serials

ఒకప్పుడు టీవి నటులకు పాపులారిటీ, క్రేజ్, రెమ్యూనరేషన్ చాలా తక్కువగా ఉండేది. ప్రస్తుతం సినిమాతో పాటు, బుల్లితెర ఇండస్ట్రీ వ్యాప్తి పెరిగింది. నిర్మాణ విలువలు పూర్తిగా మారిపోయాయి. సోషల్ మీడియాతో సీరియల్స్ కి  పాపులారిటీ, ఫ్యాన్ బేస్ పెరిగింది.

బుల్లి తెర హీరోలు ఎక్కడికి వెళ్లినా జనాలు గుర్తిస్తున్నారు. టీవీ ఇండస్ట్రీలో రాణిస్తున్న హీరోలు ఎంత రెమ్యూనరేషన్ తీసుకుంటున్నారో? వారిలో అంతరికన్నా ఎక్కువ రెమ్యూనరేషన్  తీసుకుంటున్న బుల్లితెర హీరో ఎవరో ఇప్పుడు చూద్దాం.. 1. నిరుపమ్ పరిటాల :

కార్తీకదీపం సీరియల్‌ లో హీరో డాక్టర్ బాబుగా నటించిన నిరుపమ్ పరిటాల ఈ సీరియల్ కి రోజుకి రూ.40 వేల రెమ్యూనరేషన్ తీసుకుంటునట్లు సమాచారం. ప్రస్తుతం నిరుపమ్ పరిటాల రోజుకి రూ.30-40 వేల రెమ్యూనరేషన్ తీసుకుంటు అత్యధిక పారితోషికం తీసుకునే నటులలో ఒకరిగా ఉన్నారు.
2. శ్రీరామ్ :
ప్రేమ ఎంత మధురం సీరియల్‌లో హీరో ఆర్యవర్ధన్‌గా నటిస్తున్న శ్రీరామ్ అత్యధిక పారితోషికం తీసుకునే బుల్లితెర హీరోల్లో ఒకరు.శ్రీరామ్ రోజుకి రూ.40 వేలు పారితోషికం అందుకుంటారని తెలుస్తోంది. శ్రీరామ్ నటుడిగానే కాకుండా నిర్మాతగా పలు సీరియల్స్‌కి ప్రొడ్యూస్ చేశారట.
3. ప్రభాకర్:

ఈటీవీ ప్రభాకర్ ఒకప్పుడు టెలివిజన్ ఇండస్ట్రీని ఏలిన నటుడు. అతన్ని బుల్లితెర మెగాస్టార్ అని కూడా పిలుస్తారు. ప్రస్తుతం ఆయన అడపా దడపా నటిస్తున్నప్పటికీ పారితోషికం విషయంలో మాత్రం ప్రస్తుత బుల్లితెర హీరోలతో సమనంగా తీసుకుంటున్నారు. ప్రభాకర్ రోజుకి రూ.35-40 వేలు పారితోషికం అందుకుంటున్నారట.
4. ఇంద్రనీల్ వర్మ:
చక్రవాకం, మొగులిరేకులు లాంటి సూపర్ హిట్ సీరియల్స్‌తో అలరించిన ఇంద్ర నీల్. సీరియల్స్ హీరోలకు కూడా ఫ్యాన్ బేస్‌ని తీసుకొచ్చిన నటుడిగా పేరు పొందారు. రీసెంట్‌గా గృహలక్ష్మి సీరియల్‌లో సామ్రాట్‌గా నటించారు. ఆ సీరియల్ కి రోజుకి రూ 30 వేల పైన పారితోషికం తీసుకుంటునట్లు సమాచారం.
5. మానస్:

కార్తీకదీపం సీరియల్ ముగిసిన తరువాత అదే సమయంలో బ్రహ్మముడి అనే సీరియల్ మొదలైంది. ప్రస్తుతం తెలుగు సీరియల్స్ లో ఇదే టాప్ టీఆర్పీ రేటింగ్‌లో దూసుకెళ్తోంది. ఇక ఈ సీరియల్‌లో హీరోగా నటిస్తున్న మానస్‌ రెమ్యూనరేషన్ రోజుకు రూ.25 వేలు పారితోషికం తీసుకుంటునట్లు సమాచారం.
6. వీజే సన్నీ:
కళ్యాణ వైభోగమే సీరియల్‌ హీరోగా నటించి, పాపులర్ అయిన వీజే సన్నీ, ఆ తరువాత బిగ్ బాస్ 5లో విన్నర్ కావడంతో రెమ్యూనరేషన్ రేంజ్ మారిపోయింది. కళ్యాణ వైభోగం సీరియల్ కి రోజుకి రూ.10-15 వేలు పారితోషికం తీసుకున్న సన్నీ, ప్రస్తుతం సినిమాల పైన దృష్టి పెట్టాడు. ఒక వేళ సన్నీ సీరియల్స్ లో నటిస్తే రోజుకి రూ.30-40 వేలు తీసుకోవచ్చని తెలుస్తోంది.
7. ముఖేష్ గౌడ:
గుప్పెడంత మనసు సీరియల్‌లో హీరోగా నటిస్తున్న కన్నడ యాక్టర్ ముఖేష్ గౌడ పారితోషికం మొదట్లో రూ.15 వేల కన్నా తక్కువగా ఉండేదంట. ఈ సీరియల్ సూపర్ హిట్ అవడంతో అతని పారితోషికం పెరిగింది. ప్రస్తుతం అతను రోజుకి రూ.20-22 వరకూ పారితోషికం తీసుకుంటునట్లు సమాచారం.
8. సాయి కిరణ్:
ఒకప్పటి తెలుగు స్టార్ హీరో సాయి కిరణ్ బుల్లితెర పై అనేక సీరియల్స్ లో కీలక పాత్రలలో నటిస్తున్నారు. ప్రస్తుతం గుప్పెడంత మనసు సీరియల్‌లో నటిస్తున్నారు. ఆయన రోజుకి రూ.30-35 వేలు పారితోషికం తీసుకుంటారని తెలుస్తోంది.
9. అమర్ దీప్ చౌదరి:
జానకి కలగనలేదు సీరియల్‌లో హీరోగా నటిస్తున్న అమమర్ దీప్ చౌదరి రోజుకి రూ.20 వేలు రెమ్యూనరేషన్ తీసుకుంటారని తెలుస్తోంది.10. నంబూద్రి:

నాగ పంచమి సీరియల్ లో స్వామీజీగా నటిస్తున్న నంబూద్రి కన్నడ ఇండస్ట్రీలో సీనియర్ హీరో. నంబూద్రి రోజుకి రూ.25 వేలు పారితోషికం అందుకుంటున్నారట.
11. నిరంజన్:

ఎన్నెన్నో జన్మల బంధం సీరియల్‌లో హీరోగా నటిస్తున్న కన్నడ బుల్లితెర హీరో నిరంజన్ రోజుకి రూ.20 వేలు రెమ్యూనరేషన్ తీసుకుంటారని సమాచారం.
12. గగన్ చిన్నప్ప:

కృష్ణ ముకుంద మురారి సీరియల్ లో హీరో నటిస్తున్న కన్నడ పాపులర్ బుల్లితెర నటుడు గగన్ చిన్నప్ప రోజుకి రూ.20 వేలు పారితోషికం అందుకుంటున్నారట.
13. అర్జున్ అంబటి:

దేవత సీరియల్‌లో హీరోగా నటించిన అర్జున్ అంబటి రూ.15-20 వేలు పారితోషికం చార్జ్ చేస్తారట.14. రవి కృష్ణ:

మొగలిరేకులు, వరూధిని పరిణయం, ఆమె కథ వంటి సీరియల్స్ తో ఆకట్టుకున్న రవి కృష్ణ రోజుకి 15-20 వేల వరకు రెమ్యూనరేషన్ తీసుకుంటారని సమాచారం.
15. మధుసూదన్:

ముత్యాల ముగ్గు, నా పేరు మీనాక్షీ, కథలో రాజకుమారి, కళ్యాణం కమనీయం సీరియల్స్ హీరో మధుసూదన్ రోజుకు 15-20 వేల వరకు రెమ్యూనరేషన్ తీసుకుంటారని తెలుస్తోంది.
16. చందు గౌడ:

కన్నడ పాపులర్ యాక్టర్ చందు గౌడ 2020లో త్రినయని అనే సీరియల్ తో తెలుగు టీవి ఇండస్ట్రీలో అడుగుపెట్టాడు. పలు కన్నడ సినిమాలలో కూడా నటించాడు. ఈ సీరియల్ లో హీరో విశాల్ గా ఆకట్టుకున్నాడు. రోజుకి 15 వేల రెమ్యూనరేషన్ తీసుకుంటారని సమాచారం.

Also Read: వెంకీ సినిమాలో “ట్రైన్” ఎపిసోడ్ చాలా సార్లు చూసి ఉంటారు..! కానీ ఈ విషయం గమనించారా..?

స్టార్ మాలో ప్రసారం అయ్యే గుప్పెడంత మనసు సీరియల్ కి చాలా మంది అభిమానులు ఉన్నారు. అయితే సీరియల్ ఈ మధ్య ట్రాక్ మారింది. అప్పటి లాగా నడవట్లేదు. అందులోనూ ముఖ్యంగా జగతి మేడం పాత్రని తీసేశాక సీరియల్ డల్ గా అయిపోయింది.

ఇప్పుడు హీరో రిషి పాత్ర కూడా కనిపించట్లేదు. ప్రేమ కథగా స్టార్ట్ అయిన సీరియల్, ఇప్పుడు ఎటో వెళ్తోంది. రిషి పాత్ర అప్పుడప్పుడు కనిపిస్తున్నా కూడా అది పాత ఫుటేజ్ అని అర్థం అవుతోంది. సోమవారం ఎపిసోడ్ లో అయితే రిషి మళ్ళీ కిడ్నాప్ అయ్యాడు అని చూపించారు.

దాంతో అసలు రిషి పాత్ర ఉంటుందా? ఉండదా? అనే ఒక అనుమానం నెలకొంది. ఒక కొత్త పాత్ర కూడా వస్తాడు. కొంత మంది అతనే రిషి పాత్రలో నటిస్తాడు అని కూడా అంటున్నారు. అయితే ప్రస్తుతం వస్తున్న వార్తల ప్రకారం, రిషి పాత్ర పోషిస్తున్న ముఖేష్ గౌడ చాలా రోజుల నుండి షూటింగ్ కి రావట్లేదు. ప్రొడక్షన్ హౌస్ కి, ముఖేష్ కి ఏవో గొడవలు ఉన్నాయి అని సమాచారం. ఈ కారణంగానే ముఖేష్ షూటింగ్ కి రావట్లేదు. అందుకే రిషి పాత్రని పెద్దగా చూపించట్లేదు.

దాంతో సీరియల్ నడిపించడానికి ఏవేవో ట్రాక్స్ యాడ్ చేస్తున్నారు. కానీ ఏ ఒక్కటి కూడా ఆసక్తికరంగా అనిపించట్లేదు. ఈ కారణంగా రేటింగ్ కూడా పడిపోతుంది. రిషి వస్తాడు. రిషి వస్తాడు. అని చెప్తూ ఉంటారులే కానీ, వచ్చినట్టు మాత్రం కనిపించడు. షూటింగ్ కి ముఖేష్ గౌడ రాకపోవడంతో అతని కొత్త ఫుటేజ్ తీసుకునే అవకాశం కూడా వీళ్ళకి దొరకట్లేదు. దాంతో ఉన్న పాత్రలతో సీరియల్ నడిపించడానికి ఎన్నో ప్రయత్నాలు చేస్తున్నారు. అయితే చాలా రోజుల నుండి ముఖేష్ గౌడ, రిషి అనే పాత్రలో ప్రేక్షకులకు చాలా దగ్గర అయ్యారు.

ఇప్పుడు అతని ప్లేస్ లో ఇంకొకళ్ళు వస్తారు అంటే జనాలు అంగీకరించడం కూడా కష్టం ఏమో. మరి ఇప్పుడు సీరియల్ బృందం ఎలాంటి నిర్ణయం తీసుకుంటుంది అనేది తెలియాల్సి ఉంది. ప్రస్తుతం అయితే సీరియల్ కిడ్నాప్ అనే ట్రాక్ మీద నడిపిస్తున్నారు. ఒకరకంగా చెప్పాలి అంటే సాగదీస్తున్నారు. అందుకే వీలైనంత త్వరగా సీరియల్ వాళ్ళు ఏదో ఒక నిర్ణయం తీసుకొని, ఆ పాత్రని రీప్లేస్ చేయడం, లేదా ముఖేష్ గౌడ తో ఉన్న గొడవలు పరిష్కరించుకోవడం వంటిది చేస్తే సీరియల్ రేటింగ్ మళ్ళీ పెరుగుతుంది.

ALSO READ : 22 ఏళ్ల తర్వాత మళ్ళీ నాగార్జునతో కలిసి నటించిన ఈ సపోర్టింగ్ ఆర్టిస్ట్ ఎవరో గుర్తుపట్టారా.? ఇంతకముందు ఏ సినిమాలో అంటే.?

రెండు జంటల కథని కొత్తగా ఆవిష్కరించి మన ముందుకి తీసుకొస్తుంది జెమినీ టీవీ. ఆ సీరియల్ పేరు ఏవండోయ్ శ్రీమతి గారు. జనవరి 22 నుంచి మీ ఇంట్లోకి వస్తానంటున్న ఈ సీరియల్ కధా నేపథ్యం కూడా కుటుంబ ప్రేక్షకులను ఆకట్టుకుంటుందని అంటున్నారు. ఇక కథ విషయానికి వస్తే గౌరవ మర్యాదలు కలిగిన గ్రామ సర్పంచ్ సుబ్బారాయుడు కుమార్తె మిధున. కథానాయకురాలు మిధున పెళ్లి పీటల మీద నుంచి లేచిపోయి గౌతమ్ తో వెళ్ళిపోతుంది.

మిధున అక్క కూడా ఇలాగే చేయడంతో సుబ్బారాయుడిని ఊర్లో వాళ్ళందరూ అవమానిస్తారు. అవమానం తో తల ఎత్తుకోలేక పోతాడు సుబ్బారాయుడు. అయితే కొన్ని సంవత్సరాల తర్వాత సిటీలో అక్క చెల్లెలు ఇద్దరు తమ పిల్లలతో కలిసి ఒక ఇంట్లోనే అద్దెకి దిగుతారు. ఆ అక్క చెల్లెలు ఇద్దరు మాట్లాడుకుంటారా లేక విడిపోతారా అనేది సీరియల్ లో చూసి తెలుసుకోవాల్సిందే. నాలుగు జీవితాలు రెండు కథలు ఒకే ఇల్లు.

సరికొత్త కథతో సరికొత్త ధారావాహిక సీరియల్ తో జెమినీ టీవీలో ఏమండోయ్ శ్రీమతి గారు ఈనెల 22న సాయంత్రం 6:30 గంటలకు ప్రసారం కానుంది. పల్లవి గౌడ, హర్షిత్ శెట్టి, మమ్ముట్టి శ్రీనివాస్, శాంతి, గుత్తికొండ భార్గవ, దేవిశ్రీ, చైత్ర రాయ్, కృష్ణ తదితరులు నటించారు. ఇప్పటికే ఈ సీరియల్ తాలూకా ప్రోమో చూసిన నెటిజన్స్ జగపతిబాబు హీరోగా నటించిన మామిడాకులు సినిమా గుర్తొస్తుంది అని కామెంట్లు పెడుతున్నారు.

కొందరు పల్లవి గౌడ నటన చాలా బాగుంది అని, మరి కొందరు ఇది బెంగాలీ సీరియల్ కి రీమేక్ అని కామెంట్స్ పెడుతున్నారు. పల్లవి గౌడ ఫ్యాన్స్ మాత్రం ఈ సీరియల్ ఎప్పుడు వస్తుందా అని ఎదురుచూస్తున్నారు. ఈ సీరియల్ టాప్ సీరియల్స్ కి పోటీగా నిలబడుతుందో లేదో తెలియాలంటే జనవరి 22 వరకు వెయిట్ చేయాల్సిందే.

స్టార్ మా లో ప్రసారమవుతున్న బ్రహ్మముడి సీరియల్ మంచి కంటెంట్ తో ప్రేక్షకుల హృదయాలని గెలుచుకొని మంచి టీఆర్పి రేటింగ్ ని సంపాదించుకుంటుంది. ఇక కథలోకి వస్తే ఒకవైపు ఉద్యోగం పోయింది, మరొకవైపు ప్రేమించిన కళ్యాణ్ ని పోగొట్టుకున్న అప్పు నిరాశతో రోడ్డు మీద నడుస్తూ ఉంటే ఆక్సిడెంట్ అయిపోతుంది. దాంతో కంగారుపడిన కృష్ణమూర్తి దంపతులు కావ్యకి ఫోన్ చేస్తారు.

కావ్య ఇంట్లో చెప్తే పూజ ఆగిపోతుంది అనే ఉద్దేశంతో ఎవరికీ చెప్పకుండా భర్తకి మాత్రమే చెప్పి కంగారుగా అక్కడి నుంచి వెళ్ళిపోతుంది. అయితే పూజని వదిలేసి వెళ్ళినందుకు ధాన్యలక్ష్మితో సహా అందరూ కావ్యని నిందించడంతో రాజ్ అసలు నిజం చెప్తాడు. నిజమా అంటూ కళ్యాణ్ రియాక్ట్ అవుతాడు. అప్పుడే కావ్య భర్తకు ఫోన్ చేసి అప్పు కి సీరియస్ గా ఉంది రేర్ బ్లడ్ గ్రూప్ అంట దొరకటం లేదు అని చెప్తుంది.

అయితే రాజ్ దగ్గర ఫోన్ లాక్కున్న కళ్యాణ్ ఈ విషయం నాకెందుకు చెప్పలేదని కోప్పడి నాది కూడా సేమ్ బ్లడ్ గ్రూప్ నేను వస్తాను అంటూ కావ్య చెప్తున్నా ఇంట్లో వాళ్ళు చెప్తున్నా వినకుండా పూజ ఆపేసి అప్పు కోసం హాస్పిటల్ కి వెళ్లి అక్కడ బ్లడ్ చేస్తాడు. సమయానికి బ్లడ్ అందుకోవటంతో ప్రాణహాని నుంచి బయటపడుతుంది అప్పు. నా చెల్లెల్ని సేవ్ చేసినందుకు సంతోషించాలో అక్కడ భార్యని వదిలేసి వచ్చినందుకు బాధపడాలో అర్థం కావడం లేదు అని బాధపడుతుంది కావ్య.

దేవుడు ఎక్కడికి పోడు.పూజ దేముంది వదిన మంచి రోజులు ముందు ముందు చాలా వస్తాయి కానీ నా ఫ్రెండు కష్టంలో ఉన్నప్పుడు నేను పక్కన లేకపోతే ఎలా అని కావ్యకి చెప్తాడు కళ్యాణ్. ఐసీయూ లో ఉన్న అప్పుని చూస్తూ త్వరగా లేచి రా బ్రో నన్ను తిట్టడానికైనా నువ్వు త్వరగా రావాలి లేదంటే నాకు ఏమీ తోచదు అని వేడుకుంటాడు కళ్యాణ్. అయితే రాజ్ ఇంట్లో మాత్రం ఇదంతా కావ్య స్క్రిప్ట్ ప్రకారమే జరుగుతుంది అనుకుంటారు. ఆపై ఏం జరుగుతుందనేది తెలియాల్సి ఉంది.

Jagadhatri serial: అందరికీ దగ్గరవమని చెప్తే నువ్వు ఇలా అందరినీ కొట్టి దూరమవుతున్నావు ఇలా అయితే పెత్తనం నీ చేతిలోకి ఎప్పుడు వస్తుంది అని మందలిస్తుంది నిషిక అత్త.

రాగిణి: నిన్ను అందరికీ తలలో నాలికలాగా ఉండి అందరి పనులు చేసి పెట్టమంటే ఇలా అందరితో గొడవ పడుతున్నావు ఇలా అయితే నీ చేతికి పెత్తనం ఎప్పుడు వస్తుంది. అందుకే ఇంట్లో అన్ని పనులు చేసి అందరికీ దగ్గర అవ్వు.

నిషి : అన్ని పనులు అంటే నావల్ల కాదు అంటుంది. కనీసం వంట చేసి అందరికీ పెట్టు అని తల్లి చెప్పడంతో అందుకు సరే అంటుంది.

మరోవైపు నిషిని కొట్టినందుకు బాధపడుతుంది ధాత్రి. చెల్లెలికి క్షమాపణ చెప్పాలి అంటుంది.

కేదార్: తను తప్పు చేసింది కాబట్టి కొట్టావు ఇందులో నీ తప్పేముంది.

ధాత్రి : తప్పు ఎవరిదైనా చిన్నప్పటినుంచి నేను తనని పెంచి పెద్ద చేశాను, ఎప్పుడు చేయి చేసుకోలేదు. తనని కొట్టినందుకు అందరికంటే నాకు ఎక్కువ బాధగా ఉంది అని చెప్పి భర్త చెప్తున్నా వినకుండా నిషి దగ్గరికి వెళ్లి సారీ చెప్తుంది.

నిషి: నన్ను కొట్టి సారీ చెప్తే తీరిపోతుందా నేను నిన్ను కొట్టి సారీ చెప్తాను నువ్వు ఒప్పుకుంటావా అంటుంది.

ధాత్రి: ఒక్క చెంప దెబ్బతో నీ కోపం చల్లారుతుంది అంటే నేను కొట్టించుకోవటానికి సిద్ధం, చిన్నప్పటినుంచి ఎన్నోసార్లు నీతో కొట్టించుకున్నాను కదా ఇప్పుడు కొట్టించుకోలేనా అంటుంది.

ధాత్రిని కొట్టడానికి చెయ్యెత్తుతుంది నిషి. అది చూసిన కౌషికి ఆమెని కోప్పడుతుంది.

కౌషికి :  మీరు అసలు మనుషులేనా, నిన్ను కొట్టింది కాబట్టి నువ్వు తనని కొడుతున్నావు మరి నువ్వు కీర్తిని కొట్టావు నన్ను నిన్ను కొట్టమంటావా అని అడుగుతుంది.

ఆ మాటలకి ఒక్కసారిగా షాక్ అవుతారు నిషి, ఆమె తల్లి, అత్త. గొడవ పెద్దదవుతుంది వదిలేయమంటుంది ద్ధాత్రి.

కౌషికి : ఈ గొడవ ఇక్కడితో నేను మర్చిపోతున్నాను నువ్వు కూడా మర్చిపో ఇంకెప్పుడు ఇంట్లో గొడవలు జరగకూడదు వెళ్లి వంట పని చూడండి.

తల్లి మాటలు గుర్తుకు వచ్చి నేను వంట చేస్తాను అంటుంది నిషిక. అక్కడ ఉన్న వాళ్ళందరూ నువ్వు వంట చేయటం ఏంటి అని షాక్ అవుతారు. వైజయంతి కూడా అలాగే అనడంతో ఆమెని పక్కకి తీసుకు వెళుతుంది.

నిషి : ఇన్నాళ్లు పనికి భయపడే వంట చేయలేదు అందుకే పెత్తనం నా చేతికి రావడం లేదు. నేను వంట చేస్తాను బాగోకపోయినా బాగుంది అని చెప్పండి చాలు అని అత్తకు చెప్పి వంట ప్రారంభిస్తుంది.

ఆ తర్వాత అందరూ భోజనాల టేబుల్ దగ్గర కూర్చుంటారు.

నిషి : అందరూ భోజనానికి రెడీయే కదా.

బూచి: అదేదో యుద్ధానికి సిద్ధమా అన్నట్టు అడుగుతుంది అనుకుంటాడు.

వైజయంతి : ఇన్నాళ్లు నా కోడలికి వంటలు రావని ఎవరో అన్నారు కదా చూడండి ఇప్పుడు ఎన్ని వంటలు చేసిందో అంటుంది.

ఆ వంటని ముందుగా కాచి తింటుంది ఆమె ఎక్స్ప్రెషన్ చూసి అందరికీ ఆ భోజనం బాగోలేదు అని అర్థమవుతుంది.

బూచి: మామూలుగా అయితే కాచి ఎలా ఉన్నా తినేస్తుంది దానికి కూడా నచ్చలేదంటే నేను భోజనం చేసే ధైర్యం చేయను అని టాబ్లెట్ వేసుకోవాలి అని నేపంతో అక్కడినుంచి వెళ్ళిపోబోతాడు.

అలాగే భోజనం చేసిన ప్రతి ఒక్కరూ భోజనం నచ్చక, బాగోలేదని చెప్పలేక ఏదో ఒక వంకతో అక్కడినుంచి వెళ్ళిపోబోతుంటే అప్పుడే కౌషికి అక్కడికి వస్తుంది.

కౌషికి : అందరం కలిసి భోజనం చేస్తాం కదా వచ్చి కూర్చోండి అనడంతో ఏమీ అనలేక అందరు టేబుల్ దగ్గర కూర్చుంటారు.

అప్పుడు కీర్తి భోజనం నోట్లో పెట్టుకుని బాగోలేదు అని చెప్తుంది. ముందు నేర్చుకొని తర్వాత వంట చేయాలి అని నిషి తో అంటుంది. ఇప్పుడు వంట చేసే టైం లేదు కాబట్టి అందరం రెస్టారెంట్ కి వెళ్లి భోజనం చేద్దాము  అంటుంది.

నిషి: నేను ఇంత కష్టపడి వంట చేస్తే భోజనం చేయకుండా వెళ్ళిపోతే ఎలా అని అందర్నీ భోజనం చేయమంటుంది.

ధాత్రి : నేను నీకు వంట మెల్లిగా నేర్పిస్తాను ఇప్పుడు మాత్రం అందరూ ఆకలితో ఉన్నారు వెళ్ళనివ్వు అంటుంది.