Viral

తెలుగు ప్రేక్షకులకు బాలీవుడ్ హీరోయిన్ జాన్వీ కపూర్ గురించి ప్రత్యేకంగా పరిచయం అక్కర్లేదు. దివంగత నటి అతిలోక సుందరి శ్రీదేవి ముద్దుల కుమార్తె గా సినిమా ఇండస్ట్రీకి ఎంట్రీ ఇచ్చిన జాన్వీ కపూర్ హీరోయిన్ గా తనకంటూ ప్రత్యేకమైన గుర్తింపును ఏర్పరచుకుంది. ఈమె ఎప్పటి నుంచో టాలీవుడ్ లో అడుగు పెట్టేందుకు ప్రయత్నిస్తోంది కానీ ఇప్పటివరకు దానికి ముహూర్తం కుదర్లేదు.

అయితే ఎన్టీఆర్30 సినిమాతో జాన్వీ కపూర్ టాలీవుడ్ ఇండస్ట్రీలోకి ఎంట్రీ ఇస్తున్నట్లు ఇప్పటికే చాలా వార్తలు వస్తున్నాయి. కొరటాల శివ తీస్తున్న ఈ చిత్రం లో ఎన్టీఆర్, జాన్వీ కాంబినేషన్ పై భారీ అంచనాలున్నాయి. జూనియర్ ఎన్టీఆర్‌కు జోడీగా నటించేందుకు ఆసక్తిగా ఉందని గతంలో కొన్ని సందర్భాల్లో చెప్పిన జాన్వీ.. ఎన్టీఆర్ 30 సినిమాలో భాగం కావడానికి డేట్స్ అడ్జస్ట్ చేసుకొని మరీ సిద్దమైందట. అతి త్వరలో ప్రారంభం కాబోతున్న ఈ సినిమా సెట్స్ పై జాన్వీ ఉండబోతుందని సమాచారం.

అయితే ఈ చిత్రానికి జాన్వీ కపూర్ 4 కోట్ల వరకు రెమ్యూనరేషన్ డిమాండ్ చేస్తోందట. అంతే కాకుండా నిర్మాతలకు పలు కండీషన్స్ పెడుతోందట ఈ బ్యూటీ. జాన్వీ కపూర్ షరతులు విన్న నిర్మాతలు ఈమెతో సినిమాలు తీయడం తేలిక కాదని అభిప్రాయం వ్యక్తం చేస్తున్నట్టు సమాచారం అందుతోంది. ఎడిటింగ్ లో తన సీన్లను కట్ చేయకూడదని షరతు విధిస్తున్నారని తెలుస్తోంది. తాను సినిమాకు ఓకే చెప్పిన తర్వాత స్క్రిప్ట్ లో కానీ, క్యారెక్టర్ లో కానీ మార్పులు చెప్పకూడదని ఆమె చెబుతున్నారని బోగట్టా.

దీంతో జాన్వీ కపూర్ తో సినిమా చేసే ముందు నిర్మాతలు చాలా ఆలోచిస్తున్నట్లు తెలుస్తోంది. మరి ఈ షరతులకు ఒప్పుకుని సినిమాలను తీసే నిర్మాతలు ఉంటారా అని ప్రశ్నలు ఉత్పన్నమవుతున్నాయి. అయితే ఆర్ ఆర్ ఆర్ సినిమాలో అలియాభట్ పాత్రని కత్తిరించిన నేపథ్యం లోనే జాన్వీ ఈ కండీషన్స్ పెడుతున్నట్లు సమాచారం. రెమ్యూనరేషన్ విషయంలో కూడా జాన్వీ తగ్గట్లేదని తెలుస్తోంది.

ప్రస్తుతం ఇండస్ట్రీ లో రీ రిలీజ్ ల ట్రెండ్ నడుస్తోంది. తమ అభిమాన హీరోల పుట్టిన రోజులు, ప్రత్యేక రోజుల సందర్భంగా వారి వారి సూపర్ హిట్ చిత్రాలను రీ రిలీజ్ చేస్తున్నారు. ఆలా ఇప్పటి వరకు జల్సా, ఖుషి, వర్షం, పోకిరి వంటి చిత్రాలు రిలీజ్ అయ్యి, అభిమానులను అలరించాయి. అయితే మహేష్ కెరీర్ లోనే బెస్ట్ మూవీ అయిన ‘ఒక్కడు’ చిత్రాన్ని రీ రిలీజ్ చెయ్యాలని అభిమానులు గత కొంత కాలం గా కోరుతున్నారు.

2003లో రిలీజైన ఒక్కడు మూవీ అప్పట్లో ట్రెండ్ సెట్టర్‌గా నిలిచింది. గుణశేఖర్ దర్శకత్వంలో మహేష్ బాబు నటనకి పెద్ద ఎత్తున ప్రశంసలు లభించాయి. ఈ సినిమాతో ఒక్కసారిగా మహేష్ బాబు స్టార్ హీరోగా మారిపోయాడు. ప్రకాశ్ రాజ్ విలనిజం.. మహేష్ బాబు మేనరిజం ప్రేక్షకులకి బాగా కనెక్ట్ అయ్యింది. అప్పట్లో రూ. కోట్ల వర్షం కురిపించిన ఒక్కడు మూవీని అభిమానుల కోసం రీ రిలీజ్ చేయబోతున్నారు. జనవరి 7న ‘ఒక్కడు’ మూవీని అభిమానుల కోసం రీరిలీజ్ చేయాలని ప్లాన్ చేస్తున్నారు.

సంక్రాంతికి థియేటర్లు బిజీ అయిపోనున్నాయి. చిరంజీవి నటించిన వాల్తేరు వీరయ్య, బాలకృష్ణ హీరోగా చేసిన వీరసింహా రెడ్డి, తమిళ్ హీరోలు విజయ్ ‘వారుసుడు’, అజిత్ ‘తెగింపు’, యంగ్ హీరో సంతోష్ శోభన్ నటించిన ‘కళ్యాణం కమనీయం’ సినిమాలు వరుసగా జనవరి 11 నుంచి రిలీజ్ అవుతున్నాయి. దాంతో ఇక ఒక వారం మాత్రమే థియేటర్లు కాస్త ఫ్రీగా ఉంటాయి. ఈ నేపథ్యంలో ఒక్కడు మూవీని రీ రిలీజ్ చేయాలని ప్లాన్ చేస్తున్నారు.

ఇప్పటికే సీనియర్ హీరోలు బాలకృష్ణ, వెంకటేశ్, పవన్ కళ్యాణ్ సినిమాల్ని ఇటీవల రీరిలీజ్ చేయగా.. ఖుషీ మూవీ రూ.కోట్లలో వసూళ్లని రాబట్టి అందర్నీ ఆశ్చర్యపరిచింది. ప్రభాస్ సినిమాల్నికూడా రీ రీలిజ్ చేశారు. మహేష్ బాబు – పూరి జగన్నాథ్ కాంబినేషన్ లో వచ్చిన ‘పోకిరి’ సినిమాని కూడా రీ రిలీజ్ చేసారు. పోకిరి సినిమా స్పెషల్ షోలు ప్రపంచ వ్యాప్తంగా 1.73 కోట్ల భారీ గ్రాస్ వసూలు చేశాయి. నైజాంలో రూ. 69 లక్షలు, గుంటూరులో రూ. 13 లక్షలు, కృష్ణాలో రూ. 10 లక్షలు, నెల్లూరులో రూ. 4లక్షలు వసూల్ అయ్యాయి. అయితే ఒక్కడు రీ రిలీజ్ పై నెట్టింట పలు మీమ్స్ వైరల్ అవుతున్నాయి.. వాటిపై ఓ లుక్కేయండి..

#1

#2

#3

#4

#5

#6

#7

#8

#9

#10

#11#12#13#14#15#16#17#18

కొంతమంది హీరోలను చూడగానే లవర్ బాయ్ ట్యాగ్ ఇచ్చేయాలని అనిపించేస్తుంది. అలాంటి హీరోలలో అబ్బాస్ ఒకరు. అవును.. అబ్బాస్ లవర్ బాయ్ గా పాపులర్ అయ్యాడు. ఆ ఇమేజ్ కోసం అతను ట్రై చేయలేదు. ప్రేక్షకులే అబ్బాస్ కి లవర్ బాయ్, హ్యాండ్సమ్ అంటూ కితాబులు ఇచ్చేశారు. అలా ఒకప్పుడు లవర్ బాయ్‌గా అమ్మాయిల మనసు దోచేసిన అబ్బాస్ తమిళ్ సినిమాలతో బాగా గుర్తింపు తెచ్చుకున్నారు. ఆ సినిమాలు తెలుగులో కూడా డబ్ అవ్వడంతో అతనికి ఇక్కడ కూడా క్రేజ్ ఏర్పడింది. ముఖ్యంగా ప్రేమదేశం సినిమాతో అబ్బాస్ కు విపరీతమైన క్రేజ్ ఏర్పడింది.

అప్పట్లో అబ్బాస్ కు హ్యాండ్సమ్ హీరోగా మంచి గుర్తింపు ఉండేది. వెస్ట్ బెంగాల్ లో పుట్టిన అబ్బాస్.. తమిళంలో హీరోగా మంచి పేరు సంపాదించుకోవడం విశేషం. అలాగే తెలుగులోనూ చాలా సినిమాలు చేసి అలరించాడు అబ్బాస్. అప్పటివరకూ మోడలింగ్ లో బిజీ అయిన అబ్బాస్.. ప్రేమదేశం సినిమాతో సినిమాల్లో డెబ్యూ చేశాడు. తొలి సినిమాతోనే ఇండియన్ బాక్సాఫీస్ ని బద్దలు కొట్టి, అందరి దృష్టిని ఆకర్షించాడు అబ్బాస్. అయితే గత కొంతకాలంగా అబ్బాస్ సినిమాలకు దూరం గా ఉంటున్నారు. అబ్బాస్ ప్రస్తుతం న్యూజిలాండ్ లో స్థిరపడిపోయారు.

అబ్బాస్ గురించి చాలా మందికి తెలుసు కానీ అతడి భార్య బిడ్డల గురించి చాలా మందికి తెలీదు. అబ్బాస్ బాలీవుడ్ నటి, ఫాషన్ డిజైనర్ ఇరుము ఆలీ ని వివాహం చేసుకున్నారు. ఆమె హీరోయిన్ గా పలు సినిమాల్లో నటించింది. అంతేకాకుండా అబ్బాస్ నటించిన ప్రతి సినిమాకు ఈమె ఫ్యాషన్ డిజైనర్ గా చేసింది. అలాగే అబ్బాస్ కి ఒక కుమార్తె ఉంది. ఆమె పేరు ఏమిరా అలీ. అబ్బాస్ కూతురు ఏమిరా చాలా అందం గా ఉన్నారు. ఆమె అందానికి స్టార్ హీరోయిన్స్ కూడా సరిపోరు. సోషల్ మీడియాలో అబ్బాస్ కూతురు ఏమిరా అలీ ఫోటోలు వైరల్ అవుతున్నాయి.

న్యూజిలాండ్ లో స్థిరపడిపోయి అక్కడ బాగా సంపాదిస్తున్నట్లు సోషల్ మీడియా ద్వారా అబ్బాస్ తన అభిమానులకు తెలియజేశారు. పెళ్లి తర్వాత చాలా కాలంగా మీడియాకి దూరంగా ఉంటూ వస్తున్న అబ్బాస్ ఇటీవల తన ఫ్యామిలీతో కలిసి దిగిన ఫోటోలను ఈ మధ్య కాలంలో షేర్ చేశాడు. దీంతో అతడి కుమార్తె ఫోటోలు సోషల్ మీడియా లో వైరల్ గా మారాయి. ఈ అమ్మాయి ఇండస్ట్రీలోకి హీరోయిన్ గా అడుగుపెడితే కచ్చితంగా స్టార్ హీరోయిన్ అయిపోతుంది అని అనుకుంటున్నారు అబ్బాస్ ఫాన్స్.

టాలీవుడ్ స్టార్ హీరోయిన్ నటి సమంత చాలా రోజుల నుంచి బయట కనిపించలేదు. ఆమెకు మయోసైటిస్ వ్యాధి వచ్చిందని చెప్పిన తర్వాత సమంత బయటకు రాలేదు. అయితే తాజాగా ఆమె నటించిన యశోద చిత్రం విడుదలై సూపర్ హిట్ అయ్యింది. మరోవైపు సమంత ఆరోగ్యం గురించి సోషల్ మీడియాలో వార్తలు విపరీతంగా వచ్చాయి. సామ్ తన ప్రాజెక్టుల నుంచి తప్పుకుందని, ఇక మీదట సినిమాలు చేయదని చాలా వార్తలు వచ్చాయి. అయితే వీటిపై సమంత ఎప్పుడూ స్పందించలేదు.

అయితే తాజాగా ముంబై ఎయిర్పోర్ట్ లో కనిపించి తన గురించి వస్తున్న పుకార్లకు చెక్ పెట్టింది సామ్. ముంబై ఎయిర్ పోర్ట్ లో వైట్ అండ్ వైట్ డ్రెస్ లో నల్ల కళ్లద్దాలు పెట్టుకొని చేతిలో బ్యాగ్ తో స్టైయిల్ గా నడుస్తూ కనిపించింది సమంత. చాలా రోజుల తర్వాత ఆమె బయట కనిపించడంతో సెల్ఫీలు దిగేందుకు అభిమానులు వెంట పడ్డారు. అయితే ఎప్పుడు బయట కనిపించినా నవ్వుతూ ఫోటోగ్రాఫర్ లతో సరదాగా మాట్లాడే సమంత ఇప్పుడు కనీసం కెమెరాల వైపు కూడా చూడకుండా సైలెంట్ గా వెళ్లిపోవడం గమనార్హం. ఆమె మొఖం కూడా చాలా నీరసంగా కనిపిస్తోంది.

మయోసైటిస్ వల్ల సమంత చాలా బలహీనంగా మారిపోయిందా అంటూ కామెంట్స్ చేస్తున్నారు నెటిజన్స్. ‘ఫ్యామిలీ మ్యాన్’ వెబ్ సిరీస్ తో బాలీవుడ్ లో కూడా బాగా పాపులర్ అయింది సమంత. ఈ నేపథ్యంలోనే బాలీవుడ్ స్టార్ హీరో వరుణ్ ధావన్ తో ‘సిటాడెల్’ సిరీస్ లో నటించడానికి ఓకే చెప్పింది సమంత. అయితే ఇటీవలే ఆమె ఆ సిరీస్ నుంచి తప్పుకున్నట్టు కూడా వార్తలు హల్చల్ చేశాయి. కానీ ఆ ప్రాజెక్టుకు సంబంధించి సామ్ ముంబై వచ్చినట్లు తెలుస్తోంది. సమంత ముంబై ఎందుకొచ్చింది అనే దానిపై మీడియా అడిగిన ప్రశ్నలకు కూడా సమాధానం చెప్పకుండా వెళ్లిపోయింది సమంత.

ఇకపోతే.. గుణ శేఖర్‌ దర్శకత్వంలో రూపుదిద్దుకున్న శాకుంతలం సినిమా ఫిబ్రవర్‌ 17వ తేదీన విడుదల చేయనున్నారు. అయితే సమంత ఇటీవలే ‘శాకుంతలం’ సినిమా డబ్బింగ్ ను ప్రారంభించాను అని ఓ పోస్ట్ పెట్టింది. మహాభారతంలోని ఆదిపర్వంలో శకుంతల, దుష్యంతుల ప్రేమకథ ఆధారంగా ఈ సినిమాను అత్యంత ప్రతిష్టాత్మకంగా తెరకెక్కిస్తున్నారు. ఈ సినిమాలో సామ్‌ శకుంతలగా నటిస్తుండగా, దుష్యంతుడిగా మలయాళ నటుడు దేవ్‌ మోహన్‌ కనిపించనున్నారు.

రాయలసీమ ఫ్యాక్షన్ బ్యాక్‌డ్రాప్‌తో ఇప్పటివరకు బాలయ్య నటించిన సినిమాలు అన్ని సువర్ హిట్స్ అన్న విషయం తెల్సిందే. ఇప్పుడు తనకు కలిసొచ్చిన అదే జోనర్ లో సంక్రాంతి బరిలో నిలిచారు బాలకృష్ణ. నందమూరి బాలకృష్ణ లీడ్ రోల్ పోషించిన ‘వీరసింహా రెడ్డి’ మూవీ రిలీజ్‌కి సిద్ధమవుతోంది. గోపీచంద్ మలినేని దర్శకత్వంలో తెరకెక్కిన ఈ సినిమాలో బాలకృష్ణకి జోడీగా శృతి హాసన్ నటించింది. అలానే విలన్‌గా కన్నడ నటుడు దునియా విజయ్ నటించాడు.

ఇప్పటికే విడుదలైన పాటలు, టీజర్స్‌తో సినిమాపై అంచనాలు పతాక స్థాయికి చేరాయి. జనవరి 12న సంక్రాంతి కానుకగా ఈ సినిమాని రిలీజ్ చేయబోతున్నారు. అయితే ఈ మూవీ ప్రీరిలీజ్ ఈవెంట్‌ ఒంగోలులోని త్రోవ గుంట స‌మీపంలో ఉన్న అర్జున్ ఇన్‌ఫ్రాలో శుక్రవారం జరిగింది. ఈ మేరకు ఏపీ ప్రభుత్వం నుంచి అనుమతి కూడా లభించింది. దాంతో ఈ ఈవెంట్‌లోనే ట్రైలర్‌ని సరిగ్గా రాత్రి 8:17 నిమిషాలకి రిలీజ్ చేసారు. మైత్రీ మూవీ మేకర్స్ ఈ సినిమాని నిర్మించిన విషయం తెలిసిందే.

నందమూరి బాలకృష్ణ హీరోగా రాయలసీమ ఫ్యాక్షన్ బ్యాక్‌డ్రాప్‌తో వచ్చిన సినిమాలు చాలా వరకూ హిట్ అయ్యాయి. దాంతో ఈ సినిమాపై కూడా చిత్ర యూనిట్ పూర్తి విశ్వాసంతో ఉంది. వీరసింహా రెడ్డి టైటిల్‌ లాంచ్ కార్యక్రమాన్ని కర్నూలులోని కొండారెడ్డి బురుజు వద్ద నిర్వహించిన దర్శకుడు గోపీచంద్ మలినేని.. ప్రీరిలీజ్ ఈవెంట్‌ని ఒంగోలులోనే నిర్వహించాలని పట్టుబట్టినట్లు తెలుస్తోంది.

తమన్ సంగీత దర్శకత్వం వహించిన ఈ చిత్రం లో ఇప్పటికే పలు పాటలను విడుదల చేసారు. ఈ సినిమా నుంచి ప్రమోషన్‌లో భాగంగా ఇప్పటికే జై బాలయ్య అంటూ ఓ పాట విడుదలవ్వగా ఇక లేటెస్ట్‌‌గా రెండో సింగిల్ సుగుణ సుందరి లిరికల్ సింగిల్ విడుదలై మంచి రెస్పాన్స్‌ను దక్కించుకుంది. అలాగే మా బావ మనోభావాలు అని సాగే ప్రత్యేక గీతం కూడా రిలీజ్ చేయగా ఈ సాంగ్స్ అన్ని ట్రెండింగ్ లో దూసుకుపోతున్నాయి. అయితే తాజాగా ఈ రిలీజ్ అయిన ట్రైలర్ పై నెట్టింట పలు మీమ్స్ వైరల్ అవుతున్నాయి. వాటిపై ఓ లుక్కేయండి..

#1

#2#3#4#5#6#7#8

#9#10#11#12#13#14#15#16#17#18

watch video :

దర్శకుడు గుణశేఖర్ ది ఓ విభిన్న ఆలోచనా విధానం. నలుగురు నడిచిన బాట నడిచే దర్శకుడు కారు. తన ఆలోచన తనదే. కళ్ల ముందు విజువల్ వండర్ ను ఆవిష్కరించాలనుకుంటారు. కానీ ఎక్కడో మిస్ ఫైర్ అవుతుంటుంది. అందుకే ఆయన పెద్ద స్టార్స్ తో సినిమాలు కూడా ఫ్లోప్స్ అయ్యాయి. తర్వాత చారిత్రక నేపథ్యం లో వచ్చిన రుద్రమదేవి చిత్రం మాత్రం బాక్స్ ఆఫీస్ వద్ద పాస్ అయ్యింది. అయితే ఆ చిత్రం తర్వాత మరో చిత్రం చెయ్యలేదు గుణశేఖర్.

అయితే చాలా కాలం తర్వాత స్టార్ హీరోయిన్ సమంత తో ‘శాకుంతలం’ సినిమాని ప్రకటించారు. ఈ చిత్రం ఫిబ్రవరి లో ప్రేక్షకుల ముందుకు రానుంది. ఈ చిత్రం పురాణాల ఆధారం గా రానుంది. పాన్‌ ఇండియా మూవీగా రూపొందుతోన్న ఈ చిత్రాన్ని దిల్‌రాజు సమర్పణలో డిఆర్‌పి-గుణా టీమ్‌ వర్క్స్‌ పతాకంపై గుణశేఖర్‌ కుమార్తె నీలిమ గుణ నిర్మిస్తున్నారు. ఈ చిత్రంలో మలయాళ హీరో దేవ్‌ మోహన్‌ దుష్యంతుడుగా నటిస్తున్నారు. ఈ చిత్రం లో అల్లు అర్జున్ కుమార్తె అల్లు అర్హ కూడా నటిస్తోంది. ఈమె చిన్నప్పటి శకుంతల పాత్రలో నటించింది.

ఈ చిత్రాన్ని పురాణాల నేపథ్యం లో తీయనున్నట్లు తెలిసిందే. అయితే ఇందులో కథని మార్చేందుకు వీలు లేదు. దుష్యంతుడు అనే రాజు..అడవికి వెళ్లాడు. అక్కడ శాకుంతలముల చేత పెంచబడిన శాకుంతలను చూసి మోహించాడు. గాంధర్వ వివాహం చేసుకుని, ఉంగరం చేతిలో పెట్టి వెళ్ళిపోయాడు. ఆ ఉంగరం కాస్తా పోయింది. మొహం గుర్తు లేదు ఉంగరం తప్ప. అంతే శకుంతలను నువ్వెవరో తెలియదన్నాడు. తరువాత మొత్తానికి కథ సుఖాంతమైంది. ఇదే కథని ప్రేక్షకులకు నచ్చేలా గుణశేఖర్ ఎలా తీస్తాడన్నదే ప్రశ్న.

ఈ కథకు ఎమోషన్లు, రొమాన్స్ యాడ్ చేయగలరేమో కానీ పురాణ కథను పక్కదారి అయితే పట్టించలేరు. ఇక మిగిలినంతా విజువల్ గ్రాండియర్ మాత్రమే. కానీ ఒకటే సమస్య. బాహుబలి..ఆర్ఆర్ఆర్..అవతార్ వంటి చిత్రాలను చూసిన ప్రేక్షకులను మెప్పించడం కష్టమే. మనకు ఈ సినిమాలో తెలిసింది సమంత మాత్రమే. పాటలు ఇప్పటివరకు బయటకు రాలేదు కనుక వేచి చూడాలి. మొత్తం మీద గుణశేఖర్ ఈసారి ఏం చేస్తారో అనే ఆసక్తి ఇండస్ట్రీ వర్గాల్లో నెలకొంది.

ప్రస్తుతం చిత్రపరిశ్రమలో రీ రిలీజ్ ట్రెండ్ నడుస్తున్న సంగతి తెలిసిందే. స్టార్ హీరో ల పుట్టినరోజు.. స్పెషల్ డేస్ సందర్భంగా పలు హిట్ చిత్రాలను మళ్లీ ప్రేక్షకుల ముందుకు తీసుకువస్తున్నారు. ఇప్పటికే ఒక్కడు, జల్సా, ఖుషి, నువ్వే నువ్వే వంటి హిట్ చిత్రాలు మళ్లీ విడుదలై మంచి వసూళ్లు రాబట్టాయి. అయితే తాజాగా ఒక నెటిజన్ దర్శకుడు కృష్ణ వంశీ ని ‘సింధూరం’ సినిమాని రీ రిలీజ్ చెయ్యమని అడిగాడు. దానికి కృష్ణ వంశీ ఇచ్చిన రియాక్షన్ ప్రస్తుతం వైరల్ గా మారింది.

మాస్ మాహారాజా రవితేజ, సంఘవి, బ్రహ్మాజీ ప్రధాన పాత్రలలో నటించిన చిత్రం సింధూరం. నక్సలిజం బ్యాక్ డ్రాప్ తో న్యాచురల్ గా తెరకెక్కించిన ఈ సినిమా 1997 సెప్టెంబర్ 12న విడుదలై పాజిటివ్ రివ్యూస్ సొంతం చేసుకుంది. కానీ బాక్సాఫీస్ వద్ద మాత్రం ఆశించినంత స్థాయిలో ఆకట్టుకోలేకపోయింది. ఫలితంగా భారీగా నష్టాలు మిగిల్చింది. అయితే దానికి ముందు వచ్చిన నిన్నే పెళ్లాడతా చిత్రం సూపర్ హిట్ కావడం తో దాని ప్రభావం కూడా ఈ చిత్రం పై పడింది.

కృష్ణవంశీ మొదటి చిత్రం ‘గులాబీ’ తో అందరి మనసులు దోచుకున్నాడు. తర్వాత వచ్చిన నిన్నే పెళ్లాడుతా చిత్రం సూపర్ హిట్ కావడంతో అతడితో సినిమా చేసేందుకు స్టార్ హీరోలు క్యూ కట్టారు. కానీ కృష్ణవంశీ ‘సింధూరం’ కథని కృష్ణవంశీ నమ్మాడు. కానీ అతని అంచనాలు తలకిందులయ్యాయి. ఈ చిత్రానికి ఒక ప్రొడ్యూసర్ గా కూడా వ్యవహరించాడు కృష్ణవంశీ. దీంతో ఈ మూవీ మిగిల్చిన నష్టాల్ని తీర్చేందుకు కృష్ణవంశీకి ఐదేళ్లు పట్టిందట. ఇదే విషయాన్ని ఈ డైరెక్టర్ తాజాగా మరోసారి గుర్తు చేసుకున్నాడు.

ఇక తాజాగా ఓ నెటిజన్ ట్విట్టర్ వేదికగా.. “కృష్ణవంశీ గారు ఒక్కసారి సింధూరం సినిమా రిలీజైతే నా లాంటి చాలామంది 4 షోస్ చూడటానికి సిద్ధంగా ఉన్నాము సార్.. ..”నా జీవితంలో నేను చూసిన గొప్ప సినిమా సిందూరం”..మరణం లోపు మరల మరల చూడాలనిపించిన చిత్రం, వినాలి అనిపించే సంగీతం. ” అంటూ ట్వీట్ చేశారు. అయితే అతడి రిక్వెస్ట్ కు కృష్ణవంశీ స్పందించారు. “అమ్మో ఈ సినిమా కోసం చేసిన అప్పులు ఐదేళ్లు కట్టానయ్యా.. వామ్మో..” అంటూ దండం పెట్టేశాడు. ప్రస్తుతం వీరిద్దరి ట్వీట్స్ వైరలవుతున్నాయి. ప్రస్తుతం కృష్ణవంశీ రంగమార్తాండ చిత్రాన్ని రూపొందిస్తున్నారు. ఇందులో విలక్షణ నటుడు ప్రకాష్ రాజ్, రమ్యకృష్ణ, లెజెండరీ కమెడియన్ బ్రహ్మానందం, అనసూయ ప్రధాన పాత్రలలో నటిస్తున్నారు.

కరోనా నుంచి కోలుకున్న తర్వాత ఈ ఏడాది ఫిల్మ్ ఇండస్ట్రీ పెద్ద పెద్ద హిట్‌లతో విజృంబించిందనే చెప్పాలి. కాకపోతే అందులో కొంత మందికి నిరాశ కలిగితే..మరికొంత మంది మాత్రం హిట్ కొట్టి దిల్ ఖుష్ అయ్యారు. ఈ ఏడాది సినిమాల జోరుతో పాటు.. కాంట్రవర్సీల హోరు కూడా పెరిగింది. 2022 సౌత్ సినిమాకి వివాదాల సంవత్సరం గా కూడా మారిపోయింది. ఇక ఈ ఏడాది సౌత్ సినిమాలో ఏర్పడ్డ వివాదాలేంటో ఇప్పుడు చూద్దాం..

#1 అజయ్ దేవగణ్ – సుదీప్ లాంగ్వేజ్ వార్

ఈ ఏడాది జరిగిన వివాదాల్లో పెద్దది లాంగ్వేజ్ వార్. బాలీవుడ్ నటుడు అజయ్ దేవగణ్, కన్నడ నటుడు కిచ్చ సుదీప్ కి మధ్య జరిగింది ఈ వివాదం. ఓ ఈవెంట్ లో హిందీ జాతీయ భాష కాదు అని అన్నాడు సుదీప్. దీంతో ఈ వివాదం మొదలైంది. అజయ్ దేవగణ్ సుదీప్ కి ఒక ప్రశ్న ఎదురైంది..’ నీ సినిమాలు ఎందుకు హిందీలో దుబ్ చేస్తున్నావ్ అని..’. దీంతో గొడవ పెరిగి పెద్దదైంది. సౌత్ నుంచి తీవ్ర వ్యతిరేకత రావడంతో అజయ్ దేవగన్ క్షమాపణలు చెప్పడంతో వివాదం ముగిసింది.

#2 సాయి పల్లవి

సాయి పల్లవి చాలా కచ్చితం గా మాట్లాడుతుంది. ఏ విషయాన్ని అయినా ముక్కు సూటిగా చెప్తుంది. ఇంతవరకు ఆమె ఏ వివాదాల్లోనూ చిక్కుకోలేదు. కానీ కాశ్మీర్ మారణ హోమాన్ని, ఆవుల స్మగ్లింగ్ లో జరిగిన హత్యలతో పోలుస్తూ మాట్లాడగా నెటిజన్లు ఆగ్రహం వ్యక్తం చేసారు. దాంతో ఆమె వివరణ ఇవ్వాల్సి వచ్చింది.

#3 నయనతార- విగ్నేష్ సరోగసీ

ఈ ఏడాది జూన్ లో పెళ్లి చేసుకున్న నయనతార దంపతులు.. అక్టోబర్ లో పిల్లలు పుట్టారంటూ ప్రకటించారు. అయితే వీరు సరోగసీ ద్వారా పిల్లల్ని కన్నారని తెలిసింది. అయితే సరోగసీ ని తమిళనాడు లో నిషేధించారు. దాంతో వీరు నిబంధనలకు విరుద్దంగా సరోగసీ చేశారంటూ.. విమర్షలు గుప్పుమన్నాయి. దాంతో తమిళ ప్రభుత్వం దీనీపై విచారణకు ఆదేశించింది. వీరిద్దరూ 2015లోనే పెళ్లి చేసుకున్నారని, మార్గదర్శకాలను పాటించారని ప్రభుత్వానికి సమర్పించిన నివేదికలో వెల్లడైంది. దాంతో ఈ వివాదం సర్దుమణిగింది.

#4 కాంతార

ఈ ఏడాది అందర్నీ ఆకట్టుకున్న చిత్రం కాంతార. పాన్ ఇండియా రేంజ్ లో సూపర్ హిట్ అయ్యింది ఈ చిత్రం. అలాగే కొన్ని వివాదాల్లో కూడా చిక్కుకుంది. సినిమాలో దళితుల ప్రాతినిధ్యాన్ని ప్రశ్నించడం తో పాటు, స్త్రీ విద్వేషపూరిత సన్నివేశాలు ఉన్నాయంటూ ఎన్నో వివాదాలు ఎదుర్కొన్నారు నిర్మాతలు. అలాగే సినిమాకి హైలైట్ అయిన వరాహ రూపం పాట కూడా తమ సాంగ్ కి కాపీ అని కేరళ కు చెందిన ఒక మ్యూజిక్ బ్యాండ్ కేసు వేసింది. కానీ కోర్ట్ ఈ కేసు ని కొట్టేసింది.

#5 లైగర్

విజయ్ దేవరకొండ, పూరి కాంబినేషన్ లో భారీ అంచనాల మధ్య విడుదలైన ఈ చిత్రం ప్లాప్ అయ్యింది. దీంతో నిర్మాత ఛార్మి సోషల్ మీడియా నుంచి బ్రేక్ తీసుకుంది. మరో వైపు పలువురు రాజకీయనాయకులు ఈ చిత్రం లో నల్లధనం పెట్టుబడి పెట్టినట్లుగా ఆరోపణలు రావడంతో మేకర్స్ వివాదాల్లో పడ్డారు. ఈ కేసు ఇంకా నడుస్తోంది.

#6 అజిత్ – విజయ్ సినిమాల వివాదం

సంక్రాంతికి విడుదల కానున్న దళపతి విజయ్ వారసుడు, అజిత్ తునివు మధ్య వివాదం నడుస్తోంది. అయితే ఈ రెండు చిత్రాలకు సమానంగా థియేటర్లు కేటాయించారు. కానీ వారసుడు నిర్మాత ‘దిల్ రాజు’ విజయ్ .. అజిత్ కంటే పెద్ద స్టార్ కాబట్టి ఇంకా ఎక్కువ స్క్రీంలు ఇవ్వాలని అడుగుతా అని అనడంతో వివాదం మొదలైంది. అయితే దీనిపై దిల్ రాజు వివరణ ఇచ్చారు.

#7 రిషబ్ శెట్టి – రష్మిక వివాదం

రష్మిక మందన్న ఓ వివాదంలో చిక్కుకున్నారు. ఇది దేశంలోనే చర్చనీయాంశం అయ్యింది. రష్మిక కాంతారను చూడలేదని మరియు ఒక ఇంటర్వ్యూలో రిషబ్ శెట్టిపై అనుచితంగా మాట్లాడిందంటూ.. సోషల్ మీడియాలో ట్రోల్ ఫేస్ చేసింది రష్మిక. అంతే కాదు కన్నడాలో లైఫ్ స్టార్ట్ చేసిన రష్మిక, తన మాతృ భాషకు అన్యాయం చేస్తుందంటూ..కన్నడిగులు మండి పడ్డారు. దానిపై వివరణ ఇచ్చేనందుకు ట్రై చేసింది రష్మిక.

#8 కన్నడ హీరో దర్శన్

ఇక కన్నడ స్టార్ హీరో దర్శన్ ఈ ఏడాది రెండు వివాదాల్లో చిక్కుకున్నాడు. మొదట భరత్ అనే నిర్మాతను బెదిరించినందుకు దర్శన్‌పై పోలీసు కేసు నమోదైంది. ఆ తర్వాత తన క్రాంతి సినిమాను ప్రమోట్ చేస్తున్నప్పుడు అదృష్ట దేవిపై షాకింగ్ కామెంట్స్ చేశాడు. దాంతో ఈ కామెంట్స్ సోషల్ మీడియాలో పెద్ద దుమారానికి దారితీసింది, చాలా మంది అతని వ్యాఖ్యలపై మండిపడ్డారు. ఇక ఆతరువాత జరిగిన క్రాంతి ఆడియో ఈవెంట్ లో దర్శన్ కర్ణాటకలోని హోసపేటలో ఉన్నప్పుడు, పునీత్ రాజ్‌కుమార్ అభిమాని అతనిపై చెప్పు విసిరాడు.ఇది ఇప్పటికీ సర్ధుమనగలేదు.

#9 మమ్ముట్టి

మలయాళంలో కూడా కొన్ని వివాదాలు నమోదు అయ్యాయి. దర్శకుడిని మలయాళ మెగాస్టార్ మమ్ముట్టి అనుచితంగా మాట్లాడటం దుమారం రేపింది. యంగ్ డైరెక్టర్ ను పట్టుకుని.. నెత్తిమీద జుట్టు లేదు కాని.. తెలివైన వాడు అంటూ.. మమ్ముట్టి మాట్లాడటంతో దూమారం రేగింది. దాంతో మమ్ముట్టి.. ఈ విషయంలో వివరణ ఇచ్చారు.

మెగాస్టార్ చిరంజీవి సెకండ్ ఇన్నింగ్స్ తర్వాత ఎప్పుడు లేనంత స్పీడ్ గా వరుస సినిమాలు ప్రకటిస్తూ మెగా ఫ్యాన్స్ ను సర్ప్రైజ్ చేస్తున్నాడు.. మరో వైపు వాల్తేరు వీరయ్య సినిమాలో మాస్ మహారాజ్ రవితేజతో తెరపంచుకోనుండటం ఆసక్తికరంగా మారింది. బాబీ దర్శకత్వంలో చిరంజీవి చేస్తున్నఈ సినిమాలో రవితేజ ముఖ్య పాత్రలో కనిపించనున్నారు.

ఈ సినిమాలో శృతి హాసన్ హీరోయిన్ గా నటిస్తోంది. మైత్రి మూవీ మేకర్స్‌ నిర్మించిన ఈ చిత్రం సంక్రాంతికి ప్రేక్షకుల ముందుకి రానుంది. ఇప్పటికే విడుదల చేసిన టైటిల్‌ టీజర్‌ నెట్టింట్లో హల్‌ చల్ చేస్తోంది. చిరంజీవి మాస్‌ అవతార్‌లో అందరినీ ఎంటర్‌టైన్‌ చేయనున్నట్టు టీజర్‌తో చెప్పేశాడు డైరెక్టర్‌. అయితే ఈ చిత్రం నుంచి సెకండ్ సాంగ్ రిలీజ్ చేసారు.

ఈ కలర్ఫుల్ రొమాంటిక్ డ్యూయెట్ లో చిరంజీవి, శృతి హాసన్ లుక్స్ బావున్నాయి. ఫ్రాన్స్ లో దట్టమైన మంచులో ఈ సాంగ్ ని షూట్ చేసారు. విజువల్స్ బావున్నాయి. ఈ సాంగ్ కి కూడా దేవి శ్రీ ప్రసాద్ నే లిరిక్స్ ఇచ్చారు. అయితే ఇప్పటివరకు వాల్తేరు వీరయ్య టైటిల్ చూసిన వాళ్లంతా చిరు ప‌క్కా మాస్ అవ‌తార‌మే ఇది అనుకున్న వాళ్ల‌కు ఈ సాంగ్ వ‌చ్చాక ఇందులో క్లాస్ లుక్ కూడా ఉంటుంద‌న్న నిర్ణ‌యానికి వ‌చ్చేశారు.

అయితే ఈ సాంగ్ లో చిరు లుక్స్, స్టెప్స్ బావున్నాయి కానీ లిరిక్స్, ట్యూన్ అంత బాగోలేవు. ఇంతకు ముందు వచ్చిన ‘ బాస్ పార్టీ’ సాంగ్ లో కూడా లిరిక్స్ ట్యూన్ బాగోలేదన్న విమర్శలు వచ్చాయి. ‘శ్రీ దేవి చిరంజీవి’ సాంగ్ ట్యూన్, లిరిక్స్ కాపీ అని అంటున్నారు నెటిజన్లు. ఖైదీ నెంబ‌ర్ 150 సినిమాలోని ‘ సన్న జాజిలా పుట్టేసిందిరో మల్లె తీగల చుట్టేసిందిరో..సుందరి’ పాట స్టైల్లో ఉంద‌ని అంటున్నారు. దేవీ ఇక మార‌డ్రా బాబోయ్ అంటున్నారు అంటూ కామెంట్లు పెడుతున్నారు. దానికి సంబంధించిన ఒక వీడియో ని నెట్టింట వైరల్ చేస్తున్నారు ప్రేక్షకులు.

watch video:

https://www.instagram.com/reel/CmbTt1Hoqex/?igshid=YmMyMTA2M2Y=

మెగాస్టార్ చిరంజీవి సెకండ్ ఇన్నింగ్స్ తర్వాత ఎప్పుడు లేనంత స్పీడ్ గా వరుస సినిమాలు ప్రకటిస్తూ మెగా ఫ్యాన్స్ ను సర్ప్రైజ్ చేస్తున్నాడు.. మరో వైపు వాల్తేరు వీరయ్య సినిమాలో మాస్ మహారాజ్ రవితేజతో తెరపంచుకోనుండటం ఆసక్తికరంగా మారింది. బాబీ దర్శకత్వంలో చిరంజీవి చేస్తున్నఈ సినిమాలో రవితేజ ముఖ్య పాత్రలో కనిపించనున్నారు. ఈ సినిమాలో శృతి హాసన్ హీరోయిన్ గా నటిస్తోంది.

అయితే వాల్తేరు వీరయ్య చిత్ర ప్రమోషన్స్ ని వేగవంతం చేసింది టీం. ఇప్పటికే విడుదలైన పాటలు.. వీడియోలకు మంచి రెస్పాన్స్ వచ్చింది. అయితే చిరంజీవిని పక్కా మాస్ లుక్ తో చూడాలని కొంతకాలం నుంచి ఆయన అభిమానులు కోరుకుంటున్నారు. అలాగే ఈ చిత్రం లో చిరు ని అలాగే చూపించబోతున్నాడు దర్శకుడు బాబీ. ‘వాల్తేరు వీరయ్య’.. సముద్రం నేపథ్యంలో .. జాలరి గూడెం బతుకుల చుట్టూ తిరిగే కథ. అయితే ఈ చిత్రంసెన్సార్ పూర్తి చేసుకుంది. దాంతో పాటు రన్ టైమ్ ఎంతనేది మూవీ మేకర్స్ ఈ మూవీ సెన్సార్ సర్టిఫికేట్‌ను మీడియాకు విడుదల చేశారు.

వాల్తేరు వీరయ్యకు సెన్సార్ వాళ్లు U/A సర్టిఫికేట్ జారీ చేసారు. సెన్సార్ వాళ్ల టాక్ బట్టి ఈ సినిమా ఔట్ అండ్ ఔట్ మాస్ ఓరియంటెడ్‌గా చిరు అభిమానులు పండగ చేసుకునేలా ఉందనే టాక్ వినిపిస్తోంది. తాజా అప్‌డేట్ ప్రకారం వాల్తేరు వీరయ్య రన్‌ టైం ఎంతనేది కూడా క్లారిటీ వచ్చేసింది. ఈ చిత్రం రన్‌ టైం 2 గంటల 40 నిమిషాలు. అంటే 160 నిమిషాలు. ఈ లెక్కన సిల్వర్ స్క్రీన్‌పై చిరంజీవి, రవితేజ, శృతిహాసన్‌ టీం ఎంటర్‌ టైన్‌ మెంట్‌ మామూలుగా ఉండదని తెలిసిపోతుంది.

ప్రస్తుతం వస్తున్న కమర్షియల్ మూవీస్ అన్నీ 150 నిమిషాల లోపే వస్తున్నాయి. కానీ ఈ మాస్ ఎంటర్టైనర్, వినోదం మేళవించిన ఈ చిత్రం పై నమ్మకం ఉంచారు మేకర్స్. ఈ సినిమాలో ఓ కీలక పాత్ర పోషించాడు రవితేజ. సెకండాఫ్ లో ఇతడి పాత్ర చాలా ఎమోషనల్ గా సాగుతుందట. అలా రవితేజ పాత్ర నిడివి పెరిగింది. ఫలితంగా రన్ టైమ్ ఎక్కువైంది. కానీ సినిమా మీద నమ్మకం తో చిరు, మేకర్స్ అదే రన్ టైం తో ముందుకు వెళ్లాలని భావిస్తున్నారు. మరి ఈ రన్ టైం ఈ చిత్రానికి ప్లస్ అవుతుందో.. లేదో చూడాలి..