Anudeep

నట శేఖర కృష్ణ..తెలుగు వెండి తెరకు సరికొత్త ఒరవడులుదిద్దుతూ.. ఆయన పరిచయం చేయని జోనర్ లేదు అంటే అతిశయోక్తి కాదు. సుమారు 50 ఏళ్ల క్రితమే పాన్ ఇండియా సినిమాను తెరకెక్కించారు. అప్పట్లో బాలీవుడ్ లో సత్తా చాటుతూ ఆ సినిమా కాసుల వర్షం కురిపించింది. దర్శకులు మాత్రమే కాదు నిర్మాతల పాలిట కల్పవృక్షం.. మంచి మనసున్న వ్యక్తి.. సినీ పరిశ్రమలోని 24 క్రాప్ట్స్ పై పట్టు ఉన్న కృష్ణ తెలుగు చిత్ర పరిశ్రమలో చేయని ప్రయోగం లేదు.

కృష్ణ తన నట జీవితం లో రెండు హిందీ సినిమాలతో పాటు, పలు తెలుగు సినిమాలకు దర్శకత్వం వహించారు. కృష్ణ దర్శకుడిగా 16 చిత్రాలు చేశారు. అవేంటో చూద్దాం..

#1 సింహాసనం

కృష్ణ దర్శకత్వం వహించిన ఫస్ట్ మూవీ ‘సింహాసనం’. తెలుగులో తొలి70 ఎం.ఎం. మూవీ కూడా ఇదే. ఇందులో కృష్ణ నటించడంతో పాటు స్టోరీ, స్క్రీన్‌‌ప్లే, డైలాగ్స్, ఎడిటింగ్ చేశారు.

#2 సింగాసన్

‘సింహాసనం’ మూవీని జితేంద్ర హీరోగా ‘సింగాసన్’ పేరుతో రీమేక్ చేశారు.. అక్కడ కూడా ఘనవిజయం సాధించి.. కాసుల వర్షం కురిపించింది.

#3 శంఖారావం

కృష్ణ, తనయుడు మహేష్ బాబుతో నటించడమే కాక.. స్క్రీన్‌ప్లే, ఎడిటింగ్, డైరెక్షన్ చేసిన ఈ యాక్షన్ ఫిలిం సూపర్ హిట్ అయ్యింది..

#4 కలియుగ కర్ణుడు

నటశేఖర నటిస్తూ, స్క్రీన్‌ప్లే, డైరెక్షన్ చేసిన మరో మూవీ ‘కలియుగ కర్ణుడు’. ఇందులో ఆయన పెద్ద కుమారుడు రమేష్ బాబు కూడా నటించారు.

#5 ముగ్గురు కొడుకులు

రమేష్ బాబు, మహేష్ బాబులతో కలిసి నటించి.. స్క్రీన్‌ప్లే, డైరెక్షన్, ఎడిటింగ్ కూడా చేశారు సూపర్ స్టార్. పద్మాలయా స్టూడియోస్ బ్యానర్ మీద కృష్ణ గారి అమ్మ గారు ఘట్టమనేని నాగ రత్నమ్మ ఈ చిత్రాన్ని నిర్మించారు.

#6 కొడుకు దిద్దిన కాపురం

కొడుకు మహేష్ బాబుతో నటించగా సూపర్ హిట్ అయిన ఫ్యామిలీ పిక్చర్.. ‘కొడుకు దిద్దిన కాపురం’. ఇందులో మహేష్ ద్విపాత్రాభినయం చేసారు.

#7 అన్నా – తమ్ముడు

కృష్ణ, మహేష్ అన్నాదమ్ముళ్లుగా నటించిన ఈ చిత్రానికి ప్రొడ్యూసర్, డైరెక్టర్, ఎడిటర్, స్క్రీన్‌ప్లే రైటర్ కూడా కృష్ణే.

#8 బాలచంద్రుడు

బాల నటుడిగా స్టార్ స్టేటస్ తెచ్చుకున్న మహేష్ ని ప్రధాన పాత్రలో నటింపజేస్తూ.. దర్శకత్వంతో పాటు ఎప్పటిలానే తన శాఖలన్నిటికీ పని చేశారు కృష్ణ.

#9 ఇంద్రభవనం
తమ్ముడు జి.నరసింహ రావు నిర్మాతగా వచ్చిన కృష్ణ, కృష్ణంరాజుల మల్టీస్టారర్ మూవీ ఇది. ఇది పద్మాలయ స్టూడియోస్ బ్యానర్ లో వచ్చింది.

#10 మానవుడు.. దానవుడు

కృష్ణ నాయకుడిగా, ప్రతి నాయకుడిగా ద్విపాత్రాభినయం చేస్తూ.. సమర్పణతో పాటు స్క్రీన్‌ప్లే, డైరెక్షన్ చేశారు.

#11 ఇష్క్ హై తుమ్‌సే
తెలుగులో వచ్చిన ‘సంపంగి’ చిత్రాన్ని హిందీ లో ‘ఇష్క్ హై తుమ్‌సే’ గా రీమేక్ చేసారు కృష్ణ. డినో మోరియా, బిపాషా బసు ప్రధాన పాత్రల్లో నటించారు. పద్మాలయా బ్యానర్ మీద కృష్ణ గారి సోదరుడు జి.ఆదిశేషగిరి రావు నిర్మించగా.. నటశేఖర డైరెక్ట్ చేశారు. దర్శకుడిగా ఆయనకు ఇదే చివరి సినిమా.

మరాఠిలో ‘నటసామ్రాట్’ అనే టైటిల్‌తో రూపొందిన చిత్రాన్ని కృష్ణ వంశీ ‘రంగమార్తాండ’ పేరుతో తెలుగులోకి రీమేక్ చేశారు. ఈ మూవీ ఆరంభంలోనే అందరి దృష్టినీ ఆకర్షించింది. ఈ మూవీ ప్రపంచ వ్యాప్తంగా రూ. 2.30 కోట్లు మేర ప్రీ రిలీజ్ బిజినెస్‌ను జరుపుకుంది. ‘హౌస్‌ఫుల్ మూవీస్’, ‘రాజశ్యామల ఎంటర్‌టైన్‌మెంట్స్’ బ్యానర్ల పై కాలిపు మధు, ఎస్. వెంకట్‌రెడ్డి ఈ చిత్రాన్ని నిర్మించారు.

ఉగాది కానుకగా వచ్చిన ఈ చిత్రం మౌత్ టాక్ తో పబ్లిసిటీ ని సంపాదించింది. కానీ ‘రంగమార్తాండ’కు తెలుగు రాష్ట్రాల్లో ఫస్ట్ డే అనుకున్న రేంజ్‌లో వసూళ్లు రాలేదు. మొదటి రోజు రూ. 43 లక్షలు షేర్, రూ. 95 లక్షలు గ్రాస్ వచ్చింది. ఇలా ప్రమోషన్స్ పెద్దగా చేయకపోయినా.. 5 రోజుల వరకు బాగానే కలెక్షన్స్ వచ్చాయి. కానీ ఆరో రోజు నాటికి కలెక్షన్లు డౌన్ అయ్యాయి.

ఈ మూవీ బ్రేక్ ఈవెన్ కు రూ.2.5 కోట్ల వరకు షేర్ ను రాబట్టాలి. 6 రోజులు పూర్తయ్యేసరికి ఈ చిత్రం రూ.1.83 కోట్ల షేర్ ను రాబట్టింది. బ్రేక్ ఈవెన్ కి ఇంకో రూ.0.67 కోట్ల షేర్ ను రాబట్టాలి. ఇంకో రెండు రోజుల్లో ‘దసరా’ చిత్రం థియేటర్లలోకి రాబోతోంది కాబట్టి.. ‘రంగమార్తాండ’ చిత్రం నిలబడటం కష్టమనే చెప్పాలి.

ఇక అదే రోజు తన స్వీయ దర్శకత్వంలోనే విశ్వక్ సేన్ ‘దాస్ కా ధమ్కీ’ అనే సినిమాతో ప్రేక్షకుల ముందుకు వచ్చాడు. ఇందులో నివేదా పేతురాజ్ హీరోయిన్‌గా నటించింది. వన్మయి క్రియేషన్స్, విశ్వక్ సేన్ సినిమాస్ బ్యానర్లపై కరాటే రాజు నిర్మించిన దీనికి లియాన్ జేమ్స్ దీనికి సంగీతం అందించారు. ఇందులో అక్షర గౌడ, రావు రమేష్, తరుణ్ భాస్కర్ తదితరులు కీలక పాత్రలు పోషించారు.

‘దాస్ కా ధమ్కీ’ మూవీపై అంచనాలు ఉండడంతో పాటు విశ్వక్ సేన్ మార్కెట్‌‌ కారణంగా ఈ చిత్రానికి వరల్డ్ వైడ్‌గా రూ. 7.50 కోట్ల బిజినెస్‌ జరిగింది. ఇక ఆరో రోజు ఈ చిత్రానికి వసూళ్లు కాస్త తగ్గాయి. కానీ వరల్డ్ వైడ్ గా 39 లక్షల రేంజ్ లో షేర్ ని అందుకుంది. మొత్తానికి ఇప్పటివరకు 8 కోట్ల బ్రేక్ ఈవెన్ టార్గెట్ తో బరిలోకి దిగిన సినిమా ఇప్పటి వరకు సాధించిన కలెక్షన్స్ తో 1.95 కోట్ల ప్రాఫిట్ ను సొంతం చేసుకుంది. ఒకే రోజు విడుదలైన ఈ రెండు చిత్రాల్లో విశ్వక్సేన్ ‘దాస్ కా ధమ్కీ’ తో ముందంజ లో ఉన్నాడు.

‘ప్రేమ ఖైదీ’ సినిమాతో తెలుగు తెర పై సెన్సెషన్ క్రియేట్ చేసిన హీరో.. హరీష్ కుమార్. చైల్డ్ ఆర్టిస్ట్ గా చాలా సూపర్ హిట్ చిత్రాల్లో నటించిన ఆయన 13 ఏళ్ల వయసులోనే హీరోగా మారారు. హరీష్ ఎక్కువగా ప్రేమకథ చిత్రాల్లోనే కనిపించారు. తెలుగుతోపాటు తమిళం, మలయాళం, హిందీలోనూ పలు చిత్రాల్లో నటించి హిట్స్ కొట్టారు. నార్త్ లోనూ ఎంతో మంది అభిమానులను సొంతం చేసుకుని ఇండస్ట్రీలో తనకంటూ ప్రత్యేక గుర్తింపు తెచ్చుకున్నారు.

తెలుగులో ‘ప్రేమఖైదీ’ సినిమాతో సెన్సేషన్ హీరోగా గుర్తింపు తెచ్చుకొని ఇదే మూవీని హిందీలో రీమేక్ చేసి కరిష్మా కపూర్ తో కలిసి స్క్రీన్ షేర్ చేసుకున్నాడు. తెలుగులో హీరోగా పెళ్లాం చెబితే వినాలి, రౌడీ ఇన్ స్పెక్టర్, కాలేజీ బుల్లోడు, ప్రేమ విజేత, ఏవండీ ఆవిడ వచ్చింది, ప్రాణదాత, మనవరాలి పెళ్లి, బంగారు కుటుంబం, జైలర్ గారి అబ్బాయి, ఎస్పీ పరశురాం సినిమాతో ఫ్యామిలీ హీరోగా పేరు తెచ్చుకున్నాడు. చైల్డ్ ఆర్టిస్టుగా ‘ఆంధ్రకేసరి’, యాక్టర్ గా ‘ఒహో నా పెళ్లంట’ సినిమాలతో నంది అవార్డులు అందుకున్నాడు. మొత్తంగా దాదాపు 280 సినిమాల్లో నటించిన హరీష్ ను ప్రేక్షకులు ముద్దుగా ‘హ్యాండ్సమ్ స్టార్’ అని పిలుచుకొనేవారు.

హరీష్ బాలీవుడ్లో కూడా చైల్డ్ ఆర్టిస్ట్ గా సినిమాలు చేసాడు. ఇక హీరోగా నటించిన ‘ప్రేమ ఖైదీ’ చిత్రం హిట్ అవ్వడంతో అక్కడ కూడా స్టార్ హీరో అయిపోవాలని ట్రై చేసాడు. కానీ వర్కౌట్ అవ్వలేదు. ఈ క్రమంలో సౌత్ లో అతన్ని చాలా వరకూ మరిచిపోయారు. అలాగే మలయాళం లో చేసిన కొన్ని చిత్రాలు అతడి కెరీర్ పై నెగటివ్ ఇంపాక్ట్ చూపించాయి. దీంతో ఫ్యామిలీ, రెగ్యులర్ ఆడియెన్స్ కు హరీష్ మెల్లమెల్లగా దూరమయ్యాడు. పాన్ ఇండియా రేంజ్ లో హీరో కావాల్సిన హరీష్ కాస్త.. ఛాన్సులు తగ్గిపోవడం, వ్యక్తిగత కారణాలతో క్రమంగా సినిమాల్లో కనిపించడం మానేశాడు.

కెరీర్ మంచి ఫాంలో ఉందనుకున్న సమయంలోనే హరీష్ కు మెల్లగా అవకాశం రావడం తగ్గాయి. ఆ తర్వాత ఈ హీరో నటించిన సినిమాలు అంతగా మెప్పించలేదు. చివరిగా 2021 డిసెంబరులో హైదరాబాద్ లో జరిగిన ‘సంతోషం అవార్డ్స్’ ఫంక్షన్ లో కనిపించాడు. అతడు ప్రస్తుతం ప్రస్తుతం భార్యాపిల్లలతో కలిసి ముంబయిలోనే ఉంటున్నాడు. అతడు సోషల్ మీడియా లో కూడా అంత యాక్టీవ్ గా లేరు. నవంబరులో తన ఇన్ స్టాలో పోస్ట్ పెట్టాడు.

ఓ సినిమాకు హీరో దర్శకుడితో పాటు మ్యూజిక్ కూడా అంతే ముఖ్యం. సంగీతం అందర్నీ ఆకట్టుకునేట్టుగా ఉంటేనే సినిమా హిట్ అవుతుంది. సినిమాకి సంగీతం అనేది ఒక బలమైన అంశం. సంగీతంతో పాటు నేపథ్య సంగీతం కూడా అంతే బలంగా ఉంటేనే సినిమా సీన్స్ అనేవి తెరపై బాగా కనిపిస్తాయి. అయితే మనకి అద్భుతమైన సంగీతాన్ని అందించే ఆ మ్యూజిక్ డైరెక్టర్ల రెమ్యూనరేషన్స్ ఎలా ఉంటాయో ఇప్పుడు చూద్దాం..

#1 ఏఆర్ రెహమాన్

మ్యూజిక్‌ లెజెండ్‌ రెహ్మాన్‌ ఎన్నో అద్భుతమైన పాటలను సినీ ప్రపంచానికి అందించారు. రెండు ఆస్కార్ అవార్డుల తో పాటు ఎన్నో అవార్డులను తన ఖాతా లో వేసుకున్న రెహమాన్ ఒక సినిమాకి 5 కోట్ల రూపాయలకు పైనే తీసుకుంటారు.

#2 దేవి శ్రీ ప్రసాద్

రాక్‌స్టార్‌ దేవిశ్రీ ప్రసాద్‌ సంగీతం గురించి టాలీవుడ్‌ ప్రేక్షకులకు కొత్తగా చెప్పాల్సిన పనిలేదు. ఆయన నుంచి ఒక పాట విడుదలైదంటే.. యూట్యూబ్‌లో రికార్డు క్రియేట్‌ చేయాల్సిందే. అంతలా తన మ్యూజిక్‌తో మెస్మరైజ్‌ చేస్తాడు దేవి. సాధారణంగా దేవిశ్రీ ఒక్కో సినిమాకు రూ.3కోట్లు తీసుకుంటారని సమాచారం.

#3 ఎంఎం కీరవాణి

భారత దేశానికి తొలి ఆస్కార్ తెచ్చిన కీర్తి కిరీటి కీరవాణి గారు ఒక చిత్రానికి 75 లక్షల నుండి 1.5 కోట్లు తీసుకుంటున్నారు.

#4 మణిశర్మ

కొన్ని దశాబ్దాలు పాటు తెలుగు పరిశ్రమను ఏలిన ఈయన చిత్రానికి 75 లక్షల నుండి 1.5 కోట్లు తీసుకుంటున్నారు.

#5 తమన్

ఏడాదికి 15 సినిమాల వరకు చేస్తున్న తమన్.. తన మ్యూజిక్ తో సినిమాల విజయం లో ప్రధాన పాత్ర పోషిస్తున్నారు. చిన్న సినిమాలకు తక్కువగానే తీసుకుంటున్న తమన్ పెద్ద సినిమాలకు ఈయన 1.50 కోట్ల వరకు డిమాండ్ చేస్తున్నట్లు తెలుస్తుంది.

#6 అనిరుధ్

ఈ యంగ్ మ్యూజిక్ డైరెక్టర్ ఒక్కో చిత్రానికి 2 కోట్లకు పైగా పారితోషికం తీసుకుంటారు.

#7 గోపి సుందర్

ఫీల్ గుడ్ మ్యూజిక్ అందించే గోపి సుందర్ ఓ చిత్రానికి సుమారు 50 నుండి 80 లక్షలు తీసుకుంటున్నారు.

#8 మిక్కీ జే మేయర్

దర్శకుడు శేఖర్ కమ్ములతో కలిసి ఎన్నో మ్యాజికల్ సాంగ్స్ కు ఊపిరి పోసిన ఈయన ఓ చిత్రానికి సుమారు 50 నుండి 75 లక్షలు తీసుకుంటున్నారు.

#9 హారిస్ జయరాజ్

ఎన్నో లవ్ సాంగ్స్ కు కర్త ,కర్మ,క్రియ అయిన హారిస్ ఓ చిత్రానికి 75 లక్షల నుండి 1.5 కోట్లు పారితోషికం గా తీసుకుంటున్నారు.

#10 జి.వి.ప్రకాష్

అటు హీరోగా ఇటు మ్యూజిక్ కంపోజర్ గా బిజీగా ఉన్న జి.వి.ప్రకాష్. ప్రస్తుతం చిత్రానికి 60 లక్షల నుండి ఒక కోటి రూపాయల వరకు తీసుకుంటున్నారు.

#11 అనూప్ రూబెన్స్

ప్రస్తుతం ఫామ్ కోల్పోయిన అనూప్ ఒక్కో చిత్రానికి 40 లక్షల వరకు పారితోషికం అందుకుంటున్నారు.

#12వివేక్ సాగర్

చిన్న చిత్రాలకు మ్యూజిక్ అందిస్తూ అందరినీ అలరిస్తున్న మ్యూజిక్ సెన్సేషన్ వివేక్ సాగర్ ఓ చిత్రానికి 40 నుండి 50 లక్షలు రెమ్యూనరేషన్ తీసుకుంటున్నారు.

మెగాస్టార్ చిరంజీవి వారసుడిగా ఇండస్ట్రీ లోకి అడుగు పెట్టిన రామ్ చరణ్.. తానేంటో నిరూపించుకొని గ్లోబల్ స్టార్ గా మారారు. వెండితెరపై తిరుగులేని అభిమానగణం మెగాస్టార్ చిరంజీవి సొంతం. అలాంటి బరువైన మెగా ట్యాగ్‌తో చిరంజీవి నట వారసుడిగా ఇండస్ట్రీలో అడుగుపెట్టి కెరీర్‌లో ఒక్కో మెట్టు ఎదుగుతూ ప్రస్తుతం హాలీవుడ్ రేంజ్‌కు ఎదిగిన తీరు ప్రశంసనీయం.

2007లో పూరీ జగన్నాథ్ డైరెక్ట్ చేసిన ‘చిరుత’ తనకు డెబ్యూ మూవీ కాగా.. మొదటి అడుగులోనే డాన్స్‌లో గ్రేస్ చూపించి కాంప్లిమెంట్స్ అందుకున్నాడు చరణ్. ఈ సక్సెస్‌ వెనుక రామ్ చరణ్ పడ్డ శ్రమ అంతా.. ఇంతా కాదు. ఇప్పుడు చరణ్ కెరీర్ లో చేసిన బెస్ట్ మూవీస్ / పాత్రలు ఏవో చూద్దాం..

#1 చిరుత

మొదటి చిత్రం ‘చిరుత’తో అభిమానుల్లో మంచి ఇంప్రెషన్ దక్కించుకున్నాడు రామ్ చరణ్. పూరీ జగన్నాథ్ దర్శకత్వంలో విడుదలైన ఈ సినిమా బ్లాక్ బాస్టర్ హిట్ సాధించింది. ఈ చిత్రం యూట్యూబ్ లోఅందుబాటులో ఉంది.

#2 మగధీర

రామ్ చరణ్ రెండో సినిమా ‘మగధీర’. ఈ సినిమా 2009లో విడుదలైంది. దర్శక ధీరుడు రాజమౌళి డైరెక్షన్‌లో విడుదలైన ఈ సినిమా బ్లాక్ బస్టర్ హిట్ సాధించింది. ఈ చిత్రం తో తన సత్తా ఏంటో నిరూపించుకున్నాడు చరణ్. ఈ చిత్రం ఎంఎక్స్ ప్లేయర్ లో అందుబాటులో ఉంది.

#3 రంగస్థలం

రామ్ చరణ్ నటించిన సినిమాలలో ‘రంగస్థలం’ ప్రత్యేకమైంది. ఈ చిత్రంలో వినికిడి లోపం ఉన్న చిట్టిబాబు పాత్రలో రామ్ చరణ్ ఒదిగిపోయారు. ఈ సినిమా తరువాత రామ్ చరణ్ టాలీవుడ్‌లో మరింత పాపులర్ అయ్యారు. స్టార్ డమ్ పక్కన పెట్టి ఓ సాదాసీదా పాత్రలో నటించి మిగితా హీరోలకు ఆదర్శంగా నిలిచారు. ఈ చిత్రం డిస్నీ ప్లస్ హాట్ స్టార్ లో అందుబాటులో ఉంది.

#4 ఎవడు

రామ్ చరణ్, అల్లు అర్జున్ ప్రధాన పాత్రల్లో నటించిన ఎవడు మూవీ తో మరో హిట్ కొట్టాడు చరణ్. ఈ చిత్రం వుట్ లో అందుబాటులో ఉంది.

#5 నాయక్

రామ్ చరణ్ ద్విపాత్రాభినయం చేసిన ఈ చిత్రం కమర్షియల్ గా మంచి సక్సెస్ సాధించింది. ఈ మూవీ అమెజాన్ ప్రైమ్ మూవీ లో అందుబాటులో ఉంది.

#6 ధృవ

సురేందర్ రెడ్డి దర్శకత్వం లో వచ్చిన ఈ చిత్రం తో తాను సినిమాలను ఎంచుకొనే పంథా మార్చారు చరణ్. ఈ చిత్రం డిస్నీ ప్లస్ హాట్ స్టార్ లో అందుబాటులో ఉంది.

#7 ఆర్ఆర్ఆర్

‘ఆర్ఆర్ఆర్’తో వేల కోట్ల వసూళ్లు పోగేసుకుని, పాన్ ఇండియా వైడ్ కాదు ఏకంగా వరల్డ్ వైడ్ సెన్సేషన్ గా మారిపోయాడు చరణ్. ఈ చిత్రం లో స్వాతంత్య్ర సమరయోధుడి పాత్రలో మెప్పించారు చరణ్. ఈ చిత్రం నెట్ ఫ్లిక్స్ లో అందుబాటులో ఉంది.

#8 ఆరంజ్

చరణ్ కెరీర్ లో బిగ్గెస్ట్ డిజాస్టర్ గా మారిన ఈ చిత్రం లో రామ్ చరణ్ చాలా అద్భుతం గా నటించారు. ఈ చిత్రం ఇప్పటికే అందరికీ ఆల్ టైం ఫెవరెట్ మూవీ.

#9 గోవిందుడు అందరివాడేలే..

వరుస కమర్షియల్ చిత్రాలు చేసిన చరణ్ ఈ చిత్రం తో తన పంథా మార్చాడు. ఈ చిత్రం లో ఎమోషనల్ సీన్స్ లో చరణ్ అద్భుతం గా నటించారు.