చిలసౌ సినిమాలో అక్కినేని సుశాంత్ కి సరసన నటించి రుహనీ శర్మ తెలుగు ఇండస్ట్రీకి పరిచయమైంది. దాని తర్వాత హిట్, నూటొక్క జిల్లాల అందగాడు వంటి చిత్రాలలో కథానాయకిగా అందరిని అలరించింది. కేవలం తెలుగు ఇండస్ట్రీలో మాత్రమే కాకుండా మిగిలిన ఇండస్ట్రీలలో కూడా సినిమాలు చేస్తూ ఉంది రుహాని శర్మ.
అయితే విక్టరీ వెంకటేష్ హీరోగా నటిస్తున్న సైంధవ్ సినిమా ఈ సంక్రాంతి జనవరి 13 కి విడుదల కానుంది. ఇందులో ఒక ముఖ్య పాత్రలో నటించనుంది రుహాని.
ఈ సినిమా గురించి మాట్లాడుతూ, నాకు చిన్నప్పటినుంచి వెంకీ సార్ సినిమాలు అంటే ఇష్టం ఉండేవి. ఆ సినిమాలు చూస్తూనే పెరిగాను. ఎప్పుడైతే ఈ సినిమాలో ఆయనతో నటించే అవకాశం వచ్చిందో ఆయన మీద అభిమానం ఇంకా పెరిగింది. చిన్నప్పటినుంచి నేను డాక్టర్ అవ్వాలి అనుకున్నాను కానీ అవ్వలేకపోయాను. ఈ సినిమాలో నేను డాక్టర్ క్యారెక్టర్ చేస్తున్నా అందుకు చాలా సంతోషంగా ఉన్నది అని చెప్పింది. అక్కడ ఉన్న యాంకర్ అనుష్క శర్మతో మీ బాండింగ్ ఎలా ఉంటుంది అని అడగడంతో ఆశ్చర్యానికి గురైంది రుహాని.
నేను ఈ విషయాన్ని చాలా రహస్యంగా ఉంచాను మీకు ఎలా తెలుసు? అయినా అడుగుతున్నారు కనుక చెబుతున్నాను వరసకు అనుష్క శర్మ నాకు అక్క అవుతుంది. నాతో చాలా బాగా ఉంటుంది అని చెప్పింది. మరి విరాట్ కోహ్లీ మీకు బావ అవుతారు కదా తనతో మీ బాండింగ్ ఎలా ఉంటుంది అని విలేకరి అడగగా, విరాట్ కోహ్లీ నాతో చాలా బాగా మాట్లాడారు. వాళ్ళిద్దరిది ఫిల్టర్ లెస్ బాండింగ్ చాలా సింపుల్ గా ఉంటారు అని చెప్పుకొచ్చింది ఈ భామ. అంతేకాకుండా ఇంస్టాగ్రామ్ లో రుహాని ఏ ఫోటో పెట్టినా దానికి అనుష్క ఏదో ఒక పొగడ్త పొగుడుతూనే ఉంటుంది. అనుష్క శర్మ కి, విరాట్ కోహ్లీకి ఈమె దగ్గర బంధువు అని తెలియడంతో ప్రేక్షకులు అవాక్కయ్యారు
రోహిత్ శర్మ మహారాష్ట్రలో నాగ్‌పూర్‌లోని బన్సోడ్‌లో 1987 ఏప్రిల్ 30న జన్మించారు. తండ్రి గురునాథ్ శర్మ, తల్లి పూర్ణిమ శర్మ. తల్లి విశాఖపట్నంకు చెందిన వారు. రోహిత్ తరువాత మరో కొడుకు జన్మించాడు. అతని పేరు విశాల్ శర్మ. తండ్రి రవాణా సంస్థ స్టోర్‌హౌస్‌లో కేర్‌టేకర్‌గా చేసేవారు. అయితే శర్మ తండ్రికి ఆదాయం తక్కువకావడంతో శర్మ బోరివలిలో ఉన్న తాత, మేనమామల దగ్గర పెరిగారు. వారాంతాలలో మాత్రమే డోంబివిలిలోని ఒకే గది ఉన్న ఇంట్లో నివసించే తల్లిదండ్రుల దగ్గరికి వెళ్ళేవాడు.
ఆ సమయంలోనే విశాల్‌తో ఆడుకునేవాడు. అన్నదమ్ములిద్దరు క్రికెట్ ఆడేవారు. ఈ క్రమంలో రోహిత్ టాలెంట్ చూసిన అతని అంకుల్‌ రోహిత్ పేరును క్రికెట్ క్యాంపులో రిజిస్టర్ చేయించాడు. అలా 14ఏళ్ళకే క్రికెట్లో అడుగుపెట్టిన రోహిత్ శర్మ తన ప్రతిభతో అంచెలంచెలుగా ఎదుగుతూ ‘హిట్మ్యాన్’ పేరు తెచ్చుకున్నాడు. మొదట్లో టీమిండియా కీలక ఆటగాడిగా ఉన్న రోహిత్ ప్రస్తుతం కెప్టెన్గా కొనసాగుతున్నాడు.
ముంబైలో భార్యా, కుమార్తెతో లగ్జరీ ప్రాంతంలో నివసిస్తున్న రోహిత్, తల్లిదండ్రులు మరియు సోదరుడి కోసం వారింటి కొంచెం దూరంలో మరోక గృహాన్ని కొనుగోలు చేశాడు.ఇంటికి పెద్ద కుమారుడిగా ఫ్యామిలీ బాధ్యతలను చూసుకుంటున్నాడు. తమ్ముడు విశాల్‌కు అండగా నిలిచాడు. ఎక్కడో జాబ్ వెతుక్కోవాల్సిన పని లేకుండా తాను ప్రారంభించిన క్రికెట్ అకాడమీలను చూసుకునే బాధ్యతను విశాల్‌కు అప్పగించాడు. ప్రస్తుతం విశాల్ శర్మ భారత్, సింగపూర్‌లలోని రోహిత్ క్రికెట్ అకాడమీలకు ఆపరేషన్స్‌ హెడ్‌గా పనిచేస్తున్నాడు.
