Off Beat

పెట్రోల్ బంక్స్ ఎందుకు ఉంటాయి..? అంటే పెట్రోల్ కొట్టించుకోవడానికి అని అంటారా..? అయితే పప్పులో కాలేసినట్లే. పెట్రోల్ కాకపోతే డీజిల్.. ఈ రెండు కాకుండా పెట్రోల్ బంక్ ఇంకేమి చేస్తుంది..? అని ఆలోచిస్తున్నారా. పెట్రోల్ బంక్స్ భారత పౌరులకు ఆరు సేవలను ఉచితంగా అందించాలట.

ఈ ఆరు సేవలను ఉచితంగా అందించేటట్లు అయితేనే.. వారికి పెట్రోల్ బంక్ ను నిర్వహించుకోవడానికి అనుమతులు ఇస్తారట. లేకుంటే.. బంక్ నిర్వహించడానికి కూడా అనుమతి ఉండదట.

ఏ కారణంగా అయినా.. పెట్రోల్ బంక్స్ ఈ ఆరు సేవలను పౌరులకు అందించకపోతే.. తక్షణమే భారత పౌరులు సదరు పెట్రోల్ బంక్ పైన ఫిర్యాదు చేయవచ్చట. ఇంతకీ పెట్రోల్ బంక్ వారు భారత పౌరులకు అందించే ఆ ఆరు సేవలు ఏంటో తెలుసా..? అవేంటో ఈ ఆర్టికల్ లో తెలుసుకుందాం.

#స్వచ్ఛ భారత్ కార్యక్రమంలో భాగంగా పెట్రోల్ బంక్స్ విధిగా మూత్ర శాలలను నిర్వహించాలి. ఈ విషయమై కేంద్ర ప్రభుత్వం కూడా ఇటీవలే ఆర్డర్ జారీ చేసింది. మనం లీటర్ పెట్రోల్ కు చెల్లించే ఖరీదులో 4 నుంచి 8 పైస‌లు మూత్ర శాలలు, మరుగుదొడ్ల నిర్వహణ కోసం కేటాయించబడుతోంది.

#అలాగే పెట్రోల్ బంక్ కు వచ్చేవారిలో అవసరం అయిన వారికి ఉచితంగా తాగు నీటిని అందించాలి. ఇందుకోసమే బంక్ డీలర్ ఆర్వో యంత్రం, వాట‌ర్ కనెక్ష‌న్ లను కూడా తీసుకోవాలి.

# అలాగే బంక్ కి వచ్చే వాహనాలలో ఉచితంగా గాలి నింపాలి. ఇందుకోసం ప్రత్యేకంగా చార్జీలు వసూలు చేయరాదు.

# పెట్రోల్ బంక్స్ సమీపంలో ఎవరికైనా గాయాలు ఐతే.. ప్రధమ చికిత్స చేయాలి. ఇందుకోసం అవసరమైన కిట్ ను కూడా పెట్రోల్ బంక్ లో ఎల్లప్పుడూ అందుబాటులో ఉంచుకోవాలి.

# పెట్రోల్, డీజీల్ నాణ్యతా ప్రమాణాలను ఏ వినియోగదారుడు అడిగినా చెప్పాలి. వారికి ఆ హక్కు కచ్చితంగా ఉంటుంది.

# అలాగే.. అత్యవసర పరిస్థితులలో ప్రజలకు పెట్రోల్ బంక్ నుంచి ఫోన్ చేసుకునే అవకాశాన్ని కల్పించాలి.

మనుషులంతా ఒకేలా ఉండనట్టే ఆచారాలు, పద్ధతులు వేరువేరుగా ఉంటాయి. ఒక దేశంలో పాటించే పద్ధతి మరొక దేశంలో అనుసరించాలని రూల్ ఏమీ లేదు. ఎవరి పద్ధతులని వాళ్ళు అనుసరించడం జరుగుతుంది. పండగలలో కూడా వ్యత్యాసం మనం చూడొచ్చు. అయితే మనదేశంలో జరుపుకునేటట్లు క్రిస్మస్ పండగని ఇక్కడ జరిపినట్టే ఇతర దేశాల్లో జరుపుకోరు. వాళ్ల పద్ధతి ప్రకారం ఫాలో అవుతూ ఉంటారు. మన దేశంలో చాలా తక్కువ మంది క్రిస్మస్ ని చేసుకుంటారు.

ఇతర దేశాల్లో ఎక్కువ మంది క్రిస్మస్ పండుగను చేసుకుంటారు. యూకేలో అయితే క్రిస్మస్ సమయంలో ఒక వింత ఆచారం పాటిస్తారు. అదే గుర్రం పుర్రె. ఇక ఈ వింత ఆచారం ఏమిటి అనేది చూస్తే.. క్రిస్మస్ పండుగ సమయంలో గుర్రం పుర్రెను ఒక కర్రకు తగిలించి చుట్టూ వస్త్రాలని కప్పి ఉంచుతారు.

ఈ ఆచారం అక్కడ 1800లో మొదలయ్యింది. వస్త్రాల లోపల ఒకరు లేదా ఇద్దరు ఆ కర్రను పట్టుకొని ఉంటారు. ప్రతి సంవత్సరం కూడా ఈ ఆచారాన్ని అనుసరించడం జరుగుతుంది. ఈ గుర్రం పుర్రెతో ఇంటింటికీ వెళ్లి పాటలు, డాన్సులు చేస్తూ ఉంటారు. యేసుప్రభు తల్లిగా ఆ గుర్రం పుర్రెను భావిస్తారు.

ఇలా గుర్రం తో వచ్చిన వారిని ఇంట్లోకి తీసుకు వెళితే ఏసుప్రభువు తల్లిని తన ఇంటికి ఆహ్వానించినట్లు అక్కడ ప్రజలు నమ్ముతారు. 16,17 శతాబ్దాల్లో గుర్రాలని అక్కడ ప్రజలు పెంచుకునేవారు. అప్పట్లో ఏ వేడుక జరిగినా సరే గుర్రాలు కూడా వాటిలో పాల్గొనేవి. మేరీ ల్యూడ్ వేడుకలో కూడా ఇవి తర్వాత భాగమయ్యాయి.

ఐఏఎస్ పరీక్ష పాస్ అవ్వడం ఎంత కష్టమైనదో మనందరికీ తెలిసిందే.. ప్రతి ఏడాది వేలాది మంది ఈ పరీక్షలో పాల్గొనడానికి వస్తుంటారు. అయితే, ఈ పరీక్షలో పాస్ అవడం కూడా అంత తేలిక కాదు. ఎందుకంటే కేవలం నాలెడ్జి బేస్ మీదే కాకుండా, పర్సనాలిటీ పై కూడా ఈ ప్రశ్నలు ఉంటాయి.

ఎంతో తర్కం ఆలోచిస్తే కానీ సమాధానాలు చెప్పలేము. కొన్నిసార్లు ఊహించని విధంగా , తెలివిగా సమాధానాలు ఇవ్వాల్సి ఉంటుంది. రాత పరీక్ష తరువాత కూడా, కఠినమైన ఇంటర్వ్యూ ఉంటుంది.

Also read: “నీ చెల్లెలు అలా కనిపిస్తే ఏం చేస్తావు?” ఇంటర్వ్యూలో అడిగిన వింత ప్రశ్న..అతని సమాధానంకి ఆశ్చర్యపోయారు!

ఈ ఇంటర్వ్యూ లో కూడా సమయస్పూర్తి తో సమాధానాలు చెప్పిన వారిని మాత్రమే ఎంపిక చేస్తారు. తెలివి తో పాటు, వ్యక్తిత్వాన్ని కూడా అభ్యర్థులు చెప్పే సమాధానాలను బట్టి అంచనా వేస్తారు. ఈ క్రమం లో ఈ పరీక్షకు ప్రిపేర్ అయ్యే అభ్యర్థులు ఎంతో ప్రిపేర్డ్ గా ఉండాల్సి ఉంటుంది. అసలు ఆ పరీక్షల్లో ఎలాంటి ప్రశ్నలు అడుగుతారో ఓ సారి చూద్దాం.. సరదాగా, వీటిని చూస్తే సమాధానాలు ఇలా కూడా ఉంటాయా అనిపిస్తుంది.. మీరు కూడా ఓ లుక్ వేయండి ఓ సారి.

1 . ఒకవేళ, నేను మీ సోదరితో పారిపోతే మీరు ఏమి చేస్తారు?

సమాధానం : ఈ ప్రశ్నకు ఎంపికైన అభ్యర్థి ఏమని సమాధానం చెప్పాడో తెలుసా.. “మా సోదరికి మీ కంటే మంచి మ్యాచ్ ను తీసుకురాలేను సర్” అని చెప్పాడు.

2 . జామీ 45 వ అంతస్తులోని కిటికీ అద్దంలో తన ప్రతిబింబం వైపు చూశాడు. కొంత దూరం నడిచాక అతను కిటికీ గుండా మరొక వైపు దూకుతాడు. ఇంకా జామీకి ఒక్క గాయమూ కూడా తగల్లేదు. అతను మృదువైన ఉపరితలంపైకి దిగకపోయినా లేదా పారాచూట్ ఉపయోగించకపోయినా ఇది ఎలా సాధ్యమవుతుంది?

సమాధానం : జామి ఓ విండో క్లీనర్. పని పూర్తి అయ్యాక అలిసిపోయి బిల్డింగ్ లోపలి వైపుకు దూకాడు. అందుకే అతనికి గాయాలు అవలేదు.

3 . ఓ పచ్చి గుడ్డును పగుళ్లు లేకుండా కాంక్రీట్ అంతస్తులో ఎలా పడవేయవచ్చు?

సమాధానం : కాంక్రీట్ అంతస్తులు పగులగొట్టడం చాలా కష్టం. కేవలం ఒక్క పచ్చి గుడ్డు తో ఫ్లోర్ ని పగలగొట్టలేం.

4 . దేనిని చూస్తే సగం ఆపిల్ లాగా ఉంటుంది?

సమాధానం : ఆపిల్ రెండవ సగభాగాన్ని చూసినపుడు సగం ఆపిల్ లాగ ఉంటుంది.

5 . ఒకే నిలువు రేఖ ను ఉపయోగించడం ద్వారా, మీరు సమీకరణాన్ని ఎలా సరైనదిగా చేయవచ్చు. 5 + 5 + 5 = 550?

సమాధానం : పైన ఇచ్చిన సమీకరణం లో మొట్ట మొదటి ప్లస్ గుర్తు కు పైన క్రాస్ గా ఒక నిలువు రేఖను గీస్తే ఆ సంఖ్యా నాలుగు అవుతుంది. అప్పుడు 545+5=550 అవుతుంది.

6 . రాముడు తన “మొదటి దీపావళి” ఎక్కడ జరుపుకున్నాడు?

సమాధానం : ఈ ప్రశ్న వినగానే మొదట అయోధ్య అని గాని, మిథిలా నగరం అని కానీ ఆలోచిస్తాం. కానీ దీపావళి పండుగను వాస్తవం గా శ్రీ కృష్ణుడు నరకాసుర వధ చేయడం వలన జరుపుకుంటాం.. దశావతారాల్లో శ్రీ కృష్ణుని అవతారం ద్వాపర యుగం లో అంటే.. త్రేతాయుగం తరువాత వస్తుంది. ఈ లెక్కన శ్రీ రాముడు అసలు దీపావళి పండుగనే జరుపుకోలేదు.

7. బుధవారం, శుక్రవారం లేదా ఆదివారం అనే పదాలను ఉపయోగించకుండా మీరు వరుసగా మూడు రోజులకు పేర్లు పెట్టగలరా?

సమాధానం :నిన్న, ఈరోజు, రేపు.

8 . కొబ్బరి కాయను పగలు కొట్టకుండా ఎలా తింటారు?
సమాధానం : రాత్రి కొట్టి తినొచ్చు కదా

9. బంగాళాఖాతం ఏ స్టేట్ లో ఉంది?

సమాధానం : లిక్విడ్ స్టేట్ లో

10. ఒక పిల్లికి మూడు పిల్లులు ఉన్నాయి: జనవరి, మార్చి మరియు మే. తల్లి పేరు ఏమిటి.

సమాధానం : “ఏమిటి” అనేదే తల్లి పిల్లి పేరు.

చూసారు కదా.. ఈ సమాధానాలు చాల ఈజీ గానే ఉంటాయి. కానీ, ఆ క్షణం లో మనం అదే ఆన్సర్ అనే విషయాన్నీ గుర్తించలేము. ఇలాంటి ప్రశ్నలకు సమాధానాలు ఆలోచించడం వలన మన మనసు ఉల్లాసం గాను ఉంటుంది.. ఇంకా బ్రెయిన్ కి కూడా మంచి పదును పెట్టినట్లు అవుతుంది.

ప్రతి దేశంలో ప్రజలకు గుర్తింపు కార్డులు లేదా ఐడెంటిటీ కార్డులు కచ్చితంగా ఉంటాయి. అలాగే.. మన దేశంలో కూడా భారతీయులకు ఆధార్ కార్డు, పాన్ కార్డు, పాస్ పోర్ట్ వంటివి మన ఐడెంటిటీ గా ఉంటాయి. ప్రతి మనిషికి ఎక్కడకి వెళ్లాలన్నా.. లేదా ప్రభుత్వ పధకాల నుంచి ఎటువంటి లబ్ది పొందాలన్నా ఈ కార్డులు తప్పనిసరి.

అయితే.. మనిషి చనిపోయిన తరువాత.. ఈ కార్డులను ఏమి చేయాలి..? 18 ఏళ్ళు నిండిన ప్రతి ఒక్కరికి ఓటర్ ఐడి ఉంటుంది. కానీ, మనిషి చనిపోయాక ఈ కార్డులు ఏమవుతాయి. వీటిని కుటుంబ సభ్యులే జాగ్రత్త చేయాల్సి ఉంటుంది.

ప్రభుత్వ స్కీం లకు అవసరమయ్యే ఈ డాకుమెంట్స్ ను ఎక్కడ పడితే అక్కడ వదిలేస్తే.. అక్రమాలు జరిగే అవకాశం ఉంటుంది. అందుకే మనిషి చనిపోయాక సదరు వ్యక్తి కుటుంబ సభ్యులు ఇటువంటి ఐడెంటిటీ కార్డులను రద్దు చెయ్యాలి. లేదంటే.. మనిషి చనిపోయినా ఈ డాకుమెంట్స్ ని భద్రపరచాల్సి ఉంటుంది.

ఒక పరిమిత కాలం తరువాత పాస్ పోర్ట్ ను రెన్యూవల్ చేయించుకోకపోతే అది రద్దు అవుతుంది. అప్పటివరకు పాస్ పోర్ట్ ని జాగ్రత్త చేయాలి. అది రద్దు అయిపోయాక ఎటువంటి ఇబ్బంది ఉండదు. ఇక ఫారం సెవెన్ ను ప్రభుత్వ కార్యాలయాల్లో అప్లై చేసుకుంటే.. ఓటర్ ఐడి ని కూడా రద్దు చేస్తారు. ఎటువంటి అక్రమాలు జరగకుండా.. కొత్త ఇబ్బందులు తలెత్తకుండా ఉండాలంటే.. ఈ డాకుమెంట్స్ ను తప్పనిసరిగా రద్దు చేయడమో.. లేక జాగ్రత్తగా భద్రపరచడమో చేయాలి.

పాత నాణేలు ఉంటే లక్షాధికారి అయిపోవచ్చు, ధనవంతులు అయిపోవచ్చని వార్తలు వస్తున్నాయి. అయితే నిజానికి అన్ని నాణేలు ధనవంతులని చేయవు. చాలా అరుదైన నాణేలు మాత్రమే ఎక్కువ పలుకుతాయి. ఈ సంవత్సరం జూన్ లో చూసుకున్నట్లయితే ఒక నాణెం ప్రపంచం మొత్తం వార్తల్లో నిలిచింది. అయితే మరి దానిలో స్పెషాలిటీ ఏమిటి అనేది చూస్తే…

వేలంలో ఈ నాణెం 20 మిలియన్ డాలర్లకు అమ్ముడుపోయింది. దీని పేరు వచ్చేసి డబల్ డేగా. అఫీషియల్ గా అమెరికా లో విడుదలైన ఆఖరి బంగారు నాణెం ఇది. 1933లో విడుదలైన కొన్ని రోజులకి ప్రభుత్వం దీనిని వెనక్కి తీసుకుంది. కొన్ని ఇప్పటికీ మనుగడలో ఉన్నాకూడా వాటి విలువ కోట్లలో ఉంది.

ఆ కాలంలో జరిగిన ఏదైనా సంఘటన లేదా మార్పులకి సంబంధం కుదర్చచ్చు.అందుకే వాటికి ఎక్కువ ధర ఇస్తారు.  ఇదిలా ఉంటే ఈ ఏడాది జనవరిలో వేలంలో ఇరవై డాలర్ల నోటు ధర 57 వేల డాలర్లు పలికింది. అయితే ఎందుకు దీనికి అంత ధర పలికింది అనేది చూస్తే… ఒక స్టిక్కర్ పొరపాటున కాగితంపై పడిపోయింది.

అది కూడా ఆ ప్రింట్ అయిపోయింది. అయితే ఏటీఎం ద్వారా ఈ నోట్ ఒక విద్యార్థికి వచ్చింది. సాధారణంగా ప్రింటింగ్ లో తప్పులు జరిగితే దానిని ఎర్రర్ నోట్స్ అంటారు. ఇవి రేర్ గా జరుగుతాయి. పొరపాటున వచ్చి ఇవి విలువైనవిగా మారిపోతాయి ఎంత పెద్ద తప్పు ఉంటే అంత ఎక్కువ ధర దానికి పలుకుతుంది.

మనం సాధారణంగా రోడ్డుపై వెళ్తున్నపుడు మన బైక్ టైర్ కి గాలి కొట్టిచ్చుకోవడానికి లేదా పంక్చర్ వేయించుకోవడానికి ఏదైనా షాపు దగ్గర ఆగుతాం. మనకి తెలియని వాళ్ళ షాప్ అయినా పెద్దగా పట్టించుకోము. అయితే, ఇది తెలిసే చాలా మంది రోడ్ సైడ్ పంక్చర్లు వేసేవారు మోసం చేస్తూ ఉంటారట. ఇలా రోడ్ సైడ్ పంక్చర్ షాపుల్లో మనకి తెలియకుండా జరిగే మోసాల గురించి ఓ కోరా యూజర్ ఏమి చెప్పాడో మనం తెలుసుకుందాము.

కోరా యూజర్ తెలిపిన కధనం ప్రకారం, జనరల్ గా మనం ఇలా గాలి కొట్టించడానికి ఆగినప్పుడు.. వారు గాలిని చెక్ చేస్తూ.. మీ టైర్ పంక్చర్ అయిందని చెబుతారు. మీ టైర్ లో గాలిని నింపలేరు. దీనితో మీరు పంక్చర్ రిపేర్ ని కూడా వారినే చేయమని చెబుతారు. దీనిని వారు అవకాశం గా తీసుకుని మీ టైర్ ను రిపేర్ చేయడం మొదలు పెడతారు. మొదటగా, వారు మీ టైర్ ని నీటిలో ముంచుతారు. అయితే ఈ క్రమం లో వారు మరిన్ని చోట్ల మీరు గమనించకుండా హొల్స్ చేస్తారు. ఒకవేళ రిపేర్ షాప్ లో ఇద్దరు ఉన్నట్లయితే.. ఒకరు రిపేర్ చేస్తుండగా.. మరొకరు మిమ్మల్ని మాటల్లో పెట్టేస్తారు. ఒక దానికి రిపేర్ చేయాల్సింది.. వారు ఐదు ఉన్నాయని మీకు చూపిస్తారు.

వారు సబ్బు నీరు లేదా ENO కలిపి నీటిని వాడే అవకాశం ఉందని కోరా యూజర్ తెలిపాడు. ఇలాంటి నీరు మీకు బుడగలను చూపిస్తుంది. దానితో.. మీరు టైర్ పంక్చర్ అయిందని నమ్ముతారు. ఫలితం గా ఒక పంక్చర్ కి వంద చొప్పున మీ దగ్గర నుంచి ఐదు వందల రూపాయలను వసూలు చేస్తారు. మీరు డబ్బుని ఎక్కువ మొత్తం లో చెల్లించాల్సి వస్తుంది.. అంతే కాకుండా మీ టైర్ కూడా పాడవుతుంది. ట్యూబ్ లెస్ టైర్ రిపేర్ కి కొంత ఎక్కువే వసూలు చేస్తారు.

అందుకే, మీరు రోడ్ సైడ్ రిపేర్ చేయించే క్రమం లో అప్రమత్తంగా ఉండి.. దగ్గరుండి చేయించుకోవడం మంచిది. అందరు మెకానిక్ లు ఇలానే చేయకపోవచ్చని.. తనకు మాత్రం ఇలాంటి అనుభవం ఎదురైందని కోరా యూజర్ తెలిపారు. కష్ట పడేవాళ్ళు ఉంటారు.. కానీ కొందరు ఇదే అవకాశం గా తీసుకుని మోసం చేసే వాళ్ళు ఉంటారు. అందుకే జాగ్రత్త తప్పనిసరి.

రైలు ప్రయాణం అంటే ఇష్టం లేని వారు ఎవరు ఉంటారు. ట్రాఫిక్ ఇబ్బందులు ఉండవు. హాయిగా విండో సీట్ దొరికితే.. మొబైల్ లో కావాల్సినంత ఛార్జింగ్ ఉంటె.. ఎంత దూరం అయినా వెళ్లిపోవడానికి ఇష్టపడేవాళ్లు ఉంటారు.

దూర ప్రయాణాలలో ఎక్కువ కంఫర్ట్ తో ప్రయాణించాలి అని అనుకునే వారు ఎక్కువ గా రైలు ప్రయాణాలనే ఎంచుకుంటూ ఉంటారు.

అయితే.. మనలో చాలా మంది రాత్రిపూట ప్రయాణాలు చేయాల్సి వస్తూ ఉంటుంది. కొన్ని కొన్ని సార్లు అర్ధరాత్రి టైం లో కూడా ట్రైన్ ఎక్కాల్సి రావచ్చు. సాధారణం గా ఆ టైం లో ట్రైన్ లో అందరు నిద్ర లో ఉంటారు. టికెట్ కలెక్టర్లు (TTE) కూడా ట్రైన్ లో వారి ప్లేస్ లోకి వెళ్ళిపోతారు. ఆ టైం లో ట్రైన్ లోపల ఉండే ప్రయాణికులు భద్రత కోసం డోర్ ను లోపల వైపు నుంచి లాక్ చేసుకుని ఉంటారు.

మరి అలాంటి టైం లో లోపలకు స్టేషన్ లో ట్రైన్ ఆగినప్పుడు లోపలకి వెళ్ళాలి అంటే ఎలా..? ఆ టైం లో మనం పిలిచినా లోపల ఎవరికీ తెలియకపోవచ్చు. ఈ డౌట్ మీకెప్పుడైనా వచ్చిందా..? నిజానికి ఒక ట్రైన్ లో పనిచేసే TTE లకు ట్రైన్ లో ఏ ప్రయాణికుడు ఎప్పుడు ఎక్కుతాడు..? ఎప్పుడు దిగుతాడు అన్న సమాచారం క్లియర్ గా అందించబడుతుంది. ఏ స్టేషన్ లో ఏ బోగీలో ప్రయాణికుడు ఎక్కాలి అన్న సమాచారం ముందే తెలుస్తుంది కాబట్టి.. అర్ధరాత్రి టైం లో అయినా.. ఆ బోగి వద్దకు వచ్చి ఉంటాడు. కాబట్టి ప్రయాణికులకు ఇబ్బంది ఉండదు.

చాలా మందికి పచ్చబొట్టు అంటే ఇష్టం. వివిధ రకాల డిజైన్లని తమకి నచ్చిన శరీర భాగాల మీద వేయించుకుంటూ వుంటారు. అయితే పచ్చబొట్టు ఉన్న వాళ్లని భారత సైన్యానికి అనుమతించరా…? మరి ఈ రోజు ఈ ఆసక్తికరమైన టాపిక్ ని చూద్దాం.

భారత సైన్యానికి ఒక టాటూ పాలసీ అనేది ఉంది. 2015లో దీనిని సవరించిన వెర్షన్ వచ్చింది. దాని ప్రకారమే ఫాలో అవ్వడం జరుగుతుంది.

ఈ సందర్భాలలో పచ్చబొట్టు ఉన్న వారిని అనుమతిస్తారు:

భారత సైన్యానికి ఎంపిక అవ్వాలని వచ్చిన వ్యక్తికి పచ్చబొట్టు వున్నా ఈ సందర్భంలో ఒప్పుకుంటారు. అయితే ఆ వ్యక్తి భారత ప్రభుత్వం గుర్తించిన ఏదైనా షెడ్యూల్ కాస్ట్ కి చెందిన అతను అయ్యి ఉండాలి. అప్పుడు వాళ్ళ ఆచారం ప్రకారం శరీరంలో ఏ భాగంలోనైనా ఏ రూపంలో అయినా పచ్చబొట్టును వేసుకోవాల్సి ఉంటే అటువంటి వాళ్ళని అనుమతిస్తారు. అయితే వారికి ఆ ఆచారం వుంది అని పత్రాన్ని సబ్మిట్ చెయ్యాల్సి ఉంటుంది.

అదే విధంగా ఇతర వ్యక్తులకి చేతుల పై కొన్ని అనుమతించిన ప్రదేశాలలో పచ్చబొట్టు ఉండొచ్చు. ఇక్కడ మార్క్ చేసిన విధంగా ఎవరికైనా టాటూ ఉండొచ్చు. ఇలా ఇక్కడ చెప్పుకున్నట్లు ఈ రెండు కారణాల వలన పచ్చబొట్టు ఉంటే అనుమతిస్తారు.

రేసిస్ట్, ఇండీసెంట్ గా అస్సలు వుండకూడదు. అలానే ఇతరులను కించపరిచేలా, ఎగతాళి చేసేలా ఉండకూడదు. అయితే ఎవరికైనా పచ్చబొట్లు ఉంటే అది ఉండొచ్చా లేదా అనేది సెలక్షన్ సెంటర్ కమాండెంట్ లేక ప్రీ కమిషన్ ట్రైనింగ్ అకాడెమీ నిర్ణయిస్తుంది. అలానే ఆర్మీలో చేరక ముందు ఆర్మీ డాక్టర్లు కూడా వాటిని చూస్తారు. అవి సురక్షితమా కాదా, వాటి వల్ల చర్మ సమస్యలు వస్తాయా లేదా అన్నది కూడా వాళ్ళు చెబుతారు. మీరు భారత సైన్యం యొక్క టాటూ పాలసీ 2015 చూస్తే మీకు ఈ విషయాలు అర్థమవుతాయి.