Harika Page 163
Author

Harika

Hi, This is Harika. I have been working as a web content writer in Telugu Adda from the past one year and am experienced in writing articles in cinema, sports, inspiring stories and flash news categories.

Filmy Adda

Animal Actors Remuneration: భారీ బడ్జెట్ యానిమల్ మూవీ ..ఈ 4 తారలు తీసుకున్న భారీ రెమ్యూనరేషన్ ఎంతో తెలుసా?

by Harika
written by Harika

సందీప్ రెడ్డి వంగా.. అర్జున్ రెడ్డి లాంటి ఒక్క సినిమాతో సెన్సేషన్ సృష్టించిన ఈ డైరెక్టర్ ఇప్పుడు యానిమల్ అంటూ బాక్సాఫీస్ ను వణికిస్తున్నాడు. వసూళ్ల వర్షం కురిపిస్తున్న ఈ మూవీలో యాక్టర్ల నటన అన్నిటికంటే హైలెట్ అనడంలో ఎటువంటి డౌట్ లేదు. ఈ చిత్రాన్ని ముఖ్యంగా నలుగురు తమ భుజాన మోశారు.. అందులో ఒకరు హీరో రణబీర్ కపూర్ అయితే ఇంకొకళ్ళు విలన్ బాబీ డియోల్. వీళ్ళిద్దరి తర్వాత ఆ చిత్రంలో ముఖ్యమైన పాత్రలు పోషించింది రష్మిక ,అనిల్ కపూర్.

issue shown in animal trailer

ఇంత భారీ చిత్రాని హిట్ దశగా నడిపించిన ఈ నలుగురు తీసుకున్న పారితోషకం ఎంతో తెలుసా.. 250 కోట్ల బడ్జెట్ తో తరికెక్కిన ఈ చిత్రం ఇప్పటికే 1000 కోట్లకు పైగా వసూళ్లు తన ఖాతాలో వేసుకుంది. భార్య అంచనాల మధ్య విడుదలైన ఈ మూవీ అనుకున్న దానికంటే ఎక్కువ సక్సెస్ సాధిస్తూ దూసుకుపోతోంది. ఈ మూవీ కోసం రణబీర్ కపూర్ చాలా ఎఫర్ట్స్ పెట్టాడు అన్న విషయం అతను బిల్ చేసిన మాసివ్ బాడీని చూస్తే అర్థమవుతుంది. ఏ మూవీ కోసం అతను అందుకున్న పారితోషకం అక్షరాల 70 కోట్లు. మరి సినిమాకి ప్రేక్షకులను పరుగులు పట్టించిన హీరో ఆ మాత్రం తీసుకోవాలి కదా.

రణబీర్ కపూర్ కి దీటుగా మంచి ఎక్స్ప్రెషన్స్ తో క్యారెక్టర్ ఇంటెన్సిటీని బాగా మెయింటైన్ చేసింది రష్మిక. ఇక ఈ చిత్రం కోసం ఆమె తీసుకున్న పారితోషకం అక్షరాల నాలుగు కోట్లు. ఒకప్పుడు బాలీవుడ్ లో హీరోగా చలామణి అయ్యి ఆ తర్వాత పెద్దగా చాన్స్ లేక సైలెంట్ అయిపోయిన నటుడు బాబి డియోల్. తిరిగి ఈ చిత్రంతో విలన్ గా ఎంట్రీ ఇచ్చిన బాబీ డియోల్ ..ఈ మూవీకి తీసుకున్న పారితోషకం నాలుగు కోట్లు. మిస్టర్ ఇండియా గా బాలీవుడ్ లో ఇప్పటికీ యంగ్ హీరోలకి ధీటుగా గ్లామర్ మెయింటైన్ చేసే నిన్నటి తరం హీరో అనిల్ కపూర్.. ఈ మూవీ కోసం అతను తీసుకున్న రెమ్యునరేషన్ కేవలం రెండు కోట్లు.

Health Adda

HEART STROKE SYMPTOMS: ఈ 3 లక్షణాలు గుండె సమస్యకు సూచన .. అశ్రద్ధ చేయకండి..

by Harika
written by Harika

మన శరీరంలోని ముఖ్యమైన అవయవాలలో గుండె కూడా ఒకటి. నిరంతరం ఎటువంటి విశ్రాంతి లేకుండా పని చేసే గుండె ఎంత ఆరోగ్యంగా ఉంటే మనమంతా ఆరోగ్యంగా ఉంటాము. మనకు తెలియకుండా శరీరంలోని ముఖ్యమైన భాగంలో సమస్య ఏర్పడినప్పుడు.. దీనికి సంబంధించిన లక్షణాలు మనకు ముందుగానే తెలుస్తాయి. మన శరీరం వీటిని మనకు అర్థమయ్యేలా ఏదో ఒక రూపంలో సిగ్నల్ ఇవ్వడానికి ప్రయత్నిస్తుంది. మరి అవి ఏమిటో తెలుసుకుందాం..

సాధారణంగా గుండెకు సంబంధించిన సమస్య వచ్చినప్పుడు ఛాతి చుట్టూ నొప్పి వస్తుంది అనుకుంటాం కానీ ముందుగా మనకు సూచన వచ్చేది కాళ్ళ దగ్గర నుంచి అని చాలా మంది కి తెలియదు. మీరు మీ పాదాలలో ఈ క్రింది సమస్యలు గమనించినట్లయితే వెంటనే జాగ్రత్తలు తీసుకోవడం ఎంతో అవసరం అంటున్నారు వైద్య నిపుణులు.

పాదాల రంగు..

గుండె సరిగ్గా పనిచేయనప్పుడు మన శరీర భాగాలకు అవసరమైన రక్తప్రసరణ జరగదు. దీంతో చర్మం అక్కడక్కడ నీలిరంగులోకి మారుతుంది. ముందుగా ఈ మార్పు మనకు కనిపించేది మన పాదాలలోనే.

బలహీనమైన పాదాలు..

కాళ్లు బలహీనంగా నీరసంగా అనిపిస్తున్నా ..ఎక్కువ దూరం నడవలేకపోతున్నా.. కాస్త శ్రద్ధ తీసుకోవడం ఎంతో ముఖ్యం. రక్తం సరిత ప్రవహించకపోవడం వల్ల ఇటువంటి సమస్యలు తరచూ తలెత్తుతాయి కాబట్టి ..ఇలా తరచూ అనిపిస్తూ ఉంటే గుండె ఆరోగ్యం పై శ్రద్ధ తీసుకోవాలని.

కాళ్ళ నొప్పి..

కాళ్ల నొప్పి అనేది సర్వసాధారణ సమస్య ..కానీ చాలా సందర్భాలలో ఇది గుండె పనితీరు మందగించడాన్ని సూచిస్తుంది. గుండె జబ్బు ఉన్నవారు తరచూ కాళ్ళ నొప్పులు వస్తూ ఉంటే అస్సలు అశ్రద్ధ చేయకుండా వెంటనే డాక్టర్ని సంప్రదించాలి.

Human anglePolitics

Seethakka: ఒకప్పుడు తుపాకీ పట్టారు…ఇప్పుడు మంత్రిగా ప్రమాణ స్వీకారం.! ఆమె గురించి ఈ విషయాలు తెలుసా.?

by Harika
written by Harika

అనసూయ అలియాస్ సీతక్క.. తెలంగాణ ఎన్నికల తర్వాత మారుమోగుతున్న పేరు. ఏదో వారసత్వంతో ఎన్నికల్లో గెలిచి ఉన్నా లేక మామూలు వ్యక్తిగా పోటీ చేసి గెలిచి ఉన్న ఇంత డిస్కషన్ వచ్చేది కాదు కానీ ఒక మావోయిస్టుగా ఉండి ఆ తరువాత జనజీవన స్రవంతిలో కలిసి ఇప్పుడు తనని తాను నిరూపించుకొని ఎమ్మెల్యేగా ఎన్నిక అయి ఏకంగా మంత్రి కావడంతో.. ఈమె గురించి చర్చ జరుగుతోంది. జీవితంలో ఎన్నో ఒడిదుడుకులు ఎదుర్కొని ఒక మహిళ మావోయిస్టు నుంచి మంత్రి వరకు ప్రయాణించడం అంటే మాటలు కాదు కదా. నీతిగా ధర్మం కోసం పోరాడే వాళ్లకు ఎప్పుడూ అపజయం ఉండదు అన్నదానికి సీతక్కలాంటి వాళ్ళ జీవితం ఒక గొప్ప ఉదాహరణ.

public response for seethakka oath

తెలంగాణ ముఖ్యమంత్రి రేవంత్ రెడ్డి ప్రమాణ స్వీకారం జరిగింది. రేవంత్ రెడ్డితో పాటు సహ మంత్రులు అంతా కూడా ఇవాళ ప్రమాణ స్వీకారం చేశారు. “రేవంత్ రెడ్డి అనే నేను” అని అనడంతో ఎల్పీ స్టేడియం మొత్తం మోత మోగిపోయింది. తర్వాత కొంత మంది మంత్రులు ప్రమాణ స్వీకారం చేశారు. ఆ తర్వాత ఎనిమిదవ మంత్రిగా సీతక్క వచ్చారు. సీతక్కని చూసిన ప్రజలు, కాంగ్రెస్ నాయకులు చప్పట్లు కొట్టారు. సీతక్క అందరికీ అభివాదం చేశారు.

public response for seethakka oath

ఆ తరువాత గవర్నర్ తమిళిసై వచ్చి, “తమిళిసై అనే నేను” అని అన్నా కూడా అక్కడ ప్రజల అరుపులు ఏమాత్రం తగ్గలేదు. దాంతో సీతక్క మళ్ళీ వచ్చి అభివాదం చేశారు. అప్పటికే ఆలస్యం అవుతుండడంతో గవర్నర్ జోక్యం చేసుకొని ప్రమాణ స్వీకారం చేయాలి అన్నట్టుగా సైగ చేశారు. దాంతో సీతక్క వచ్చి, “దనసరి అనసూయ సీతక్క అనే నేను” అన్నారు.

ఇలా చెప్పిన తర్వాత అంతా అరుపులతో హోరెత్తిపోయింది. ఒక రకంగా చెప్పాలి అంటే రేవంత్ రెడ్డి ప్రమాణ స్వీకారం చేస్తున్నప్పటి కంటే, సీతక్క ప్రమాణ స్వీకారం చేస్తున్నప్పుడే ప్రజల అరుపులు ఇంకా ఎక్కువగా ఉన్నాయి. ఇది చూసిన వారు అందరూ కూడా, “బాహుబలి రేంజ్ లో సీతక్కకి అభిమానులు ఉన్నారు. సీతక్క ప్రమాణస్వీకారం చూస్తూ ఉంటే బాహుబలి సినిమాలో అమరేంద్ర “బాహుబలి అనే నేను” అంటూ ప్రభాస్ చేసే సీన్ గుర్తొచ్చింది” అంటూ కామెంట్స్ చేస్తున్నారు.

watch video:

అయితే ఎవరు ఈ సీతక్క…ఎందుకు ఆమెకి అంత క్రేజ్ అంటే….1971 జూలై 9 లో ములుగు జిల్లా జగ్గన్నపేటలో దనసరి అనసూయ అలియాస్ సీతక్క జన్మించారు. ఆదివాసీ కోయ తెగ కుటుంబంలో జన్మించిన సీతక్క పదవ తరగతి చదువుతున్నప్పుడే అడవి బాట పట్టారు. పూలన్ దేవి రచనల ప్రభావంతో అడవి అండగా ఉంటుంది తుపాకీ పడితేనే అరాచకాలను అరికట్టచ్చు నమ్మి 1988లో నక్సల్ పార్టీలో చేరి సీతక్కగా మారారు. ఆ తర్వాత నక్సల్ నాయకుడిని వివాహం చేసుకున్నారు సీతక్క. వారికి ఒక కొడుకు కూడా ఉన్నారు. దాదాపు 15 ఏళ్లు అడవిలోనే గడిపిన తర్వాత సీనియర్ ఎన్టీఆర్ గారు ఇచ్చిన పిలుపుతో టీడీపీ హయాంలో జనజీవన స్రవంతిలో కలిసిపోయారు సీతక్క.

అన్యాయం మీద పోరాడేందుకు 2001లో LLB చదివి సామాజిక సేవల్లో చురుగ్గా పాల్గొన్నారు. జనం మెచ్చిన నాయకురాలుగా ఆమె పేరు తెచ్చుకోవడంతో 2004 ఎన్నికల్లో టిడిపి ఆమెకు ములుగు టికెట్‌ కూడా ఇచ్చారు. అలా తొలిసారి 2004లో మొదటిసారి టిడిపి నుంచి పోటీ చేసి ఓటమి పాలయ్యారు. ఆ తర్వాత 2009లో టిడిపి తరఫున తొలిసారి శాసనసభలోకి ఎంట్రీ ఇచ్చారు.

మళ్లీ తిరిగి 2018లో కాంగ్రెస్ నుంచి విజయం సాధించారు. ఆమె తన దృష్టి కేవలం రాజకీయంపైనే పెట్టలేదు.. కరోనాతో బాధపడుతున్న గిరిజనులకు అండగా నిలబడింది. ఆమె చేసే సేవ చూసి అందరూ.. తమ చుట్టూ ఉన్నవాళ్లలో సీతక్క లాంటి వాళ్ళు ఎక్కువ ఉంటే బాగున్ను అని భావించేవారు. మైళ్ళ దూరం అడవిలోకి నడిచి వెళ్లి.. కరోనా సమయంలో మందులు, ఆహారం నిత్యవసరాలు గిరిజనులకు అందించి చేయూతగా నిలబడింది. “ఒకప్పుడు నా చేతిలో తుపాకీ ఉండేది, ఇప్పుడు బియ్యం, కూరగాయలు ఉంటున్నాయని ఆమె ఆనందంగా చెబుతున్నారు.” అని సీతక్క అన్న మాట తన గొప్పతనానికి నిదర్శనం.

ములుగు నియోజకవర్గం అంటే పూర్తిగా ఏజన్సి ప్రాంతం, దట్టమైన అడవులు, గిరిజన తెగలు.. రోడ్డు మార్గం కూడా కరువైన ప్రాంతాలు..అలాంటి ప్రాంతాల్లో కాలినడకనైనా ప్రయాణిస్తూ అక్కడి ప్రజలకు కరోనా గురించి అవగాహన కల్పించి వ్యక్తి గత శుబ్రత తదితర విషయాలను గిరిజనులకి వివరించి, వారికి కావలసిన నిత్యావసర వస్తువులను అందించారు సీతక్క.

ఇక ఈసారి తెలంగాణ ఎన్నికల్లో కాంగ్రెస్ తరపున పోటీ చేసిన సీతక్క తన ప్రత్యర్థిపై 33,700 మెజార్టీతో విజయం సాధించారు. ఒక గిరిజన వర్గానికి చెందిన మహిళ తొలిసారి మంత్రివర్గ ప్రమాణంకు శ్రీకారం చుట్టింది.  టీడీపీలో ఉన్నప్పటి నుండి రేవంత్ రెడ్డి గారితో సీతక్క పరిచయం. సొంత అన్నాచెల్లెలాగే ఉండేవారు ఇద్దరు. ఈ విషయాన్ని పలువేదికలపై స్వయంగా రేవంత్ రెడ్డి గారే చెప్పారు. 2023 ఎన్నికల ప్రచారాన్ని కూడా ములుగు నుండే మొదలుపెట్టారు. ఈ రోజు సీతక్క గిరిజన శాఖ మంత్రిగా నియమించబడడం ప్రతి తెలుగువారికి గర్వకారణం.

Filmy Adda

PRABHAS SALAAR: ట్రైలర్ లోనే అనుకుంటే సినిమాలో లో కూడా అంతే అంటగా.? ఇదెక్కడి ట్విస్ట్ నీల్ మావా.?

by Harika
written by Harika

టాలీవుడ్ పాన్ ఇండియా హీరో ప్రభాస్ ప్రస్తుతం వరుసగా పాన్ ఇండియా సినిమాలలో నటిస్తూ ఫుల్ బిజీబిజీగా గడుపుతున్న విషయం తెలిసిందే. బాహుబలి సినిమాతో పాన్ ఇండియా హీరోగా గుర్తింపు తెచ్చుకున్న ప్రభాస్ ఆ తర్వాత వరుసగా పాన్ ఇండియా సినిమాలలో నటిస్తూ దూసుకుపోతున్నారు. ఇది ఇలా ఉంటే ప్రభాస్ తాజాగా నటించిన చిత్రం సలార్. ఈ సినిమాకు కేజీఎఫ్ దర్శకుడు ప్రశాంత్ నీల్ దర్శకత్వం వహించిన విషయం తెలిసిందే. ఈ సినిమా డిసెంబర్ 22న ప్రేక్షకుల ముందుకు రానుంది. ఇప్పటికే ఈ సినిమా నుంచి విడుదలైన టీజర్ పోస్టర్లకు ప్రేక్షకుల నుంచి భారీగా స్పందన లభించింది.

ఈ సినిమా కోసం పాన్ ఇండియా స్థాయిలో అభిమానులు ఎంతో ఆత్రుతగా ఎదురుచూస్తున్నారు. ఇది ఇలా ఉంటే ఐటీవలె ఈ సినిమా ట్రైలర్ ను విడుదల చేసిన విషయం తెలిసిందే. ప్రేక్షకులు ఎప్పుడెప్పుడా అని ఎదురుచూసిన ట్రైలర్ రానే వచ్చింది. అయితే ఈ సినిమాపై అనేక రకాల సందేహాలు మొదలవుతున్నాయి. పాజిటివ్ కంటే నెగిటివ్ టాక్ ఎక్కువగా వినిపిస్తోంది. ఎదో ఊహించుకున్నాం కానీ, ట్రైలర్ ఆ రేంజ్ లో అసలు లేదంటూ సోషల్ మీడియాలో కామెంట్స్ చేస్తున్నారు. ట్రైలర్ లో అసలు ప్రభాస్ చాలా తక్కువ నిడివి కనిపించడం తో అభిమానులు బాగా నిరాశకి గురి అయ్యారు.

అంతే కాదు ఎంచుకున్న బ్యాక్ డ్రాప్ కూడా ఆడియన్స్ కి రొటీన్ అనిపించింది. అయితే ప్రభాస్ ట్రైలర్ లో తక్కువ నిడివి కనిపించడంతో సినిమాలో కూడా అదే విధంగా కనిపిస్తాడా అన్న అనుమానాలను వ్యక్తం చేస్తున్నారు. తాజాగా కూడా అదే వార్త హాట్ టాపిక్ గా మారింది. అదేమిటి అంటే ఈ సినిమాలో ప్రభాస్ ఫస్ట్ హాఫ్ లో చాలా తక్కువ సేపు మాత్రమే కనిపిస్తాడట. ఆయన ఎంట్రీ చాలా ఆలస్యంగా ఉంటుందని తెలుస్తోంది. అంటే ప్రీ ఇంటర్వెల్ సన్నివేశం వరకు ప్రభాస్ ఎంట్రీ ఉండదట. దీంతో అభిమానులు కాస్త భయపడుతున్నారు.

prabhas salaar movie main twist leaked

కానీ ప్రభాస్ ఎంటర్ అయిన తర్వాత నుండి సినిమా మరో లెవెల్ లో ఉంటుందని, కచ్చితంగా ఫ్యాన్స్ కి ప్రభాస్ ఉన్న సన్నివేశాలు మొత్తం గూస్ బంప్స్ రప్పిస్తామని, ఇన్ని రోజులు ఎలాంటి ప్రభాస్ ని చూడాలని అభిమానులు కోరుకున్నారో, అలాంటి ప్రభాస్ ని చూపించారని ఫిలిం నగర్ నుండి అందుతున్న కొన్ని విశ్వసనీయ వర్గాల నుండి అందిన సమాచారం. మరి ఈ సినిమా ఎలా ఉండబోతోంది ఈ ప్రభాస్ నిడివి ఎంతసేపు ఉంటుంది అన్న పూర్తి వివరాలు తెలియాలి అంటే డిసెంబర్ 22 వరకు వేచి చూడాల్సిందే మరి.

News

64 ఏళ్ళ నాగార్జున …ఆ 26 ఏళ్ల హీరోయిన్ తో రొమాన్స్ చేయడం ఏంటి.? మరీ చిన్నపిల్లంటూ ట్రోల్స్.!

by Harika
written by Harika

నాగార్జున తాజా చిత్రం నా సామిరంగా.. ఈ సినిమా వచ్చే సంక్రాంతికి రిలీజ్ అవ్వడం కోసం శరవేగంగా షూటింగ్ జరుపుకుంటుంది. తాజాగా ఈ సినిమాకి సంబంధించిన హీరోయిన్ ని చిత్ర యూనిట్ పరిచయం చేసింది. ఆమె మరెవరో కాదు అమిగోస్ సినిమాలో కళ్యాణ్ రామ్ సరసన హీరోయిన్ గా నటించిన ఆషికా రంగనాథ్. కన్నడలో మంచి నటిగా గుర్తింపు తెచ్చుకున్న ఆషికా రంగనాథ్ కి తెలుగులో రెండవది ఈ సినిమా.

నిండుగా చీర కట్టుకొని ఓర చూపు చూస్తున్న ఆమె లుక్కు సూపర్ గా ఉంది. అలాగే నాగార్జున దొంగ చాటుగా ఆమెని చూస్తున్నట్లు ఉండే గ్లిమ్స్ చాలా బాగున్నాయి. అయితే వీరిద్దరి కాంబినేషన్ అంటేనే కొంచెం ఎబ్బెట్టు గా ఉంది అంటున్నారు నెటిజెన్స్. నాగార్జున పక్కన ఆ పిల్ల మరీ చిన్న పిల్లలాగా కనిపిస్తుంది అంటూ విమర్శిస్తున్నారు నెటిజన్స్. 64 ఏళ్ళ నాగార్జున కేవలం 26 ఏళ్ల ఆశికా సరసన నటించడం ఏంటి అంటూ కొందరు కామెంట్స్ చేస్తున్నారు.

చిరంజీవి, బాలకృష్ణ లు కూడా తమ సరసన నటించే హీరోయిన్ల విషయంలో పలు విమర్శలు ఎదుర్కొన్న విషయం తెలిసిందే. శృతిహాసన్, చిరంజీవి జంట కూడా ఇలాగే విమర్శలపాలైంది. అలాగే బాలకృష్ణ, శృతిహాసన్ జంట కూడా ట్రోల్స్ కి గురైంది. అలాంటి ముదురు హీరోలకి కాజల్, అనుష్క, శ్రియ లాంటి వాళ్ళు నప్పుతారు కానీ మరి ఇంత చిన్న పిల్లలు వాళ్లకి అవసరమా అంటూ తెగ విమర్శలు గుప్పిస్తున్నారు నెటిజన్స్.

అయితే నా సామిరంగా సినిమాకి బెజవాడ ప్రసన్నకుమార్ మాటలని అందిస్తుండగా ప్రముఖ డాన్స్ మాస్టర్ విజయ్ బిన్నీ దర్శకత్వం వహిస్తున్నారు. శ్రీనివాస సిల్వర్ స్క్రీన్ ప్రతాకం పై శ్రీనివాస చిట్టూరి నిర్మిస్తున్న ఈ చిత్రం మలయాళం మూవీ పోరింజు మరియం జోష్ కి రీమేక్. ఈ సినిమాకి ఆస్కార్ విన్నింగ్ కంపోజర్ ఎం ఎం కీరవాణి బ్యాక్ గ్రౌండ్ స్కోర్ తో మ్యూజిక్ కి మ్యాజిక్ జోడించారు.

Filmy AddaMovie Reviews

NITHIN EXTRA ORDINARY MAN FIRST REVIEW: “ఎక్స్ట్రా ఆర్డినరీ మ్యాన్” ఫస్ట్ రివ్యూ వచ్చేసింది… సినిమా ఎలా ఉందంటే.?

by Harika
written by Harika

యంగ్ హీరో నితిన్ కి హిట్టు వచ్చి చాలా రోజులైంది. అతను నటించిన సినిమాలు వరుసగా ఫ్లాప్ అయ్యాయి. అయినా కూడా ఎక్కడ కాన్ఫిడెన్స్ తగ్గకుండా సినిమాలు చేస్తూనే ఉన్నారు. తాజాగా నితిన్ నటించిన ఎక్స్ట్రా ఆర్డినరీ మ్యాన్ చిత్రం డిసెంబర్ 8వ తారీఖున విడుదల కానుంది. ఈ చిత్రాన్ని వక్కంతం వంశీ డైరెక్ట్ చేశారు.వక్కంతం వంశీకి ఇది రెండవ చిత్రం. వంశీ డైరెక్ట్ చేసిన మొదటి చిత్రం అల్లు అర్జున్ నా పేరు సూర్య ఫ్లాప్ గా మిగిలింది. చాలా రోజులు గ్యాప్ తీసుకుని మళ్ళీ ఎక్స్ట్రా ఆర్డినరీ మ్యాన్ చిత్రంతో ప్రేక్షకుల ముందుకు వస్తున్నారు.

ఈ చిత్రంలో నితిన్ సరసన యంగ్ బ్యూటీ శ్రీ లీల హీరోయిన్ గా నటించారు. ఈ చిత్రంలో రావు రమేష్, బ్రహ్మాజీ తదితరులు కీలకపాత్రలో నటించారు. ఈ చిత్రాన్ని నితిన్ హోమ్ బ్యానర్ నిర్మించింది. యాంగ్రీ యంగ్ మాన్ రాజశేఖర్ ఈ చిత్రంలో కీలకపాత్ర పోషిస్తున్నారు. తమిళ మ్యూజిక్ డైరెక్టర్ హరీస్ జయరాజ్ అందించిన పాటలు ప్రేక్షకులు ఆకట్టుకుంటున్నాయి. అయితే ప్రమోషన్స్ బాగానే చేస్తున్న చిత్రం మీద హైప్ తీసుకురావడంలో మూవీ టీం వెనకబడింది.

అయితే ఈ చిత్రాన్ని తాజాగా ఇండస్ట్రీలో ఉన్న కొద్ది మందికి ప్రీమియర్స్ వేశారట. ఫస్ట్ ఆఫ్ ఎక్స్ట్రార్డినరీగా ఎంటర్టైనింగ్ గా ఉందని టాక్. అయితే సెకండ్ హాఫ్ లో కొద్దిగా బోర్ కొట్టే సన్నివేశాలు ఉన్నాయని మళ్ళీ ఫ్రీ క్లైమాక్స్,క్లైమాక్స్ అద్భుతంగా వచ్చాయని అంటున్నారు. దీంతో నితిన్ ఈసారి హిట్ కొట్టినట్టే అని చెబుతున్నారు. ఈ చిత్రానికి ఫస్ట్ రివ్యూ పాజిటివ్ గా రావడంతో మూవీ టీం కాన్ఫిడెంట్ గా ఉన్నారట. నితిన్ కూడా ఈ సినిమాని చాలా కసిగా ప్రమోట్ చేస్తున్నారు.

అందులోనూ ఇప్పుడు యానిమల్ ఫీవర్ నడుస్తుంది. దానికి తోడు నాని నటించిన హాయ్ నాన్న మూవీ కూడా ఒకరోజు ముందు విడుదలయ్యి మంచి టాక్ సంపాదించుకుంది. ఇలాంటి టైంలో నితిన్ తన సినిమాను ముందుకు తీసుకొస్తున్నారు. ఏది ఏమైనా తక్కువ అంచనాల మధ్య విడుదలై మంచి హిట్ సాధిస్తే ఈ సినిమాకి కలిసొస్తుంది. ఏది ఏమైనా ఈ సినిమాతో నితిన్ హిట్టు కొట్టి సక్సెస్ ట్రాక్ లోకి రావాలని ఆశిద్దాం.

Filmy Adda

“త్రిష” కి తండ్రిగా, మామగా, ప్రేమించిన వ్యక్తిగా నటించిన… ఒకే ఒక్క నటుడు ఎవరో తెలుసా..?

by Harika
written by Harika

తమిళ్, తెలుగు సినిమాల్లో ఎన్నో సంవత్సరాల నుండి నటించి స్టార్ హీరోయిన్ గా గుర్తింపు తెచ్చుకుంది త్రిష. త్రిష సినిమాల్లో ఎన్నో పాత్రలలో నటించింది. కానీ ఒకే యాక్టర్ త్రిషకీ నాన్నగా, మామగా, లవర్ గా, అన్నగా నటించాడు. ఇంతకి ఆ నటుడు ఎవరో తెలుసా ప్రకాష్ రాజ్.

ప్రకాష్ రాజ్ సౌత్ సినీ ఇండస్ట్రీలో విలక్షణ నటుడిగా ప్రత్యేక ఇమేజ్ ను తెచ్చుకున్నారు. రెండు వందల చిత్రాలకు పైగా నటించారు. 5 భారతీయ భాషల మీద పట్టున్న యాక్టర్. ఇప్పటివరకు నాలుగు నేషనల్ అవార్డ్స్ ని అందుకున్నారు. తెలుగు,మళయాళం, కన్నడ,తమిళ్, హింది భాషా చిత్రాలలో నటించారు. హీరోగా, విలన్ గా, క్యారెక్టర్ ఆర్టిస్ట్ గా ఏ పాత్ర చేసిన అందులో ఒదిగిన తీరు ఆకట్టుకుంటుంది. ఎక్కువగా తండ్రి పాత్రల్లో నటించారు.ఇక నటుడిగానే కాకుండా దర్శకుడిగా, నిర్మాతగా వ్యవహరించారు.ఇక చెన్నై బ్యూటి త్రిష ఇండస్ట్రీకి ఇచ్చి ఇరవైమూడు ఏళ్లు గడుస్తున్నా వన్నె తరగని అందంతో ఇంకా నటిస్తూనే ఉంది. హీరోయిన్స్ పది ఏళ్లలోనే పరిశ్రమ నుండి ఫేడ్‌ అవుట్ అయ్యే రోజుల్లో కూడా 23 ఏళ్లుగా అగ్ర నటిగా నిలదొక్కుకున్న ఘనత త్రిషాకే దక్కింది. ఆ మధ్య సరైన హిట్స్ లేక కాస్త వెనక్కి తగ్గిన ఆమె ps-1 సినిమాతో కమ్‌బ్యాక్‌ అయ్యింది. మణిరత్నం దర్శకత్వంలో వచ్చిన ఈ సినిమా త్రిష కెరీర్‌ను మళ్ళీ మలుపు తిప్పింది. కుందవై యువరాణి పాత్రలో అద్భుతంగా నటించి మ్యాజిక్‌ చేసింది.trisha-prakash-raj-telugu-adda2ఇక అసలు విషయంలోకి వస్తే త్రిష, ప్రకాష్ రాజ్ కలిసి ఎన్నో సినిమాల్లో నటించారు.కానీ ఒకే హీరోయిన్ కి లవర్ గా, మామగా, నాన్నగా, అన్నగా ఇలా అన్ని పాత్రల్లోనూ చేసిన ఒకే ఒక నటుడు ప్రకాష్ రాజ్, ఆ హీరోయిన్ త్రిష. ఇలా వీరు నటించిన ఆ సినిమాల్లో వీరిద్దరూ పోటీ పడి నటించారు. ఆ ఘనత విరిద్దరికే దక్కుతుంది. ఆకాశమంతా సినిమాలో తండ్రి కూతుర్లుగా జీవించారు. నువ్వొస్తానంటే నేనొద్దంటానా మూవీలో త్రిష ప్రేమించిన అబ్బాయి తండ్రిగా, కాబోయే కోడలికి మంచితనం గుర్తించే మామగా, సైనికుడు సినిమాలో విలన్ బావమరిదిగా, త్రిషకి వరుసకి అన్నగా చేసాడు.తమిళంలో విజయ్‌ హీరోగా వచ్చిన గిల్లీ సినిమా,ఇది తెలుగులో మహేశ్‌ ‘ఒక్కడు’ సినిమాకి రీమేక్‌. ఇక్కడ హీరోయిన్ గా భూమిక నటించగా, తమిళ్ లో త్రిష నటించింది.త్రిషను ప్రేమించే విలన్ గా రెండు చోట్లా ప్రకాష్ రాజ్ నటించాడు. ఇలా తండ్రీ కూతుళ్లు గా, నాయికా ప్రతినాయకులుగా ఎలా కనిపించినా కూడా ప్రకాశ్‌రాజ్‌, త్రిష కాంబోను ఇటు తెలుగు ఆడియెన్స్ , అటు తమిళ ఆడియెన్స్ ఆదరించారు. తాజాగా వీరిద్దరు ముఖ్య పాత్రలు పోషించిన ‘పొన్నియిన్‌ సెల్వన్‌ 1’సూపర్ హిట్ అయ్యింది.

NewsPolitics

CM REVANTH REDDY FIRST SIGN: మాట నిలబెట్టుకున్న రేవంత్ రెడ్డి…సీఎం గా తొలి సంతకం ఆ ఫైల్ పైనే.!

by Harika
written by Harika

ప్రస్తుతం తెలంగాణ రాజకీయాలలో ఎక్కువగా వినిపిస్తున్న పేరు రేవంత్ రెడ్డి. ఈ పేరు ఏపీ రాజకీయాలలో కూడా ఎక్కువగా వినిపిస్తున్న విషయం తెలిసిందే. ఇటీవల తెలంగాణలో జరిగిన ఎన్నికలలో భారీ మెజారిటీతో గెలుపొందారు రేవంత్ రెడ్డి. దీంతో అప్పటినుంచి కాంగ్రెస్ పార్టీలో అంబరాలు సంబరాలు అంటుతున్నాయి. ఇది ఇలా ఉంటే తాజాగా తెలంగాణ ముఖ్యమంత్రిగా రేవంత్ రెడ్డి ప్రమాణస్వీకారం చేశారు. అనంతరం ఎల్బీ స్టేడియంలో నిర్వహించిన బహిరంగ సభలో చాలా సేపు ప్రసంగించారు. ఈ సందర్భంగా రేవంత్ రెడ్డి మాట్లాడుతూ.. తెలంగాణ ప్రభుత్వంలో ప్రజలే భాగస్వామ్యులు.

మేము పాలకులం కాదు. ప్రజా సేవకులం. ప్రజలు ప్రగతి భవన్ కు రావచ్చుఅని తెలిపారు రేవంత్ రెడ్డి. ప్రజాభవన్ లో ప్రజా పరిపాలన అందిస్తాము. ప్రజాభవన్ కు ప్రజలు ఎప్పుడైనా రావచ్చు. కాంగ్రెస్ సమిధిగా మారి తెలంగాణ ఇచ్చింది. అమరవీరుల ఆకాంక్షలను నెరవేరుస్తాం అని సీఎం రేవంత్ రెడ్డి తెలిపారు. ప్రసంగం ముగిసిన తర్వాత రేవంత్ రెడ్డి ముందుగా మాట ఇచ్చిన ప్రకారం ఆరు గ్యారెంటీల అభయ హస్తం అమలు ఫైలుపై తొలి సంతకం చేశారు. అనంతరం రజిని అనే దివ్యాంగురాలికి ఉద్యోగాన్ని కల్పిస్తూ సంతకం చేశారు.

రేవంత్ రెడ్డి మాట ఇచ్చిన ప్రకారం,తొలి సంతకం అభయహస్తం ఫైలుపై చేయడంతో పాటు రజిని అనే దివ్యాంగురాలికి ఉద్యోగం కల్పిస్తూ సంతకం చేసి ఇచ్చిన మాట నిలబెట్టుకున్నారు. కాంగ్రెస్ పార్టీ ఎన్నికలకు ముందు మేనిఫెస్టోలో ఆరు గ్యారెంటీలను ప్రకటించింది. కాగా ఉద్యోగం కల్పించాలని రజిని అనే దివ్యాంగురాలు కొంతకాలం క్రితం గాంధీభవన్ లో కలిసి రేవంత్ ను కోరగా కాంగ్రెస్ ప్రభుత్వం అధికారంలోకి రాగానే ఉద్యోగం ఇస్తానని హామీనిచ్చారు. ఇచ్చిన మాట ప్రకారమే రజిని అనే దివ్యంగురాలికి ఉద్యోగం కల్పిస్తూ ఫైలుపై సంతకం చేశారు.

Filmy Adda

Calling Sahasra Collections: సుడిగాలి సుధీర్ కాలింగ్ సహస్ర మూవీ ఫైవ్ డేస్ కలెక్షన్స్…!

by Harika
written by Harika

జబర్దస్త్ కమెడియన్ సుడిగాలి సుధీర్ హీరోగా తెరకెక్కిన మూవీ కాలింగ్ సహస్ర.షాడో మీడియా ప్రొడక్ష‌న్స్‌, రాధా ఆర్ట్స్ బ్యానర్ల పై విజేష్ త‌యాల్‌, చిరంజీవి ప‌మిడి, వెంక‌టేశ్వ‌ర్లు కాటూరి ఈ చిత్రాన్ని నిర్మించారు. అరుణ్ విక్కిరాలా దర్శకత్వం వహించిన ఈ సినిమాలో డాలీషా హీరోయిన్‌గా నటించింది. డిసెంబ‌ర్ 1న ఈ సినిమా రిలీజ్ అయ్యింది. టీజర్, ట్రైలర్.. కొత్తగా ఉన్నాయి. ఒక సస్పెన్స్ థ్రిల్లర్ గా ఈ మూవీ తరికెక్కింది. ఎంచుకున్న కదా బాగానే ఉన్న దాన్ని దర్శకుడు తెరమీద ప్రజలు చేయడంలో విఫలమయ్యాడు. దీంతో ఈ సినిమాకి మొదటి రోజు నుండి కూడా నెగిటివ్ టాక్ వచ్చింది. ఒకసారి ఈ సినిమా 5 డేస్ కలెక్షన్స్ పరిశీలిస్తే…

మొదటి రోజు ఈ సినిమాకి నెగిటివ్ టాక్ వచ్చింది. దీంతో ఓపెనింగ్స్ ఆశించిన స్థాయిలో నమోదు కాలేదు. వీక్ డేస్ లో ఈ మూవీ మరింత దారుణంగా కలెక్ట్ చేస్తుంది అని చెప్పాలి.ఒకసారి 5 డేస్ కలెక్షన్స్ ను గమనిస్తే …నైజాంలో 0.15 కోట్లు వసూలు చేసింది.సీడెడ్ లో అయితే 0.08కోట్లు, ఆంధ్రలో 0.14 కోట్లు వసూలు సాధించింది. ఏపీ + తెలంగాణ కలిపి 0.37 కోట్లు, రెస్ట్ ఆఫ్ ఇండియా+ ఓవర్సీస్ కలిపి 0.04 కోట్లు…మొత్తంగా వరల్డ్ వైడ్(టోటల్)0.41 కలెక్షన్స్ సాధించింది.

కాలింగ్ సహస్ర’ చిత్రానికి రూ.2.5 కోట్ల థియేట్రికల్ బిజినెస్ జరిగింది. ఈ మూవీ బ్రేక్ ఈవెన్ కావాలంటే రూ.2.8 కోట్ల షేర్ ను రాబట్టాలి. 5 డేస్ పూర్తయ్యేసరికి ఈ సినిమా కేవలం రూ.0.41 కోట్ల షేర్ ను రాబట్టింది. బ్రేక్ ఈవెన్ కి మరో 2.39 కోట్ల షేర్ ను రాబట్టాల్సి ఉంది. ప్రజెంట్ రిలీజ్ అయిన సినిమాలు హడావిడితో పోలిస్తే ఇది చాలా కష్టం. ఫైనల్ గా కాలింగ్ సహస్ర మూవీ ఫ్లాప్ గా మిగిలిపోయింది.

Politics

అందరు దైవ సాక్షిగా అని ప్రమాణం చేస్తే…సీతక్క మాత్రం ఏమని ప్రమాణం చేసారంటే.?

by Harika
written by Harika

ఇవాళ తెలంగాణ ముఖ్యమంత్రి రేవంత్ రెడ్డి ప్రమాణ స్వీకారం జరిగింది. రేవంత్ రెడ్డితో పాటు సహ మంత్రులు అంతా కూడా ఇవాళ ప్రమాణ స్వీకారం చేశారు. అయితే అందరూ కూడా దైవ సాక్షిగా తమ ప్రమాణ స్వీకారాన్ని చేస్తున్నట్టు చెప్పి ప్రమాణస్వీకారాన్ని చదివారు.

కానీ పొంగులేటి శ్రీనివాసరెడ్డి మాత్రం దైవసాక్షి అని కాకుండా, పవిత్ర హృదయంతో అని చెబుతూ ప్రమాణం చేశారు. మంత్రిగా ప్రమాణ స్వీకారం చేసిన దనసరి అనసూయ అలియాస్ సీతక్క కూడా పవిత్ర హృదయంతో అని ప్రమాణస్వీకారం చేశారు.

public response for seethakka oath

అయితే వీరందరూ తెలుగులోనే ప్రమాణ స్వీకారం చేశారు. కానీ దామోదర రాజనర్సింహ మాత్రం ఇంగ్లీష్ లో ప్రమాణ స్వీకారం చేశారు. రేవంత్ రెడ్డి ప్రమాణ స్వీకారం చేస్తున్నప్పుడు, “రేవంత్ రెడ్డి అనే నేను” అని అనడంతో ఎల్పీ స్టేడియం మొత్తం మోత మోగిపోయింది. తర్వాత కొంత మంది మంత్రులు ప్రమాణ స్వీకారం చేశారు. ఆ తర్వాత ఎనిమిదవ మంత్రిగా సీతక్క వచ్చారు. సీతక్కని చూసిన ప్రజలు, కాంగ్రెస్ నాయకులు చప్పట్లు కొట్టారు. సీతక్క అందరికీ అభివాదం చేశారు.

public response for seethakka oath

ఆ తరువాత గవర్నర్ తమిళిసై వచ్చి, “తమిళిసై అనే నేను” అని అన్నా కూడా అక్కడ ప్రజల అరుపులు ఏమాత్రం తగ్గలేదు. దాంతో సీతక్క మళ్ళీ వచ్చి అభివాదం చేశారు. అప్పటికే ఆలస్యం అవుతుండడంతో గవర్నర్ జోక్యం చేసుకొని ప్రమాణ స్వీకారం చేయాలి అన్నట్టుగా సైగ చేశారు. దాంతో సీతక్క వచ్చి, “దనసరి అనసూయ సీతక్క అనే నేను” అన్నారు.

public response for seethakka oath

ఇలా చెప్పిన తర్వాత అంతా అరుపులతో హోరెత్తిపోయింది. ఒక రకంగా చెప్పాలి అంటే రేవంత్ రెడ్డి ప్రమాణ స్వీకారం చేస్తున్నప్పటి కంటే, సీతక్క ప్రమాణ స్వీకారం చేస్తున్నప్పుడే ప్రజల అరుపులు ఇంకా ఎక్కువగా ఉన్నాయి. ఇది చూసిన వారు అందరూ కూడా, “బాహుబలి రేంజ్ లో సీతక్కకి అభిమానులు ఉన్నారు. సీతక్క ప్రమాణస్వీకారం చూస్తూ ఉంటే బాహుబలి సినిమాలో అమరేంద్ర “బాహుబలి అనే నేను” అంటూ ప్రభాస్ చేసే సీన్ గుర్తొచ్చింది” అంటూ కామెంట్స్ చేస్తున్నారు.

watch video :

ALSO READ : ఏడుసార్లు ఎమ్మెల్యేగా గెలిచిన అభ్యర్థిపై గెలిచిన ఓ రోజు కూలి…ఇది కదా గెలుపంటే.?

Newer Posts
Older Posts