Anudeep

బాలయ్య వ్యాఖ్యాతగా ఆహాలో అన్ స్టాపబుల్ కార్యక్రమం ప్రసారమవుతున్న విషయం మనకు తెలిసిందే. బాలయ్య హోస్ట్ గా సెన్సేషన్ క్రియేట్ చేస్తున్న ఈ షో లో ఇప్పటికే పలువురు సెలెబ్రెటీలు గెస్టులు గా పాల్గొన్నారు. కాగా ఈ షో కి సంబంధించిన తాజా ప్రోమో ఒకటి రిలీజ్ చేసారు. ఇందులో గెస్ట్ గా పాన్ ఇండియా స్టార్ హీరో ప్రభాస్ పాల్గొన్నట్లు తెలుస్తోంది. దీంతో ఈ ప్రోమో వైరల్ గా మారింది.

సాధారణం గా ప్రభాస్ ఇలాంటి టాక్ షోలకు దూరంగా ఉంటాడు. తన సినిమా ఈవెంట్లకు తప్ప వేరే వాటికీ రారు. దీంతో ప్రభాస్ అభిమానులు చాలా సంతోషం వ్యక్తం చేస్తున్నారు. నిజానికి ప్రభాస్ ఫస్ట్ సీజన్ లోనే రావాల్సింది. కానీ బిజీ షెడ్యూల్స్ కారణం గా కుదరలేదని సమాచారం.. మొత్తానికి ప్రభాస్ కి ఇప్పుడు కుదిరింది.

అయితే ఈ షో లో పాల్గొన్న కొందరు ఫాన్స్ రిలీజ్ చేసిన ఫొటోస్, వీడియోస్ నెట్టింట వైరల్ అయ్యాయి. ఇందులో ప్రభాస్ ని చూసిన ఫాన్స్ షాక్ అవుతున్నారు. ఇటీవల ఈ ఎపిసోడ్ కూడా టెలికాస్ట్ అయ్యింది. గత కొంత కాలం గా ప్రభాస్ తలకు క్యాప్, కళ్ళ జోడు లేకుండా కనిపించట్లేదు. కానీ ఈ షో లో ప్రభాస్ ఎల్లో బ్లూ మల్టీ కలర్ షర్ట్ వేసుకొని.. సింపుల్ స్టైలిష్ లుక్ తో ఆకట్టుకున్నాడు.

దీంతో ప్రభాస్ లుక్ పై ఫాన్స్ నెట్టింట సెర్చ్ చెయ్యగా.. రెబల్ స్టార్ వేసుకున్నది.. ‘‘పోలో రాల్ఫ్ లారెన్ మెన్స్ మద్రాస్ బటన్ డౌన్ షర్ట్’’ ..దీని కాస్ట్ 115 పౌండ్స్.. మన ఇండియన్ కరెన్సీలో 11,618.09 రూపాయలు అని తెలిసి షాక్ అవుతున్నారు ఫాన్స్.. ఈ షో లో ప్రభాస్ తో పాటు గోపీచంద్ కూడా కలిసి పాల్గొన్నాడు. పాన్ వరల్డ్ స్టార్ ప్రభాస్, బాల కృష్ణ, గోపిచంద్ ఫ్యాన్స్‌తో పాటు ఆడియన్స్ అందరూ ఈ ఎపిసోడ్ ప్రోమో, స్ట్రీమింగ్ డేట్ కోసం ఈగర్‌గా వెయిట్ చేస్తున్నారు.

‘సీతా రామం’.. ఒక సాధారణ చిత్రంగా ఏ అంచనాలు లేకుండా విడుదలైందీ అద్భుతం. మంచి కథని ఎంతో సున్నితంగా తెరపై ఆవిష్కరించిన హను రాఘవపూడిపై అందరు ప్రశంసలు కురిపిస్తున్నారు. అద్భుతమైన కథతో పాటు హను రాఘవపూడి టేకింగ్ ఈ సినిమాను ఎక్కడికో తీసుకెళ్లాయి. సీత పాత్రలో మృణాల్ ఠాకూర్, రామ్ పాత్రలో దుల్కర్ సల్మాన్ ఒదిగిపోయారు.

అయితే ఈ చిత్ర కథ నిజం జరిగిందా అని కొందరు ప్రేక్షకులు చర్చించుకుంటున్నారు. ఇప్పుడు ఈ చిత్రానికి వెనుక ఉన్న కథను చూద్దాం..

ఈ చిత్రం రెండు టైం లైన్స్ లో నడుస్తుంది. 1960 లో, 1984 సంవత్సరాలలో నడుస్తుంది. ఈ చిత్రం లో కొన్ని పాత్రలు రామాయణం ఆధారం గా రాసుకున్నారు. సీతకి, రామ్ లెటర్ ని చేర్చే పాత్రలలో రష్మిక, తరుణ్ భాస్కర్ నటించారు. ఈ చిత్రం లోని చాలా సన్నివేశాలు నిజ జీవితం లోనివి అని దర్శకుడు హను రాఘవపూడి వెల్లడించారు. 2007 లో ఒక లైబ్రరీ లో ఆయన ఒక పుస్తకం చదువుతుంటే అందుకో ఒక పాత ఉత్తరం కనిపించింది అట. ఒక తల్లి హాస్టల్ లో ఉన్న తన కుమారుడి కోసం ఆ లెటర్ రాసిందని.. దాని నుంచే తనకు ఈ కథ ఆలోచన వచ్చిందని దర్శకుడు గతం లో తెలిపారు.

అలాగే ప్రిన్సెస్ నూర్జహాన్ పాత్ర కూడా..చరిత్రలోని ఒక వ్యక్తి ఆధారంగానే రాసుకున్నట్లు తెలుస్తోంది. చరిత్ర కారుల ప్రకారం 16 .వ శతాబ్దం లో ఢిల్లీ ని అక్బర్ పరిపాలించేవాడు. ఆయన దర్బారులో పని చేసే ఒక వ్యక్తి కుమార్తె పేరు మెహరున్నీసా. ఆమె కూడా అక్కడే పని చేస్తూ ఉండేది. అక్బర్ కుమారుడు సలీం ఆమెను చూసి ఇష్టపడతాడు. వారిద్దరూ పెళ్లి చేసుకోవాలి అనుకుంటారు. ఈ విషయం తెలుసుకున్న అక్బర్ ఆమెను వేరే వ్యక్తికి ఇచ్చి పెళ్లి చేస్తాడు.

తర్వాత అక్బర్ కొడుకు సలీం జహంగీర్  రాజు అవుతాడు. అప్పుడు మెహరున్నీసా భర్తను చంపేసి ఆమెను  పెళ్లి చేసుకుంటాడు. జహంగీర్ మెహరున్నీసాకు పెట్టుకున్న పేర్లలో ఒకటే నూర్జహాన్. తర్వాత జహంగీర్ చెడువ్యసనాలకు బానిస కావడంతో నూర్జహాన్ రాజ్యాన్ని పరిపాలిస్తుంది. అప్పుడే తన పేరుతో నాణేలను కూడా ముద్రిస్తుంది ఆమె. 16 శతాబ్దం లోని ఈమె ఒక శక్తివంతమైన మహిళగా చరిత్రలో నిలిచింది.

దళపతి విజయ్‌, రష్మిక మందన్న జంటగా నటిస్తున్న సినిమా ‘వారిసు’. ఈ చిత్రం తెలుగులో ‘వారసుడు’ పేరుతో విడుదల కాబోతుంది. ఈ చిత్రానికి వంశి పైడిపల్లి దర్శకత్వం వహించగా.. దిల్ రాజు నిర్మించారు. ఈ చిత్రం తో తమిళం లో దర్శకుడిగా ఎంట్రీ ఇస్తున్నాడు వంశీ పైడిపల్లి. నిర్మాత దిల్ రాజుకు కూడా తమిళ్‌లో ఇదే ఫస్ట్ ఫిల్మ్. ఇన్ని స్పెషాలిటీస్ ఉండటంతో ఎక్స్‌పెక్టేషన్స్ కూడా ఓ రేంజ్‌లో ఉన్నాయి.

ఇటీవలే విడుదలైన పాటలు, పోస్టర్లకు మంచి రెస్పాన్స్ వస్తోంది. ఈ చిత్రానికి థమన్ సంగీతం అందిస్తున్నారు. వారిసు రిలీజ్ పై ఒక వైపు వివాదాలు చుట్టుముడుతున్నా ..  మరో వైపు అంచనాలు పెరిగిపోతున్నాయి. అయితే తాజాగా రామ్ చరణ్‌ కోసం చెన్నైలో ఈ స్పెషల్ స్క్రీనింగ్ జరిగిందని తెలుస్తోంది. అయితే రామ్ చరణ్‌ సినిమాను చూసి ఫిదా అయ్యాడట. సూపర్‌గా ఉందని కాంప్లిమెంట్ ఇచ్చాడట. అయితే విజయ్ వారిసు సినిమాను చూసేందుకు ప్లాన్ చేసింది మాత్రం దిల్ రాజు అని తెలుస్తోంది.

ప్రస్తుతం దిల్ రాజు బ్యానర్‌లోనే శంకర్‌తో రామ్ చరణ్‌ సినిమా తీస్తున్నాడు. ఈ చిత్రాన్ని పాన్ ఇండియన్ రేంజ్‌లో ప్లాన్ చేశాడు. శంకర్ చిత్రానికి సంబంధించిన పనుల నిమిత్తమే అతను రీసెంట్‌గా చెన్నైలోని తమన్ రికార్డింగ్ స్టూడియోకు వెళ్లినట్లు తెలుస్తోంది. అయితే #RC15తో పాటు విజయ్ ‘వారిసు’ చిత్రానికి కూడా తమన్ మ్యూజిక్ అందిస్తున్నాడు. ఈ క్రమంలో తమన్ స్టూడియోకు వెళ్లినపుడు అక్కడే ఉన్న దిల్ రాజు.. చరణ్ కోసం ప్రత్యేకంగా ‘వారిసు’ ప్రైవేట్ స్క్రీనింగ్ ఏర్పాటు చేశాడట.

దీంతో ఈ సినిమాని చూసిన రామ్ చరణ్.. తనకు బాగా నచ్చడంతో మూవీ టీమ్‌‌ను అప్రిషియేట్ చేశాడని టాక్ వినిపిస్తోంది. అయితే ముందు వారసుడు సినిమా కథను మన మహేష్ బాబుకే చెప్పాడట దిల్ రాజు. కానీ మహేష్‌ బాబు బిజీగా ఉండటంతో కుదర్లేదట. ఆ తరువాత అదే కథను రామ్ చరణ్‌కి కూడా వినిపించాడట. కానీ శంకర్‌తో సినిమా ఉండటం, డేట్స్ లేకపోవడంతో విజయ్ వద్దకు వెళ్లిందని దిల్ రాజు ఇదివరకు వెల్లడించారు. అందుకే ప్రత్యేకం గా రామ్ చరణ్ కి ఈ చిత్రాన్ని చూపించినట్లు టాక్.

టాలీవుడ్‌కు ఈ ఏడాది బాగానే కలిసి వచ్చింది. చిన్న చిత్రాలు విజయం సాధించాయి. పెద్ద హీరోల చిత్రాలు బోల్తా కొట్టినా కూడా కొన్ని పర్వాలేదనిపించాయి. రాజమౌళి తన మ్యాజిక్ కంటిన్యూ చేశాడు. ఆర్ఆర్ఆర్ సినిమాతో బ్లాక్ బస్టర్ హిట్ కొట్టేశాడు. అయితే ప్రభాస్ రాధే శ్యామ్, చిరంజీవి ఆచార్య, విజయ్ లైగర్ సినిమాలు దెబ్బ కొట్టడంతో దారుణమైన పరిస్థితి ఏర్పడింది.

జనవరి నెలలో బంగార్రాజుతో హిట్ దశ మొదలైంది. డిసెంబర్‌లో ధమాకా, 18 పేజెస్ లతో హిట్లు ముగిశాయి. అలాగే డబ్బింగ్ చిత్రాలైన కేజీఎఫ్, కాంతార, విక్రమ్, చార్లీ, సర్దార్, తిరు వంటి చిత్రాలు సూపర్ హిట్స్ అందుకున్నాయి. అయితే ఈ ఏడాది తమ నటనతో ప్రేక్షకులను మైమరపించిన హీరోలెవరో చూద్దాం..

#1 రామ్ చరణ్

బాహుబలి తర్వాత రాజమౌళి తీసిన మరో అద్భుతమైన చిత్రం ఆర్ ఆర్ ఆర్. ఈ చిత్రం లో రామరాజు పాత్రలో పరకాయ ప్రవేశం చేసాడు రాంచరణ్.

#2 ఎన్టీఆర్

ఆర్ ఆర్ ఆర్ చిత్రం లో కొమురం భీం గా నటించి అందర్నీ ఆకట్టుకున్నాడు ఎన్టీఆర్.

#3 యష్

కేజీఎఫ్ తో కన్నడ చిత్ర ఖ్యాతి ఎల్లలు దాటింది. ఆ చిత్రం లో హీరోగా నటించి ఆకట్టుకున్నాడు యష్.

#4 దుల్కర్ సల్మాన్

ఈ ఏడాది వచ్చిన బెస్ట్ మూవీస్ లో సీతారామం ఒకటి. సైలెంట్ గా వచ్చి డీసెంట్ హిట్ కొట్టింది ఈ చిత్రం. పేరుకి మలయాళీ హీరో అయినా ఈ చిత్రం లో అద్భుతం గా నటించాడు దుల్కర్ సల్మాన్.

#5 కమల్ హాసన్

చాలాకాలం తర్వాత విక్రమ్ సినిమాతో సూపర్ హిట్ కొట్టాడు కమల్ హాసన్. ఈ చిత్రం లో ఆయన పాత్రే హైలైట్.

#6 అడివి శేష్

విలక్షణ నటుడు అడివి శేష్ ఈ సంవత్సరం రెండు హిట్స్ దక్కించుకున్నారు. మేజర్, హిట్ 2 చిత్రాలతో ఆయన ఆకట్టుకున్నారు.

#7 సత్యదేవ్

మంచి కంటెంట్ ఉన్న చిత్రాల్లో నటించి పేరు తెచ్చుకున్న సత్యదేవ్ ఈ సంవత్సరం ‘గాడ్ ఫాదర్’ చిత్రం లో తన అద్భుతమైన నటనతో ఆకట్టుకున్నారు.

#8 విజయ్ సేతుపతి

సైడ్ కేరెక్టర్లు వేస్తూ హీరోగా ఎదిగిన విజయ్ సేతుపతి విలన్ పాత్రల్లో కూడా నటించి తనను తాను ప్రూవ్ చేసుకుంటున్నారు. ఈ ఏడాది కమల్ హాసన్ విక్రమ్ చిత్రం లో ప్రతినాయకుడిగా నటించి మెప్పించారు.

#9 సిద్ధు జొన్నలగడ్డ

చాలా కాలం గా సరైన హిట్ కోసం ఎదురుచూస్తున్నా సిద్ధు డీజే టిల్లు చిత్రం తో సూపర్ హిట్ కొట్టారు. ఈ చిత్రం లో అద్భుతమైన నటనని కనబరిచాడు సిద్ధు.

#10 తిరువీర్

చాలా కాలం గా నెగటివ్ షేడ్స్ ఉన్న పాత్రల్లో నటిస్తున్న తిరువీర్ తొలిసారి మసూద చిత్రం లో పాజిటివ్ పాత్రలో నటించారు. ఈ చిత్రం లో తన నటనతో ఆకట్టుకున్నాడు తిరువీర్.

#11 రక్షిత్ శెట్టి

కన్నడ లో పలు సూపర్ హిట్ చిత్రాల్లో నటించి తెలుగు వారికి కూడా పరిచయం అయ్యాడు రక్షిత్ శెట్టి. ఈయన హీరోగా వచ్చిన చార్లీ చిత్రం లోని తన నటనతో అందరికి చేరువయ్యాడు.

#12 కార్తీ

విభిన్న కథాంశాలు ఎంచుకుంటూ వరుస సినిమాలు చేస్తున్న కార్తీ.. ఈ ఏడాది కూడా సర్దార్ సినిమాతో ప్రేక్షకులని అలరించాడు.

జబర్దస్త్ కమెడియన్ గా ఎంతో మంచి పేరు సంపాదించుకున్న కిరాక్ ఆర్పీ ఎంతో అభిమానాన్ని సంపాదించుకున్నారు. అనంతరం మల్లెమాల వారితో ఉన్న మనస్పర్ధల వల్ల జబర్దస్త్ కార్యక్రమాన్ని వదిలి బయటకు వచ్చారు. ఆ కార్యక్రమం నుంచి బయటకు వచ్చిన తర్వాత జబర్దస్త్ పై పలు రకాల విమర్శలు కూడా గుప్పించి వార్తల్లో నిలిచారు ఆర్పీ. జబర్దస్త్ కమెడియన్లలో చాలా మంది ఆర్పీ మాటలను కూడా తప్పు పట్టారు. ఆ తర్వాత జబర్దస్త్ లోకి అడుగు పెట్టలేదు ఆర్పీ.

ఆ తర్వాత ఈయన నెల్లూరు పెద్దారెడ్డి చేపల పులుసు పేరుతో ఒక రెస్టారెంట్ మొదలుపెట్టి అందరికీ షాక్ ఇచ్చారు. ఆర్ పీ రెస్టారెంట్ ను ఓపెన్ చేయడం ఏంటి అని కొంతమంది నెగటివ్ గా కామెంట్స్ కూడా చేసారు. కట్టెల పొయ్యి పై చేపల పులుసు వండే ఆ రెస్టారెంట్ లో రోజుకు రూ.2 లక్షల రూపాయల బిజినెస్ కూడా జరుగుతుందని సమాచారం. దీంతో ఆయన పెట్టుబడి మొత్తం తిరిగి వచ్చిందని తెలుస్తోంది. ప్రముఖ యూట్యూబ్ ఛానెళ్లు ఈ రెస్టారెంట్ కు ఊహించని స్థాయిలో ప్రమోషన్స్ చేయడం ఈ రెస్టారెంట్ పాలిట వరమైంది.

అయితే తక్కువ స్థలంలో రెస్టారెంట్ ను ఓపెన్ చేయడం కస్టమర్ల తాకిడి ఎక్కువగా ఉండటంతో ఈ రెస్టారెంట్ నిర్వహణ విషయంలో ఆర్పీ ఎన్నో ఇబ్బందులు పడ్డారు. కొన్ని మార్పులతో త్వరలో రెస్టారెంట్ ను మళ్లీ ఓపెన్ చేయాలని ఆర్పీ భావిస్తున్నారని సమాచారం. ముఖ్యంగా కిచెన్ యొక్క సామర్ధ్యాన్ని పెంచడంతో పాటు షాప్ కు కీలక మార్పులు చేసి మళ్ళీ రెస్టారెంట్ ఓపెన్ చేయాలని ఆయన భావిస్తున్నట్లు సమాచారం.

ప్రస్తుతం జనాల తాకిడి ఎక్కువ అవుతున్న నేపథ్యంలో వర్కర్లు, వంట మాస్టర్లను పెంచాల్సిన అవసరం ఉందని ఆ తప్పులను సరిదిద్దుకోవాల్సిన పరిస్థితి ఏర్పడింది కాబట్టి కొద్ది రోజులు తాత్కాలికంగా రెస్టారెంట్ ను ఆపాము అని ఆర్పీ తెలిపారు. ప్రస్తుతం అనుభవం ఉన్న వంట మాస్టర్లను హైదరాబాద్ తీసుకు వెళ్లడం కోసం ఆయన నెల్లూరు వచ్చి వెతుకుతున్నట్లు తెలుస్తోంది. ఈ నేపథ్యం లో ఆర్పీ రెస్టారెంట్ మళ్ళీ ఎప్పుడు తిరిగి అందుబాటులోకి వస్తుందో చూడాలి..

ఈ రోజుల్లో హీరో హీరోయిన్లకు ఎంత క్రేజ్ ఉందో.. వాళ్ల పిల్లలకు కూడా అదే స్థాయిలో ఇమేజ్ వచ్చేస్తుంది. దానికి కారణం వాళ్ల కడుపున పుట్టడమే. కావాలంటే చూడండి.. బాలీవుడ్‌లో ఐశ్వర్య రాయ్ కూతురు ఆరాద్య నుంచి టాలీవుడ్‌లో పవన్ కొడుకు అకీరా నందన్.. మహేష్ బాబు కూతురు సితార.. బన్నీ కూతురు అర్హ వరకు సోషల్ మీడియాలో సూపర్ స్టార్స్ అయిపోయారు. వారిపై ఉండే అట్టెన్షన్ అలాంటిది మరి.

తాజాగా ఒక స్టార్ హీరోయిన్ కుమార్తె ఫోటోలు కూడా సోషల్ మీడియా లో వైరల్ అవుతున్నాయి. అమ్మ నాన్న ఓ త‌మిళ అమ్మాయి చిత్రంతో తెలుగు తెర‌కు ప‌రిచ‌య‌మైన అందాల భామ అసిన్. గ‌జిని, శివ‌మ‌ణి, ల‌క్ష్మి న‌ర‌సింహా త‌దిత‌ర చిత్రాల్లో న‌టించిన అసిన్ పెళ్లి కావడంతో సినిమాలకు దూరం అయ్యింది. తక్కువ సమయం లోనే స్టార్ హీరోలందరి సరసన నటించింది అసిన్. నాగార్జునతో శివమణి.. పవన్‌తో అన్నవరం.. బాలయ్యతో లక్ష్మీ నరసింహా.. ఇలా తక్కువ టైమ్‌లోనే స్టార్ హీరోలందరినీ చుట్టేసింది అసిన్.

అమీర్ ఖాన్ గజినీ సినిమాతో బాలీవుడ్‌కు పరిచయం అయిన అసిన్.. ఆ తర్వాత 10 సినిమాల వరకు నటించింది. తర్వాత మైక్రోమాక్స్ మొబైల్స్ కో ఫౌండర్ రాహుల్ శర్మను 2016లో వివాహం చేసుకున్నారు అసిన్. పెళ్లి తర్వాత సినిమాలకు దూరం గా ఉన్నారు ఈ స్టార్ హీరోయిన్. అసిన్ గత కొంలతకాలంగా సోషల్ మీడియాలో యాక్టివ్‌గా లేదు. అయితే అప్పుడప్పుడు ఆమె తన భర్తకు సంబంధించిన ఫోటోలను షేర్ చేసేది.

అసిన్ కి ఒక కుమార్తె ఉంది. తన పేరు అరిన్. అయిదేళ్ల వయసున్న అరిన్ ఫోటోలు ఇప్పుడు సోషల్ మీడియాలో వైరల్ అవుతున్నాయి. ఈ పాపను చూస్తుంటే అచ్చంగా అసిన్‌ను చూస్తున్నట్లే ఉంది కదా అంటూ అభిమానులు కామెంట్ చేస్తున్నారు. సేమ్ టూ సేమ్ అమ్మ మాదిరే డ్రెస్సింగ్ చేసుకుని అరిన్ ఇచ్చిన పోజులు వైరల్ అవుతున్నాయి. బుట్టబొమ్మ లా ముద్దుగా ఉన్న అరిన్ ప్రస్తుతం అమ్మ లాగే డాన్స్ నేర్చుకుంటుంది.

రాధేశ్యామ్ తర్వాత ప్రభాస్ హీరోగా నటించిన చిత్రం ‘ఆది పురుష్’. రామాయణం ఆధారంగా తెరకెక్కిన ఈ చిత్రం లో ప్రభాస్ రాముడిగా, కృతి సనన్ సీతగా నటిస్తున్నారు. ఓమ్ రౌత్ దర్శకుడిగా రానున్న ఈ చిత్రం పై దేశవ్యాప్తం గా భారీ అంచనాలు ఉన్నాయి. ఇటీవల ఈ చిత్ర టీజర్ రిలీజ్ చెయ్యగా భారీగా ట్రోల్స్ వచ్చిన విషయం తెలిసిందే. రామాయణం మొత్తాన్ని మార్చి తీసారని దర్శకుడి పై విమర్శలు రావడం తో ఈ చిత్రాన్ని సంక్రాంతి బరిలో నుంచి తప్పిస్తూ జూన్ కి వాయిదా వేశారు.

అయితే ఈ సినిమా పోస్ట్ ప్రొడక్షన్ పనులు మరింత ఆలస్యం కానున్నాయని తెలుస్తోండటంతో ఈ సినిమా రిలీజ్ మరోసారి వాయిదా పడనుందని ఇండస్ట్రీ వర్గాలు అంటున్నాయి. ఈ సినిమాకు సంబంధించిన వీఎఫ్ఎక్స్ పనులు అనుకున్న దానికంటే కూడా ఆలస్యంగా జరుగుతున్నాయట. ప్రేక్షకులకు మరింత మంచి అనుభూతిని అందించేందుకు ఇంకా ఎక్కువ సమయం తీసుకుంటుందట ఆదిపురుష్ టీమ్.

భారీ అంచనాల మధ్య విడుదలైన టీజర్‌ నెగిటివ్ రివ్యూస్‌ను సొంతం చేసుకుంది. అందరిని డిస్సాప్పాయింట్ చేసింది. టీజర్ చూసిన తర్వాత ఆదిపురుష్‌పై అంచనాలు తగ్గిపోయాయి. ముఖ్యంగా టీజర్ లో గ్రాఫిక్స్ చాలా వరస్ట్‌గా ఉన్నాయని అంటున్నారు నెటిజన్స్. దీంతో ఈ చిత్ర గ్రాఫిక్స్ పై విమర్శలు వచ్చిన నేపథ్యం పలు కీలక మార్పులు చేస్తున్నట్లు సమాచారం. మరో 200 కోట్లు ఖర్చు పెట్టి ఈ చిత్రం లోని పలు పాత్రల పై రీ షూట్ చేసారని తెలుస్తోంది. కానీ అందుతున్న సమాచారం ప్రకారం ఇప్పుడు గ్రాఫిక్స్ మార్పులు చేసినా కూడా అంత బాగా రాలేదని తెలుస్తోంది.

రామాయణంలో ముఖ్యంగా చెప్పుకునే లంకేశుడి పాత్రను బాలీవుడ్‌ నటుడు సైఫ్‌ అలీఖాన్‌, లక్ష్మణుడి పాత్రను సన్నీసింగ్‌ పోషించారు. దాదాపు రూ.500 కోట్ల బడ్జెట్‌తో రూపొందుతున్న ఈ చిత్రానికి భూషణ్‌కుమార్‌, క్రిషన్‌కుమార్‌, ఓంరౌత్‌, ప్రసాద్ సుతార్‌, రాజేశ్‌ నాయర్‌ నిర్మాతలుగా వ్యవహరించారు. పాన్‌ఇండియా మూవీగా ఈ సినిమా ప్రేక్షకులను అలరించనుంది.