Sports Adda

ప్రస్తుతం భారత్ జట్టు ఇంగ్లాండ్ తో 5 మ్యాచ్ ల టెస్ట్ సిరీస్ ఆడుతుంది. ఇందులో భాగంగా హైదరాబాద్ వేదికగా జరిగిన మొదటి టెస్టులో భారత్ జట్టు ఇంగ్లాండ్ చేతిలో ఓటమిపాలైంది. గెలుస్తుందనుకున్న మ్యాచ్ లో భారత్ ఓడిపోవడంతో అభిమానులు నిరాశ చెందారు. ఓటమికి భారత్ ఫీల్డింగ్, బ్యాటింగ్ ప్రధాన కారణాలుగా నిలిచాయి. అయితే మొదటి మ్యాచ్ తప్పుల నుండి నేర్చుకున్న భారత ఆటగాళ్లు మిగిలిన మ్యాచ్ లు ఎలాగైనా నెగ్గాలానే కసి మీద ఉన్నారు. ఈ సందర్భంగా రెండో టెస్టు మ్యాచ్ ఆడే భారత జట్టు కూర్పు పైన ప్రత్యేక దృష్టిసారించారు.

రెండో టెస్టులో పటిష్టమైన జట్టుతో బరిలోకి దిగాలని టీం మేనేజ్మెంట్ భావిస్తోంది. కెప్టెన్‌ రోహిత్‌ శర్మ, హెడ్‌ కోచ్‌ రాహుల్‌ ద్రవిడ్‌ సైతం ఈ విషయంపై క్లారిటీగా ఉన్నట్లు తెలుస్తోంది. యువ క్రికెటర్లకు మరిన్ని అవకాశాలు ఇవ్వాలని, టీమ్‌ మొత్తం యువ రక్తంతో నింపేశారు. కానీ…. టెస్ట్‌ క్రికెట్‌ అంటే లెక్క వేరే ఉంటుందని… పూర్తిగా యువ క్రికెటర్లతో వెళ్తే ఎదురుదెబ్బ తగులుతుందని తాజాగా తొలి మ్యాచ్‌తోనే అర్థమైంది. అందుకే రెండో టెస్ట్‌ కోసం ఒక కీలక నిర్ణయం తీసుకున్నట్లు సమాచారం.

టెస్ట్ మ్యాచ్ కి అనుభవం ఉన్న క్రికెటర్ అవసరం. విరాట్ కోహ్లీ లేకపోవడంతో ఆ లోటు కనిపిస్తుంది. ఇప్పుడు ఆస్థానాన్ని భర్తీ చేయడానికి.. వెటరన్‌ ప్లేయర్‌, టెస్ట్‌ స్పెషలిస్ట్‌ చతేశ్వర పుజారా లేదా అజింక్యా రహానెలలో ఒకరిన టీమ్‌లోకి తీసుకునే అవకాశం ఉన్నట్లు సమాచారం.ఇప్పటికే పుజారాకు సైతం ఈ విషయంపై సమాచారం ఇచ్చినట్లు క్రికెట్‌ వర్గాల్లో టాక్‌ వినిపిస్తోంది. పుజారా, రహానెల్లో.. పుజారాకే ఎక్కవ ఛాన్స్‌ ఉన్నట్లు తెలుస్తుంది. ఇదే కనుక నిజమైతే టీం కి బాగా ప్లస్ అవుతుందని క్రికెట్ విశ్లేషకులు చెబుతున్నారు.

తాజాగా జరిగిన ఐపీఎల్ మినీ వేలంలో కోల్ కత్తా నైట్ రైడర్స్ జట్టు ఒక ప్లేయర్ ను వదిలేసింది. తర్వాత ఆ ప్లేయర్ ను ఏ ఐపిఎల్ టీం కొనుగోలు చేయలేదు. అయితే ఆ ప్లేయర్ ఇప్పుడు జరుగుతున్న రంజి టోర్నీ లో దుమ్ము రేపుతున్నాడు.

ఏకంగా డబల్ సెంచరీలు చేసి కోహ్లీ రికార్డును సమానం చేశాడు. ఇంతకీ ఎవరు ఆ ప్లేయర్? ఏంటి అతని కథ అనేది చూద్దాం…?

తమిళనాడు కు చెందిన వికెట్ కీపర్ నారాయణ్ జదీషన్ తాజాగా జరుగుతున్న రంజీ ట్రోఫీలో అదరగొడుతున్నాడు. వరుసగా రెండు డబుల్ సెంచరీలు సాధించి అందరిని ఆశ్చర్య పరిచాడు. చంఢీగడ్ తో జరుగుతున్న మ్యాచ్ లో అద్భుతమైన ట్రిపుల్ సెంచరీతో అదరగొట్టాడు. ప్రత్యర్థి బౌలర్లను ఉతికి ఆరేసి 23 ఫోర్లు, 5 సిక్సర్లతో 321 పరుగులు చేశాడు దీంతో తమిళనాడు తమ ఫస్ట్ ఇన్నింగ్స్ ను 610/4 వద్ద డిక్లేర్ చేసింది. ఇది జగదీషన్ కు వరుసగా రెండో డబుల్ సెంచరీ. ఇటీవలే రైల్వేస్ తో జరిగిన మ్యాచ్ లో సైతం 245 పరుగులతో అద్భుతమైన ఇన్నింగ్స్ ఆడాడు. దీంతో అరుదైన రికార్డు సాధించిన బ్యాటర్ల జాబితాలోకి ఎక్కాడు ఈ యువ క్రికెటర్.

ఇక రంజీ క్రికెట్ చరిత్రలో వరుసగా డబల్ సెంచరీ సాధించిన 18వ ఇండియన్ ప్లేయర్ గా రికార్డు లోకి ఎక్కాడు. ఈ సందర్భంగానే కింగ్ కోహ్లీ రికార్డును కూడా సమానం చేశాడు గతంలో కోహ్లీ కూడా రంజీలలో వరుసగా డబల్ సెంచరీ చేసిన సంగతి తెలిసిందే.గతంలో కేకేఆర్ తరఫున 6 మ్యాచ్ ల్లో 89 రన్స్ చేశాడు జగదీషన్. ఐపీఎల్ లో చెన్నై సూపర్ కింగ్స్ జట్టుకు కూడా ప్రాతినిథ్యం వహించాడు. ఇప్పుడు ఇతని పెర్ఫార్మన్స్ చూసిన ఎవరైనా సరే కేకేఆర్ ఇతని వదులుకొని తప్పు చేసిందని అంటున్నారు.

భారత జట్టు ప్రస్తుతం ఇంగ్లీష్ జట్టు ఇంగ్లాండ్ పైన ఐదు టెస్టులు సీరీస్ ను ఆడుతుంది. సిరీస్ లో మొదటి మ్యాచ్ హైదరాబాద్ వేదికగా జరిగింది. అయితే మ్యాచ్ ఆద్యంతం భారత జట్టుకు అనుకూలంగానే ఉన్న చివరికి వచ్చేసరికి తిరిగిపోయింది. భారత్ ను ఓడించి ఇంగ్లాండ్ మొదటి టెస్ట్ మ్యాచ్ కైవసం చేసుకుంది. 231 పరుగుల లక్ష్యంతో బ్యాటింగ్ దిగిన భారత్ ఇంగ్లాండ్ స్పిన్నర్లు దాటికి నిలవలేక 202 పరుగుల కి కుప్పకూలింది.

నాలుగు రోజులు కొనసాగిన ఈ టెస్ట్ మ్యాచ్ లో మొదటి రెండు రోజులు భారత్ జట్టు ఆధిపత్యం కొనసాగింది. బ్యాటింగ్ లోను బౌలింగ్ లోను మంచి ప్రదర్శన కొనసాగించింది. అయితే ఆఖరి రెండు రోజులు మాత్రం పేలవమైన బ్యాటింగ్, ఫీల్డింగ్ తో నిరాశపరిచింది. అయితే గెలుపు అంచులు దాకా వెళ్ళిన మ్యాచ్ లో భారత్ ఓడిపోవడానికి ప్రధాన కారణాలు ఇవే అంటూ క్రికెట్ విశ్లేషకులు చెబుతున్నారు.

1. పేలవమైన బ్యాటింగ్:

231 పరుగుల తక్కువ స్కోరును చెందించడానికి భారత జట్టు బ్యాటింగ్ కి దిగింది.ఓపెనర్లు రోహిత్ శర్మ, యశస్వి జైస్వాల్ లు విఫలమవ్వగా, శుభ్‌మన్ గిల్ సిల్వర్ డక్‌గా వెనుదిరిగాడు. అతని వైఫల్యం మ్యాచ్‌ను పూర్తిగా మలుపు తిప్పింది. వెంట వెంటనే వికెట్లు కోల్పోవడంతో తర్వాత వచ్చిన భారత బ్యాటర్లపై ఒత్తిడి పెరిగింది.ఇదే ఇంగ్లండ్ బౌలర్ల ఆత్మవిశ్వాసాన్ని పెంచి మ్యాచ్ ను చేజార్చుకుంది.

2. చెత్త ఫీల్డింగ్:

ఈ మ్యాచ్ లో భారత్ ఆటగాళ్ళు చెత్త ఫీల్డింగ్ తో ఇంగ్లాండ్ బ్యాటర్స్ కి అవకాశాలు కల్పించారు. చేతుల్లోకి వచ్చిన క్యాచ్లు వదిలేయడం, సునాయసమైన బౌండరీలను ఆపలేకపోవడం వంటి తప్పిదాలుతో భారీ మూల్యం చెల్లించుకోవలసి వచ్చింది. ఏకంగా 10 బౌండరీలు వదిలేసారు అంటే అర్థం చేసుకోవచ్చు.

3. ఫలించని ప్రయోగం:

అక్షర పటేల్ ను ముందు ఆర్డర్ లో పంపిస్తు చేసిన ప్రయోగం బెడిసికొట్టింది. నాలుగో స్థానంలో ఆడిన అక్షర ఎక్కువసేపు నిలవలేకపోయాడు. లోయర్ ఆర్డర్ లో వచ్చుంటే పరిస్థితి వేరేలా ఉండేది అని అంటున్నారు.కేఎస్ భరత్, అశ్విన్‌లతో కలిసి కీలక భాగస్వామ్యాలను నెలకొల్పేవాడు. భారత విజయానికి కృషి చేసేవాడు.

ప్రముఖ టెన్నిస్ ప్లేయర్స్ సానియా మీర్జా, ప్రముఖ క్రికెట్ షోయబ్ మాలిక్ విడిపోయారు అని బహిరంగంగా ప్రకటించకపోయినా కూడా, కొన్ని రోజుల క్రితం షోయబ్ మాలిక్ తాను మరొక పెళ్లి చేసుకుంటున్నట్టు ప్రకటించి ఆ ఫోటోలని విడుదల చేశారు.

దాంతో ఆ వార్తలకు బలం చేకూరింది. గత కొంత కాలం నుండి సానియా మీర్జా, షోయబ్ మాలిక్ కలిసి ఉండట్లేదు అనే వార్త ప్రచారంలో ఉంది. సానియా మీర్జా సోషల్ మీడియాలో పోస్ట్ చేసే కొటేషన్స్ కూడా ఆలోచింపచేసేలాగా ఉంటున్నాయి.

కానీ అలాంటిది ఏమైనా ఉంటే ప్రకటిస్తారు కదా అని అందరూ అనుకున్నారు. ఇప్పుడు షోయబ్ మాలిక్, సనా జావేద్ అనే నటిని పెళ్లి చేసుకున్నారు. షోయబ్ మాలిక్ కి ఇది మూడవ పెళ్లి. షోయబ్ మాలిక్ పంజాబ్ లోని సియాల్కోట్ లో ఒక పంజాబీ ముస్లిం కుటుంబంలో జన్మించారు. షోయబ్ మాలిక్ తండ్రి మాలిక్ ఫకీర్ హుస్సేన్ అక్కడే ఉన్న ఒక చెప్పుల షాప్ లో పనిచేసేవారు.

2006 లో త్రోట్ క్యాన్సర్ తో ఆయన మరణించారు. షోయబ్ మాలిక్ 2002 లో అయిషా సిద్ధికి అనే మహిళను పెళ్లి చేసుకున్నారు. 8 సంవత్సరాల వైవాహిక జీవితం తర్వాత 2010 లో వాళ్ళిద్దరూ విడాకులు తీసుకున్నారు. ఏప్రిల్ 7 వ తారీఖున వీళ్లిద్దరూ విడాకులు తీసుకుంటే. ఏప్రిల్ 12 వ తారీఖున షోయబ్ మాలిక్ సానియా మీర్జాని పెళ్లి చేసుకున్నారు.

అప్పట్లో ఈ విషయం ఎంతో చర్చలకి దారి తీసింది. పాకిస్తాన్ కి సంబంధించిన వ్యక్తిని పెళ్లి చేసుకోవడానికి వీలు లేదు అంటూ సానియా మీర్జా ఇంటి ఎదురుకుండా కొంత మంది ఆందోళన చేశారు. కానీ వీటన్నిటి మధ్య వాళ్లిద్దరూ పెళ్లి చేసుకున్నారు. వారికి ఒక కొడుకు కూడా ఉన్నాడు. సానియా మీర్జా సెలబ్రిటీ కాబట్టి తను మనందరికీ తెలుసు. కానీ షోయబ్ మాలిక్ మొదటి భార్య అయిన అయిషా సిద్ధికి ఇప్పుడు ఎక్కడ ఉన్నారు, ఏం చేస్తున్నారు అనే విషయం ఎవరికీ తెలియదు.

వారు విడిపోయే సమయానికి అయిషాకి 29 సంవత్సరాలు. అయిషా కూడా హైదరాబాద్ కి చెందినవారు. వీరిద్దరు పెళ్లి మాత్రం మిస్టరీగానే మిగిలిపోయింది. ఒకానొక సందర్భంలో షోయబ్ మాలిక్ ఈ విషయం మీద మాట్లాడుతూ, వాళ్ళిద్దరూ టెలిఫోన్లో పెళ్లి చేసుకున్నారు అని, అసలు ముఖాముఖిగా కలవలేదు అని చెప్పారు. ఫోటోలు మాత్రం మార్చుకున్నారు అని అన్నారు.

2002 లో జూన్ లో తన ఫ్రెండ్ షాప్ కి వెళ్లి, అయిషాకి అక్కడి నుండి కాల్ చేశారు అని, ఫోటోలో ఉన్న అమ్మాయిని తాను పెళ్లి చేసుకుంటున్నాను అని అనుకొని, నికాహ్ నామా మీద తన సంతకం పెట్టాను అని చెప్పారు. సానియా మీర్జాతో పెళ్లికి కొన్ని రోజుల ముందు మాత్రమే ఈ విషయం బయటికి వచ్చింది. అప్పుడు అయిషా, షోయబ్ మాలిక్ తనని పెళ్లి చేసుకున్నారు అని వీడియో ఆధారాలు కూడా చూపించారు. కానీ ఇప్పుడు అయిషా ఎక్కడ ఉన్నారు అనేది మాత్రం ఎవరికీ తెలియదు.

ALSO READ : 90’స్ సిరీస్ లో నటించిన వాసంతిక… సలార్ సినిమాలో ఉందా..? ఎక్కడో గుర్తుపట్టారా..?

అంతర్జాతీయంగా ఉన్న అత్యుత్త‌మ క్రికెటర్లలో విరాట్ కోహ్లీ ఒకరు. కోహ్లీ ఇప్పటి వరకు అంతర్జాతీయ క్రికెట్ లో అనేక రికార్డులను సృష్టించాడు. అతను ఒక క్రికెటర్ గా ఎంత పేరు తెచ్చుకున్నాడో , సెల‌బ్రిటీగా అంతే పేరును సొంతం చేసుకున్నాడు.

అత్యధికంగా సంపాదిస్తున్న భారత క్రికెటర్ల లిస్ట్ లో విరాట్ కోహ్లీ మొదటి స్థానంలో ఉన్నాడు. దాంతో ఎన్నో కంపెనీలు త‌మ బ్రాండ్ ప్రమోషన్ చేయడం కోసం విరాట్ కోహ్లీని ఎంచుకున్నాయి. ఒక యాడ్ చేయటానికి కోహ్లీ ఒక రోజుకి తీసుకునే రెమ్యూనరేషన్ ఎంతో తెలిస్తే షాక్ అవుతారు. ఆ వివరాలు ఇప్పుడు చూద్దాం..
కోహ్లీ ప్రస్తుతం భారత జట్టుకు వెన్నెముకగా ఉన్నాడు. రికార్డ్ బ్రేకింగ్‌లో కూడా నంబర్ వన్ పోటీదారుడుగా కూడా ఉన్నాడు. కోహ్లి 17 కోట్లకు పైగా ఎండార్స్‌మెంట్ల ద్వారా భారీగా ఆదాయాన్ని సంపాదిస్తున్నాడు. ధోని రోజుకు 1.5 కోట్లు తీసుకుంటుండగా, కోహ్లీ రోజుకు రూ.2 కోట్లు వసూలు చేస్తాడు. విరాట్ కోహ్లీ ఒక యాడ్ షూట్ కోసం ఒప్పందం చేసుకున్న కంపెనీ వారికి 2 లేదా 3 రోజుల సమయం మాత్రమే ఇస్తాడు. వారు ఆ రోజుల్లోనే యాడ్ చిత్రీకరణ, ప్రెస్ మీట్ లాంటివి చేయాలి. ఇక ఆ యాడ్ షూట్ జరిగే స‌మ‌యంలో కోహ్లి రోజుకి రెండు కోట్లు వ‌సూలు చేస్తాడు.
అంతే కాకుండా కోహ్లీకి ఇంకో రకంగా కూడా సంపాదిస్తున్నాడు. కోహ్లీ ఇన్‌స్టాగ్రాం ఖాతా ద్వారా కూడా ఆర్జిస్తున్నాడు. వస్తుంది. ఇన్‌స్టాగ్రాం ఖాతాలో కోహ్లీ 16.7 మిలియ‌న్ల ఫాలోవ‌ర్లను కలిగి ఉన్నాడు. కోహ్లీ ఇన్‌స్టాగ్రాం ఖాతాలో ఏదైనా కంపెనీ బ్రాండ్ గురించి ఒక పోస్ట్ పెట్టాలంటే దాని కోసం రూ.3.2 కోట్ల వ‌ర‌కు వసూల్ చేస్తాడంట. క‌చ్చితంగా అడిగిన డబ్బు చెల్లిస్తేనే తన ఇన్‌స్టాగ్రాం ఖాతాలో సదరు కంపెనీకి చెందిన పోస్ట్ ను పెడతాడంట. క్రికెట్ గాడ్ సచిన్ టెండూల్కర్‌తో సమానంగా రోజుకు రూ. 2 కోట్లతో కోహ్లీ దాదాపు 3 రోజుల పాటు ఒప్పందాలు కుదుర్చుకున్నాడని తెలుస్తోంది. ప్రస్తుతం, కోహ్లీ చాలా కంపెనీలతో ఒప్పందాలు చేసుకున్నాడు. కోహ్లీ ఒప్పందం చేసుకున్న బ్రాండ్స్ లో మన్యవర్, సింథోల్ డియో, పెప్సీ, బూస్ట్, రీబాక్, ఫాస్ట్రాక్, హెడ్ & షోల్డర్స్, గోద్రెజ్, నెస్లే ఇండియా లాంటివి ఉన్నాయి. కోహ్లీ కొన్ని కంపెనీలలో పెట్టుబడులు కూడా పెట్టాడని సమాచారం.

Also Read: SRH VS DC మ్యాచ్ లో కెమెరాకి చిక్కిన… ఈ “మిస్టరీ గర్ల్” ఎవరో తెలుసా..?

టీమిండియా సపోర్టింగ్ స్టాఫ్ లో ఉన్న ఏకైక మహిళ ఇప్పుడు అందరి దృష్టిని ఆకర్షిస్తున్నారు. ఎవరు ఆమె, టీమిండియాలో ఆమె ఏం చేస్తున్నారు అంటూ ఆరాలు తీయడం ప్రారంభించారు క్రికెట్ అభిమానులు. అయితే ఆమె పేరు రాజ్ లక్ష్మి అరోరా. ఈమె టీం ఇండియా సపోర్టింగ్ స్టాఫ్ లో కీలక సభ్యురాలు. ఈమె గత కొన్ని ఏళ్లుగా బీసీసీఐకి కంటెంట్ ప్రొడ్యూసర్ గా పనిచేస్తుందట. ఇక టీమ్ ఇండియా విదేశాల్లో పర్యటించినప్పుడు ఈమె ఖచ్చితంగా జట్టుతో పాటు ఉంటుందని తెలిసింది.

ఈమె పూణేలోని సింబయాసిస్ ఇన్స్టిట్యూట్ ఆఫ్ మీడియా అండ్ కమ్యూనికేషన్ లో చదువుకుంది. అక్కడే ఆమె బాస్కెట్ బాల్ షూటింగ్ గేమ్స్ పై ఆసక్తి పెంచుకుంది. తర్వాత జర్నలిస్టుగా కెరియర్ ని ప్రారంభించింది. ఆ తర్వాత 2015లో సోషల్ మీడియా మేనేజర్ గా బీసీసీఐలో చేరింది. ప్రస్తుతం ఆమె బీసీసీఐకి సంబంధించిన సోషల్ మీడియా ముఖ్య పర్యవేక్షకురాలుగా వ్యవహరిస్తుందని తెలిసింది.

అలాగే ఆటగాళ్ల ప్రవర్తనకు సంబంధించిన ఫిర్యాదులను పర్యవేక్షించే అధికారిణి గా కూడా పనిచేస్తుంది. బీసీసీఐ సోషల్ మీడియా మేనేజర్ గా దాదాపుగా 9 ఏళ్ల పాటు పనిచేసిన ఆరోరా ఆ తర్వాత సీనియర్ ప్రొడ్యూసర్ గా బాధ్యతలు చేపట్టారు. అరోరా ఎప్పటికప్పుడు టీం ఇండియా ప్లేయర్లకు సంబంధించిన వీడియోలను ఫోటోలను సోషల్ మీడియా ద్వారా ప్రేక్షకులకు చేరవేస్తుంది. ప్లేయర్లకు సంబంధించిన, ప్రాక్టీస్ కు సంబంధించిన వీడియోలను ఫోటోలను బీసీసీఐ ట్విట్టర్ ఖాతాలో ఎప్పటికప్పుడు పోస్ట్ చేయడంలో ఈమెదే కీలక పాత్ర.

ప్రస్తుతం బీసీసీఐకి ఎక్స్ లో మొత్తం మూడు అధికారిక ఖాతాలో ఉన్నాయి ఒకటి బీసీసీఐ, రెండోది బిసిసిఐ ఉమెన్, మూడోది బీసీసీఐ డొమెస్టిక్. ఈ మూడు ఖాతాలకు సంబంధించిన బాధ్యతలు అన్నిటినీ ఆరోరానే నిర్వహిస్తూ ఉంటుంది. ఇంస్టాగ్రామ్, ఎక్స్ లలో 60 కే 29కే ఫాలోవర్స్ ను సొంతం చేసుకుంది అరోరా. రాజల్ అరోరా అనే యూజర్ పేరుతో ఈమె ఎకౌంటు ఉంటుంది.