Anudeep

ప్రస్తుతం అన్ని చిత్ర పరిశ్రమల్లోనూ పాన్ ఇండియా చిత్రాల హవా నడుస్తోంది. సినిమా చిన్నదా.. పెద్దదా.. స్టార్ నటులున్నారా.. లేదా.. అన్న విషయాలు పక్కన పెట్టి.. సరైన కథ ఉంటే పాన్ ఇండియా లెవెల్లో చిత్రాలను తయారు చేస్తున్నారు మేకర్స్.

ఇకపోతే టాలీవుడ్ లో బాహుబలి చిత్రం తో ఈ సందడి మొదలైంది. అప్పటి నుంచి కథా బలమున్న చిత్రాలు దేశమంతటా రిలీజ్ అవుతున్నాయి. ఈ నేపథ్యం లో త్వరలో పాన్ ఇండియా లెవెల్ లో తొలిసారి తమ అదృష్టాన్ని పరీక్షించుకోబోతున్న హీరోలెవరో ఇప్పుడు చూద్దాం..

#1 ఏజెంట్
సురేందర్ రెడ్డి దర్శకత్వం లో అఖిల్ అక్కినేని చేస్తున్న స్పై థ్రిల్లర్ ఏజెంట్. ఇందులో మమ్ముట్టి ఒక ప్రధాన పాత్రలో నటిస్తున్నారు.

#2 హరి హర వీరమల్లు
క్రిష్ జాగర్లమూడి దర్శకత్వం లో పవన్ చేస్తున్న హిస్టారికల్ చిత్రం హరి హర వీరమల్లు. దీనిలో కథానాయిక నిధి అగర్వాల్.

#3 దసరా
నాని, కీర్తి సురేష్ జంటగా శ్రీకాంత్ ఓదెల తెరకెక్కిస్తున్న చిత్రం దసరా. ఇది కూడా పాన్ ఇండియా చిత్రమే.

#4 రామ్- బోయపాటి చిత్రం
దర్శకుడు బోయపాటి శ్రీను, హీరో రామ్ తదుపరి చిత్రం కూడా పాన్ ఇండియా చిత్రమే అని సమాచారం.

#5 స్పై
కార్తికేయ తో ఆల్ ఇండియా లెవెల్ లో క్రేజ్ తెచ్చుకున్న హీరో నిఖిల్ సిద్దార్థ్ తదుపరి చిత్రం స్పై కూడా పాన్ ఇండియా చిత్రమే.

#6 మైకేల్
రంజిత్‌ జయకోడి దర్శకత్వంలో సందీప్ కిషన్ హీరో గా రానున్న మైకేల్ చిత్రం పాన్‌ ఇండియా చిత్రమే. చాలా గ్యాప్ తర్వాత సందీప్ కిషన్ ఈ చిత్రం లో నటిస్తున్నారు.

#7 విరూపాక్ష

సాయి ధరమ్ తేజ్ హీరోగా సుకుమార్ రైటింగ్‌లో కార్తీక్ దండు దర్శకత్వంలో తెరకెక్కుతున్న విరూపాక్ష చిత్రం పాన్ ఇండియా లెవెల్ లో రాబోతోంది.

#8 గూఢచారి 2

అడివి శేష్ హీరోగా 2018లో వచ్చిన గూఢాచారి మూవీ సూపర్ హిట్ అయిన విషయం తెలిసిందే. ఇప్పుడు దీనికి సీక్వెల్ మూవీ ని ఆల్ ఇండియా ఫ్రాంఛైజీగా తీసుకొస్తున్నట్లు శేష్ వెల్లడించారు.

#9 టైగర్ నాగేశ్వర రావు

మాస్ మహారాజ్ రవితేజ తొలిసారిగా చేస్తున్న పాన్ ఇండియా చిత్రం టైగర్ నాగేశ్వర రావు. దీనికి వంశీ దర్శకుడు.

#10 హనుమాన్

యంగ్ హీరో తేజ‌స‌జ్జా ‘హ‌ను మాన్’ అనే సూప‌ర్ హీరో చిత్రాన్ని చేస్తున్నాడు. దీనికి ప్రయోగాత్మక సినిమాల‌ను తెర‌కెక్కించ‌డంలో సిద్ధ హస్తుడు అయిన ప్రశాంత్ వర్మ దర్శకత్వం వహిస్తున్నాడు. ఇది మొత్తం పదకొండు భాషల్లో రిలీజ్ కానుంది.

ఇండస్ట్రీలో ఓ హీరోతో అనుకున్న కథ మరో హీరోకి వరకు వెళ్లి చివరకి మరో హీరోతో పట్టాలేక్కుతుంది. ఇది చాలా సాధారణ విషయం కూడా.. అయితే ప్రస్తుతం బాలయ్య తో ‘వీరసింహ రెడ్డి’ చిత్రం తీసి ఫుల్ జోష్ లో ఉన్న గోపీచంద్ మలినేని కూడా ఇటువంటి సంఘటనని తాజాగా వెల్లడించారు. అదే ‘డాన్ శీను’ చిత్రం. గోపీచంద్ మలినేని దర్శకత్వంలో రవితేజ హీరోగా మొత్తం ఇప్పటివరకు మూడు సినిమాలు వచ్చాయి. అవే డాన్ శీను, బలుపు, క్రాక్ చిత్రాలు. సక్సెస్ఫుల్ కాంబినేషన్‌గా ఇండస్ట్రీలో వీరికి మంచి పేరుంది. ముందుగా వీరి కాంబినేషన్ నుంచి వచ్చిన చిత్రం డాన్ శీను.. ఇదే గోపీచంద్ మలినేనికి దర్శకుడిగా మొదటి సినిమా. బాక్స్ ఆఫీస్ వద్ద ఈ సినిమా మంచి విజయాన్ని అందుకుంది.

వరుస‌ ప్లాపుల్లో ఉన్న రవితేజ ఈ సినిమాతో మళ్ళీ హిట్ కొట్టి సక్సెస్ ట్రాక్ ఎక్కాడు. అయితే ఈ చిత్రాన్ని గోపీచంద్ మలినేని ముందుగా ప్రభాస్ తో తీద్దాం అనుకున్నారట. దిల్ రాజు ఈ మూవీని నిర్మించేందుకు ముందుకు వ‌చ్చాడ‌ట‌. ఇందులో భాగంగానే ప్రభాస్ కు కథ వినిపించగా ఆయనకు బాగా నచ్చే సినిమా చేద్దామని ఓకే చెప్పాడట. కానీ ఆ వెంటనే `ఏక్‌ నిరంజన్` మూవీ మొదలైంది. ప్రభాస్ కాల్షీట్లు దొరకడానికి చాలా కాలం ఎదురు చూడాల్సిన పరిస్థితి.

దాంతో గోపీచంద్ మలినేని టాలీవుడ్ మ్యాచో హీరో గోపీచంద్ కు స్టోరీ చెప్పాడట. అయితే గోపీచంద్ కు సైతం కథ నచ్చినప్పటికీ గోలీమార్, వాంటెడ్ వంటి సినిమాలకు కమిట్ అవడంతో డేట్స్ అడ్జస్ట్ చేయలేకపోయాడట. ఇక తర్వాత గోపీచంద్ మలినేని ఆ కథతో ఆర్ ఆర్ మూవీ మేకర్స్ వారి వద్దకు వెళ్ళాడట.. వాళ్ల దగ్గర రవితేజ బల్క్‌ కాల్ షీట్లు ఉండటంతో.. ఆయనకు కథ చెప్పడం, నచ్చడం, వెంటనే సినిమాను ప‌ట్టాలెక్కించ‌డం చకచకా జరిగిపోయాయి. ఇక 77 రోజుల్లో చిత్రీకరణ పూర్తి చేసి డాన్ శీను సినిమాను విడుదల చేశారట.

ఇలా తన మొదటి చిత్రం తోనే సూపర్ హిట్ అందుకున్న దర్శకుడు గోపీచంద్ మలినేని.. ప్రస్తుతం క్రాక్, వీర సింహా రెడ్డి తో వరుస హిట్స్ ను ఖాతా లో వేసుకొని ఫుల్ జోష్ లో ఉన్నారు. మరోవైపు రవితేజ కూడా ధమాకా, వాల్తేరు వీరయ్య సినిమాలతో బ్యాక్ టు బ్యాక్ హిట్స్ కొట్టారు. తర్వాత టైగర్ నాగేశ్వర రావు చిత్రం చేస్తున్నాడు రవి తేజ. అయితే రెండు హిట్స్ తో జోరు మీదున్న గోపీచంద్ మలినేని తన తదుపరి ప్రాజెక్ట్ ఇప్పటివరకు ప్రకటించలేదు.

బాల నటులుగా ఇండస్ట్రీకి వచ్చి కొన్నేళ్ల పాటు సత్తా చూపించి.. ఆ తర్వాత ఉన్నట్లుండి మాయం అయిపోతుంటారు కొందరు పిల్లలు. చిన్నపుడు స్కూల్ వయసులోనే అక్కడా ఇక్కడా బ్యాలెన్స్ చేస్తూ సినిమాల్లో కనిపిస్తారు. ఆ తర్వాత చదువు పేరుతో కొన్నేళ్ల పాటు ఎవరికీ కనిపించకుండా పోతారు. ఆ తర్వాత కుర్ర వయసుకు వచ్చాక మళ్లీ వచ్చి సినిమాలు చేస్తుంటారు. అలాంటి కొందరు ఒకప్పటి బాలనటులు ఇప్పుడు తెలుగు ఇండస్ట్రీలో హీరోలయ్యారు. అందులో కొందరు సూపర్ స్టార్స్ కూడా ఉన్నారు. వాళ్లెవరో ఇప్పుడు చూద్దాం..

#1 కమల్ హాసన్

బాల నటుడిగా దాదాపు 6 చిత్రాల్లో నటించారు. ఆ తరువాత హీరో అయ్యాక 200 పైగా చిత్రాల్లో నటించారు.

#2 మహేష్ బాబు

మహేష్ బాబు తన తండ్రి కృష్ణ గారితో కలిసి అనేక సినిమాల్లో బాల నటుడిగా కనిపించారు. మహేష్ ప్రధాన పాత్రలో బాల చంద్రుడు అనే మూవీ కూడా వచ్చింది. తన నాలుగేళ్ల వయసులోనే దాసరి నారాయణరావు దర్శకత్వంలో వచ్చిన ‘నీడ’ అనే చిత్రం ద్వారా.. 1979లో బాల నటుడిగా పరిచయమవ్వగా.. మొత్తంగా 11 ఏళ్లలో 9 చిత్రాల్లో చైల్డ్ ఆర్టిస్టుగా నటించాడు.

#3 జూనియర్ ఎన్టీఆర్

ఇప్పుడు పాన్ ఇండియా స్టార్ గా సత్తా చాటుతున్న ఎన్టీఆర్ బాల రామాయణం చిత్రం లో నటించారు. అంతకుముందే బ్రహ్మర్షి విశ్వామిత్ర చిత్రంలో భరతుడి పాత్రలో కూడా జూనియర్ ఎన్టీఆర్ నటించారు.

#4 తరుణ్

చైల్డ్ ఆర్టిస్ట్ గా సూపర్ హిట్స్ అందుకున్న మరో హీరో తరుణ్. తర్వాత హీరోగా అడుగు పెట్టాక కూడా ఎన్నో హిట్ సినిమాల్లో నటించారు. అదేవిధంగా ఉత్తమ బాల నటుడిగా పలుమార్లు నంది అవార్డు కూడా అందుకున్నారు.

#5 బాలాదిత్య

లిటిల్ సోల్జర్స్ వంటి సూపర్ హిట్ చిత్రం తో పాటు .. ఆ యిమే లో చాలా చిత్రాల్లో బాల నటుడిగా కనిపించారు బాలాదిత్య. తర్వాత హీరోగా ఎంట్రీ ఇచ్చారు.

#6 అఖిల్
ఇక అఖిల్ సిసింద్రీ సినిమా గురించి చెప్పుకోనవసరం లేదు. నడక రాని టైం లోనే యాక్ట్ చేసి అందర్నీ ఆశ్చర్యానికి గురిచేశాడు అఖిల్. తర్వాత అఖిల్ సినిమాతో హీరో గా ఎంట్రీ ఇచ్చాడు.

#7 తనీష్

దేవుళ్ళు సినిమాలో అయ్యప్ప స్వామి గా మనకు గుర్తుండిపోయే పాత్రలో నటించాడు తనీష్. తర్వాత నచ్చావులే సినిమాతో హీరో అయ్యాడు.

#8 తేజ సజ్జ
ఇంద్ర సినిమాలో చిన్నప్పటి చిరంజీవిగా ఇరగదీశాడు తేజ. ప్రస్తుతం భిన్నమైన కథాంశాలు ఎంచుకుంటూ భవిష్యత్ సూపర్ స్టార్ అయ్యే దిశగా పయనిస్తున్నాడు.

#9 ఆకాష్ పూరి

పూరిజగన్నాథ్ కుమారుడైన ఆకాష్ బుజ్జిగాడు చిత్రం లో మొదటిసారి కనిపించాడు. తర్వాత ఆంధ్ర పోరి చిత్రం తో హీరోగా మారాడు.

#10 మనోజ్ నందం
ఛత్రపతి లో చిన్నప్పటి ప్రభాస్ పాత్ర చేసిన మనోజ్ ‘ఒక రొమాంటిక్ క్రైమ్ కథ’ తో హీరోగా మారాడు.

#11 సంతోష్ శోభన్

గోల్కొండ హై స్కూల్ చిత్రం లో నటించిన సంతోష్..తనకు నేను చిత్రం తో హీరో గా ఎంట్రీ ఇచ్చాడు. ఇప్పుడు వరుస సినిమాలు చేస్తూ దూసుకు పోతున్నాడు.

#12 నాగ అన్వేష్

ఇంట్లో ఇల్లాలు వంటింట్లో ప్రియురాలు చిత్రం లో వెంకటేష్ కొడుకుగా నటించాడు నాగ అన్వేష్. తర్వాత వినవయ్యా రామయ్య చిత్రం తో హీరోగా ఎంట్రీ ఇచ్చాడు.