Anudeep

మనం మిల్క్ షేక్, జ్యూస్ వగైరా వాటిని తయారు చేసుకునేటప్పుడు ఐస్ క్యూబ్స్ ని వాడతాము. ఇక మందు తాగేవారు కూడా తమ డ్రింక్ లో ఐస్ క్యూబ్స్ వేసుకుని తాగుతూ ఉంటారు. అయితే మీరెప్పుడైనా గమనించారా..? ఐస్ క్యూబ్స్ ని డ్రింక్ ఉన్న గ్లాస్ లో వేస్తె అవి మునిగిపోతాయి.

అదే మాములు నీరు ఉన్న గ్లాస్ లో వేసి చూడండి. ఐస్ క్యూబ్స్ పైకి తేలుతూ ఉంటాయి. ఇలా ఎందుకు జరుగుతుందో తెలుసా..? ఈ ఆర్టికల్ చదివి తెలుసుకోండి. దీని వెనుక సైంటిఫిక్ రీజన్ ఉంది.

ఇలా ఆల్కహాల్ లో వేసినప్పుడు ఐస్ క్యూబ్స్ మునిగిపోవడానికి, నీటిలో తేలడానికి అసలు కారణం సాంద్రత. నీటి యొక్క సాంద్రత ఎక్కువగా ఉంది. నీరు, వైన్, ఇంకా మంచు విషయంలో కూడా ఇదే కారణం. ఆల్కహాల్ లో క్యూబిక్ సెంటీమీటర్ కు సాంద్రత 0.789 గా ఉంటుంది. అదే నీటికి ఒక క్యూబిక్ సెంటీమీటర్ కు సాంద్రత 1.0 గా ఉంటుంది. ఇక మంచు కి ఈ వేల్యూ 0.917 గా ఉంటుంది. ఆల్కహాల్ తో పోలిస్తే నీటికి, మంచుకు సాంద్రత ఎక్కువగా ఉంటుంది. మంచు కంటే నీటి సాంద్రత ఎక్కువగా ఉంటుంది.

ఆల్కహాల్ సాంద్రత కంటే మంచు సాంద్రత ఎక్కువ కాబట్టి గ్లాస్ లో వేయగానే మునిగిపోతుంది. కానీ నీటి సాంద్రత ఐస్ సాంద్రత కంటే ఎక్కువ కాబట్టి మంచు మునగదు. పైకి తేలుతుంది. నిజానికి ఘన పదార్ధమైన మంచులో సాంద్రత ఎక్కువగా ఉండాలి. కానీ నీటి కంటే మంచు సాంద్రత తక్కువే ఉంటుంది. ఇలా ఎందుకు ఉంటుందో ఇపుడు తెల్సుకుందాం. ఒక ద్రవాన్ని చల్లబరిచినప్పుడు, ఎక్కువ అణువులు ఒకదానికొకటి దగ్గరగా ఉంటాయి మరియు చిన్న ప్రదేశంలో ఉంచాలి. దీని ఫలితంగా చాలా ఘనపదార్థాలు ద్రవపదార్థాల కంటే ఎక్కువ సాంద్రత కలిగి ఉంటాయి.

మంచుతో అలా కాదు. నీరు సానుకూలంగా ఛార్జ్ చేయబడిన హైడ్రోజన్ అణువులను మరియు ప్రతికూలంగా ఛార్జ్ చేయబడిన ఆక్సిజన్ అణువులను కలిగి ఉంటుంది. నీరు చల్లబడినప్పుడు, హైడ్రోజన్ బంధాలు ప్రతికూలంగా ఛార్జ్ చేయబడిన ఆక్సిజన్ అణువులను వేరుగా ఉంచడానికి సర్దుబాటు చేస్తాయి, ఇది మంచు దట్టంగా మారకుండా నిరోధిస్తుంది. కాబట్టి నీటి కోసం, ఉష్ణోగ్రత తగ్గడంతో పాటు సాంద్రత వాస్తవానికి తగ్గుతుంది

రోడ్డు పై మనం మన వాహనాలను నడుపుతున్నందుకు గాను టాక్స్ ను చెల్లిస్తూ ఉండాలి. కేంద్ర ప్రభుత్వం నిర్మించ బడి, నడపబడుతున్న జాతీయ రహదారులపై తప్ప.. రాష్ట్ర ప్రభుత్వం పరిధి లో నడపబడుతున్న రహదారులపై మనం టోల్ చెల్లించాల్సి ఉంటుంది.

మోటార్ వాహనాల చట్టాల ప్రకారం మనం రోడ్ టాక్స్ ను కట్టినప్పటికీ.. టోల్ ను చెల్లించాల్సి ఉంటుంది. అయితే ఎక్కువగా కార్, బస్సు, ట్రక్, లారీ వంటి ఫోర్ వీలర్స్ మాత్రమే ఈ టోల్ ని చెల్లించాలి.

బైక్, స్కూటీ వంటి టూ వీలర్లు టోల్ చెల్లించాల్సిన అవసరం లేదు. అయితే ఇలా ఎందుకో తెలుసా..? టోల్ చార్జీల నుంచి టూవీలర్లకు ఎందుకు మినహాయింపు ఇచ్చారో తెలుసుకుందాం. ఇతర ఫోర్ వీలర్ వాహనాలతో పోలిస్తే టూవీలర్లు చాలా బరువు తక్కువగా ఉంటాయి. టూవీలర్లు రోడ్డుపై ప్రయాణిస్తే రోడ్డుకు అయ్యే డ్యామేజీ ఏమి ఉండదు.

అందుకే టూవీలర్ల నుంచి టోల్ ని వసూలు చేయరు. అదే కార్, బస్సు, ట్రక్, లారీ వంటి వాహనాలు చాలా బరువుగా ఉంటాయి.. ఇవి రోడ్డుపై ప్రయాణిస్తున్న సమయంలో రోడ్డుపై ఒత్తిడి కారణంగా డ్యామేజీ జరిగే అవకాశం ఉంటుంది. అంతే కాకుండా.. మరో కారణం కూడా ఉంది. అదేంటంటే.. ఈ వాహనాలు ఒక రోజులో ఎక్కువ దూరం ప్రయాణిస్తాయి. కానీ, టూవీలర్లపై ఎవరూ రోజు వందల కిలోమీటర్లు ప్రయాణం చేయరు.

ఎప్పుడో ఒకసారి లాంగ్ డ్రైవ్స్ కి వెళ్లడం లాంటివి తప్ప.. ప్రతి రోజు టూవీలర్లపై వందల కిలోమీటర్ల ప్రయాణం చేయడం అనేది ఉండదు. ఎక్కువగా మధ్య తరగతి, దిగువ మధ్య తరగతికి చెందిన వారే టూవీలర్లను ఉపయోగిస్తూ ఉంటారు. అందుకే వీరి నుంచి టోల్ ను వసూలు చేయరు.

ఈరోజుల్లో ఆడ, మగా తేడా లేకుండా అందరు జీన్స్ ధరిస్తున్నారు. ఎక్కువ కాలం వీటిని సౌకర్యవంతం గా ధరించవచ్చు. అందుకే అబ్బాయిలైనా.. అమ్మాయిలైనా జీన్స్ ధరించడానికి ఎక్కువ గా ఆసక్తిని కనబరుస్తున్నారు. యువత మాత్రమే కాదు.. కొందరు పెద్దలు కూడా వీటిని ధరించడానికి మక్కువ చూపిస్తున్నారు.

జీన్స్ పట్ల ఈ మోజు దాదాపు కొన్ని తరాల నుంచి వస్తూనే ఉంది.. ఎన్నో రకాల మోడల్స్ వస్తుండడం తో.. జీన్స్ ఎప్పుడు ఫ్యాషన్ ప్రపంచం లో ట్రేండింగ్ లో నిలుస్తూనే ఉంది.

స్కిన్నీ జీన్స్, బేసిక్ జీన్స్, సిగరెట్ జీన్స్.. ఇలా రకరకాల మోడల్స్ అందుబాటులోకి వచ్చాయి. అయితే.. మోడల్స్ ఎన్ని రకాలుగా ఉన్నా అన్ని రకాల జీన్స్ కి కామన్ గా ఉండే పాయింట్ ఏమిటంటే.. వాటికి ఫ్రంట్ సైడ్ లో పాకెట్స్ ఉండడం. అది అమ్మాయిల జీన్స్ అయినా.. అబ్బాయిల జీన్స్ అయినా ఈ పాకెట్స్ ఉండడం మాత్రం కామన్.

అయితే తేడా ఎక్కడ వస్తుంది అంటే.. అమ్మాయిల పాకెట్స్ అబ్బాయిల జీన్స్ పాకెట్స్ కంటే చిన్నవిగా ఉంటాయి. ఇలా ఎందుకు ఉంటాయి అన్న డౌట్ మీకు ఎప్పుడైనా వచ్చిందా..? అయితే ఈ ఆర్టికల్ చదివేయండి. లేడీస్ జీన్స్ కి ఈ పాకెట్స్ ని వేరే సెపరేట్ క్లాత్ తో కొడతారు. గతంలో కూడా అంటే.. 17వ నుండి 19వ శతాబ్దపు చివరి వరకు పాకెట్స్ తరచుగా మహిళల స్కర్ట్ క్రింద మరియు వారి అండర్-పెటికోట్ పైన ఇలాంటి పాకెట్స్ ని ప్రత్యేకంగా కుట్టేవారు.

తరువాత మోడరన్ యుగంలో పురుషుల జీన్స్ లకి కూడా ఇలానే సెపరేట్ క్లాత్ ద్వారా పాకెట్స్ ని కుట్టడం ప్రారంభించేవారు. గతంలో ఈ పాకెట్స్ ఒకటే క్లాత్ లో లోపలకి కొంత ప్లేస్ లో కుట్టబడేవి. తర్వాత కాలంలో మహిళలు కూడా ఈ లోపల ఉండే పాకెట్స్ ని వాడడం తగ్గించారు. 1790 లలోనే ఈ పాకెట్స్ ఫ్యాషన్ తగ్గిపోయింది. 1800ల నాటికీ ఈ ట్రెండ్ బాగా తగ్గిపోయింది. తరువాత హ్యాండ్ బాగ్ ఫ్యాషన్ వచ్చింది.

మహిళలు తమకు అవసరమైన వస్తువులను పాకెట్స్ లో కాకుండా హ్యాండ్ బాగ్స్ లో పెట్టుకోవడానికి మక్కువ చూపిస్తున్నారు. దీనితో పాకెట్స్ వాడకం తగ్గిపోయింది. పాకెట్స్ కూడా ఇపుడు ఓల్డ్ ఫ్యాషన్ అయిపోయాయి. అందుకే అమ్మాయిల జీన్స్ తయారీలో పాకెట్స్ పై అంత ప్రత్యేక శ్రద్ధ చూపించరు. అందుకే అమ్మాయిల జీన్స్ పాకెట్స్ అబ్బాయిల పాకెట్స్ కంటే చిన్నవిగా ఉంటాయి.

ఇటీవల కాలంలో చాలా మంది నీటిని వేడి చేసుకోవడం కోసం కెటిల్ ను ఉపయోగిస్తున్నారు. పాస్తా, నూడుల్స్, గుడ్లు ఉడకపెట్టడం వంటి వాటికి కూడా దీనిని వాడేస్తున్నారు. అయితే, వాడుకోవడం సులువుగా ఉండడంతో కొన్ని ఇతర పదార్ధాల కోసం కూడా దీనిని వాడేస్తున్నారు. ఇటువంటి పొరపాట్లు చేయడం వలన ఈ కెటిల్స్ తొందరగా పాడైపోతూ ఉంటాయి.

అయితే.. ఎంత నాణ్యమైన కెటిల్స్ అయినా ఒక్కోసారి పాడైపోతూ ఉంటాయి. మీ కెటిల్స్ పాడవకుండా ఉండాలంటే వాటిని ఉపయోగించే తప్పుడు ఈ 5 తప్పులను అస్సలు చేయకండి. అవేంటో ఓ లుక్ వేయండి.

#1. ఎలక్ట్రిక్ కెటిల్స్ లో నిర్ణీత మోతాదుకు సరిపడా పదార్ధాలను మాత్రమే ఉంచాలి. ఎక్కువ మొత్తంలో నీటిని పోయకూడదు. దీనివల్ల నీరు బాయిల్ అయ్యేటపుడు అవుట్ లెట్ రంద్రాల నుంచి బయటకు వెళ్లి కెటిల్ మెషిన్ లోకి వెళ్లే అవకాశం ఉంటుంది. అప్పుడు మెషిన్ పాడవుతుంది. అలా అని తక్కువ మొత్తంలో నీరు పోయడం, అసలు నీరు లేకుండా వాడడం కూడా సరికాదు.

#2. కొంతమంది కెటిల్ ని వాడిన తరువాత ఆ నీటిని అందులోనే ఉంచేస్తూ ఉంటారు. ఇది కూడా కరెక్ట్ కాదు. దానివల్ల కెటిల్ లోపల తెల్లటి పొర పేరుకుపోతుంది. దీనివలన క్రమంగా కెటిల్ నాణ్యత తగ్గిపోతుంది. కెటిల్ ని వాడటం పూర్తయ్యాక ఆ నీటిని పూర్తిగా తీసేసి ఖాళీగా ఉంచడమే మంచిది.

#3. కెటిల్ లో నీరు మరుగుతున్నప్పుడు పొగలు బయటకు వస్తూ ఉంటాయి. ఆ పొగల వలన తేమ కూడా ఏర్పడుతుంది. దగ్గరిలో ఏదైనా ఫర్నిచర్ ఉంటె అవి పాడయ్యే అవకాశం ఉంటుంది. అలాగే.. ఆ పొగలు స్విచ్ బోర్డు వైపు వెళ్లేలా ఉన్నా ప్రమాదమే. కాబట్టి ఈ విషయంలో జాగ్రత్త పడాలి.

#4. కెటిల్ ని టాప్ కింద కడగకూడదు. సమపాళ్లలో నీటిని వెనిగర్ ను తీసుకుని కెటిల్ లో పోయాలి. కెటిల్ కు సగం వరకు ఈ మిశ్రమాన్ని ఉంచి స్విచ్ ఆన్ చేయాలి. కొంతసేపు మరిగించాక స్విచ్ ఆఫ్ చేసి అరగంట సేపు వదిలేయాలి. ఆ తరువాత స్క్రబ్బర్ తో రుద్ది కడిగేయాలి. బయట వైపు తడి గుడ్డ తో తుడుచుకుంటే సరిపోతుంది. కానీ, టాప్ కింద పెట్టి కడగడం వలన నీరు మెషిన్ రంధ్రాలలోకి వెళ్లే ప్రమాదం ఉంటుంది.

#5. కెటిల్ లో ఏయే పదార్ధాలు వాడుకోవచ్చనే విషయాన్నీ ప్యాకేజింగ్ లేబుల్ పై చెబుతారు. వాటి కోసం మాత్రమే కెటిల్ ను వినియోగించాలి. ఇతర పదార్ధాలను వండడం కోసం కూడా కెటిల్ ను వాడడం వలన దాని నాణ్యత తగ్గిపోతుంది.