News

చాలా వరకు సినిమా లో ఇద్దరి హీరోయిన్లు ఉంటారు కానీ చివరికి మాత్రం ఒక హీరోయిన్ కే ప్రాముఖ్యతను ఇస్తారు. కథ మొత్తం హీరో ఎవరని చేసుకుంటాడు అని ఉత్కంఠంగా సాగినప్పటికీ చివరికి హీరో ఏదో ఒక హీరోయిన్ తో మాత్రమే సెటిల్ అవుతాడు. అయితే చాలావరకు ఇద్దరు హీరోయిన్ల క్యారెక్టర్లు అక్కాచెల్లెళ్లుగా చూపించడం గమనార్హం.
ఇప్పటికే ఇద్దరు హీరోయిన్ల అక్కాచెల్లెళ్లుగా ఉన్న సినిమాలు చాలానే ప్రేక్షకుల ముందుకు వచ్చాయి అవి ఏమిటో , ఓకే సెంటిమెంట్ వాడడం వల్ల అవి ఫట్ అయ్యాయా కట్ అయ్యాయా చూద్దాం.

సంతోషం:

నాగార్జున శ్రియ శరన్ గ్రేసీ సింగ్ కాంబినేషన్లో 2002 లో రిలీజ్ అయిన ఫ్యామిలీ ఎంటర్టైన్ సంతోషం. ఈ చిత్రంలో మొదట గ్రేసీ సింగ్ ను ప్రేమించి పెళ్లి చేసుకున్న నాగార్జున తర్వాత ఆమె చనిపోవడం తో శ్రియను పెళ్లి చేసుకుంటాడు.

ఏవండోయ్ శ్రీవారు:

2006లో శ్రీకాంత్, స్నేహాన, నిఖిత ల కాంబినేషన్ లో ఇ.సత్తిబాబు దర్శకత్వంలో తెరకెక్కిన చిత్రం ఏవండోయ్ శ్రీవారు ప్రేక్షకుల ఆదరణ పొందింది. ఈ సినిమా లో మొదట నికితను ప్రేమించిన శ్రీకాంత్ చివరకు స్నేహను పెళ్లి చేసుకుంటాడు.

పౌర్ణమి:

2006లో ప్రభుదేవా దర్శకత్వంలో విడుదలైన ఫ్యామిలీ మ్యూజికల్ ఎంటర్టైన పౌర్ణమి. ఇందులో ప్రభాస్ మొదట త్రిష పెళ్లి చేసుకోగా ఆమె అతని కోసం ప్రాణ త్యాగం చేస్తుంది. తర్వాత అతను చార్మిని పెళ్లి చేసుకుంటాడు. అజంతం ప్రేక్షకులను అలరించిన ఈ సినిమా బాక్స్ ఆఫీస్ వద్ద హిట్టుగా నిలబడింది.

జల్సా:

2008 లో రిలీజ్ అయి బ్లాక్ బస్టర్ గా నిలిచిన సినిమా జల్సా. ఇందులో పవన్ కళ్యాణ్ ,పార్వతి మెల్టన్ ఇద్దరు పరస్పరం ప్రేమించుకున్న ప్రకాష్ రాజ్ వారించడంతో విడిపోతారు. కానీ తరువాత పవన్ ఇలియానా ప్రేమలో పడతాడు.

అత్తారింటికి దారేది:

త్రివిక్రమ్ శ్రీనివాస్ డైరెక్షన్లో 2013లో రిలీజ్ అయిన పవన్ కళ్యాణ్ సినిమా అత్తారింటికి దారేది. ఇందులో తన మేనత్త ఇల్లు చేరిన పవన్ మొదట ఆమె పెద్ద కుమార్తె ప్రణీత ను ఇష్టపడతాడు. కానీ ఆ తర్వాత సమంతను ప్రేమిస్తాడు. ఈ సినిమా బ్లాక్ బస్టర్ హిట్గా నిలిచింది.

డియర్ కామ్రేడ్:

అర్జున్ రెడ్డి ఫేమ్ విజయ్ దేవరకొండ రష్మిక మందాన కలిసిన 2019 లో నటించిన డియర్ కామ్రేడ్ చిత్రం హిట్గా నిలిచింది.
ఇందులో విజయ్ మొదట ఒక అమ్మాయిని ఇష్టపడి లాస్ట్ కి రష్మికను ప్రేమిస్తాడు. కానీ ఈ సినిమా ఆశించినంతగా సక్సెస్ కాలేక పోయింది.

అల్లుడు అదుర్స్:

2021 లో సంతోష్ శ్రీనివాస్ దర్శకత్వం బెల్లంకొండ సాయి శ్రీనివాస్,నభా నటేష్, అను ఇమ్మాన్యుయేల్ నటించిన అల్లు అర్జున్ ర్స్ మూవీ బాక్స్ ఆఫీస్ వద్ద హిట్టుగా నిలబడింది. ఇందులో బెల్లంకొండ శ్రీనివాస్ మొదట అను ఇమ్మానుయేల్ ను తర్వాత ఆమెను అతని వదిలి వెళ్ళిన తర్వాత నభానటేష్ ను ఇష్టపడతాడు.

అశోక వనంలో అర్జున కళ్యాణం:

విద్యాసాగర్ చింతా దర్శకత్వంలో ఈ సంవత్సరం విడుదలైన సినిమా అశోకవనంలో అర్జున కళ్యాణం.
ఇందులో మొదట విశ్వక్ సేన్ రితిక నాయక్ ను ఇష్టపడతాడు కానీ ఆ తర్వాత రుక్సారు ను ప్రేమిస్తాడు. ఈ సినిమా ప్రేక్షకులను బాగానే ఆకట్టుకుంది.

మన ఆంద్రప్రదేశ్ కు చెందిన మహానేత జననేత వైఎస్ రాజశేఖరరెడ్డి ప్రజలకు సేవ చేసేందుకు రచ్చబండ కార్యక్రమానికి వెళ్తూ ప్రమాదవశాత్తు ప్రాణాలు కోల్పోయి నేడు మన మధ్య లేరు. నేడు దివంగత మహానేత వైఎస్ రాజశేఖరరెడ్డి వర్ధంతి సందర్భంగా ఇడుపులపాయలోని వైఎస్సార్‌ ఘాట్‌ వద్ద ఏపీ ముఖ్యమంత్రి వైఎస్‌ జగన్‌మోహన్‌ రెడ్డి, వైఎస్‌ విజయమ్మ, వైఎస్‌ భారతి, వైఎస్‌ షర్మిల.. మహానేతకు నివాళులర్పించారు.తర్వత తన కుటుంబసభ్యులతో కలిసి వైఎస్‌ జగన్‌ ప్రత్యేక ప్రార్థనల్లో పాల్గొన్నారు.ఆయన రాజ్యస్ఫూర్తి కి, పరిపాలనకు, పేదల పట్ల కరుణకు ప్రతీక.

చాలా కుటుంబాలు పూజ గదిలో ఆయన ఫోటో ను ఉంచి దైవంలా పూజిస్తారు. పేదల కోసం ఎన్నో పథకాలు ప్రవేశపెట్టి వాళ్ళ ఎదుగుదలకు అడుగడుగునా అండగా నిలబడిన ప్రజానాయకుడు వైఎస్సార్‌.అన్ని గ్రామాలు, పట్టణాలు మరియు నగరాల్లో ఆయన విగ్రహాలు ఉన్నాయి మరియు వారి వీధులు కు, జంక్షన్‌లకు ఆయన పేరు పెట్టారు. ప్రజలు ఆయన్ని తమ సొంత తోబుట్టువుల కంటే ఎక్కువగా ప్రేమిస్తారు. ఆయన గతించి ఇన్ని సంవత్సరాలు గడిచిన అందరి మనసుల్లో తనకంటూ ప్రత్యేకమైన స్థానాన్ని సంపాదించుకున్న నేత వైఎస్సార్‌.

వైయస్సార్ వర్ధంతి సందర్భంగా కాంగ్రెస్ నేతలు మరియు కార్యకర్తలు ఆయనకు ఘనంగా నివాళులు అర్పించారు. ఈ నేపథ్యంలో కాంగ్రెస్ సీనియర్ నేత అయిన ఎంపీ కోమటిరెడ్డి వెంకటరెడ్డి వైఎస్సార్‌ ను గుర్తుచేసుకొని తన మనసులో ఆయనకు ఉన్న ప్రత్యేక స్థానాన్ని గురించి చెప్పారు. ఆయన ట్విట్టర్లో..‘‘అన్నలా మీరిచ్చిన భరోసా.. ‘వెంకన్నా’ అంటూ పిలిచిన ఆ పిలుపులోని ఆప్యాయత.. ఎప్పటికీ శాశ్వతం రాజన్న! జన హృదయ నేతకు నివాళులు’’ అంటూ తన మనసులోని భావాలను ట్విట్ రూపంలో అందరితో పంచుకున్నారు.

“ఆ హస్తం.. పేదల ఆకలి తీర్చే భరోసా

ఆ హస్తం.. కూలుతున్న గుడిసెకు భరోసా

ఆ హస్తం.. సరస్వతీ పుత్రులకు ఫీజు రియంబర్సుమెంటు ప్రోత్సాహం

ఆ హస్తం.. కుటిల రాజకీయాలకు పాశుపతాస్త్రం

పేదల చిరునవ్వుల్లో చిరంజీవిగా నిలిచిన జన హృదయ నేతకు ఇదే నా నివాళులు “అంటూ ఎందరో కాంగ్రెస్‌ నేతలు రాజన్న ను గుర్తు చేసుకొని ఆయన ఔన్నత్యం గురించి వ్యాఖ్యానించారు.

వివాహమై ఇద్దరు పిల్లలున్న తల్లి… ఇంజనీరింగ్‌ చదివిన యువకుడు త ఇంట్లో ఎవరికి తెలియకుండా పారిపోయిన వైనం ఇప్పుడు నెట్ లో వైరల్ గా మారింది.

ఇదేమీ తెలియని ఆమె భర్త పాపం తన భార్య కనపడటం లేదు…..కాపాడండి….అని పోలీసులకు ఫిర్యాదు చేశాడు. అతని కంప్లైంట్ అందుకుని రంగంలోకి దిగిన పోలీసులు ఆమె కోసం దర్యాప్తు స్టార్ట్ చేశారు. తీగ లాగితే డొంకంతా కదిలినట్లు…ఇన్వెస్టిగేషన్ లో అసలు సంగతి బయటకు వచ్చింది. దీంతో ప్రియుడితో కలిసి కారవార్‌ పారిపోయిన ఆమెను ,ఆమె ప్రియుడును పోలీసులు అదుపులోకి తీసుకున్నారు.

ఇటీవల ఇంజినీరింగ్‌ను పూర్తి చేసిన బీర్‌ మోహిద్దీన్‌ చెన్నైకి చెందినవాడు. అతను పెళ్లి సంబంధాల విషయంలో దూరపు బంధువైన అబ్దుల్‌ ఖాదర్‌ ను కలవడానికి అప్పుడప్పుడు ఖాదర్‌ ఇంటికి వెళ్ళేవాడు. ఆ అబ్దుల్‌ ఖాదర్‌ కోడలే అయిషా. ఆమెతో బీర్‌ మోహిద్దీన్‌ కు బాల్యం నుండి పరిచయం ఉండేది.ఆ ఇద్దరు తరచుగా కలుసుకోవడం తో ఇద్దరి మధ్య చిన్ననాటి ప్రేమ తిరిగి చిగురించింది.ఆ పరిచయం అతి తక్కువ కాలం లోనే ప్రేమగా మారింది. దాంతో ఇంట్లో ఎవరికి చెప్పకుండా ఇద్దరు కారవారకు పారిపోయారు.

representative image

ఇద్దరు  కారవార్‌ లో నే ఎవరికి తెలియకుండా ఆరు నెలల నుంచి భార్య భర్తలా కలిసి నివాసం ఉంటున్నారు. అయిషా కోసం వెతుకుతన్న పోలీసుల  కారవార్‌ చేరడంతో అసలు నిజం బయటకు వచ్చింది. స్థానిక పోలీసుల సాయంతో తమిళనాడు పోలీసులు ఆ ఇద్దరిని అదుపులోకి తీసుకున్నారు. గత ఫిబ్రవరి నుండి ఇద్దరు  కారవార్‌ లో ఒక అద్దె ఇంటిలో ఉంటున్నట్లు పోలీసుల విచారణలో తేలింది. ఈ సంగతి తెలిసి ఇద్దరు పిల్లల్ని ,భర్తను కాదు అని ఒక అబ్బాయితో అయిషా అలా చేయడం తెలిసి అందరూ ఆశ్చర్యపోయారు.

సైబర్ నేరగాళ్ల ఆటలు రోజు రోజుకీ పెరిగిపోతున్నాయి. కాల క్రమేణా సాంకేతికంగా దేశం అభివృద్ధి చెందుతున్నప్పటికీ… సైబర్ నేరాలు కూడా అంతే ఎక్కువగా పెరుగుతున్నాయి. గిఫ్ట్ వచ్చిందనే సాకుతో లింకులు పంపు. ఉద్యోగం ఇస్తాం అంటూ, లాటరీ డబ్బులు అంటూ ఇలా ఎన్నో రకాలుగా ప్రజలను మోసం చేస్తూ, సైబర్ నేరాల ఉచ్చులో పడేస్తున్నారు.

దీనికి హద్దు పద్దులు లేకుండా పోయాయి. ఎవరిని మోసం చేస్తున్నాము అనే ఆలోచన కూడా ఉండట్లేదు. దీనిపై ప్రభుత్వం ఎన్ని లీగల్ యాక్షన్ తీసుకున్నప్పటికీ… వీటిని అరిక్కట్ట లేకపోతున్నారు. ఈ సైబర్ నేరగాళ్లు పన్నిన కొత్త పన్నాగంలో ఓ ఐఏఎస్ ఆఫీసర్ పేరుతో వల వేశారు.

సాక్షి కథనం ప్రకారం… యంగ్ ఏజ్ లోనే ఐఏఎస్ అధికారి అయిన టీనా దాబి, తన తోటి ఐఏఎస్ ప్రదీప్ గవాండేను వివాహం చేసుకున్నారు. ఇదిలా ఉంటే ఒక సైబర్ నేరగాడు ఆఫీసర్ టీనా దాబి పేరుతో, తన ఫోటోనే వాట్స్ ఆప్ కి డీపీగా పెట్టుకుని అందరినీ మోసం చెయ్యడం మొదలు పెట్టాడు. అమెజాన్ గిఫ్ట్ కార్డ్స్ కు సంబంధించి, గిఫ్ట్ కార్డులు పంపాలంటూ మేసేజులు పెట్టేవాడు. అందులో కొందరు నిజంగా ఆఫీసర్ టీనానే ఆ మేసెజులు పంపి ఉంటారు అనుకుని, వాటికి స్పందించేవారు.

ఇది చూసి తన ఆటలు బాగానే కొనసాతున్నాయని బ్రమ పడ్డాడు, ఆ సైబర్ నేరస్థుడు. అలానే ఒకరోజు తను పంపుతున్న అమెజాన్ గిఫ్ట్ కార్డ్స్ మేసీజు అర్బ‌న్ ఇంప్రూవ్‌మెంట్ ట్ర‌స్టు సెక్ర‌ట‌రీ సునితా చౌద‌రీకి కూడా చేరింది. అక్కడే ఆ నేరస్థుడి ప్లాన్ బెడిసికొట్టింది. సెక్ర‌ట‌రీ సునితా చౌద‌రీకి అనుమానం రావడంతో, ఎందుకైనా మంచిది అని టీనాకు ఫోన్ చేశారు. దీంతో ఆఫీసర్ టీనా పసిగట్టి, వివరాలను సైబర్ పోలీసులు శోధించి విషయాన్ని చేదించారు. అక్కడితో నేరస్థుడు గుట్టు రట్టయింది. ఇదంతా రాజ‌స్థాన్‌లోని దుంగార్పూర్‌కు చెందిన ఓ యువ‌కుడు చేసిన పని అని తేలింది.

CM अशोक गहलोत के बाद अब IAS टीना डाबी के नाम पर ठगी, अफसर से ही मांग लिया गिफ्ट#IAS #Tinadabi https://t.co/zTbOOBvIMM

— Salaam TV (@salaamtvnews) August 9, 2022

పాము అంటేనే చాలామంది భయపడతారు. భక్తిగా పూజలు చేసినప్పటికీ సడన్ గా పాము కనిపిస్తే గుండెలు హడలెత్తుతాయి. అలాంటిది నేరుగా పాము పొట్ట మీదే కూర్చొని బుసలు కొడితే….. అమ్మో ఊహించడానికి భయంగా ఉంది కదా…అయితే ఈ మధ్య సోషల్ మీడియాలో ఒక ఆమె పొట్ట మీద కూర్చొని బుసలు కొడుతున్న పాము వీడియో బాగా వైరల్ అయ్యింది.

ఇండియన్ ఫారెస్ట్ సర్వీస్ అధికారి సుశాంత నంద ట్విట్టర్‌లో షేర్ చేసిన వీడియోలో ఒక నాగుపాము, చెట్టు కింద మంచం మీద పడుకొని ఉన్న మహిళపై కూర్చున్నట్లు చూపిస్తుంది. ఆ పాము నెమ్మదిగా మంచం మీద పడుకున్న ఆ స్త్రీ వీపు మీద నుంచి పైకి ఎక్కి ఆమె పోట్టపై కూర్చొని పడగవిప్పి బుసలు కొడుతూ ఉండడం ఆ వీడియోలో స్పష్టంగా కనిపిస్తుంది.

“నిజంగానే ఆ మహిళ చాలా ధైర్యంగా ప్రవర్తించింది. అఫ్కోర్స్ భయంతో బిగుసుకుపోయినా ఎటువంటి శబ్దం చేసి ఆ పామును బెదిరించకుండా …. ఎంతో ధైర్యంతో కదలకుండా ఉండడం మెచ్చుకోదగ్గ విషయం”అని ట్విట్టర్లో ఆ వీడియో చూసిన ఎందరో ఆ మహిళ ధైర్యాన్ని మరియు సమయస్ఫూర్తిని మెచ్చుకున్నారు.

ఈ ఇన్సిడెంట్ చోటు చేసుకుంది కర్ణాటక రాష్ట్రం లోని కలబురగి జిల్లా లోని అఫ్జల్ పుర్ తాలూకా మల్లాబాద్ అనే గ్రామంలో. ఆ గ్రామంలో నివసిస్తున్న భాగమ్మ అనే మహిళ, ఒకరోజు మధ్యాహ్నం తన ఇంటి పెరట్లో చెట్టు కింద మంచం వేసుకొని హాయిగా చల్లగాలికి పడుకుంది. అదే సమయంలో ఎప్పుడు వచ్చిందో కానీ ఓ నాగుపాము పైకి చేరి పడగ విప్పి బుసలు కొట్టడం మొదలు పెట్టింది.

ఆ పామును చూసి భాగమ్మ భయం కలిగిన ఎంతో తెలివిగా కదలకుండా కళ్ళు మూసుకొని జై మల్లికార్జున అంటూ శివుడి నామం జపించుకుంటూ కూర్చుంది. కాసేపటికి ఆ పాము ఆమెను ఏమీ చేయకుండా మెల్లిగా కిందకు దిగి వెళ్లి పోయింది. ప్రస్తుతం నెట్ లో వైరల్ అవుతున్న ఈ వీడియోని చూసి కొందరు ఇది కేవలం శివయ్య లీల అని కామెంట్ చేస్తే మరికొందరు అది కేవలం

భాగమ్మ సమయస్ఫూర్తి మరియు అదృష్టమని భావిస్తున్నారు.
ఏది ఏమైనప్పటికీ ధైర్యసాహసాలతో ఎటువంటి విపత్తునైనా ఎదురుకోవచ్చు అని అప్పుడప్పుడు ఇలాంటి ఇన్సిడెంట్స్ చూసి మనం నేర్చుకోవచ్చు.

watch video: