌరవ భావం కలిగి ఉండాలి. పెద్దలను అవమానించిన ఇంట్లో ఆనందం, శ్రేయస్సు రెండూ నిలవవు.

#4. తరచూ గొడవలు జరుగుతుండడం: ఏ ఇంట్లో అయినా తరచుగా గొడవలు జరుగుతుండడం మంచిది కాదు. అటువంటి ఇంట్లో లక్ష్మీదేవి నివసించడానికి ఇష్టపడదు. అలాంటి ఇంట్లో నివసించేవారు ఎలాంటి కష్టాలను ఎదుర్కొన్నా అపజయాలనే ఎదుర్కోవాల్సి వస్తుంది.

#5. నిత్య పూజ:
కుటుంబ సభ్యుల ఆరోగ్యం, శ్రేయస్సు కోసం ప్రతి ఇంట్లో నిత్యపూజను తప్పని సరిగా చేయాలి. ఇంట్లో నిత్య దీపారాధన, నిత్య పూజ జరిగితే.. ఆ ఇల్లు శుద్ధి అయ్యి ఇంట్లోని వారికి మంచి బుద్ధులు అలవడతాయి.