పెళ్లికి గిఫ్ట్ గా వచ్చిన హోం థియేటర్‌ పేలడంతో నవ వరుడు మరణించిన ఘటనలో సంచలన విషయం బయట కొచ్చింది. కొత్తగా పెళ్లి అయిన జంట ప్రాణాలు తీయడం కోసమే హోం థియేటర్‌లో బాంబును అమర్చి బహుమతిగా  ఇచ్చినట్లు పోలీసులు చేసిన దర్యాప్తులో బయటపడింది.

ప్రేమించిన తనను పెళ్లి చేసుకోకుండా వేరే వ్యక్తిని వివాహం చేసుకుందన్న కోపంతో పెళ్ళికూతురి మాజీ లవర్ ఈ ఇలా చేసినట్లు పోలీసులు గుర్తించి అరెస్టు చేశారు. పోలీసులు నిందితుడిని జైలుకు పంపించారు. అసలు ఏం జరిగిందంటే.

ఛత్తీస్‌గఢ్‌ రాష్ట్రంలోని కబీర్‌ధామ్‌ జిల్లాలోని చమరి అనే గ్రామస్థుడు హేమేంద్రకి తమ పొరుగూరి అమ్మాయితో మార్చి 31న పెళ్లి జరిగింది. వారి పెళ్లికి వచ్చిన గిఫ్ట్స్ లో హోం థియేటర్‌ కూడా ఉంది. హేమేంద్ర ఏప్రిల్‌ 2న హోం థియేటర్‌ కు విద్యుత్‌ కనెక్షన్‌ ఇచ్చిన వెంటనే పేలిపోయింది. హేమేంద్ర అక్కడికక్కడే కన్నుమూశాడు.
అతని అన్న రాజ్‌కుమార్‌, ఇతర ఫ్యామిలీ మెంబర్స్ కూడా  తీవ్రంగా గాయపడ్డారు. వెంటనే వారిని దగ్గరలోని హాస్పటల్ కి తరలించారు. అయితే వైద్యం చేస్తుండగానే రాజ్‌కుమార్‌ మరణించాడు. ఈ ఘటన పై సమాచారం అందగానే పోలీసులు వెంటనే దర్యాప్తు చేపట్టారు. సంఘటన జరిగిన స్థలంలో పోలీసులు గన్‌పౌడర్‌ను గుర్తించారు. అప్పుడు ఆ బహుమతి ఎవరు ఇచ్చారని ఆరా తీయడంతో అసలు నిజం బయటపడింది. పెళ్లికూతురు మాజీ లవరే  నిందితుడు సర్జు అని పోలీసుల దర్యాప్తులో బయట కొచ్చింది.
అంతకుముందే వివాహం సర్జు అనే వ్యక్తి తనకు పెళ్లి అయిన విషయాన్నిదాచిపెట్టి ఆ అమ్మాయితో ప్రేమ వ్యవహారం నడిపించాడు. ఆ యువతికి హేమేంద్రతో వివాహం నిశ్చయం అవగానే సర్జుకు దూరంగా ఉంది. దాంతో ఆమెపై పగ పెంచుకున్న అతను నవ దంపతుల ప్రాణాలు తీయడానికి ప్లాన్‌ వేశాడు. దానిలో భాగంగానే హోం థియేటర్‌లో బాంబును అమర్చి వారికి బహుమతిగా ఇచ్చాడని పోలీసుల విచారణలో తేలింది. సర్జుని అరెస్టు చేసి, విచారించగా అతను నేరం చేసినట్లు ఒప్పుకున్నట్లు పోలీసధికారి మీడియాతో చెప్పారు.
Also Read: ఈ అబ్బాయి చేసిన పని తెలిస్తే హాట్సాఫ్ అనాల్సిందే..! తండ్రి చనిపోయిన తర్వాత కూడా..?

ఏ తండ్రి అయినా తన బిడ్డలను మంచి చదువులు చెప్పించి, గొప్పవారిని చేయాలని తాపత్రయపడుతుంటారు.  వాళ్ళని ఉన్నత స్థానంలో చూడాలని ఆశ పడతారు. అలాంటి తండ్రి అర్ధాంతరంగా ప్రాణాలు వదిలితే ఆ పిల్లల పరిస్థితి ఎలా మారుతుందో అర్ధం చేసుకోవచ్చు.

అలాంటి విషాద సంఘటన నిర్మల్ జిల్లాలో జరిగింది. ఈ సంఘటన అందరిని కంటతడి పెట్టిస్తోంది. కడెం మండలంలోని మొర్రిగూడెం ఊరికి చెందిన తక్కెళ్ల వెంకటి కూడా తన కుమారుడు రోహిత్‌ని ఎంతో కష్టపడి చదివించాడు. అయితే రోహిత్ టెన్త్ క్లాస్ చదువుతున్న సమయంలో వెంకటి అనారోగ్యం వచ్చింది. తన తండ్రి అనారోగ్య పరిస్థితిని తెలుసుకున్న రోహిత్ కొన్ని రోజుల క్రితమే నిర్మల్ హస్పటల్ లో చికిత్స చేయించుకొని ఇంటికి తీసుకొచ్చాడు. సోమవారం నుండి పదవ తరగతి పరీక్షలు మొదలు కానుండగా ఆదివారం రోజు రాత్రి వెంకటి అనారోగ్యంతో కన్నుమూశాడు. అయితే తన తండ్రి కలను నిజం చేయడం కోసం పరీక్ష రాయాలని నిర్ణయించుకున్నాడు. తండ్రి లేడనే బాధను, వస్తున్న కన్నీళ్లను ఆపుకుంటూ ఇంట్లో శవం ఉండగానే తండ్రిని తలచుకుంటూనే ఎగ్జామ్ రాశాడు. రోహిత్ ఇంటి దగ్గర నుండి పరీక్ష హాల్‌ వరకు కూడా కన్నీటితో వెళ్లి తండ్రిని గుర్తుచేసుకుంటూ పరీక్ష రాయడం తోటి స్టూడెంట్స్ తో పాటు బంధువులను, గ్రామస్థులను కలచివేసింది. ఇక సోమవారం నాడు పరీక్ష పూర్తి చేసిన తరువాత రోహిత్ ఇంటికి వచ్చి తండ్రికి దహన సంస్కారాలు చేశారు. ఏ బిడ్డకు కూడా ఇటువంటి పరిస్థితి రాకూడదని, రోహిత్ ను చూసినవారు కన్నీరు పెట్టుకున్నారు.

Also Read: “స్వాతంత్రం” రాకముందు ఉన్న… “గడ్డు పరిస్థితులని” తెలిపే 15 ఫోటోలు..! అప్పట్లో భారతదేశం ఎలా ఉండేది అంటే..?

“మేము వెళ్లిపోతున్నాం. మా కొడుకు, కూతురుని జాగ్రత్తగా చూసుకోండి. మా కూతురు చాలా అమాయకురాలు. మేము మీకు డబ్బులు ఇవ్వలేదని తనని ఏం అనొద్దు. మా అత్తను, అమ్మను బాగా చూసుకోండి. పిల్లలు మిమ్మల్ని ఎవరు ఏమన్న పట్టించుకోవద్దు. ఇక మేము వెళ్లిపోతున్నాం..” అంటూ ఓ దంపతులు ఏడుస్తూ చివరి సారిగా తీసుకున్నసెల్ఫీ వీడియో లో తెలిపారు.

ఆ వీడియో ని తమ కుమారుడికి, ఇంకా కొందరు బంధువులకు పంపి ఫోన్ లు స్విచ్ఛాఫ్ చేసి అప్పటి నుంచి కనిపించకుండాపోయారు. ఆ వీడియో లోని వ్యక్తిని చిత్రాడ వరప్రసాద్ గా గుర్తించారు. విశాఖ పరిధిలోని వడ్లపుడిలో ప్రాంతంలో ఉన్న తిరుమలనగర్ లో చిత్రాడ వరప్రసాద్ (47), మీరా (41) దంపతులు నివాసం ఉంటున్నారు. వీరికి ఓ కూతురు, కుమారుడు సంతానం. ఇటీవలే తమ కుమార్తె కి వివాహం చేసారు ఈ దంపతులు.

గత కొన్ని రోజుల నుంచి ఈ దంపతులు ఆర్థిక ఇబ్బందులతో బాధపడుతున్నట్లు తెలుస్తుంది. ఈ వీడియోను చూసిన ఈ దంపతుల కుమారుడు వెంటనే స్థానిక పోలీసులకు ఫిర్యాదు చేశారు. మిస్సింగ్ కేసు నమోదు చేసుకున్న పోలీసులు వారి ఆచూకి కోసం గాలింపు చర్యలు చేపట్టారు. అనకాపల్లి కొప్పాక ఏలూరు కాలువ దగ్గర చెప్పులు, హ్యాండ్ బ్యాగు, ఓ సెల్ ఫోనును గుర్తించారు.

చివరికి ఆ దంపతుల మృతదేహాలు బుధవారం లభ్యం అయ్యాయి. ముందుగా భర్త, ఉక్కు ఉద్యోగి వర ప్రసాద్ మృతదేహం.. అనకాపల్లి రూరల్ పోలీస్ స్టేషన్ పరిధి రాజుపాలెం దగ్గరలోని ఏలేరు కాలువ వద్ద దొరికింది. ఆ తర్వాత కాసేపటికే అదే కాలువకు మరికొంత దూరంలో భార్య మృతదేహం కూడా గుర్తించారు పోలీసులు.

వరప్రసాద్, మీరా కుమార్తెకు గతేడాది వివాహం జరిగింది. ఇటీవలే ఆమెకు ఓ బిడ్డ కూడా పుట్టింది. అయితే కుమారుడు కృష్ణ సాయి తేజ బ్యాటరీ దుకారణం నిర్వహిస్తున్నాడు. అయితే కరోనా సమయం నుంచి కుటుంబ ఆర్థిక పరిస్థితి ఏమంత బాలేదు. ఈ సెప్తాహ్యం లో వార ప్రసాద్ భారీ మొత్తాల్లో అప్పులు చేసినట్లు తెలుస్తోంది. అయితే ఈ క్రమంలోనే ఆర్థిక సమస్యలు ఎక్కువై తాము ఆత్మహత్య చేసుకుంటున్నట్లు సెల్ఫీ వీడియోలో వెల్లడించారు.

ఇండియాలో ప్రతినెల మొదటి రోజు అనగా ఒకటవ తేదీన ఎన్నో మార్పులు జరుగుతాయి. అలాగే కొత్త రూల్స్ కూడా అమలులోకి వస్తుంటాయి. అలాగే వచ్చే అంటే ఏప్రిల్‌ 1వ తారీఖు నుండి అనేక మార్పులు జరగబోతున్నాయి. దానికి కారణం కొత్త ఆర్థిక ఏడాది ఈ రోజు నుంచే మొదలవుతుంది.

2023-24 ఆర్థిక సంవత్సరం ఏప్రిల్ 1 నుండి ప్రారంభం కానుంది. ఈ క్రమంలో కొత్త రూల్స్, అలాగే వస్తువుల ధరలలో కూడా మార్పులు చోటు చేసుకుంటాయి. కొన్ని వస్తువుల ధరలు తగ్గితే, మారికొన్ని వస్తువుల ధరలు పెరుగుతూ ఉంటాయి. పాన్-ఆధార్ లింక్ మరియు ఆదాయపు పన్ను రూల్స్, మ్యూచువల్ ఫండ్స్‌ లాంటి అనేక అంశాలలో మార్పులు జరగనున్నాయి.  కొత్త రీల్స్ అనగానే ప్రజలకు గుండెల్లో అలజడి ఏర్పడుతుంది. ఏ వస్తువుల ధరలు పెరుగుతాయో అని ఆందోళన పడుతుంటారు. సాధారణంగా ఆర్థిక సంవత్సరం మారినప్పుడు కొన్ని వస్తువుల రేట్లలో మార్పులు జరుగుతూ ఉంటాయి. కేంద్ర బడ్జెట్‌లో టాక్స్‌ స్లాబ్స్‌, ఇంపోర్ట్‌ డ్యూటీలలో మార్పులు రావడంతో వస్తువుల రేట్లలో కూడా మార్పులు జరగబోతున్నాయి. ఆ వివరాల గురించి  ఇప్పుడు చూద్దాం..
ధరలు పెరుగే వస్తువులు ఇవే:
ధరలు పెరిగే వస్తువుల జాబితాలో హెలికాప్టర్లు, ప్రైవేటు జెట్స్‌, దిగుమతి అయ్యే ఎలక్ట్రానిక్ వస్తువులు, బంగారు ఆభరణాలు, ప్లాస్టిక్ వస్తువులు లాంటివి ఉన్నాయి. అలాగే వీటితో పాటు ప్లాటినం ధరలు, వెండి వస్తువుల ధరలు  కూడా పెరగబోతున్నాయి. ఎలక్ట్రిక్ కిచెన్ చిమ్నీలు, ఇమిటేషన్‌ ఆభరణాలు, సిగరెట్ల ధరలు ఏప్రిల్ నెల నుండి  పెరగనున్నాయి.ధరలు తగ్గే వస్తువులు ఇవే:
ధరలు తగ్గే జాబితాలో వజ్రాలు, రంగు రాళ్లు, దుస్తులు, సైకిళ్లు, బొమ్మలు, టీవీల ధరలు తగ్గబోతున్నాయి. ఇక వీటితో పాటుగా కాఫీ గింజలు, ఇంగువ, శీతలీకరించిన నత్తగుల్లలు, మొబైల్ ఫోన్ ఛార్జర్లు, మొబైల్‌ ఫోన్లు, కెమెరా లెన్స్‌  లాంటి ఎలక్ట్రిక్‌ వస్తువులు రేట్లు తగ్గనున్నాయి. ఇండియాలో తయారయ్యే ఎలక్ట్రానిక్ వెహికిల్స్ తో పాటు పెట్రోలియం ఉత్పత్తులకు కావలసిన కొన్ని రకాల కెమికల్స్, లిథియం అయాన్ బ్యాటరీల రేట్లు తగ్గనున్నాయి.
Also Read: వీరు పాన్‌ కార్డ్ ను ఆధార్ నంబర్ తో లింక్ చేయనవసరం లేదు..

సాధారణంగా సినిమా ఇండస్ట్రీలో ఎన్నో సినిమాలు ప్రకటించడం తర్వాత అవి మొదలు పెట్టడం మధ్యలో ఆపేయడం అనేది సహజం. అందులో చాలా మంది పెద్ద హీరోల సినిమాలు కూడా ఉంటాయి.

ఆ సినిమాలు ఆపేయడానికి ఎన్నో కారణాలు ఉంటాయి. అలా రామ్ చరణ్ హీరోగా నటించిన కొన్ని సినిమాలు కూడా ప్రకటించిన తర్వాత ఆగిపోయినవి ఉన్నాయి. ఆ సినిమాలు ఏంటో ఇప్పుడు చూద్దాం.

1. మణి రత్నం ప్రాజెక్ట్

అప్పట్లో రామ్ చరణ్ మణిరత్నంతో కలిసి మూవీ చేస్తున్నట్టు ఇండస్ట్రీలో టాప్ నడిచింది. అయితే ఈ విషయం గురించి అఫీషియల్ గా ఎటువంటి ప్రకటన బయటకు రాలేదు. కానీ రూమర్స్ ప్రకారం ఇది ఒక యాక్షన్ డ్రామా అని, కొన్ని అనుకోని కారణాల వల్ల ప్రాజెక్టు ముందుకు సాగలేదని తెలుస్తుంది.

2. త్రివిక్రమ్ శ్రీనివాస్ ప్రాజెక్ట్

పవర్ స్టార్ పవన్ కళ్యాణ్ ప్రొడక్షన్ లో త్రివిక్రమ్ శ్రీనివాస్ రామ్ చరణ్ కాంబినేషన్ లో ఓ మూవీ రాబోతున్నట్లు అప్పట్లో వార్తలు వచ్చాయి. కానీ ఆ తరువాత దాని గురించి ఎటువంటి ఊసు బయటకు రాలేదు.

3. మెరుపు

2010 రొమాంటిక్ హిట్ ఆరెంజ్ మూవీ తర్వాత రామ్ చరణ్ మెరుపు అని స్పోర్ట్స్ డ్రామా మూవీ కోసం రెడీ అయ్యాడు. ఈ మూవీ కి డైరెక్టర్ గా తమిళ్ డైరెక్టర్ ధరణి ని ఎంచుకున్నారు.ఇది ఒక రకంగా రామ్ చరణ్ డ్రీమ్ ప్రాజెక్ట్. కానీ తెలియని కారణాలవల్ల ఈ చిత్రం ఆగిపోయింది. ఈ మూవీ గురించి మాట్లాడుతూ రామ్ చరణ్ ” నేను కంటెంట్-ఆధారిత స్పోర్ట్స్ డ్రామా చేయాలనుకుంటున్నాను మరియు సరైన స్క్రిప్ట్ కోసం నేను ఆసక్తిగా ఎదురుచూస్తున్నాను. నా కెరీర్ ప్రారంభంలో నేను R.B. చౌదరి తో క్రీడల నేపథ్యం ఆధారంగా ఒక చిత్రాన్ని ప్రారంభించాను. కానీ కొని అనుకోని కారణాల వల్ల, అది ఆగిపొయింది. ఇంక ఆ తర్వాత, నాకు క్రీడలకు సంబంధించిన సబ్జెక్ట్‌లు ఏవీ రాలేదు” అని చెప్పారు.

4. ఏఆర్ మురుగదాస్ ప్రాజెక్ట్

ఒకసారి ఏదో ఫంక్షన్ లో రామ్ చరణ్ స్వయంగా మురుగన్ తో సినిమా చేయాలని ఉందని చెప్పారు. దాంతో వెంటనే వీళ్ళిద్దరి కాంబోలో సినిమా వస్తుంది అని వార్త బాగా వైరల్ అయింది. కానీ ఆ తర్వాత ఈ విషయం గురించి ఎటువంటి వార్తలు బయటకు రాలేదు.

5. కొరటాల శివ ఫిల్మ్

కొరటాల శివ రామ్ చరణ్ తో మూవీ చేయాలి అని అనుకున్నాడట. ఆ మూవీకి సంబంధించిన అధికారిక ప్రకటన ,పూజా కార్యక్రమం కూడా జరిగింది. కానీ తెలియని కారణాలవల్ల ఆ సినిమా సెట్స్ కి వెళ్ళకముందే ఆగిపోయింది.

6. గౌతమ్ తిన్ననూరి ప్రాజెక్ట్

ఈ ప్రాజెక్టు గురించి అధికారికంగా ఎటువంటి ప్రకటన బయటకు రాలేదు. కానీ ఈ ప్రాజెక్ట్ షెల్వ్ అయినట్టు మాత్రం రిపోర్ట్స్ వచ్చాయి. ఈ మూవీలో ఫస్ట్ హాఫ్ బాగుంది కానీ సెకండ్ హాఫ్ స్టోరీ చరణ్ కు నచ్చలేదంట. మార్పులు చేసినప్పటికీ ఈ చిత్రం సెకండ్ హాఫ్ చరణ్ కి సంతృప్తిని ఇవ్వలేదంట. అదే ఈ ప్రాజెక్టు ఆగిపోవడానికి కారణం అని భావిస్తున్నారు.

పెళ్లి అన‌గానే ఎంత హడావుడి, బంధు మిత్రులు సందడి, పెద్ద ఎత్తున భోజ‌నాలు, పట్టుచీరలు, ఆభరణాల ధగధగలు.. అబ్బో ల‌క్షల్లో ఖ‌ర్చు. జీవితంలో ఒక్కసారి మాత్రమే వచ్చే కాబట్టి చాలామంది తమ పెళ్లి వేడుక ప్రత్యేకంగా ఉండాలనుకుంటారు. మధ్యతరగతి వారే ఇలా అనుకుంటే.. మైనింగ్ కింగ్ గా పేరు సంపాదించిన గాలి జనార్ధన్ రెడ్డి తన కుమార్తె పెళ్లి అంగరంగవైభవం గా జరిపించారు.

కర్ణాటక మాజీ మంత్రి గాలి జనార్ధన్ రెడ్డి కూతురు బ్రహ్మణి వివాహం నవంబర్ 6, 2016లో జరిగింది. ఈ వివాహానికి 500 కోట్ల రూపాయలు ఖర్చు పెట్టారు మాజీ మంత్రి. 50 వేల మందికిపైగా అతిథులు ఈ పెళ్లికి హాజరయ్యారు. 5 రోజుల రోజుల పాటు ఈ వివాహ వేడుకలు జరిగాయి. ఇన్విటేషన్ కార్డు నుంచి భారీ సెట్టింగ్స్ వరకు దేశవ్యాప్తంగా ఈ పెళ్లి వైరల్ అయ్యింది. ప్రస్తుతం పెళ్లిళ్ల సీజన్ కావడం తో ఈ పెళ్లి విషయం మరోసారి వైరల్ హైలైట్ అయ్యింది.

గాలి బ్రాహ్మణి వివాహ ఆహ్వాన పత్రిక గా డిజిటల్ ఇన్విటేషన్ కార్డుని అతిథులకు పంపారు. ఈ పెళ్లి కార్డులపై ఎల్‌సీడీ స్క్రీన్స్ ప్లే చేశారు. ఈ స్క్రీన్ ఒక బాక్స్‌లో ఉంటుంది. అందులో రెడ్డీ కుటుంబ సభ్యులు బంధువులు, అతిథులను ఆహ్వానిస్తున్న వీడియో ఉంది. పెళ్లికి వచ్చిన అతిథులను 40 లగ్జరీ బుల్లోక్ కార్ట్స్‌‌లోకి ఎక్కించి గేటు నుంచి పెళ్లి మండపానికి తీసుకెళ్లారు.

రూ.150 కోట్లతో విజయ నగర ఆలయం మాదిరిగా పెళ్లి మండపాన్ని పలువురు బాలీవుడ్ ఆర్ట్ డైరెక్టర్లు రూపొదించారు. డైనింగ్ ఏరియాను బెల్లారి గ్రామం మాదిరిగా డిజైన్ చేశారు. అతిథులను పెళ్లి మండపానికి తీసుకొచ్చేందుకు 2000 కార్లు, 15 హెలికాప్టర్లను అద్దెకు తీసుకున్నారు. వారు ఉండడటానికి బెంగళూరులో ఫైవ్ స్టార్, త్రీ స్టార్ హోటళ్లలో 1500 రూమ్స్ బుక్ చేశారు.

అలాగే అతిథులకు టువంటి ఇబ్బందులు, అసౌకర్యం కలగకుండా వుండటం కోసం 1 లక్ష మంది గ్రౌండ్ స్టాఫ్, 2500 మంది సూపర్‌వైజర్లు, 1000 మంది మేనేజర్లని నియమించారు. ఈ పెళ్ళిలో గాలి జనార్ధన్ రెడ్డి కుమార్తె బ్రాహ్మణి రూ.17 కోట్లు విలువైన కంజివరమ్ శారీ కట్టుకున్నారు. ఈ చీరలో స్వచ్ఛమైన బంగారం దారాలను వినియోగించారు.

పెళ్లి లో ఆమె ధరించిన వజ్రాభరణాల విలువ రూ.90 కోట్లు ఉంటుందని అంచనా. పెళ్లి కుమార్తె మేకప్ కోసం ముంబై నుంచి 50 మంది టాప్ మేకప్ ఆర్టిస్టులను రప్పించారు. దీని కోసం ఏకంగా రూ.30 లక్షలు ఖర్చు చేశారు. వెయ్యి వంటకాలతో మెనూ తయారు చేసారు. దీని కోసమే 100 కోట్లు ఖర్చు అయ్యాయట. మొత్తంగా ఈ వివాహానికి 500 కోట్లు ఖర్చు చేసారని తెలుస్తోంది.