Sports Adda

ప్రపంచ కప్ జట్టు నుంచి తొలగించి 24 గంటలకు ముందే అక్షర పటేల్ ఇంస్టాగ్రామ్ పోస్ట్ కారణంగా హాట్ డిస్కషన్ కు కారణం అయ్యాడు. ఆసియా కప్ 2023లో భాగంగా బంగ్లాదేశ్ తో భారత్ తలపడిన మ్యాచ్ లో అక్షర్ పటేల్ గాయానికి గురి అయ్యాడు.

ఈ కారణంగానే అతను ఫైనల్ మ్యాచ్ లో కూడా పాల్గొనలేకపోయాడు. అయితే ఇంకా గాయం నుంచి పూర్తిగా కోలుకోలేదు అనే కారణంతో జరగబోయే ప్రపంచ కప్ టీం ఇండియా జట్టు నుంచి అతని తప్పించి అతని స్థానంలో రవిచంద్రన్ అశ్విన్ ని తీసుకోవడం జరిగింది.

పాపం దీని కారణంగా ప్రపంచకప్ ఆడాలి అనుకున్న అతని కల…కలగానే మిగిలిపోయింది.. ఈ నేపథ్యంలో శుక్రవారం నాడు తన ఇంస్టాగ్రామ్ అకౌంట్ లో అక్షర్ పటేల్ షేర్ చేసుకున్న ఒక పోస్ట్ వైరల్ అవ్వడమే కాకుండా పెద్ద డిస్కషన్ కు తెరలేపింది. ఇంతకీ ఆ పోస్టులో ఏముంది అంటే…‘కామర్స్ బదులు సైన్స్ తీసుకుని ఉండాల్సింది. బెటర్ పీఆర్ ను హైర్ చేసుకుని ఉండాల్సింది’అని పోస్ట్ పెట్టి వెంటనే కాసేపటికి దాన్ని డిలీట్ చేసాడు.

అయితే అప్పటికే జరగాల్సిన డామేజ్ జరిగిపోయింది.. అభిమానులు ఆ పోస్ట్ చూడడమే కాకుండా కొందరు వాటిని స్క్రీన్ షాట్స్ తీసి మరి పెట్టుకున్నారు. ఈ నేపథ్యంలో కావాలని గాయాల నుంచి కోల్కున్నప్పటికీ అక్షర్ పటేల్ ను టీం నుంచి తప్పించి రవిచంద్రన్ అశ్విన్ ని తీసుకున్నారు అని కొందరు అభిమానులు తమ అభిప్రాయాన్ని వ్యక్తం చేస్తున్నారు. మొదటి ప్రపంచ కప్ టీం అనౌన్స్ చేసినప్పుడు.. ప్రపంచ వన్ డే కప్ జట్టుకి అశ్విన్ ను ఎంపిక చేస్తే బాగుంటుంది అని సోషల్ మీడియాలో హల్చల్ జరిగింది.

ఈ ఇన్సిడెంట్ ని తిరిగి గుర్తు చేస్తూ తను కూడా ఒక మంచి పిఆర్ ని పెట్టుకుని ఉంటే బాగుండేది అనే వెర్షన్ లో అక్షర్ పటేల్ ఈ పోస్ట్ పెట్టాడా? అనే అనుమానాలు రేకెత్తుతున్నాయి. మరోపక్క దక్షిణాఫ్రికా తో జరిగిన వన్డే సిరీస్ లో ఆసీస్ ప్లేయర్ ట్రావిస్ హెడ్ చేతికి ఫ్రాక్చర్ అయింది. కోలుకోవడానికి కాస్త సమయం పడుతుంది అన్నప్పటికీ ఆసీస్ అతన్ని ప్రపంచ కప్ టీం లో అలాగే ఉంచింది. మరి ఇండియన్ టీం మాత్రం మూడు వారాలలో కోలుకునే అక్షర్ పటేల్ కోసం ఆ మాత్రం చేయలేకపోయింది అని నెటిజన్స్ భావిస్తున్నారు.

ALSO READ : సుప్రీం కోర్ట్ లోనే మొదటిసారి ఇలా… అసలు విషయం తెలిస్తే ఆమెకి హ్యాట్సాఫ్ అనాల్సిందే.!

ఐసీసీ వన్డే ప్రపంచకప్ 2023 వారం రోజుల్లో ప్రారంభం కానుంది. ఈ టోర్నీ కోసం క్రికెట్ అభిమానులు ఎప్పుడెప్పుడా అని ఎంతగానో ఎదురుచూస్తున్నారు. టోర్నమెంట్ లో తొలి మ్యాచ్ ఇంగ్లాండ్, న్యూజిలాండ్ మధ్య అక్టోబర్ 5న  జరగబోతుంది.

టీమిండియా 12 సంవత్సరాల తర్వాత స్వదేశంలో ఐసీసీ వన్డే ప్రపంచకప్ ఆడనుంది. 5 సార్లు ఐపీఎల్ విజేత అయిన రోహిత్ శర్మ సారధ్యంలో భారత జట్టు వరల్డ్ కప్ ఆడనుంది. 2011 వన్డే ప్రపంచకప్ విజేత అయిన భారత జట్టు టైటిల్ ఫెవరెట్. అయితే 2011 వన్డే ప్రపంచ కప్ ఫైనల్‌ మ్యాచ్ లో రెండు సార్లు టాస్ వేశారట. ఆ వివరాలు ఇప్పడు చూద్దాం..
13వ ఎడిషన్ వన్డే ప్రపంచ కప్ 2023 భారత్ వేదికగా అక్టోబర్ 5 నుంచి మొదలు కానుంది. ఈ నేపథ్యంలో వార్మప్ మ్యాచ్‌ సెప్టెంబర్ 29న పాకిస్తాన్, న్యూజిలాండ్‌ మధ్య జరుగనుంది. ఇప్పటికే ఈ మ్యాచ్ కోసం న్యూజిలాండ్ జట్టు ఆటగాళ్లు కొందరు మంగళవారం హైదరాబాద్ చేరుకున్నారు. మిగతా ఆటగాళ్లు బుధవారం రానున్నారు. వీసాలు ఆలస్యం కావడంతో పాకిస్తాన్ ఆటగాళ్లు బుధవారం రాత్రి హైదరాబాద్ చేరుకోనున్నారు. ప్రపంచ కప్ లో పాల్గొనడానికి వచ్చే జట్లకు కావాల్సిన వసతిని బీసీసీఐ అధికారులు ఏర్పాటు చేశారు.
వన్డే ప్రపంచ కప్ టోర్నీలో 10 జట్లు పోటీపడబోతున్నాయి. ఆయా దేశాల క్రికెట్ బోర్డులు వారి జట్లని ఇప్పటికే ప్రకటించారు. ఈ క్రమంలో గతంలో జరిగిన ప్రపంచ కప్ టోర్నీల విశేషాలు నెట్టింట్లో చక్కర్లు కొడుతున్నాయి. అలా 2011 వరల్డ్ కప్ లో 2 సార్లు టాస్ వేసారనే విషయం వార్తల్లో నిలిచింది.
2011 వన్డే ప్రపంచ కప్ ఫైనల్ మ్యాచ్‌లో టీమిండియా శ్రీలంకను ఓడించి రెండవ వన్డే వరల్డ్ కప్ ను సాధించింది. ఈ ఫైనల్ మ్యాచ్‌లో శ్రీలంక టాస్ గెలిచి, ముందుగా బ్యాటింగ్ కు దిగింది. అయితే ఫైనల్‌ మ్యాచ్ కి రిఫరీగా ఉన్న జెఫ్ క్రోనీ, టాస్ వేసే సమయంలో శ్రీలంక సారధి సంగర్కర హెడ్ అని చెప్పగా, ఫ్యాన్స్ అరుపుల వల్ల అది వినలేకపోయాడు. హెడ్ పడడంతో టాస్ గెలిచిన సంగర్కర, బ్యాటింగ్ ఎంచుకుంటానని అన్నారట.
కానీ రిఫరీ జెఫ్ క్రోనీ, సంగర్కర చెప్పింది వినబడలేదని, రెండవసారి టాస్ వేయాల్సిందిగా చెప్పారంట. అందుకు భారత కెప్టెన్ ధోనీ కూడా అంగీకరించడంతో రెండోసారి టాస్ వేశారు. అప్పుడు కూడా సంగర్కర హెడ్ అని చెప్పగా, హెడ్ పడడంతో శ్రీలంక టాస్ గెలిచి, ముందుగా బ్యాటింగ్ చేసింది. ఇక ఈ మ్యాచ్ లో భారత జట్టు శ్రీలంకను ఓడించి, 28 సంవత్సరాల తర్వాత వన్డే ప్రపంచ కప్ సాధించింది.

Also Read: “విరాట్ కోహ్లీ” జాతకం ప్రకారం… ఈ సారి ఇండియా “వరల్డ్ కప్” గెలుస్తుందా..?

విరాట్ కోహ్లీ అంటే ప్రపంచ వ్యాప్తంగా తెలియని క్రికెట్ ఫ్యాన్ ఉండరని చెప్పవచ్చు. రన్ మిషిన్ గా పేరుగాంచిన కోహ్లీ రికార్డుల రారాజులా దూసుకెళ్తున్నాడు. సచిన్ టెండూల్కర్ రికార్డులను బ్రేక్ చేయడం అసాధ్యం ఆనుకున్న సమయంలో కోహ్లీ సెంచరీల బాదుతూ ఫ్యాన్స్ మనసుల్లో చెరగని ముద్ర వేశాడు.

అభిమానులు ప్రేమగా కింగ్ అని పిలుచుకునే విరాట్ కోహ్లీ ఈ ఏడాది వన్డేల్లో ఇప్పటివరకు ఐదు సెంచరీలు చేశాడు. కొంతకాలంగా ఫామ్ కోల్పోయిన విరాట్ కోహ్లీ ప్రస్తుతం ఫుల్ ఫామ్ లో ఉన్నాడు. విరాట్ కోహ్లీ జాతకం ప్రకారం భారత జట్టు ప్రపంచకప్ గెలిచే అవకాశం ఎంత ఉందో ఇప్పుడు చూద్దాం..
విరాట్ కోహ్లీ 1988లో నవంబర్ 5న ఢిల్లీలో పంజాబీ ఫ్యామిలిలో జన్మించాడు. న్యూ ఢిల్లీలో పెరిగిన కోహ్లి, వెస్ట్ ఢిల్లీ క్రికెట్ అకాడమీలో క్రికెట్ లో శిక్షణ పొందాడు. ఢిల్లీ అండర్-15 జట్టుతో తన కెరీర్ మొదలుపెట్టాడు. 2008లో అంతర్జాతీయ క్రికెట్ లో అరంగేట్రం చేశాడు. తక్కువ సమయంలో వన్డే జట్టులో ముఖ్యమైన ప్లేయర్ గా మారాడు. ఆ తర్వాత టెస్టుల్లో 2011లో ఎంట్రీ ఇచ్చాడు. 2013లో, కోహ్లీ ఐసీసీ వన్డే ర్యాంకింగ్స్‌లో మొదటిసారి నంబర్ వన్ ప్లేస్ కు చేరుకున్నాడు.
తెలుగు న్యూస్ 18 కథనం ప్రకారం, కొన్ని రోజులుగా ఫామ్‌లో లేని కోహ్లీ, ఇటీవల జరిగిన మ్యాచ్‌లతో తిరిగి ఫామ్ లోకి వచ్చాడు. వరుసగా సెంచరీలు బాదుతున్నాడు. కొన్ని రోజుల్లో వరల్డ్ కప్ జరగనుంది. ఈసారి ప్రపంచ కప్‌లో కోహ్లీ పాత్ర కీలకం కానుంది. ఈ నేపథ్యలో కోహ్లీ జాతకం ప్రకారం టీంఇండియా  వరల్డ్ కప్ గెలుస్తుందా అనే ఆసక్తి అందరిలో నెలకొంది. విరాట్ కోహ్లీది మీన రాశి, ఈ ఏడాది గ్రహాల సంచారం వల్ల మంచి ఫామ్‌లో ఉంటాడు.
నెక్స్ట్ మ్యాచ్‌ల్లో కూడా కోహ్లీ అద్భుతమైన ప్రదర్శన కనబరుస్తాడు. శుక్రుడు, శని, చంద్రుడు కోహ్లికి అవకాశాలను కల్పిస్తారు. విరాట్ కోహ్లీ లైఫ్ లో సంతోషం ఎక్కువగా ఉంటుంది. కోహ్లీ జాతకంలో అదృష్టాన్ని ఇచ్చే రాజయోగాలు ఉన్నాయి. ప్రస్తుతం గ్రహా స్థితి చాలా బాగుంది. కోహ్లీ జాతకం ప్రకారంగా భారత జట్టు వరల్డ్ కప్ గెలిచే ఛాన్స్ చాలా ఎక్కువగా ఉన్నట్టు తెలుస్తోంది.

Also Read: కోహ్లీకి ఉన్నట్టు ధోని హెల్మెట్ మీద జాతీయ జెండా ఎందుకు లేదు? కారణం తెలుస్తే ఫిదా అవ్వకుండా ఉండలేరు.!

క్రికెట్ అభిమానుల కన్నుల పండుగగా ఆసియా కప్ 2023 ఫైనల్ లో టీం ఇండియా ఆతిధ్య శ్రీలంక జట్టుపై విజయకేతనం ఎగురవేసింది. నిజానికి ఈ మ్యాచ్ లో టీం ఇండియా గెలుస్తుందో లేదో అని తెగ ఆరాటపడుతున్న క్రికెట్ అభిమానులు సంబరాలు చేసుకుంటున్నారు. ఎప్పటికీ కోలుకోలేని విధంగా శ్రీలంక జట్టును భారత్ చావు దెబ్బ కొట్టింది.. అంటూ పలు రకాల మీమ్స్ తో సోషల్ మీడియాను హోరెత్తిస్తున్నారు అభిమానులు.

ఇప్పటివరకు జరగనున్న వండే ప్రపంచ కప్ మ్యాచ్లో టీం ఇండియా ఆట తీరుపై సందేహాలు వ్యక్తీకరిస్తున్న విమర్శకులను ముగించే విధంగా ఇండియన్ ఆటగాళ్లు తమ ప్రతిభ చూపించారు. టాస్ గెలిచిన శ్రీలంక కెప్టెన్ ముందుగా బౌలింగ్ ఎంచుకోగా.. భారత్ బౌలర్ల దాటికి లంక బాటర్లు 50 పరుగులకే కుప్పకూలారు. 50 ఓవర్ల మ్యాచును ఇండియన్ బౌలర్ల దాటికి 16 ఓవర్ కే శ్రీలంక చేతులెత్తేసింది. వన్డేలలో శ్రీలంక ఇంత అత్యల్ప స్కోర్ చేయడం ఇది రెండవసారి.

నిర్ణీత 51 పరుగుల లక్ష్యంతో బదిలోకి దిగిన ఇండియన్ జట్టు 6.1 ఓవర్లలో టార్గెట్ ఫినిష్ చేసి కప్పు కైవసం చేసుకుంది. ఈరోజు జరిగిన మ్యాచ్లో సిరాజ్ ఆరు వికెట్లు తన ఖాతాలో వేసుకోగా.. హార్దిక్ మరొక మూడు వికెట్లు తీసి ప్రత్యర్థి జట్టును చిన్నాభిన్నం చేశారు. మొత్తం టోర్నమెంట్ కు గాను ఈ మ్యాచ్ అత్యంత రసవత్తంగా ఉత్కంఠ భరితంగా సాగింది. మ్యాచ్ ఓకే అయితే ప్రస్తుతం సోషల్ మీడియాలో టీమిండియా అభిమానులు పెడుతున్న మీమ్స్ మరొక ఎత్తు అన్నట్లు ఉంది వ్యవహారం…మరి అభిమానులు పెడుతున్న ఆ ఫన్నీ మీన్స్ పై ఓ లుక్కు వేయండి…

#1.

#2.

#3.

#4.

#5.

#6.

#7.

#8.

#9.

#0. #11.

#12.

#13.

#14.

#15.

టీమ్ ఇండియా స్టార్ బ్యాట్స్‌మెన్ విరాట్ కోహ్లీ తన బ్యాటింగ్‌తో అందరినీ ఆకర్షిస్తాడు. అలాగే తన సరదా స్టైల్‌తో కూడా అందరిని ఆకర్షిస్తున్నాడు.

అయితే ఆసియా కప్‌లో భారత్, బంగ్లాదేశ్ సూపర్-4 మ్యాచ్‌లో విరాట్ కోహ్లీ చేసిన ఫన్నీ స్టైల్ వీడియో ప్రస్తుతం సోషల్ మీడియాలో తెగ వైరల్ అవుతోంది.

బ్రేక్ సమయాల్లో విరాట్ కోహ్లీ వాటర్ బాటిల్స్ తీసుకుని ఫన్నీ స్టైల్‌లో సరదాగా కనిపించాడు. కోహ్లీ స్టైల్ ఆటగాళ్లకు ఎంతగానో నచ్చింది. అయితే విరాట్ కోహ్లీ నీరు అందిస్తూ పరిగెత్తిన తీరు నెటిజన్లుకు సరదా అనిపిస్తుంది. ఈ వీడియోలో కోహ్లీ సంతోషంగా ఉండటంతో పాటు ఆటగాళ్లకు వాటర్, డ్రింక్స్ ఇస్తున్నాడు.

సోషల్ మీడియాలో పోస్ట్ అయిన గంటకే ఈ వీడియోకి ఎన్నో లైక్‌లు, వ్యూస్ వచ్చాయి. కొందరు నెటిజన్లు అయితే కోహ్లీ భాయ్ డిఫరెంట్ అని, ప్రపంచంలోనే అత్యంత ఖరీదైన వాటర్ బాయ్ అని నెటిజన్లు అంటున్నారు. మరికొందరైతే స్టార్ హోదా ఉన్న క్రికెటర్ ఆటగాళ్లకు డ్రింక్స్, వాటర్ బాటిల్ ఇవ్వడంతో ఆయన చేసిన పనికి ప్రశంసిస్తున్నారు. దట్ ఈజ్ విరాట్ కోహ్లీ అని కామెంట్లు వర్షం కురిపిస్తున్నారు.

ఆసియా కప్ 2023లో ఫైనల్ కు చేరిన భారత జట్టు ఆదివారం నాడు ఫైనల్‌లో శ్రీలంక లేదా పాకిస్థాన్‌ తో తలపడనుంది. టీంఇండియాతో తలపడే జట్టు ఏది అనేది ఈరోజు జరగబోయే శ్రీలంకకు పాక్ మధ్య జరిగే  మ్యాచ్‌తో తెలుస్తుంది.

కాగా సెప్టెంబర్ 15న టీంఇండియా బంగ్లాదేశ్‌ కు మధ్య ఆఖరి సూపర్-4 మ్యాచ్ జరగనుంది. ఆల్రెడీ టోర్నీ నుండి ఎలిమినేట్ అయిన జట్టు కాబట్టి, ఈ మ్యాచ్‌లో భారత జట్టులో కొన్ని మార్పులు చేసే ఛాన్స్ ఉంది. ఆ వివరాలు ఇప్పుడు చూద్దాం..
ఆదివారం నాడు ఆసియా కప్ 2023 ఫైనల్‌ మ్యాచ్ ఉంది కాబట్టి అందులో ఆడే ప్లేయర్స్ కు బంగ్లాదేశ్ తో జరిగే మ్యాచ్ లో రెస్ట్ ఇవ్వాలని మేనేజ్మెంట్ అనుకుంటోంది. అందువల్ల శార్దూల్ ఠాకూర్, అక్షర్ పటేల్‌ లాంటి ఆటగాళ్లు బంగ్లాదేశ్  తో జరిగే మ్యాచ్ లో బరిలోకి దిగే ఛాన్స్ ఉంది. బుమ్రా ఫైనల్స్ కోసం విశ్రాంతి తీసుకోవచ్చు. సూర్యకుమార్ యాదవ్ ఈ మ్యాచ్ లో ఆడే ఛాన్స్ ను పొందవచ్చు.
రోహిత్ శర్మ పేస్ బౌలర్లను పొదుపుగా వాడాడు. బుమ్రాను ఫిట్‌గా ఉంచడం కోసం పాక్ పై ఐదు5 ఓవర్లు, శ్రీలంక పై 7 ఓవర్లు వరకే బౌలింగ్ చేయించాడు. ఇక మహ్మద్ సిరాజ్ కు రెండు మ్యాచ్‌ల్లో 10 ఓవర్లు వరకు బౌలింగ్ చేయించాడు. దాంతో వీరికి విశ్రాంతి అవసరం లేదు. కానీ ఆల్‌రౌండర్ అయిన హార్దిక్ పాండ్యాకు విశ్రాంతి ఇవ్వాలని మేనేజ్‌మెంట్ అనుకుంటోంది. అతను బౌలింగ్, బ్యాటింగ్, ఫీల్డింగ్‌తో అలసిపోతున్నాడు. కాబట్టి విశ్రాంతి ఇవ్వాలని భావిస్తోంది.
లెగ్ స్పిన్నర్ కుల్దీప్ యాదవ్ ప్రపంచ కప్ 2023కి ఉత్తమ బౌలర్‌గా మారాడు. అతన్ని గాయాల బారిన పడకుండా కాపాడుకోవాలని మేనేజ్‌మెంట్ భావిస్తోంది. ఈ మ్యాచ్ లో , రోహిత్ శర్మ, శుభ్‌మన్ గిల్ ఓపెనింగ్ కి రావచ్చు. శ్రేయస్ అయ్యర్‌ ఫిట్‌గా లేడు. అందువల్ల కోహ్లీకి విశ్రాంతి ఇచ్చే ఛాన్స్ ఉండకపోవచ్చని, 4వ స్థానంలో మంచి ఫామ్‌లో ఉన్న కేఎల్ రాహుల్ వస్తాడు. సూర్యకుమార్ యాదవ్‌కు బంగ్లాదేశ్‌లో మ్యాచ్ లో బరిలోకి దిగవచ్చు అని అంటున్నారు.

Also Read: ఇతని ఓవరాక్షన్ వల్లే టీం ఇండియా పాకిస్తాన్ పై మూకుమ్మడి దాడి చేశారా..? ఎవరంటే..?

విరాట్ కోహ్లీ.. ఈ పేరుకి పెద్దగా పరిచయం అక్కర్లేదు. ఎందుకంటే క్రికెట్ అంటే చాలామందికి ఎక్కువగా గుర్తుచ్చేది కోహ్లీ పేరే.

ఇండియాలోనే కాకుండా ఇతర దేశాల్లో కూడా కోహ్లీకి ఉన్న ఫాలోయింగ్ అంత ఇంతా కాదు.

ప్రపంచంలో బెస్ట్ బ్యాటర్లలో టాప్ ఎవరు అంటే కోహ్లీ పేరు బాగా వినిపిస్తుంది. మీ రోల్ మోడల్ ఎవరంటే చాలామంది మొదటగా విరాట్ కోహ్లీ పేరు చెబుతుంటారు. కానీ విరాట్ కోహ్లీకి ఇదే ప్రశ్న అడిగితే.. ఒక్క సెకను ఆలోచించకుండా చెప్పేది సచిన్ టెండూల్కర్ పేరు.

విరాట్ కోహ్లీ ఇటీవల ఇచ్చిన ఓ ఇంటర్వూలో ఓ ఆసక్తికర విషయం తెలిపాడు. కెరీర్ ప్రారంభంలో ఎంతోమంది క్రికెటర్స్‌తో కలిసి ఆడాడు. ఎంతో మందికి ఆటోగ్రాఫ్‌లు ఇచ్చిన కోహ్లీ తన దగ్గర కూడా ఓ స్పెషల్ ఆటోగ్రాఫ్ ఉందని తెలియజేశాడు.

మా ఇంట్లో కేవలం ఆటోగ్రాఫ్ జెర్సీ మాత్రమే ఉందని తెలిపాడు. విరాట్ కోహ్లీ తొలి సెంచరీ చేసినప్పుడు జెర్సీపై సచిన్ టెండూల్కర్ ఆటోగ్రాఫ్ ఇచ్చాడు. ఆ జెర్సీ ఇప్పటికీ మాఇంట్లో జాగ్రత్తగా ఉందని కోహ్లీ తెలిపాడు.

ఆసియా కప్‌ 2023 లో సూపర్-4లో భాగంగా పాకిస్థాన్, ఇండియా మధ్య  జరిగిన మ్యాచ్‌లో భారత జట్టు పాకిస్తాన్‌ను ఓడించింది. టీం ఇండియా ఆటగాళ్లు అర్థసెంచరీలు, సెంచరీలు చేస్తూ పాక్ ఆటగాళ్లకు చుక్కలు చూపించారు.

జట్టులో ప్రపంచ నెంబర్ వన్ బ్యాటర్ ఉన్నప్పటికీ, విరాట కోహ్లీ విజృంభిస్తే గెలుపు ఖాయం అని మరోసారి ఈ మ్యాచ్ నిరూపించింది. భారత జట్టు  పాకిస్థాన్ పై 228 పరుగుల తేడాతో విజయం సాధించింది. అయితే పాకిస్తాన్ బౌలర్ హరీస్ రౌఫ్ ఓవరాక్షన్ కు భారత్ గుణపాఠం నేర్పిందని నెటిజన్లు మీమ్స్ ను ట్రెండ్ చేస్తున్నారు.
సెప్టెంబర్ 2న భారత్, పాకిస్తాన్ మధ్య జరిగిన మ్యాచ్‌లో భారత ప్లేయర్ ఇషాన్ కిషన్ వికెట్ తీసిన తరువాత పాకిస్థాన్ బౌలర్ హరీస్ రౌఫ్ ఓ రేంజ్ లో ఓవరాక్షన్ చేశాడు. అతను చేసిన ఓవరాక్షన్‌కి విరాట్ కోహ్లీ రియాక్షన్ ఇవ్వాలని ఒక్క ఇండియన్ క్రికెట్ ఫ్యాన్స్ మాత్రమే కాకుండా ప్రపంచ క్రికెట్ అభిమానులందరు కోరుకున్నారు. వారి కోరికను  నేరవేర్చదానికి కింగ్ కోహ్లీనే కాకుండా భారత జట్టు అంతా మూకుమ్మడిగా పాక్ బౌలర్లకు మరియు బ్యాటర్లకు ఇచ్చిపడేసారు.
ఓపెనర్లుగా గ్రౌండ్ లోకి వచ్చిన రోహిత్ శర్మ, శుభమాన్ గిల్ ఇద్దరు అర్థసెంచరీలు చేయగా, విరాట్ కోహ్లీ 122 పరుగులు చేసి నాటౌట్, కేఎల్ రాహుల్ 111 నాటౌట్ గా నిలిచి, పాక్ బౌలర్లను ఆడుకున్నారు. షాహీన్ అఫ్రిదీ,హరీస్ రౌఫ్, నసీమ్ షా, షబాద్ ఖాన్, ఫహీమ్ అశ్రఫ్, ఇఫ్తికర్ అహ్మద్ బౌలింగ్ చేసిన ఓవర్లలో పరుగుల వర్షం కురిపించి, వన్డేల్లో పాకిస్తాన్ ఎప్పుడూ చేధించని  లక్ష్యాన్ని పాక్ ముందు పెట్టారు.
పాకిస్థాన్ బ్యాటర్లకు కూడా భారత బౌలర్లు చుక్కలు చూపించారు. నేపాల్ పై 151 రన్స్ చేసిన బాబర్ అజామ్ హార్దిక్ పాండ్యా బౌలింగ్‌లో పది పరుగులకే అవుట్ అయ్యాడు. ఓపెనర్ గా వచ్చిన ఫఖార్ జమాన్ చేసిన 27 రన్స్ పాకిస్థాన్ బ్యాటర్లు చేసిన అత్యధిక స్కోర్ అంటే భారత బౌలర్లు ఎలా బౌలింగ్ చేశారనేది అర్థం చేసుకోవచ్చు. కుల్దీప్ 5 వికెట్లు తీసి విజయంలో కీలక పాత్ర పోషించాడు. అయితే గత మ్యాచ్ లో ఓవరాక్షన్ చేసిన పాక్ బౌలర్ హరీస్ రౌఫ్ ను సోషల్ మీడియాలో నెటిజెన్లు మీమ్స్ తో ఆడుకుంటున్నారు.

Also Read : “ఏంటి బ్రో ఇంత పని చేశావు..?” అంటూ… “జడేజా” మీద కామెంట్స్..! ఏం జరిగిందంటే..?

భారత్ పాకిస్థాన్ మధ్య నిన్న జరిగిన మ్యాచ్ క్రికెట్ అభిమానులకు కన్నుల పండుగగా సాగింది. ఇప్పటి వరకు జరిగిన అన్ని మ్యాచ్ లు ఒక ఎత్తు ఈ ఒక్క మ్యాచ్ ఒక ఎత్తు అన్నట్టు టీమ్ ఇండియా అభిమానులు సంబరాలు చేసుకున్నారు.

దీనికి కారణం చిరకాల ప్రత్యర్థి పాకిస్థాన్ పై భారత్ ఘనవిజయం. ఈ మ్యాచ్ లో భారత్ పాకిస్థాన్ పై 228 పరుగుల భారీ తేడాతో విజయం సాధించింది. 357 పరుగుల లక్ష్యాన్ని సాధించే క్రమంలో పాకిస్థాన్ ప్లేయర్లు కాస్త తడబడ్డారు.

ప్రశాంతంగా సాగే ఈ ఆట నేపథ్యంలో పాక్ ప్లేయర్ సల్మాన్ ముఖానికి గాయం అయింది. ఈసారి టీమిండియాలో బ్యాటింగ్ ఫుల్ ఫామ్ లో ఉండగా బౌలింగ్ అంతకుమించి స్ట్రాంగ్ గా కనిపించింది. దీంతో పాక్ టాప్ ఆర్డర్ తేలిపోయింది.. ఇక ఆ తర్వాత వచ్చిన వారు కూర ఎలా చేయాలో అర్థం కాక బంతులు ఎదుర్కోలేక తికమక పడ్డారు.

మొత్తానికి ఫీల్డ్ లోకి హెల్మెట్ లేకుండా బ్యాటింగ్ చేయడానికి వచ్చిన సల్మాన్…ఆ ఒక్క కారణంగా ముక్కు పగలగొట్టుకున్నాడు. రవీంద్ర జడేజా బౌలింగ్ లో ఎదురుగా వస్తున్న బాలు స్వీప్ షార్ట్ గా మార్చడానికి ప్రయత్నించగా…ఆ బాల్ బాట్ అంచును తాకి బౌండరీ వైపు వెళ్లకుండా నేరుగా సల్మాన్ ముఖం వైపుకు వచ్చింది. దీంతో బాల్ ముఖానికి తగిలి రక్తం కూడా కారింది.

ఇన్నింగ్స్ 21వ ఓవర్లో చివరి బంతి వేస్తున్న రవీంద్ర స్పిన్నరే కదా బౌలింగ్ వేసేది ఏమవుతుందిలే…అని సల్మాన్ ఈజీగా తీసుకోవడంతో…అతని ముఖం పచ్చడి అయ్యింది. కంటి కింద పెద్ద గాయం కాగా బాగానే రక్తం వచ్చింది. దెబ్బ తీవ్రత ఎక్కువగా ఉండడంతో అతను నొప్పితో విలవిలలాడిపోయాడు. అయితే ప్రస్తుతం ఈ వీడియో సోషల్ మీడియాలో బాగా వైరల్ అయింది. దెబ్బ తగిలితే తగిలింది.. అయ్యో అనడం పక్కనపెట్టి…తలకు హెల్మెట్ పెట్టుకుంటే బాగుండేదిగా , మరందుకే హెల్మెట్ వాడమని చెప్పేది..అంటూ నటిజన్ లు సల్మాన్ పై తమ వ్యంగ్యాస్త్రాలు సంధిస్తున్నారు