Viral

మెగాస్టార్ చిరంజీవి నటిస్తున్న లేటెస్ట్ మూవీ వాల్తేరు వీరయ్య. బాబీ దర్శకత్వంలో తెరకెక్కుతోన్న ఈ సినిమా మాస్ మసాలా ఎంటర్టైనర్ గా రాబోతుంది. ఈ సినిమాలో శ్రుతి హాసన్ హీరోయిన్ గా నటిస్తోంది. ఇక ఈ సినిమా షూటింగ్ శరవేగంగా జరుగుతోంది. ఇప్పటికే ఈ సినిమా నుంచి విడుదలైన పోస్టర్లు, టైటిల్ టీజర్, సాంగ్స్ ప్రేక్షకులను విపరీతంగా ఆకట్టుకున్నాయి.

అయితే తాజాగా వాల్తేరు వీరయ్య సినిమాకు సంబంధించి.. ప్రత్యేక కార్యక్రమాన్ని నిర్వహించింది చిత్రబృందం. ఓడ రేవు సెట్ వద్దకు మీడియాను ఆహ్వానించారు. ప్రీ రిలీజ్ ఈవెంట్ కు కొన్నిరోజుల ముందు ఇలా ప్రెస్ మీట్ పెట్టింది. అయితే మెగాస్టార్ చిరంజీవి వీరయ్య సినిమా చూసి.. వచ్చారు. ఈ సినిమాపై సంతృప్తి వ్యక్తం చేశారు. ఆనందం లోపల నుంచి తన్నుకొస్తుందని మెగాస్టార్ అన్నారు. రవితేజ మాత్రం ఈ ఫంక్షన్ లో ఏం మాట్లాడలేదు. 2 ముక్కలు కూడా మాట్లాడను.. అన్ని ముక్కలూ ప్రీ రిలీజ్ ఫంక్షన్ లోనే అంటూ చెప్పారు.

అయితే ఈ చిత్రం గురించి చిరు చేసిన వ్యాఖ్యలు నెట్టింట వైరల్ గా మారాయి. ఒక విలేఖరి ఇది మీరు ఇంతకు ముందు చేసిన వాటిలాగా రొటీన్ మాస్ చిత్రమా అని అడగ్గా..చిరు స్పందిస్తూ.. “అవును ఇది రొటీన్ మాస్ ఎంటర్టైన్మెంట్ సినిమానే.. అలాగే మీరు రాసుకోండి..కానీ సినిమా చూసాక మీరు షాక్ అవుతారు…” అని అన్నారు. అయితే చిరు చేసిన వ్యాఖ్యలతో ఫాన్స్ నిరుత్సాహపడ్డారు. చిరంజీవే సినిమా గురించి ఇటువంటి వ్యాఖ్యలు చేస్తే జనాలు కూడా సినిమా చూడరు కదా.. ఎందుకు బాసూ ఇలాంటి కామెంట్స్ చేస్తున్నావ్ అని ఫీల్ అవుతున్నారు మెగా ఫాన్స్.

మెగాస్టార్ చిరంజీవి, మాస్ మహారాజ్ రవితేజతో కలిసి మాస్ జాతర చేయడానికి సిద్దమవుతున్నాడు. చిరు వింటేజ్ లుక్ లో దర్శనమిస్తూ వస్తున్న తాజా చిత్రం ‘వాల్తేరు వీరయ్య’. ఈ మూవీలో రవితేజ ఒక పవర్‌ఫుల్ పోలీస్ ఆఫీసర్ పాత్రలో కనిపించబోతున్నాడు. మైత్రి మూవీ మేకర్స్ భారీ బడ్జెట్ తో నిర్మిస్తున్న ఈ చిత్రం సంక్రాంతి కానుకగా రానుంది. దేవిశ్రీ ప్రసాద్ సంగీతం అందిస్తున్నాడు.ఇక ఇప్పటికి ఈ మూవీ నుంచి ‘బాస్ పార్టీ’, ‘చిరంజీవి-శ్రీదేవి’, ‘వీరయ్య’ సాంగ్స్ రిలీజ్ కాగా.. చార్ట్‌బస్టర్‌గా నిలిచాయి.

బాలకృష్ణ హోస్ట్ గా అన్ స్టాపబుల్ విత్ ఎన్.బి.కె వస్తున్న సంగతి తెలిసిందే. ఈ ప్రోగ్రాంకి ప్రభాస్ అతిథిగా వస్తున్నారు. ఈ ఎపిసోడ్ ఇవాళ విడుదల చేశారు. ఇందులో ప్రభాస్ తో పాటు గోపీచంద్ కూడా వస్తున్నారు. వీరిద్దరూ చాలా సంవత్సరాల నుండి స్నేహితులు. ఈ ఎపిసోడ్ రెండు భాగాలుగా విడుదల అవుతుంది. ఇవాళ మొదటి భాగం విడుదల చేశారు.

ఇందులో ప్రభాస్ ఇప్పటి వరకు ఎక్కడా మాట్లాడని చాలా విషయాల గురించి మాట్లాడారు. అయితే ఆహా యాప్ క్రాష్ అయింది అని సోషల్ మీడియా ద్వారా చెప్పారు. ఇది చూస్తే ప్రభాస్ కి ఏ రేంజ్ క్రేజ్ ఉంది అనే విషయం అర్థం అవుతోంది.

ఈ ప్రోగ్రాంలో ప్రభాస్ సినిమాల గురించి అలాగే వ్యక్తిగత జీవితానికి సంబంధించిన కొన్ని విషయాల గురించి మాట్లాడారు. ప్రభాస్ ని ఇలా బయట ఇంటర్వ్యూలలో చూసి చాలా కాలం అయ్యింది. సినిమా ప్రమోషన్ లో భాగంగా ఇంటర్వ్యూలు ఇచ్చారు అయినా కూడా అందులో ఎక్కువ సినిమా కి సంబంధించిన విషయాలు మాత్రమే మాట్లాడారు. ఇలా సరదాగా ప్రభాస్ మాట్లాడడం చూసి చాలాకాలం అయ్యింది. దాంతో చాలామంది ఈ ఇంటర్వ్యూ కోసం ఆసక్తిగా ఎదురు చూస్తున్నారు. ఇప్పుడు ఈ విషయం పై సోషల్ మీడియాలో ట్రెండ్ అవుతున్న కొన్ని మీమ్స్ ఇవే.

#1

#2#3#4#5#6#7#8#9#10#11#12#13#14#15#16#17#18

ప్రస్తుతం నెట్టింట కొన్ని ఫోటోలు వైరల్ అవుతున్నాయి. ఆ ఫోటోలని చూసిన కొందరు ప్రభాస్ ఫాన్స్ ఆశ్చర్య పోతున్నారు. అసలు ఎవరీ వ్యక్తి..?? సేమ్ మన డార్లింగ్ ప్రభాస్ లాగ ఉన్నాడే అని షాక్ అవుతున్నారు. దీంతో అసలు ఈయన ఎవరు.. ఎక్కడివాడు.. ప్రభాస్ లా ఎందుకున్నాడు అంటూ నెట్టింట సెర్చింగ్ స్టార్ట్ చేసారు ఫాన్స్.

ఇంతకీ తెలిసిందేంటంటే.. ఆ ఫొటోల్లోని వ్యక్తి పేరు ఆశిష్ కపూర్. ఆయన బాలీవుడ్ నటుడు. ఆయన పలు సూపర్ హిట్ హిందీ సీరియల్స్ లో నటించారు. అంతే కాకుండా ఆయన పలు సినిమాల్లో నటించారు. ఒక సినిమాకి ప్రొడ్యూసర్ గా కూడా చేసారు. ఆశిష్ కపూర్ సోషల్ మీడియా లో చాలా ఆక్టివ్ గా ఉంటారు. ఈయనకి ఫాన్స్ కూడా చాలా ఎక్కువగా ఉంటారు. ఆయన తన వర్క్ అవుట్ ఫోటోలు, ఇంకా పర్సనల్ ఫోటోలు సోషల్ మీడియాలో షేర్ చేస్తూ ఉంటారు.

దీంతో ఆయన ఫోటోలు చూసిన ప్రభాస్ ఫాన్స్ కొన్ని యాంగిల్స్ లో ఆయన ప్రభాస్ లా ఉన్నాడంటూ ఫోటోలు వైరల్ చేస్తున్నారు. ప్రభాస్ ప్రస్తుతం సాలార్, ఆది పురుష్ చిత్రాల్లో నటిస్తున్నారు. దాని తర్వాత ప్రాజెక్ట్ కె కూడా లైన్ లో ఉంది. వీటన్నిటిని ప్రభాస్ ఎప్పుడు పూర్తి చేస్తాడా అని ఫాన్స్ ఆతృతగా ఎదురుచూస్తున్నారు. ప్రస్తుతం ప్రభాస్ క్రేజ్ మాములుగా లేదు. ఆయన నటిస్తున్న అన్నీ సినిమాలు తెలుగు, తమిళ, కన్నడ, మలయాళ, హిందీ భాషల్లో కూడా విడుదల అవుతున్నాయి.

తాజాగా ప్రభాస్ ఆహా ఓటీటీలో వస్తున్నా అన్ స్టాపబుల్ షోకి వచ్చారు. దీనికి హోస్ట్ గా బాలయ్య ఇరగదీస్తున్నాడు. ఈ షో లో ప్రభాస్, తన స్నేహితుడు గోపీచంద్ తో కలిసి పాల్గొన్నాడు. తాజాగా దీనికి సంబంధించిన గ్లిమ్ప్స్ కూడా విడుదల చేసారు. దీంతో ప్రభాస్ ఫాన్స్ పండగ చేసుకుంటున్నారు. మరో వైపు బాహుబలి తర్వాత ప్రభాస్ నటించిన చిత్రాలన్నీ ఆశించినంత గా ఆడకపోవడం తో రానున్న చిత్రాల గురించి ప్రభాస్ ఫాన్స్ ఆతృతగా ఎదురు చూస్తున్నారు.

గత కొంతకాలంగా అనారోగ్య సమస్యలతో బాధపడుతూ అపోలో హాస్పిటల్ లో చికిత్స తీసుకుంటున్న కైకాల సత్యనారాయణ.. శుక్రవారం ఉదయం స్వర్గస్తులయ్యారు. ముఖ్యంగా ఈయన మరణం సినీ ఇండస్ట్రీకి తీవ్ర దిగ్భ్రాంతిని మిగిల్చింది. దాంతో ఫిలింనగర్ లో తీవ్ర విషాద ఛాయలు అలుముకున్నాయి. ఈ క్రమంలోనే కైకాల కు సంబంధించిన ఆస్తుల గురించి వార్తలు ఇప్పుడు ఇండస్ట్రీలో హాట్ టాపిక్ గా మారాయి. మరి కైకాల సత్యనారాయణ 60 సంవత్సరాల సినీ జీవిత కాలంలో ఎంత డబ్బు సంపాదించారు అనేది ఇప్పుడు చూద్దాం..

దివంగత నటుడు ఎన్టీఆర్ తో సమానంగా సాంఘిక, జానపద, పౌరాణిక, చారిత్రక సినిమాలలో నటించి ప్రశంసలు అందుకున్న కైకాల సత్యనారాయణ విలనిజంతో తనదైన ముద్ర వేశారు. ముఖ్యంగా యముడు పాత్ర అంటే అభిమానులకు వెంటనే గుర్తుకు వచ్చే పేరు కైకాల. అందరి హీరోల సరసన విలన్ గా చేసి నటసార్వభౌముడిగా కీర్తి గడించారు. దాదాపు 776 సినిమాలలో నటించి రికార్డు నెలకొల్పిన కైకాల సత్యనారాయణ గత కొంతకాలంగా సినిమాలకు దూరంగా ఉన్నారు.

కైకాల కు హైదరాబాద్, చెన్నై లలో రెండు ఇళ్ళు ఉన్నాయి. రెండు ఖరీదైన కార్లు కూడా ఉన్నాయి .ముఖ్యంగా వాటిల్లో ఒకటి మెర్సిడెస్ బెంజ్ జి ఎల్ సి క్లాస్ కాగా.. మరొకటి ఇన్నోవా క్రిష్టా.. ఈ రెండింటి ధర అక్షరాల రూ.96 లక్షలు. హైదరాబాద్ గచ్చిబౌలి ప్రాంతంలో నాగార్జున రెసిడెన్సి లో 1 .47 కోట్ల విలువైన ఫ్లాట్ ఉన్నట్లు సమాచారం.

మొత్తంగా కైకాలకు 40 కోట్ల విలువైన ఆస్తులు మాత్రమే ఉన్నట్లు తెలుస్తోంది. గతేడాది కైకాలకు తీవ్ర అనారోగ్య సమస్యలు రావడంతో ఆంధ్ర ప్రదేశ్ ప్రభుత్వం ఆయన వైద్య ఖర్చులకు సహాయం అందించిన విషయం తెలిసిందే. అయితే ఇంతకు మించి కైకాల తన సినీ జీవితం లో పెద్దగా ఆస్తులు కూడబెట్టలేదని తెలుస్తోంది.

నందమూరి బాలకృష్ణ యాంకర్ హోస్ట్ గా అన్‌స్టాపబుల్ విత్ NBK అనే షో వస్తున్న సంగతి తెలిసిందే. ఇందులో ఎంతో మంది సినీ ప్రముఖులు అతిథులుగా వచ్చారు. ఎంతో మంది స్టార్ హీరోలు కూడా ఈ ప్రోగ్రాంకి వచ్చి ఎన్నో విషయాలని ప్రేక్షకులకి చెప్పారు. ఇప్పుడు ఈ షో రెండవ సీజన్ కూడా వచ్చింది. ఇందులో కూడా మొదటి సీజన్ లాగానే ఎంతో మంది ప్రముఖులు వచ్చి మాట్లాడారు.

అయితే ఇప్పుడు ఈ షోకి పవర్ స్టార్ పవన్ కళ్యాణ్ వస్తున్న సంగతి తెలిసిందే. పవన్ కళ్యాణ్ తో పాటు దర్శకుడు క్రిష్ జాగర్లమూడి కూడా ఈ ప్రోగ్రాంకి వస్తున్నారు. ఈ ఎపిసోడ్ షూటింగ్ ఇవాళ జరిగింది. ఆ ఫోటోలు ఇప్పటికే సోషల్ మీడియాలో వైరల్ అవుతున్నాయి. అయితే ఈ ప్రోగ్రాంలో అసలు బాలకృష్ణ పవన్ కళ్యాణ్ ని ఎటువంటి ప్రశ్నలు అడిగి ఉంటారు అనే ఆసక్తి అందరిలో నెలకొంది. ఇందులో బాలకృష్ణ పవన్ కళ్యాణ్ ని ఇవే ప్రశ్నలు అడిగారు అంటూ కొన్ని వార్తలు వస్తున్నాయి.

ఈ ప్రోగ్రాంలో బాలకృష్ణ పవన్ కళ్యాణ్ తో మాట్లాడుతూ రాజకీయాలకు సంబంధించిన కొన్ని ప్రశ్నలు అడిగారు అని సమాచారం. 2014లో జరిగిన సంఘటనకు సంబంధించి ప్రశ్నలు అడిగారు అనే వార్తలు వస్తున్నాయి. అలాగే పవన్ కళ్యాణ్ చేసిన కొన్ని కామెంట్స్ కి సంబంధించి కూడా ప్రశ్నలు అడిగారు అని అంటున్నారు. వాటికి పవన్ కళ్యాణ్ తనదైన స్టైల్ లో సమాధానం చెప్పారట. అలాగే ఇప్పటి వరకూ తన వ్యక్తిగత జీవితం గురించి పవన్ కళ్యాణ్ పెద్దగా ఎక్కడా మాట్లాడలేదు.

ఇప్పుడు ఈ షోలో పవన్ కళ్యాణ్ తన వ్యక్తిగత జీవితానికి సంబంధించిన విషయాలు కూడా చెప్పారు. చిరంజీవి, నాగబాబు, పవన్ కళ్యాణ్ కి మధ్య జరిగిన సమస్యల గురించి కూడా బాలకృష్ణ అడిగారు అని సమాచారం. మరి ఇందులో ఎంతవరకు నిజం ఉందో తెలియాలి అంటే ఎపిసోడ్ వచ్చే అంతవరకు ఆగాల్సిందే. అలాగే ప్రముఖ హీరో సాయి ధరమ్ తేజ్ కూడా ఈ ప్రోగ్రాం లో కాల్ లో మాట్లాడతారట. ప్రస్తుతం పవన్ కళ్యాణ్ హరిహర వీరమల్లు సినిమా షూటింగ్ లో ఉన్నారు.

సాధారణంగా సినిమా ఇండస్ట్రీలో స్టార్ హీరోలను దేవుళ్లుగా చూస్తూ.. వారికీ నచ్చేనందుకు శతవిధాలా ప్రయత్నిస్తుంటారు టెక్నిషియన్లు. అందుకే వీలు కుదిరినప్పుడల్లా వారిని పొగడటమే పనిగా పెట్టుకుంటారు. ముఖ్యం గా సినిమా ఆడియో ఫంక్షన్లు, ప్రీ రిలీజ్ ఈవెంట్లలో హీరోల మీద చేసే భజనలు, కీర్తనలు ఒక్కోసారి హద్దులు దాటుతుంటాయి. కొందరు వారి మీద అవాజ్యమైన ప్రేమని కురిపిస్తూ ఉంటారు.

అయితే తాజాగా చెన్నై లో విజయ్ ‘ వారిసు’ ప్రీ రిలీజ్ ఈవెంట్ జరిగింది. ఈ చిత్రానికి వంశి పైడిపల్లి దర్శకుడు. ఆ ఫంక్షన్ లో నిర్మాత దిల్ రాజు విజయ్ సూపర్ స్టార్, అతడే నెంబర్ వన్ అని చెప్పాడు. అలాగే హీరోయిన్ రష్మిక మందన్న కూడా తలపతి విజయ్ కి నేను పెద్ద ఫ్యాన్ ని అని చెప్పింది. సంగీత దర్శకుడు తమన్ కూడా అదే పంథా ని కొనసాగిస్తూ తాను విజయ్ కి లైఫ్ టైం అభిమానిని అని చెప్పాడు. అయితే ఈ విషయం పై నెటిజన్లకు అడ్డం గా దొరికి పోయాడు తమన్. నిర్మాతని, హీరోయిన్ ని వదిలేసి తమన్ ని టార్గెట్ చేసారు ట్రోలర్స్.

తమన్‌ ఈ మధ్య స్టార్ హీరోలందరితోనూ పని చేస్తున్నారు. చిరంజీవి, బాలయ్య, పవన్ కళ్యాణ్ ఇలా అందరితోనూ పని చేశాడు. అయితే ఈ సినిమాల సమయంలో తమన్ చేసిన వ్యాఖ్యలు ఇప్పుడు మళ్లీ చర్చకు దారి తీస్తున్నాయి. చిరు తో పని చేసేటపుడు చిరు ఫ్యాన్ ని అని ట్వీట్ చేసాడు తమన్, అలాగే పవన్ తో పని చేసినపుడు కూడా ట్వీట్ చేసాడు. తర్వాత తాను తమిళ్ హీరో అజిత్ కి పెద్ద ఫ్యాన్ ని అని.. అతడితో పని చేయడం కోసం ఎదురుచూస్తున్నట్లు ట్వీట్ చేసాడు. ఇప్పుడు విజయ్ గురించి కూడా లైఫ్ టైం ఫ్యాన్ ని అంటూ ట్వీట్ చేయడంతో నెటిజన్లు తమన్ పై ట్రోల్స్ ఎక్కుపెట్టారు.

అతడు గతం లో చేసిన ట్వీట్స్ అన్ని తీసి.. అందరికీ ఫ్యాన్‌వా నువ్వు.. ఎందుకు ఇలా ఓవర్‌గా మాట్లాడతావ్‌.. అంటూ తమన్‌ను ట్రోల్ చేస్తున్నారు. ప్రస్తుతం తమన్ బాలకృష్ణ ‘వీర సింహ రెడ్డి’, విజయ్ ‘ వారసుడు’ చిత్రాలకు సంగీతం అందిస్తున్నాడు. ఈ రెండు చిత్రాలు సంక్రాంతి బరిలో ఉన్నాయి. ఇప్పటికే విడుదలైన ఈ చిత్రాల్లోని పాటలు ప్రేక్షకులను అలరిస్తున్నాయి.

Thaman anna being die hard fan of the respective actor at the respective event pic.twitter.com/uItBIaGnQX

— Michael Corleone (@sidddhuuuuu) December 25, 2022

టాలీవుడ్ ఇండస్ట్రీ లో అమల- నాగార్జున బెస్ట్ కపుల్ గా పేరు తెచ్చుకున్నారు. పెళ్లి తర్వాత అమల సినిమాలకు దూరం అయ్యారు. అయితే సెకండ్ ఇన్నింగ్స్ లో తల్లి పాత్రల్లో నటిస్తున్నారు. మరోవైపు అమలకు మూగజీవులంటే ఎంతో ప్రేమ అన్న విషయం తెలిసిందే. సినిమాలనుంచి విరామం తీసుకున్న తర్వాత బ్లూ క్రాస్ ద్వారా జంతువులకు ఉపయోగపడే ఎన్నో కార్యక్రమాలను చేస్తున్నారు అమల.

బ్లూ క్రాస్ తీసుకున్న బాధ్యత వల్ల సినిమాలలో ప్రస్తుతం జంతువులకు సంబంధించిన ఏవైనా సన్నివేశాలు ఉంటే ఆ సన్నివేశాలను గ్రాఫిక్స్ లో షూట్ చేస్తున్నారు. అయితే అమల చాలా సంవత్సరాల క్రితం దాఖలు చేసిన పిటిషన్ వల్ల వీధి కుక్కలను మనుషులు చంపకూడదు అనే తీర్పు వచ్చింది. దాని వల్ల కుక్కలను చంపడం తగ్గింది. అయితే కొన్ని ప్రాంతాలలో వీధికుక్కల వల్ల సామాన్య ప్రజలు, చిన్నపిల్లలు ఇబ్బందులు పడుతున్నారు.

తాజాగా ఒక వ్యక్తి వీధి కుక్కల వల్ల ఇబ్బందులు పడుతున్నామంటూ..జీహెచ్ఎంసి వారిని సంప్రదించగా.. అమల వేసిన పిటిషన్ వల్ల ఈ విషయం లో తాము ఏం హెల్ప్ చేయలేమని ఆయన పేర్కొన్నారు. దీంతో ఆ వ్యక్తి ” మధ్యతరగతి వారిని మీ భార్య ఎందుకు వేధిస్తోంది. ఆ కుక్కలను మీ ఇంటి ముందు పడేస్తే మా బాధ మీకు తెలుస్తుంది” అంటూ నాగార్జునకు ట్వీట్ చేసారు. ఈ ట్వీట్ కి పలువురు మద్దతుగా కామెంట్లు చేస్తున్నారు.

నిజానికి చాలా చోట్ల వీధి కుక్కల బెడద ఉంది. చాలా ప్రాంతాల్లో వీధి కుక్కల వల్ల పసికందులు మరణించడం, పాదచారులు తీవ్రంగా గాయపడటం వంటి వాటిని మనం చూస్తున్నాం. కానీ కుక్కలని కాపాడే క్రమం లో వాటి నుంచి మనుషులకు రక్షణ కల్పించాలి కదా… వాటిని ఏవైనా హోమ్స్ లో పెట్టి సంరక్షించాలి కదా..వాక్సిన్ వేయించి వాటిని వీధుల్లో వదిలేస్తే సరిపోతుందా అని నెటిజన్లు ఫైర్ అవుతున్నారు.

యంగ్ హీరోలకు పోటీగా నందమూరి నటసింహం బాలకృష్ణ యాక్షన్ ఓరియెంటెడ్ సినిమాలు చేస్తున్నారు. ఇటీవల అఖండ సక్సెస్ తో రికార్డులు తిరగ రాసిన బాలయ్య. ఇప్పుడు మరో మాస్ సినిమాతో ప్రేక్షకుల ముందుకు రాబోతున్నారు. నటసింహం నందమూరి బాలకృష్ణ హీరోగా, గోపీచంద్ మలినేని దర్శకుడిగా తెరకెక్కుతున్న మాస్ యాక్షన్ ఎంటర్టైనర్ ‘వీరసింహ రెడ్డి’. మైత్రి మూవీ మేకర్స్ ఈ చిత్రాన్ని నిర్మిస్తున్నారు. శృతి హాసన్ కథానాయిక. ఈ చిత్రం సంక్రాంతికి ప్రేక్షకుల ముందుకు రావడానికి సిద్ధమవుతోంది. దీంతో చిత్ర యూనిట్ ప్రమోషన్స్ వేగవంతం చేసింది.

బాలయ్య 107 చిత్రం గా రాబోతున్న ‘వీర సింహ రెడ్డి’ లో హానీ రోజ్, వరలక్ష్మీ శరత్ కుమార్, కన్నడ స్టార్ దునియా విజయ్, మలయాళ నటుడు లాల్, నవీన్ చంద్ర, మురళీ శర్మ, ఈశ్వరీ రావు తదితరులు ఇతర ముఖ్య పాత్రలు పోషిస్తున్నారు. ఈ చిత్రం ప్రకటించినప్పటి నుంచే ఫాన్స్ ఈ చిత్రం పై బోలెడు ఆశలు పెట్టుకున్నారు. ఇప్పటికే రిలీజ్ చేసిన పోస్టర్స్, వీడియోలు ఈ వీర సింహా రెడ్డిపై హైప్ పెంచేశాయి.

ఇప్పటికే వరుస అప్ డేట్స్ తో ఫాన్స్ లో పూనకాలు తెప్పిస్తున్నారు మేకర్స్. ఇప్పటికే ఈ చిత్రం నుంచి ‘జై బాలయ్య’, ‘సుగుణ సుందరి’ పాటలు విడుదల చేయగా అవి ట్రెండింగ్ లో దూసుకుపోతున్నాయి. తమన్ బాణీలకు, శృతి హాసన్ తో స్టెప్పులు వేస్తూ బాలయ్య ఫుల్ ఎనర్జీ తో కనిపిస్తున్నారు. ఈ రెండు పాటలు ఇప్పటికే హైప్ పెంచేసాయి.

అయితే తాజాగా ఈ చిత్రం నుంచి మూడో పాటను విడుదల చేసారు మేకర్స్. ఈ చిత్రం లోని ప్రత్యేక గీతం అయిన “మా బావ మనోభావాలు దెబ్బతిన్నాయే”.. అంటూ సాగే గీతాన్ని విడుదల చేసారు. మాస్ ని ఉర్రుతలూగించేలా ఉన్న ఈ పాటని రామజోగయ్య శాస్త్రి రాయగా.. శేఖర్ మాస్టర్ కొరియోగ్రఫీ చేస్తున్నారు. ఈ పాట లో బాలయ్య హీరోయిన్ హనీ రోజ్, చంద్రిక రవి తో కలిసి స్టెప్పులేశారు.

అయితే ఈ సాంగ్ పై నెట్టింట పలు మీమ్స్ వైరల్ అవుతున్నాయి.. వాటిపై ఓ లుక్కేయండి..

#1

#2#3#4#5#6#7#8#9#10

watch video :

హీరో విశాల్ తమిళం లో ఎంత పాపులర్ అయ్యాడో.. తెలుగు లో కూడా అంతే క్రేజ్ ఉంది. పందెం కోడి, పొగరు వంటి సినిమాల్లో తెలుగు లో తన మార్కెట్ పెంచుకున్నాడు విశాల్. విశాల్ ప్రతి సినిమా తెలుగు లో కూడా విడుదల వుంటూ ఉంటుంది. అయితే కెరీర్ ఆరంభం లో ఉన్నా జోరు విశాల్ ఇప్పుడు చూపించలేకపోతున్నాడు. విశాల్ కి మంచి హిట్ వచ్చి చాలా కాలమే అయ్యింది.

విశాల్ తాజాగా ‘లాఠీ’ చిత్రం తో ప్రేక్షకుల ముందుకి వచ్చాడు. తొలి షో నుంచే లాఠీ చిత్రానికి మిక్స్డ్ టాక్ మొదలైంది. తొలిరోజు లాఠీ చిత్రానికి చాలా తక్కువ ఓపెనింగ్స్ వచ్చాయి. వాస్తవానికి ఈ సినిమా కు తెలుగు రాష్ట్రాల్లో రూ 4 కోట్ల వరకు ప్రీ రిలీజ్ బిజినెస్ జరిగింది. కానీ రెండు రాష్ట్రాల్లో ఈ చిత్రం కేవలం 65 లక్షల గ్రాస్ మాత్రమే రాబట్టింది.వాస్తవానికి విశాల్ కు మినిమం రేంజ్ వసూళ్ళు వస్తాయి. ఇక శుక్రవారం నాడు తెలుగు సినిమా లు 18 పేజెస్ మరియు ధమాకా రిలీజ్ ఉండటం వల్ల వసూళ్ళు మరింత తగ్గిపోయే అవకాశం ఉందని అంటున్నారు.

కానీ దీనికి కారణం నెగటివ్ పబ్లిసిటీ అంటున్నారు సినీ విశ్లేషకులు. విశాల్ గురించి గత కొన్ని రోజులుగా ఆంధ్రప్రదేశ్ లో చర్చ జరుగుతోంది. విశాల్ కుప్పం నుంచి పోటీ చేయనున్నట్లు వార్తలు వచ్చాయి. అదే విధం గా విశాల్ తాను పవన్ కళ్యాణ్ ఫ్యాన్ అని, కానీ తన ఓట్ మాత్రం జగన్ కే అని అన్నాడు. దీంతో అతడికి నెగటివిటీ పెరిగిపోయింది. ఆ ఎఫెక్ట్ అతడి సినిమాపై పడిందని తెలుస్తోంది. ఫలితంగా లాఠీ చిత్రం తొలిరోజు బాక్సాఫీస్ వద్ద దారుణమైన నంబర్స్ నమోదు చేసుకుంది.

గతంలో ఇలాంటి పరిస్థితి హీరో నితిన్ నటించిన ‘మాచర్ల నియోజకవర్గం చిత్రానికి ఎదురైంది. ఆ చిత్ర దర్శకుడు శేఖర్ తాను రాజశేఖర్ రెడ్డి అభిమానిని అని చెప్పుకోవడంతో అతడి పాత వీడియో లు బయటకి వచ్చి పెద్ద రచ్చే జరిగింది. నితిన్ సినిమాపై నెగిటివ్ ప్రభావం చూపింది. నితిన్ గత సినిమాలతో పోలిస్తే ఈ చిత్రానికి సరైన ఓపెనింగ్స్ కూడా రాలేదు.

ఫిలిం ఫెడరేషన్ ఆఫ్ ఇండియా గుజరాతి చిత్రం ‘ చెల్లో షో’ ని 2023 ఆస్కార్ అకాడమీ అవార్డ్స్ కోసం నామినేట్ చేసింది. దీనిపై చాలా విమర్శలు వచ్చాయి. బాహుబలి చిత్ర డైరెక్టర్ రాజమౌళి తెరకెక్కించిన ‘ ఆర్ ఆర్ ఆర్ ‘ చిత్రాన్ని ఆస్కార్ కి పంపాలంటూ మొదటి నుంచి ఎన్నో విజ్ఞప్తులు వచ్చాయి. అదే కాకుండా వివేక్ అగ్నిహోత్రి తెరకెక్కించిన ‘ది కాశ్మీరీ ఫైల్స్’ చిత్రాన్ని కూడా నామినేట్ చెయ్యాలని కూడా చాలా మంది భావించారు. కానీ వీటన్నిటిని దాటుకొని ‘ చెల్లో షో’ నామినేట్ అయ్యింది.

అసలు భారత చిత్రాలు ఆస్కార్ బరిలో ఉండటం చాలా తక్కువ సార్లు చూస్తున్నాం. అయితే ఆస్కార్ కి వెళ్లే అంత కంటెంట్ ఉన్న చిత్రాలేవో ఇప్పుడు చూద్దాం..

#1 స్వాతి ముత్యం

దర్శకుడు కె. విశ్వనాధ్ తెరకెక్కించిన ఈ అద్భుత చిత్రాన్ని 1986 లో ‘ఉత్తమ విదేశీ చిత్రం’ కేటగిరీ లో భారత్ నుంచి పంపించారు. కానీ ఈ చిత్రం నామినేట్ కాలేదు.

#2 శంకరాభరణం

సంగీత ప్రాధాన్యత గల ఈ చిత్రాన్ని 1980 లో దర్శకుడు విశ్వనాధ్ తెరకెక్కించారు. ఈ చిత్రం లో సోమయాజులు, మంజు భార్గవి ప్రధాన పాత్రలు పోషించారు.

#3 రుద్రవీణ

కె బాలచందర్ తెరకెక్కించిన ఈ చిత్రం లో చిరంజీవి, శోభన కీలక పాత్రల్లో నటించారు. ఈ చిత్రం కూడా బావుంటుంది.

#4 భారతీయుడు

దర్శకుడు శంకర్ తెరకెక్కించిన ఈ చిత్రంలో సామాజిక బాధ్యత గురించి చెప్పారు. ఇందులో కమల్ హాసన్, మనీషా కొయిరాలా, ఊరిమిలా, సుకన్య కీలక పాత్రల్లో నటించారు.

#5 నాయకుడు
మణిరత్నం తెరకెక్కించిన ఈ చిత్రం లో కమల్ హాసన్ హీరో. దీనికి పలు జాతీయ అవార్డులు వచ్చాయి.

#6 జీన్స్

1998 లో వచ్చిన జీన్స్ చిత్రానికి శంకర్ దర్శకుడు. ఇందులో ప్రశాంత్, ఐశ్వర్య రాయ్ ముఖ్య పాత్రలు పోషించారు. ఎ. ఆర్. రెహమాన్ సంగీత దర్శకత్వం వహించాడు.

#7 అంజలి

మణిరత్నం నిర్మాత, దర్శకుడిగా తెరకెక్కించిన ఈ చిత్రం లో షామిలి, తరుణ్ బాల నటులుగా నటించారు.

#8 మహానటి

మహంతి సావిత్రి జీవితకథని దర్శకుడు నాగ్ అశ్విన్ తెరకెక్కించారు. ఇందులో సావిత్రి పాత్రలో కీర్తి సురేష్ నటించింది.

#9 రంగస్థలం

సుకుమార్ దర్శకత్వం లో రామ్ చరణ్ హీరోగా తెరకెక్కిన రంగస్థలం చిత్రం గ్రామీణ నేపథ్యం లో వచ్చి అందర్నీ ఆకట్టుకుంది.

#10 శ్యామ్ సింగ రాయ్

పిరియాడికల్ పవర్‌ఫుల్‌ యాక్షన్‌ డ్రామాగా రూపొందిన ఈ చిత్రాన్ని రాహుల్ సాంకృత్యాన్ తెరకెక్కించారు. ఈ చిత్రం లో నాని, సాయి పల్లవి, కృతి శెట్టి ప్రధాన పాత్రలలో నటించారు.

#11 బాహుబలి

దర్శక ధీరుడు రాజమౌళి తెరకెక్కించిన బాహుబలి చిత్రం ప్రపంచవ్యాప్తం గా తెలుగు చిత్ర ఖ్యాతిని ఎలుగెత్తి చాటింది. ఈ చిత్రం లో ప్రభాస్, అనుష్క, తమన్నా ప్రధాన పాత్రల్లో నటించారు.

#12 ఆర్ ఆర్ ఆర్

స్వతంత్ర సమరయోధులు అల్లూరి సీతా రామ రాజు, కొమరం భీం జీవితాల ఆధారంగా రాజమౌళి తెరకెక్కించిన ఈ చిత్రం ప్రస్తుతం ఆస్కార్ నామినేషన్స్ కి వెళ్లేందుకు ప్రయత్నాలు ప్రారంభించింది.