serials

సీరియల్స్ అన్న తర్వాత ప్రేక్షకులకి వ్యక్తిగతంగా ఏదో అనుబంధం ఉంటుంది. రోజు వారిని టెలివిజన్ లో చూస్తూ ఉంటారు కాబట్టి వాళ్లని తమ ఇంట్లో వారిలాగా అనుకుంటూ ఉంటారు. అలా, స్టార్ మా లో ప్రసారం అవుతున్న గుప్పెడంత మనసు సీరియల్ ప్రేక్షకులకి చాలా బాగా నచ్చింది. ఆ సీరియల్ లో హీరోగా నటించే రిషి సర్ అలియాస్ ముఖేష్ గౌడ కొన్నాళ్లు సీరియల్ లో కనిపించకుండా వెళ్లిపోయారు. దాంతో, “రిషి సర్ సీరియల్ లో లేకపోతే సీరియల్ చూడం” అని కామెంట్స్ రావడం మొదలు అయ్యాయి. దాంతో ఇప్పుడు రిషి పాత్రని మళ్లీ సీరియల్ లోకి తీసుకొచ్చారు.

అయితే, రిషి పాత్ర వెళ్ళిపోయాక మను అనే కొత్త పాత్రని పరిచయం చేశారు. రిషి పాత్రలోకి మను హీరోగా వచ్చాడు అంటూ అతని మీద కామెంట్స్ చేయడం మొదలుపెట్టారు. మను పాత్రలో నటించే యాక్టర్ పేరు రవిశంకర్ రాథోడ్. రవిశంకర్ మీద సోషల్ మీడియాలో కామెంట్స్ రావడం మొదలు అయ్యాయి. అవి ఎంత దూరం వెళ్లాయి అంటే, రవిశంకర్ వ్యక్తిగత జీవితం గురించి కూడా మాట్లాడడం మొదలుపెట్టారు. ఇదే విషయం మీద రవిశంకర్ ఇటీవల ఒక ఇంటర్వ్యూలో మాట్లాడి, తనకి వచ్చిన మెసేజెస్ చూపించారు. కొంత మంది పాజిటివ్ గానే కామెంట్స్ చేస్తారు అని చెప్పారు. కానీ కొంత మంది మాత్రం అనవసరంగా ఏమేమో కామెంట్స్ చేస్తారు అని అవి చూపించారు. సీరియల్ కి కొన్ని ఫ్యాన్ పేజెస్ ఉన్నాయి.

వారిలో కొంత మంది రవిశంకర్ నటన బాగుంటుంది అని కామెంట్స్ చేస్తే, కొంత మంది మాత్రం, “నువ్వు వెళ్లి పళ్ళు పీక్కో” అని కామెంట్స్ చేశారు అని చూపించారు. తన హెయిర్ స్టైల్ బాలేదు, డ్రెస్సింగ్ స్టైల్ బాలేదు, లావయ్యారు, తన పాత్ర గురించి ఏదైనా కామెంట్స్ వస్తే తాను అంగీకరిస్తాను అని, ఇలా కావాలని రెచ్చగొట్టే కామెంట్స్ చేస్తే ఊరుకునేది లేదు అని రవిశంకర్ చెప్పారు. తాను డాక్టర్ అని, నటన మీద ఉన్న ఇష్టంతో తాను ఈ రంగంలోకి వచ్చాను అని, డబ్బుల కోసం రాలేదు అని చెప్పారు. పర్సనల్ లైఫ్ లోకి కూడా వెళ్లిపోయి కామెంట్స్ చేస్తారు అని చూపించారు.

watch video :

గుప్పెడంత మనసు సీరియల్ ఇప్పుడు కొత్త ట్రాక్ లోకి మారింది. కొంత కాలం నుండి హీరో రిషి కనిపించట్లేదు. సీరియల్ నుండి బయటికి వెళ్లిపోయారు అనే వార్త వచ్చింది. అయితే ఇప్పుడు మళ్లీ రిషి ఎంట్రీ అవుతోంది. గతం మర్చిపోయి, ఒక ఆటో డ్రైవర్ గా రిషి బతుకుతున్నట్టు సీరియల్ లో చూపించారు. శైలేంద్ర మనుతో, “వసుధార, నువ్వు ఎండి సీట్ కోసం రిషి బతికి ఉన్నాడు అని నాటకాలు ఆడుతున్నారు” అని అంటాడు. మను, “రిషి బతికే ఉన్నాడు” అని చెప్తాడు. అందుకు శైలేంద్ర, “ఎలా చెప్తున్నావు” అని అడుగుతాడు. అప్పుడు మను, “నమ్మకం” అని చెప్తాడు. అయితే, ఇప్పుడు రిషి కోసం వసుధార ప్రకటన ఇచ్చింది.

పేపర్ ప్రకటన చూసిన దేవయాని అరుస్తుంది. ఫణీంద్ర, ధరణి వచ్చి ఏం జరిగింది అని అడిగితే, దేవయాని ప్రకటన గురించి చెప్తుంది. శైలేంద్ర కూడా వచ్చి, “రిషి లేడు అంటే వసుధార ఎందుకు నమ్మట్లేదు. మనమందరం ఇన్ని రకాలుగా ప్రయత్నిస్తున్నా కూడా దొరకలేదు అంటే అతను లేనట్టే కదా” అని అంటాడు. అప్పుడు దేవయాని, “ఈ విషయం మనకి అర్థం అయ్యింది. కానీ ఏం లాభం. రిషికి కర్మకాండలు అవ్వకుండా ఆపి వసుధార భూషణ్ ఫ్యామిలీ పరువు తీసింది” అని అంటుంది. “ఎండి సీట్ కోసం ఇదంతా చేస్తోంది” అని దేవయాని చెప్తుంది. అప్పుడు ఫణీంద్ర దేవయానిని తిట్టి అక్కడి నుండి వెళ్ళిపోతాడు.

ఇంతలోపు పుల్లయ్య అనే ఒక వ్యక్తి రిషి సార్ లాగా ఉన్న మనిషిని తాను చూశాను అని చెప్పి, అడ్రస్ చెప్తాడు. దాంతో వసుధార, మను అక్కడికి వెళ్తారు. పుల్లయ్య కి ఫోన్ చేస్తారు. కానీ ఆ పుల్లయ్య అనే వ్యక్తి ఫోన్ లిఫ్ట్ చేయడు. వీళ్లు వెతుకుతుంటే అక్కడ శైలేంద్ర ప్రత్యక్షం అవుతాడు. పుల్లయ్య పేరుతో ఫోన్ చేసింది శైలేంద్ర అని వసుధార అనుకొని వెళ్లి శైలేంద్ర అని తిడుతుంది. ఇక్కడితో ఇవాల్టి ఎపిసోడ్ అయిపోతుంది. ఇప్పుడు సీరియల్ వేగం పెరిగింది. కొంత కాలం నుండి రిషి వస్తాడు అని చెప్పి, మధ్యలో మళ్లీ మను ట్రాక్ తీసుకొచ్చి సీరియల్ అంతా మార్చేశారు. ఇప్పుడు మళ్లీ ఆడియన్స్ అంతగా అడగడంతో రిషి పాత్రని మళ్ళీ సీరియల్ లోకి తీసుకొస్తున్నారు. ఇటీవల విడుదల చేసిన ప్రోమోకి కూడా మంచి స్పందన వచ్చింది. సీరియల్ టైమింగ్స్ కూడా మారడంతో ఇప్పుడు సీరియల్ టిఆర్పి పెరిగే అవకాశం ఉంది అని అందరూ అంటున్నారు.

సీరియల్ నటి పవిత్ర జయరాం విషయంలో మరొక కొత్త కోణం బయటికి వచ్చింది. పవిత్ర, తనతో సీరియల్ లో నటించిన చంద్రకాంత్ తో ప్రేమలో ఉన్నారు అనే విషయాన్ని సోషల్ మీడియా ద్వారా ప్రకటించారు. చంద్రకాంత్ ఇటీవల ఇచ్చిన ఒక ఇంటర్వ్యూలో, పవిత్ర, తను భార్యాభర్తలం అని చెప్పారు. ఇదే విషయాన్ని కొన్నాళ్ల తర్వాత ప్రకటించాలి అని కూడా అనుకున్నారు అని అన్నారు. ఒక సినిమా గురించి బెంగళూరు వెళ్లి వస్తూ ఉంటే ఇలా జరిగింది అని అన్నారు. అయితే, చంద్రకాంత్ కి గతంలో పెళ్లి జరిగింది. శిల్ప అనే అమ్మాయిని చంద్రకాంత్ 11 సంవత్సరాలు ప్రేమలో ఉన్న తర్వాత పెళ్లి చేసుకున్నారు. వారికి ఇద్దరు పిల్లలు ఉన్నారు.

చంద్రకాంత్ మరణం తర్వాత శిల్ప మాట్లాడుతూ, పవిత్ర జయరాం వచ్చాక చంద్రకాంత్ తనకి దూరం అయ్యారు అని అన్నారు. ముందంతా తనతో మాట్లాడకుండా ఉండేవారు కాదు అని, తర్వాత తనని చూస్తేనే చిరాకు వచ్చే అంత పరిస్థితి ఏర్పడింది అని అన్నారు. పవిత్ర జయరాం వచ్చాకే చంద్రకాంత్ లో మార్పు మొదలయ్యింది అని అన్నారు. పవిత్ర జయరాం బాబుతో ఈ విషయం మాట్లాడాలి అని ప్రయత్నించాను అని కూడా శిల్ప చెప్పారు. అందుకు ఆ అబ్బాయి, “వాళ్ల జీవితం. వాళ్ళ ఇష్టం” అని అన్నాడు అని శిల్ప అన్నారు. తనకి కొన్నాళ్ల క్రితం తల్లి చనిపోయారు అని, తల్లిదండ్రులు లేకపోతే ఆ బాధ ఎలా ఉంటుందో తనకి తెలుసు కాబట్టి, చంద్రకాంత్ తో, “పిల్లల కోసం అయినా నువ్వు బతకాలి” అని శిల్ప చెప్పారు.

అందుకు చంద్రకాంత్ కూడా తన పిల్లల కోసం తను బతుకుతాను అని, వాళ్ళని చూసుకుంటాను అని చెప్పారు అని శిల్ప అన్నారు. కానీ మరుసటి రోజు ఇలా చేశారు అని చెప్పారు. ఇన్ని సంవత్సరాలు చంద్రకాంత్ తనని ఎంత ఇబ్బంది పెట్టినా కూడా తన ఇంట్లో వాళ్ళకి ఈ విషయం చెప్పలేదు అని శిల్ప అన్నారు. ఇప్పుడే విషయం అంతా వారికి తెలిసింది అని చెప్పారు. ఏది ఉన్నా కూడా పిల్లలకు చెప్పుకోవడం, లేదా తన అత్తమామలకు చెప్పుకోవడం చేసేవారు అని అన్నారు. గతంలో పవిత్ర కి ఫోన్ చేసి ఈ విషయం గురించి మాట్లాడితే, “వాడు నా మొగుడు. ఏం చేసుకుంటావో చేసుకో” అని అన్నారు అని చెప్పారు. ఈ విషయంపై మాట్లాడుతూ శిల్ప తన బాధను వ్యక్తం చేశారు.

watch video :

త్రినయని సీరియల్ ద్వారా గుర్తింపు తెచ్చుకున్న నటి పవిత్ర జయరాం. గతంలో పవిత్ర కొన్ని సీరియల్స్ లో నటించినా కూడా ఈ సీరియల్ ద్వారా ఇంకా గుర్తింపు తెచ్చుకున్నారు. ఈ సీరియల్ లో తిలోత్తమ అనే పాత్రలో పవిత్ర నటించారు. కొంత కాలం క్రితం పవిత్ర ఈ లోకాన్ని విడిచి వెళ్లిపోయారు. దాంతో పవిత్ర భర్త చందు కూడా బాధలోకి వెళ్లిపోయారు. పవిత్ర తమ్ముడిగా చందు త్రినయని సీరియల్ లో నటించారు. చందు రంగారెడ్డి జిల్లాలోని నార్సింగ్ పోలీస్ స్టేషన్ పరిధిలో ఉన్న అల్కాపురి కాలనీలో ఉండేవారు. చందు అసలు పేరు చంద్రకాంత్. 2015 లో చందు శిల్ప అనే అమ్మాయిని ప్రేమించి పెళ్లి చేసుకున్నారు.

వాళ్లకి ఇద్దరు పిల్లలు కూడా ఉన్నారు. కానీ తర్వాత చందు, పవిత్ర పెళ్లి చేసుకున్నారు. వీళ్ళిద్దరి రిలేషన్ షిప్ ని ఇటీవల పవిత్ర సోషల్ మీడియా ద్వారా ప్రకటించారు. చందు పవిత్ర చనిపోయిన తర్వాత ఇచ్చిన ఇంటర్వ్యూలో మాట్లాడుతూ, తాము భార్యాభర్తలం అని చెప్పారు. ఈ విషయాన్ని వారి స్వయంగా మీడియా ముందుకి వచ్చి ప్రకటించాలి అనుకున్నారు అని, కానీ అంతలోపే ఇలా జరిగింది అని చెప్పారు. అయితే గతవారం చందు వాట్సాప్ లో మాట్లాడిన చాట్ ఒకటి బయటికి వచ్చింది. అందులో చందు కి ఒకరు బాధపడకు అని అర్థం వచ్చేలాగా మెసేజ్ పెట్టారు. అందుకు చందు, “నో. నేను వెళ్ళిపోతాను” అని రిప్లై ఇచ్చారు. అందుకు ఆ వ్యక్తి, “ఎక్కడికి” అని అడిగారు.

అప్పుడు చందు, “ఇంక చాలు ఈ జన్మ. బట్ ఎవరికి చెప్పకండి” అని రిప్లై ఇచ్చారు. అందుకు అవతల మాట్లాడుతున్న వ్యక్తి, “వద్దు అలా మాట్లాడకు చందు. మనం కలిసి పని చేశాం. నువ్వు నాకు బాగా తెలుసు. నేను అందుకే నిన్ను పలకరిస్తున్నా పదే పదే” అని రిప్లై ఇచ్చారు. అందుకు చందు, “నేను వెళ్ళిపోతేనే కరెక్ట్. లేదా నేను పిచ్చోడిని అయిపోయి లేదా తాగుబోతు అయిపోయి ఇంట్లో వాళ్లని ఇబ్బంది పెట్టను” అని రిప్లై ఇచ్చారు. అప్పుడు ఆ వ్యక్తి, “వద్దు. మేం అంతా లేమా. వద్దు. అలా ఇంకొకసారి మాట్లాడకు” అని రిప్లై ఇచ్చారు. అందుకు చందు ఏమోజీలతో రిప్లై ఇచ్చారు. ఈ చాట్ చేసిన వ్యక్తి చందు తో కలిసి పని చేసిన వ్యక్తి అని తెలుస్తోంది. చందు పట్ల ప్రముఖులు, ఈ వార్త విన్న ప్రేక్షకులు సోషల్ మీడియా ద్వారా తమ సంతాపాన్ని వ్యక్తం చేస్తున్నారు.

గుప్పెడంత మనసు సీరియల్ ద్వారా అందరికీ పరిచయం అయ్యారు ముఖేష్ గౌడ. ఈ సీరియల్ లో రిషి అనే పాత్రలో ముఖేష్ నటించారు. ఒకే ఒక్క సీరియల్ ద్వారా తెలుగు ప్రేక్షకులకు చేరువయ్యారు. ప్రేక్షకులకి ఈ పాత్ర ఎంత అలవాటు అయ్యారు అంటే, ఇప్పుడు రిషి పాత్ర సీరియల్ లో కనిపించట్లేదు. దాంతో సీరియల్ చూడటానికి జనాలు ఆసక్తి చూపించట్లేదు. మధ్యలో రిషి పాత్ర వస్తాడు అన్నట్టు చాలా సార్లు ఒక హింట్ ఇచ్చి వదిలారు. కానీ ప్రతిసారి నిరాశ మిగిలింది. అయితే, ముఖేష్ గౌడ ఈ సీరియల్ వదిలి వెళ్ళిపోయినట్టు వార్తలు వస్తున్నాయి.

సీరియల్ యాజమాన్యానికి, ముఖేష్ గౌడకి గొడవలు ఉన్నాయి అన్నట్టు ఒక వార్త అయితే ప్రచారంలో ఉంది. ఎంతో కాలం నుండి ఇవన్నీ అవుతున్నాయి. దాంతో ముఖేష్ గౌడ సీరియల్ వదిలి వెళ్ళిపోయారు అని అంటున్నారు. మరి వారి మధ్య ఏం గొడవలు ఉన్నాయి అనేది తెలియదు. సీరియల్ లో మాత్రం ఆ పాత్ర మిస్ అయినట్టే చూపిస్తున్నారు. వసుధార పాత్ర మీద సీరియల్ నడుస్తోంది. ఇప్పుడు వసుధార పాత్రని సైడ్ పాత్ర చేస్తున్నారు. సీరియల్ ట్రాక్ అంతా మారిపోయింది. ముఖేష్ గౌడ సోషల్ మీడియా అకౌంట్స్ లో కూడా, సీరియల్ లో ఆయనని మిస్ అవుతున్నట్టు అందరూ కామెంట్స్ చేస్తున్నారు. అయితే మరొక పక్క ముఖేష్ గౌడ ఒక సినిమాలో నటిస్తున్నట్టు ప్రకటించారు. గీతా శంకరం అనే ఒక సినిమాలో ముఖేష్ గౌడ హీరోగా నటిస్తున్నారు.

ప్రియాంక శర్మ హీరోయిన్ గా నటిస్తున్న ఈ సినిమాలో, ప్రముఖ నటుడు మురళీధర్ గౌడ్ కూడా ఒక ముఖ్య పాత్రలో నటిస్తున్నారు. గ్రామీణ నేపథ్యంలో ఒక ప్రేమ కథగా ఈ సినిమా రూపొందుతోంది. ముఖేష్ గౌడ కన్నడలో కొన్ని సీరియల్స్ లో నటించడంతో పాటు, తెలుగులో కూడా ప్రేమ్ నగర్ అనే ఒక సీరియల్ లో నటించారు. ఇప్పుడు సినిమాల్లోకి అడుగు పెడుతున్నారు. చాలా మంది సీరియల్ నటులు సినిమాల్లో హీరోలుగా నటించారు. ఇప్పుడు ముఖేష్ గౌడకి ఉన్న పాపులారిటీ సినిమాల్లో హీరోగా కొనసాగడానికి సహాయపడుతుంది అని భావిస్తున్నారు. ముఖేష్ గౌడ ఈ సినిమా స్టిల్ షేర్ చేసుకున్న తర్వాత, ఎంతో మంది అభిమానులు సంతోషపడుతూ ముఖేష్ గౌడకి అభినందనలు తెలిపారు.

ALSO READ : 22 ఏళ్ళ శ్రీలీల పక్కన ఆ 52 ఏళ్ళ హీరోనా.? కూతురు లాగా ఉంటుంది కదా అంటూ ట్రోల్స్.!

ఒకప్పుడు సినిమాల్లో నటించిన చాలా మంది ఇప్పుడు సీరియల్స్ లో నటిస్తున్నారు. వీళ్లలో చాలా మంది తెలుగు సినీ నటీనటులు కూడా ఉన్నారు. అందులో చాలా మంది హీరోయిన్స్ ఉన్నారు. ఒక సమయంలో ఎన్నో హిట్ సినిమాల్లో నటించిన హీరోయిన్స్, ఇప్పుడు సీరియల్స్ లో నటిస్తున్నారు. చాలా గుర్తింపు సంపాదించుకుంటున్నారు. సినిమాల ద్వారా ఎంత మంది అభిమానులని అయితే సంపాదించుకున్నారో, ఇప్పుడు సీరియల్స్ ద్వారా కూడా అంతకంటే ఎక్కువ పాపులారిటీ సంపాదించుకుంటున్నారు. సీనియర్స్ అయినా కూడా వీళ్ళకి ఇప్పటికి కూడా చాలా మంది అభిమానులు ఉన్నారు. అలా సీరియల్స్ లో, హీరోయిన్ పాత్రల్లో, లేదా ముఖ్య పాత్రల్లో నటిస్తున్న కొంత మంది హీరోయిన్స్ చాలా ఎక్కువ పారితోషకం అందుకుంటున్నారు. వాళ్ళు ఎవరో ఇప్పుడు చూద్దాం.

#1 సుజిత

ఎన్నో సినిమాల ద్వారా, సీరియల్స్ ద్వారా ఫేమస్ అయ్యారు సుజిత. సుజిత గత కొన్ని సంవత్సరాల నుండి సీరియల్స్ చేస్తున్నారు. అయితే ఎపిసోడ్ కి 25 వేల పైన రెమ్యూనరేషన్ తీసుకుంటారు. సుజిత ప్రస్తుతం తెలుగులో జెమినీ టీవీలో ప్రసారం అవుతున్న గీతాంజలి సీరియల్ లో నటిస్తున్నారు.

#2 కస్తూరి శంకర్

ఇంటింటి గృహలక్ష్మి సీరియల్ ద్వారా ఫేమస్ అయిన కస్తూరి శంకర్ రోజుకి 25 వేల పారితోషకం అందుకుంటున్నారు. ఒకవేళ వెబ్ సిరీస్, సినిమా షూటింగ్స్ అయితే 50 వేలకి పైగా పారితోషకం తీసుకుంటారు.

#3 రాశి

ఇటీవల వచ్చిన జానకి కలగనలేదు సీరియల్ లో హీరో తల్లి జ్ఞానాంబ పాత్రలో రాశి నటించారు. ఈ సీరియల్ కోసం రాశి రోజుకి 25 వేల పైన రెమ్యూనరేషన్ తీసుకున్నారు.

సీరియల్స్ లో హీరోయిన్స్ కి కూడా సినిమా హీరోయిన్స్ కి ఉన్నంత క్రేజ్ ఉంటుంది. ఇప్పుడు సీనియర్ హీరోయిన్స్ అయినా కూడా, సీరియల్స్ లో వీళ్లలో చాలా మంది ఎక్కువగా హీరోయిన్ పాత్రలే పోషిస్తున్నారు. వీరి పాత్రల చుట్టూ సీరియల్ నడుస్తూ ఉంటుంది. వీరి పాత్రలకి సీరియల్ లో అంత ప్రాముఖ్యత ఉంటుంది. ఒక్క ఎపిసోడ్ లో వీళ్ళు కనిపించకపోయినా కూడా వీళ్ళ గురించి ప్రేక్షకులు దిగులు పడతారు. అందుకే వీళ్ళు కష్టపడి ప్రతి ఎపిసోడ్ లో కనిపించేలాగా పనిచేస్తూ ఉన్నారు. దానికి తగ్గ పారితోషకం కూడా అందుకుంటున్నారు.