News

లాక్ డౌన్ అని ప్రభుత్వం ప్రకటించగానే దేశం మొత్తం స్తంబించిపోయింది..రవాణా సదుపాయం లేకపోవడంతో ఎక్కడి వాళ్లక్కడే ఆగిపోవాల్సిన పరిస్థితి..ప్రజల ప్రాణాలు రక్షించడానికి , కరోనా వ్యాప్తి చెందకుండా కట్టడి చేయడానికి ప్రభుత్వానికి లాక్ డౌన్ ని మించిన పరిష్కారం కనపడలేదు .కానీ లాక్ డౌన్ మూలంగా ఒక మహిళ ఇద్దరు పిల్లలతో బిక్షాటన చేయాల్సిన పరిస్థితి వచ్చింది. అసలు ఆమె బిక్షాటనకి , లాక్ డౌన్ కి సంబంధం ఏంటో తెలియాలంటే ఈ వార్త చదవండి.

నిజానికి లాక్ డౌన్ ప్రకటించగానే ఇంట్లో కూర్చోవడమే కదా అనుకున్నారు, అది కూడా కొందరు ఇబ్బంది పడ్డారు.దాంతో   పని లేకపోయినా ఏదో ఒక వంకతో బయటికి వచ్చే వారే ఎక్కువయ్యారు . వారి మూలంగా నిజంగా అత్యవసరం వలనో, ఆపద వచ్చో రోడ్లపైకి వచ్చేవారెవరనేది అర్దం కావడంలేదు.. మీడియా కూడా కరోనా అప్డేట్స్లో మునిగిపోవడం వలన ఇలా ఇబ్బందులు పడుతున్న వారి గురించి వార్తలు రాయడమే తగ్గిపోయింది . నిజానికి మనం కదిపితే మన చుట్టే కన్నీరు తెప్పించే గాధలెన్నో.

పెద్ద పల్లి జిల్లా రామగుండం ప్రాంతానికి చెందిన ఓ మహిళ తన ఇద్దరు పిల్లలతో కలిసి ఖమ్మం జిల్లా కూసుమంచి మండలం సుబ్లేడ్ గ్రామంలో ఓ శుభకార్యానికి హాజరైంది.మార్చి 23న తిరుగు ప్రయాణంలో భాగంగా ఆటోలో మహబూబాబాద్ కు వచ్చింది. ఇక్కడి నుంచి రైలులో పెద్దపల్లికి వెళ్దాలనుకుంది.కాని సరిగ్గా అదే రోజు లాక్ డౌన్ స్టార్ట్ కావడంతో ప్రజా రవాణా వ్యవస్థ పూర్తిగా నిలిచిపోయింది . దాంతో అక్కడే చిక్కుకుపోయింది.

ఆ ఊరిలో తెలిసిన వాళ్లెవరూ లేరు, కనీసం ఇంటి వాళ్లు వీళ్ల సమాచారం తెలుసుకోవడానికైనా ఆమె దగ్గర ఫోన్ లేదు ,బయట మనుషులే కరువయ్యారు.. కనపడిన వారిని సాయం చేయమందామంటే కరోనా భయంతో అందరూ ఆమడదూరం పోయే , చేసేదేం లేక రైల్వే స్టేషన్ పరిసర ప్రాంతాల్లోనే భిక్షాటన చేస్తూ , దాతలెవరైనా ఫూడ్ సప్లై చేస్తే అక్కడకి వెళ్లి ఫూడ్ తెచ్చి తనింత తింటూ, పిల్లలిద్దరికి పెడుతూ 17 రోజులుగా జీవనం సాగించారు. ఈ విషయం అక్కడి పోలీసులకి తెలియడంతో ఆమె దగ్గర వివరాలు తీసుకుని, ఒక ఆటో మాట్లాడి మహిళని తిరిగి వారి చుట్టాలింటికి ఖమ్మం పంపించారు.

చుట్టూ ఎందరున్నా పిల్లలకు తల్లితోనే ఎక్కువ అనుబంధం..అలాంటిది తల్లి కొన్ని రోజులుగా దూరంగా ఉంటే ఆ  పిల్లల పరిస్థితి ఎలా ఉంటుంది.. చంటి పిల్లలైతే ఆ బాధ మరీ ఎక్కువగా ఉంటుంది. అమ్మ ఎందుకు దూరంగా ఉంటుంది అని వారికి పరిస్థితి చెప్పలేము, చెప్పినా అర్దం చేసుకోలేరు. తాజాగా కర్ణాటకలో జరిగిన ఒక సంఘటన ప్రతి ఒక్కరిని కంటతడి పెట్టిస్తుంది..

ముట్టుకుంటే అంటుకునే జబ్బు, ఒకరి నుండి ఒకరికి అంటుకోవడానికి పెద్దగా టైం తీసుకోదు, చాలా ఈజీగా స్ప్రెడ్ అవుతుండడంతో ఎంత జాగ్రత్తగా ఉంటే అంత మంచిది . దాంతో కరోనా పేషేంట్స్ కి అతి దగ్గరగా ఉంటూ వారికి ట్రెట్మెంట్ ఇస్తుండడంతో  మెడికల్ సిబ్బంది ఎవరూ తమ కుటుంబ సభ్యులను కలవట్లేదు.. కలిసినా కూడా దూరం నుండే చూసి మళ్లీ విధులకు హాజరు కావలసిన పరిస్థితి…లాక్ డౌన్ సమాయాన ఒక్కొక్కరిది ఒక్కో కథ..

బెళగావి ఇన్స్టిట్యూట్ ఆఫ్ మెడికల్ సైన్సెస్ కాలేజ్ హాస్పిటల్లో నర్సుగా పనిచేస్తున్నారు సుగంధ. ఆ హాస్పిటల్లో కరోనా పేషెంట్స్ కోసం ఐసోలేషన్ వార్డులను ఏర్పాటు చేసారు. సుగంధ డ్యూటీ ఆ వార్డుల్లోనే, దాంతో పదిహేను రోజులుగా ఇంటికి వెళ్లకుండా హాస్పిటల్లోనే ఉంటూ రోగులకు సేవ చేస్తున్నారు..ఇంటికి వెళ్తే ,ఇంట్లో తన కోసం ఎదురుచూసే మూడేళ్ల  చిట్టితల్లి..అందుకని ఇంటికి వెళ్లి తన బిడ్డని బాధపెట్టలేక , బిడ్డని చూస్కోలేకపోతున్నాన్న బాధని దిగమింగుతూనే డ్యూటీ చేస్తున్నారు.

అక్కడ ఆ చిన్నారి పరిస్తితి ఇంతే, రోజు తనను చూసుకునే అమ్మ ఇన్ని రోజులైనా ఇంటికి రాలేదెందుకో ఆ చిన్నారికి అర్దం కాలేదు, చెప్పినా అర్దం చేసుకునే వయసు కాదు..ఒకటి రెండు రోజులు తండ్రి కూతురిని సముదాయించాడు . ఆ తర్వాత ఆ తండ్రి వలన కూడా కాలేదు..ఏకంగా పదిహేను రోజలు అయిపోవడంతో ఆ చిన్నారి అమ్మను బాగా మిస్ అవుతుండడంతో అమ్మని చూడాలి, కలవాలి అని పేచీ పెట్టింది.దాంతో చేసేదేం లేక  బైక్ పై బిడ్డను కూర్చొపెట్టుకుని హాస్పిటల్ కి తీస్కెళ్లిడు, దూరం నుండే తల్లిని చూపించాడు.

తల్లిని చూడగానే ఒక్కసారిగా ఆ చిన్నారి గుండె బాధ, ప్రేమ మిలితమై బోరున విలపించింది. అమ్మా రా, మమ్మీ , మమ్మీ   అంటూ గుక్కపెట్టి ఏడవసాగింది. బిడ్డ ఏడుపు చూసిన తల్లికూడా తన బాధని బిడ్డకి కనపడనీయకుండా వస్తున్న ఏడుపుని ఆపుకోవడానికి ప్రయత్నించింది. ఒకరికొకరు దూరంగానే ఉండి ఏడుస్తున్నారు. కానీ బిడ్డను ఓదార్చేందుకు తల్లి ఒక్క అడుగు కూడా ముందుకు వేయలేని పరిస్థితి . దూరం నుంచే ఏడుస్తూ, బిడ్డకి బై చెప్తూ ఇక తీస్కెళ్లిపొండి అని భర్తకి చెప్పింది.

ఒకట్రెండు రోజులు బిడ్డ ఊరెళ్తేనే తిరిగి రాగానే గుండెలకు హత్తుకుని , బిడ్డల్ని మిస్ అయిన బాధని మర్చిపోతారే , అలాంటిది కళ్లముందే ఆ బిడ్డ అమ్మా ,అమ్మా అంటూ ఏడుస్తున్నా దగ్గరకుతీసుకోలేని నిస్సహాయత ఆ తల్లిది.. అమ్మా, రా అంటూ ఆ చిన్నారి గుక్క పెట్టి ఏడవడం అక్కడున్న వారందరిని కంటతడి పెట్టించింది . సోషల్ మీడియాలో వైరలైన ఈ వీడియో కర్ణాటక సిఎం యడ్యూరప్ప తన ట్విటర్ అకౌంట్లో వీడియో శేర్ చేసారు . అంతేకాదు సుగంధికి కాల్ చేసి మాట్లాడి ధైర్యం చెప్పారు, తన అకింతభావాన్ని ప్రశంసించారు.

ಬೆಳಗಾವಿಯಲ್ಲಿ ನರ್ಸ್ ಅಮ್ಮನಿಂದ ದೂರವಾದ ಮಗು ಅಮ್ಮ ಬೇಕು ಅಮ್ಮ ಎಂದು ಅಳುವ ದೃಶ್ಯ ಎಲ್ಲರ ಮನ ಕಲಕಿದೆ. ಮೂರು ತಿಂಗಳ ಮಗುವನ್ನು ಬಿಟ್ಟು, ಪ್ರಾಣ ರಕ್ಷಣೆಗಾಗಿ ಹಗಲಿರುಳು ದುಡಿಯುತ್ತಿರುವ ತಾಯಿಗೊಂದು ಅಭಿನಂದನೆ ಸಲ್ಲಿಸೋಣ#TrustNews18Kannada #Covid19 #CoronavirusOutbreak #CoronavirusInBelgaum #Healthcareworkers pic.twitter.com/aQwwRhat2U

— News18 Kannada (@News18Kannada) April 8, 2020

అయిపోయింది , ఏడు తారిఖుతో కరోనా మాయం అన్నాడు కెసిఆర్ , కాని రాత్రికి రాత్రే పరిస్థితి మారిపోయింది. అంతా ఢిల్లీ వెళ్లి వచ్చిన వారి మూలంగానే , వారే ఢిల్లి వెళ్లి కరోనా అంటించుకుని వచ్చి ఇక్కడ అందరకి అంటిస్తున్నారు వార్త దావనంలా వ్యాపించింది. దాంతో కరోనాకి భయపడే స్థానంలోకి పూర్తిగా మతపరమైన ఇష్యూ వచ్చి చేరింది. జరుగుతున్న పరిణామాలకు ట్రీట్మెంట్ క సహకరించని వారి ప్రవర్తన మరింత ఆజ్యం పోసింది. వారం రోజుల్లో పరిణామాలు మారిపోయాయి..

సరే అసలు ఏం జరిగిందో, దాని వలన అమాయకులు కూడా బలయ్యారో? లేదంటే మత మౌడ్యంలో కొట్టుకుపోతున్నారో? అవగాహన రాహత్యమో? భయమో? వారం రోజులుగా పేపర్ల నిండా మర్కజ్ వార్తలే , టివిలలో ఆ మతం వారే అంటూ పదే పదే వేలెత్తి చూపిస్తూ తబ్లిగి జమాత్ న్యూసే. ఇవన్ని కాసేపు పక్కన పెట్టి  ఈ వార్తని ఒకసారి చదవండి.

మధ్య ప్రదేశల్లోని ఇండోర్ కి చెందిన  ఒక హిందూ మహిళ మరణించింది.  వయసు అరవై ఐదేళ్లు , ఇద్దరు కొడుకులు కూడా ఉద్యోగరిత్యా ఇంటికి దూరంగా ఉంటారు. తల్లి చనిపోయిన విషయం తెలియగానే ఎలాగో కష్టపడి ఇంటికి చేరుకున్నారు. కాని లాక్ డౌన్ వేళ  ఇద్దరే ఏం చేయలేకపోయారు. చుట్టాలు, తెలిసిన వాళ్లు రావాలనుకున్నా రావడానికి వీల్లేని పరిస్థితి. కొందరు బంధువులు కరోనాకి భయపడి అంత్యక్రియలకు హాజరు కాలేదు. అప్పుడు మేమున్నామంటు ముందుకొచ్చారు అదే ఏరియాలో ఉండే ముస్లిం కుర్రాళ్లు.

ఇద్దన్నదమ్ములకు తోడుగా నిలబడి వారే పాడెమోసి, అంత్యక్రియలకు సహకరించి, తమలోని మానవత్వాన్ని చాటుకున్నారు. ఈ ఘటనకు సంభందించిన ఫోటోలు, వీడియో ఇప్పుడు  సోషల్ మీడియాలో వైరల్ అవుతున్నాయి. సుమారు  రెండు కిలోమీటర్ల దూరంలో ఉన్న శ్మశానానికి మృతదేహాన్ని తీసుకెళ్లేందుకు ఎటువంటి వాహన సౌకర్యం లేదు. దాంతో వారే నడుచుకుంటూ ముసలమ్మ దేహాన్ని శ్మశానానికి తీసుకుని వెళ్లారు. ఇదంతా కూడా వారు మాస్కులు ధరించి, డిస్టెన్స్ మెయింటెయిన్ చేస్తూ తగిన జాగ్రత్తలు పాటిస్తూనే చేశారు.

ఇదిలా ఉండగా, తమకు ఆమె చిన్నప్పటి  నుంచి తెలుసు, ఆమె మరణిస్తే, అంత్యక్రియలకు సహకరించడం మా విధి, మా బాద్యత అంటూ పేర్కొన్నారు. ఇలాంటి వార్తలు కదా ఇప్పుడు ప్రజలకు చేరాల్సింది. ఒక్క సారి ఆలోచించండి ఏదైనా తప్పు జరిగినప్పుడు ఆ తప్పు చేసిన వ్యక్తిని మాత్రమే ధూషిస్తారు, కాని వీరి విషయంలో మాత్రం మొత్తం కమ్యునిటిని తప్పు పడతారు.

ఇలాంటి సంఘటనలు తరచి చూస్తే ఎన్నో కనపడతాయి , అంతెందుకు మీ వరకు ఒకసారి ఆలోచించుకోండి మీ జీవితంలో ఒక్కరు కూడా వాళ్లు లేరా? వాళ్లు శత్రువుల్లానే కనపడ్డారా? మన దేశానికి ఉన్న ప్రత్యేకత ఏంటి “భిన్నత్వంలో ఏకత్వం” . చిన్నప్పటి నుండి చదువుకుంటున్నాం, మన జీవితాల్లో అనుసరిస్తున్నాం. కాని అప్పుడప్పుడు కొన్ని కొన్ని సంఘటనలు మనల్ని కుదిపేస్తాయి. అంతా ఒక్కసారిగా మారిపోతుంది..కాని ఒకటి నిజం ఉగ్రవాదులు ముస్లింలు కావొచ్చు కాని ప్రతి ముస్లిం ఉగ్రవాది కాదు..

हमारा मज़हब इस्लाम सिर्फ और सिर्फ इंसानियत ही सिखाता है और आज हमने साउथ तोड़ा इंदौर में हमारे हिन्दू बहन की अर्थी उठाई और उनका अंतिम संस्कार किया (मेरा मज़हब देहशत गर्दी नहीं सिखाता) pic.twitter.com/lA0Op5Jhes pic.twitter.com/s7hg4n1fLX

— Aamir Hamza (@AamirHa27257192) April 7, 2020

కరోనాకి ఎగెయినస్ట్ గా ఫైట్ చేస్తున్న డాక్టర్స్,పోలీసులు మరియు శానిటేషన్ సిబ్బంది  మా హోటల్లో విశ్రాంతి తీసుకోవచ్చు అని ప్రకటించాడు సోనూసూద్.. సినిమాల్లో విలన్ క్యారెక్టర్స్ ఎక్కువగా వేసే సోనూ ఈ నిర్ణయంతో రియల్ హీరో అనిపించుకున్నాడు.. కరోనా వ్యాప్తి చెందకుండా లాక్ డౌన్ ప్రకటించినప్పటికి దేశంలో రోజురోజుకు కేసులు పెరుగుతూనే ఉన్నాయి.. ప్రభుత్వానికి సాయంగా నటులు ఇతర రంగాల వారు వారి వారి వంతుగా సాయం చేస్తున్నారు..

ముంబైలోని జుహు బీచ్ సమీపంలో సోనూసూద్ కి ఆరు అంతస్తుల హోటల్ ఉంది..ఆ హోటల్ ని ఇపుడు తెరిపించారు సోనూసూద్ . హెల్త్ వర్కర్స్, పోలీసులు, పారిశుద్య సిబ్బంది అక్కడ విశ్రాంతి తీస్కోవచ్చని ప్రకటించారు.అంతేకాదు వారికోసం ఉచిత భోజన వసతి కల్పిస్తున్నారు. మనకోసం ఫైట్ చేస్తున్న వాళ్లు రియల్ హీరోస్,వాళ్లు ఎక్కడెక్కడి నుండో వచ్చి ప్రాణాలకు తెగించి మనకు సేవ చేస్తుంటే అలాంటి వారిని జాగ్రత్తగా చూసుకోవడం మన బాధ్యత అని అలాంటి వారికి ఇలా సేవ చేసే అవకాశం రావడం గౌరవంగా భావిస్తున్నానని పేర్కొన్నారు.

ఇప్పటివరకు వార్తల్లో చూస్తూనే ఉన్నాము. పోలీసులు, డాక్టర్లు ఇతర సిబ్బంది కుటుంబాలకు దూరంగా , దొరికింది తింటూ, ఉన్న చోటే పడుకుంటూ  కరోనా నుండి ప్రజలను కాపాడడానికి దేశానికి సేవ చేస్తున్నారు. ఎన్నో వార్తలు కంటతడి పెట్టించేవిగా ఉండేవి.. ఇప్పుడు సోనూ నిర్ణయంతో అలాంటి వారిలో కొంతమందికైనా ఫూడ్, ఉండడానికి వసతి దొరికింది . ఈ విషయం సోషల్ మీడియాలో వైరల్ అవడంతో నెటిజన్లు సోనూసూద్ ని ప్రశంసల్లో ముంచెత్తుతున్నారు. ఆపదలో ఆదుకోవడానికి ముందుకు వచ్చేవాడే రియల్ హీరో అని కామెంట్ చేస్తున్నారు… ఇప్పుడే కాదు  సమాజంలో ఎలాంటి సమస్య ఎదురైనా సోనూ తన గళం వినిపిస్తుంటాడు.. రియల్లీ హాట్సాప్ హిమ్..

అగ్రరాజ్యం అమెరికా కరోనా ఎఫెక్ట్ తో హడలెత్తి పోతుంటే ,మన దేశంలో పరిస్థితి చేయిదాటితే ఊహించుకోవడం కష్టం . అలాంటి పరిస్తితి రాకూడదనే ముందస్తు జాగ్రత్తగా ప్రభుత్వం లాక్ డౌన్ ప్రకటించింది. అయినప్పటికి ఇప్పటికే ఆరువేలకు పైగా కేసులు పెరిగిపోయాయి. వీటిల్లో మహరాష్ట్ర లోని ముంబై కేంద్రంగా కేసులు అధికంగా నమోదు అవుతున్నాయి. తమ వంతుగా సాయం చేయడానికి బాలివుడ్ కి చెందిన ప్రముకులు ముందుకు వస్తున్నరు.షారూక్ ఖాన్ దంపతులు తమ ఆఫీస్ ని క్వారంటైన్ కేంద్రంగా వాడుకోవచ్చని ప్రకటించారు. అక్షయ్ కుమార్ పిఎం సహాయనిదికి విరాళం ప్రకటించిన విషయం తెలిసిందే..

తను ప్రాణాలు కాపాడే డాక్టర్ వృత్తిలో ఉన్నాడు.. తనని నమ్మి వచ్చిన పేషెంట్స్ ప్రాణాలు కాపాడడంతో పాటు ప్రస్తుతం ఉన్న పరిస్థితుల్లో తన కుటుంబాన్ని కూడా కాపాడుకోవడం ముఖ్యం అనుకున్నాడు. అందుకే కుటుంబానికి దూరంగా బతకడం కష్టం అయినప్పటికి ప్రాణం విలువ తెలిసినవాడు కాబట్టి ఇంటికి వెళ్లకుండా కారులోనే తన నివాసం ఏర్పరచుకున్నాడు.. సోషల్ మీడియాలో వైరలవుతున్న ఒక రియల్ హీరో స్టోరీ.

సచిన్ నాయక్ , భోపాల్ లోని జేపి హాస్పిటల్లో డాక్టర్ గా విధులు నిర్వర్తిస్తూ కరోనా బాదితులకు సేవలు అందిస్తున్నాడు. కరోనా పేషెంట్స్ కి ట్రీట్మెంట్ చేస్తున్న డాక్టర్స్ కి కా కరోనా సోకుతున్న ఘటనలు మనం చూస్తున్నాం. ఈ నేపధ్యంలో తన కుటుంబాన్ని ఇబ్బందుల పాలు చేయొద్దనుకున్నాడు సచిన్ నాయక్ . అందుకే కార్ లో తనకు కావలసిన నిత్యావసరాలను ఏర్పాటు చేసుకుని, కారునే ఆవాసంగా మార్చుకున్నాడు.

సచిన్ నాయక్ కి ముగ్గురు పిల్లలు . కరోనా బారిన పడేది ముఖ్యంగా చిన్నపిల్లలు ,ముసలివాళ్లే అనేది కూడా ఒక కారణం. తన పిల్లలకు దూరంగా ఉండడానికి ఇంతకంటే మరో మార్గం దొరకలేదు . సచిన్  కారులో పడుకుని పుస్తకం చదువుతున్న ఫోటో ఒకటి సోషల్ మీడియాలో వైరలవుతోంది. దీన్ని స్వయంగా ముఖ్యమంత్రి శివరాజ్ సింగ్ చౌహన్ ‘కోవిడ్ 19ను తరిమికొట్టేందుకు పోరాడుతున్న సైనికులు మీరు. మధ్యప్రదేశ్ ప్రజలందరి తరపున మీకివే మా ధన్యవాదాలు. ఈ యుద్ధం త్వరగా ముగియాలని, మనం విజయం సాధించాలని కోరుకుంటున్నా’ అని ట్వీట్ చేశారు.

సోషల్ మీడియాలో వైరలైన ఫోటోను చూసిన నెటిజన్లు సచిన్ నాయక్ పై ప్రశంసలు కురిపిస్తూన్నారు . అంతేకాదు డాక్టర్లు, ఇతర సిబ్బంది ఇబ్బందులను ప్రభుత్వం దృష్టిలో పెట్టుకుని వారికి వసతి సదుపాయం అవి కల్పిస్తే వారు మరింత ఉత్సాహంగా పని చేస్తారని కూడా కామెంట్ చేస్తున్నారు. తక్షణమే వారికి వసతి కల్పించాలని డిమాండ్ చేస్తున్నారు. ముంబై ఇతర ప్రాంతాల్లో కొందరు హోటల్ యజమానులు తమ హోటల్ ని వినియోగించుకోవాలని ముందుకొచ్చారు.