News

కరోనా వైరస్ కారణంగా అందరు సామాజిక  దూరం పాటించాలంటూ ఇప్పటికే కేంద్ర ,రాష్ట్ర ప్రభుత్వాలు పూర్తి లాక్ డౌన్ విధించిన విషయం తెలిసిందే ..ఈ నేపథ్యంలో చిత్ర విచిత్రమైన సంఘటనలు వెలుగులోకి వస్తున్నాయి .తాజాగా గురువారం ఆంధ్రప్రదేశ్ లో ఓ యువతీ తన గ్రామానికి సమీపంలో నివసిస్తున్న తన ప్రియుడిని వివాహం చేసుకునేందుకు 60 కిలోమీటర్లు నడిచి వెళ్ళింది ..

representative image

ఆంధ్రప్రదేశ్ రాష్ట్రంలోని కృష్ణ జిల్లాలోని హనుమాన్ జంక్షన్ లో నివసిస్తున్న చితికేల భవాని(19). ఈడేపల్లి గ్రామ నివాసి అయిన సాయి పున్నయను వివాహం చేసుకునేందుకు నిశ్చయించుకుంది.భవాని ఉండే ప్రదేశం నుండి సాయి పున్నయ్య నివాసం 60 కిలోమీటర్ల దూరంలో ఉంది ..ఆ విధంగా ప్రేమ కోసం భవాని ప్రయాణం ప్రారంభమైంది .గత నాలుగు సంవత్సరాలుగా భవాని ,సాయి ప్రేమ వ్యవహారం నడుస్తుంది.వీరి ప్రేమకు భవాని తల్లితండ్రులు ఒప్పుకోలేదు ..దీంతో ఎక్కడికైనా పారిపోయి పెళ్లి చేసుకోవాలని నిశ్చయించుకున్నారు.

representative image

ఏది ఏమైనా ,తమ ప్రణాళిక ప్రకారం పారిపోయి పెళ్లి చేసుకోవడానికి సిద్ధంగా ఉన్నారు ..ఈలోపు దేశమంతటా పూర్తి లాక్ డౌన్ ప్రకటించారు .దీంతో చేసేది ఏమి లేక నిస్సహాయంగా ఇంట్లో ఇరుక్కుపోయిన భవాని గురువారం కాలినడక ద్వారా సాయి పున్నయ్య దగ్గరకు చేరాలని తన ప్రయాణాన్ని మొదలుపెట్టింది.60 కిలోమీటర్లు నడిచిన తర్వాత చివరకి తన ప్రియుడిని చేరుకొని వివాహం చేసుకొంది. .ఆ తర్వాత భవాని కుటుంబ సభ్యులు వీరిద్దరిని బెదిరించడంతో వారు బయపడి పోలీసులను ఆశ్రయించారు .వీరిద్దరూ మేజర్లు కావడంతో పోలీసులు వారి కుటుంబ సబ్యులకు కౌన్సిలింగ్ ఇవ్వడానికి స్టేషన్ కు పిలిపించారు .

శుక్రవారం ఉదయం కొత్తగా వివాహం చేసుకున్న జంట రక్షణ కోసం మా వద్దకు వచ్చారు .వారి వివరాలను తీసుకునేటప్పుడు ,అమ్మాయి తన ప్రియుడిని వివాహం చేసుకోవడానికి చాలా దూరం నడిచిందని మాకు తెలిసింది అని స్థానిక సిఐ వెంకట్ నారాయణ్ తెలిపారు …యువతి కుటుంబం నుండి యువతి కనిపించట్లేదని మాకు పిర్యాదు వచ్చింది .ఇద్దరు మేజర్లు  కావున అమ్మాయి తల్లితండ్రులకు కౌన్సిలింగ్ ఇస్తున్నాము అని సదరు సిఐ తెలిపారు ..

లాక్ డౌన్ ముగిసిన తర్వాత వివాహం చేసుకుందాం అనుకున్నాము ..కానీ ప్రస్తుత పరిస్థితి చూస్తుంటే ఇప్పుడప్పుడే లాక్ డౌన్ ముగిసేలా కనిపించకపోవడంతో ఇక వేచి ఉండలేక కాలినడకన సాయి పున్నయను కలుసుకొని వివాహం చేసుకున్నాను అని భవాని తెలిపారు ..

గొర్రె కసాయి వాన్నే నమ్ముతుందని..ప్రేమించి మోసపోయే ఎన్ని ఘటనలు ఎన్ని వెలుగులోకి వస్తున్నా ముక్కు మొఖం తెలియని వ్యక్తిని నమ్మి, వారి కోసం ఎంత దూరం అయినా వెళ్లడానికి అమ్మాయిలు తెగించడం చూస్తుంటే ఆశ్చర్యం వేస్తుంది..కేరళకు చెందిన ఒక మహిళ మామయ్యకు బాలేదని ఆఫీసులో సెలవు పెట్టి..ఆఫీస్ నుండి ట్రెయినింగ్ కి పంపిస్తున్నారు అని ఇంట్లో వాళ్లకి చెప్పి .. చివరికి శవమై తేలింది…చివరికి పోలీసుల దృష్టికి వెళ్లిన కేసులో ఆసక్తికర విషయాలు బయటపడ్డాయి.

కేరళలోని కొల్లామ్ జిల్లాకు చెందిన 42ఏళ్ల సుచిత్ర అనే మహిళ ట్రైనీ బ్యూటిషియన్ గా పనిచేస్తుంది..మామయ్యకు ఆరోగ్యం బాగలేదని, తనని చూసుకోవడానికి ఊరు వెళ్లాలని చెప్పి  మార్చి  17న ఆ ఆఫీస్లో సెలవు అడిగింది.వెంటనే మరో ఐదు రోజులు సెలవు పొడిగించాలని కోరింది..ఆఫీసులో ట్రెయినింగ్కి పంపిస్తున్నారని చెప్పి ఇంటి నుండి బయటికి వెళ్లింది.. ఐదు రోజులైనా సుచిత్ర నండి కాల్ రాకపోవడంతో సుచిత్ర కుటుంబసభ్యులు పోలీసులను ఆశ్రయించారు.ఆఫీస్ కి ఫోన్ చేస్తే మామయ్యకి బాగలేదని  సెలవు తీసుకుందనే విషయం చెప్పారు. దాంతో మిస్సింగ్ కేసు నమోదు చేసి దర్యాప్తు ప్రారంభించారు పోలీసులు..

భర్తతో విడాకులు తీసుకుని పుట్టింట్లోనే ఉంటున్న సుచిత్రకి మనాలికి చెందిన 32ఏళ్ల ప్రశాంత్ తో సోషల్ మీడియా వేదికగా పరిచయం ఏర్పడింది. తనొక కీ బోర్డ్ ప్లేయర్..సుచిత్ర, ప్రశాంత్ మధ్య ప్రేమాయణం నడిచిందని,ప్రశాంత్ ని కలవడానికే సుచిత్ర మనాలి వెళ్లిందని పోలీసుల దర్యాప్తులో తేలింది..మనాలి వెళ్లిన పోలీసులకి అక్కడ సుచిత్ర ఆచూకి దొరకలేదు..ప్రశాంత్ ని పట్టుకున్న పోలీసులు సుచిత్ర గురించి అడిగితే తనకు తెలీదన్నప్రశాంత్ తర్వాత అసలు విషయం చెప్పాడు.

representative image

సుచిత్ర, నేను సోషల్ మీడియాలో పరిచయం అయ్యాము..ఆ పరిచయాన్ని ఆమె సీరియస్ గా తీసుకుంది.. ప్రేమించానని , పెళ్లి చేసుకోవాలని పట్టుబట్టింది.పెళ్లి విషయమై గొడపడిందని మొదట చెప్పిన ప్రశాంత్, పోలీసులు నాలుగు తన్నే సరికి పెళ్లి చేసుకోమని ఒత్తిడి చేస్తుందని ,తానే హత్య చేసి ఇంట్లో పాతి పెట్టానని నిజం ఒప్పుకున్నాడు.. ప్రశాంత్ చెప్పిన చోట తవ్వితే కుల్లిపోయిన శవం బయటపడింది. ఫోరెన్సిక్ పరీక్షలు నిర్వహించగా ఆ మృతదేహం సుచిత్రదేనని తేలింది . దీంతో ప్రశాంత్ ను పోలీసులు అరెస్ట్ చేశారు.

representative image

ఎక్కడ కేరళ, ఎక్కడ మనాలి.. కేరళ టు మనాలి వరకు ముక్కు మొఖం తెలియని వాన్ని నమ్మి వెళ్లింది..చివరికి శవమై తేలింది..సోషల్ మీడియా పరిచయాల వలన మంచి కన్నా చెడే ఎక్కువగా జరుగుతోంది.ఇప్పటికైనా మహిళలు అప్రమత్తంగా ఉండాలి.

ప్రపంచ వ్యాప్తంగా కరోనా మహమ్మారి ఏ రేంజ్ లో విజృంభిస్తుందో అందరికి తెలిసిందే. ఈ వ్యాధి వ్యాప్తిని నియంత్రించేందుకు మన ప్రభుత్వం లాక్ డౌన్ ప్రకటించిన విషయం అందరికి తెలిసిందే. అత్యవసరం అయితే తప్ప బయటకి రావద్దు అంటూ ఆదేశాలు జారీ చేసారు. అయినప్పటికీ కొందరు బయటకి వస్తూనే ఉన్నారు. వారిని నియంత్రించడం కోసం పోలీసులు కష్టపడుతున్నారు. ఈ క్రమంలో లంగర్ హౌస్ లో ఘటన చోటుచేసుకుంది. ఆ వీడియో ఇప్పుడు వైరల్ అవుతుంది.

వివరాల లోకి వెళ్తే.. లాక్ డౌన్ వేళ హైదరాబాద్ లంగర్‌హౌస్‌కు చెందిన ఓ వ్యక్తి ద్విచక్ర వాహనంపై ప్రయాణిస్తుంటే పోలీసులు అడ్డుకున్నారు. మాస్క్ లేదు హెల్మెట్ లేదు అని అడిగినందుకు తాను ఓ పోలీస్ అధికారి కొడుకునంటూ పోలీసులపైనే తిరగబడ్డాడు. మీ అంతు చూస్తానంటూ బెదిరించాడు. అసభ్య పదజాలం ఉపయోగించాడు. సహనం నశించిన పోలీసులు అతనిని అదుపులోకి తీసుకున్నారు. స్థానికంగా ఉన్న పోలీస్ స్టేషన్‌కు తరలించారు.

ఈ క్రమంలో అతను ఎవరా అని ఆరా తీయగా కొన్ని ఆసక్తికరమైన విషయాలు వెలుగులోకి వచ్చాయి. ఆ వ్యక్తి పేరు లోకేశ్.. కొద్దిరోజుల క్రితమే మద్యం దొరక్క ఎర్రగడ్డలోని డీ అడిక్షన్ సెంటర్‌లో చికిత్స తీసుకుని డిశ్చార్జ్‌ అయినట్లుగా తెలుస్తోంది.

సంవత్సరం క్రితం భార్య చనిపోవడంతో ఆయన పిచ్చివాడిలా ప్రవర్తిస్తున్నాడని పోలీసులు మీడియాకు వెల్లడించారు. పోలీసుల దర్యాప్తులో అతనికి మతి స్థిమితం సరిగా లేదని తేలింది. అనంతరం పోలీసులు అతనికి కౌన్సిలింగ్ ఇచ్చి లోకేశ్‌ను అతని కుటుంబసభ్యులకు అప్పగించారు. ఇతను గత రెండు రోజులుగా చనిపోయిన తన భార్య గుర్తొచ్చి పిచ్చిగా ప్రవర్తిస్తున్నట్లు పోలీసులు తెలిపారు.

ఒక డాక్టర్ కాసుల కక్కుర్తి మూలంగా ఒక కుటుంబం మొత్తం కరోనా బారిన పడింది..అంతేకాకుండా ఏరియా మొత్తం రెడ్ జోన్ గా ప్రకటించడానికి కారణం అయింది.. ప్రపంచంలో ఉన్న డాక్టర్లంతా కరోనాపై యుద్దం చేస్తుంటే, ఈ మహానుభావుడు మాత్రం డబ్బులు సంపాదించుకోవడానికి దొరికిందే ఛాన్స్ అన్నట్టుగా వ్యవహరించి అందరి ప్రాణాలను రిస్క్లో పెట్టారు..హైదరాబాద్ సిటికి దూరంగా ప్రశాంతంగా ఉండే వనస్థలిపురంలో  ఒక్కసారిగా కరోనా కలకలం రేగింది.

గడ్డి అన్నారం డివిజన్ శారదానగర్ కి చెందిన వ్యక్తి మలక్‌పేట గంజిలో నూనె వ్యాపారం చేస్తున్నాడు. కొద్ది రోజులుగా జ్వరంతో బాధ పడుతున్న అతను  వనస్థలిపురంలో ఉన్న తన సోదరుడి ఇంటికి వెళ్లి , సాధారణ జ్వరమే కదా అని స్థానికంగా ఉన్న జీవన్ సాయి హాస్పిటల్లో ట్రీట్మెంట్ తీసుకున్నాడు.. మూడు రోజుల ట్రీట్మెంట్ అనంతరం కూడా జ్వరం తగ్గకపోవడంతో , అనుమానం వచ్చి గాంధీ హాస్పిటల్ కి తరలించగా కరోనా పాజిటివ్ అని తేలింది.

వెంటనే అతడి సోదరుడి కుటుంబ సభ్యులందరిని హోం క్వారంటైన్ చేశారు. వారిలో డెభ్బై ఏళ్ల అతడి తండ్రికి  వైరస్ లక్షణాలు కనపడడంతో అతడిని గాంధికి తీసుకెళ్లి వైద్యం అందించేలోపు మరణించారు. అప్రమత్తమైన అధికారులు కుటుంబ సభ్యులు మొత్తానికి టెస్టులు నిర్వహించగా వారిలో  నూనె వ్యాపార భార్యకు, అతడి సోదరుడికి, సోదరుడి భార్య, ఇద్దరు కూతుళ్లకూ వైరస్‌ సంక్రమించిందని నిర్దారణ అయింది.

కుటుంబం మొత్తానికి కరోనా పాజిటివ్ అని తేలడంతో అందరూ బిక్కుబిక్కుమంటూ గడపాల్సిన పరిస్థితి ఎదురైంది.అంతేకాదు నూనె వ్యాపారి సోదరుడికి కూడా స్థానికంగా కిరాణా దుకాణం ఉంది.. ఆ కాలనిలో అనేక కుటుంబాలకి అతడి దుకాణం నుండే పాలు , ఇతరత్రా సరుకులు సరఫరా అవుతాయి..దీంతో అతడి నుండి ఎవరెవరికి కరోనా సోకిందో అనే భయం ప్రజల్ని వెంటాడుతుంది..అధికారులు ఆ దిశగా కూడా ఆరా తీస్తున్నారు.

కరోనా లక్షణాలతో హాస్పిటల్ కి వచ్చిన పేషెంట్ గురించి అధికారులకు చెప్పకుండా ,ట్రీట్మెంట్ కంటిన్యూ చేసిన జీవన్ సాయి హాస్పిటల్ పై, ఆ డాక్టర్ పై  స్థానికులు ఆగ్రహంగా ఉన్నారు.. అతడు కేవలం వైద్యాన్ని బిజినెస్ గా వాడుకుంటారని  స్థానికులు ఆరోపిస్తున్నారు..దీనిపై స్థానిక బిజెపి లీడర్ (మల్కాజ్ గిరి కో-కన్వీనర్)  గిరిధర్ పోచంపల్లి కేసు ఫైల్ చేశారు. నిర్లక్ష్యంగా వ్యవహరించిన డాక్టర్ పై కఠిన చర్య తీసుకునే వరకు వదిలిపెట్టం అని ఆయన స్పష్టం చేశారు.

ఇదే విషయంపైన ఆ డాక్టర్ కి సంబంధించిన వీడియో ఒకటి సోషల్ మీడియాలో వైరలవుతోంది. ” నా దగ్గరకి వచ్చినప్పుడు అతడికి కరోనా లక్షణాలున్నాయి.. నేను ట్రీట్మెంట్ చేసాకా, పూర్తిగా నయమయ్యాకే అతడిని ఇంటికి పంపించా” అని వైరల్ అవుతోన్న ఆ వీడియోపై నెటిజన్లు గుర్రుగా ఉన్నారు..ఎవరు నువ్వు ట్రీట్మెంట్ ఇవ్వడానికి, ఈ టైంలో కూడా డబ్బులు సంపాదించి ఏం చేసుకుంటావు?? అంటూ ఆగ్రహం వ్యక్తం చేస్తున్నారు.