Sports Adda

ఇండియన్ ప్రీమియర్ లీగ్ 16 వ సీజన్  2023 వేలంలో కొంతమంది ప్లేయర్స్ ను భారీ మొత్తానికి ఫ్రాంచైజీలు కొనుగోలు చేశారు. వారిలో కొందరు తమకు పెట్టిన ధరకు న్యాయం చేస్తూ జట్టు విజయంలో కీలక పాత్రను పోషించారు.

మరికొందరు ప్లేయర్స్ జట్టు అంచనాలను నిలబెట్టలేకపోయారు. అయితే జట్టు తమ మీద పెట్టుకున్న అంచనాలను నిలబెడుతూ, తమకు చెల్లించిన డబ్బుకు న్యాయం చేసిన ఆటగాళ్లు ఎవరో ఇప్పుడు చూద్దాం..
1. కామెరాన్ గ్రీన్:

ఐపీఎల్ 2023లో ముంబై ఇండియన్స్ జట్టు క్వాలిఫైయర్ 2 లో గుజరాత్ టైటాన్స్ చేతిలో 62 పరుగుల తేడాతో  ఓటమి పాలయ్యింది.  2023 వేలంలో ముంబై జట్టు కొత్త మ్యాచ్ విన్నర్ కామెరూన్‌ను కొనుగోలు చేశారు. ఈ ఆల్ రౌండర్‌ను 17.5 కోట్ల రూపాయల భారీ మొత్తానికి ముంబై జట్టు కొనుగోలు చేసింది. 23 ఏళ్ల కామెరూన్‌ లీగ్ రౌండ్‌లో తన జట్టు కోసం  కొన్ని అద్భుతమైన నాక్‌లను అందించాడు.
వాంఖడే స్టేడియంలో 69వ మ్యాచ్‌లో సన్‌రైజర్స్ జట్టు పై కామెరూన్‌  అద్భుతమైన ఇన్నింగ్స్ ఆడి, సెంచరీ చేసి నాటౌట్ గా నిలిచాడు. లక్నో జట్టుతో జరిగిన ఎలిమినేటర్ మ్యాచ్‌లో, కామెరూన్‌ 23 బంతుల్లో 41 పరుగుల చేసి, అత్యధిక పరుగులు చేసిన ఆటగాడిగా నిలిచాడు. చురుకైన ఆసీస్ తన బ్యాటింగ్ విన్యాసాలతో ముంబై జట్టు బ్యాటింగ్ విభాగాన్ని బలోపేతం చేశాడు. 16 గేమ్‌లలో 160.28 అత్యుత్తమ స్ట్రైక్ రేట్‌తో 452 పరుగులు చేశాడు.

2. నికోలస్ పూరన్:

నికోలస్ పూరన్ ప్లేఆఫ్స్ వరకు లక్నో జట్టులో ఉన్న కీలక సభ్యులలో ఒకరు. ఈ  స్టైలిష్ వెస్టిండీస్ బ్యాటర్ ను మినీ వేలంలో భారీ మొత్తంలో 16 కోట్లకు కొనుగోలు చేశారు. లక్నో జట్టు లోయర్ మిడిల్ ఆర్డర్‌లో ఆడుతున్నప్పుడు వారి బ్యాటింగ్ లైనప్‌కు ప్రోత్సాహాన్ని అందించే బాధ్యతను పూరన్ కి ఇచ్చారు.
పూరన్ లక్నో జట్టు తరుపున కొన్ని అద్భుతమైన క్షణాలను అందించాడు. చిన్నస్వామి స్టేడియంలో జరిగిన 15వ మ్యాచ్‌లో, బెంగళూరు జట్టు పై 19 బంతుల్లో 62 పరుగులతో అపూర్వమైన ఇన్నింగ్స్ ను ఆడాడు. అలాగే ఒక వికెట్‌ తీసి, లక్నో జట్టు అద్భుత విజయంలో కీలక పాత్రను పోషించాడు. ప్లేఆఫ్స్ వరకు లక్నో జట్టు ప్రయాణంలో, 172.94 అద్భుతమైన స్ట్రైక్ రేట్‌తో 15 మ్యాచ్‌లలో 358 పరుగులు చేశాడు.

3.హెన్రిచ్ క్లాసెన్:

సన్‌రైజర్స్ హైదరాబాద్ జట్టు  16 వ సీజన్‌లో ఆడిన 14 మ్యాచ్‌లలో 4 విజయాలు, 10 ఓటములతో పాయింట్ల పట్టికలో అట్టడుగున ఉంది.  హైదరాబాద్ జట్టు కీలక ఆటగాళ్లు అయిన హ్యారీ బ్రూక్, మయాంక్ అగర్వాల్, ఐడెన్ మార్క్‌రామ్, ఉమ్రాన్ మాలిక్ ఈ సీజన్ మొత్తం రాణించలేకపోయారు. దాంతో ఆ జట్టు ఘోరంగా విఫలం అయ్యింది. అయితే, ఈ జట్టులో గొప్పగా ఆడిన ఒక ప్లేయర్ వికెట్ కీపర్ మరియు బ్యాటర్ హెన్రిచ్ క్లాసెన్.
మెజారిటీ హైదరాబాద్ జట్టు మ్యాచ్‌లలో, గొప్పగా ఆడిన ఏకైక ప్లేయర్ క్లాసెన్. రాజీవ్ గాంధీ ఇంటర్నేషనల్ స్టేడియంలో బెంగళూరు జట్టు పై తన తొలి ఐపీఎల్ సెంచరీని బాదాడు. ఈ మిడిల్ ఆర్డర్ బ్యాటర్ తన ఈ  సీజన్‌ లో ఆడిన 12 మ్యాచ్‌ల్లో 448 పరుగులతో, 177.07 స్ట్రైక్ రేట్‌తో ముగించాడు. ఈ సీజన్‌లో సన్‌రైజర్స్ జట్టు తరఫున అత్యధిక పరుగులు చేసిన ప్లేయర్ గా నిలిచాయి.

Also Read: “ధోనీ లాగానే వేరే వాళ్ళు ప్రవర్తిస్తే ఊరుకుంటారా..?” అంటూ కామెంట్స్..! ఏం జరిగిందంటే..?

ఈ రోజుల్లో కూడా చాలా దేశాలలో ప్రజలు రకరకాల మూఢనమ్మకాలను కలిగి ఉంటారు. వాటిని చాలా విశ్వసిస్తారు. సాధారణ ప్రజలు మాత్రమే కాకుండా వివిధ దేశాల ప్లేయర్స్ కూడా ఇలాంటి వాటిని నమ్ముతుంటారు. మన భారత క్రికెటర్లు కూడా ఇలాంటివాటిని నమ్ముతూ ఉంటారు.

వారు సాధారణ ఆటగాళ్లు కాదు. వారిలో ఇండియన్ క్రికెట్ లో ఎన్నో రికార్డులు సృష్టించిన టాప్ క్రికెటర్స్ ఉన్నారు. నమ్మలేని విధంగా ఉన్న ఇది వాస్తవం. మరి ఆ క్రికెటర్లు ఎవరో? వారు పాటించే ఆ మూఢనమ్మకాలు ఏమిటో ఇప్పుడు చూద్దాం..
1. జహీర్ ఖాన్: 

21 సెంచరీలో భారత క్రికెట్ జట్టులో ఉన్న అత్యుత్తమ పేసర్ జహీర్ ఖాన్. ఎన్నో మ్యాచ్ లలో తన బౌలింగ్ జట్టు విజయంలో కీలక పాత్ర వహించాడు. జహీర్ ఖాన్ ముఖ్యమైన మ్యాచ్‌ల ఆడేటపుడు పసుపు రంగు రుమాలును వెంట తెచ్చుకునేవాడు. దానిని అదృష్టంగా నమ్మి పసుపు రుమాలు తీసుకుని వెళ్లేవాడు.
2. వీరేంద్ర సెహ్వాగ్:

విధ్వంసకర బ్యాట్స్ మెన్ గా పేరు గాంచిన వీరేంద్ర సెహ్వాగ్ టెస్ట్ క్రికెట్ లో రెండు ట్రిపుల్ సెంచరీలు చేసిన ఏకైక క్రికెటర్ గా చరిత్ర సృష్టించారు. తన బ్యాటింగ్ తో బౌలర్లను భయపెట్టిన సెహ్వాగ్ కూడా మూఢ నమ్మకాలను కలిగి ఉన్నాడు. తన కెరీర్ ను జెర్సీ 44 నంబర్‌తో ప్రారంభించాడు. కానీ అడి అచ్చి రాలేదు. దాంతో వేరే నంబర్లను ప్రయత్నించిన ఫలితం లేకపోయింది. దాంతో ఒక న్యూమరాలజిస్ట్ సలహా మేరకు నంబర్ లేని జెర్సీ వాడటం మొదలు పెట్టాడు. ఆశ్చర్యకరంగా అప్పటి నుండి బ్యాటింగ్ తో విధ్వంసంను సృష్టించాడు.
3. సచిన్ టెండూల్కర్:

భారతదేశంలో క్రికెట్ ను ఒక మతంగా మార్చిన క్రికెటర్ సచిన్ టెండూల్కర్. క్రికెట్ గాడ్ గా పేరు గాంచాడు. అయితే క్రికెట్ ఆడే దేవుడికి కూడా మూఢ నమ్మకాలు ఉన్నాయంటే ఆశ్చర్యం కలగకుండా ఉండదు. సచిన్ టెండూల్కర్ మ్యాచ్ ఆడే ముందు ప్రతిసారీ తన ఎడమ ప్యాడ్‌ను ముందుగా ధరించేవాడు. అలా సచిన్ తన కెరీర్ మొత్తం అలాగే చేసేవాడు. అలాగే తన బ్యాట్ విరిగిపోయిన లేదా దెబ్బతిన్నప్పుడు కూడా దానిని ఎప్పుడూ మార్చలేదు. ఎప్పుడూ తన బ్యాట్‌ను రిపేర్ చేసుకునేవాడు. ఆ బ్యాట్ తోనే సచిన్ అత్యధిక సెంచరీలు సాధించాడు.
4. సౌరవ్ గంగూలీ: 

క్రికెట్ చరిత్రలో ఎప్పటికి ఉండేపేరు సౌరవ్ గంగూలీ. దాదాగా పేరుగాంచిన  గంగూలీ కూడా  మూఢనమ్మకాలను కలిగి ఉన్నాడు. ప్రతి మ్యాచ్ లోనూ గంగూలీ తన గురువు ఫోటోను తన జేబులో పెట్టుకుని తీసుకువెళ్లాడు. అది తనకు విజయాన్ని తెచ్చిపెట్టిందని నమ్మాడు. అలాగే ఉంగరాలు, నెక్లెస్‌లు కూడా అదృష్టంగా భావించి ధరించేవాడు.5. రాహుల్ ద్రవిడ్:

రాహుల్ ద్రవిడ్ భారత క్రికెట్ లో ‘ది వాల్’ గా పేరు గాంచాడు. టాప్ క్రికెటర్ అయిన ద్రవిడ్ కూడా మూఢనమ్మకాలను  విశ్వసించేవాడు. బ్యాటింగ్ వెళ్లేముందు మొదట కుడి ప్యాడ్ ను ధరించడం అదృష్టమని నమ్మేవాడు. కెరీర్ మొత్తం కూడా డనినే పాటించాడు. అలాగే సిరీస్‌కు ముందు ద్రవిడ్ కొత్త బ్యాట్‌ని ఎప్పుడూ ప్రయత్నించలేదు.
6. యువరాజ్ సింగ్: 

6 బంతులలో 6 సిక్స్ లు కొట్టిన యువరాజ్ సింగ్ కూడా మూఢనమ్మకాలను విశ్వసించేవాడు. యువరాజ్ ఎల్లప్పుడూ 12 నంబర్ జెర్సీ నే ధరించేవాడు. ఆ జేరసిని అదృష్టంగా భావించేవాడు.  ఎందుకంటే యువరాజ్ 12 వ నెలలో 12న పగలు 12 గంటలకు, చండీఘర్ లోని 12 వ సెక్టార్ లో జన్మించాడు. అందువల్ల, అతను నంబర్ 12 జెర్సీని  అదృష్టంగా భావించేవాడు.
7. రవిచంద్రన్ అశ్విన్:

రవిచంద్రన్ అశ్విన్ కు ఒక మూఢ నమ్మకం ఉంది. అతను అదృష్టంగా నమ్మే ఒక బ్యాగ్ ను తీసుకెళ్ళేవాడు. 2011 ప్రపంచ కప్‌లో కేవలం రెండు మ్యాచ్‌లు మాత్రమే ఆడినప్పటికీ, ప్రపంచ కప్ గెలవడంతో అతను వెంట ఆ బ్యాగ్ తీసుకెళ్లడం అదృష్టమని భావించేవాడు.
8. విరాట్ కోహ్లీ: 

కింగ్ కోహ్లీ గా పేరు గాంచిన విరాట్ కోహ్లీ అంతర్జాతీయ క్రికెట్ లో బ్యాటింగ్ లో  టాప్ క్రికెటర్ గా ఉన్నాడు, రం మెషీన్ గా పేరుగాంచాడు. అయితే అలాంటి క్రికెటర్ కూడా మూఢనమ్మకాలను విశ్వసిస్తాడు. అతను మ్యాచ్ లో తెలుపు రంగు షూలను ధరిస్తాడు. అవి తనకు శక్తిని ఇస్తాయని కోహ్లీ నమ్ముతాడు. ఈ విషయన్ని ఒక ఇంటర్వ్యూలో కోహ్లీ చెప్పడం విశేషం.
9. రోహిత్ శర్మ:

వన్డే క్రికెట్ లో రెండు డబుల్ సెంచరీ చేసిన రోహిత్ శర్మ కూడా మూఢనమ్మకాలను విశ్వసిస్తాడు. గ్రౌండ్ లో అడుగుపెట్టె ముందు మొదట కుడికాలును పెట్టి వెళతాడు. అలా చేయడం వల్ల ఆరోజు బాగా ఆడుతానని  నమ్మేవాడు. అన్ని సార్లు ఫలించకపోయిన కొన్నిసార్లు ఫలించనందువల్ల అతను దానిని ఫాలో అవుతాడు.
10. మొహిందర్ అమర్‌నాథ్:

భారత లెజెండరీ క్రికెటర్ మొహిందర్ అమర్‌నాథ్  1983 ప్రపంచ కప్ గెలవడం లో కీలక పాత్రను పోషించాడు. 1983 ప్రపంచ కప్ ఫైనల్‌లో ఆఖరి వికెట్‌ను తీసింది కూడా అమర్‌నాథే.  ఆయన తన కెరీర్‌లో ఎప్పుడు మ్యాచ్ ఆడిన తన లక్కీ ఎరుపు రుమాలును తన జేబులో పెట్టుకునేవాడు.

Also Read: “ధోనీ లాగానే వేరే వాళ్ళు ప్రవర్తిస్తే ఊరుకుంటారా..?” అంటూ కామెంట్స్..! ఏం జరిగిందంటే..?

ఒలింపిక్స్‌ విశ్వక్రీడా వేదిక. ఫుట్‌బాల్‌, హాకీ, టెన్నిస్‌, బ్యాడ్మింటన్‌లాంటి ఎన్నో పాపులర్‌ స్పోర్ట్స్‌కు అవకాశం దక్కినా.. ప్రపంచవ్యాప్తంగా ఎంతో ప్రజాదరణ ఉన్న క్రికెట్‌ మాత్రం ఒలింపిక్స్‌లో లేదు. ఒలింపిక్స్‌లో క్రికెట్‌ ఎందుకు లేదు? ఈ ప్రశ్న ప్రపంచవ్యాప్తంగా క్రికెట్‌ను పిచ్చిగా అభిమానించే దేశాల్లో మాత్రం చాలా మంది అభిమానులను వేధిస్తూ ఉంటుంది.

1900లో క్రికెట్‌ కూడా ఒలింపిక్‌ క్రీడల్లో భాగంగా ఉండేది. అయితే అప్పుడు ఫ్రాన్స్, గ్రేట్ బ్రిటన్ మాత్రమే ఈ పోటీల్లో పాల్గొన్నాయి. అప్పుడు ఆతిథ్య ఫ్రాన్స్‌ను ఓడించి గ్రేట్‌ బ్రిటన్‌ గోల్డ్ మెడల్‌ గెలిచింది. ఇక ఆ తర్వాతి ఒలింపిక్స్ లో క్రికెట్ లో ఏ దేశము పాల్గొనలేదు. ఒక క్రీడ ఒలింపిక్స్‌లోకి ఎంట్రీ ఇవ్వాలంటే దాన్ని కనీసం నాలుగు ఖండాల్లో, 75 దేశాల్లో ఆడుతూ ఉండాలి.

అయితే క్రికెట్ కి 106 దేశాల్లో ఆదరణ ఉన్నా.. ఐసీసీ లో కేవలం 12 దేశాలు మాత్రమే సభ్యులుగా ఉన్నాయి. దీంతో క్రికెట్ ఒలింపిక్స్ కి దూరం గా ఉంది. అలాగే ఒక క్రీడ ని ఒలింపిక్స్ లో చేర్చాలి అంటే ఖర్చు, భద్రత, ఆరోగ్యవంతమైన అథ్లెట్లు, క్రీడలను నిమగ్నం చేయడం, గ్లోబల్ అప్పీల్, హోస్ట్ దేశ ఆసక్తి, లింగ సమానత్వం, క్లీన్ స్పోర్ట్స్‌కు మద్దతు ఇవ్వడంలాంటివి వాటిని పరిగణనలోకి తీసుకుంటుంది ఒలంపిక్ కమిటీ.

అంతే కాకుండా ఈ మెగా ఈవెంట్‌లో క్రికెట్‌ కోసం అభిమానులు ఆరాటపడుతున్నా.. క్రికెట్ బోర్డులు మాత్రం ఆసక్తి చూపడం లేదు. ముఖ్యంగా ప్రపంచంలోనే అత్యంత ధనికవంతమైన మన ఇండియన్‌ క్రికెట్‌ బోర్డు బీసీసీఐ ఇప్పటి వరకూ ఒలింపిక్స్‌ దిశగా ఆలోచన చేయకపోవడానికి ఇదే ప్రధాన కారణం. ముఖ్యంగా ఐపీఎల్‌లాంటి కాసులు కురిపించే టోర్నీని ఒకవేళ ఒలింపిక్స్‌ కోసం త్యాగం చేయాల్సి వస్తే.. బీసీసీఐ కచ్చితంగా నో అనే అంటుంది.

వాస్తవానికి ఒలింపిక్స్‌లో ఏయే క్రీడలను చేర్చాలనే దానిపై గత ఏడాది ఫిబ్రవరిలో సమావేశం జరిగింది. ఆ సమావేశంలో, 28 క్రీడలు ఎంపిక చేశారు. ఈ 28 ఆటలను 2028 లాస్ ఏంజిల్స్ ఒలింపిక్స్‌లో ఆడేందుకు ఖరారు చేశారు. కానీ ఆ తర్వాత మరో 8 క్రీడలు షార్ట్‌లిస్ట్ అయ్యాయి. భవిష్యత్తులో ఇతర క్రీడలను చేర్చవచ్చు, అందులో క్రికెట్ కూడా ఒకటి కూడా ఉండచ్చేమో.

Also read: “ధోనీ” లాంటి క్రికెటర్, శతాబ్దానికి ఒక్కడే వస్తాడు..! సునీల్ గవాస్కర్

ఐపీఎల్ 2023 లో చెన్నై జట్టు ఫైనల్‌ లో అడుగుపెట్టింది. క్వాలిఫయర్-1 మ్యాచ్ లో టేబుల్ టాపర్ అయిన గుజరాత్ జట్టు పై గెలిచి ఫైనల్స్ కు వెళ్ళింది. కాగా, ఈ మ్యాచ్ పధిరానతో బౌలింగ్ చేయించేందుకు ధోనీ అంపైర్లతో వాగ్వాదం దిగిన విషయం తెలిసిందే.

దీని పట్ల సోషల్ మీడియాలో ధోనీ పై విమర్శలు వస్తున్నాయి. ధోనీ కావాలనే పధిరానతో బౌలింగ్ చేయించడాన్ని నెటిజన్లు తీవ్రంగా విమర్శలు చేస్తున్నారు. ధోనీ అంపైర్లతో వాగ్వాదం చేసిన ఫోటోలు కూడా వైరల్‌గా మారాయి. ఆ వివరాలు ఏమిటో ఇప్పుడు చూద్దాం..
కెప్టెన్ కూల్‌గా పేరు తెచ్చుకున్న ధోనీ, గ్రౌండ్ లో ప్రశాంతంగా కనిపిస్తూనే తన వ్యూహాలతో ముందుకెళ్తుంటాడు. ఇక అంపైర్లతో గొడవలు, క్రికెటర్స్ పై కోపం వ్యక్తం చేయడం, ఇలాంటివి ధోనీలో అరుదుగా కనిపిస్తాయి. అయితే మంగళవారం నాడు గుజరాత్ జట్టుతో జరిగిన మ్యాచ్ లో ధోనీ ప్రవర్తించిన విధానం పట్ల విమర్శలు వెల్లు వెత్తుతున్నాయి. ధోనీ పరోక్షంగా తొండి ఆటను ఆడినట్లుగా అనిపించింది.
మంగళవారం నాటి మ్యాచ్ లో ముందుగా చెన్నై సూపర్ కింగ్స్ బ్యాటింగ్ చేసి, 20 ఓవర్లలో 172/7 స్కోర్ చేసింది. ఆ తరువాత బ్యాటింగ్ కి దిగిన గుజరాత్‌ టైటాన్స్ గెలుపుకి ఆఖరి 5 ఓవర్లలో 71 పరుగులు చేయాల్సి ఉంది. ఇంకా బ్యాటింగ్ కి నలుగురు ఉన్నారు. క్రీజులో రషీద్ ఖాన్, విజయ్ శంకర్ ఉన్నారు. ఇక ఈ క్రమంలోనే ధోనీ బౌలర్ మతీశ పధిరానకు బాల్ ను ఇచ్చాడు. అయితే పధిరానా మొదటి ఓవర్ వేసిన తరువాత 9 నిమిషాల పాటు గ్రౌండ్ ను వీడాడు. అతను డగౌట్‌ నుండి డైరెక్ట్ గా వచ్చి 16వ ఓవర్లో బౌలింగ్ చేయడానికి రెడీ అయ్యాడు.
కానీ పధిరానా బౌలింగ్ చేయడానికి అంపైర్ ఒప్పుకోలేదు. పధిరాన గ్రౌండ్ బయట ఉన్న 9 నిమిషాలు, మళ్లీ గ్రౌండ్ లో ఉన్న అనంతరమే బౌలింగ్ చేయడానికి అంపైర్ అనుమతి ఇస్తానని తెలిపారు. దీంతో కోపం వచ్చిన ధోనీ అంపైర్ తో వాగ్వాదానికి దిగాడు. బౌలర్ పధిరానకు ఇంకా 3 ఓవర్లు ఉండడంతో ఎలాగైన పధిరానతోనే బౌలింగ్ చేయించాలని ధోనీ నాలుగైదు నిమిషాల పాటు సమయాన్ని వృధా చేశాడు. అలా పధిరాన 9 నిమిషాల పాటు మైదానంలో ఉండే టైం పూర్తయింది. అప్పుడు అంపైర్ ఒప్పుకోక తప్పలేదు.
అలా ధోనీ ఉద్దేశపూర్వకంగానే 4 నిమిషాలు మ్యాచ్ ఆపి, తాను అనుకున్నట్టుగానే బౌలింగ్ వేయించాడని సోషల్ మీడియాలో నెటిజన్లు ధోనీని విమర్శిస్తున్నారు. ఇక ధోనీ ప్లేస్ లో వేరే వారు కెప్టెన్ గా ఉంటే అంపైర్లు ఇలా జరగనిచ్చేవారా అని అడుగుతున్నారు. ధోనీ వ్యవహారించిన విధానం సరిగా లేదని నెటిజన్లు విమర్శలు చేస్తున్నారు. ఇక ఈ మ్యాచ్ లో గుజరాత్‌ జట్టు పై గెలిచి చెన్నై జట్టు ఫైనల్‌లోకి అడుగుపెట్టింది.

Pathirana was out of the field for more than 9 minutes and came suddenly to bowl. Here the rule is that Pathirana should present atleast 9 minutes on the field to bowl his over but what Dhoni was chatting with umpires??
This isn't acceptable at all. pic.twitter.com/NML3LikBc3

— Priyansh (@priyansh_45) May 23, 2023

Also Read: CSK VS GT : ఈ 3 కారణాల వల్లే… “గుజరాత్ టైటాన్స్” ఓడిపోయిందా..?

ఐపీఎల్ 16 వ సీజన్లో పాయింట్లలో టాప్ ప్లేసె లో ఉన్న గుజరాత్ టైటాన్స్ జట్టు తాజాగా చెెన్నై సూపర్ కింగ్స్‌ తో జరిగిన కీలక మ్యాచ్‌లో ఓటమి పాలైంది. అయితే ఈ మ్యాచ్ లో గుజరాత్ జట్టు చేసిన మూడు తప్పిదాల వల్ల ఓటమిని చవి చూసింది. ఐపీఎల్ 2023 లో మొదటి క్వాలిఫైయర్ మ్యాచ్‌లో చెన్నై సూపర్ కింగ్స్ గుజరాత్ జట్టు పై గెలిచి ప్లేఆఫ్స్‌కు చేరుకుంది.

ఈ మ్యాచ్‌లో గుజరాత్ టైటాన్స్ టాస్ గెలిచి ఫీల్డింగ్ ఎంచుకుంది. మొదట బ్యాటింగ్ చేసిన చెన్నై జట్టు నిర్ణీత ఓవర్లలో 7 వికెట్లు కోల్పోయి 172 రన్స్ చేసింది. తరువాత బ్యాటింగ్ చేసిన గుజరాత్ జట్టు 157 పరుగులకి ఆలౌట్ అయ్యింది. ఈ గెలుపుతో చెన్నై జట్టు ఫైనల్ కి వెళ్ళింది. గుజరాత్ ఓటమికి కారణాలేంటో ఇప్పుడు  చూద్దాం..
1. నోబాల్: 

గుజరాత్ జట్టు టాస్ గెలిచి ఫీల్డింగ్ ఎంచుకుంది. బౌలర్ దర్శన్ నాల్కండ్ వేసిన రెండో ఓవర్లో రుతురాజ్ గైక్వాడ్‌ ఔట్ అయ్యేవాడు. కానీ ఆ ఓవర్ మూడో బాల్ కి నాల్కండ్ లెంగ్త్ బాల్ వేయడంతో రుతురాజ్ షాట్ కొట్టగా బంతి గాల్లోకి లేచింది. దాన్ని శుభ్‌మన్ గిల్ పట్టుకున్నాడు. వికెట్ తీశామని గుజరాత్ ప్లేయర్స్ సంబరాలు చేసుకున్నారు. కానీ  నాల్కండే క్రీజ్ బయట పాదం పెట్టి బాల్ వేయడంతో దాన్ని నోబాల్‌గా అంపైర్ ప్రకటించాడు. రుతురాజ్‌కు 2 పరుగుల దగ్గర ఔటయ్యే ప్రమాదం నుండి బయటపడి 44 బాల్స్ లో 60 రన్స్ చేసి ప్లేయర్ ఆఫ్ ది మ్యాచ్‌గా ఎంపికయ్యాడు. అది నోబాల్ కానట్లయితే మ్యాచ్ ఫలితం మరోలా ఉండేది.
2. 26 పరుగుల వ్యవధిలో 4 వికెట్లు: 

చెన్నై జట్టు ఇచ్చిన 172 పరుగుల లక్ష్యం ప్లేఆఫ్స్ దశలో అంత సులభం కాదు. మొదటి నుంచి దూకుడుగా బ్యాటింగ్ చేస్తే టార్గెట్ ను చేధించే ఛాన్స్ ఉంటుంది. అయితే పవర్ ప్లేలోనే గుజరాత్ జట్టులో సాహా, హార్దిక్ పాండ్య వికెట్లను చేజార్చుకుంది. ఇక 26 రన్స్ వ్యవధిలో నాలుగు వికెట్లు కోల్పోవడం గుజరాత్‌‌ జట్టు ఓటమికి కారణం అయ్యింది.
3. జట్టు ఎంపిక:

గుజరాత్ జట్టు క్వాలిఫైయర్ మ్యాచ్ కోసం ఎన్నుకున్న జట్టులో మార్పు చేసింది. అదే యష్ దయాల్ ప్లేస్ లో దర్శన్ నాల్కండే‌ను తీసుకుంది. అయితే నాల్కండే‌ ఈ సీజన్ ఇప్పటివరకు ఒక్క మ్యాచ్ కూడా ఆడలేదు. ఇదే మొదటి ఐపీఎల్ మ్యాచ్. చెన్నైలో జరిగిన ఈ మ్యాచ్ లో లోకల్ ఆటగాళ్లు అయిన సాయి సుదర్శన్, సాయి కిషోర్‌లకు ఛాన్స్ ఇవ్వలేదు.
నోబాల్ వేసి నాల్కండే 4 ఓవర్లలో 44 రన్స్ ఇచ్చి కేవలం ఒక వికెట్ తీశాడు. ఇక ఈ మ్యాచ్‌లో ఎక్కువ పరుగులు ఇచ్చింది కూడా నాల్కండేనే. సాయి సుదర్శన్‌ను ఈ మ్యాచ్ లో ఆడితే అతని స్పిన్ గుజరాత్ జట్టుకు  పనికొచ్చేది. అలాగే బ్యాటింగ్ ఆర్డర్లో చేసిన మార్పులు కూడా గుజరాత్‌ ఓటమికి కారణం అయ్యాయి.

Also Read: CSK VS GT IPL 2023 క్వాలిఫైయర్ మ్యాచ్‌లో… డాట్ బాల్‌కి చెట్టుని ఎందుకు చూపిస్తున్నారో తెలుసా? కారణం ఇదే.!

ఇండియన్ ప్రీమియర్ లీగ్  16వ సీజన్ చివరి దశకు చేరుకుంది. ఇప్పటివరకు ఐపీఎల్ కప్ గెలవని ఆర్సీబీ జట్టు ఎలాగైనా ఈసారి కప్‌ గెలవాలని బరిలోకి దిగింది. కానీ ఈసారి కూడా ఆర్సీబీకి నిరాశే ఎదురైంది. ప్లే ఆఫ్స్‌కు వెళ్లాలంటే తప్పనిసరిగా గెలవాల్సిన మ్యాచ్‌లో ఆర్సీబీ ఓటమి పాలైంది.

ఆదివారం గుజరాత్‌ టైటాన్స్‌ జట్టుతో జరిగిన మ్యాచ్‌లో ఆరు వికెట్ల తేడాతో బెంగళూరు ఓటమిపాలైంది. కాగా, రాయల్ ఛాలెంజర్స్ బెంగళూరు జట్టు ఇప్పటిదాకా ఒక్కసారి ట్రోఫీని అందుకోలేకపోయినా ఐపీఎల్ చరిత్రలో ఎన్నో రికార్డులను సృష్టించింది. ఇక రికార్డుల విషయంలో అగ్రస్థానంలో ఉంది. ఆ రికార్డ్స్ ఏమిటో ఇప్పుడు చూద్దాం.. 1.హైయ్యేస్ట్ పార్టనర్ షిప్ (229 ):

ఐపీఎల్ చరిత్రలో అత్యధిక భాగస్వామ్యం నెలకొల్పిన జట్టు ఆర్సీబీ. ఈ హైయ్యేస్ట్ పార్టనర్ షిప్ లో టాప్ 1, టాప్ 2 స్థానంలో విరాట్ కోహ్లీ, AB డివిలియర్స్ మధ్యనే వచ్చాయి. 2016 ఐపీఎల్ లో గుజరాత్ లయన్స్‌కు, ఆర్సీబీ  మధ్యన జరిగిన మ్యాచ్ లో కోహ్లీ, డివిలియర్స్ సెకండ్ వికెట్‌కు 229 పరుగులు చేసి ఐపీఎల్ లోనే అతిపెద్ద భాగస్వామ్యంను  నెలకొల్పారు. 2015లో జరిగిన ఐపీఎల్ లో ఇదే జోడీ ముంబై జట్టుతో ఆడిన మ్యాచ్ లో 215*తో రెండవ అతిపెద్ద భాగస్వామ్యంను నమోదు చేసింది.
2. అత్యధిక ఐపీఎల్ స్కోర్(263/5): 

ఐపీఎల్‌ చరిత్రలో అత్యధిక స్కోరు చేసిన జట్టుగా ఆర్సీబీ రికార్డ్ క్రియేట్ చేసింది. 263/5తో ఛేదించిన రికార్డు ఆర్సీబీ పేరిట ఉంది. 2013లో బెంగుళూరులో పూణే వారియర్స్ జట్టు పై ఆర్సీబీ 263/5 స్కోర్ చేశారు. క్రిస్ గేల్ 66 బంతులలో 175 పరుగులు చేసి అజేయంగా నిలిచారు. దీంతో ఆర్సీబీ 130 పరుగుల భారీ తేడాతో పూణే జట్టుపై విజయం సాదించింది.
3. అత్యధిక వ్యక్తిగత స్కోరు(175 ):

ఐపీఎల్‌ చరిత్రలో అత్యధిక స్కోరు సాధించిన జట్టుగా ఆర్సీబీ రికార్డ్ క్రియేట్ చేసింది. ఇప్పటి వరకు ఐపీఎల్‌ చరిత్రలో 2 అత్యధిక స్కోర్‌లు ఆర్సీబీ ఆటగాళ్లే సాధించారు. 2013 సీజన్‌లో పూణె జట్టు పై క్రిస్ గేల్ అత్యధిక వ్యక్తిగత  స్కోరును చేశాడు. 65 బంతుల్లోనే 175 పరుగులు చేసి అజేయంగా నిలిచాడు. ఇప్పటికీ ఈ రికార్డ్ అలాగే ఉంది.4. అత్యధిక సెంచరీలు(16):

ఆర్సీబీ జట్టులో అత్యంత విధ్వంసక బ్యాటర్‌లు ఉన్నారు. అందువల్ల ఐపీఎల్‌ చరిత్రలో అత్యధిక సెంచరీలు చేసిన జట్టుగా ఆర్సీబీ రికార్డు సృష్టించింది. ఆర్సీబీ బ్యాటర్లు ఐపీఎల్ లో మొత్తం 16 సెంచరీలు సాధించారు. వీటిలో క్రిస్ గేల్ 5, విరాట్ కోహ్లి 6 సెంచరీలు ఉన్నాయి. ఎబి డివిలియర్స్ 2 సెంచరీలు చేశారు. దేవదత్ పడిక్కల్, మనీష్ పాండే, రజత్ పాటిదార్ మిగతా ముగ్గురూ తలో సెంచరీ చేశారు.
5. IPL ఒక సీజన్‌లో అత్యధిక పరుగులు చేసిన బ్యాటర్(973 ):

ఐపీఎల్ చరిత్రలో విరాట్ కోహ్లీ చాలా రికార్డులను కలిగి ఉన్నాడు. వాటిలో ఒక సీజన్ లో అత్యధిక పరుగులు చేసిన బ్యాట్స్ మెన్ గా రికార్డు సృష్టించాడు. 2016 ఐపీఎల్ సీజన్‌లో విరాట్ కోహ్లీ అత్యుత్తమ ప్రదర్శన చేయడంతో పాటుగా  ఆ సీజన్‌లో ఆడిన16 ఇన్నింగ్స్‌ల్లో 973 పరుగులు చేశాడు. ఆర్సీబీ జట్టు ఫైనల్‌కు వెళ్ళేలా చేయగలిగాడు. విరాట్ కోహ్లీ 81.08 సగటుతో 152.03 స్ట్రైక్ రేట్‌తో 973 పరుగులు చేశాడు. ఆ సీజన్‌లో కోహ్లీ 4 సెంచరీలు, 7 అర్ధ సెంచరీలు చేశాడు.
6. ఒక ఇన్నింగ్స్‌లో అత్యధిక సిక్సర్లు (17)

అత్యధిక పరుగులు, అత్యధిక సెంచరీలు మాత్రమే కాకుండా ఐపీఎల్‌లో ఒక ఇన్నింగ్స్ లో అత్యధిక సిక్సర్లు బాదిన రికార్డు ఆర్‌సీబీ బ్యాటర్‌దే. 2016 ఐపీఎల్‌ సీజన్‌లో పూణే జట్టు పై క్రిస్ గేల్ అత్యధిక ఐపీఎల్‌ వ్యక్తిగత స్కోరు 175 చేసి నాటౌట్‌ గా నిలిచారు. ఆ ఇన్నింగ్స్‌లో క్రిస్ గేల్ 17 సిక్సర్లను కొట్టి రికార్డ్ సృష్టించాడు. ఒక ఇన్నింగ్స్‌లో అత్యధిక సిక్సర్లు కొట్టిన బ్యాటర్ గా ఇప్పటికీ ఆ రికార్డ్ క్రిస్ గేల్ పేరుమీదనే ఉంది. ఐపీఎల్‌ T20 ఇన్నింగ్స్‌లలో విధ్వంసక ఇన్నింగ్స్ లో ఒకరిగా నిలిచాడు.7. ఒకే ఫ్రాంచైజీకి అత్యధిక మ్యాచ్‌లు ఆడిన ప్లేయర్ (237)

ఐపీఎల్‌లో ఒకే జట్టు తరఫున అత్యధిక మ్యాచ్‌లు ఆడిన ఆటగాడిగా విరాట్ కోహ్లీ రికార్డు సృష్టించాడు. ఇప్పటివరకు  కోహ్లి రాయల్ ఛాలెంజర్స్ బెంగళూరు జట్టు కోసం 237 మ్యాచ్ లు ఆడారు.
అంతేకాకుండా 2008లో ఐపీఎల్‌ ప్రారంభమైనప్పటి నుండి ఇప్పటివరకు అదే జట్టుకు ఆడిన ఏకైక ప్లేయర్ విరాట్ కోహ్లీ. 15 ఏళ్ల నుండి కోహ్లీ ఆర్సీబీ ఐపీఎల్‌లో ప్రతి సీజన్ లో ఆడాడు. కోహ్లి కనిపించినంతగా మరే ఇతర ఆటగాడు అదే జట్టులో కనిపించలేదు. చెన్నై సూపర్ కింగ్స్ తరఫున 204 మ్యాచ్‌లు ఆడిన మహేంద్ర సింగ్ ధోని రెండవ స్థానంలో ఉన్నాడు.

Also Read: ఒకప్పుడు రికార్డుల మీద రికార్డులు కొట్టిన వీరుడు… ఇప్పుడు డక్ అవుట్లు కొడుతున్నాడు..! ఏమైంది ఇతనికి..?

జాస్ బట్లర్.. ఈ ఇంగ్లండ్ టీం కెప్టెన్ టీ20 వరల్డ్ కప్ ఇంగ్లాండ్ జట్టు గెలవడంలో కాలాక పాత్ర పోషించాడు. మంచి ఓపెనర్ గా పేరొందిన బట్లర్ ఇంగ్లాండ్ టీం లో వికెట్ కీపింగ్ బాధ్యతలు కూడా నిర్వహిస్తాడు. ఇక టీ20 స్పెషలిస్ట్‌ గా పేరొందిన ఈ ఇంగ్లండ్‌ ఆటగాడు గత ఐపీయల్ లో సూపర్ ఫామ్ తో ఆడాడు. సీజన్ ఆరంభం నుంచి అదరగొడుతూనే ఉన్న అతడు లీగ్ లో 800 పరుగులను పూర్తి చేసుకున్నాడు.

రాజస్థాన్ రాయల్స్ జట్టుకు ఆడుతున్న బట్లర్ ఈ సీజన్ లో మాత్రం పేలవ ప్రదర్శన చేస్తున్నాడు. రాజస్థాన్ జట్టులో బట్లర్ అత్యంత కీలకమైన ఆటగాడు. ఓపెనరుగా వచ్చి ప్రత్యర్థి బౌలర్లపై విరుచుకుపడే ఈ డాషింగ్ ఓపెనర్. బట్లర్ క్రీజులో ఉన్నాడంటే చాలు వీరబాదుడు బాదుతాడు.. ప్రత్యర్థులకు చుక్కలు చూపిస్తాడు. కానీ ఈ సీజన్ లో కొత్త బట్లర్ కనిపిస్తున్నాడు.

అయితే చెలరేగి ఆడడం.. లేకపోతే తుస్సుమన్నడం అన్నట్లు ఉంది బట్లర్ ఆట. గతంలో మాత్రం మ్యాచ్ పరిస్థితికి తగ్గట్టుగా తన శైలిని మార్చుకొని జట్టును ఆదుకునేవాడు. కానీ.. ఈ సీజన్ లో అనుకున్నంతగా రాణించలేదు. తాజా పంజాబ్ కింగ్స్ తో జరిగిన మ్యాచ్ లో జాస్ బట్లర్ (0) మరోసారి డకౌట్ అయ్యాడు. ఈ సీజన్ లో జోస్ బట్లర్ కి ఇది ఐదో డకౌట్.

దీంతో.. ఓ చెత్త రికార్డును తన ఖాతాలో వేసుకున్నాడు. 2020లో ధావన్, 2009లో గిబ్స్ ఓపెనర్లగా ఐపీఎల్ లో నాలుగు సార్లు డకౌట్ అవ్వగా.. పంజాబ్ తో మ్యాచ్ కు ముందు నాలుగు డకౌట్లతో వీరి సరసన ఉన్న బట్లర్.. ఈ మ్యాచ్ లో కూడా డకౌట్ కావడంతో తన పేరుతో సరికొత్త రికార్డును నమోదు చేసుకున్నాడు.

ఈ సీజన్ లో 14 మ్యాచ్ లు ఆడిన బట్లర్ 28 యావరేజ్ తో 392 పరుగులు చేశాడు. అందులో 4 హాఫ్ సెంచరీలు కూడా ఉన్నాయి. ఇలా ఓకే సీజన్ లో నాలుగు హాఫ్ సెంచరీలు.. ఐదు డకౌట్లు ఉండడంపై ఫ్యాన్స్ చర్చించుకుంటున్నారు. గత సీజన్ లో ఆరెంజ్ క్యాప్ దక్కించుకున్న బట్లర్ ఎందుకు ఈ సీజన్ లో ఇలా విఫలం అవుతున్నాడు అంటూ చర్చించుకుంటున్నారు ఫాన్స్.

ఐపీఎల్ 16 వ సీజన్ లో భాగంగా మ్యాచ్ లు ఆసక్తికరంగా సాగుతున్నాయి. రోజు రోజుకు ఉత్కంఠ పెరుగుతోంది. ఈ మ్యాచ్ లు అసలైన క్రికెట్‌ మజాను ఫ్యాన్స్ అందిస్తున్నాయి. స్టేడియంలో కరకెట్ ను చూసే ఆడియెన్స్ కన్నా టీవీలు, మొబైల్స్‌లో చూసే వారి సంఖ్య ఎక్కువ.

ఆడియెన్స్ కు మంచి అనుభూతిని ఇవ్వడం కోసం ప్ర‌సార మ‌ధ్య‌మాలు సాంకేతిక‌త‌ను వాడుతున్నారు. ఇక ఐపీఎల్ లోనూ టెక్నాలజీని ఉపయోగిస్తున్నారు. అవి కూడా హైటెక్ గ్యాడ్జెట్స్. మరి ఐపీఎల్‌లో ఉపయోగించే ఆ గ్యాడ్జెట్స్ ఏమిటో ఇప్పుడు చూద్దాం..
1. కూకబుర్ర బాల్:

స్మార్ట్ బాల్ అనేది ప్రపంచంలోనే తొలి మైక్రోచిప్డ్ క్రికెట్ బాల్. ఈ బాల్ ను ప్రముఖ క్రికెట్ బాల్ తయారు చేసే  కూకబుర్రా, టెక్ పయనీర్ స్పోర్ట్ కోర్ సహకారంతో రూపొందించారు. కూకబుర్ర స్మార్ట్ బాల్ సాధారణ క్రికెట్ బాల్  రూపాన్ని, చలనాన్ని కలిగి ఉంటుంది. ఈ బాల్ లో మైక్రోచిప్ ఉంటుంది. దీని సహాయంతో  సమయం బాల్ స్పీడ్ రొటేషన్, కొట్టిన తరువాత ఎంత ఎత్తుకి వెళ్ళిందనే తెలుస్తుంది. దీని వల్ల మ్యాచ్ లో నిర్ణయం తీసుకోవడం సులభం అవుతుంది.  2 . ఎల్‌ఈడీ స్టంప్స్‌, బెయిల్స్‌:

నార్మల్ ఉడెన్ స్టాంప్స్ కాదు. వీటిలో హైటెక్ సెన్సర్స్, బ్యాటరీస్, కెమెరా ఉంటుంది. రనౌట్లు, స్టంపింగ్‌ లాంటి సందర్భాలలో అంపైర్లకు ఇవి చాలా ఉపయోగపడుతున్నాయి. బాల్ వికెట్లను తాకగానే ఎల్‌ఈడీ లైట్లు వెలుగుతాయి. ఇక బెయిల్స్‌ కిందపడినా సులువుగా తెలుస్తుంది. రనౌట్లు, స్టంపింగ్‌ డిసిషన్స్ లో  ఎల్‌ఈడీ స్టంప్స్‌ కచ్చితత్వాన్ని కనపరుస్తాయి. ఆడియెన్స్ కి కూడా కొత్త అనుభూతిని కలిగిస్తోంది. ఐపీఎల్‌ లో ఉపయోగించే ఎల్‌ఈడీ స్టంప్‌లు మరియు బెయిల్‌లు చాలా ఖరీదైనవి. ఎల్‌ఈడీ స్టంప్‌లు మరియు జింగ్ బెయిల్‌ల సెట్ ధర సుమారు 32 లక్షలు.
3. స్పైడర్‌ కెమెరాలు:

ఇవి గ్రౌండ్ కొంత ఎత్తులో తిరుగుతూ మ్యాచ్ ను చిత్రీకరిస్తుంటాయి. ఈకెమెరాలు కేబుళ్ల సహాయంతో అటు ఇటు తిరుగుతుంటాయి. స్టేడియం పై నుండి కూడా దృశ్యాలను చిత్రీకరిస్తుంటాయి. అయితే ఇవి మైదానంలోనే తిరుగుతుండటం వల్ల ఒక్కోసారి బాల్ కెమెరాకి గాని, దాని తీగలకు తాకడం వల్ల దిశను మార్చుకుంటాయి. అందువల్ల స్పైడర్‌క్యామ్‌కు బాల్ తాకితే, దానిని డెడ్‌ బాల్‌గా అంపైర్‌ ప్రకటిస్తాడు.
4. హాట్ స్పాట్: 
ఒక థర్మల్ కెమెరా, రెండు ఇన్‌ఫ్రారెడ్ కెమెరాలను ఉపయోగిస్తుంది. మైదానం యొక్క ప్రతి చివర ఒకటి ఉంటుంది. ప్యాడ్‌ పై ఉన్న బంతి, బ్యాట్‌ పై బంతి, నేల పై బంతి లేదా గ్లోవ్‌ పై బంతి పడినపుడు ఏర్పడే వేడిని ఈ కెమెరాలు గుర్తించి, కొలుస్తాయి. దీని ద్వారా బంతి వాటికి తాకిందా లేదా అనేదాన్ని గుర్తిస్తారు. ఒక్క కెమెరా ధర రూ 2 కోట్లని సమాచారం. 5. బగ్గీక్యామ్‌ – రోబోటిక్ కెమెరా :

ఈ రోబోటిక్ కెమెరా టెన్నిస్‌ నుండి  తీసుకున్నారు. ప్రతి ఒక్క ప్లేయర్ కదలికలను చిత్రీకరిస్తాయి. గతంలో అథ్లెట్ల కోసం ఈ కెమెరాలను వాడేవారు. ప్లేయర్స్ తో పాటే ఇవి పరుగెత్తుతూ వారి కదలికలను చిత్రీకరిస్తాయి. గ్రౌండ్ లో బౌండరీ లైన్‌ వద్ద రోబోటిక్ కెమెరాలు తిరుగుతూ ప్లేయర్స్ ప్రతీ మూమెంట్‌ను రికార్డు చేస్తాయి.

Also Read: “యశస్వి జైస్వాల్” లాగానే… IPL తో జీవితాలనే మార్చుకున్న 6 మంది ప్లేయర్స్..!