News

తెలుగు చిత్ర పరిశ్రమలో ప్లే బ్యాక్ సింగర్ గా ఎంతో మంచి గుర్తింపు సంపాదించుకున్న వారిలో సింగర్ శ్రీరామచంద్ర ఒకరు. ఆయన తన పాటలతో ఎంతో మందిని అలరించారు. ఇండియన్ ఐడల్ విన్నర్‌గా నిలిచినా శ్రీరామ చంద్ర తెలుగు బిగ్ బాస్ సీజన్ 5 లో కూడా కనిపించారు. ప్రస్తుతం సింగింగ్‌ కెరీర్‌లో బిజీగా ఉన్నాడు శ్రీరామచంద్ర. అయితే తాజాగా తనకు ఎదురైనా ఒక అనుభవం గురించి ఆయన ఒక వీడియో పోస్ట్ చేయగా అది వైరల్ గా మారింది.

ప్రస్తుత కాలంలో ఎంతో మంది రాజకీయ నాయకులు తమ పార్టీ పనుల నిమిత్తం బహిరంగ సభలను ఏర్పాటు చేయడం లేదా ర్యాలీలు చేయడం జరుగుతుంది. ఇలా రాజకీయ నాయకులు రోడ్లపై ఇలాంటి సభలు ర్యాలీలో నిర్వహించడం వల్ల ఎంతో మంది సాధారణ ప్రజలు ఇబ్బందులు ఎదుర్కొంటున్నారు. అలాంటి ఒక సంఘటన వాళ్ళ తానూ ఇబ్బంది పడ్డానంటూ తాజాగా ట్విట్టర్ వేదికగా తెలంగాణ ముఖ్యమంత్రి కేసీఆర్ అలాగే మినిస్టర్ కేటిఆర్ గారికి తన విన్నపాన్ని తెలియజేస్తూ ఒక వీడియోని షేర్ చేశారు సింగర్ శ్రీ రామ చంద్ర.

“ఓ రాజకీయనాయకుడి కోసం పీవీ నరసింహారావు ఫ్లై ఓవర్ బ్లాక్ చేశారు. దాంతో అందరూ ఫ్లై ఓవర్‌ కింద నుంచి వెళ్లాల్సి వచ్చింది. ఈ క్రమంలో నా ప్రయాణం అరగంట ఆలస్యం అయ్యింది. నేను గోవా వెళ్లాల్సిన ఫ్లైట్ మిస్ అయ్యింది. గోవాలో నేను ఒక ఈవెంట్లో పాల్గొనాల్సి ఉంది. అప్పటికి వేరే ఫ్లైట్ తీసుకొని గోవా చేరుకోవడం కష్టమైన పని. నాతో పాటు మరో 15 మంది కూడా ఈ కారణంగానే ఫ్లైట్‌ మిస్సయ్యారు. తెలంగాణ సీఎం కేసీఆర్, మంత్రి కేటీఆర్ గార్లకు నా విన్నపం ఏమిటంటే.. రాజకీయ నాయకుల కోసం మాలాంటి సామాన్య జనాలను ఇబ్బంది పెట్టకండి’’ అంటూ వీడియో షేర్ చేశాడు శ్రీరామచంద్ర.

ఈ వీడియో వైరల్ కావడం తో సింగర్ శ్రీరామచంద్రకు ఈ విషయంలో నెటిజెన్స్ నుండి పెద్ద ఎత్తున మద్దతు లభిస్తుంది. చాలా మంది నెటిజనులు.. తమకు కూడా గతంలో ఇలాంటి అనుభవాలు ఎదురయ్యాయి అంటూ పోస్ట్‌ చేయసాగారు. కానీ ఈ విషయంలో మార్పు ఎక్స్‌పెక్ట్‌ చేయడం అత్యాశే అంటున్నారు నెటిజన్లు.

15 Memebers Including me missed our Flight to Goa 12.45pm today from Hyd, Reason the PV.Narsimharao Airport flyover was manually closed for General Public as there was a Ploitician Travelling to the Airport,Sir @KTR_News @KTRBRS Garu @KTRoffice Garu @TSwithKCR Garu,#inconvenience pic.twitter.com/qlabYTdi80

— Sreerama Chandra (@Sreeram_singer) January 30, 2023

ఇటీవల వచ్చిన తమిళ అనువాద చిత్రం లవ్ టుడే చిత్రం ఎంత ఘన విజయం సాధించిందో మనకి తెల్సిందే. ప్రస్తుత జనరేషన్ కి తగ్గట్టు తెరకెక్కిన ఈ చిత్రం ప్రేక్షకులను ఎంతో అలరించింది. కేవలం ఐదు కోట్ల బడ్జెట్ తో నిర్మితమైన ఈ సినిమా 60 కోట్లకు పైగా వసూళ్లను రాబట్టింది. ప్రస్తుతం యువత ఎలా ఉంది? ప్రేమలో ఎలాంటి పరిస్థితులను ఎదుర్కొంటున్నారో ఈ సినిమా ద్వారా చక్కగా చూపించారు దర్శకుడు ప్రదీప్ రంగనాథన్. ఇందులో ఆయనే హీరోగా నటించారు. హీరోయిన్ గా ఇవానా నటించింది.

ఈ చిత్రాన్ని అదే పేరుతో దిల్ రాజు తెలుగులోకి డబ్ చేశారు. తెలుగులోనూ విడుదల అయి మంచి విజయాన్ని సొంతం చేసుకుంది లవ్ టుడే. అయితే ఈ చిత్రం లో హీరోయిన్ తండ్రి చెప్పినట్టుగా ప్రేమికులిద్దరూ సెల్ ఫోన్ లు మార్చుకొని, వివాదాలకు పోయి చివరికి అర్థం చేసుకొని మళ్లీ ఒకటవుతారు. అప్పటివరకు ఇద్దరూ ఒకరికొకరు పారదర్శకంగానే ఉంటున్నామన్న భ్రమలోంచి బయటికి వచ్చి రక రకాల బావోద్వేగాలకి, గొడవలకి దిగుతారు. అయితే ఐడియా చాలా కేజ్రీ గా ఉందని నిజ జీవితం లో ఓ జంట దాన్నే ఫాలో అయ్యారు. చివరికి వారికి అదిరిపోయే ట్విస్ట్ ఇచ్చింది ఈ ఐడియా.

వివరాల్లోకి వెళ్తే.. తమిళనాడు రాష్ట్రంలోని బేలూరు కు చెందిన అరవింద్ ప్రైవేట్ అంబులెన్స్ డ్రైవర్ గా పని చేస్తున్నాడు. అదే టౌన్ కు చెందిన ఒక యువతి తో కొద్ది నెలల క్రితం అరవింద్ కు నిశ్చితార్థం జరిగింది. ఇక అప్పటినుంచి ఫోన్ లో మాట్లాడుకుంటూ ఉన్నారు. అప్పుడప్పుడు కలుసుకున్నారు.. ఒకరి గురించి ఒకరు బాగా అర్థం చేసుకున్న తర్వాత, ఫోన్లు మార్చుకోవాలని భావించారు. అలా మార్చుకునే ముందు ఫోన్లో పర్సనల్ డేటా ఎవరూ కూడా డిలీట్ చేయలేదు.. ఒకరి ఫోన్లో ఒకరు మార్చుకొని వెళ్లిపోయారు. ఇక ఇంటికి వెళ్ళిన తర్వాత ఫోన్లు చెక్ చేసుకున్నారు.

అప్పుడు అసలు కథ మొదలైంది.. అరవింద్ ఫోన్ చెక్ చేస్తుండగా ఆ యువతికి కొన్ని అసభ్యకర వీడియోలు కనిపించాయి. ఒక బాలికపై సంబంధించిన వీడియో అది. దీంతో ఆ యువతి షాక్ అయ్యింది. వెంటనే ఈ విషయాన్నీ తల్లిదండ్రులకు చెప్పడంతో వారి కుటుంబీకులు పెళ్లి రద్దు చేసుకున్నారు. తర్వాత ఆ యువతీ ఆ వీడియో ఎవరిదో తెలుసుకొని వారి కుటుంబీకులను కలిసి విషయం అంతా చెప్పింది. దీంతో వారు పోలీస్ స్టేషన్ కి వెళ్లి ఫిర్యాదు చేశారు. రంగంలోకి దిగిన పోలీసులు సదరు వ్యక్తిని అదుపులోకి తీసుకొని విచారణ చేపట్టారు.