Anudeep

తమిళ లెజెండరీ డైరెక్టర్ మణిరత్నం తెరకెక్కించిన ప్రెస్టీజియస్ హిస్టారికల్ మూవీ ‘పొన్నియిన్ సెల్వన్-1’ బాక్సాఫీస్ వద్ద సెన్సేషనల్ హిట్‌గా నిలిచినా విషయం తెలిసిందే. పాన్ ఇండియా మూవీగా తెరకెక్కిన ఈ సినిమా అన్ని వర్గాల ప్రేక్షకులను ఆకట్టుకోవడంలో సక్సెస్ అయ్యింది. ఈసినిమా సూపర్ హిట్ ను అందించడమే కాకుండా.. భారీ కలెక్షన్స్ ను అందుకుంది. దాదాపు 450 కోట్లకు పైగా వసూలు చేసింది.

నిజానికి ఈసినిమాను ముందు ఒకే సినిమాగా రిలీజ్ చేద్దామని అనుకున్నారు. కానీ ఆ తరువాత రెండు పార్ట్ లుగా రిలీజ్ చేస్తున్నట్టు ప్రకటించారు. ఇక ఈ సినిమాకు సీక్వెల్‌గా పొన్నియిన్ సెల్వన్ 2 ని కూడా రెడీ చేశాడు మణిరత్నం. ఈ మూవీ రిలీజ్‌ టైం దగ్గరపడుతున్న విషయం తెలిసిందే. ఏప్రిల్ 28న ప్రపంచవ్యాప్తంగా గ్రాండ్‌గా విడుదల కానున్న నేపథ్యంలో టీం ప్రమోషన్స్ తో ఫుల్ బిజీగా ఉంది.

ఇక మరో వైపు ఈ మూవీ సెన్సార్ కార్యక్రమాలను కూడా పూర్తి చేసుకుంది. ఇప్పటికే రిలీజ్ అయిన సాంగ్స్‌తో, అప్డేట్స్ తో ఈ మూవీ పై బజ్ పెరిగిపోతోంది. ఈ సినిమాను చూసిన సెన్సార్ జ్యూరీ ఈ సినిమాకు యూ/ ఏ సర్టిఫికేట్ ను మంజూరు చేసిందట. కొన్ని కట్స్ మినహా అంతా ఓకే చెప్పిందని సమాచారం. ఈ మూవీ విజువల్ వండర్ లా ఉందని సెన్సార్ సభ్యులు చెప్పినట్లు తెలుస్తోంది. అలాగే ఈ మూవీ రన్ టైం కూడా లాక్ అయినట్లు సమాచారం.

పొన్నియిన్ సెల్వన్ 2 మూవీ 2 గంటల 44 నిమిషాల 49 సెకన్లు (164.49 నిమిషాలు) అంటే మొదటి భాగం కంటే కొన్ని నిమిషాలు తక్కువగా ఉన్నట్లు తెలుస్తోంది. లైకా ప్రొడక్షన్స్ మరియు మద్రాస్ టాకీస్ సంయుక్తంగా నిర్మించిన ఈ మూవీ 5 భాషల్లో ప్రేక్షకుల ముందుకి రానుంది. చోళ‌ సామ్రాజ్య చ‌క్ర‌వ‌ర్తి సుంద‌ర చోళుడితో పాటు అత‌డి కుమారులు క‌రికాల చోళుడు, పొన్నియ‌న్ సెల్వ‌న్ జీవితాల నేప‌థ్యంలో హిస్టారిక‌ల్ యాక్ష‌న్ డ్రామాగా ద‌ర్శ‌కుడు మ‌ణిర‌త్నం ఈ సినిమాను తెర‌కెక్కించారు.

తమిళ హీరో విశాల్ ప్రస్తుతం ‘మార్క్ ఆంటోనీ’ అనే చిత్రం చేస్తున్న విషయం తెలిసిందే. యాక్షన్‌ ఎంటర్‌టైనర్‌గా తెరకెక్కుతున్న మార్క్‌ ఆంటోని సినిమాకు అదిక్ ర‌విచంద్రన్ ద‌ర్శక‌త్వం వహిస్తున్నాడు. ఇప్పటికే రిలీజైన విశాల్‌ లుక్‌ సినిమాపై భారీ అంచనాలు క్రియేట్‌ చేసింది. విశాల్‌కు జోడీగా రీతూవ‌ర్మ న‌టిస్తుంది.

మినీ స్టూడీయోస్ ఎల్ఎల్‌పి బ్యాన‌ర్‌పై ఎస్. వినోద్ కుమార్ ఈ చిత్రాన్ని నిర్మిస్తున్నాడు. జీ.వి ప్రకాష్ కుమార్ సంగీతం అందిస్తున్న ఈ చిత్రాన్ని త‌మిళంతో పాటు, తెలుగు, హిందీ, క‌న్న‌డ‌, మ‌ల‌యాళ భాష‌ల్లో మేక‌ర్స్ రూపొందించ‌నున్నారు. అయితే ఈ మూవీ లో నటిస్తున్న ఒక్కొక్క నటుడికి సంబంధించిన ఫస్ట్ లుక్ పోస్టర్స్ ఒక్కక్కటి రివీల్ చేస్తున్నారు మేకర్స్.

తాజాగా ఈ చిత్రం నుంచి ఇంకొక నటుడి పోస్టర్ రిలీజ్ అయ్యింది. అది నటుడు, దర్శకుడు అయిన ఎస్ జె సూర్య ఫస్ట్ లుక్. ఆ పోస్టర్ చూసిన నెటిజన్లు షాక్ అయిపోతున్నారు. దర్శకుడిగా మంచి పేరు తెచ్చుకున్న ఎస్ జే సూర్య ఆతర్వాత నటుడిగా మారి సినిమాలు చేశారు. క్యారెక్టర్ ఆర్టిస్ట్ గా, విలన్ గా పలు సినిమాల్లో నటించి మెప్పించారు.

ఇప్పుడు మార్క్ ఆంటోనీ మూవీ లో ఒక కీలక పాత్రలో నటిస్తున్నారు ఎస్ జె సూర్య. ఇప్పుడు ఆ పోస్టర్ లో ఎస్ జె సూర్య గుర్తుపట్టలేకుండా ఉన్నాడంటూ ఫాన్స్ కామెంట్స్ చేస్తున్నారు. ఇక మార్క్ ఆంటోనీ మూవీ లో ఎస్ జె సూర్య తో పాటు, దర్శకుడు సెల్వ రాఘవన్, సునీల్ వర్మ , అభినయ పలు కీలక పాత్రల్లో నటిస్తున్నారు.

ఈ మూవీ కి జీవీ ప్రకాశ్‌ కుమార్ అందించిన అదిరిపోయే బ్యాక్ గ్రౌండ్‌ స్కోర్‌ సినిమాకు మెయిన్‌ హైలెట్‌గా నిలువబోతున్నట్టు ఇప్పటివరకు వచ్చిన రషెస్‌ చెబుతున్నాయి. మోషన్‌ పోస్టర్‌ ద్వారా సునీల్‌, ఎజేసూర్య, సెల్వ రాఘవన్‌ పాత్రలను పరిచయం చేసి.. సినిమాపై మంచి బజ్‌ క్రియేట్‌ చేస్తున్నాడు అధిక్ రవిచంద్రన్‌.

హార్రర్ సినిమాలకు ఎప్పుడూ ప్రేక్షకుల్లో మంచి ఫాలోయింగ్ ఉంటుంది. సరైన కథ, గ్రిప్పింగ్ స్క్రీన్ ప్లే ఉంటే హారర్ మూవీ ప్రేక్షకులను భయ పెట్టడం ఖాయం. ప్రేక్షకులలో భయానక కంటెంట్‌పై ఉన్న క్రేజ్‌ను క్యాష్ చేసుకుంటూ మంచి హారర్ చిత్రాలను నిర్మిస్తున్నారు తెలుగు మేకర్స్.

ఇప్పుడు తెలుగులో వచ్చిన బెస్ట్ హారర్ మూవీస్ ఏవో చూద్దాం..

#1 కాష్మోరా

రాజేంద్ర ప్రసాద్, భాను ప్రియ, రాజా శేఖర్ ప్రధాన పాత్రల్లో వచ్చిన కాష్మోరా హారర్ మూవీస్ లో ఫస్ట్ ప్లేస్ లో ఉంటుంది.

#2 దెయ్యం

జయసుధ, జేడీ చక్రవర్తి ప్రధాన పాత్రల్లో రామ్ గోపాల్ వర్మ దర్శకత్వం లో వచ్చిన చిత్రం దెయ్యం. ఇప్పటికి ఈ మూవీ చేస్తుంటే భయం వేస్తుంది.

#3 మంత్ర

హీరోయిన్ ఛార్మి ప్రధాన పాత్రలో వచ్చిన మూవీ మంత్ర. ఈ మూవీ కూడా సూపర్ హిట్ అయ్యింది.

#4 అరుంధతి

దర్శకుడు కోడి రామకృష్ణ తెరకెక్కించిన ఈ చిత్రం, అనుష్క కి స్టార్డం తీసుకొచ్చింది.

#5 అవును

నటి పూర్ణ ప్రధాన పాత్రలో దర్శకుడు రవిబాబు తెరకెక్కించిన చిత్రం అవును. ఈ మూవీ కూడా విపరీతంగా భయపెడుతుంది.

#6 జెస్సి

దర్శకుడు అశ్వినీ కుమార్ తెరకెక్కించిన ఈ చిత్రం మంచి టాక్ తెచ్చుకుంది. ‘అసలు దెయ్యాలు ఉన్నాయా.. మనిషి చనిపోయిన తరువాత ఆత్మలు ప్రేతాత్మలుగా మారతాయా? లేదంటే అవి వట్టి రూమర్లేనా అని తేల్చడానికి కొంత మంది ఘోస్ట్ హంటర్లు చేసిన అన్వేషణే ‘జెస్సీ’ మూవీ.

#7 రాత్రి

రామ్ గోపాల్ వర్మ తెరకెక్కించిన మరో హారర్ మూవీ రాత్రి. ఇందులో రేవతి ప్రధాన పాత్రలో నటించింది.

#8 భాగమతి

అనుష్క ప్రధాన పాత్రలో వచ్చిన మరో హారర్ మూవీ భాగమతి. ఈ చిత్రం కూడా సూపర్ హిట్ అయ్యింది.

#9 రక్ష

చేతబడి నేపథ్యం లో వచ్చిన మూవీ రక్ష. ఈ మూవీ కూడా జనాలను విపరీతంగా భయపెట్టింది. ఇందులో జగపతి బాబు, కళ్యాణి కీలక పాత్రలు పోషించారు.

#10 మసూద

ఇటీవలి కాలం లో ప్రేక్షకులను అంతగా భయపెట్టిన మూవీ ఏదైనా ఉంది అంటే అది మసూద మూవీ నే. ఇందులో సీనియర్ నటి సంగీత ప్రధాన పాత్రలో నటించగా కావ్య కళ్యాణ్ రామ్, తిరువీర్ ముఖ్యమైన పాత్రలో నటించారు.

#11 మర్రి చెట్టు

హారర్ మూవీస్ స్పెషలిస్ట్ రామ్ గోపాల్ వర్మ తీసిన మరో హారర్ మూవీ మర్రి చెట్టు. ఈ మూవీ లో జేడీ చక్రవర్తి, సుస్మిత సేన్ ప్రధాన పాత్రల్లో నటించారు.

#12 విరూపాక్ష

ఇక ఇటీవల విరూపాక్ష అనే హారర్ చిత్రం తో ప్రేక్షకుల ముందుకి వచ్చారు హీరో సాయి ధరమ్ తేజ్. ఈ మూవీ కూడా హిట్ టాక్ తెచ్చుకుంది.

పౌరాణిక పాత్రలు అనగానే ప్రేక్షకులకైనా, దర్శకులకైనా ముందు గుర్తు వచ్చేది ఎన్టీఆర్. ముఖ్యంగా రాముని పాత్రలు, కృష్ణుని పాత్రలు వెయ్యడంలో ఎన్టీఆర్ తరువాతే ఎవరైనా. పౌరాణిక పాత్రల్లో ఇరగదీస్తున్న టైం లోనే ఓ పౌరాణిక ప్రధాన చిత్రానికి ఎన్టీఆర్ దర్శకత్వం వహించారు.

అయితే కథానాయకుడిగా మంచి ఫామ్ లో ఉన్న టైం లోనే ఓ పౌరాణిక సినిమాకు నిర్మాణ దర్శకత్వ బాధ్యతలు తీసుకోవడంతో అప్పట్లోనే అందరు ఆశ్చర్యపోయారు. 1977 లో దానవీర శూరకర్ణ సినిమా విడుదల అయ్యింది.

ఎన్టీఆర్, కొండవీటి వెంకటకవి కలిసి ఈ సినిమాను సృష్టించారు. ఈ సినిమాలో ఎన్టీఆర్ నటన గురించి ప్రత్యేకించి చెప్పుకోవాలి. ఈ సినిమా విడుదల అయ్యి ఇన్నేళ్లు అయినా.. “ఏమంటివి.. ఏమంటివి..” అనే డైలాగును నేటికీ సినిమాల్లో స్పూఫ్ గానో.. లేక ఆర్టిస్ట్ పెర్ఫామెన్స్ లు ఇచ్చేవారో ఈ డైలాగ్ ను చెప్తూనే ఉంటారు. మహాభారతంలోని కొంత భాగాన్ని తీసి పౌరాణిక చిత్రంగా నిర్మించారు. ఓ సంస్కృత కళాశాలకు ప్రిన్సిపల్ అయిన కొండవీటి వెంకటకవిని ఈ సినిమాకు మాటల రచయితగా ఎంచుకున్నారు.

ఆయన రాసిన సంభాషణలన్నీ ఎంతగానో ప్రేక్షకుల మన్నన పొందాయి. ఈ సినిమాలో ప్రభాకర్ రెడ్డి ధర్మరాజుగా నటించగా, హరికృష్ణ అర్జునుడిగా నటించారు. భీముడిగా సత్యనారాయణ, బాలకృష్ణ అభిమన్యుడిగా నటించారు. ఈ సినిమాలో మూడు పాత్రలలో ఎన్టీఆర్ ఒక్కరే నటించారు. అయితే చలపతి రావు అనే మరో నటుడు ఏకంగా ఐదు పాత్రలలో నటించారు. జరాసంధుడు, ఇంద్రుడు, అతిరధుని పాత్రలతో పాటు మరో రెండు అతిధి పాత్రలలో కూడా చలపతి రావు నటించారు. ఈ సినిమా నిడివి నాలుగు గంటల పదిహేడు నిముషాలు. కానీ ఇంత పెద్ద సినిమా షూటింగ్ ను కేవలం నలభై రోజుల్లోనే పూర్తి చేయడం విశేషం.

వేరే భాషల హీరోయిస్స్ సక్సెస్ అయినట్లు తెలుగు హీరోయిన్స్ టాలీవుడ్ లో మంచి గుర్తింపు పొందడం లేదని చెప్పవచ్చు. అయితే విశాఖపట్టణానికి చెందిన మన తెలుగమ్మాయి రేఖా భోజ్ నటిగా మంచి గుర్తింపు పొందడానికి ఎంతో కష్టపడుతున్నారు.

రేఖా తండ్రి కె భోజరాజ్ ఏఆర్ ఎస్సైగా పని చేస్తున్నారు తల్లి గృహిణి. రేఖా విశాఖ నగరంలో ఇంజనీరింగ్ పూర్తి చేసింది. ఆమె తల్లి శోభన్ బాబుకి వీరాభిమాని. తల్లితో కలిసి సినిమాలు చూస్తూ ఉన్న రేఖాకి సినిమాలో నటించాలనే ఆసక్తి పెరిగింది. తల్లిదండ్రుల ప్రోత్సాహం కూడా ఉండడంతో రేఖా కల నెరవేరింది.

చదువుకునే కాలంలోనే రేఖ షార్ట్ ఫిలిమ్స్ అవకాశాలను అందిపుచ్చుకుంది. చదువు పూర్తయిన తర్వాత హీరోయిన్ గా ప్రయత్నాలు మొదలుపెట్టింది. సుమారు 50 వరకు ఆడిషన్ కి వెళ్ళింది.  అలాంటి సమయంలో రాకేష్ రెడ్డి అనే యువ దర్శకుడు ఆమెకు సినిమా అవకాశాలు కల్పించాడు. రాకేష్ రెడ్డి దర్శకత్వంలో కాలాయ తస్మై నమః చిత్రంతో రేఖా సినీ ప్రస్థానం మొదలైంది.

రేఖా భోజ్ నటించిన చిత్రాలలో ఇప్పటికే మూడు చిత్రాలు విడుదలయ్యాయి. బిగ్ బాస్ ఫేమ్ షణ్ముఖ్ జస్వంత్ హీరోగా రేఖ హీరోయిన్ గా లవ్ ఇన్ వైజాగ్ షార్ట్ ఫిలిం తీశారు. ఇదే కాంబినేషన్లో దర్టీ పిక్చర్ కూడా  తెరకెక్కించారు. నటనలో మంచి ప్రతిభను కనభరించిన రేఖకు తన వరస ప్రాజెక్టులతో అవకాశం ఇచ్చాడు రాకేష్ రెడ్డి.

సినిమా ఇండస్ట్రీలో ఎదగాలంటే ఎటువంటి పాత్రకైనా తాను రెడీ ఉంటుంది రేఖా. ట్రాంజెండర్, బిచ్చగత్తె వంటి విభిన్నమైన పాత్రలు పై ఆసక్తి పెంచుకుంటుంది. పవన్ కళ్యాణ్, ప్రభాస్ ఇష్టమైన హీరోలని, దర్శకుల్లో రాజమౌళి తనకు ఇష్టమైన దర్శకుడు అని చెప్పడం గమనార్హం. సోషల్ మీడియాలో ఎప్పుడూ యాక్టివ్ గా ఉండే రేఖా భోజ్ పుష్ప కవర్ సాంగ్ ద్వారా యూట్యూబ్ లో మంచి పేరు సంపాదించుకుంది.  అలాగే మంచి సినిమాలతో ముందుకు దూసుకు వెళ్లాలని అభిమానులు ఆశిస్తూన్నారు.