News

ఇటీవల పంజాబ్ లో చెందిన ఒక సంఘటన చర్చలకి దారి తీసింది. వివరాల్లోకి వెళితే, పంజాబ్ కి చెందిన 10 సంవత్సరాల మాన్వి మార్చ్ 24వ తేదీన తన పుట్టినరోజు జరుపుకుంది. అక్కడే ఉండే ఒక బేకరీలో ఆన్ లైన్ ఆర్డర్ చేసి ఒక చాక్లెట్ కేక్ తెప్పించుకున్నారు. కేక్ తిన్న తర్వాత కుటుంబ సభ్యులు అందరూ కూడా చాలా ఆనందంగా ఉన్నారు. కానీ కొంత సేపటి తర్వాత అందరూ కూడా అనారోగ్యానికి గురి అయ్యారు. మాన్వి, ఆమె సోదరి వాంతులు చేసుకున్నారు. నోరు పొడిబారుతోంది అని మాన్వి ఏడ్చింది. కళ్ళ ముందరే చివరి శ్వాస విడిచింది. కుటుంబ సభ్యులు ఆసుపత్రికి తరలించి, ఆక్సిజన్ అందించారు.

అయినా కూడా ప్రయోజనం లేకపోయింది. కేక్ లో వాడిన పదార్థాల వల్ల ఇలా జరిగింది అని అన్నారు. ఈ కేక్ లో సాచరైన్ అనే ఒక పదార్థాన్ని అధిక మొత్తంలో ఉపయోగించారు. ఇది ఒక ఆర్టిఫిషియల్ స్వీట్నర్. సాధారణంగా దీన్ని తినే పదార్థాలలో, తాగే పదార్థాలలో తక్కువ మొత్తంలో వాడుతారు. కానీ ఈ కేక్ లో మాత్రం దీన్ని ఎక్కువగా ఉపయోగించడంతో అనారోగ్య సమస్యలు వచ్చాయి. చక్కెరకి ప్రత్యామ్నాయంగా దీన్ని ఉపయోగిస్తారు. ఇది ఎక్కువగా వాడితే రక్తం లో ఉన్న గ్లూకోజ్ స్థాయి పెరుగుతుంది. దీని వల్ల కడుపు నొప్పి వస్తుంది.

ఆ తర్వాత ఇది ఎక్కువగా అయితే, ఆ పదార్థం ఉపయోగించిన ఆహార పదార్థాన్ని ఎక్కువగా తీసుకున్న వ్యక్తి చనిపోయే అవకాశాలు ఉంటాయి. ల్యాబ్ రిపోర్ట్స్ లో ఈ విషయాలు వెల్లడయ్యాయి. ఈ కేక్ తయారు చేసిన బేకరీ యాజమాన్యం మీద పోలీసులు ఎఫ్ఐఆర్ నమోదు చేశారు. వారి మీద కఠిన చర్యలు తీసుకోవడం మాత్రమే కాకుండా, జరిమానా కూడా విధిస్తాము అని చెప్పారు. మాన్వి పుట్టినరోజు సెలబ్రేషన్స్ వీడియోని కూడా వాళ్ళు సోషల్ మీడియాలో షేర్ చేశారు. ఆ వీడియో చూసిన వాళ్ళందరూ కూడా వాళ్ళు చాలా సంతోషంగా ఉన్నారు అని అనుకున్నారు. కానీ కొంత సేపటికి ఇలాంటి సంఘటన చోటు చేసుకుంది. దీని గురించి తెలుసుకునే వాళ్ళందరూ కూడా తమ సంతాపాన్ని వ్యక్తం చేస్తున్నారు.

watch video :

ਪਟਿਆਲਾ ਤੋਂ ਦੁਖਦਾਈ ਖ਼ਬਰ ਕਿਉਂਕਿ ਅਦਾਲਤ ਬਜ਼ਾਰ ਵਿਖੇ ਕੇਕ ਕਾਨ੍ਹਾ ਤੋਂ ਔਨਲਾਈਨ ਆਰਡਰ ਕੀਤਾ ਜਨਮ ਦਿਨ ਦਾ ਕੇਕ ਖਾਣ ਤੋਂ ਬਾਅਦ 10 ਸਾਲਾ ਬੱਚੀ ਮਾਨਵੀ ਦੀ ਮੌਤ ਹੋ ਗਈ ਅਤੇ ਪਰਿਵਾਰ ਦੇ ਪੰਜ ਮੈਂਬਰ ਬੀਮਾਰ ਹੋ ਗਏ। ਪੁਲਸ ਨੇ ਬੇਕਰੀ ਦੀ ਦੁਕਾਨ ਦੇ ਮਾਲਕ ਖਿਲਾਫ ਸ਼ਿਕਾਇਤ ਦਰਜ ਕਰ ਲਈ ਹੈ। pic.twitter.com/a32TooKeth

— Jes Bhullar (@jesbhullar) March 30, 2024

ALSO READ : ఆశ్చర్యానికి గురి చేస్తున్న “బాలకృష్ణ” ఆస్తుల విలువ…భార్య, కొడుకు పేరు మీద ఎన్ని కోట్లున్నాయంటే.?

సాధారణంగా కవలలు అంటే చూడడానికి ఒకేలాగా ఉంటారు. ఒకే రకమైన దుస్తులు కూడా ధరిస్తారు. వాళ్ళిద్దరిని సాధారణంగా ఎవరైనా చూస్తే అప్పుడప్పుడు తడబడుతూ ఉంటారు. సినిమాల్లో మాత్రమే ఇలా జరుగుతుంది అనుకుంటే పొరపాటే. నిజ జీవితంలో కూడా కవలలు కనిపిస్తే వాళ్ళు చూడడానికి ఒకేలాగా ఉంటే వాళ్ల పేర్లు కన్ఫ్యూజ్ అయ్యే అవకాశాలు ఉంటాయి. వాళ్ళిద్దరి పేర్లు కూడా దాదాపు దగ్గరగానే ఉంటాయి. అందుకే అలా కన్ఫ్యూజ్ అవుతారు. అయితే ఇక్కడ వరకు బాగానే ఉంది. ప్రవర్తన పరంగా, ఆలోచన విధానం పరంగా ఇద్దరికీ తేడాలు ఉండే అవకాశాలు ఉంటాయి.అలాగే చదువులో కూడా ఇద్దరికీ భిన్న వ్యక్తిత్వాలు ఉండే అవకాశాలు ఉంటాయి.

అవకాశాలు ఉండడం కాదు. అలాగే ఉంటారు. కానీ ఇటీవల ఒక కవలలు చదువులో కూడా ఒకటే దారిలో దూసుకెళ్లారు. ఒకే మార్కులు సంపాదించారు. ఇది వినడానికి ఆశ్చర్యంగా ఉన్నా కూడా ఇలాగే జరిగింది. ఆంధ్రప్రదేశ్ పదవ తరగతి ఫలితాలు నిన్న విడుదల అయ్యాయి. ఎంతో మంది విద్యార్థులు మంచి మార్కులు సంపాదించుకున్నారు. అయితే, ఒక విషయం మాత్రం చర్చలకి దారితీస్తోంది. వివరాల్లోకి వెళితే, ప్రకాశం జిల్లాలో ఉన్న, కనిగిరి మండలానికి చెందిన కవలలు చూడటానికి ఒకేలాగా ఉండడం మాత్రమే కాకుండా, ఒకే మార్కులు కూడా సాధించారు. షేక్ షరీఫ్ బాషా, షేక్ అఖ్తర్ కనిగిరి మండలానికి చెందినవారు. వాళ్ళిద్దరికీ 2008 లో షేక్ అల్తాఫ్, షేక్ ఆసిఫ్ పుట్టారు.

అక్కడే కనిగిరిలో ఉన్న బిఆర్ ఆక్స్ఫర్డ్ హైస్కూల్ లో వీళ్ళిద్దరూ పదవ తరగతి చదువుతున్నారు. వీళ్ళిద్దరూ అక్కడ ఉత్తమ విద్యార్థులుగా గుర్తింపు పొందారు. ఎంతో పట్టుదలతో వీళ్ళు చదివే వాళ్ళు. ఇటీవల విడుదలైన పదవ తరగతి ఫలితాల్లో 600 మార్కులకు 574 మార్కులు వచ్చాయి. ఇద్దరికీ ఒకటే మార్కులు వచ్చాయి. చూడడానికి ఒకేలాగా ఉండడం మాత్రం కాకుండా, మార్కులు కూడా ఒకేలాగా తెచ్చుకున్నారు అంటూ అందరూ అభినందిస్తున్నారు. వీళ్ళిద్దరూ నిన్న ఫలితాలు విడుదల అయిన తర్వాత ఇంటర్వ్యూలు ఇచ్చారు. అందులో మాట్లాడుతూ, తమ తల్లిదండ్రులు, తమ టీచర్ల సహాయంతోనే ఇంత మంచి మార్కులు సాధించారు అని తెలిపారు. పాఠశాల ఉపాధ్యాయులు కూడా వీరిద్దరిని అభినందించారు.

ALSO READ : “సాయి పల్లవి”, “భానుప్రియ” తో పాటు… తమ “డాన్స్” తో గుర్తింపు సంపాదించుకున్న 14 మంది హీరోయిన్స్..!

ప్రధానమంత్రి నరేంద్ర మోడీ భారత దేశానికి రెండు సార్లు ప్రధానమంత్రిగా ఎన్నికయ్యారు. మోడీ నాయకత్వంలో వరుసగా రెండవసారి భారత జనతా పార్టీ భారీ మెజారిటీతో ఎన్డీయే విజయం సాధించింది. మోడి ఎనిమిదేళ్ల వయస్సులోనే ఆర్ఎస్ఎస్‌లో చేరారు.

అప్పటి నుండి ఆ సంస్థతో బంధాన్ని కొనసాగిస్తున్నారు. నరేంద్ర మోడీ రాజకీయ జీవితం గురించి అందరికి సుపరిచితమే. కానీ ఆయన వ్యక్తిగత జీవితం గురించి చాలామందికి తెలియదు. ఆయనకు వివాహం అయినట్టు తెలిసినప్పటికి, ఆయన భార్య గురించి ఎక్కువ మందికి తెలియదు. నరేంద్ర మోడీ భార్య ఎవరో? వాళ్ళు ఎందుకు విడిపోయారో ఇప్పుడు చూద్దాం..
మే 2014న ఇండియాకి  14వ ప్రధానమంత్రిగా ప్రమాణ స్వీకారం చేశారు. నరేంద్ర మోడీ పూర్తి పేరు నరేంద్ర దామోదరదాస్ మోడీ. ఆయన గుజరాత్ లో 1950లో జననం సెప్టెంబర్ 17న వాద్‌నగర్‌లో జన్మించారు.  అక్కడే ఆయన సెకండరీ విద్యను కంప్లీట్ చేశారు. 8 సంవత్సరాల వయసులో ఆర్‌ఎస్‌ఎస్‌తో పరిచయం ఏర్పడింది. మోదీ  పాఠశాల నుంచి వచ్చిన వెంటనే వాద్‌నగర్ స్టేషన్‌ దగ్గరలో ఉన్న తండ్రి టీ దుకాణానికి వెళ్లేవారు. టీ అమ్మడంలో తండ్రికి సహాయం చేసేవారు.
తన కుంటుంబం చిన్నతనంలో నిర్ణయించిన ప్రకారంగా మోడి 18 ఏళ్ల వయస్సులో, 17 ఏళ్ల వయసు ఉన్న జశోదాబెన్ మోడీని వాద్‌నగర్ కుల సంప్రదాయంలో పెళ్లి చేసుకున్నారు. అయితే వివాహం అయిన వెంటనే ఆమెను, కుటుంబాన్ని విడిచిపెట్టి వెళ్లిపోయాడని తెలుస్తోంది. రెండేళ్ల తర్వాత తిరిగి వచ్చిన మోదీ కుటుంబాన్ని కలిశారు. మోడి తల్లి ఒత్తిడితో, జశోదాబెన్ వారి వైవాహిక జీవితాన్ని కొనసాగించడానికి మోడి ఇంటికి వచ్చింది. కానీ మోడి ఈ ఏర్పాటును వ్యతిరేకించాడు.
తన సిద్ధాంతాల ప్రకారమే తన జీవితాన్ని కొనసాగిస్తానని వెల్లడించాడు. అంతే కాకుండా జశోదాబెన్ చదువు కోవాలని ప్రోత్సహించాడు. ఆ తరువాత ఆమెను ఎప్పుడు భార్యగా వెల్లడించలేదు. ఆ తర్వాత 1985లో బీజేపీతో కలిశారు. నాలుగు దశాబ్దాల తర్వాత చట్టబద్ధంగా ఎన్నికల అఫిడవిట్‌లో వెల్లడించాల్సి రావడం, ఆయన పెళ్లి గురించి గుజరాత్ రాజకీయాలలో గుసగుసలు వినిపించడంతో జశోదాబెన్ ని భార్యగా బహిరంగంగా ఒప్పుకున్నారు.  2014 లో ఎన్నికల అఫిడవిట్‌లో వివాహ విషయాన్ని ప్రస్తావించడంతో అందరికీ తెలిసింది. జశోదాబెన్ మోడి ఒక రిటైర్డ్ టీచర్.

Also Read: ఇంటర్ విద్యార్థిని భవ్యశ్రీ ఎలా చనిపోయింది..? అసలు ఆ రోజు ఏం జరిగిందంటే..?

ప్రస్తుతం హైదరాబాద్ లో ఎక్కువగా మెట్రోలు వాడుతున్నారు. మెట్రోల వల్ల పనులు సులభం అవుతాయి. వెళ్లే సమయం కూడా తక్కువ అవుతుంది. అందుకే మెట్రో వాడతారు. కానీ ఎన్ని మెట్రోలు వచ్చినా కూడా ఆర్టీసీ బస్సులు వాడే వాళ్ళు ఉంటారు. ఒకవేళ మెట్రో స్టేషన్ కొంచెం దూరంగా ఉండి, బస్ స్టేషన్ వారికి దగ్గరగా ఉంది అంటే, ఆర్టీసీ బస్సులు వాడతారు. అందుకే ఎన్ని మెట్రో వచ్చినా కూడా ఆర్టీసీ బస్సుల సౌలభ్యం మాత్రం అలాగే ఉంది. రెండు నిమిషాలకి ఒక బస్సు అందుబాటులో ఉంటుంది. అయితే ఇప్పుడు టిఎస్ఆర్టిసి వాళ్లు ఒక కొత్త నిర్ణయం తీసుకున్నారు.

అందుకు కారణం కూడా ఉంది. రేపటి నుండి, అంటే ఏప్రిల్ 17వ తేదీ నుండి కొన్ని బస్సులు కట్ చేయాలి అని నిర్ణయించుకున్నారు. మధ్యాహ్నం 12 గంటల నుండి సాయంత్రం 4 గంటల వరకు తిరిగే బస్సుల్లో కొన్ని బస్సులు అని తగ్గించాలి అని నిర్ణయించుకున్నట్టు ప్రకటించారు. ఇందుకు కారణం కూడా ఉంది. మధ్యాహ్నం వేడి మామూలుగా ఉండట్లేదు. అందుకే ప్రజలు మధ్యాహ్నం పూట బయటికి వెళ్లడానికి కూడా సందేహిస్తున్నారు. కాబట్టి అంత వేడిగా ఉండడం కారణంగా ఆ సమయంలో బస్సులు ఎక్కే వారి సంఖ్య తక్కువగా ఉంది. అందుకే బస్సులను కూడా తగ్గించారు. ఉదయం 5 గంటల నుండి మళ్ళీ ఆర్టీసీ బస్సుల సేవలు ప్రారంభం అవుతాయి.

మధ్యాహ్నం 4 గంటల నుండి రాత్రి 12 గంటల వరకు యధావిధిగానే బస్సులు తిరుగుతాయి. అయితే కొన్ని ప్రాంతాల్లో ఎక్కువగా బస్సులు అందుబాటులో ఉన్నా కూడా, కొన్ని ప్రాంతాల్లో మాత్రం చాలా తక్కువగా బస్సులు అందుబాటులో ఉంటాయి. గంటకి ఒక బస్సు, లేదా అర్ధ గంటకి ఒక బస్సు వస్తుంది. మధ్యాహ్నం పూట ఆ బస్సులు ఎక్కే వాళ్ళు ఉంటారు. కాబట్టి ఇప్పుడు బస్సులు తక్కువగా ఉన్న ప్రదేశాలకు వెళ్లే వాళ్ళ పరిస్థితి ఏంటి అనేది ఇంకా తెలియాల్సి ఉంది. ఇప్పుడు టిఎస్ఆర్టిసి వాళ్ళు తీసుకునే నిర్ణయం ప్రజల క్షేమాన్ని దృష్టిలో పెట్టుకొని తీసుకున్నారు. కాబట్టి, అన్ని ప్రాంతాలు కవర్ అయ్యేలా బస్సు సర్వీసులు అందిస్తారు.

ALSO READ : అప్పట్లో హైదరాబాద్ లో “డబల్ డెక్కర్” బస్సులు ఎందుకు నిలిపివేసారో తెలుసా.? 6 కారణాలు ఇవే.!